စက်တင်ဘာ ၂၁၊ ၂၀၁၆
M-Media
– EFL Cup (ယခင်လိဂ်ဖလား) အဖြစ် လိဂ်ဝမ်းကလပ်နှင့် ယှဉ်ပြိုင်ကစားရမည့် မန်ယူအသင်းမှာ ကားပါကင်တွင် သွေးပူလေ့ကျင့်ခန်းဆင်းနေရသည်ဟု ဆိုရှယ်မီဒီယာတွင် လွှင့်တင်ခဲ့သည့် ဓာတ်ပုံများတွင် တွေ့မြင်ရသည်။
ယနေ့ညတွင်ကစားမည့် ထိုပွဲတွင် မန်ယူမှာ Northampton အသင်း အိမ်ကွင်း Sixfields တွင် ကစားရမည်ဖြစ်သောကြောင့် နော့သ်အပ်တန်မြို့သို့ ရောက်ရှိနေသည်။ ၃ ပွဲဆက်တိုက် ရှုံးပွဲကြုံတွေ့မှုကြောင့် ဖိအားများနှင့် ရင်ဆိုင်နေရသည့် မန်ယူမှာ ထိုပွဲအတွက် မြို့တွင်းရှိ ကားပါကင်တစ်ခုတွင် လေ့ကျင်ရမှုက ပရိတ်သတ်များအတွက် မကျေမနပ် ပိုဖြစ်စေမည်ဖြစ်သည်။
မော်ရင်ဟိုဦးဆောင်သည့် မန်ယူအသင်း ကားပါကင်တွင် လေ့ကျင့်နေရသည့် ဓာတ်ပုံများကို Tom ဟုအမည်ပေးထားသည့် Twitter အကောင့်တစ်ခုက လွှင့်တင်ခဲ့ခြင်းဖြစ်ပြီး “ဒီည Northampton အသင်းနဲ့ ကစားရမယ့်ပွဲအတွက် မန်ယူက ကားပါကင်မှာ လေ့ကျင့်နေရတယ်။ လိဂ်ဖလားရဲ့ လှည့်ကွက်လေလား” ဟု ရေးသားခဲ့သည်။
ထိုဓာတ်ပုံများတွင် မန်အယူအသင်းသားများ သွေးပူလေ့ကျင်ခန်း လုပ်နေသည့်ပုံနှင့် မော်ရင်ဟိုက ကြီးကြပ်နေသည့်ပုံတို့ ပါဝင်ခဲ့သည်။
Ref: Goal
