Author: Ko Lay

အမေရိကန်ရှိ ဗလီတစ်လုံး မီးရှို့ခံရ၊ အစိုးရစားရိတ်ဖြင့် ပြင်ဆင်ပေးပြီး စုံစမ်းစစ်ဆေးမှု ပြုလုပ်နေ

မေ ၁၄၊ ၂၀၁၉
M-Media

မီးရှို့ခံခဲ့ရသည့် Diyanet ဗလီဝတ်ကျောင်းတော်

-အမေရိကန်ပြည်ထောင်စု ကွန်နက်တီကတ်ပြည်နယ် နယူးဟဲဗန်းမြို့က ဗလီဝတ်ကျောင်းတော်တစ်လုံးမှာ တနင်္ဂနွေနေ့က မီးလောင်မှုဖြစ်ပွားခဲ့ပြီး အာဏာပိုင်တွေက ဒီမီးဟာ ရှို့မီးဖြစ်တယ်လို့ ထုတ်ပြန်ပြောကြားခဲ့ပါတယ်။

Diyanet ဗလီဝတ်ကျောင်းတော်ဖြစ်ပြီး မီးလောင်မှုကြောင့် ဆိုးဆိုးဝါးဝါး ထိခိုက် ပျက်ဆီးခဲ့ပါတယ်။ ပြည်နယ်အုပ်ချုပ်ရေမှူး နဒ် လာမွန်က ဒီမီးရှို့မှုကို ရှုတ်ချခဲ့ပါတယ်။

“ဘယ်ဘာသာရဲ့ ဘာသာရေးအဆောက်အဦးကိုပဲဖြစ်ဖြစ် အမုန်းတရားနဲ့ တိုက်ခိုက်တာမျိုးဟာ ရှက်ရွံ့စရာ၊ စက်ဆုပ်ဖွယ်ရာကိစ္စ ဖြစ်ပါတယ်။ ကျွန်တော်တို့တိုင်းပြည်မှာ ဒီလိုမျိုး မရှိစေရပါဘူး။ နယူးဟဲဗန်းက တာဝန်ရှိသူတွေနဲ့အတူ ဒီကိစ္စကို စုံစမ်းစစ်ဆေးမှု လုပ်ဆောင်သွားမှာဖြစ်ပြီး ကျူးလွန်သူတွေကိုလည်း အရေးယူသွားမှာပါ”

မြို့နယ် ရဲတပ်ဖွဲ့ ဒုတိယအကြီးအကဲ အော်လန်ဒို မာကာနိုက ဗလီဝတ်ကျောင်းတော်ကို ပြန်လည် ပြင်ဆင်ပြီးသွားပြီဖြစ်ပြီး၊ ကျူးလွန်သူတွေ ဖမ်းနိုင်ဖို့ သတင်းပေးရင် ကန်ဒေါ်လာ ၂၅၀၀ ဆုငွေပေးမယ်လို့ ပြောကြားခဲ့ပါတယ်။

“ထိခိုက်ခံစားရသူတွေနဲ့အတူ ရှိနေကြောင်း ကျွန်တော် ပြောကြားလိုပါတယ်”

ဒီကိစ္စအတွက် ပြည်နယ်အဆင့် စုံစမ်းစစ်ဆေးမှုတွေအပြင် FBI နဲ့ Bureau of Alcohol, Tobacco, Firearms and Explosives ဌာနတွေလို ပြည်ထောင်စုအဆင့် အဖွဲ့အစည်းတွေကလည်း စုံစမ်းစစ်ဆေးမှုတွေ ပြုလုပ်နေတယ်လို့ မီးသတ်တပ်ဖွဲ့ အကြီးအကဲ ဂျွန် အလက်စ်တန်က ပြောကြားခဲ့ပါတယ်။

Ref: CNN

May 14, 2019
အစိုးရထိပ်တန်းပုဂ္ဂိုလ်များကို လုပ်ကြံရန်နှင့် ကွာလာလမ်ပူတွင် တိုက်ခိုက်ရန် IS ၏ စီစဉ်ထားမှုကို မလေးရှား ဖော်ထုတ်

