Author: Ko Lay

ရုရှားကမ္ဘာဖလားပြီးပါက နိုင်ငံတကာကစားသမားဘ၀မှ ရူနီ အနားယူမည်

သြဂုတ် ၃၀၊ ၂၀၁၆
M-Media

– ၂၀၁၈ ခုနှစ်တွင် ရုရှား၌ပြုလုပ်မည့် ကမ္ဘာ့ဖလားပြိုင်ပွဲ ပြီးပါက နိုင်ငံတကာ ဘောလုံးသမားဘ၀မှ အနားယူရန် အစီအစဉ်ရှိနေသည်ဟု မန်ယူတိုက်စစ်မှူး ၀ိန်းရူနီက ပြောကြားလိုက်သည်။

ရူနီမှာ အင်္ဂလန်နည်းပြသစ် ဆမ်အလာဒိုက်စ် လက်ထက်တွင်လည်း လက်ရွေးစင်နေရာကို ဆက်လက်ထိန်းသိမ်းထားနိုင်ပြီး လာမည့် တနင်္ဂနွေနေ့ ကမ္ဘာဖလားခြေစစ်ပွဲ ဆလိုဗက်ကီးယားနှင့်ပွဲတွင် အင်္ဂလန်အသင်းအား ဦးဆောင်သွားမည်ဖြစ်သည်။

သို့သော်လည်း လာမည့် ၂၀၁၈ ကမ္ဘာဖလားပွဲမှာ မိမိအတွက် နောက်ဆုံး ဖြစ်မည်ဖြစ်ပြီး နိုင်ငံတကာ ကစားသမားဘ၀မှ အနားယူချိန်တန်ပြီဖြစ်ကြောင်း စိတ်ပိုင်းဖြတ်ထားသည်ဟု ဆိုသည်။

“ကျွန်တော့်ရဲ့ နိုင်ငံတကာ ကစားသမားဘ၀ဟာ အခုအချိန်အထိ တော်တော်လေး ကျေနပ်စရာကောင်းတယ်။ ပွဲတွေအများကြီး ကစားခဲ့ရပြီး မိနစ်တိုင်းအတွက်လည်း ကျွန်တော် ကျေနပ်ပါတယ်။ ဒါပေမယ့် အဆုံးသတ်ချိန်က ရောက်လာမှာပါ။ ကျွန်တော် မအိုသေးပါဘူး။ အသက် ၃၀ ပဲ ရှိပါသေးတယ်။ ရုရှားပြိုင်ပွဲဟာ နိုင်ငံတာကာ ကစားသမားဘ၀ကို နှုတ်ဆက်ဖို့ ကျွန်တော့်အတွက် အချိန်ကောင်းပါပဲ။ ကျွန်တော်ကတော့ ဆုံးဖြတ်ပြီးပါပြီ။ ဒါပေမယ့် ဆမ်အလာဒိုက်စ်အပေါ်မှာ မူတည်ပါတယ်။ ကျွန်တော် နိုင်ငံအသင်းအတွက် ရွေးချယ်ခံရမယ်ဆိုရင် အဲဒီပြိုင်ပွဲဟာ နောက်ဆုံးပွဲ ဖြစ်မှာပါ။ အတက်အကျတွေရှိခဲ့ပေမယ့် ကျွန်တော် ဂုဏ်ယူပါတယ်” ဟု ရူနီက ပြောကြားခဲ့သည်။

ရူနီမှာ အင်္ဂလန်ဘောလုံသမိုင်းတွင် ၅၃ ဂိုးဖြင့် ဂိုးအများဆုံး သွင်းယူထားသည့် ကစားသမားတစ်ဦးဖြစ်ပြီး ပွဲပေါင်း ၁၁၅ ပွဲ ကစားထားပြီးဖြစ်သည်။

Ref: Goal

August 30, 2016
မြန်မာနိုင်ငံတွင် ကလေးလုပ်သား ၁.၃ သန်းကျော် ရှိနေ

သြဂုတ် ၃၀၊ ၂၀၁၆
M-Media

– အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အား ၀န်ကြီးဌာနမှ စစ်တမ်းကောက်ယူမှုအရ မြန်မာနိုင်ငံတွင် ကလေးအလုပ်သမား ၁.၃ သန်း ရှိနေသည်ဟု သိရသည်။

