Author: Ko Lay

နိုင်ငံတကာသတင်းတို (သြဂုတ် ၂၉၊ ၂၀၁၅)

သြဂုတ် ၂၉၊ ။၂၀၁၅
M-Media

ဆွာဇီလန် တွင် ကားမှောက်မှုကြောင့် အမျိုးသမီး ၄၀ နီးပါး သေဆုံး
………………………..
အာဖရိကတိုက် တောင်ပိုင်းရှိ ဆွာဇီလန်နိုင်ငံ ဘုရင့်နန်းတော်တွင် နှစ်စဉ်ပြုလုပ်နေကြဖြစ်သည့် ကပွဲတစ်ခုသို့ သွားရောက်စဉ် ထရပ်ကားတစ်စီး တိမ်းမှောက်ခဲ့သောကြောင့် မိန်းကလေးငယ်များအပါအ၀င် အနည်းဆုံး အမျိုးသမီး ၃၈ ဦး သေဆုံးခဲ့သည်ဟု ဆွာဇီလန် သွေးစည်းညီညွတ်ရေးကွန်ရက်က ယနေ့တွင် ထုတ်ပြန်သော ကြေညာချက်၌ ဖော်ပြထားသည်။ အဆိုပါ ထရပ်ကားမှာ အရှေ့ရှိ ဗန်ကားကို ၀င်တိုက်ခဲ့ခြင်းဖြစ်ပြီး ၎င်းနောက်မှ ထရပ်ကားတစ်စီးက ထပ်မံဝင်တိုက်ခဲ့ခြင်းဖြစ်သည်။ ထိုအဖြစ်အပျက်အတွင်း အခြား အမျိုးသမီး ၂၀ မှာလည်း ဒဏ်ရာရရှိခဲ့သည်ဟု အဆိုပါကွန်ယက်က ထည့်သွင်းပြောကြားခဲ့သည်။

ဝန်ကြီးချုပ်နှုတ်ထွက်ရန် မလေးပြည်သူများ ဆန္ဒပြ
………………………..
ချစားမှုပြဿနာများနှင့် ရင်ဆိုင်နေရသည့် ၀န်ကြီးချုပ်နာဂျစ်အား ဆန့်ကျင်သည့် Bersih 4.0 ဆန္ဒပြမှုကို မြို့တော်ကွာလာလမ်ပူ၌ ယနေ့တွင် စတင်ခဲ့ပြီး ပြည်သူသိန်းနှင့်ချီ၍ ပါဝင်ခဲ့ကြသည်။ တီရှပ်အပြာဝတ် ပြည်သူများမှာ မြို့တော်အတွင်းရှိ လမ်းများကို သိမ်းပိုက်ခဲ့ကြပြီး ၀န်ကြီးချုပ် နှုတ်ထွက်ရန် တောင်းဆိုခဲ့ကြကာ အစိုးရအား ဆန့်ကျင်သည့် စာတန်းများကိုလည်း ကိုင်ဆောင်ခဲ့ကြသည်။ အဆိုပါ
ဆန္ဒပြပွဲမှာ ၂ ရက်တာ ကြာမြင့်မည်ဖြစ်သည်။