မေ ၁၃၊ ၂၀၁၉
M-Media

ဖမ်းဆီးမှု မြင်ကွင်းတစ်ခု

-မလေးအစိုးရရဲ့ ထိပ်တန်းပုဂ္ဂိုလ်တစ်ချို့ကို လုပ်ကြံသတ်ဖြတ်ဖို့နဲ့ မွတ်စလင်မဟုတ်သူတွေရဲ့ ၀တ်ပြုရာနေရာတွေကို တိုက်ခိုက်မှုတွေပြုလုပ်ဖို့ IS အဖွဲ့ဝင်တွေက စီစဉ်ထားမှုကို မလေးရှားရဲတပ်ဖွဲ့က ဖော်ထုတ်နိုင်ခဲ့ပြီး ၄ ဦးကိုလည်း ဖမ်းဆီးထိန်းသိမ်းထားတယ်လို့ ဆိုပါတယ်။

ဖမ်းဆီးခံထားရသူတွေဟာ အမျိုးသားတွေဖြစ်ပြီး မလေးရှားနိုင်ငံသား ၁ ဦး၊ ရိုဟင်ဂျာ ၂ ဦးနဲ့ အင်ဒိုနီးရှားတစ်ဦးတို့ဖြစ်ကြောင်း၊ မေလ ၅ ရက်နေ့ကနေ ၇ ရက်နေ့အတွင်း အကြမ်းဖက်တိုက်ဖျက်ရေးဌာန (E8) က ပြုလုပ်တဲ့ စစ်ဆင်ရေးတွေမှာ ဖမ်းဆီးရမိခဲ့ကြောင်း၊ ဆက်စပ်သူတွေကို ဆက်လက်ရှာဖွေနေကြောင်း ရဲတပ်ဖွဲ့ စစ်ဆေးရေးချုပ် ဒါတွတ်ဆရီ အဘ်ဒူလ် ဟာမစ် ဘာဒွရ်က ဒီကနေ့မှာ ပြောကြားခဲ့ပါတယ်။

“အစိုးရက အရေးပါတဲ့ ပုဂ္ဂိုလ်တွေကို လုပ်ကြံသတ်ဖြတ်ဖို့၊ မွတ်စလင်မဟုတ်သူတွေရဲ့ ၀တ်ပြုရာနေရာကို အကြီစား တိုက်ခိုက်မှုတွေလုပ်ဖို့ စီစဉ်ထားတဲ့ IS ရဲ့ အဖွဲ့ငယ်တစ်ခုကို E8 တပ်ဖွဲ့ဝင်တွေက ဖော်ထုတ်ဖမ်းဆီးနိုင်ခဲ့ပါတယ်။ (မီးသတ် တပ်ဖွဲ့ဝင်) မိုဟာမက် အာဒစ်ဘ် သေဆုံးမှုကို လက်တုန့်ပြန်ဖို့အတွက် ဥပုသ်လ ပထမအပတ်မှာ တိုက်ခိုက်ဖို့ သူတို့ စီစဉ်ခဲ့ကြတာပါ။
အစိုးရအရေးပါတဲ့ပုဂ္ဂိုလ်တွေကိုကြတော့ အစ္စလာမ်ဘာသာကို ကာကွယ် စောင့်ရှောက်မပေးဘူးဆိုတဲ့ အကြောင်းပြချက်နဲ့ သတ်ဖြတ်ဖို့ ကြံစည်တာ ဖြစ်ပါတယ်”

၂၀၁၈ ခုနှစ် နိုဝင်ဘာ ၂၇ ရက်နေ့က ဆူဘန်းဂျာယာမှာရှိတဲ့ Seafield Sri Maha Mariamman Temple ဟိန္ဒူဘုရားကျောင်းမှာ ရုန်းရင်းဆန်ခတ် ဖြစ်တဲ့အချိန် အခြေအနေကို ထိန်းသိမ်းဖို့ မီးသတ်တပ်ဖွဲ့ရဲ့ ကြိုးပမ်းမှုအတွင်း မီးသတ်သမား မိုဟာမက် အာဒစ်ဘ်ဟာ အပြင်းအထန် ဒဏ်ရာရခဲ့ပြီး ဒီဇင်ဘာ ၁၇ ရက်နေ့က သေဆုံးသွားခဲ့တာ ဖြစ်ပါတယ်။

