ဇွန် ၃၀၊ ၂၀၁၆
M-Media
တိုက်ခိုက်မှုဖြစ်ပြီးနောက် လုံခြုံရေးယူထားသည့် ရဲများ
– ပဲခူးတိုင်းဒေသကြီး ဝေါမြို့နယ်ရှိ သူရဲသမိန်ကျေးရွာတွင် မွတ်စလင်ရွာသားတစ်ဦး၏ နေအိမ်တွင်းသို့ ၀င်ရောက်လုယက်ခြင်း၊ ဗလီဝတ်ကျောင်းတော်တစ်လုံးအား ဖျက်ဆီးခြင်း၊ အမျိုးသားတစ်ဦးအား လက်ရောက်ကျူးလွန်ခြင်းတို့ ဖြစ်ပွားပြီး တစ်ပတ်ကြာသည်အထိ ရဲတပ်ဖွဲ့က သံသယရှိသူများအား ရှာဖွေဖမ်းဆီးမှုများ မလုပ်သေး။
ဝေါမြို့နယ်ရှိ အစိုးရတာဝန်ရှိသူများကလည်း မိမိတို့အနေဖြင့် စုံစမ်စစ်ဆေးမှုများ မပြုလုပ်ရသေးဟု Myanmar Times သို့ အတည်ပြုပြောကြားခဲ့သည်။ ထိုကဲ့သို့ အရေးယူဆောင်ရွက်မှု မရှိခြင်းက အထက်အာဏာပိုင်များမှ တိုက်ရိုက်ညွှန်ကြားချက် ဖြစ်ပုံရသည်။
“တစ်ကယ်လို့ ကျွန်တော်တို့ အခုအချိန်မှာ အရေးယူလိုက်မယ်ဆိုရင် ပြဿနာကို ရပ်တန့်လို့ရမှာ မဟုတ်ဘဲ၊ အခြေအနေက ပိုဆိုးသွားနိုင်ပါတယ်” ဟု ပဲခူးတိုင်းဒေသကြီး ၀န်ကြီးချုပ် ဦးဝင်းသိန်းက ပြောကြားခဲ့သည်။
မိမိတို့အား စော်ကားနှိမ့်ချသည်ဟု မွတ်စလင်များက မှတ်ယူသည့် ရန်လိုသော Facebook ပို့စ်တစ်ခုက ပြဿနာ၏ အစဖြစ်သည်ဆိုသည့်အချက်ကို သူရဲသမိန်ရွာရှိ လူတိုင်းက လက်ခံကြသည်။ သို့သော်လည်း တိုက်ခိုက်မှု၏ ကြီးကျယ်မှု၊ ရွာအပေါ် ရိုက်ခတ်မှုနှင့်ပတ်သက်၍တော့ အမြင်များ ကွဲပြားနေကြသည်။
နောက်ထပ် ထိုကဲ့သို့ တိုက်ခိုက်မှုဖြစ်မည်ကို ကြောက်ရွံ့ခြင်း၊ အကြမ်းဖက်မှု ထပ်ဖြစ်မည်ဟု ကောလဟာလများ ထွက်ပေါ်နေခြင်းတို့ကြောင့် မွတ်စလင်ရွာသားများမှာ အခြားနေရာများတွင် သွားရောက်ခိုလှုံနေရလေသည်။
လူဦးရေ ၁၅၀၀ ကျော်ရှိသည့် အဆိုပါ ရွာကြီးတွင် မွတ်စလင်အရေအတွက်က ၂၆၈ ဦးရှိသည်။ ၎င်းတို့ထဲမှ ၂၀၀ က တိုက်ခိုက်ခံရမည်ကို စိုးရိမ်သည့်အတွက် အခြားရွာများရှိ ဆွေမျိုးများထံတွင် သွားရောက်ခိုလှုံနေကြသည်။ ရွာခံ ရှေ့ဆောင်အီမာမ်တစ်ဦးက ရမ်ဇာန်ဥပုသ်လ၏ ကျန်ရှိသည့်ရက်များအတွက် ၎င်းတို့တွင် ၀တ်ပြုရာနေရာ မရှိတော့ဟု ဖွင့်ဟ ပြောကြားခဲ့သည်။