တရုတ်စက်ရုံတစ်ရုံတွင် အဆိပ်ဓာတ်ငွေ့ကြောင့် လူ ၇ ဦး သေဆုံး
………………………………………….
တရုတ်နိုင်ငံ အလယ်ပိုင်း ဟူနန်ပြည်နယ် အန်ဇီယန်ကောင်တီရှိ စက္ကူစက်ရုံတစ်ခုမှ ထွက်လာသော အဆိပ်ဓာတ်ငွေ့များနှင့် ထိတွေ့မှုကြောင့် အနည်းဆုံး လူ ၇ ဦး သေဆုံးကာ ၂ ဦး ဒဏ်ရာရရှိခဲ့သည်။ ထိုစက်ရုံမှ အလုပ်သမားတစ်ဦးမှာ သန့်ရှင်းရေးလုပ်ငန်းများ လုပ်ကိုင်နေစဉ် အဆိပ်ရှိသော စက္ကူပျော့ဖတ်များဖြင့် ရေကန်ထဲသို့ ကျသွားခဲ့ပြီးနောက် ဖြစ်ပေါ်လာခဲ့ခြင်း ဖြစ်သည်။ ပြုတ်ကျသွားသူအား
၎င်း၏ သူငယ်ချင်းဖြစ်သူက ကယ်ဆယ်ရန် ကြိုးစားခဲ့သော်လည်း ၎င်းကိုယ်တိုင်မှာလည်း အဆိပ်ဓာတ်ငွေ့ဖြင့် ထိတွေ့ကာ သေဆုံးခဲ့သည်။

Ref: News Agencies

August 29, 2015
ဘန်ကောက်ပေါက်ကွဲမှု အတွက် သံသယရှိသူကို ထိုင်းရဲတပ်ဖွဲ့က ဖမ်းဆီး

သြဂုတ် ၂၉၊ ၂၀၁၅
M-Media

– သြဂုတ်လ ၁၇ ရက်နေ့က လူပေါင်း ၂၀ သေဆုံးခဲ့သည့် ဘန်ကောက်မြို့ ဟိန္ဒူဘုရားကျောင်း ဗုံးကွဲမှုအတွက် သံသယရှိသူ နိုင်ငံခြားသားတစ်ဦးကို ထိုင်းရဲတပ်ဖွဲ့က ယနေ့တွင် ဖမ်းဆီးလိုက်ပြီး၊ ဗုံးလုပ်သည့် ပစ္စည်းများကိုပါ သိမ်းဆည်းရမိခဲ့သည်ဟု သိရသည်။

ဘန်ကောက်မြို့ ဆင်ခြေဖုံးရှိ တိုက်ခန်းတစ်ခုတွင် ဖမ်းမိခဲ့ခြင်းဖြစ်ပြီး ထိုင်းနိုင်ငံတွင် အဆိုးဝါးဆုံး ပေါက်ကွဲမှုနှင့် ဆက်စပ်၍ ပထမဆုံး ဖမ်းဆီးရမိမှုလည်း ဖြစ်သည်။ သို့သော်လည်း အဓိကသံသယရှိသူအဖြစ် ရဲတပ်ဖွဲ့က ပုံကြမ်းရေးဆွဲ ထုတ်ပြန်ထားသူ မဟုတ်ချေ။

“ကျွန်တော်တို့ လူတစ်ယောက်ကို ထိန်းသိမ်းထာပါတယ်။ ဗုံးလုပ်တဲ့ပစ္စည်း အစိတ်အပိုင်းတွေကိုလည်း သူရဲ့ တိုက်ခန်းထဲမှာ ကျွန်တော်တို့ တွေ့ခဲ့ရပါတယ်။ ပြီးတော့ ဒီဗုံးခွဲတိုက်ခိုက်မှုမှာ ပါဝင်တဲ့ အလားအလာရှိတယ်လို့ ကျွန်တော် ယုံကြည်ပါတယ်” ဟု ထိုင်းရဲတပ်ဖွဲ့ ဒုတိယအကြီးအကဲ ချက်တစ်ပ် ချာဂျင်ဒါက ယနေ့နေ့လည် ရုပ်သံမှတိုက်ရိုက်ထုတ်လွှင့်မှုအတွင်း သတင်းထောက်များအား ပြောကြားခဲ့သည်။

ရဲတပ်ဖွဲ့ပြောရေးဆိုခွင့်ရှိသူ ဒုတိယဗိုလ်ချုပ်ကြီး ပရာဝစ် သာဗွန်ဆီရီကမူ ဖမ်းဆီးရမိခဲ့သူမှာ တူရကီနိုင်ငံသားဖြစ်သည်ဟု စောစောပိုင်းက ပြောကြားခဲ့သော်လည်း နောက်ပိုင်းတွင် ပြန်လည် ငြင်းဆန်ခဲ့သည်။