နိုင်ငံမြောက်ပိုင်း တရန်ဂါနူပြည်နယ်မှာ မလေ ၅ ရက်နေ့က မလေးရှားနိုင်ငံသားကို ဖမ်းဆီးစဉ် ဖောက်ခွဲရေးပစ္စည်းတွေ၊ ပစ္စတိုတစ်လက်နဲ့ ကျည်ဆံ ၁၅ တောင့်ကို သိမ်းဆည်းရမိခဲ့ကြောင်း၊ ကွာလာလမ်ပူမှာ ဖမ်းဆီးရမိတဲ့ အသက် ၂၀ အရွယ် ရိုဟင်ဂျာတစ်ဦးဟာ UNHCR ကဒ် ကိုင်ဆောင်ထားပြီး တိုက်ခိုက်မယ့်အဖွဲ့ထဲဝင်ကာ ARSA အဖွဲ့ကို တောက်ပံ့အားပေးဖို့ ရှိနေတယ်လို့ ၀န်ခံကြောင်း စစ်ဆေးရေးအရာရှိချုပ် အဘ်ဒူလ် ဟာမစ်က ထည့်သွင်း ပြောကြားခဲ့ပါတယ်။

“ကွာလာလမ်ပူက မြန်မာသံရုံးကို တိုက်ခိုက်ဖို့နဲ့ ရခိုင်ပြည်နယ်ကိုပြန်ပြီး တိုက်ခိုက်မှုဆက်လုပ်ဖို့ စီစဉ်ထားတယ်လို့လည်း အဲဒီ ရိုဟင်ဂျာ အမျိုးသားက ပြောကြားခဲ့ပါတယ်”

နောက်ထပ် ၂ ဦးကိုတော့ ကွာလာလမ်ပူက Subang Jaya နဲ့ Old Klang Road တို့မှာ မေလ ၇ ရက်နေ့က ဖမ်းဆီးခဲ့တာဖြစ်ပါတယ်။

အလ်ဒူလ် ဟာမစ်က တိုက်ခိုက်မှုစီစဉ်တဲ့ အခုအဖွဲ့ဟာ တော်တော်ကြီးပြီး မလေးရှားနိုင်ငံသား ၂ ဦးနဲ့ အင်ဒိုနီးရှားနိုင်ငံသား ၁ ဦး စုစုပေါင်း နောက်ထပ် အဖွဲ့ဝင် ၃ ဦးကို ဖမ်းဆီးဖို့ လိုက်လံရှာဖွေနေကြောင်း ထည့်သွင်း ပြောဆိုခဲ့ပါတယ်။

Ref: The Star

May 13, 2019
ယူအေအီးကမ်းလွန်တွင် ဆော်ဒီအာရေဗျ၏ ရေနံတင်သင်္ဘော ၂ စင်း တိုက်ခိုက်ခံရ

မေ ၁၃၊ ၂၀၁၉
M-Media

-ယူအေအီးကမ်းလွန်မှာ တိုက်ခိုက်ခံခဲ့ရတဲ့ ရေနံတင်သင်္ဘော ၄ စီးထဲမှာ ၂ စီးက မိမိတို့ သင်္ဘောတွေဖြစ်ပြီး ဆိုးဆိုးဝါးဝါး ထိခိုက်ပျက်ဆီးမှု ရှိခဲ့တယ်လို့ ဆော်ဒီအာရေဗျက ပြောကြားလိုက်ပါတယ်။

