စက်တင်ဘာ ၁၅၊ ၂၀၁၅
M-Media
– တိုးတက်လာသော မွတ်စလင်ကျောင်းသားများအတွက် အဆင်ပြေစေရန် နာမည်ကျော် ယေးလ်တက္ကသိုလ်မှာ လာမည့် ၂ နှစ်အတွင်း အစ္စလာမ့် ဥပဒေနှင့် လူ့အဖွဲ့အစည်းဆိုင်ရာ လေ့လာမှုစင်တာတစ်ခုကို ဖွင့်လှစ်သွားမည်ဟု သိရသည်။
“ကျွန်တော်တို့ တစ်ဆင့်ပြီးတစ်ဆင့် ဆောင်ရွက်သွားမှာပါ။ ဒီရည်ရွယ်ချက်နဲ့ ဒီအဆောက်အဦးဖြစ်လာဖို့အတွက် အချိန်တစ်ချို့နဲ့ အစီအစဉ်တွေ လိုအပ်ပါတယ်။ ကျွန်တော်တို့ရဲ့ မျှော်မှန်းချက်က ဒီနှစ် နှောင်းပိုင်းမှာ အဓိက အစိတ်အပိုင်းတွေကို ဆောင်ရွက်ဖို့ဖြစ်ပြီး ကျန်တာတွေကတော့ နောက်မှ အစဉ်အတိုင်း လိုက်လာပါလိမ့်မယ်” ဟု ခရစ်ယာန် ဘုန်းတော်ကြီးဟောင်းဖြစ်ပြီး
ယေးလ်တက္ကသိုလ်၏ အကြီးတန်း ပါမောက္ခဖြစ်သူ အန်ထော်နီ ကရွန်မန်က Yale Daily News သို့ ပြောကြားခဲ့သည်။
“အစ္စလာမ့်ဥပဒေနှင့် လူ့အဖွဲ့အစည်း လေ့လာမှုဆိုင်ရာ စင်တာ” ဟု အမည်ပေးမည့် အဆိုပါ စင်တာကို ၂ နှစ်အတွင်း ဆောက်လုပ်သွားရန် စီစဉ်ထားသည်။ ယေးလ်တက္ကသိုလ်၏ လက်အောက်တွင်ရှိမည့် အဆိုပါ စင်တာတွင် အစ္စလာမ့် ဥပဒေရေးရာ ပညာရှင်များကို ခေါ်ယူကာ သင်ကြားပို့ချသွားမည်ဖြစ်ပြီး၊ ဟောပြောပွဲများကိုလည်း စီစဉ်သွားမည်ဖြစ်သည်။
ထိုစင်တာအတွက် ဆော်ဒီအခြေစိုက် ဘဏ်လုပ်ငန်းနှင့် အိမ်ခြံမြေကုမ္ပဏီ၏ အမှုဆောင် အကြီးအကဲဖြစ်သူ အဘ်ဒါလာဟ် ကာမဲလ်က ငွေကြေးစိုက်ထုတ်မည်ဖြစ်ပြီး၊ ၎င်း၏ အမည်ဖြင့် ထိုစင်တာကို မှည့်ခေါ်သွားမည်ဖြစ်သည်။
သုတေသနလုပ်ငန်းများ၊ အစ္စလာမ့် ဥပဒေပညာရပ်နယ်မှ ပါမောက္ခမျာအား ဧည့်သည်တော်အဖြစ် ခေါ်ယူခြင်းများကိုလည်း ထိုစင်တာက ဆောင်ရွက်သွားရန် ရှိနေသည်။
