စက်တင်ဘာ ၂၊ ၂၀၁၅
M-Media
– အစ္စလာမ့်ပညာရေးကို တောင်းဆိုမှုမြင့်မားလာသော ဘယ်လ်ဂျီယံနိုင်ငံတွင် ပထမဆုံး အစ္စလာမ့် အလယ်တန်းကျောင်းတစ်ခုကို စက်တင်ဘာ ၃ ရက်နေ့တွင် စတင်ဖွင့်လှစ်တော့မည်ဟု သိရသည်။
“ဘယ်လ်ဂျီယံက မွတ်စလင်လူ့အဖွဲ့အစည်းမှာ အစ္စလာမ့်ပညာရေးအတွက် တောင်းဆိုမှုတွေ ကြီးမားပါတယ်။ ဒါပေမယ့် ကျောင်းသားအားလုံးကို ကျွန်တော်တို့ နေရာမပေးနိုင်တဲ့အတွက် ၀မ်းနည်းမိပါတယ်။ ဒီနှစ်တော့ ကျောင်းသား ၂၀၀ လောက်ပဲ လက်ခံနိုင်မှာပါ” ဟု ဘယ်လ်ဂျီယံ အစ္စလာမ့် ပညာရေးဆိုင်ရာ ၆ ဦးကော်မတီမှ အထွေထွေအတွင်းရေးမှူး မိုဟာမက် အလ်လက်ဖ်က KUNA သတင်းဌာနသို့ ယမန်နေ့တွင် ပြောကြားခဲ့သည်။ အဆိုပါကျောင်း၌ လက်ရှိအချိန်တွင် ကျောင်းသား၊ ကျောင်းသူ ၁၄၄ ဦး တက်ရောက်ရန် စာရင်းပေးသွင်းထားသည်။
ဘယ်လ်ဂျီယံ၏ တရားဝင်ပညာရေးစနစ်အရ မည်သူမဆို အစိုးရ၏ သင်ရိုးညွှန်းတမ်းအတိုင်း သင်ကြားသည့် ကျောင်းများကို တည်ထောင်ပိုင်ခွင့်ရှိပြီး၊ ထိုကျောင်းများမှာလည်း အာဏာပိုင်များ၏ ကြီးကြပ်မှုအောက်တွင် ရှိနေသည်။ ထို့ပြင် ထိုကျောင်းများမှ ဆရာ၊ ဆရာမများအတွက် အစိုးရကပင် လစာများ ပေးအပ်သည်။
အလ်လက်ဖ်ကမူ မိမိတို့ကျောင်းတွင် အစ္စလာမ့်ရေးရာများကို သင်ကြား ပို့ချသွားမည်ဖြစ်ပြီး၊ ကျောင်းသားများမှာ အစ္စလာမ့် အခါကြီးရက်ကြီးများကို ဆင်နွှဲနိုင်မည်ဟု ပြောကြားခဲ့သည်။
အဆိုပါ အလယ်တန်းကျောင်းတွင် သာမန်အတန်းချိန်များအပြီး၌ အာရဘီဘာသာစကားကို ၂ နာရီ သင်ကြားပေးမည်ဖြစ်ပြီး၊ စိတ်ဝင်စားသူများ တက်ရောက်နိုသည့် စနစ်မျိုးဖြစ်သည်။
လက်ရှိတွင် ဘရပ်ဆဲလ်မြို့၌ အစ္စလာမ့်မူလတန်းကျောင်း ၃ ကျောင်းရှိပြီး မော်ရိုကိုနှင့် တူနီးရှားနွယ်ဖွား ကျောင်းသားများ များပြားသောကြောင့် သင်ရိုညွှန်းတမ်းများကို ပြင်သစ်ဘာသာစကားဖြင့် သင်ကြားပို့ချနေသည်။
အလ်-ဂါဇာလီဟု အမည်ရသည့်ကျောင်းကို ၁၉၈၉ ခုနှစ်တွင် တည်ထောင်ခဲ့ပြီး၊ The Pen (အလ်-ကလမ်) ကျောင်းကိုမူ ၂၀၁၁ ခုနှစ်က တည်ထောင်ခဲ့သည်။ တတိယကျောင်းဖြစ်သော Virtue (အလ်-ဖာဒီလာဟ်) ကို ၂၀၁၃ ခုနှစ်တွင် တည်ထောင်ခဲ့ပြီး ထိုမူလတန်းကျောင်း ၃ ကျောင်းတွင် ကျောင်းသူ၊ ကျောင်းသားပေါင်း ၈၀၀ ၀န်းကျင် ရှိနေသည်။
“ဒီနှစ်ကစပြီး အလယ်တန်းအဆင့် အစ္စလာမ့်စာသင်ကျောင်းတွေဖွင့်ဖို့ ကျွန်တော်တို့ကို ခွင့်ပြုခဲ့ပြီး စက်တင်ဘာ ၃ ရက်၊ ကြာသာပတေးနေ့မှာ စဖွင့်မှာဖြစ်ကာ ဒီကျောင်းကိုတော့ အလ်-ဖာဒီလာဟ် ၂ လို့ အမည်ပေးထားပါတယ်။ ဒါဟာ ဘယ်လ်ဂျီယံမှာ ပထမဆုံး အစ္စလာမ့်အလယ်တန်းကျောင်းဖြစ်ပါတယ်” ဟု အလ်လက်ဖ်က ပြောကြားခဲ့သည်။
ဘယ်လ်ဂျီယံအစိုးရ၏ မူလတန်းနှင့် အလယ်တန်းကျောင်းများ၌ နိုင်ငံ၏ တရားဝင်ဘာသာများဖြစ်သော ခရစ်ယာန်၊ အစ္စလာမ်နှင့် ဂျူးဘာသာများအကြောင်းကို ၂ နာရီ သင်ကြားပို့ချပေးသည်။ ထိုစည်းကမ်းချက်အောက်တွင် အစ္စလာမ် ဘာသာရေးသင်ခန်းစာများကို ၁၉၇၅ ခုနှစ်မှစတင်ကာ ဒက်ခ်ျနှင့် ပြင်သစ်ဘာသာစကားများဖြင့် သင်ကြားပို့ချခဲ့သည်။ ထို ဘာသာရေး ဆရာ၊ ဆရာမများကို နိုင်ငံတော်ကပင် လခပေးအပ်သည်။
ဘယ်လ်ဂျီယံမှာ အစ္စလာမ်သာသနာကို နိုင်ငံ၏ တရားဝင်ဘာသာတရားအဖြစ် ၁၉၇၄ ခု ဇူလိုင် ၁၉ ရက်နေ့က အသိအမှတ်ပြုခဲ့ပြီး ဥရောပတွင် ပထမဆုံး အသိအမှတ်ပြုခြင်းလည်း ဖြစ်သည်။
နိုင်ငံ၏ ၁၁.၂ သန်းသော လူဦးရေအတွင် အစ္စလာမ်ကို သက်ဝင်ယုံကြည်သူများမှာ ၆၃၈၀၀၀ ခန့်ရှိသည်ဟု ၂၀၁၀ ခုနှစ် အောက်တိုဘာတွင် Pew Research Center မှ ထုတ်ပြန်သော စာရင်းအရ သိရသည်။ နိုင်ငံတစ်ဝှမ်းတွင်လည်း ဗလီဝတ်ကျောင်းတော်နှင့် ၀တ်ပြုဆောင်ပေါင်း ၃၀၀ ကျော်ရှိသည်။
Ref: Onislam
