Author: Ko Lay

ပဋိပက္ခကြောင့် အီရတ်ရှိ ပြည်နယ်တစ်ခုတွင်ပင် စာသင်ကျောင်း ၁၅၀၀ ကျော် ပျက်ဆီးဆုံးရှုံး

သြဂုတ် ၄၊ ၂၀၁၅
M-Media

– လက်ရှိဖြစ်ပွားနေသော ပဋိပက္ခ၏ ရလဒ်အဖြစ် အီရတ်နိုင်ငံ အန်ဘာရ်ပြည်နယ်တစ်ခုတည်းတွင်ပင် စာသင်ကျောင်းပေါင် ၁၅၀၀ ကျော်မှာ ပျက်ဆီးဆုံးရှုံးခဲ့သည်ဟု အစိုးရ ပြောရေးဆိုခွင့်ရှိသူတစ်ဦးက ယမန်နေ့တွင် ပြောကြားခဲ့သည်။

အန်ဘာရ်ပြည်နယ်မှာ အီရတ်နိုင်ငံ၏ အကြီးဆုံး ပြည်နယ်ဖြစ်ပြီး IS စစ်သွေးကြွအဖွဲ့၏ ထိုးစစ်ဆင်တိုက်ခိုက်မှုများ မစတင်မီ လအနည်းငယ်အရင် ၂၀၁၄ ခုနှစ် အစပိုင်းကတည်းက တိုက်ခိုက်မှုများနှင့် ကြုံတွေ့ခဲ့ရသည်။

လက်ရှိတွင် အန်ဘာရ်ပြည်နယ်ရှိ ဆုံးရှုံးသွားသော နယ်မြေများအား ပြန်လည်ရရှိနေရေးအတွက် အစိုးရက အဓိက အားစိုက်လုပ်ဆောင်နေပြီး၊ ပြည်နယ်၏ ဒေသအများအပြားတွင် စစ်ဆင်ရေးများ ဆောင်ရွက်နေကာ အမေရိကန်ဦးဆောင်သည့် မဟာမိတ်တပ်ဖွဲ့များကလည်း နေ့စဉ်လိုလိုပင် လေကြောင်းမှ တိုက်ခိုက်မှုများ ပြုလုပ်နေသည်။

“အန်ဘာရ်ပြည်နယ်က အဆိုးရွားဆုံး ထိခိုက်တာပါပဲ။ တစ်ဝက်တစ်ပျက် ပျက်ဆီးနေတဲ့၊ လုံးဝပျက်ဆီးသွားတဲ့ စာသင်ကျောင်း ၁၅၀၀ကျော်လောက် ရှိပါတယ်။ အဲဒီကျောင်းတွေထဲက အများစုဟာ IS အဖွဲ့တွေက တိုက်ရိုက် ပစ်မှတ်ထားပြီး ဖျက်ဆီးတာဖြစ်ပါတယ်” ဟု ပြည်နယ်ရေးရာကောင်စီမှ ပြောရေးဆိုခွင့်ရှိသူ အီးဒ် အမ်မက်ရ်ှက AFP သတင်းဌာနသို့ ပြောကြားခဲ့သည်။

ထို့ပြင် အချို့စာသင်ကျောင်းများကို IS အဖွဲ့များက အခြေစိုက်စခန်းအဖြစ် အသုံးပြုကြပြီး အီရတ်စစ်တပ်၏ မြေပြင်တိုက်ခိုက်မှုနှင့် မဟာမိတ်များ၏ လေကြောင်းတိုက်ခိုက်မှုတို့၏ ပစ်မှတ်ထားမှုကို ခံရကြောင်း၊ အချို့မှာ ရှေ့တန်းစစ်မျက်နှာအဖြစ် ရောက်ရှိနေကြောင်း ၎င်းက ထပ်လောင်းပြောကြားခဲ့သည်။

“အန်ဘာရ်ကို IS ဆီက လုံးဝပြန်သိမ်းပြီးနောက်မှာ ဒီကျောင်းတွေကို ပြန်ဆောက်ဖို၊ ပြန်လည်ထူထောင်ရေးလုပ်ဖို့တောင်မှ ပိုက်ဆံအများကြီးကုန်ပြီး အနည်းဆုံး အချိန် ၂ နှစ်ခွဲလောက်ကြာမှာပါ” ဟု အမ်မက်ရ်ှက ဆိုသည်။