“ယေးလ်တက္ကသိုလ်က ဆောင်ရွက်မှုတိုင်း၊ အစီအစဉ်တိုင်းဟာ ကမ္ဘာပေါ်မှာ အကောင်းဆုံးဖြစ်ရမယ်ဆိုတဲ့ ရည်ရွယ်ချက်နဲ့ ဆောင်ရွက်တာဖြစ်ပါတယ်။ ဒီကိစ္စအတွက်လည်း ကျွန်တော်တို့ ဒီလိုမျိုးပဲ ရည်ရွယ်ပါတယ်” ဟု ကရွန်မန်က ပြောကြားခဲ့သည်။ ကရွန်မန်မှာ အဆိုပါစင်တာ၏ ပူးတွဲဒါရိုက်တာအဖြစ် ဆောင်ရွက်သွားမည်ဖြစ်သည်။
ကြိုဆိုကြ
အစ္စလာမ့်ဥပဒေပညာရပ်များကို သင်ကြားပေးမည့် အဆိုပါစင်တာ ဖွင့်လှစ်ရန် ဆောင်ရွက်ခြင်းအတွက် ယေးလ်တက္ကသိုလ်မှ ကျောင်းသားများကလည်း ချီးကျူးပြောဆိုခဲ့ကြသည်။
“ဒီလိုစင်တာမျိုး တည်ဆောက်ဖို့ ယေးလ်က ဆောင်ရွက်တာကို ကျွန်မ စိတ်လှုပ်ရှားမိပါတယ်။ ပြီးတော့ အချိန်နဲ့အမျှ ဘယ်လိုတိုးတက်လာမလဲဆိုတာကို စောင့်ကြည့်ဖို့လည်း စိတ်ဝင်စားပါတယ်” ဟု အသက် ၁၈ နှစ်အရွယ် ကျောင်းသူ မာဂရက် မိုးရ်က ပြောကြားခဲ့သည်။
အခြား ဥပဒေကျောင်းသားတစ်ဦးဖြစ်သူ မတ်ကမ့်ပ်ကလည်း အဆိုပါ စင်တာတွင် သင်ကြားမည့် ဘာသာရပ်က သင်ရိုးညွှန်းတမ်းအတွင်း ကောင်းမွန်သော ထည့်သွင်းမှု ဖြစ်လိမ့်မည်ဖြစ်ပြီး၊ လူကြိုက်များလိမ့်မည်ဟု ပြောကြားခဲ့သည်။
၂၀၁၄ ခုနှစ် မတ်လက စတင်ဖွင့်လှစ်ခဲ့ပြီး ပြီးခဲ့သည့် သီတင်းပတ်က အသိအမှတ်ပြုလက်မှတ် ရခဲ့သည့် ဇေတူနာ မွတ်စလင်ကောလိပ်မှာ အမေရိကန်နိုင်ငံတွင် အဆင်မြင့်ပညာရေးသင်ကြားမှုအတွက် ပထမဆုံး အသိအမှတ်ပြုခံရသည့် အစ္စလာမ့်တက္ကသိုလ်တစ်ခုလည်း ဖြစ်သည်။
အဆိုပါ ကောလိပ်ကို ၂၀၁၀ ခုနှစ် သြဂုတ်လက ခရစ်ယာန် နှစ်ခြင်းဘာသာရေးကျောင်းတွင် နေရာငှားကာ စတင်ဖွင့်လှစ်ခဲ့ခြင်းဖြစ်ပြီး၊ ထိုအချိန်က အာရဘီ ဘာသာစကား၊ အစ္စလာမ့်ဥပဒေနှင့် အယူဝါဒ စသည့် ဘာသာရပ်နှစ်ခုကိုသာ စတင်သင်ကြားခဲ့သည်။
ယခုအချိန်တွင်မူ အဆိုပါဇေတူနာကောလိပ်မှာ ကောင်းမွန်သည့် ပညာရေးဌာနတစ်ခုအဖြစ် နာမည်ကျော်လာခဲ့ပြီး ကက်သလစ် နာမည်ကြီးကျောင်းများဖြစ်သော ဂျော့တောင်း၊ နိုထရီဒိမ်းတို့နှင့် ယှဉ်လာနိုင်ပြီဖြစ်သည်။
Ref: Onislam
