ဇွန် ၂၆၊ ၂၀၁၅
M-Media
– မြန်မာနိုင်ငံတွင် “ထင်ထင်ရှားရှားရှိနေသည့် လူ့အခွင့်အရေး ချိုးဖောက်မှုများ” အတွက် မိမိတို့အနေဖြင့် စိုးရိမ်မိသည်ဟု အမေရိကန် ယမန်နေ့တွင် ပြောကြားလိုက်ပြီး လူနည်းစု ရိုဟင်ဂျာအပေါ် ဆက်လက်ရှိနေသည့် အနိုင်ကျင့်မှုများကိုလည်း မီးမောင်းထိုးပြခဲ့သည်။
“ နိုင်ငံရေးအကျဉ်းသားတွေကို ၂၀၁၂ ခုနှစ်မှာ လွှတ်ပေးတာ အကျဉ်းထောင်အတွင်း အခြေအနေတွေ ဆောင်ရွက်တာနဲ့ ရေရှည်ခံတဲ့ အပစ်ရပ်ရေးရဖို့ ဆွေးနွေးမှုတွေ ဆက်လုပ်နေတာတွေ အပါအ၀င် ၂၀၁၁ ခုနှစ်ကတည်း တိုးတက်မှုလားရာ ကျယ်ပြန့်လာမှုနဲ့အတူ ရခိုင်ပြည်နယ်က လူ့အခွင့်အရေး ချိုးဖောက်မှုဟာဆိုးဆိုးဝါးဝါးဆက်ရှိနေပါတယ်” အမေရိကန်အစိုးရ၏ ကမ္ဘာ့တစ်ဝှမ်း လူ့အခွင့်အရေးတိုးတက်မှု နှစ်စဉ်သုံးသပ်ချက်တွင် ဖော်ပြထားသည်။
မျှော်လင့်ချက်ကင်းမဲ့နေသည့် ထောင်ပေါင်းများစွာသော ရွှေပြောင်းအခြေချသူများအား အာဆီယံရေပိုင်နက်တွင် ယိုင်နဲ့နဲ့ သင်္ဘောများဖြင့် မကြာသေးမီ သီတင်းပတ်များအတွင်း ကယ်တင်ခဲ့ရပြီးနောက် ရခိုင်ပြည်နယ်တွင် အများစုနေထိုင်သည့် ရိုဟင်ဂျာများ၏ ဒုက္ခသုက္ခများမှာ
ကမ္ဘာက အာရုံစူးစိုက်မှုကို ရခဲ့သည်။
“နိုင်ငံမဲ့ရိုဟင်ဂျာတွေအတွက် တူညီပြီး၊ ခွဲခြားမှုမရှိခြင်းကို အခြေခံတဲ့ ပြည့်ဝတဲ့နိုင်ငံသားဖြစ်ခွင့် ရရှိရေးအတွက် မျှတတဲ့လုပ်ငန်းစဉ်ကို မြန်မာအစိုးရက ဆောင်ရွက်မပေးခဲ့ပါဘူး” ဟု အဆိုပါ အစီရင်ခံစာတွင် ထည့်သွင်းဖော်ပြထားသည်။
ထို့ပြင် အကြမ်းဖက်တိုက်ခိုက်မှုများကြောင့် အိုးအိမ်စွန့်ခွာ ထွက်ပြေးခဲ့ရသည့် ရိုဟင်ဂျာနှင့် အခြားသော မွတ်စလင်လူ့အဖွဲ့အစည်းများအား ကူညီရန်အတွက် ထိရောက်သည့် အားထုတ်မှုများကို ရခိုင်ပြည်နယ် အာဏာပိုင်များက ဆောင်ရွက်ခြင်းမရှိဟုလည်း အမေရိကန်အစိုးရက ပြောကြားခဲ့သည်။
အကြမ်းဖက်တိုက်ခိုက်မှုများကြောင့် အိုးအိမ်စွန့်ခွာ ထွက်ပြေးခဲ့ရသည့် ရိုဟင်ဂျာ ၁၄၀၀၀၀ ကျော်မှာ ဒုက္ခသည်စခန်းများနှင့် ပိတ်လှောင်ခံထားရပြီး အဆိုပါစခန်းများက ရိုဟင်ဂျာနှင့် ရခိုင်လူ့အဖွဲ့အစည်းတို့အား သီးသန့်ခွဲခြားထားကာ ရိုဟင်ဂျာများမှာ အနိုင်ကျင့်မှုနှင့် ငွေညှစ်မှုတို့ကို ခံရစေသည်။
မြန်မာနိုင်ငံ၏ အဆင်းရဲဆုံးပြည်နယ်များမှ တစ်ခုဖြစ်သော ရခိုင်ပြည်နယ်တွင် လူများစု ဗုဒ္ဓဘာသာဝင်များနှင့် ငြှင်းပန်းနှိပ်စက်ခံ ရိုဟင်ဂျာမွတ်စလင်လူ့အဖွဲ့အစည်းတို့အကြား အကြမ်းဖက်မှုများ အချိန်မရွေး ဖြစ်ပွားနိုင်သည့် တင်းမာမှုမျိုး ရှိနေသည်။
အမေရိကန်၏ အဆိုပါ လူ့အခွင့်အရေးအစီရင်ခံစာတွင် အစိုးရတပ်ဖွဲ့များမှာ အပြစ်ပေးခြင်းမခံရဘဲ ကျူးလွန်မှုများကို ဆောင်ရွက်ခွင့်ရနေပြီး တရားမဲ့သတ်ဖြတ်မှုများ၊ ငြှင်းပန်းနှိပ်စက်မှုများနှင့် စိတ်ထင်တိုင်း ဖမ်းဆီးထိန်းသိမ်းမှုများကို ပြုလုပ်နေကြသည်ဟု အပြစ်တင်ထားသည်။
ထို့ပြင် မြန်မာနိုင်ငံရှိ အကျဉ်းထောင်များရှိ ဆိုးရွားသော အခြေအနေများကို ရှုတ်ချထားသော်လည်း အလုပ်စခန်းများရှိ အခြေအနေမှာ ယေဘုယျအားဖြင့် တိုးတက်လာကာ အချို့နေရာများတွင် အသက်အန္တရာယ်ခြိမ်းခြောက်မှု အလားအလာပင် ရှိသည်ဟု ဖော်ပြခဲ့သည်။
စာနယ်ဇင်းလွတ်လပ်ခွင့်ကို ကန့်သတ်ခြင်းနှင့် မြေယာသိမ်းယူခြင်းများ ကျယ်ကျယ်ပြန့်ပြန့် ဖြစ်ပွားနေခြင်းကလည်း ပြဿနာပင်ဖြစ်သည်ဟု အဆိုပါအစီရင်ခံစာတွင် ဖောပြခဲ့သည်။
၂၀၀၁ ခုနှစ်က စစ်အာဏာရှင်စနစ် နိဂုံးချုပ်၍ ပြုပြင်ပြောင်းလဲမှုများကို စတင်လာကတည်းက မြန်မာနိုင်ငံ၏ ပွင့်လင်းလာမှုကို ပြီးခဲ့သည့် နှစ်အနည်းငယ်အတွင်း အမေရိကန်က တစ်ဖြည်းဖြည်းခြင်း ထောက်ခံခဲ့သည်။
သို့သော်လည်း လေ့လာသူများအစုကမူ အဆိုပါ ပြုပြင်ပြောင်းလဲမှုများမှာ လက်ရှိအချိန်တွင် ရပ်တန့်သွားပြီဟု ပြောကြားခဲ့သည်။
Ref: Tribune, RFA
