Author: Ko Lay

ဇွန် ၂၃၊ ၂၀၁၆
M-Media

– ယနေ့မနက်က ကစားခဲ့သည့် ဟန်ဂေရီအသင်းနှင့်ပွဲတွင် ၂ ဂိုးသွင်းယူခဲ့သည့် ပေါ်တူဂီတိုက်စစ်မှူး ခရစ္စတီယာနို ရော်နယ်ဒိုမှာ ယူရို နောက်ဆုံးအဆင့်ပြိုင်ပွဲ ၄ ကြိမ်ဆက် ဂိုးသွင်းယူနိုင်သည့် ပထမဆုံး ကစားသမား ဖြစ်လာခဲ့သည်။

၃ ဂိုးစီ သရေကျခဲ့သည့် ထိုပွဲတွင် ရော်နယ်ဒိုမှာ ချေပဂိုး ၂ ဂိုး သွင်းယူပေးနိုင်ခဲ့ခြင်း ဖြစ်သည်။ ရော်နယ်ဒို၏ ယူရိုပြိုင်ပွဲ ပထမဆုံး ဂိုးသွင်းယူနိုင်မှုမှာ ၂၀၀၄ ခုနှစ်က ကစားခဲ့သည့် ဂရိအသင်းအား ၂ ဂိုး ၁ ဂိုးဖြင့် ရှုံးနိမ့်ခဲ့သည့် ပွဲစဉ်တွင် ဖြစ်သည်။ ၄ နှစ်ကြာပြီးနောက် ယူရို ၂၀၀၈ တွင်လည်း ရော်နယ်ဒိုမှာ ၁ ဂိုး သွင်းယူပေးနိုင်ခဲ့သည်။

ယူရို ၂၀၁၂ နှစ်တွင် စုစုပေါင်း ၃ ဂုိုး သွင်းယူနိုင်သည့် ရော်နယ်ဒိုမှာ မာရီယို ဂိုးမက်ဇ်၊ မာရီယို မန်ဇူကစ်တို့နှင့်အတူ ဂိုးအများဆုံးသွင်းသည့် ကစားသမားအဖြစ် ရပ်တည်ခဲ့သည်။

လက်ရှိ ယူရို ၂၀၁၆ တွင်မူ ပေါ်တူဂီမှာ အုပ်စု ၃ ပွဲစလုံး သရေကျခဲ့ပြီး ရမှတ် ၃ မှတ်ဖြင့် အုပ်စု တတိယနေရာ ရခဲ့ကာ အကောင်းဆုံး တတိယဖြင့် ၁၆ သင်းအဆင့်သို့ တက်ရောက်နိုင်ခဲ့သည်။ ဇွန်လ ၂၅ ရက်နေ့တွင်ကစားရည့် အဆိုပါ ရှုံးထွက်ပွဲစဉ်ကို ခရိုအေးရှားအသင်းနှင့် ရင်ဆိုင်ရမည်ဖြစ်သည်။

Ref: Goal

ဇွန် ၂၃၊ ၂၀၁၆
M-Media

– နိုင်ငံအသင်းအတွက် ကစားပေးခဲ့သည့် ကာလများအတွက် မိမိအနေဖြင့် ဂုဏ်ယူမိပြီး လှပကောင်းမွန်သည့် အမှတ်တရများစွာလည်း ရှိခဲ့သည်ဟု ဆွီဒင်တိုက်စစ်မှူး ဇလာတန် အီဗရာဟီမိုဗစ်က ပြောကြားလိုက်သည်။

ယမန်နေ့က ဘယ်လ်ဂျီယံအသင်းအား ၁ ဂိုး ဂိုးမရှိဖြင့် ရှုံးနိမ့်ခဲ့သော ယူရို ၂၀၁၆ အုပ်စုနောက်ဆုံးပွဲမှာ အီဗရာဟီမိုဗစ်၏ နိုင်ငံတကာ ကစားသမားဘ၀ နောက်ဆုံးပွဲ ဖြစ်ခဲ့သည်။ ဆွီဒင်အသင်းအတွက် ၁၁၆ ပွဲကစားပေးခဲ့ပြီး စံချိန်တင် ၆၂ ဂိုး သွင်းယူပေးခဲ့သည့် အီဗရာဟီမိုဗစ်ကမူ ထိုမှတ်တမ်းအတွက် ဂုဏ်ယူမိသည်ဟု ဆိုသည်။

“နိုင်ငံအသင်း ကစားသမားဘ၀အတွက် ကျွန်တော် အရမ်းဂုဏ်ယူမိပါတယ်။ တစ်ချိန်က မာလ်မိုအသင်းရဲ့ မထင်မရှားက စားသမားလေးတစ်ဦးဖြစ်တဲ့ ကျွန်တော်ဟာ နိုင်ငံအသင်းကို ကိုယ်စားပြုခွင့် ရခဲ့ပြီး၊ အသင်းခေါင်းဆောင်တောင် ဖြစ်ခဲ့ပါတယ်။ ကျွန်တော်ရရှိခဲ့တဲ့ အောင်မြင်မှုတွေအတွက် ဂုဏ်ယူမိပြီး ကျွန်တော့်ရဲ့ နိုင်ငံတကာ ကစားသမားဘ၀မှာ လှပတဲ့ အမှတ်တရတွေ တော်တော်များများလည်း ရှိခဲ့ပါတယ်” ဟု အီဗရာဟီမိုဗစ်က ဘယ်လ်ဂျီယံနှင့်ပွဲအပြီးတွင် ပြောကြားခဲ့သည်။

ပီအက်စ်ဂျီအသင်းမှ ထွက်ခွာခဲ့သည့် အီဗရာဟီမိုဗစ်မှာ မန်ယူသို့ ရောက်ရှိမည်ဟု သတင်းများထွက်ပေါ်နေသော်လည်း ၎င်း၏ အနာဂတ်နှင့်ပတ်သက်၍ မရေရာသေးပေ။

Ref: Goal