“ပထမတော့ ကျွန်တော်တို့က တူရကီနိုင်ငံသားလို့ ထင်တာပါ။ ဒါပေမယ့် သူကိုင်ထားတဲ့ တူရကီပတ်စ်ပို့နှစ်ခု တွေ့ပြီး အားလုံး အတုတွေပါ။ ပြီးတော့ ပတ်စ်ပို့အတု အလွတ်တော်တော်များနဲ့ အထောက်အထားအမျိုးမျိုးကိုလည်း ကျွန်တော်တို့ တွေ့ခဲ့ပါတယ်” ဟု ပြောကြားခဲ့သည်။

အင်္ကျီအ၀ါရောင်ဝတ်ကာ ဘုရားကျောင်းဝင်းအတွင်း ဗုံးဟုယူဆရသည့် ကျောပိုး လွယ်အိတ်ကို ချထားခဲ့သည့် အဓိက သံသယရှိသူကိုမူ ရဲတပ်ဖွဲ့က ဆက်လက်ရှာဖွေမှုများ ပြုလုပ်နေသည်။

Ref: Aljazeera,CNN

August 29, 2015
အိမ်ကွင်းပွဲ ၁၀၀ ပြည့် ရှုံးမှသာ မော်ရင်ဟို အောင်ပွဲခံမည်

သြဂုတ် ၂၉၊ ၂၀၁၅
M-Media

– ချယ်ဆီးနှင့် အိမ်ကွင်းပရီးမီးယားလိဂ် ပွဲ ၁၀၀ မြောက်တွင် ရှုံးနိမ့်မှသာ မိမိ အောင်ပွဲခံမည်ဟု ချယ်ဆီးနည်းပြ မော်ရင်ဟိုက ပြောကြားလိုက်သည်။

ယခုနှစ်တစ်ပတ်တွက် ချယ်ဆီးမှာ ခရစ္စတယ်ပဲလေ့စ်အား အိမ်ကွင်း၌ လက်ခံကစားရမည်ဖြစ်ပြီး ထိုပွဲမှာ မော်ရင်ဟိုအတွက် အိမ်ကွင်းပွဲ ၁၀၀ ပြည့်မြောက်သည့်ပွဲလည်း ဖြစ်သည်။ ချယ်ဆီးမှာ အိမ်ကွင်းမှတ်တမ်းကောင်းရှိပြီး ပြီးခဲ့သည့်နှစ်က ဆန်းဒါးလန်းတစ်သင်းကိုသာ ရှုံးနိမ့်ထားသည်။

မော်ရင်ဟိုကမူ မိမိတို့အသင်း ခရစ္စတယ်ပဲလေ့စ်အား အနိုင်ရရှိပါက အောင်ပွဲခံရန် အစီအစဉ်မရှိဘဲ ရှုံးနိမ့်မှသာလျှင် ရလဒ်အတွက် စိတ်မပျက်ကြောင်း အပြင်ထွက်၍ သက်သေပြမည်ဟု ပြောကြားခဲ့သည်။

“ဒင်နာအကြောင်းမေးရင် ကျွန်တောကတော့ ဆန့်ကျင်မှာပါ။ တကယ်လို့ ကျွန်တော်တို့ ရှုံးရင် အပြင်ထွက်စားမယ်။ ဒီထက်ပိုပြီး ကျွန်တော်တို့နိုင်ရင် အပြင်ထွက်မှာ မဟုတ်ပါဘူး။ ကျွန်တော်သွားလေ့ရှိတဲ့ စားသောက်ဆိုင် လေးငါးဆိုင်လောက်ရှိပါတယ်” ဟု သတင်းထောက်များအား မော်ရင်ဟိုက ပြောကြားခဲသည်။

