နိုဝင်ဘာ ၁၅၊ ၂၀၁၆
M-Media
– မြိုတော်တိုကျိုမှ မြောက်ဖက် ၂ နာရီခန့်သွားရသည့်နေရာတွင်ရှိပြီး နှစ်ပေါင်း ၇၀ သက်တမ်းရှိပြီဖြစ်သည့် သာမန်စားသောက်ဆိုင်လေးတစ်ခုတွင် ဆိုင်ရှင်က ဂျပန်ရိုးရာ ရာမန်ဆန်ပြုတ်ပန်းကန်များနှင့် ယိုဇာအစာသွတ်မုန့်များကို စားသုံးသူများအား ချပးနေသည်။
ကြက်သား၊ အချဉ်ရည်နှင့် ဟင်းသီးဟင်းရွက်များဖြင့် ပြုလုပ်ရသည့် ရာမန်ဆန်ပြုတ်ကို ဟာလာလ်အသားနှင့် ချက်ပြုထားခြင်းဖြစ်ပြီး ယိုဇာအစာသွတ်မုန်တွင့်လည်း ယခင်ကပြုလုပ်သကဲ့သို့ ၀က်သားမပါတော့။
ဆာနိုမြို့တွင်ရှိပြီး Nikkoken ဟု အမည်ရသည့် အဆိုပါစားသောက်ဆိုင်လေး၏ ပိုင်ရှင်မှာ အသက် ၄၀ အရွယ် မစ္စတာ ဂိုကာဖြစ်သည်။ ထိုဆိုင်၏ တတိယမျိုးဆက်ဖြစ်သော မစ္စတာ ဂိုကာက ဟာလာလ်အစားအသောက်များကို ၂၀၀၀ ခုနှစ်ကတည်းက စတင် ရောင်းချခဲ့ခြင်းဖြစ်သည်။
“ဒီမြို့မှာ ဂီနီနိုင်ငံကလာတဲ့ အာဖရိက ဒရမ်သမားတစ်ယောက်နဲ့ ကျွန်တော် တွေ့တယ်။ မွတ်စလင်တွေအတွက် စားစရာ ဒီမှာဘာရှိလဲလို့ ကျွန်တော့်ကို သူက မေးပါတယ်။ ဒီမေးခွန်းက နိုင်ငံခြား ယဉ်ကျေးမှု၊ ဘာသာတရားနဲ့ပတ်သက်လို့ ကျွန်တော့်ကို စိတ်ဝင်စားစေပါတယ်” ဟု မစ္စတာဂိုကာက ပြောကြားခဲ့သည်။
လက်ရှိ ၎င်းဆိုင်တွင် အစားအသောက် ၂ မျိုးရောင်းချပြီး တစ်မျိုးက ပုံမှန်ဂျပန်စာဖြစ်ကာ နောက်တစ်မျိုးက မွတ်စလင်များနှင့် သင့်တော်သည့် အစားသောက်များဖြစ်သည်။ ထိုအစားအသောက်နှစ်မျိုးအတွက် ပန်းကန်ခွက်ယောက်၊ ကိရိယာတန်ဆာပလာများကို သတ်သတ်ထားပြီး ဟာလာလ် အစားအသောက်ကို သီးသန့် ရောင်းချခြင်းဖြစ်သည်။
တစ်နှစ်လျှင် အနည်းဆုံး မွတ်စလင်တစ်ထောင်ခန့် ၎င်း၏ ဆိုင်တွင် လာရောက်စားသုံးပြီး အင်ဒိုနီးရှား၊ ပါကစ္စတန်နှင့် ဆော်ဒီတို့ကဲ့သို့ နိုင်ငံများမှ မွတ်စလင်များဖြစ်သည်။ ၎င်းတို့က စားသောက်ပြီးသည့်အခါ မစ္စတာဂိုကာ၏ စားသောက်ဆိုင်အတွင်းရှိ ၀ှိုက်ဘုတ်တွင် မှတ်ချက်များ ရေးပေးသွားကြသည်။
ထိုစားသောက်ဆိုင်က မစ္စတာဂိုကာ၏ လုပ်ငန်းများထဲမှ တစ်ခုဖြစ်ပြီး ၎င်းမှာ ဂျပန်နိုင်ငံ၏ ကျေးလက်ဒေသတစ်ဝှမ်းတွင် ဟိုတယ်နှင့် ကာရာအိုကေဆိုင်များလည်း ပိုင်ဆိုင်သည်။ ဂျပန်နိုင်ငံတွင် နေထိုင်သူ၊ လာရောက်လည်ပတ်သူများ မြင့်တက်လာခြင်းကြောင့် ၎င်း၏အခြားလုပ်ငန်းများတွင်လည်း မွတ်စလင်များအတွက် ၀န်ဆောင်မှုပေးလေသည်။