မြို့တော် ဘဂ္ဂဒက်အနီးရှိ ကာရ်မာ၊ ဆီးရီးယားနယ်စပ်ရှိ အလ်-ကွာအင်မ်မြို့၊ အဓိကမြို့များဖြစ်သော ရာမာဒီ၊ ဖာလူဂျာနှင့် ဟာဒီသာ စသည့်မြို့များရှိ စာသင်ကျောင်းများသည်ပင် ဘေးကင်းခြင်းမရှိဘဲ ထိခိုက်ပျက်ဆီးနေကြသည်။

ကုလ၏ နောက်ဆုံးထုတ်ပြန်သော စာရင်းများအရ အိုးအိမ်စွန့်ခွာ ထွက်ပြေးရသော အီရတ်ကလေးငယ်များ၏ ၇၀ ရာခိုင်နှုန်းမှာ ပညာရေးကို ရရှိခြင်းမရှိဟု သိရသည်။ ထိုခိုက်ခံစားရသည့် ဒေသများရှိ အသုံးပြု၍ရသော စာသင်ကျောင်းအများစုတွင်လည်း ကျောင်းသားများ မတန်တဆ များပြားနေသည်။

Ref: Alrabiya

August 4, 2015
အပြာဝဘ်ဆိုက် ၈၀၀ ကျော်ကို ပိတ်ပင်ရန် အိန္ဒိယအစိုးရ အမိန့်ပေး

သြဂုတ် ၄၊ ၂၀၁၅
M-Media

– လူ့အဖွဲ့အစည်းအတွင်း ကာယအိနြေ္ဒကို စောင့်ထိန်းနိုင်ရန် နည်းလမ်းအဖြစ် အပြာဝဘ်ဆိုက် ၈၅၀ ကျော်ကို ပိတ်ပစ်ရန် အိန္ဒိယအစိုးရက အင်တာနက်ဝန်ဆောင်မှုပေးနေသော ISP များကို အမိန့်ပေးခဲ့သည်ဟု မီဒီယာများက ဖော်ပြခဲ့သည်။

အိန္ဒိယ၏ တယ်လီဖုန်းဆက်သွယ်ရေးဌာနမှ ပြောရေးဆိုခွင့်ရှိသူ အန်အန် ကာအူးလ်က တရားရုံးချုပ်၏ ညွှန်ကြားချက် ထွက်ရှိလာပြီးနောက်ပိုင်းတွင် အစိုးရမှာ အပြာဝဘ်ဆိုက်များသို့ လွယ်ကူစွာ ၀င်ရောက်ကြည့်ရှုနိုင်မှုကို ထိန်းချုပ်ရန် ကြိုးစားခဲ့သည်ဟု ယမန်နေ့က ပြောကြားခဲ့သည်။

ထို့ပြင် အိန္ဒိယရှိ ISP များမှာ အဆိုပါဝဘ်ဆိုက်များသို့ ၀င်ရောက်ခွင့် ပိတ်ပင်ထားသော်လည်း အသုံးပြုသူများမှာ ကိုယ်ပိုင် ကွန်ယက်များနှင့် proxy ဆာဗာများမှတစ်ဆင့် ၀ဘ်ဆိုက်များကို ၀င်ရောက်ကြည့်ရှုနိုင်ကြသည်ဟု ကာအူးလ်ကဆိုကာ အစိုးရ၏ ထိုဆောင်ရွက်မှုမှာ ကလေးငယ်များကို ကာကွယ်ရန်ဖြစ်သည်ဟု ထည့်သွင်းပြောကြားခဲ့သည်။

ကိုယ်ကျင့်တရားပိုင်းနှင့် ကာအိနြေ္ဒပိုင်းဆိုင်ရာကြောင့် အပြာဝဘ်ဆိုက် ၈၅၇ ခုကို ပိတ်ပင်ရန် အိန္ဒိယအစိုးရက ISP များသို့ ပြီးခဲ့သည့်သောကြာနေ့က လျှို့ဝှက်အမိန့်ပေးခဲ့ခြင်းဖြစ်ပြီး နောက်ပိုင်းတွင် ပေါက်ကြားခဲ့သည်။