ဖူဂျိုင်ရာဆိပ်ကမ်းမြို့ရဲ့ ကမ်းလွန်မှာ ရေနံတင်သင်္ဘောတွေ တိုက်ခိုက်ခံရတဲ့သတင်းကို အီရန်နဲ့ လက်ဘနွန် သတင်းဌာနတွေက ဖော်ပြခဲ့ကြပေမယ့် ယူအေအီးအာဏာပိုင်တွေကတော့ တိုက်ခိုက်မှု အသေးစိတ်နဲ့ ဘယ်သူတွေကလုပ်လဲဆိုတာတွေကို ထုတ်ဖော်ပြောဆိုဖို့ ငြင်းဆိုထားပါတယ်။

ဆော်ဒီစွမ်းအင်ဝန်ကြီး ခါလစ် အလ်-ဖာလီဟ်က တိုက်ခိုက်ခံရတဲ့အထဲမှာ ဆော်ဒီသင်္ဘောနှစ်စီး ပါဝင်ပြီး တစ်စီးက အမေရိကန်ကိုပို့မယ့် ရေနံတွေကို သွားသယ်တဲ့အချိန် တိုက်ခိုက်ခံခဲ့ရတာဖြစ်တယ်လို့ ပြောကြားခဲ့ပါတယ်။

အရှေ့အလယ်ပိုင်းဒေသတွင်းက ရေနံတင်သင်္ဘောတွေ ဖြတ်သန်းသွားလာတဲ့ ရေလမ်းကြောင်းတွေကို အီရန် ဒါမှမဟုတ် အီရန်က ကျောထောက်နောက်ခံပြုထားတဲ့ အုပ်စုတွေက နှောက်ယှက်လိမ့်မယ်လို့ အမေရိကန်က သတိပေးပြီးတဲ့နောက် အခုလိုတိုက်ခိုက်မှုသတင်း ပေါ်ထွက်လာခဲ့တာပါ။

ဆော်ဒီရဲ့ ကြေငြာချက် ထွက်ပေါ်လာပြီးတဲ့နောက်ပိုင်း ဒီကိစ္စကို အသေးစိတ် ထုတ်ဖော်ပြောဆိုဖို့အတွက် အီရန် နိုင်ငံခြားရေး ၀န်ကြီးဌာနက ဆော်သြတိုက်တွန်းခဲ့ပါတယ်။

ဝန်ကြီးဌာန ပြောရေးဆိုခွင့်ရှိသူ အဘတ်စ် မူဆာဗီက ဒေသတွင်း ရေလမ်းကြောင်း မတည်မငြိမ်ဖြစ်စေဖို့အတွက် ‘စိတ်သဘောထား သေးသိမ်သူတွေ ၊ တိုက်ချင်ခိုက်ချင်တဲ့ နိုင်ငံခြားသားတွေက ဖန်တီးတဲ့ လုပ်ကြံမှု’ ဖြစ်နိုင်တယ်လို့ သတိပေးခဲ့ပါတယ်။

ထရမ့်အစိုးရဟာ ၂၀၁၅ ခုနှစ် နျူသဘောတူညီချက်ကနေ နှုတ်ထွက်ကြောင်း ပြီးခဲ့တဲ့နှစ် မေလ မှာ ကြေငြာခဲ့ပြီးတဲ့နောက် အမေရိကန်နဲ့ အီရန်တို့အကြား တင်းမာမှုတွေဟာ ပိုမို မြင့်တက်လာခဲ့ပါတယ်။ ပြီးခဲ့တဲ့တစ်ပတ်မှာတော့ အမေရိကန်ဟာ ပင်လယ်ကွေ့ဒေသမှာ ဗုံးကြဲလေယာဉ်တွေ၊ လေယာဉ်တင်သင်္ဘောတွေ၊ ပက်ထရီယော့ ဒုံးခွင်းစနစ်တွေ ထပ်မံ ချထားခဲ့ပြီး အီရန်ရဲ့ တိုက်ခိုက်ဖွယ်ရှိမှုကို တုန့်ပြန်ဖို့ဖြစ်တယ်လို့ ပြောကြားခဲ့ပါတယ်။

Ref: Aljazeera

May 13, 2019
အခြေအနေဆိုးကို ကျော်လွှားရေး ညီညွတ်ကြရန် တိုင်းပြည်ကို အီရန်သမ္မတ တိုက်တွန်း