ထို့ပြင် မိမိအနေဖြင့် မိသားစုကိစ္စများကို ကြိုက်နှစ်သက်ကြောင်း၊ ပွဲရှုံးသည့်အတွက် ပုန်းရှောင်နေစရာမလိုကြောင်း ၎င်းက ထည့်သွင်းပြောကြားခဲ့သည်။

ရာသီအစ ရလဒ်မကောင်းမှုများနှင့်ပတ်သက်၍ မော်ရင်ဟို၏ ရာသီအကြို လေ့ကျင်မှု နောက်ကျခြင်းကို အပြစ်တင်ခဲ့ကြပြီး ၎င်းကမူ မိမိ၏ ဆုံးဖြတ်ချက်ကို ရာသီကုန်မှသာ ကြည့်ရှုရမည်ဟုဆိုသည်။

“ရာသီကုန်အကြောင်းပဲ ပြောရအောင်။ ကျွန်တော်တို့ ဘယ်လိုအဆုံးသတ်မလဲဆို၊ တစ်ခြားသူတွေက ဘယ်လိုဖြစ်မလဲဆိုတာ၊ ကျွန်တော်တို့ ဘယ်လို ကျော်ဖြတ်နိုင်လဲဆိုတာသာ ကြည့်ရအောင်။ တစ်ချိန်တည်းမှာ ပြိုင်ပွဲ ၃၊ ၄ ခုလောက်ပေါ့။ ကြည့်ကြည့်ပါ”

Ref: Goal

August 29, 2015
ကြောင်စာထုတ်လုပ်ရာတွင် ကျွန်ပြုခံလုပ်အား ပါဝင်သည့်ကိစ္စကြောင့် Nestle ကို စားသုံးသူများ တရားစွဲ

သြဂုတ် ၂၉၊ ၂၀၁၅
M-Media

– ကြောင်စာထုတ်လုပ်သည့် လုပ်ငန်း၏ ကွင်းဆက်တွင် ကျွန်ပြုခိုင်းစေမှုများ ရှိနေသောကြောင့် ကမ္ဘာကျော် အစားအသောက်ထုတ်လုပ်သည့် Nestle ကုမ္ပဏီအား ကယ်လီဖိုးနီးယားရှိ စားသုံးသူများက တရားစွဲဆိုလိုက်သည်ဟု သိရသည်။

Fancy Feast တံဆိပ်ဖြင့် ထုတ်လုပ်သည့် ကြောင်စာဖြစ်ပြီး အဆိုပါ ကြောင်စာထုပ်လုပ်ရန်အတွက် ကုန်ကြမ်းရရှိမှု ကွင်းဆက်တွင် ကျွန်ပြုခံလုပ်သားများ သုံးစွဲမှုရှိသည်ဟု တရားလိုများ၏ စုံစမ်းမှုအရ သိရသည်။

ထိုကြောင်စာထုတ်လုပ်ရန်အတွက် ထိုင်းနှင့် အင်ဒိုနီးရှားအကြားရှိ ပင်လယ်ပြင်များမှ ဖမ်းယူရရှိသော ပင်လယ်စာများကို အသုံးပြုထားပြီး ကယ်လီဖိုးနီးယား အလယ်ပိုင်းခရိုင် တရားရုံးသို့ ယခုသီတင်းပတ်အတွင်း တိုင်ကြားခဲ့ခြင်းဖြစ်သည်။

