ဒီဇင်ဘာ ၂၇၊ ၂၀၁၅
M-Media
– ၂၀၁၅ ခုနှစ်တွင် ဗီယက်နမ်သည် ငါးနှစ်အတွင်း စီးပွားရေးအရှိန်အမြင့်ဆုံးသို့ တိုးတက်ခဲ့သည်ဟု တရားဝင်ထုတ်ပြန်သော ကိန်းဂဏန်းများက ဖော်ပြနေပြီး ပို့ကုန်များ မြင့်တက်လာမှု နိုင်ငံခြားရင်းနှီးမြှုပ်နှံမှုနှင့် ပြည်တွင်း၌ သုံးစွဲမှုများ မြင့်တက်လာခြင်းတို့က ဒေသတွင်း စီးပွားရေးဆိုင်ရာ စိုးရိမ်မှုများအား ကျော်လွှားနိုင်ခဲ့သည်။
အစိုးရက မျှော်မှန်းထားသည့် နိုင်ငံ၏ GDP ၆.၂ ရာခိုင်နှုန်းကို ဗီယက်နမ်က အလွယ်တကူ ကျော်ဖြတ်နိုင်ခဲ့ကာ ယခုနှစ် GDP မှာ ၆.၆၈ ရာခိုင်နှုန်းဖြင့် စံချိန်တင်နိုင်ခဲ့သည်။ ယင်းကိန်းဂဏန်းမှာ အရှေ့တောင်အာရှ၏ နိုင်ငံများတွင် ယခုနှစ်အတွင်း အမြင့်ဆုံး စီးပွားရေးတိုးတက်မှု ဖြစ်ခဲ့သည်။
“နောက်လာမယ့်နှစ်တွေမှာ ကမ္ဘာ့ရေနံဈေးနှုန်းကျဆင်းမှုနဲ့အတူ နိုင်ငံတကာ ဈေးကွက်စီးပွားရေးမှာ မတည်ငြိမ်မှုတွေဆက်ဖြစ်ဖို့ ရှိနေတာကြောင့် အခုလိုတိုးတက်မှုဟာ ဗီယက်နမ်နိုင်ငံရဲ့စီးပွားရေးအတွက် အလွန်အရေးကြီးပါတယ်” ဟု စာရင်းအချက်အလက်ရုံး ညွှန်ကြားရေးမှုးဖြစ်သူ ငုယင်ဘစ်ခ်ျလမ်က သတင်းထောက်များအား ပြောကြားခဲ့သည်။
ကမ္ဘာ့ဒုတိယအကြီးဆုံး စီးပွားရေးရှိသော တရုတ်နိုင်ငံမှာ၂၅ နှစ်တာအတွင်း အဆိုးရွားဆုံးသော စီးပွားရေးကျဆင်းလာမှုကို ခံစားနေရသောကြောင့် အာရှနိုင်ငံများ၏ စီးပွားရေးများမှာ ဒုက္ခရောက်နေကြရသည်။ သို့သော် ဗီယက်နမ်သည် ၎င်း၏ မြောက်ဘက်အိမ်နီးနားချင်းနိုင်ငံကြီးဖြစ်သော တရုတ်၏ စီးပွားရေးဆုတ်ယုတ်လာမှုကို ခံနိုင်ရည်ရှိကြောင်း သက်သေပြနိုင်ခဲ့သည်။
၂၀၁၃တွင် ဗီယက်နမ်သည် ဂျီဒီပီ တိုးတက်မှု ၅.၄၂ ရာခိုင်နှုန်းသာရှိရာမှ ၂၀၁၄ တွင် ၆ ရာခိုင်နှုန်းအထိ ရှိလာခဲ့ပြီး ယခုနှစ်တွင်မူ ထို ၂ နှစ်ကို အပြတ်သတ်ကျော်လွန် သွားကြောင်း ယခုကိန်းဂဏန်းများက သက်သေခံလျက်ရှိသည်။
Ref: Channelnewsasia
