သြဂုတ် ၂၆၊ ၂၀၁၅
M-Media
– လွန်ခဲ့သည့် ၂ နှစ်အရင်က ရဲကားအနောက်မှ ကြိုးဖြင့် တရွတ်တိုက်ဆွဲခေါ်ခံခဲ့ရကာ သေဆုံးသွားခဲ့သည့် မိုဇမ်ဘတ် တက္ကစီဒရိုင်ဘာအမှုအတွက် တောင်အာဖရိက ရဲတပ်ဖွဲ့ဝင် ၈ ဦးမှာ အပြစ်ရှိကြာင်း တွေ့ရှိခဲ့ရသည်ဟု သိရသည်။
သေဆုံးသွားသူမှာ အသက် ၂၇ နှစ်အရွယ် မီဒို မာစီယာဆိုသူဖြစ်ပြီး လမ်းမတွင် နေရာမှာယွင်း၍ ပါကင်ထိုးမှုကြောင့် အဖမ်းခံခဲ့ရပြီးနောက် ရဲတပ်ဖွဲ့၏ ထိန်းသိမ်းမှုအောက်၌ ၂၀၁၃ ခုနှစ် ဖေဖော်ဝါရီလတွင် သေဆုံးခဲ့ခြင်းဖြစ်သည်။
မာစီယာမသေဆုံးမီ မြို့တော် ဂျိုဟန်နစ္စဘတ်အရှေ့ပိုင်းတွင် လက်ထိပ်ခတ်ထားသော မာစီယာကို ရဲတပ်ဖွဲ့ ဗန်ကား၏ အနောက်တွင် ကြိုးဖြင့်ချည်ကာ မီတာရာပေါင်းများစွာအထိ တရွတ်တိုက် ဆွဲခေါ်သွားသည်ကို ဘေးတွင်ကြည့်သူများက ဗီဒီယိုဖြင့် မှတ်တမ်းတင်ထားခဲ့သည်။ ထို့နောက် ၂ နာရီခန့်အကြာ၌ အချုပ်ခန်းထဲတွင် မာစီယာမှာ သွေးအိုင်ထဲ လဲကျသေဆုံးနေသည်ကို တွေ့ခဲ့ရသည်။
ပရီထရိုရီယာရှိ တရားရုံးတွင် တရားသူကြီး ဘာ့တ်ဘမ်က ဗီဒီယိုမှတ်တမ်း၌ ပါဝင်သည့် ရဲတပ်ဖွဲ့ဝင် ၈ ဦးစလုံးကို အပြစ်ရှိသည်ဟု ဆုံးဖြတ်ခဲ့ပြီး၊ မာစီယာမှာ ဖမ်းဆီးမှုကို ခုခံခဲ့ကာ ရဲတပ်ဖွဲ့ဝင်တစ်ဦးအား လက်ရောက်ကျူးလွန်ခဲ့သည်ဟု ၎င်းတို့ လျှောက်လဲမှုကို ပယ်ချခဲ့သည်။
ကားမောင်းသူကမူ ပတ်ဝန်းကျင်ရှိ ဒေါသထွက်နေသော လူအုပ်ကြီးမှ လွတ်မြောက်ရန် ကားကို မောင်းပြေးခဲ့ခြင်းဖြစ်ပြီး မာစီယာ အနောက်တွင် ရှိနေသည်ကို မသိခဲ့သည်ဟု ထွက်ဆိုခဲ့သည်။
သို့သော်လည်း ဖမ်းဆီးခဲ့သည့်ရဲအား ဆဲဆိုမှုအတွက် သင်ခန်းစာပေးရန် ထိုသို့ ဆောင်ရွက်ခဲ့ခြင်းဖြစ်သည်ဟု တရားသူကြီးက ယူဆခဲ့ပြီး၊ မာစီယာမှာ လမ်းစည်းကမ်းချိုးဖောက်မှုအတွက် ဥပဒေပ ဖမ်းဆီးခံခဲ့ရခြင်းကြောင့် ၎င်းတို့အား ခုခံသည်ဟု ရဲတပ်ဖွဲ့က ပြောဆိုခဲ့ခြင်းဖြစ်ကြောင်း ၎င်းက ထည့်သွင်းပြောကြားခဲ့သည်။
ထို့နောက် မာစီယာမှာ အချုပ်ခန်းထဲတွင် ထပ်မံ၍ ငြှင်းပန်းနှိပ်စက်ခြင်း ခံခဲ့ရပြီး၊ အလောင်းအား စစ်ဆေးမှုများအရ ဦးခေါင်းတွင် ပေါက်ပြဲပဲရွဲ့ဒဏ်ရာအများအပြားကို တွေ့ခဲ့ရဟုလည်း ဘမ်က ပြောကြားခဲ့သည်။
အမှုတွင်ပါဝင်သူမှာ ၉ ဦးဖြစ်ပြီး တစ်ဦးကို ယခင်က တရားသေလွှတ်ပေးခဲ့သည်။ အပြစ်ရှိကြောင်း တွေ့ရှိခဲ့ရသည့် ၈ ဦးကို လာမည့် စက်တင်ဘာ ၂၂ ရက်နေ့တွင် ပြစ်ဒဏ်ချမှတ်မည်ဖြစ်ပြီး အနည်းဆုံး ထောင်ဒဏ် ၁၅ နှစ် ကျခံရဖွယ်ရှိနေသည်။
Ref: Aljazeera