“Nestel ဟာ အခုအချိန်မှာ သူတို့ဆီကိုလာတဲ့ ရင်းမြစ်တွေက ငါးဖမ်းသင်္ဘောတွေဆီ ငါးရောက်တဲ့လမ်းကြောင်းကို မလိုက်နိုင်ပါဘူး။ ပြီးတော့ အဲဒီငါးတွေဟာ ကျွန်ပြုခိုင်းစေခံရတဲ့ လုပ်သားတွေဆီကနေ ရတာမဟုတ်ဘူးလို့လည်း သူတို့ သေချာမပြောနိုင်ပါဘူး။ အခုအချိန်မှာ Nestle ဟာ ငါးတွေဖမ်းပေးတဲ့ ကျွန်ပြုခံ လုပ်သားတွေရဲ့ လုပ်အားကို အမြတ်ထုတ်နေပြီး ဒါဟာ ရှက်စရာပါပဲ” ဟု တရားရုံးသို့ တင်သွင်းသော ဖိုင်တွဲတွင် ရေးသားဖော်ပြထားသည်။

အဆိုပါ အိမ်မွေးတိရစ္ဆာန်အစာများကို အမေရိကန်သို့ တင်သွင်းရန်အတွက် Nestle မှာ ထိုင်းကုမ္ပဏီတစ်ခုဖြစ်သော Thai Union Frozen Products PCL နှင့် ပူးပေါင်းဆောင်ရွက်ရပြီး၊ အမေရိကန်တွင်ရောင်းချနေရသည့် ထိပ်တန်း တံဆိပ်များမှ အချို့အတွက် အဆိုပါ ထိုင်းကုမ္ပဏီမှာ ပြီးခဲ့သည့်နှစ်အတွင်း ပင်လယ်စာအခြေပြု အိမ်မွေးတိရစ္ဆာန်အစားအစာ ပေါင်ချိန် ၈ သန်းကျော်
ပို့ပေးခဲ့သည်ဟု တရားလိုများက ထည့်သွင်းပြောကြားခဲ့သည်။

တိရစ္ဆာန်အစားအစာများ ပြုလုပ်ရန်အတွက် ငါးဖမ်းရာတွင် အဆိုပါထိုင်းကုမ္ပဏီမှာ ကျွန်ပြုခိုင်းစေသည့် လုပ်သားများအပေါ်တွင် မှီခိုနေပြီး မိမိတို့အနေဖြင့် Nestle ၏ တိရစ္ဆာန်အစားအစာများကို ၀ယ်ယူတော့မည်မဟုတ်ဟု တရားစွဲဆိုမှုတွင် ဖော်ပြထားသည်။

Nestle အား တရားစွဲဆိုသူများမှာ နယူးယောက်တိုင်းမ်သတင်းစာမှ မကြာသေးမီက ဖော်ပြခဲ့သော အင်ဒိုနီးရှားနိုင်ငံအတွင်းရှိ ငါးဖမ်းလုပ်ငန်းများ၌ ကျွန်ပြုခံ ကမ္ဘောဒီးယားနှင့် မြန်မာလုပ်သားများအကြောင်းကို ကိုးကားခဲ့သည်။

“အမေရိကရဲ့ အကြီးဆုံးနဲ့ အကျိုးအမြတ်အများဆုံးရတဲ့ ကုမ္ပဏီကြီးအနေနဲ့ သူတို့ရဲ့ ကုန်ကြမ်းကွင်းဆက်ရဲ့ ဘယ်နေရာမှာမဆို ကျွန်ပြုခံလုပ်အားကိစ္စကို ငြိမ်မနေသင့်ပါဘူး” ဟု စားသုံးသူများက ပြောကြားခဲ့ပြီး Nestle မှာ ကယ်လီဖိုးနီးနယား၏ အစားသောက်ဆိုင်ရာ ကျင့်ဝတ်များကို ချိုးဖောက်သည်ဟုလည်း ဖော်ပြထားသည်။

Nestle က ပေးပို့သောအီးမေလ်းတွင် အဆိုပါ တရားစွဲဆိုမှုအကြောင်းကို ဖော်ပြထားခြင်းမရှိဘဲ မိမိတို့၏ ကုန်ကြမ်းထောက်ပံ့မှု ကွင်းဆက်တွင် ကျွန်ပြုခိုင်းစေမှုအတွက် နေရာမရှိစေရဟု ရေးသားထားကြောင်း Bloomberg ၀ဘ်ဆိုက်တွင် ဖော်ပြထားသည်။

