Author: Ko Lay

မေ ၂၉၊ ၂၀၁၅
M-Media

– ဘာလ်တီမိုးတွင် ပြီးခဲ့သည့်တနင်္လာနေ့က ပြုလုပ်ခဲ့သော မြောက်အမေရိက အစ္စလာမ်အသိုက်အ၀န်း (ICNA) ညီလာခံသို့ တက်ရောက်လာကြသည့် မွတ်စလ်များမှာ ဒေသအတွင်းရှိ အိမ်ယာမဲ့ မိသားစုများနှင့် ချို့တဲ့သူများအား ကူညီထောက်ပံ့မှုများ
ပြုလုပ်ခဲ့ကြသည်ဟု သိရသည်။

“ကျွန်တော်တို့ဟာ မွတ်စလင်တွေ ဖြစ်တာကြောင့် ဒီအလုပ်တွေကို လုပ်တာပါ။ ဒီလိုအကျိုးဆောင်မှုတွေက အထင်မှားအမြင်မှားတွေကို မောင်းထုတ်နိုင်လိမ့်မယ်လို့ ကျွန်တော် မျှော်လင့်မိပါတယ်” ဟု ညီလာခံသို့ တက်ရောက်လာခဲ့သည့် ဘာလ်တီမိုး
မွတ်စလင်ပြည်သူ့ဝန်ဆောင်မှုအေဂျင်စီမှ ဥက္ကဌဖြစ်သူ ကရင်မ် အေမင်က ပြောကြားခဲ့သည်။

အေမင်၏ အဆိုပါအေဂျင်စီမှာ ဒါရိုက်တာ မာလီကာ မက်ဒေါ်နယ် ဦးဆောင်သည့် ICNA ကူညီကယ်ဆယ်ရေး၏ အမျိုးသမီးများ အိမ်ယာရရှိရေး ကွန်ယက်နှင့် ပူးပေါင်းကာ အိမ်ယာမဲ့ မိသားစုများနှင့် ချို့တဲ့သူများအား၊ အစားသောက်များ၊ အသုံးအဆောင်ပစ္စည်းများကို လှူးဒါန်း ထောက်ပံ့ခဲ့ခြင်း ဖြစ်သည်။

လွန်ခဲ့သည့် တစ်လခန့်ကလည်း မက်ဒေါ်နယ်၏ ကွန်ယက်မှာ ဘာလ်တီမိုးသို့လာရောက်၍ ထိုကဲ့သို့ ထောက်ပံ့ပေးမှုများကို ပြုလုပ်ခဲ့သည်။ မက်ဒေါ်နယ်ကမူ ထိုစဉ်က အိမ်ယာမဲ့မိသားစုတစ်ခုသို့ အစားသောက်နှင့် အသုံးအဆောင်ပစ္စည်းများ ထည့်ထားသည့် အိတ်ကို သွားရောက်ပေးအပ်ရာတွင် အသက် ၄ နှစ်အရွယ် မိန်းကလေးတစ်ဦးက စိတ်လှုပ်ရှားစွာဖြင့် အော်ဟစ်ခဲ့သည့် အဖြစ်အပျက်တစ်ခုကို ပြန်ပြောင်းပြောပြခဲ့သည်။

“ဒါက ဒီမှာရှိနေတဲ့ ဆိုးဆိုးရွားရွား ဆင်းရဲမွဲတေမှုအချို့အတွက် မျက်စိဖွင့်ပေးလိုက်တာပါပဲ” ဟု မက်ဒေါ်နယ်က ဆိုသည်။

မက်ဒေါ်နယ်မှာ ယခုအကြိမ် ဘာလ်တီမိုးသို့ ပြန်လည်ရောက်ရှိလာခြင်းမှာ ICNA ညီလာခံသို့ တက်ရောက်ရန်အတွက်သာ မဟုတ်ဘဲ လိုအပ်နေသူများအား ကူညီရန်အတွက်လည်း ဖြစ်သည်။

မြောက်အမေရိကတွင် အကြီးဆုံး မွတ်စလင်ညီလာခံဖြစ်ပြီး အကြိမ် ၄၀ မြောက်ဖြစ်သည့် ICNA ညီလာခံကို ဘာလ်တီမိုးရှိ ကွန်ဗန်းရှင်းစင်တာတွင် မေလ ၂၃ ရက်နေ့မှ ၂၅ ရက်နေ့အထိ ၃ ရက်ကြာ ကျင်းပပြုလုပ်ခဲ့ခြင်းဖြစ်ပြီး နိုင်ငံတစ်ဝှမ်းမှ
မွတ်စလင်အဖွဲ့အစည်းများ တက်ရောက်ခဲ့ကြသည်။

ညီလာခံသို့ တက်ရောက်ခဲ့ကြသည့် လူ ၂၀၀၀၀ ခန့်မှာ သွားဘက်ဆိုင်ရာ ပစ္စည်များ၊ အချိုရည်၊ လိမ္မော်သီး၊ သောက်ရေသန့်၊ ကွေကာအုပ်၊ စွပ်ပြုတ်နှင့် အစားသောက်များပါသော အိတ်ပေါင်း ၄၀၀ ခန့်ကို ဘာလ်တီမိုးရှိ ချို့တဲ့သူများအား လိုက်လံ ဝေငှခဲ့ကြသည်။

ညီလာခံတွင် မွတ်စလင်မဟုတ်သူများပါ တက်ရောက်ခွင့်ပေးခဲ့ပြီး ပညာရှင်များက စီးပွားရေး၊ ဘဏ္ဍာရေး၊ လူမှုလုပ်ငန်းများ၊ ကလေးငယ်များ၏ စိတ်ပိုင်းဆိုင်ရာအကြောင်း၊ ဥပဒေနှင့် ပညာရေးအကြောင်းများကို တင်ပြခဲ့ကြကာ ဆွေးနွေးပွဲများလည်း ပြုလုပ်ခဲ့ကြသည်။

Ref: Onislam