သြဂုတ် ၃၀၊ ၂၀၁၅
M-Media
– အမေရိကန်တွင် လွတ်လပ်စွာပြောဆိုမှုခေါင်းစဉ်အောက်၌ လူမျိုးရေးခွဲခြားမှု သဘောထားများကို ခွင့်ပြုထားသော်လည်း ထိုသဘောထားများ ဖော်ပြမှုကို ပိတ်ပင်ထားသော ဂျာမနီ၏ ဥပေဒများကို Fabebook က လိုက်နာရလိမ့်မည်ဟု ဂျာမနီတရားရေးဝန်ကြီး ဟေကို မာ့စ်က ပြောကြားလိုက်သည်။
Reuters သတင်းဌာနနှင့် အင်တာဗျူးတွင် မာ့စ်က ထိုကဲ့သို့ ပြောကြားခဲ့ခြင်းဖြစ်ပြီး လူမျိုးရေးခွဲခြားမှု ပို့စ်များနှင့် အမုန်းတရားပို့စ်များအား ရပ်တန့်ရန် ထိထိရောက်ရောက် မလုပ်ဆောင်မှုအတွက်လည်း Facebook တာဝန်ရှိသူများကို အပြစ်တင်ခဲ့သည်။ ထို့ပြင် ဂျာမနီအနေဖြင့် ထိုကဲ့သို့သော ဖော်ပြမှုများအတွက် လုံးဝ သည်းခံမည်မဟုတ်ဘဲ Facebook ကလည်း ပို၍ သတိရှိရန် မျှော်လင့်သည်ဟု ဆိုသည်။
“ခပ်ရှင်းရှင်းပြောချင်တာက – တကယ်လို့ Facebook ဟာ ဂျာမနီမှာအလုပ်လုပ်ချင်ရင် ဂျာမနီဥပဒေတွေကို လိုက်ကိုလိုက်နာရပါမယ်။ သမိုင်းကြောင်းဆိုင်ရာ အကြောင်းအရင်းတွေကြောင့် ကျွန်တော်တို့ဟာ အမေရိကန်ထက်ပိုပြီး လွတ်လပ်စွာပြောဆိုမှုကို တင်းတင်းကျပ်ကျပ် သတ်မှတ်ထားတာ အထူးတလည်ကိစ္စ မဟုတ်ပါဘူး။ ဟိုလိုကော့စ် (နာဇီများက ဂျူးများအား အစုလိုက်အပြုံလိုက် သတ်ဖြတ်မှု) ကို ငြင်းပယ်တာနဲ့ လူမျိုးရေး အမုန်းတွေ လှုံ့ဆော်တာဟာ ဂျာမနီမှာ ရာဇ၀တ်မှုမြောက်ပါတယ်။ Facebook မှာ ပို့စ်တင်တာမျိုး၊ ဈေးကတစ်နေရာမှာသွားပြီး ကျွေးကြော်တာမျိုး ဘယ်လိုပဲဖြစ်ဖြစ်ပေါ့” ဟု မာ့စ်က ထည့်သွင်းပြောကြားခဲ့သည်။
မာ့စ်မှာ Facebook ၏ ပြည်သူ့ရေးရာပေါ်လစီ ဒါရိုက်တာဖြစ်သူ ရစ်ချက် အလန်ထံသို့လည်း စာတစ်စောင် ပေးပို့ခဲ့ပြီး လူမျိုးရေးခွဲခြားမှု ပို့စ်များနှင့်ပတ်သက်၍ Facebook အား သတင်းပုိ့မှုများကို လစ်လျူရှုခံရသည်ဟု အသုံးပြုသူများ၏ တိုင်ကြားမှုများ မိမိရရှိနေကြောင်း ရေးသားဖော်ပြခဲ့သည်။
ဂျာမနီနိုင်ငံတွင် ယခုနောက်ပိုင်း၌ လက်ယာစွန်းရောက်များ ခေါင်းထောင်ထလာပြီး လူမျိုးရေးခွဲခြားမှုများကို ကျယ်ကျယ်ပြန့်ပြန့် ပြုလုပ်လာကြတာ ကိုယ်ထိလက်ရောက် တိုက်ခိုက်မှုများပင် ဖြစ်လာခဲ့သည်။
မာ့စ်ခေါင်းဆောင်သည့် ဗဟိုလက်ဝဲယိမ်း ဆိုရှယ်ဒီမိုကရက်ပါတီ SPD မှာ လက်ယာစွန်းရောက်များအား ဆန့်ကျင်မှုကြောင့် လူမျိုးရေးခွဲခြားသည့် အီးမေးလ်များ၊ ဖုန်းခေါ်ဆိုမှုများနှင့် ဗုံးဖောက်ခွဲမည်ဟု ခြိမ်းခြောက်မှုများပင် ရရှိခဲ့သည်။
“အင်တာနက်ဆိုတာ တရားစွဲလို့ရတဲ့ မှတ်ချက်တွေကို အကြောက်အလန့်မရှိ ဖြန့်ဖြူးလို့ရတဲ့ ဥပဒေပနေရာ မဟုတ်ပါဘူး” ဟု မာ့စ်က ဆိုပြီး အချို့မှာ Facebook ကို ဒုက္ခသည်များ၊ ၎င်းတို့အား ကူညီနေသည့် ဂျာမန်များနှင့်ပတ်သက်၍ အမုန်းတရားဖြန့်ဖြူးရန် အသုံးပြုနေကြသည်ဟု ထပ်လောင်းပြောကြားခဲ့သည်။
Facebook မှ ပြောရေးဆိုခွင့်ရှိသူတစ်ဦးကမူ မိမိတို့ကုမ္ပဏီအနေဖြင့် အသေအချာ ဂရုတစ်စိုက် ဆောင်ရွက်နေပြီး၊ တရားရေးဝန်ကြီး မာ့စ်နှင့် တွေ့ဆုံရန်လည်း စိတ်ဝင်စားသည်ဟု ပြောကြားခဲ့သည်။ မာ့စ်ကလည်း မိမိအနေဖြင့် တွေ့ဆုံရန် မျှော်လင့်သည်ဟုဆိုသည်။
Ref: Reuters
ကတော့ တန်းတက်ဝက်ဖို့ဒ်ကို သက်တောင့်သက်သာကစားကာ စတာလင်၊ ဖာနန်ဒင်ဟိုတို့ရဲ့ ဂိုးတွေနဲ့ အနိုင်ရခဲ့ပြီး ရာသီသစ်မှာ အမြင့်ဆုံးအနေအထားကနေ ပျံသန်းနေပါတယ်။ အခုနှစ်မှာ အံ့သြဖွယ်ခြေစွမ်းနဲ့ လက်စတာကလည်း နောက်ကျ ပင်နယ်တီနဲ့ ဘုန်းမောက်ဆီက တစ်မှတ်ခွဲယူခဲ့ပြီး ရှုံးပွဲမရှိ စံချိန်ကို ဆက်ထိန်းထားနိုင်ခဲ့ပါတယ်။