အစိုးရကမူ စောစောပိုင်းက ထိုအမိန့်ပေးမှုနှင့်ပတ်သက်၍ ငြင်းဆိုခဲ့ပြီး Times of India သတင်းစာက ထိုကဲ့သို့ ပိတ်ပင်ခြင်းမှာ ယာယီအတွက်သာဖြစ်ပြီး ပုံမှန်ပိတ်ပင်သွားရန်ကို စောင့်ကြည့်နေသည်ဟု အစိုးရ သတင်းရင်းမြစ်များကို ကိုးကား၍ ဖော်ပြခဲ့သည်။

ယမန်နေ့ နေ့လည်ပိုင်းက ၀င်ရောက်ကြည့်ရှုခွင့် ပိတ်ပင်ထားသည့် ၀ဘ်ဆိုက်များစာရင်းကို ထုတ်ပြန်ခဲ့ပြီး နောက်ထပ် ၀ဘ်ဆိုက်များကိုလည်း ထပ်မံပေါင်းထည့်သွားမည်ဟု ကာအူလ်းက ထည့်သွင်းပြောကြားခဲ့သည်။

ISP များကမူ ထိုဆောင်ရွက်မှုအတွက် မိမိတို့ နားလည်သော်လည်း အဆိုပါ အပြာဝဘ်ဆိုက်များကို အခြားနိုင်ငံများမှ တည်ထောင်ထားခြင်းကြောင့် ပိတ်ပင်ရန် မဖြစ်နိုင်ဟု ပြောကြားခဲ့သည်။ အိန္ဒိယမှာ ယခင်ကလည်း Facebook နှင့် Twitter တို့ကဲ့သို့ ဆိုရှယ်မီဒီယာများကို ထိန်းချုပ်ရန် ဆောင်ရွက်မှုများ ပြုလုပ်ခဲ့ဖူးသည်။

Ref: Aljazeera

August 4, 2015
နာပိုလီအသင်း၏ သက်တမ်းတိုးရန် ကမ်းလှမ်းမှုကို ဟီဂူအင်ပယ်ချ

သြဂုတ် ၄၊ ၂၀၁၅
M-Media

– နာပိုလီအသင်း၏ အားထားရသည့် တိုက်စစ်မှူး ဂွန်ဇာလို ဟီဂူအင်မှာ အသင်းမှ ကမ်းလှမ်းသည့် စာချုပ်သက်တမ်းသစ်ကို ပယ်ချခဲ့သည်ဟု ၎င်း၏ အေးဂျင့်ဖြစ်သူက ပြောကြားလိုက်သည်။

၂၀၁၃ ခုနှစ်တွင် နာပိုလီအသင်းသို့ ရီးယဲလ်မှ ပြောင်းရွှေ့ခဲ့သည့် ဟီဂူအင်မှာ အသင်းနှင့် ၃ နှစ်သက်တမ်း ကျန်ရှိနေသေးပြီး ယခု နွေရာသီအပြောင်းအရွှေ့တွင် အခြားအသင်းများမှ ချိတ်ဆက်မှုများလည်း ရှိနေသည်။

၎င်း၏ အကိုဖြစ်ပြီး အေးဂျင့်လည်းဖြစ်သူ နီကိုလက်စ်ဟီဂူအင်ကမူ မိမိတို့မှာ နာပိုလီအသင်း၏ တစ်နှစ်သက်တမ်းတိုးစာချုပ်ကို ပယ်ချခဲ့သည်ဟု အတည်ပြုခဲ့သည်။ သို့သော်လည်း လက်ရှိအချိန်တွင် နာပိုလီမှ ထွက်ခွာရန် အစီအစဉ်မရှိသေးဟု ထည့်သွင်းပြောကြားခဲ့သည်။

“ကျွန်တော်တို့ဟာ ဥက္ကဌ (အော်ရယ်လီယို ဒီ လော်ရန်တစ်) နဲ့ လွန်ခဲ့တဲ့ ၁၀ ရက်က ဗီနစ်မြို့မှာ တွေ့ဆုံခဲ့ပါတယ်။ ကျွန်တော်တို့ အရာအားလုံးနဲ့ပတ်သက်ပြီး ပြောခဲ့ကြပါတယ်။ သူက တစ်နှစ်သက်တမ်းတိုးဖို့ ကမ်းလှမ်းခဲ့တယ်။ ဒါပေမယ့် ကျွန်တော်တို့ရဲ့ သဘောထားကတော့ ၂၀၁၈ ခုနှစ်မှာ ကုန်မယ့် လက်ရှိ စာချုပ်ကိုအတိုင်းပဲ ဆက်သွာမှာပါ” ဟု Radia Crc သို့ နီကိုလက်စ်က ပြောကြားခဲ့သည်။