သို့သော်လည်း အချို့သော ဗုဒ္ဓဘာသာဝင်အိမ်နီးချင်းများကတော့ ထိုတိုက်ခိုက်မှုက အဘယ့်ကြောင့် ဆိုးဝါးသည့် ကိစ္စတစ်ခုအဖြစ် သတ်မှတ်ခံရပြီး၊ နိုင်ငံအတွင်းရှိ ဗုဒ္ဓဘာသာနှင့် မွတ်စလင်လူ့အဖွဲအစည်းအကြား နောက်ထပ် ပေါက်ကွဲနိုင်သည့် စိတ်ဝမ်းကွဲမှုအဖြစ် နိုင်ငံတကာက မှတ်ယူနေကြသည်ကို နားမလည်နိုင်ဖြစ်နေကြသည်။
“ကျွန်တော်တို့ (ဗုဒ္ဓဘာသာဝင်တွေနဲ့ မွတ်စလင်တွေ) ဟာ ဒီမှာ နှစ်ပေါင်းများစွာ အတူတကွ နေထိုင်လာခဲ့ကြတာပါ။ ကျွန်တော်တို့ဟာ မိတ်ဆွေ၊ သူငယ်ချင်းတွေပါ။ ဒီပြဿနာဟာ ရရှစ်ကိုပဲ ထိခိုက်တာပါ။ အခြား မွတ်စလင်ရွာသားတွေကို မထိခိုက်ပါဘူး” ဟု သူရဲသမိန်ရွာသားတစ်ဦးဖြစ်သူ ဦးထွန်းလွင်က ပြောကြားခဲ့သည်။
ထို့ပြင် အဘ်ဒူလ်ရရှစ်မှာ ၎င်းစိုက်ပျိုးခဲ့သည်များကို ရိပ်သိမ်းရခြင်းဖြစ်သည်ဟု ယုံကြည်ကြောင်း ၎င်းက ထပ်လောင်းပြောဆိုခဲ့သည်။
အဆိုပါပြဿနာမှာ ဇွန်လ ၂၁ ရက်နေ့တွင် ဆိုရှယ်မီဒီယာမှ စတင်ခဲ့ခြင်းဖြစ်သည်။ ရွာသားတစ်ဦးက ရွာတွင်ဆောက်နေသော အဆောက်ဦးတစ်ခုကို ဆိုရှယ်မီဒီယာတွင်တင်ကာ ဗလီတစ်လုံးဟု စွပ်စွဲပြီး အာဏာပိုင်များအနေဖြင့် ထိုအဆောက်အဦးကို အဘယ့်ကြောင့် မတားဆီးရသလဲဆိုသည်ကို သိလိုသည်ဟု တောင်းဆိုခဲ့သည်။
ဖျက်ဆီးခံခဲ့ရသည့် နေရာတစ်ခု
ထိုမေးခွန်းထုတ်ခံရသည့် အဆောက်အဦးကို ဆောက်လုပ်သူ အဘ်ဒူလ်ရရှစ်က ထိုကဲ့သို့ လွှင့်တင်မှုအတွက် အိမ်နီးချင်းများကို ကြိမ်းမောင်းပြောဆိုလေသည်။ ၂ ရက်တာကြာမြင့်ခဲ့ပြီးနောက် လူအုပ်ကြီး၏ တိုက်ခိုက်မှု ပေါ်ထွက်လာခဲ့ပြီး အဘ်ဒူလ် ရရှစ်၏ နေအိမ် ဖြိုဖျက်ခံခဲ့ရသလို၊ ရွာရှိ ဗလီမှာလည်း ဖျက်ဆီးခံခဲ့ရသည်။ ဂိုထောင်အဖြစ် အသုံးပြုမည်ဟုဆိုသည့် ဆောက်လုပ်ဆဲ အဆိုပါအဆောက်အဦးနှင့် မွတ်စလင်သင်္ချိုင်းမှာလည်း ထိုဖျက်ဆီးမှုတွင် အဆစ်ပါသွားခဲ့သည်။ အဘ်ဒူလ် ရရှစ်ကတော့ လက်ကောက်ဝတ်နှင့် ဦးခေါင်း ဘယ်ဖက်ဂျိုဇောင်းတွင် ဒဏ်ရာရရှိခဲ့ပြီး ဆေးရုံတင်ခဲ့ရလေသည်။
“သူက လူတွေကို မတရား ကြိမ်းမောင်းဆဲဆိုတာကြောင့် ရွာသားတွေက မခံမရပ်နိုင်ဖြစ်တာပါ။ သူတို့တွေ ရရှစ်ရဲ့အိမ်၊ ဂိုထောင်နဲ့ ဗလီကိုပါ ဖျက်ဆီးလိုက်တယ်။ ကျွန်တော်ကတော့ ဒါ မှားတယ်လို့ မထင်ပါဘူး” ဟု ဦးထွန်းလွင်က ပြောကြားခဲ့သည်။