ဂျပန်နိုင်ငံတွင် မွတ်စလင် ၁ သိန်းခန့်ရှိပြီး ၂၀၂၀ အိုလံပစ်ပြိုင်ပွဲ ကျင်းပသည့်အချိန်တွင် မွတ်စလင်ခရီးသွားများမှာ ၁ သန်းအထိ မြင့်တက်လာမည်ဟု မျှော်မှန်းထားသည်။
ဂျပန်အမျိုးသား ခရီးသွားလာရေးအသင်းမှ နောက်ဆုံးထုတ်ပြန်ထားသည့် အချက်အလက်အရ မွတ်စလင်အများစုရှိရာ နိုင်ငံများမှ ခရီးသွားများလာရောက်မှုမှာ သိသိသာသာ မြင့်တက်လာသည်ကို တွေ့ရသည်။
၂၀၁၆ ခုနှစ် ပထမ ၉ လအတွင်းမှာပင် မလေးရှားမှ လာရောက်လည်ပတ်သူပေါင်း ၂၄၉၈၀၀ ရှိနေပြီး ပြီးခဲ့သည့်နှစ် ထိုအချိန်ကထက် ၃၃.၄ ရာခိုင်နှုန်း မြင့်တက်လာခြင်းဖြစ်သည်။ အင်ဒိုနီးရှားမှ လာရောက်လည်ပတ်သူကတော့ ၂၇.၇ ရာခိုင်နှုန်း တက်လာပြီး ၁၈၄၉၀၀ ရှိနေသည်။
မွတ်စလင်များအတွက် ၀င်ဆောင်မှုပေးသည့် Syariah Hotel Fujisan ဟိုတယ်ကို ယခုနှစ် ဇူလိုင်လတွင် ဖူဂျီတောင်ခြေရှိ ကာဝါဂူချီရေကန်အနီးတွင် ဖွင့်လှစ်ခဲ့ပြီး ၀တ်ပြုခန်းတစ်ခန်းပါဝင်ကာ ဟာလာလ်အစားအသောက်များကိုလည်း ရရှိနိုင်သည်။
ဇွန်လကတည်းက ဂျပန်လေကြောင်းလိုင်းများမှာ ပြည်ပခရီးစဉ်များတွင် ဟာလာလ်အသိအမှတ်ပြုလက်မှတ် ရထားသော အစားသောက်များကို ကျွေးမွေးကြသည်။
ကိုဘေးတက္ကသိုလ်နှင့် နာဂိုယာတက္ကသိုလ်တို့ကဲ့သို့ ပညာရေးအသင်းအဖွဲ့များမှာလည်း ကန်တင်းများတွင် ဟာလာလ်အစားအသောက်ရောင်းချသော ဆိုင်များကို ထားပေးထားသည်။
မွတ်စလင်များအတွက် ၀န်ဆောင်မှုပေးသော လုပ်ငန်းများကို ဖော်ပြထားသည့် မြေပုံများကိုလည်း ဆက်ပိုရို၊ ကျိုတိုနှင့် အိုဆာကာကဲ့သို့ မြို့ကြီးများအတွက် ထုတ်ဝေပေးထားပြီး တိုကျိုအတွက်လည်း ပါဝင်သည်။
အဆာကူဆာဒေသရှိ Sekai ကဖေးမှာ ၂၀၁၄ ခုနှစ်မှစ၍ မွတ်စလင်စားသုံးသူများအား ၀န်ဆောင်မှုပေးခဲ့ပြီး အသက် ၃၃ နှစ်အရွယ်ရှိ ဆိုင်မန်နေဂျာ နိုရီတာကာ ရှီဘာယာမာက အစားအသောက်စာရင်းတွင် အတိုးအလျှော့ ပြုလုပ်နိုင်ရန်အတွက် စားသုံးသူများနှင့် နီးနီးကပ်ကပ် ဆက်ဆံ၍ အကြံအဉာဏ်များတောင်းသည်ဟု ဆိုသည်။
ကဖေး၏ ထောင့်တစ်နေရာတွင် မွတ်စလင်များ ဘုရားဝတ်ပြုနိုင်ရန် အခင်းတစ်ခုကိုလည်း ၎င်းက ချထားပေးသည်။