ထို့ပြင် အဆိုပါစာချုပ်က မိမိတို့ ယခင်စာချုပ်ချုပ်ဆိုခဲ့သည်နှင့် ကွာခြားမှုမရှိကြောင်း၊ ထို့ကြောင့် မိမိတို့တို့အတွက် ကမ်းလှမ်းမှု အစစ်အမှန် မဟုတ်ကြောင်း၊ မိမိတို့မှာ တည်ငြိမ်ပြီး လက်ရှိအခြေအနေအတိုင်း ဆက်သွားရန်သာ ပျော်ရွှင်ကြောင်း ၎င်းက ထပ်လောင်းပြောကြားခဲ့သည်။

ဟီဂူအင်မှာ ယခုနှစ်နွေရာသီတွင် အရေးပါသည့် လွဲချော်မှုနှစ်ခုဖြင့် စိတ်ပျက်စရာဖြစ်ခဲ့ပြီး တစ်ခုမှာ ကိုပါအမေရိက ဗိုလ်လုပွဲ အာဂျင်တီးနားအတွက် ပင်နယ်တီကန်သွင်းရာတွင် လွဲချော်မှုဖြစ်သည်။ သို့သော်လည်း နီကိုလက်စ်ကမူ ဟီဂူအင်မှာ လာမည့်ရာသီတွင် စိန်ခေါ်မှုများကို ရင်ဆိုင်ရန် အဆင်သင့်ဖြစ်နေသည်ဟု ထည့်သွင်းပြောကြားခဲ့သည်။

Ref: Goal

August 4, 2015
ဆီရာလီယိုနီတွင် အီဘိုလာ တစ်ကျော့ပြန်ထွက်ပေါ်လာ

သြဂုတ် ၄၊ ၂၀၁၅
M-Media

– အီဘိုလာကူးစက်မှုသတင်းများကို လပေါင်းများစွာ ကြားခဲ့ရခြင်းမရှိသည့် ဆီရာလီယိုနီနိုင်ငံ တွန်ကိုလီလီခရိုင်တွင် ပြီးခဲ့သည့်တစ်ပတ်က အီဘိုလာဖြင့် အမျိုးသားတစ်ဦး သေဆုံးခဲ့ပြီးနောက် ရောဂါပိုးကူးစက်နေသူ ၂ ဦးကို ထပ်မံတွေ့ရှိခဲ့ရသည်ဟု တာဝန်ရှိသူများက ပြောကြားလိုက်သည်။

ရောဂါပိုးကူးစက်နေသူများမှာ ဇူလိုင်လအလယ်ပိုင်းက ရောဂါကူးစက်ခံရပြီးနောက် သေဆုံးသွားခဲ့သည့် ထိုအမျိုးသား၏ ဆွေမျိုးများဖြစ်သည်ဟု အီဘိုလာ တုန့်ပြန်ရေးစင်တာက တနင်္ဂနွေနေ့တွင် ကြေညာခဲ့သည်။

“ဗိုင်းရပ်စ်က ဘယ်မှာရှိလဲဆိုတာ ကျွန်တော်တို့ အခု သိပါပြီ။ ပြီးတော့ ကျန်ရှိနေတဲ့ ဒီကူးစက်မှုတွေကို ၀န်းရံခြင်း၊ ထိန်းချုပ်ခြင်းနဲ့ ရှင်းလင်းခြင်းလုပ်ငန်းစဉ်တွေ ဆောင်ရွက်ခြင်းအားဖြင့် ဒီပြန့်နှံ့မှုကို ခြေရာခံနေပါတယ်” ဟု စင်တာ၏ ပြောရေးဆိုခွင့်ရှိသူ အိုဘီ စီဆေးက ပောကြားခဲ့သည်။

အာဏာပိုင်များကမူ ကူးစက်မှုကို ထိန်းချုပ်ရန် အလျင်အမြန် လုပ်ဆောင်နေကြသော်လည်း အဆိုပါကူးစက်မှုမှာ စိတ်ပူစရာဖြစ်သည်ဟု စီဆေးက ဆိုသည်။

