နိုဝင်ဘာ ၂၇၊ ၂၀၁၆
M-Media
– IS က မူဆိုးလ်မြို့ကို သိမ်းပိုက်ခဲ့ပြီးတဲ့နောက် တစ်စိတ်တစ်ပိုင်း ဖျက်ဆီးခဲ့တဲ့ သမိုင်းဝင် ခရစ်ယာန်ဘုရားကျောင်းတစ်ခုကို အီရတ်စစ်တပ်က ပြန်လည်ရယူကာ ခရစ်ယာန်ဘာသာဝင်တွေလက်ထဲကို ပြန်လည်အပ်နှံခဲ့တယ်လို့ သိရပါတယ်။
Mar Benham လို့ခေါ်တဲ့ ဆီရီအက် ခရစ်ယာန်ဘုရားကျောင်းဖြစ်ပြီး အေဒီ ၄ ရာစုက ဆောက်လုပ်ခဲ့တာဖြစ်ကာ အီရတ်ရဲ့ ဒုတိယမြို့တော်ဖြစ်တဲ့ မူဆိုးလ်မြို့ရဲ့တောင်ဘက် ၃၀ ကီလိုမီတာအကွာမှာ တည်ရှိတာ ဖြစ်ပါတယ်။
၂၀၁၄ ခုနှစ်မှာ IS အကြမ်းဖက်အဖွဲ့က မူဆိုးလ်မြို့ကို သိမ်းပိုက်ခဲ့ပြီးနောက်ပိုင်းမှာတော့ ဒီဘုရားကျောင်း နံရံတွေ၊ ရုပ်တုဆင်းတုတွေကို ဖျက်ဆီးခဲ့ပြီး၊ ၀တ်ပြုသူမဲ့ အဆောက်အဦး ဖြစ်ခဲ့ရပါတယ်။ ဘုရားကျောင်းက ခရစ်ယာန်ဘုန်းတော်ကြီးကလည်း IS နဲ့ဝေးရာကို ထွက်ပြေးခဲ့ရပါတယ်။
ဒါပေမယ့် ပြီးခဲ့တဲ့ တစ်လကျော်လောက်ကတည်းက မူဆိုးလ်မြို့သိမ်းပိုက်ရေး ထိုးစစ်ဆင်ခဲ့တဲ့ အီရတ်စစ်တပ်ဟာ ပြီးခဲ့တဲ့ ရက်ပိုင်းအတွင်း ဒီဘုရားကျောင်းကို သိမ်းပိုက်နိုင်ခဲ့ပြီး တနင်္ဂနွေနေ့မှာတော့ ခရစ်ယာန် လူ့အဖွဲ့အစည်းနဲ့ ဘုန်းတော်ကြီးတွေဆီ ပြန်လည်အပ်နှံခဲ့ပါတယ်။
အဲဒီနောက်မှာတော့ ၂ နှစ်အတွင်း ပထမဆုံးအကြိမ်အဖြစ် ဘုရားကျောင်းကခေါင်းလောင်း မြည်ဟီးခဲ့ပြီး ၀တ်ပြုကိုးကွယ်မှုအစီအစဉ်ကို ဆောင်ရွက်ခဲ့ကြပါတယ်။ ထိုးစစ်မှာ အီရတ်စစ်တပ်နဲ့အတူ ပါဝင်ခဲ့တဲ့ ပြည်သူ့စစ်တွေကတော့ ၀တ်ပြုဆုတောင်းမှု ပြုလုပ်နေချိန်မှာ ရိုင်ဖယ်ကိုင်ပြီး အစောင့်အရှောက် ပေးခဲ့ပါတယ်။
“ကျွန်တော် ၀မ်းနည်းဝမ်းသာ ဖြစ်ရပါတယ်။ ဒီ မြင့်မြတ်ရာနေရာကို ပြန်လာရတဲ့အတွက် ၀မ်းသာပါတယ်။ ကျွန်တော် တစ်နှစ်နဲ့တစ်ဝက်လောက် တာဝန်ယူခဲ့ရတဲ့ ဒီဘုရားကျောင်းကြီးကို ကြည့်ရတာဟာ ထူးခြားဆန်းကျယ်ပါတယ်” လို့ ဘုရားကျောင်းရဲ့ ဒါရုိုက်တာအဖြစ် ဆောင်ရွက်ခဲ့းဖူးသူ အီဆူက ပြောကြားခဲ့ပါတယ်။
“တစ်ချိန်တည်းမှာပဲ ဘုရားကျောင်း ဒီလိုအခြေအနေဆိုးရွားနေတာ၊ ပျက်ဆီးနေတာတွေကို မြင်ရတာ စိတ်မကောင်းဖြစ်မိပါတယ်။ ကျွန်တော့်နှလုံးသားကို နာကျင်စေပါတယ်ဗျာ”
ဒီဘုရားကျောင်းရဲ့အမည်ဟာ ဆီရီအက် ခရစ်ယာန်သူတော်စင်ဖြစ်တဲ့ မာရ်ဘန်ဟမ်ကို အစွဲပြု မှည့်ခေါ်ထားတာဖြစ်ပြီး ဘုရားကျောင်းရဲ့ အဓိကအဆောက်အဦးရှေ့မှာ အဲဒီသူတော်စင်နဲ့ ညီမဖြစ်သူတို့ရဲ့ ဂူဗိမာန်တွေ ရှိနေပါတယ်။