စစ်တမ်းကောက်ယူမှု မှတ်တမ်းများကို ယမန်နေ့က ထုတ်ပြန်ခဲ့ခြင်းဖြစ်ပြီး နိုင်ငံ၏ ကလေးဦးရေမှ ၁၀ ရာခိုင်နှုန်းကျော်မှာ လယ်ယာလုပ်ငန်းကဲ့သို့ မိသားစုစီးပွားရေး လုပ်ငန်းများတွင် အခကြေးငွေမရဘဲ အလုပ်လုပ်ရခြင်းပါအ၀င် နိုင်ငံတစ်ဝှမ်း တရားဝင်နှင့် တရားမ၀င် ကဏ္ဍများတွင် အလုပ်လုပ်နေရခြင်းဖြစ်သည်ဟု ထိုမှတ်တမ်းတွင် ဖော်ပြထားသည်။

အရွယ်မရောက်သေးသော ယောက်ျားလေးများ အလုပ်လုပ်ရမှု အရေအတွက်မှာ ၆၇၆၂၀၈ ဦး ရှိနေပြီး အရွယ်မရော က်သည့် မိန်းကလေးငယ်များ အလုပ်လုပ်ရသည့် အရေအတွက်မှာမူ ၆၀၂၇၀၁ ဦး ရှိနေသည်။ ထိုကဲ့သို့ အလုပ်လုပ်ရသည့် ကလေးငယ်များ၏ ၇၅ ရာခိုင်နှုန်းမှာ အသက် ၁၅နှစ်မှ ၁၇ နှစ်အရွယ်ရှိ ကလေးငယ်များ ဖြစ်သည်။

အဆိုပါ အသက်အရွယ်အပိုင်းအခြားမှာ ကမ္ဘာ့တစ်ဝှမ်းရှိ ဖွံ့ဖြိုးပြီးနှင့် ဖွံ့ဖြိုးဆဲနိုင်ငံ အများစုတွင် အလုပ်လုပ်ခွင့်ပြုသည့် အသက်အပိုင်းအခြား ဖြစ်သည်။

သို့သော်လည်း မြန်မာနိုင်ငံရှိ ကလေးလုပ်သားများ၏ အခြေအနေမှာ ပျမ်းမျှ တစ်ပတ်လျှင် ၅၂ နာရီ အလုပ်လုပ်ရပြီး၊ ၎င်းတို့ထဲမှ ၂၄.၄ ရာခိုင်နှုန်းမှ ၃၃.၆ ရာခိုင်နှုန်းမှာ အလုပ်ကြမ်းသမားအဖြစ် သတ်မှတ်ခံထားရကာ တစ်ပတ်လျှင် နာရီ ၆၀ ထက်ပို၍ အလုပ်လုပ်နေရသည်။

၂၀၁၆ ခုနှစ် ဈေးဆိုင်များနှင့် အလုပ်ဌာနများဆိုင်ရာ ဥပဒေတွင် အသက် ၁၄ နှစ်မှ ၁၆ နှစ်ရှိ လူငယ်များ တစ်နေ့လျှင် ၄ နာရီထက်ပို၍ အလုပ်လုပ်ခြင်းမှာ တရားမ၀င်ဟု သတ်မှတ်ထားသည်။ မြန်မာနိုင်ငံရှိ ကလေးလုပ်သား ၁ သန်းကျော်မှ ၈၀ ရာခိုင်နှုန်းမှာ ကျေးလက်ဒေသများတွင် ဖြစ်သည်။

ကလေးအလုပ်သမားများမှ ၆၀.၅ ရာခိုင်နှုန်းမှာ စိုက်ပျိုးရေး၊ သစ်တောနှင့် ငါးဖမ်းလုပ်ငန်းများတွင် အလုပ်လုပ်နေရပြီး ၁၂ ရာခိုင်နှုန်းမှာ ကုန်ထုတ်လုပ်ငန်းများတွင် ရှိနေကာ၊ ၁၁.၁ ရာခိုင်နှုန်းမှာ ကုန်သွယ်ရေး၊ ၆.၁ ရာခိုင်နှုန်းမှာ ၀န်ဆောင်မှု လုပ်ငန်းများတွင် အသီးသီး လုပ်ကိုင်နေရသည်ဟု ၀န်ကြီးဌာန၏ အစီရင်ခံစာတွင် ဖော်ပြထားသည်။