အမည်မဖေါ်လိုသူ အမျိုးသားတစ်ဦး ပြီးခဲ့သည့် သီတင်းပတ်က သေဆုံးခဲ့ပြီးနောက် အာဏာပိုင်များမှာ လူ ၅၀၀ ခန့်ကို သီးသန့်ခွဲထားကာ စောင့်ကြည့်မှုများ ပြုလုပ်နေသည်။ သေဆုံးသွားသူမှာ အီဘိုလာကို မြို့တော် ဖရီးတောင်းတွင် ကူးစက်ခဲ့ခြင်းဖြစ်ပြီး ထို့နောက် ၎င်းနေထိုင်ရာ ဇာတိသို့ ပြန်သွားခဲ့ခြင်းဖြစ်သည်။

ဒေသတွင်းဆေရုံး၌ ၎င်းအား အဖျားရှိနေသည်ကို စမ်းသပ်တွေ့ရှိခဲ့ရသော်လည်း အီဘိုလာ အရေးပေါ်ဌာနသို့ အကြောင်းကြားခဲ့ခြင်း မရှိပေ။ ထို့ပြင် မိသားစုဝင်များကလည်း ထိုအမျိုးသား၏ အလောင်းကို ရောဂါပိုး ပြန့်နှံခြင်းမရှိစေရန် ပြုလုပ်ရသည့် ဆောင်ရွက်မှုများ လုပ်ဆောင်ခြင်းမရှိဘဲ မြှုပ်နှံ သင်္ဂြိုဟ်ခဲ့ကြသည်။

ဆီရာလီယိုနီနိုင်ငံတွင် အီဘိုလာကူးစက်မှု လုံးဝမရှိတော့သည်မှာ ၅ လခန့် ကြာမြင့်ခဲ့ပြီဖြစ်ပြီး ယခုမှ ပြန်လည် ထွက်ပေါ်လာခြင်းဖြစ်သည်။

Ref: Aljazeera

August 4, 2015
အင်ဒီးယားနားပြည်နယ်ရှိ အီဗန့်စ်ဗီလီတွင် မွတ်စလင်လူငယ်များ ပရဟိတအလှူပွဲတစ်ခု ပြုလုပ်

သြဂုတ် ၄၊ ၂၀၁၅
M-Media

– အစ္စလာမ်၏ သွန်သင်မှုများကို အိမ်နီးချင်းများအား မိတ်ဆက်ခြင်းအဖြစ် အမေရိကန်ပြည်ထောင်စု အနောက်အလယ်ပိုင်းပြည်နယ်ဖြစ်သော အင်ဒီးယားနားပြည်နယ် အီဗန့်စ်ဗီလီမြို့တွင် မွတ်စလင်ကျောင်းသားလူငယ်များက ခရစ်ယာန်ဘုရားကျောင်းတစ်ခုတွင် ပရဟိတ အလှူပွဲတစ်ခုကို ပြုလုပ်ခဲ့သည်ဟု သိရသည်။

“ဒါက ကျွန်မတို့အရွယ် လူငယ်တွေ ကျွန်မတို့ကို သူငယ်ချင်းလို့ မြင်လာစေဖို့ အကူအညီ ဖြစ်စေပါတယ်။ ကျွန်မတို့ကို မွတ်စလင်တွေဆိုပြီး ခွဲခြား မမြင်စေချင်ပါဘူး။ သာမန်လူလို့ မြင်ဖို့ပါပဲ” ဟု မကြာသေးမီက ဘွဲ့ရထားသည့် အသက် ၁၇ နှစ်အရွယ် ဇူဟာ အဒီလ်းက Courier Press သို့ သြဂုတ် ၂ ရက်နေ့တွင် ပြောကြားခဲ့သည်။

အဒီးလ်နှင့် ၎င်း၏ မွတ်စလင်သူငယ်ချင်း နှစ်ဆယ်ကျော်တို့မှာ အီဗန့်စ်ဗီလီ အစ္စလာမ့်စင်တာမှ ပထမဆုံးဆောင်ရွက်သော အဆိုပါ ပရဟိတပွဲကို Warrick County ခရစ်ယာန်ဘုရားကျောင်းတွင် ပြုလုပ်ခဲ့ပြီး ဘာသာအယူဝါဒ ၂ ခုမှ နောက်လိုက်များကို စုစည်းစေခဲ့သည်။