၂၀၁၅ ခုနှစ်က IS က ဒီ ဂူဗိမာန်ကို ဖောက်ခွဲနေတဲ့ ဗီဒီယိုတစ်ခု လွှင့်တင်ခဲ့ပြီး ဒီနေ့မှာတော့ ဂူဗိမာန်ရဲ့ အစိတ်အပိုင်း အနည်းငယ်သာ ကျန်ရှိပါတယ်။
ဒီအကြမ်းဖက်သမားတွေဟာ အက်ဆီရီယန် ရှေ့ဟောင်းမြို့ဖြစ်တဲ့ နင်မ်ရွဒ်၊ ဆီးရီးယား ပါလ်မိုင်ရာမြို့က ဂရီကို-ရိုမန်တွေရဲ့ ရှေးဟောင်း အဆောက်အဦးတွေလို သမိုင်းဝင်နေရာတွေကိုလည်း ဖျက်ဆီးခဲ့ကြပါတယ်။
အီဆူကတော့ လက်ရှိအချိန်မှာ ဒေသက လူ့အဖွဲ့အစည်း ပြန်လည်တည်ဆောက်ရေးဟာ ခက်ခဲမယ်လို့ ဆိုပါတယ်။
“အိမ်တွေကို ပြန်ကြည့်ပါ။ ၅၀ ရာခိုင်နှုန်းလောက် မီးရှို့ခံထားရပါတယ်” လို့ အီဆူက ဆိုပြီး ပြီးခဲ့တဲ့နှစ်တွေအတွင်းမှာ သူတို့လူ့အဖွဲ့အစည်းဟာ ကျူးလွန်မှုတွေ ခံထားရတာကြောင့် ဘာသာတရားတွေအကြား တင်းမာမှု လျှော့ချရေးဟာ ကြောက်စရာ စမ်းသပ်မှုဖြစ်မယ်လို့လည်း ပြောကြားခဲ့ပါတယ်။
“ခက်ခဲမှာဗျ။ ဒါပေမယ့် ကျွန်တော်တို့မှာ မျှော်လင့်ချက်တွေ ရှိပါတယ်”
ဘုရားကျောင်းကို လှည့်ပတ်ကြည့်ရှုစဉ်အတွင်းမှာ ဦးခေါင်းဖြူဖြူနဲ့ ပိန်ပိန်သွယ်သွယ် ဂိုဏ်းအုပ်ဘုန်းတော်ကြီးကို လည်ပင်းမှာ လက်ဝါးကပ်တိုင်လည်ဆွဲနဲ့ ကျည်ကပ်တွေကို ခါးမှာပတ်ထားတဲ့ လက်နက်ကိုင် ပြည်သူ့စစ်တပ်ဖွဲ့ဝင်တွေက လိုက်ပါ စောင့်ရှောက်ခဲ့ပါတယ်။
သူတို့တွေဟာ IS တပ်ဖွဲ့ကို တွန်းလှန်ဖို့အတွက် နိုင်ငံတစ်ဝှမ်းက ခရစ်ယာန်ဘာသာဝင်တွေ ဖွဲ့စည်းထားတဲ့ Babylon Brigade တပ်ဖွဲ့ဝင်တွေဖြစ်ပြီး ဘုရားကျောင်းဒေသတစ်ဝိုက် ပြန်လည်သိမ်းပိုက်ရေး စစ်ပွဲမှာလည်း အီရတ်စစ်တပ်နဲ့အတူ ပါဝင်ခဲ့ပါတယ်။
Babylon Brigade တပ်ဖွဲ့ဟာ ပြည်သူ့စစ်အဖွဲ့ပေါင်း ၄၀ ပါဝင်ပြီး အကြမ်းဖက်သမားတွေကို တွန်းလှန်နေတဲ့ Popular Mobilisation တပ်ဖွဲ့အောက်မှာ ပါဝင်တိုက်ခိုက်နေပါတယ်။ သူတို့ကတော့ အီရတ်နဲ့ ဆီးရီးယားက IS သိမ်းပိုက်ထားတဲ့ ဘာသာရေးအဆောက်အဦးတွေကို ပြန်လည်ရယူနိုင်တဲ့အချိန်အထိ တိုက်ပွဲဝင်သွားမယ်လို့ ဆိုပါတယ်။
“ဒီလိုဖျက်ဆီးခံနေရတာကို မြင်ရတာ အရမ်းဝမ်းနည်းရပါတယ်။ ဒါပေမယ့် ဒီလိုအောင်မြင်မှုကြောင့် ကျွန်တော်တို့ ပျော်ရွှင်မိပြီး ဒီနေရာမှာ ရပ်နေရတဲ့အတွက်လည်း အရမ်း ပီတိဖြစ်ရပါတယ်။ ခရစ်ယာန်ဘာသာဝင်တွေအနေနဲ့ ဒီနေရာကို ပြန်လာဖို့ မျှော်လင့်ပြီး ပြန်လာဖို့လည်း တိုက်တွန်းပါတယ်။ ကျွန်တော်တို့အဖွဲ့ဟာ အင်အားနည်းပေမယ့် ဒီနေရာကို ပြန်လည်သိမ်းပိုက်နိုင်ခဲ့တယ်ဆိုတာ ကျွန်တော်တို့ ပြသနိုင်ခဲ့ပါတယ်။ လိုအပ်နေတာက ယုံကြည်ချက် ပြည့်ဝတဲ့ နှလုံးသားပါပဲ”
Ref: Khallej Times