မေ ၁၂၊ ၂၀၁၉
M-Media

တိုင်းပြည် လက်ရှိကြုံတွေ့နေရတဲ့ အခြေအနေဟာ ၁၉၈၀ ပြည့်နှစ်တွေက အီရတ်နဲ့ ဖြစ်ပွားခဲ့တဲ့ စစ်ပွဲထက် ပိုမိုဆိုးရွားလာနိုင်တယ်လို့ အီရန်သမ္မတ ဟာဆန် ရူဟာနီက ပြောကြားလိုက်ပြီး၊ နိုင်ငံအတွင်းက နိုင်ငံရေးအင်အားစုတွေအားလုံး ညီညွတ်ဖို့လည်း တိုက်တွန်းခဲ့ပါတယ်။

အီရန်ဟာ ပြီးခဲ့တဲ့ သီတင်းပတ်တွေမှာ အမေရိကန်ရဲ့ စီးပွားရေးနဲ့ စစ်ရေးဖိအားပေးမှုတွေကို ပိုမိုကြုံတွေ့လာနေရတာပါ။ အီရန်ရဲ့ ရေနံတင်ပို့မှုအားလုံးကို အခုလအတွင်း အမေရိကန်က ပိတ်ဆို့လိုက်သလို၊ ပင်လယ်ကွေ့ဒေသမှာလည်း စစ်အင်အားဖြည့်တင်းမှုတွေကို သိသိသာသာ လုပ်ဆောင်လာပါတယ်။

နယ်ပယ်ပေါင်းစုံက တက်ကြွလှုပ်ရှားသူတွေနဲ့ မနေ့က တွေ့ဆုံမှုအတွင်း ရူဟာနီက အခြေအနေဟာ အီရတ်နဲ့ဖြစ်ခဲ့တဲ့ စစ်ပွဲထက် ပိုမိုဆိုးရွားနိုင်တယ်လို့ သတိပေးခဲ့ပါတယ်။

“လက်ရှိအနေအခြေအနေဟာ (၁၉၈၀-၈၈) စစ်ပွဲကာလထက်ပိုပြီး မဆိုးဘူးလို့ ပြောလို့ မရပါဘူး။ အဲဒီတုန်းက ကျွန်တော်တို့ရဲ့ ဘဏ်လုပ်ငန်း၊ ရေနံလုပ်ငန်း၊ သွင်းကုန်ထုတ်ကုပ်လုပ်ငန်းတွေမှာ ဘာပြဿနာမှ မရှိပါဘူး။ လက်နက်ဝယ်ယူမှုအပေါ် ပိတ်ဆို့တာလောက်ပဲ ရှိခဲ့ပါတယ်”

လက်ရှိ ရန်သူတွေရဲ့ လုပ်ဆောင်မှုတွေဟာ တိုင်းပြည်သမိုင်းမှာ အဆိုးဝါးဆုံးဖြစ်ပေမယ့် အနာဂတ်အတွက် မျှော်လင့်ချက် ကြီးကြီးမားမား ရှိနေတယ်လို့လည်း ရူဟာနီက ထည့်သွင်း ပြောဆိုခဲ့ပါတယ်။

၂၀၁၅ ခုနှစ်က ရရှိခဲ့တဲ့ နျူသဘောတူညီချက်ကနေ ပြီးခဲ့တဲ့နှစ် မေလမှာ နှုတ်ထွက်ခဲ့ပြီးတဲ့နောက်ပိုင်း ထရမ့်အစိုးရဟာ အီရန်အပေါ် စီးပွားရေး ပိတ်ဆို့မှုတွေ ပိုမိုလုပ်ဆောင်လာခဲ့ပါတယ်။ အခုတစ်ပတ်အစောပိုင်းမှာ လေယာဉ်တင်သဘောင်္ာ USS Abraham Lincoln ကို ပင်လယ်ကွေ့ဒေသ စေလွှတ်ခဲ့သလို၊ ဗုံးကြဲလေယာဉ်အုပ်စု၊ ပက်ထရီယော့ ဒုံးခွင်းစနစ်တွေကိုလည်း
အရှေ့အလယ်ပိုင်းကို ပို့ဆောင်ထားပါတယ်။