ထိုကဏ္ဍများတွင် ကလေးအလုပ်သမားများ ရရှိသည့် လုပ်ခလစာမှာ တစ်နာရီလျှင် ကျပ် ၄၀၀ သာ ရှိနေပြီး၊ ၅၇ ရခိုင်နှုန်းမှာ မိသားစုလုပ်ငန်းများတွင် လုပ်ခလစာမရဘဲ လုပ်ကိုင်နေရသည်။

Ref: mmtimes

August 30, 2016
နည်းပညာကို အကျိုးရှိစွာသုံးနိုင်ရေး ပုပ်ရဟန်မင်းကြီးနှင့် ဇူကာဘာ့ဂ်တို့ ဆွေးနွေး

သြဂုတ် ၃၀၊ ၂၀၁၆
M-Media

– ခရစ်ယာန် ကက်သလစ်အသင်းတော်၏ အကြီးအကဲဖြစ်သော ပုပ်ရဟန်းမင်းကြီး ဖရန်စစ်မှာ ယမန်နေ့က Facebook တည်ထောင်သူ မာ့ခ် ဇူကာဘာ့ဂ်နှင့် တွေ့ဆုံခဲ့ပြီး ဆက်သွယ်ရေး နည်းပညာများအား အများအကျိုးအတွက် အသုံးချရေး ဆွေးနွေးခဲ့ကြသည်ဟု သိရသည်။

ဗာတီကန်တွင် တွေ့ဆုံခဲ့ကြခြင်းဖြစ်ပြီး ဆင်းရဲမွဲတွေမှုလျှော့ချရေး၊ တွေဆုံဆွေးနွေးအဖြေရှာမှု ဓလေ့အား တွန်းအားပေးရေး၊ အချို့တဲ့ဆုံးသူများအတွက် မျှော်လင့်ချက်သတင်းစကားပါးရေး စသည့် ကဏ္ဍများအတွက် ဆက်သွယ်ရေးနည်းပညာကို မည်ကဲ့သို့ အသုံးချရမည်ဆိုသည့် ကိစ္စများကို ဆွေးနွေးခဲ့ကြခြင်းဖြစ်သည်ဟု ဗာတီကန် ပြန်ကြားရေးဌာနမှ ဒါရိုက်တာ ဂါ့ဂ်ျ ဘာရ်ကီက ပြောကြားခဲ့သည်။

ဇူကာဘာ့ဂ်မှာ ပုပ်ရဟန်းမင်းကြီးအား ဒရုန်းလေယာဉ်းတစ်စင်း လက်ဆောင်ပေးအပ်ခဲ့ပြီး၊ ၎င်းတို့နှစ်ဦး၏ ဓာတ်ပုံကိုလည်း Facebook စာမျက်နှာတွင် လွှင့်တင်ခဲ့သည်။ ထို့ပြင် မိမိလေးစားသည့် ပုပ်ရဟန်းမင်းကြီးနှင့် တွေ့ဆုံမှုမှာ မိမိအတွက် မမေ့နိုင်မည့် တွေ့ဆုံမှုဖြစ်သည်ဟု ပြောကြားခဲ့သည်။

Ref: huffingtonpost

August 30, 2016
ဟဂ်ျပြုသူများအား ကျန်းမာရေး အသိပညာပေးမှု ဆော်ဒီစတင်

သြဂုတ် ၃၀၊ ၂၀၁၆
M-Media

– ယခုနှစ် ဟဂ်ျရာသီအတွင်း ဘုရားဖူးလာရောက်ကြသူများအား ကျန်းမာရေးအသိပညာများ ဖြန့်ဝေပေးရန်အတွက် ဆော်ဒီကျန်းမာရေးဝန်ကြီးဌာန MoH က ဖွဲ့စည်းပေးထားသည့် ရွေ့လျားအသိပညာပေး အဖွဲ့တစ်ခုမှာ ၎င်းတို့၏ လုပ်ငန်းများကို စတင်နေပြီဟု သိရသည်။

