Author: Ko Lay

ဒီဇင်ဘာ ၁၂၊ ၂၀၁၅
M-Media

– ပါကစ္စတန်မှာ နျူကလီးယားထိပ်ဖူး တပ်ဆင်နိုင်သော တိုက်ချင်းပစ် ဒုံးကျည်တစ်စင်းကို အောင်မြင်စွာ စမ်းသပ်ပစ်လွှတ်နိုင်ခဲ့ပြီး အဆိုပါ ဒုံးကျည်မှာ ၂၇၅၀ ကီလိုမီတာ (၁၇၀၈ မိုင်) အကွာအဝေးအထိ ရောက်ရှိနိုင်သည်ဟု သိရသည်။

ပါကစ္စတန်စစ်ဘက် ပြည်သူ့ဆက်ဆံရေးဌာန၏ ထုတ်ပြန်ချက်အရ သောကြာနေ့က ပြုလုပ်ခဲ့သည့် အဆိုပါ စမ်းသပ်ပစ်လွှတ်မှုမှာ လောင်စာခဲ ဖြည့်တင်းထားသော Shaheen-III (Falcon- III) ဒုံးကျည်ဖြစ်ပြီး အာရေဘီယန်ပင်လယ်ထဲသို့ ပစ်လွှတ်ခဲ့ခြင်းဖြစ်သည်ဟု ဆိုသည်။

ထို့ပြင် အဆိုပါဒုံးကျည်ကို “အခြေအနေအမျိုးမျိုးတွင် အသုံးပြုနိုင်ရန်နှင့် လက်နက်ကိရိယာ၊ နည်းပညာဆိုင်ရာ ကွာအဝေးအမျိုးမျိုးအတွက် ရည်ရွယ်ထုတ်လုပ်ထားခြင်း ဖြစ်သည်” ဟု ထည့်သွင်း ပြောကြားခဲ့သည်။

ပါကစ္စတန် မဟာဗျူဟာရေးဆွဲရေးအဖွဲ့ဒါရိုက်တာ ဗိုလ်ချုပ် မဇ်ဟာ ဂျမီးလ်က ထိုအောင်မြင်မှုမှာ နိုင်ငံတော်၏ ကာကွယ်ရေးစွမ်းအားကို မြှင့်တင်ရန်အတွက် အဓိကခြေလှမ်းတစ်ခုဖြစ်သည်ဟု ချီးကျူးပြောဆိုခဲ့သည်။

“ပါကစ္စတန်ဟာ ဒေသတွင်းမှာ ငြိမ်းချမ်းစွာအတူယှဉ်တွဲနေထိုင်လိုတဲ့ဆန္ဒ ရှိပါတယ်။ အဲဒီလို နေထိုင်မှုအတွက် ကလီးယားကာကွယ်ရေး စွမ်းအားဟာ တောင်အာရှအတွင်း မဟာဗျူဟာကျတဲ့ တည်ငြိမ်မှုကို ပိုပြီး ခိုင်မာစေမှာဖြစ်ပါတယ်” ဟု ဗိုလ်ချုပ် ဂျမီးလ်က ထည့်သွင်းပြောကြားခဲ့သည်။

ပါကစ္စတန်မှာ ၁၉၄၇ တွင် အိန္ဒိယမှ ခွဲထွက်ပြီးကတည်းက လက်နက်အပြိုင်အဆိုင် ထုတ်လုပ်လာခဲ့ခြင်းဖြစ်သည်။ ၎င်းတို့ နှစ်နိုင်ငံသည် ဒုံးကျည်စမ်းသပ်မှုများကို အဆက်မပြတ် ပြုလုပ်လျက်ရှိကြပြီး နျူကလီးယား မပြန့်ပွားရေးစာချုပ် (NPT) ကိုလည်း လက်မှတ်မထိုးသည့်အပြင် နူကလီးယားလက်နက် စမ်းသပ်မှုနှင့် ထုတ်လုပ်မှု ကန့်သတ်ချက်များပါဝင်သည့် အခြားသောစာချုပ်များကိုလည်း ငြင်းဆိုထားသော နိုင်ငံများဖြစ်သည်။

Ref : Presstv