Ref: RT

August 29, 2015
အပြောင်းအရွှေ့မပိတ်ခင် နာမည်ကြီးကစားသမားတစ်ဦး မန်ယူ ခေါ်ယူဖွယ်ရှိနေ

သြဂုတ် ၂၉၊ ၂၀၁၅
M-Media

– လာမည့်အင်္ဂါနေ့ အပြောင်းအရွှေ့မပိတ်ခင် ကစားသမားများ ထပ်မံဝယ်ယူမည့်အခြေအနေနှင့် ပတ်သက်၍ မန်ယူနည်းပြ ဗန်ဂါးလ်က ငြင်းဆိုခဲ့ခြင်း မရှိဘဲ၊ နာမည်ကြီးကစားသမားတစ်ဦးကို ၀ယ်ယူမည်ဆိုသည့် ကောလဟာလများမှာလည်း ခိုင်မာလာခဲ့သည်။

မန်ယူမှာ နွေရာသီအပြောင်းအရွှေ့တွင် အဓိက လူသစ်စုဆောင်းမှုများ ပြုလုပ်ခဲ့ပြီး ပေါင်း သန်း ၇၀ ခန့် သုံးစွဲခဲ့ကာ မော်ဂန် ရှနိုက်ဒါလင်၊ ဘက်စ်တီယန် ရှဝိုင်းစတိုင်ဂါ၊ မန်ဖစ်ဒီပိုင်းနှင့် ဆာဂျီယို ရိုမဲရိုးတို့ကဲ့သို့ ကစားသမားများကို ၀ယ်ယူခဲ့သည်။

သို့သော်လည်း အသင်းမှ ဂိုးသမား ဒေးဗစ်ဒီဂီယာမှာ ရီးယဲလ်သို့ပြောင်းရွှေ့ရန် ဆက်သွယ်မှုများ ရှိနေပြီး၊ သောမက်စ်မူလာ၊ နေးမာနှင့် ဂါရက်ဘေးလ်တို့ကဲ့သို့ ကစားသမားမျိုးဖြင့် တိုက်စစ်ပိုင်းအတွက်လည်း မန်ယူက အင်အားဖြည့်တင်းမှုများ ပြုလုပ်ရန် စီစဉ်နေသည်ဟု ယုံကြည်ရသည်။

မန်ယူ၏ အပြောင်းအရွှေ့လုပ်ငန်း ပြီးဆုံးပြီလားဟု မေးမြန်းရာတွင် နည်းပြဗန်ဂါးလ်က

“ခင်ဗျားအဖြေလိုချင်တဲ့အချိန်မဟုတ်ဘဲ ကျွန်တော်တို့ ကြေငြာချင်တဲ့အချိန်ကျရင် ဒါကို ကြေငြာသွားမှာပါ” ဟု ဗန်ဂါးလ်က ပြန်လည်ဖြေကြားခဲ့ကာ နောက်တစ်ဦးက ထပ်မံမေးမြန်းရာတွင်လည်း ယခုကဲ့သို့ပင် ပြောဆိုခဲ့သည်။

မန်ယူမှာ ပရီးမီးယားလိဂ် ၃ ပွဲကစားပြီးချိန်တွင် ၇ မှတ်ရထားပြီး ချန်ပီယံလိဂ် ခြေစစ်ပွဲတွင်လည်း ဘရုဂျက်အသင်းအား ပြတ်ပြတ်သားသား အနိုင်ရကာ အုပ်စုအဆင့်သို့ တက်ရောက်နိုင်ခဲ့သည်။ မနက်ဖြန်တွင် မန်ယူမှာ ဆွမ်ဆီးအသင်းနှင့် ပရီးမီးယားလိဂ်ပွဲ ကစားရမည်ဖြစ်သည်။

Ref: Goal

August 29, 2015