နိုဝင်ဘာ ၂၆၊ ၂၀၁၆
M-Media
– ဖိလစ်ပိုင်နိုင်ငံတောင်ပိုင်းမှ စစ်သွေးကြွအဖွဲ့ အဘူ ဆေယက်ဖ်နှင့် ငြိမ်းချမ်းရေးဆွေးနွေးမှု ပြုလုပ်သွားမည်ဟု ဖိလစ်ပိုင်သမ္မတ ရော်ဒရီဂို ဒူတာတေးက ပြောကြားလိုက်ပြီး ဖက်ဒရယ်စနစ်မှာ ဖြစ်နိုင်ဖွယ်ရာရှိသည့် အဖြေဟု ဆိုသည်။
“ဒီကပြည်သူတွေကို အမြဲတမ်း ဆေးကုနေရတာမျိုး၊ ဒဏ်ရာရနေတာမျိုး ဖြစ်လို့ မရပါဘူး။ ဆွေးနွေးကြရအောင်။ ကျွန်တော်တို့ ပြည်သူတွေကို အခွင့်အရေးတစ်ခု ပေးကြရအောင်” ဟု နိုင်ငံတောင်ပိုင်း ဇမ်ဘိုအန်ဂါ ဆိပ်ကမ်းမြို့ရှိ စစ်ဆေးရုံတွင် ယမန်နေ့ကပြုလုပ်သည့် မိန့်ခွန်း၌ ဒူတာတေးက ပြောကြားခဲ့သည်။
ဖိလစ်ပိုင်အစိုးရမှာ နိုင်ငံ၏ အကြီးဆုံး မွတ်စလင်ပျောက်ကြားအဖွဲ့ဖြစ်သော မိုရို အစ္စလာမ့်မစ်လွတ်မြောက်ရေးတပ်ဦးနှင့် အပစ်ရပ်ထားသည်။ ယခုနှစ် အစောပိုင်းက အဘူဆေယက်ဖ်အဖွဲ့မှာ အယူအဆကို အခြေမခံသည့် အဖွဲ့ဖြစ်သောကြောင့် ငြိမ်းချမ်းရေးဆွေးနွေးမှု ပြုလုပ်မည်မဟုတ်ဟု ဒူတာတေးက ပြောကြားခဲ့သည်။
လေ့လာဆန်းစစ်သူ အများစုကမူ အဘူဆေယက်ဖ်အဖွဲ့မှာ ဘာသာရေးအယူအဆထက် ပြန်ပေးဆွဲခြင်းလုပ်ငန်း လုပ်ကိုင်မှုအပေါ်သာ အဓိက အာရုံစိုက်သည်ဟု မှတ်ချက်ပေးထားသည်။
ယမန်နေ့တွင် ဒူတာတေးက မိမိအနေဖြင့် စစ်ရေးအရ တိုက်ခိုက်မှု ပြုလုပ်နိုင်သော်လည်း စစ်သွေးကြွများ ထိန်းချုပ်ထားသည့်နေရာတွင်ရှိသော ပြည်သူလူထုအား မထိုခိုက်စေချင်ကြောင်း ပြောကြားခဲ့သည်။
“ကျွန်တာ် ကြိုက်သလောက်ဗုံးကြဲလို့ရတယ်ဗျ။ ဒါပေမယ့် နောက်ဆုံးမှာ ဖိလစ်ပိုင်ပြည်သူတွေကို ကျွန်တော် ဘာပြောရမှာလဲ။ ကျွန်တော်တို့ညီအစ်ကိုတွေဖြစ်တဲ့ ယာကန်၊ ဆာမာနဲ့ တူဆွဂ် (မွတ်စလင်တိုင်းရင်းသားမျိုးနွယ်စုများ) တွေ အားလုံးကို ကျွန်တော်တို့ ရှင်းလိုက်ပြီလို့ ပြောရမှာလား။ သူတို့တွေက အကြမ်းဖက်မှုနဲ့ မပတ်သက်သူတွေဗျ”
ထို့ပြင် မိုရို (ဖိလစ်ပိုင်မွတ်စလင်)များ ကိုယ်ပိုင်အုပ်ချုပ်ခွင့် သို့မဟုတ် ဖက်ဒရယ်လိုချင်ပါက မိမိအနေဖြင့် အသင့်ရှိနေကြာင်း သမ္မတက ထည့်သွင်းပြောကြားခဲ့သည်။
၁၉၉၀ ပြည့်နှစ်များက အလ်ကိုင်းဒါးအကူအညီဖြင့် ဖွဲ့စည်းခဲ့သည့် အဘူဆေယက်ဖ်အဖွဲ့ကို အမေရိကန်က နိုင်ငံခြား အကြမ်းဖက်အဖွဲ့အစည်းအဖြစ် ကြေငြာခဲ့သည်။ ၎င်းတို့အဖွဲ့မှာ နိုင်ငံခြားသာများအား ပြန်ပေးဆွဲခြင်း အကြမ်းဖက်တိုက်ခိုက်ခြင်းတို့ကို ပြုလုပ်လေ့ရှိသည်။
Ref: Bangkokpost
