သြဂုတ် ၂၊ ၂၀၁၅
M-Media
– နိုင်ငံအတွင်း အမုန်းအခြေခံသော တိုက်ခိုက်မှုများ မြင့်တက်လာမှုကို ဆန့်ကျင်သည့်အနေဖြင့် အစ္စရေးပြည်သူ ထောင်ပေါင်းများစွာမှာ ယမန်နေ့က ချီတက်ဆန္ဒပြခဲ့ကြသည်ဟု သိရသည်။
ကြာသာပတေးနေ့က လိင်တူချစ်သူများ၏ ချီတက်မှုအတွင်း အစွန်းရောက် အော်သိုဒေါ့စ် ဂျူးဘာသာဝင်တစ်ဦးက ဓားဖြင့်ထိုးခဲ့သောကြောင့် လူ ၆ ဦး ဒဏ်ရာရရှိခဲ့ပြီး သောကြာနေ့တွင် ပါလက်စတိုင်းပိုင် အနောက်ဘက်ကမ်း၌ တရားမ၀င် အခြေချနေထိုင်ကြသည့် ဂျူးများက ပါလက်စတိုင်း နေအိမ်များအား မီးရှို့ခဲ့ကာ အသက် ၁၈ လအရွယ် ကလေးငယ်တစ်ဦး သေဆုံးခဲ့သည်။
ထိုကဲ့သို့ အကြမ်းဖက်တိုက်ခိုက်မှုများကို မကျေနပ်ကြသည့် အစ္စရေးပြည်သူများက ယမန်နေ့တွင် တလ်အဗီး၌ ဆန္ဒပြမှုများ ပြုလုပ်ခဲ့ကြပြီး ဆန္ဒပြသူဦးရေ ၂၀၀၀ ၀န်းကျင်ခန့် ရှိခဲ့သည်။
“အခြေချနေထိုင်သူတွေရဲ့ အကြမ်းဖက်တိုက်ခိုက်မှုတွေပေါ် ထိထိရောက်ရောက် အရေးယူဖို့နဲ့ ငြိမ်းချမ်းရေးလုပ်ငန်းစဉ်ကို ချက်ခြင်းပြန်စဖို့ အစိုးရကို ကျွန်တော်တို့ တိုက်တွန်းပါတယ်” ဟု အဆိုပါ ချီတက်ဆန္ဒပြပွဲကို စီစဉ်သည့် Peace Now အဖွဲ့မှ ဒါရိုက်တာ ယာရစ်ဗ် အိုပန်ဟေမာက AFP သတင်းဌာနသို့ ပြောကြားခဲ့သည်။
ဂျေရုစလင်တွင်လည်း လူရာပေါင်းများစွာက အမုန်းအခြေပြု ရာဇ၀တ်မှုများကို ဆန့်ကျင်သည့် ဆန္ဒပြပွဲများ ပြုလုပ်ခဲ့ပြီး အစ္စရေးနိုင်ငံတစ်ဝှမ်းရှိ အခြားမြို့များတွင်လည်း ဆန္ဒပြမှုများကို ပြုလုပ်ခဲ့ကြသည်။
“လိင်တူချစ်သူ ချီတက်မှုကို တိရစ္ဆာန်ချီတက်မှုလို့ တစ်ချို့က ခေါ်နေတဲ့အချိန်မှာ အသက် ၁၆ နှစ်အရွယ် အမျိုးသမီးတစ်ဦး ဓားထိုးခံရတာ အံ့သြစရာတော့ မဟုတ်ပါဘူး။ ဒီလိုပဲ အစ္စရေးက အာရပ်တွေအပေါ် တစ်ချို့တွေက အမုန်းတရားလှုံ့ဆော်နေတဲ့အချိန်မှာ
ခရစ်ယာန်ဘုရားကျောင်းတွေ၊ ဗလီတွေ မီးရှို့ခံရတာ၊ ကလေးငယ်လေးတောင်မှ သေသည်အထိ မီးရှို့ခံရတာ အံ့သြစရာတော့ မဟုတ်ပါဘူး” ဟု အစ္စရေး သမ္မတဟောင်း ရှီမွန်ပဲရီးစ်က တဲလ်အဗီး ချီတက်ဆန္ဒပြမှုတွင် ပြောကြားခဲ့သည်။
အနောက်ဘက်ကမ်းရှိ ဒူးမားရွာ၌ ပါလက်စတိုင်းနေအိမ် မီးရှို့ခံရမှုတွင် သေဆုံးသွားခဲ့သည့် ၁၈ လအရွယ် အလီ စအဒ် ဒါဝါဘက်ရှ်၏ မိဘများနှင့် အသက် ၄ နှစ်အရွယ် အစ်ကိုဖြစ်သူတို့မှာ မီးလောင်ဒဏ်ရာများကို ဆိုးရွားစွာခံနေရပြီး အသက်အန္တရာယ် စိုးရိမ်ရသည်အထိ ဖြစ်နေသည်ဟု တာဝန်ရှိသူများက ပြောကြားခဲ့သည်။
ထိုကဲ့သို့ မီးရှို့ခံရမှုကို မကျေနပ်သည့်အတွက် ဒူးမားရွာတွင် ပါလက်စတိုင်း ၂၀၀ ခန့်က ယမန်နေ့တွင် ဆန္ဒပြခဲ့ကြပြီး အစ္စရေးရဲတပ်ဖွဲ့ဝင်များက အင်အားသုံး နှိမ်နင်းခဲ့သောကြောင့် ဒဏ်ရာရရှိမှုများလည်း ရှိခဲ့သည်။
ဂါဇာကမ်းမြှောင်တွင်လည်း ရာပေါင်းများစွာသော ပါလက်စတိုင်းများမှာ ယမန်နေ့ညနေပိုင်းက ဒါဝါဘက်ရ်ှအတွင် စုပေါင်း ဆုတောင်းမှုများ ပြုလုပ်ခဲ့သည်။
Ref: Channelnewsasia, Aljazeera