ထရမ့်က အီရန်ခေါင်းဆောင်တွေ သူနဲ့တွေ့ဆုံဖို့ ကြာသာပတေးနေ့က တိုက်တွန်းခဲ့ပြီး စစ်ရေးအရ တိုက်ခိုက်မှုအထိ ဖြစ်လာနိုင်တယ်လို့လည်း ၀န်ခံပြောကြားခဲ့ပါတယ်။

Ref: Aljazeera

May 12, 2019
လက်ဘနွန်နိုင်ငံ၏ နိုင်ငံရေးဦးသျှောင် ခရစ်ယာန်ဘုန်းတော်ကြီး ကွယ်လွန်

မေ ၁၂၊ ၂၀၁၉
M-Media

ဘုန်းတော်ကြီး နာဆာရွလ္လာဟ် ဘူးထရို့စ် စဖိုင်ယာ

-အရှေ့အလယ်ပိုင်းက လက်ဘနွန်နိုင်ငံရဲ့ နိုင်ငံရေးမှာ ထဲထဲဝင်ဝင် ပါဝင်ခဲ့ပြီး တိုင်းပြည်ကို စည်းလုံးညီညွတ်အောင် ကြိုးပမ်းပေးခဲ့တဲ့ ခရစ်ယာန်ဘုန်းတော်ကြီး နာဆာရွလ္လာဟ် ဘူးထရို့စ် စဖိုင်ယာဟာ ဒီကနေ့မနက် အစောပိုင်းက ကွယ်လွန်သွားခဲ့ပါတယ်။

မာခရိုနိုက် ခရစ်ယာန်အသင်းတော်က ထုတ်ပြန်တဲ့ ကြေငြာချက်မှာ ကျန်းမာရေးမကောင်းတဲ့ ဘုန်းတော်ကြီး စဖိုင်ယာဟာ ပြီးခဲ့တဲ့ ရက်အနည်းငယ်အတွင်း အထူးကြပ်မတ် ကုသဆောင်မှာ ဆေးကုသမှု ခံယူပြီးတဲ့နောက် မေလ ၁၂ ရက်နေ့မနက် ၃ နာရီအချိန်မှာ ကွယ်လွန်သွားတယ်လို့ ဖော်ပြထားပါတယ်။

မေလ ၁၅ ရက်နေ့မှာ သက်တော် ၉၉ နှစ်ပြည့်မယ့် ဘုန်းတော်ကြီး စဖိုင်ယာဟာ ဆီးရီးယားနိုင်ငံမှာ အခြေတည်တဲ့ မာရိုနိုက် ခရစ်ယာန်အသင်းတော်ရဲ့ ရဟန်းမင်းကြီးအဖြစ် ၁၉၈၆ ခုနှစ်ကနေ ၂၀၁၁ ခုနှစ်အထိ တာဝန်ထမ်းဆောင်ခဲ့ဖူးပြီး ၁၉၉၄ ခုနှစ်မှာ ပုပ်ရဟန်းမင်းကြီး ဂျွန်ပေါလ်ရဲ့ ကာဒီနယ် ရဟန်းအမတ်အဖြစ် ရွေးချယ်ခြင်းကို ခံခဲ့ရပါတယ်။

စဖိုင်ယာဟာ 76th Patriarch of Antioch and the Whole Levant ဘွဲ့ကို ရရှိထားတဲ့ ဘုန်းတော်ကြီးတစ်ဦးလည်း ဖြစ်ပါတယ်။

