စက်တင်ဘာ ၂၁၊ ၂၀၁၆
M-Media
– ရီပတ်ဘလီကန်ပါတီ၏ အတောင့်တင်းဆုံးအလှူရှင်ဖြစ်ပြီး၊ သဘေထားတင်းမာသည့် ဇီယွန်ဝါဒီတစ်ဦးလည်းဖြစ်သူ ရှဲလ်ဒန် အဒဲလ်ဆန်က ပါတီ၏သမ္မတလောင်းဖြစ်သူ ဒေါ်နယ်လ်ထရမ့်၏ မဲဆွယ်ပွဲများအတွက် ကန်ဒေါ်လာ ၄၅ သန်း ထောက်ပံ့မည်ဟု သိရသည်။
Las Vegas Sands ကာစီနိုလုပ်ငန်း၏ စီအီးအိုဖြစ်သူ အဒဲလ်ဆန်မှာ ဆီးနိတ်လူများစုခေါင်းဆောင် မစ်ခ်ျမက်ကော်နယ်နှင့် ဆက်နွယ်နေသည့် ရီပတ်ဘလီကန်ပါတီ အထူးနိုင်ငံရေးလှုပ်ရှားမှုကော်မတီဖြစ်သော ‘ဆီးနိတ်ခေါင်းဆောင်မှုရံပုံငွေအဖွဲ့’ နှင့် အောက်လွှတ်တော်မှ ‘ခေါင်းဆောင်မှုရန်ပုံငွေအဖွဲ့’ တို့ကိုလည်း ဒေါ်လာ သန်း ၂၀ စီ ထောက်ပံ့ခဲ့သည်။
မေလတွင် အဒဲလ်ဆန်က ၎င်းအနေဖြင့် ထရမ့်ကို ထောက်ခံသည်ဟု ပြောကြားခဲ့ပြီး၊ ငွေကြေးအကူအညီပေးမည်ဟုလည်း ဆိုသည်။ ထရမ့်အား သီးသန့်တွေ့ဆုံမှုတစ်ခုတွင် ၎င်းအနေနှင့် ထရမ့်၏ သမ္မတလောင်းမဲဆွယ်ပွဲ၌ ဒေါ်လာ သန်း ၁၀၀ ကျော် အကူအညီပေးရန် ဆန္ဒရှိကြောင်း ပြောဆိုခဲ့သည်ဟု The New York Times သတင်းစာတွင် ဖော်ပြခဲ့သည်။
ထိုသို့တွေ့ဆုံစဉ် ထရမ့်ကလည်း သမ္မတဖြစ်ပါက မိမိအနေဖြင့် အစ္စရေးနိုင်ငံ လုံခြုံရေးအတွက် ဆောင်ရွက်ပေးမည်ဟု အဒဲလ်ဆန်ကို ကတိပေးခဲ့သည်။ ဇီယွန်ဝါဒီ ဂျူးတစ်ဦးဖြစ်သည့် အဒဲလ်ဆန်မှာ အမေရိကန်ရွေးကောက်ပွဲတွင် မည်သည့်သမ္မတလောင်းကို ထောက်ခံရမည်လဲဟု စဉ်းစားသည့်အခါ အစ္စရေး၏ လုံခြုံရေးက အရေးပါသည့်အချက်ဟု ပြောကြားဖူသည်။
ပါလက်စတိုင်းပိုင်နက်များအား ကျူးကျော်သိမ်းပိုက်ကာ ပါလက်စတိုင်းပြည်သူများကို တရားလက်လွတ် သတ်ဖြတ်နေသည့် အစ္စရေးမှာ အရှေ့အလယ်ပိုင်းတွင် အမေရိကန်၏ အဓိကမဟာမိတ်ဖြစ်ပြီး အမေရိကန်၏ စစ်ရေးထောက်ပံ့ကူညီမှုကို အများဆုံးရရှိသည့်နိုင်ငံလည်းဖြစ်သည်။ အမေရိကန်အနေဖြင့် အစ္စရေး၏ နိုင်ငံတကာဥပေဒကို ချိုးဖောက်သော ထိုလုပ်ရပ်များကို ကန့်ကွက်ရှုတ်ချလေ့ရှိသော်လည်း ထိုကိစ္စများ ရပ်တန့်ရေး လက်တွေ့တွင် ထိရောက်သော ဆောင်ရွက်မှုများ လုပ်ဆောင်ခြင်း မရှိပေ။
Ref : Presstv