ထိုကဲ့သို့ပင် ကာရာအိုကေဆိုင်များကို ဖွင့်လှစ်သော Manekineko လုပ်ငန်းက နိုင်ငံတစ်ဝှမ်း ၎င်း၏ ဆိုင်ခွဲပေါင်း ၄၀၀ ကျော်တွင် ၈ ခု၌ ဘုရားဝတ်ပြုရန် အခင်းများ ထားပေးထားပြီး တိုကျို ရှင်ဂျူကူ ရပ်ကွက်ရှိ Yotsuya-sanchome ဆိုင်လည်း အပါအ၀င်ဖြစ်သည်။
Manekineko လုပ်ငန်း၏ အရောင်းမြှင့်တင်ရေးတာဝန်ခံ အသက် ၃၄ နှစ်အရွယ် ဒိုက်ကီ ယာမာတာနီက ဂျပန်နိုင်ငံတွင် မွတ်စလင်ခရီးသွားများ၊ ကျောင်းသား မြင့်တက်လာမှုနှင့်အတူ ဈေးကွက်လိုအပ်ချက်ကို သူက မြင်ခဲ့သည်ဟု ဆိုသည်။
Yotsuya-sanchome ကာရာအိုကေဆိုင်မှ ဟာလာလ်အစားအသောက်များကို ပထမဆုံး ၀န်ဆောင်မှုပေးသည့်ဆိုင်ဖြစ်ပြီး ဘင်္ဂလားဒေ့ရ်ှစာဖိုမှူးဖြင့် ဟာလာလ်အစားအသောက်များကို ချက်ပြုတ်ပေးသည်။ ထို့ပြင် အစာသွတ်မုန့်ပွဲကဲ့သို့ လစဉ် အစားအသောက်နှင့်ပတ်သက်သည့် အခမ်းအနားများကိုလည်း ကျင်းပပေးသည်။
အစပထမတွင် ယုံမှားသံသယများ ရှိခဲ့သည်ဟု ယာမာတာနီက ၀န်ခံသည်။
“အကြမ်းဖက်ဝါဒကြောင့် ကြောက်ရွံ့မှုတွေတော့ ရှိတာပေါ့လေ။ ဒါပေမယ့် အခုအချိန်မှာတော့ မွတ်စလင်ခရီးသွားတွေ မြင့်တက်လာတာနဲ့အတူ ဘာသာတရားနဲ့ပတ်သက်ပြီး အသိပညာပေးမှုတွေ၊ သိလိုစိတ်တွေ မြင့်တက်လာပါပြီ” ဟု ယာမာတာနီက ပြောကြားခဲ့သည်။
ခရီးသွားများ မြင့်တက်လာသည့် အကြောင်းအရင်းကြောင့်ပင် မစ္စတာ ရှင်ယာ ယိုကိုယာမာက Hala Media Japan လှုပ်ရှားမှုကို စတင်ခဲ့ပြီး ဂျန်ပန်နိုင်ငံသို့ လာရောက်သည့် မွတ်စလင်များ အခက်အခဲဖြစ်ရသည့်ဟူသော အခြေအနေကို ဖြေရှင်းရန်အတွက် မွတ်စလင်နှင့်သက်ဆိုင်သည့် သတင်းအချက်အလက်များကို ပေးအပ်နေလေသည်။
၎င်း၏ အစားသောက်စာရင်းတွင် ဟာလာလ်လက်မှတ်ရထားသော စားသောက်ဆိုင်များ၊ ဟာလာလ်ဟင်းလျာများ ၀န်ဆောင်မှုပေးသော်လည်း အရက်ရောင်းသည့် စားသောက်ဆိုင်များ၊ မွတ်စလင်ပိုင်ရှင် သို့မဟုတ် စာဖိုးမှူးရှိသည့် စားသောက်ဆိုင်များ စသဖြင့် ခွဲခြားဖော်ပြထားလေသည်။
“ဂျပန်နိုင်ငံရဲ့ ဟလာလ်လှုပ်ရှားမှုဟာ အစပဲ ရှိပါသေးတယ်။ ကျွန်တော်တို့ဟာ မွတ်စလင်တွေကို ကြိုဆိုပါတယ်” ဟု ယိုကိုယာမာက ပြောကြားခဲ့လေသည်။
Ref : Staitstimes