နှစ်စဉ်ပြုလုပ်နေကြ ထိုအစီအစဉ်ကို မက္ကာဟ်၊ မဒီနာ၊ မီနာ၊ မွတ်ဇ်ဒါလီဖာ၊ အာရာဖတ်နှင့် ဂျမာရသ် စသည့် ဒေသများတွင် ပြုလုပ်သွားမည်ဖြစ်ပြီး၊ ဟဂ်ျပြုသူများနေထိုင်ရာ စခန်းအထိ သွားရောက်၍ ကျန်းမာရေးအသိပညာများကို ပေးအပ်မည်ဖြစ်သည်။

ကျန်းမာရေးဝန်ကြီးဌာနမှ တာဝန်ရှိသူတစ်ဦးက ၀န်ကြီးဌာနအနေဖြင့် ဟဂ်ျပြုသူများအတွက် အမြင့်ဆုံးကျန်းမာရေး စောင့်ရှောက်မှုကိုပေးပြီး ၎င်းတို့၏ ကျန်းမာရေးနှင့် ဘေးအန္တရာယ်ကင်းရှင်းရေးအတွက် လူ့စွမ်းအား အရင်းအမြစ်များ၊ ကျန်းမာရေးဝန်ဆောင်မှုများ စသဖြင့် ဘက်ပေါင်းစုံ အသုံးပြုကာ ကူညီဆောင်ရွက်ပေးသွားမည်ဟု ပြောကြားခဲ့သည်။

ကျန်းမာရေးဝန်ကြီးဌာန၏ အဆိုပါ ကျန်းမာရေးအသိပညာပေးလှုပ်ရှားမှုများကို Sanofi ဆေးဝါးကုမ္ပဏီနှင့်အတူ ပူးပေါင်းဆောင်ရွက်ခြင်းဖြစ်သည်။

“Together for a Healthy Pilgrimage” ခေါင်းစဉ်ဖြင့်ပြုလုပ်သည့် အဆိုပါ ကျန်းမာရေး အသိပညာပေးအစီအစဉ်မှာ ဟဂ်ျကာလအတွင်း ဘုရားဖူးခရီးသည်များ ကျန်းမာရေးဆိုင်ရာ လိုအပ်ချက်များနှင့်ပတ်သက်၍ အသိပညာများကို မြှင့်တင်ပေးရန် ရည်ရွယ်ခြင်းဖြစ်သည်။

အသားဝါရောဂါ၊ ဦးနှောက်အမြှေးရောင်ရောဂါ၊ ပိုလီယိုရောဂါတို့ အပါအ၀င် အဖြစ်များသော ရောဂါများအကြောင်း ဟောပြာခြင်း ရာသီအပြောင်းအလွဲကြောင့် ဖြစ်တတ်သည့် တုပ်ကွေးရောဂါအတွက် ကာကွယ်ဆေးများထိုးပေးခြင်း၊ ကျန်းမာရေး ဗဟုသုတ အမှားများအား ပြင်ဆင်ပေးခြင်တို့လည်း ထိုအစီအစဉ်တွင် ပါဝင်မည်ဖြစ်သည်။

ထို့ပြင် ဟဂ်ျကာလအတွင်း ကျန်မာရေးနှင့်ပတ်သက်၍ ဘုရားဖူးများအား ဆဲလ်ဖုန်းများတွင် စာတိုများပေးပို့ကာ အသိပေးမည့် အစီအစဉ်ကိုလည်း ဆော်ဒီအစိုးရက ဆောင်ရွက်ထားပြီး၊ ဘာသာစကား ၁၀ မျိုးဖြင့် ရိုက်နှိပ်ထားသော ကျန်းမာရေး အသိပညာပေး လက်ကမ်းစာစောင်များကိုလည်း ဝေငှသွားမည်ဖြစ်သည်။ ထို့ပြင် ဘုရားဖူးခရီးသည်များ အလွယ်တကူ နားလည်သဘောပေါက်နိုင်ရန်အတွက် ရုပ်ပုံကားချပ်ဖြင့် ဖော်ပြထာသည့် အသိပညာပေး စာစောင်များလည်း ဝေငှရန် ရှိနေသည်။