၁၉၇၅ ခုနှစ်ကနေ ၁၉၉၀ ပြည့်နှစ်အထိ ရှည်ကြာခဲ့တဲ့ လက်ဘနွန်ပြည်တွင်းစစ်မှာ ခရစ်ယာန်အုပ်စုတွေအပါအ၀င် ပြိုင်ဘက် လက်နက်ကိုင်အဖွဲ့တွေအကြား အာဏာခွဲဝေရေးကို စဖိုင်ယာက အောင်မြင်စွာ ညှိနှိုင်းပေးနိုင်ခဲ့ပြီး၊ လက်ဘနွန်နိုင်ငံအပေါ် ဆီးရီးယားက နှစ်ပေါင်း ၃၀ လောက် စစ်ရေးနဲ့ နိုင်ငံရေးလွှမ်းမိုးမှုကို တွန်းလှန်ရာမှာလည်း ခေါင်းဆောင်တစ်ဦး အနေနဲ့ ဆောင်ရွက်ခဲ့ပါတယ်။

ဘုန်းတော်ကြီး စဖိုင်ယာကို ၁၉၂၀ ပြည့်နှစ်က လက်ဘနွန်နိုင်ငံရဲ့ ကီဆာဝမ်တောင်တန်းဒေသ ရေဖွန်ရွာမှာ မွေးဖွားခဲ့ပါတယ်။ ဒဿနနဲ့ ဘာသာရေးကို လေ့လာခဲ့ပြီးတဲ့နောက် ဘုန်းတော်ကြီးတစ်ဦး ဖြစ်လာခဲ့ပြီး နိုင်ငံရဲ့ နိုင်ငံရေးမှာ ထဲထဲဝင်ဝင် ပါဝင်လှုပ်ရှားခဲ့ပါတယ်။

သူ့ရဲ့ အထုပ္ပတ္တိကို ရေးသားခဲ့သူ စာရေးဆရာ အန်တိုနီ စအဒ်က စဖိုင်ရာဟာ လက်ဘနွန်နိုင်ငံက သွေးကွဲမှုတွေကို အဆုံးသတ်ပေးခဲ့သူ ဖြစ်တယ်လို့ AFP သတင်းဌာနကို ပြောကြားခဲ့ပါတယ်။

“သူ့ရဲ့ အကြီးမားဆုံး စွမ်းဆောင်မှုက လက်ဘနွန်မှာ ဆီးရီးယားရဲ့ သြဇာကို အဆုံးသတ်စေလိုက်တာပါ။ နိုင်ငံအတွင်း ကွဲပြားခြားနားမှုတွေကြောင့် ဒီကိစ္စ ဘယ်လိုမှ မဖြစ်နိုင်ဘူးလို့ ထင်ထားကြပေမယ့် သူက ကြိုးကြိုးစားပမ်းစားနဲ့ တစ်စိုက်မတ်မတ်ဆောင်ရွက်ပေးခဲ့ပါတယ်”

စဖိုင်ယာရဲ့ ကြိုးပမ်းမှုကြောင့် လက်ဘနွန်နိုင်ငံအပေါ် ဆီးရီးယားရဲ့ လွှမ်းမိုးမှုဟာ အဆုံးသတ်သွားပြီး ထောင်နဲ့ချီတဲ့ ဆီးရီးယားစစ်သားတွေဟာလည်း ၂၀၀၅ ခုနှစ်မှာ တိုင်းပြည်ကနေ အပြီးအပိုင် ထွက်သွားခဲ့ပါတယ်။

ပြည်တွင်းစစ်နောက်ပိုင်း လက်ဘနွန်နိုင်ငံရဲ့ နိုင်ငံရေးမှာလည်း ဘုန်းတော်ကြီး စဖိုင်ယာဟာ အရေးပါတဲ့ အခန်းကဏ္ဍကနေ ပါဝင်ခဲ့ပါတယ်။

စအဒ်က စဖိုင်ယာဟာ စစ်ပွဲကိုဆန့်ကျင်သူဖြစ်ပြီး၊ သူသေဆုံးမှုဟာ တန်ဖိုးမဖြတ်နိုင်တဲ့ ဆုံးရှုံးမှုကြီးတစ်ခု ဖြစ်တယ်လို့ ပြောကြားခဲ့ပါတယ်။

Ref: Aljazeera

May 12, 2019