“မွတ်စလင်ကလေးတွေဟာ တစ်ချိန်တည်းမှာ မွတ်စလင်တစ်ယောက်နဲ့ အမေရိကန်တစ်ယောက် ဖြစ်နိုင်တယ်ဆိုတာကို လူတွေကိုမြင်စေဖို့ ဒီပွဲက ကျွန်မတို့ကို ကူညီပါလိမ့်မယ်။ ပြီးတော့ ကျွန်မတို့အတွက်၊ အခြားသူတွေရဲ့အကျိုးအတွက် အသိုင်းအ၀ိုင်းနှစ်ခုကိုလည်း စုစည်းစေပါလိမ့်မယ်” ဟု အဒီးလ်က ထပ်လောင်းပြောကြားခဲ့သည်။

အဒီးလ်၏ ၁၇ နှစ်အရွယ် သူငယ်ချင်းဖြစ်သူ ဟဒီးလ် ယူဆက်ဖ်ကလည်း မိမိတို့၏ အတန်းဖော်များမှာ မိမိတို့ အယူဝါဒနှင့် ကျင့်သုံးမှုများအကြောင်းကို မသိကြဟု ဆိုသည်။

“ကျွန်မတို့ကျောင်းက မတူကွဲပြားမှုကို ပိုပြီး လက်ခံပါတယ်။ ဒါပေမယ့် မေးခွန်းတွေတော့ အများကြီး ရှိနေတုန်းပါပဲ။ ဒါကိုသိဖို့လိုတယ်လို့ လူတွေက မခံစားမိကြပါဘူး။ ကျွန်မ နားလည်ပါတယ်။ ဒါက သူတို့ရဲ့ ဘာသာတရားလို နေ့စဉ်ဘ၀မှာ သက်ရောက်မှုမှ မရှိတာ။ ဘာ့ကြောင့် ကျွန်မတို့ ပုဝါဆောင်းရသလဲ၊ နိုင်ငံရပ်ခြားမှာ ဆိုးရွားတဲ့လုပ်ရပ်တွေကို လုပ်ဆောင်နေတဲ့သူတွေကို ဘာ့ကြောင့် မွတ်စလင်မဟုတ်ဘူးလို့ ပြောရသလဲဆိုတဲ့ ကိစ္စတွေကို သူတို့ နားမလည်ပါဘူး။ ကျွန်မတို့သာသနာကို သူတို့ နားမလည်တာကြောင့်
ဒါတွေကိုလည်း နားလည်မှာ မဟုတ်ပါဘူး” ဟု သူမက ထည့်သွင်းပြောကြားခဲ့သည်။

မွတ်စလင်လူငယ်များ၏ အဆိုပါပွဲက မွတ်စလင်ခေါင်းဆောင်များ၏ ချီးကျူးမှုကို ရရှိခဲ့ပြီး ဘုရားကျောင်း အဖွဲ့ဝင်များအနေဖြင့် ၎င်းတို့၏ မွတ်စလင်သူငယ်ချင်းများနှင့် မွတ်စလင်လူ့အဖွဲ့အစည်းကို သိရှိထိတွေ့ခွင့် ရရှိစေသည့် အခွင့်အရေးအဖြစ် ရှုမြင်ကြသည်။

“သူတို့ အမြဲတမ်း မျှဝေပြောပြဖို့မလိုတဲ့၊ သူတို့ရဲ့ အသိအကျွမ်းတွေကို ဖော်ပြဖို့မလိုတဲ့ အမှတ်သညာနဲ့ပတ်သက်ပြီး ဒါက သူတို့အတွက် အလွန်ပဲ သက်တောင့်သက်သာ ဖြစ်စေမှာပါ” ဟု အီမာမ် အိုမာရ် အာတီယာက ပြောကြားခဲ့သည်။

အီန်ဗန့်စ်ဗီလီအစ္စလာမ့်လူ့အဖွဲ့အစည်း၏ အကြီးအကဲဖြစ်သူ အာတီယာမှာ IS ၏ အွန်လိုင်း လူသစ်စုဆောင်းရေး ၀ါဒဖြန့်မှုကို တန်ပြန်တုန့်ပြန်သည့် ဗီဒီယိုများကို ထုတ်လုပ်ဖြန့်ချီသော Reclamation Studios ကို ပူးတွဲတည်ထောင်သူလည်းဖြစ်သည်။

Ref: Onislam

August 4, 2015