Ref : IINA

August 30, 2016
စင်ကာပူတွင် ဇီကာကူးစက်မှု ၄၁ ခုရှိ၊ ကူးစက်နိုင်သည့်ဒေသများစာရင်း ထုတ်ပြန်ထား

သြဂုတ် ၂၉၊ ၂၀၁၆
M-Media

– နိုင်ငံအတွင်း ဇီကာဗိုင်းရပ်စ် ကူးစက်ပြန့်နှံမှုမှာ ၄၁ ခုရှိခဲ့သည်ဟု စင်ကာပူ ကျန်းမာရေးဝန်ကြီးဌာန MOH က ယမန်နေ့ သတင်းစာရှင်းလင်းပွဲတွင် ကြေငြာခဲ့သည်။

MOH နှင့် အမျိုးသား သဘာဝပတ်ဝန်းကျင်အေဂျင်စီ NEA တို့က ထိုသတင်းစာရှင်းလင်ပွဲကို ပူးတွဲပြုလုပ်ခြင်းဖြစ်ပြီး ကူးစက်မှုအားလုံးမှာ Aljunied Crescent သို့မဟုတ် Sims Drive ရပ်ကွက်များတွင် အလုပ်လုပ်သူများနှင့် နေုထိုင်သူများဖြစ်ကြသည်ဟု ဆိုသည်။ ၎င်းတို့မှာ မကြာသေးမီကာလအတွင်း ဇီကာဗိုင်းရပ်စ်ပိုးပြန့်နှံရာ ဒေသများသို့ သွားရောက်ခဲ့ခြင်း မရှိသောကြောင့် စင်ကာပူတွင်ပင် ကူးစက်ခြင်းဖြစ်မည်ဟု ယူဆခဲ့သည်။

“ဒီအချက်ကြောင့် Aljunied Crescent နဲ့ Sims Drive ရပ်ကွက်တွေအတွင်း ရောဂါဖြစ်ပွားမှုဟာ ဒေသအတွင်းမှာပဲ ကူးစက်ပြန့်နှံ့ပုံရပါတယ်” ဟု MOH မှ တာဝန်ရှိသူ ပရော်ဖက်ဆာ ဘင်ဂျမန် အွန်က ပြောကြားခဲ့သည်။

ကူးစက်ခံရသူများမှာ 60 Sims Drive ရှိ ဆောက်လုပ်ရေးလုပ်ငန်းများတွင် အလုပ်လုပ်နေသည့် နိုင်ငံခြားအလုပ်သမား ၃၆ ဦး၊ အသက် ၂၁ နှစ်မှ ၆၅ နှစ်အရွယ် စင်ကာပူနိုင်ငံသား အမျိုးသား ၆ ဦးနှင့် အသက် ၄၇ နှစ်အရွယ် မလေးရှားနိုင်ငံသား အမျိုးသမီး ၁ ဦးတို့ဖြစ်သည်။

၎င်းတို့ထဲမှ ၃၄ ဦးမှာ လက်ရှိတွင် လုံးဝ ပြန်လည်သက်သာလာခဲ့ပြီး ရောဂါလက္ခဏာရှိနေသူနှင့် ကူးစက်နိုင်သည့် အလားအလာရှိသူ အခြား ၇ ဦးကိုမူ Tan Tock Seng ဆေးရုံတွင် ကုသမှုများ ပြုလုပ်ပေးနေသည်ဟု MOH က ထည့်သွင်းပြောကြားခဲ့သည်။

MHO ကမူ ရောဂါ ကူးစက်ပြန့်နှံ့မည်ကို စိုးရိမ်ရသည့် ဒေသများကို ကြေငြာခဲ့ပြီး ၎င်းတို့မှာ အောက်ပါအတိုင်းဖြစ်သည်။

1. Khatib Camp
2. Sembawang Drive
3. Kranji Road
4. Joo Chiat Place
5. Senoko South Road
6. Toh Guan Road East
7. Lorong 101 Changi

August 29, 2016