ထိုအကြမ်းဖက်မှု ဖြစ်ပွားပြီးနောက်ပိုင်း ရွာတွင် တည်ငြိမ်အေးချမ်းရေးအတွက် ရဲတပ်ဖွဲ့ ၅၀ ကျော်ကို ချထားသည်ဟု ဝေါမြို့နယ် ရဲတပ်ဖွဲ့အကြီးအကဲ ဦးအုန်းလွင်ကဆိုပြီး နောက်ထပ် ပဋိပက္ခဖြစ်ပွားပါက သူရဲသမိန်ရွာ၏ ဂုဏ်သိက္ခာကို ထိခိုက်ပျက်ဆီးနိုင်သည်ဟု ပြောကြားခဲ့သည်။
ရရှစ်၏ အိမ်အပြင်ဘက်တွင် ရဲတပ်ဖွဲ့ဝင် ၂ ဦးကို ချထားပြီး ရရှစ်ကတော့ ၎င်း၏ လုံခြုံရေးအတွက် ရဲတပ်ဖွဲ့၏ ထိန်းသိမ်းမှုအောက်တွင် နေထိုင်နေရသည်ဟု ဒေသတာဝန်ရှိသူများက ပြောကြားခဲ့သည်။ ကျေးရွာရဲကင်းက လက်ရှိအချိန်တွင် သတင်းထောက်များအနေဖြင့် ရရှစ်နှင့် တွေ့နိုင်မည်မဟုတ်ဟု ဆိုသည်။ တိုက်ခိုက်မှုဖြစ်ပွားကတည်းက ရရှစ်ကို မတွေ့ရတော့ဟု ၎င်း၏ မိသားစုက ပြောကြားခဲ့သည်။
“ရဲတပ်ဖွဲ့က လုံခြုံရေးအတွက် ရှိနေတာပါ။ ကျွန်မတို့ကို မေးတာမြန်းတာမျိုး မရှိပါဘူး။ ကျွန်မတို့ ဘာမှ အမှားမလုပ်ထားတဲ့အတွက် အရေးယူခံရမှာကိုလည်း မစိုးရိမ်ပါဘူး” ဟု ဗုဒ္ဓဘာသာဝင်ရွာသူတစ်ဦးဖြစ်သူ ဒေါ်ခင်မျိုးအေးက ပြောကြားခဲ့သည်။
အကယ်၍ ထိုအဖြစ်အတွက် နောက်ဆက်တွဲရလဒ်ကို ရင်ဆိုင်ရမည်ဆိုပါက ထိုလူမှာ ရွာသားများကို ဆဲဆိုကြိမ်းမောင်း၍ ပြဿနာလုပ်ခဲ့သူပင် ဖြစ်ရမည်ဟု သူမက ထပ်လောင်းပြောကြားခဲ့သည်။
“ဗလီဖြိုခံခဲ့ရတဲ့အတွက် ဘယ်သူ့ကို အပြစ်တင်ရမလဲ။ ရွာသားတွေက တအားဒေါသထွက်နေလို့ ဒီလိုလုပ်လိုက်ကြတာပါ”
အဘ်ဒူလ်ရရှစ်၏ ဖခင်ဖြစ်သူ ဦးအီဘရာဟင်က အငြင်းပွားမှုကို သင့်တော်သည့်နည်းလမ်းများဖြင့် ဖြေရှင်းရမည့်အစား ဗုဒ္ဓဘာသာဝင်နှင့် မွတ်စလင်များအကြား ထိုကဲ့သို့ အကြမ်းဖက်မှု ဖြစ်ပွားခဲ့သည့်အတွက် အလွန်တုန်လှုပ်မိသည်ဟု ဆိုသည်။
“ရရှစ်ကြိမ်းမောင်းလို့ သူတို့ မကျေနပ်ဘူးဆိုရင် ရဲတိုင်နိုင်တာပဲလေ။ ဥပဒေနည်းလမ်းတွေအရ သူတို့ အကူအညီ ရယူရမှာပေါ့။ ဒါပေမယ့် ကျွန်တော်တို့အိမ်ကို သူတို့ ဖျက်ဆီးတယ်။ ကျွန်တော်တို့ ပိုက်ဆံတွေနဲ့ လက်ဝက်လက်စားတွေကိုလည်း ယူသွားတယ်။ ကျွန်တော်ကတော့ ဒါဟာ သက်သက်အနိုင်ကျင့်တာလို့ ထင်ပါတယ်” ဟု ဦးအီဘရာဟင်က ပြောကြားခဲ့သည်။
ထိုပြဿနာ၏ နောက်ဆက်တွဲရလဒ်များကို မိမိတို့မိသားစုမှ ကျော်လွန်ကာ တစ်ခြားသူများ ခံစားခဲ့ကြရပြီး ရွာရှိ မွတ်စလင်များမှာ ၎င်းတို့၏ အသက်အိုးအိမ်အတွက် စိုးရိမ်သောကြောင့်၊ နေအိမ်များကို စွန့်ခွာခဲ့ရသည်၏ ၎င်းက ထပ်လောင်းပြောကြားခဲ့သည်။
