စက်တင်ဘာ ၂၃၊ ၂၀၁၅
M-Media
– ယခုတစ်ပတ် ၀ုလ်ဖ်ဘာ့ဂ်အသင်းနှင့် ဘွန်ဒစ်လီဂါပွဲစဉ်တွင် ဘိုင်ယန်မြူးနစ်တိုက်စစ်မှူး လီဝန်ဒေ့ါစကီးမှာ ၉ မိနစ်အတွင်း ၅ ဂိုးသွင်းကာ စံချိန်သစ် ၃ ခုကို တင်နိုင်ခဲ့သည်ဟု သိရသည်။
ဘွန်ဒစ်လီဂါ လက်ရှိချန်ပီယံ ဘိုင်ယန်မြူးနစ်မှာ ယမန်နှစ်က ဒုတိယရခဲ့သည့် ၀ုလ်ဖ်ဘာ့ဂ်အသင်းအား ပထမပိုင်းတွင် ၁ ဂိုး ဂိုးမရှိဖြင့် ရှုံးနိမ့်နေခဲ့ပြီး ဒုတိယပိုင်း၌ နည်းပြ ဂွာဒီယိုလာမှာ သီယာဂို အလ် ကန်တာရာအစား ပိုလန်တိုက်စစ်မှူး လီဝန်ဒေ့ါစကီးကို ထည့်သွင်းခဲ့သည်။
လူစားဝင်ရောက်လာပြီး ၆ မိနစ်အကြာ ၅၁ မိနစ်မှာပင် လီဝန်ဒေ့ါစကီးအမှာ အသင်းအတွက် ချေပဂိုး သွင်းယူပေးခဲ့ပြီး ထိုနောက်ပိုင်း ၈ မိနစ်အတွင်းတွင် ထပ်မံ၍ လေးဂိုးဆက် သွင်းယူပေးနိုင်ခဲ့သည်။
ဟက်ထရစ်သွင်းဂိုးကို လေးမိနစ်တာအချိန်အတွင်း သွင်းယူနိုင်ခဲ့သည့် ၎င်းမှာ ဘွန်ဒစ်လီဂါ သမိုင်းတစ်လျှောက်တွင် အမြန်ဆုံး ဟက်ထရစ်သွင်းယူနိုင်သည့် စံချိန်ကို ရရှိခဲ့သည်။ လက်ရှိစံချိန်ရှင်မှာ ဒူစ်ဘာ့ဂ်အသင်းမှ မီခေးလ် တိုအန်နီးစ်ဖြစ်ပြီး ၁၉၉၁ ခုနှစ်တွင် ၆ မိနစ်ဖြင့် ဟက်ထရစ် သွင်းယူနိုင်ခဲ့ခြင်း ဖြစ်သည်။ တိုအန်နီးစ်ကလည်း လီဝန်ဒေါ့စကီး၏ ဟက်ထရစ်စံချိန်သစ် တင်နိုင်မှုကို ထိုက်တန်သည်ဟု ပြောကြားခဲ့သည်။
တစ်ပွဲထဲတွင် ဂိုး ၅ ဂိုးကို အမြန်ဆုံး သွင်းယူနိုင်သည့် လီဝန်ဒေ့ါစကီး၏ စံချိန်မှာ ကမ္ဘာ့စံချိန်ဖြစ်ခဲ့ပြီး ၂၀၀၉ ခုနှစ်က ၀ီဂန်အသင်းအား စပါးမှ ၉ ဂိုး ၁ ဂိုးဖြင့် အနိုင်ရရှိခဲ့သည့်ပွဲတွင် တိုက်စစ်မှူး ဒီဖိုး ၅ ဂိုးသွင်းယူခဲ့သည့် ကြာချိန်ထက် ၄ ဆခန့် ပိုမိုမြန်ဆန်နေသည်။
ထို့ပြင် လီဝန်ဒေါ့စကီးမှာ ဘွန်ဒစ်လီဂါ၌ တစ်ပွဲထဲတွင် ၅ ဂိုး သွင်းယူနိုင်ခဲ့သည့် ပထမဆုံး လူစားဝင်ကစားသမားလည်း ဖြစ်ခဲ့သည်။
“ကျွန်တော် အရမ်း ကျေနပ်မိပါတယ်။ ရူးသွားနိုင်လောက်တဲ့ မိနစ်တွေပါပဲ။ ၅ ဂိုး သွင်းနိုင်တာက မယုံကြည်နိုင်စရာပါပဲ။ ကျွန်တော် အရမ်းပျော်ပါတယ်” ဟု လီဝန်ဒေါ့စကီးက ပွဲအပြီးတွင် ပြောကြားခဲ့သည်။
နည်းပြဂွါဒီယိုလာကလည်း ၎င်း၏ တိုက်စစ်မှူးကို ချီးကျူးပြောဆိုခဲ့သည်။
“နောက်ထပ်တွေ့ရတော့မယ်လို့ ကျွန်တော် မထင်ပါဘူး။ ဘောလုံးဆိုတာ တစ်ခါတစ်ရံမှာ ရူးနှမ်းလောက်ပါတယ်”
ဒေါ့မွန်တိုက်စစ်မှူးဟောင်း လီဝန်ဒေါ့စကီးမှာ ၁၉၈၄ ခုနှစ်နောက်ပိုင်း ဘိုင်ယန်မြူးနစ်အတွက် ပထမဆုံး ၅ ဂိုးသွင်းနိုင်သည့် ကစားသမားလည်း ဖြစ်လာခဲ့သည်။
Ref: Dailymail
