မတ် ၃၊ ၂၀၁၆
M-Media
– နိုင်ငံအတွင်း လူများစုကိုးကွယ်သည့် အစ္စလာမ်ဘာသာအား နိုင်ငံတော်ဘာသာအဖြစ် ဖွဲ့စည်းပုံအခြေခံဥပဒေတွင် ထည့်သွင်းထားခြင်းမှာ အခြေခံဥပဒေပါ ပြဌာန်းချက်များနှင့် ကိုက်ညီမှု ရှိ၊ မရှိကို ဘင်္ဂလားဒေ့ရှ် တရားရုံးချုပ်က ဖေဖော်ဝါရီ ၂၉ ရက်နေ့တွင် စတင် ကြားနာသုံးသပ်နေကြသည်ဟု သိရသည်။
၁၉၈၈ ခုနှစ်တွင် ထင်ရှားသည့် စာရေးဆရာများ၊ တရားသူကြီးဟောင်းများ၊ ပညာရေးဝန်ထမ်းများနှင့် ယဉ်ကျေးမှုဆိုင်ရာ တက်ကြွလှုပ်ရှားသူများက ရေးသားကာ တင်သွင်းခဲ့သည့် တောင်းဆိုလွှာကို အခြေခံ၍ တရားသူကြီး ၃ ဦးပါသည့်အဖွဲ့က သုံးသပ်နေကြခြင်းဖြစ်ပြီး ခရစ်ယာန်ကက်သလစ် ဂိုဏ်းအုပ်ဘုန်းတော်ကြီး အပါအ၀င် လူနည်းစုခေါင်းဆောင်များက အစိုးရ၏ ထိုလုပ်ဆောင်မှုကို ချီးကျူးခဲ့ကြသည်။
အဆိုပါ တောင်းဆိုလွှာတွင် လူများစုကိုးကွယ်သည့် အစ္စလာမ်ဘာသာအား နိုင်ငံတော်ဘာသာအဖြစ် သတ်မှတ်ထားမှုမှာ အခြေခံဥပဒေပါ ပြဌာန်းချက်များနှင့် ဆန့်ကျင်နေသည်ဟု ဖော်ပြထားသည်။ ၁၉၈၈ ခုနှစ်က အုပ်ချုပ်သော စစ်အစိုးရမှာ အစ္စလာမ်ဘာသာအား နိုင်ငံတော်ဘာသာအဖြစ် သတ်မှတ်ခဲ့ခြင်းဖြစ်ပြီး ထိုသို့ သတ်မှတ်မှုကိုလည်း တောင်းဆိုလွှာတွင် ဝေဖန်ထားသည်။
၁၉၇၁ ခုနှစ် ပါကစ္စတန်မှ ခွဲထွက်လာပြီး သိပ်မကြာခင် ၁၉၇၂ ခုနှစ်တွင် ပြဌာန်းခဲ့သည့် ဘင်္ဂလားဒေ့ရ်ှအခြေခံဥပဒေတွင် တိုင်းပြည်အား ဘာသာရေးမနွယ်သည့် နိုင်ငံအဖြစ် ကြေငြာခဲ့သည်။
သို့သော်လည်း စစ်အာဏာရှင် ဇီအွရ် ရဟ်မန်က ၁၉၇၇ ခုနှစ်တွင် ဖွဲ့စည်းပုံအခြေခံဥပဒေ၏ ဘာသာရေးမနွယ်မှုကို ဖျက်သိမ်းခဲ့ပြီး ၎င်းအား ဆက်ခံသူ အာဏာရှင် အိက်ခ်ျ အမ် အာရ်ရှဒ်က ၁၉၈၈ ခုနှစ်အတွင် အစ္စလာမ်သာသနာကို နိုင်ငံတော်ဘာသာအဖြစ် သတ်မှတ်ခဲ့ခြင်းဖြစ်သည်။
၂၀၀၉ ခုနှစ် တရားရုံးချုပ်၏ ပြဌာန်းချက်ဖြင့် အာဝါမီလိဂ်ပါတီ ဦးဆောင်သည့် အစိုးရက ၂၀၁၁ ခုနှစ်တွင် အခြေခံဥပဒေအား ဘာသာရေးနှင့် မနွယ်အောင် ပြန်လည်လုပ်ဆောင်ခဲ့သည်။ သို့သော်လည်း မဲရှုံးမည်ကို ကြောက်ရွံ့သည့်အတွက် အစ္စလာမ်ဘာသာအား နိုင်ငံတော်ဘာသာအဖြစ် ပြဌာန်းထားမှုကို ပြင်ဆင်ခဲ့ခြင်း မရှိချေ။
ထိုကိစ္စအား ဖြေရှင်းရန်အတွက် တရားရုံးချုပ်၏ ကြိုးပမ်းမှုကို ဘင်္ဂလားဒေ့ရ်ှနိုင်ငံအတွင်းရှိ ဘာသာရေး လူနည်းစုများက သြဘာပေးခဲ့ကြသည်။
ခရစ်ယာန်ညီညွတ်ရေးနှင့် ဘာသာပေါင်းစုံဆွေးနွေးညှိနှိုင်းရေးကော်မရှင်၏ ဥက္ကဌဖြစ်သူ ဂိုဏ်းအုပ်ဘုန်းတော်ကြီး ဘီဂျွိုင်း အန် ဒီ ခရုဇ်ကမူ တောင်းဆိုလွှာအား ပြန်လည်သုံးသပ်ရန် တရားရုံးချုပ်၏ ဆုံးဖြတ်မှုမှာ နိုင်ငံအတွင်းရှိ ဘာသာရေးလူနည်းစုများအတွက် မျှော်လင့်ချက်ကြီးတစ်ခု ဖြစ်သည်ဟု ပြောကြားခဲ့ပြီး ဘာသာတရားတစ်ခုအား နိုင်ငံတော်ဘာသာအဖြစ် သတ်မှတ်ထားမှုမှာ နိုင်ငံသားများအကြား သဟဇာတဖြစ်မှုအတွက် အတားအဆီး ဖြစ်သည်ဟု ဆိုသည်။
ဘင်္ဂလားဒေ့ရ်ှနိုင်ငံလုံးဆိုင်ရာ ဟိန္ဒူမဟာမိတ်အဖွဲ့ကြီး၏ အထွေထွေအတွင်းရေးမှူးဖြစ်သူ ဂိုဝင်ဒါ ချာဒရာ ပရာမာနစ်ကမူ နိုင်ငံတော်ဘာသာအဖြစ် သတ်မှတ်ထားသည့် ဘာသာတရားတစ်ခုသာ အစိုးရ၏ အာရုံစိုက်မှုကို ခံရပြီး အခြားသော ဘာသာတရားများမှာ အလေးပေးမခံရသည့်အတွက် ဘာသာပေါင်းစုံ ညီညွတ်ရေးကို ထိုခိုက်စေသည်ဟု ပြောကြားခဲ့သည်။
ဘင်္ဂလားဒေ့ရ်ှနိုင်ငံ၏ ၉၀ ရာခိုင်နှုန်းမှာ အစ္စလာမ်ဘာသာဝင်များဖြစ်ကြပြီး ၈ ရာခိုင်နှုန်းက ဟိန္ဒူဘာသာဝင်များဖြစ်ကြကာ ကျန်ရှိသည့် လူဦးရေမှာ ဗုဒ္ဓဘာသာနှင့် ခရစ်ယာန်ဘာသာကို ကိုးကွယ်ယုံကြည်သူများ ဖြစ်ကြသည်။
Ref: UAC News