ပြဿနာမှာ မှားယွင်းသည့်စွပ်စွဲမှုများကြောင့် စတင်ခဲ့ခြင်းဖြစ်သည်ဟုလည်း ဦးအီဘရာဟင်က ဆိုသည်။ ရရှစ်ဆောက်လုပ်နေသည့် အဆောက်ဦးက ၎င်း၏ အိမ်ဆောက်ပစ္စည်းရောင်းဝယ်ရေး လုပ်ငန်းအတွက် ပစ္စည်းများထားရှိရန် ရည်ရွယ်ခြင်းဖြစ်သည်။
“ဗလီမှာ ဘုရားဝတ်ပြုဖို့ လာသူက ၁၀ ယောက်တောင်မပြည့်ပါဘူး။ ဘာ့ကြောင့် ကျွန်တော်တို့က နောက်ထပ် ဗလီတစ်လုံး ထပ်ဆောက်ရမှာလဲ” ဟု ဦးအီဘရာဟင်က ဆိုသည်။
ရွာရှိဗလီမှ ရှေ့ဆောင်အီမာမ်တစ်ဦးဖြစ်သူ ဦးဒူးက မွတ်စလင်များ အိုးအိမ်စွန့်ခွာထွက်ပြေးနေရမှုမှာ ယာယီသာဖြစ်မည်ဟု မျှော်လင့်ကြောင်း ပြောကြားခဲ့သည်။
“ရမ်ဇာန်ဥပုသ်လရဲ့ ကျန်တဲ့ရက်တွေမှာ သူတို့တွေဟာ ဆွေမျိုးတွေအိမ်မှာ သွားနေကြပါတယ်။ သူတို့က ကြောက်ရွံ့နေကြတယ်။ တိုက်ခိုက်မှုဖြစ်ပြီးနောက်ပိုင်း သူတို့ဟာ ၂ ရက်လောက် ရဲစခန်းမှာ သွားအိပ်ခဲ့ရတယ်လေ”
ပဲခူးတိုင်းဒေသကြီး ၀န်ကြီးချုပ် ဦးဝင်းသိန်းကတော့ မိမိတို့အစိုးရမှာ ဖျက်ဆီးခံရသည့်ဗလီ ပြုပြင်ရေး ကူညီသွားမည်ဖြစ်ပြီး ယခုလက်ရှိတွင် မွတ်စလင်များအနေဖြင့် အိမ်တစ်လုံးတွင် စုးပေါင်းဝတ်ပြုကြရန် အကြံပြုခဲ့သည်ဟု ဆိုသည်။
သူရဲသမိန်ရွာမှ ရွာသားအများစု၏ နေ့စဉ်ဘ၀မှာ ပုံမှန်ပြန်ဖြစ်နေပုံရသော်လည်း တင်းမာမှုများကတော့ တမြုံ့မြုံ့ ဆက်လက်ရှိနေဆဲဖြစ်ကာ လူတော်တော်များများမှာလည်း အိုးအိမ်စွန့်ခွာ ထွက်ပြေးနေရသည်။ တိုင်းဒေသကြီးအစိုးရက ဇွန်လ ၂၇ ရက်နေ့တွင် ဗုဒ္ဓဘာသာဝင် ၆ ဦးနှင့် မွတ်စလင် ၄ ဦးပါဝင်သော ပူးပေါင်းဆောင်ရွက်ရေး အဖွဲ့ကို ဖွဲ့စည်းပေးခဲ့သည်။ အဆိုပါအဖွဲ့မှာ ရရှစ်အပါအ၀င် အိုးအိမ်စွန့်ခွာရသူများ ပြန်လာသည့်အခါ ငြိမ်းချမ်းစွာ ပြန်လည်အတူယှဉ်တွဲနေထိုင်နိုင်ရေး မျှော်လင့်ချက်ဖြင့် လူ့အဖွဲ့အစည်း ၂ ခုအကြား ယုံကြည်မှုတည်ဆောက်ရေးကို ဆောင်ရွက်ရမည် ဖြစ်ပေသည်။
Ref: mmtimes
(Myanmar Times တွင် ဖော်ပြထားသည့် Sectarian tensions linger in the wake of mob attack ဆောင်းပါးကို လေးမောင်မှ ဆီလျောအောင် ဘာသာပြန်ဆိုသည်။)
