Author: Ko Lay

မေ ၁၁၊ ၂၀၁၉
M-Media

-တရုတ်နိုင်ငံက အစ္စလာမ်ဘာသာဝင်တွေဟာ ဘာသာရေးလွတ်လပ်ခွင့်ရရှိပြီး သူတို့ရဲ့ အခြေခံ ရပိုင်ခွင့်တွေလည်း ကာကွယ်ပေးခြင်းခံရတယ်လို့ ယုံကြည်ကြောင်း ပါကစ္စတန်သမ္မတ ဒေါက်တာ အာရစ်ဖ် အလ်ဗီက ပြောကြားလိုက်ပါတယ်။

တရုတ်နိုင်ငံ အနောက်ပိုင်း ရှင်ကျန်းပြည်နယ်က တူရကီစကားပြော ၀ီဂါမွတ်စလင်တွေဟာ တရုတ်အစိုးရရဲ့ ဖိနှိပ်ချုပ်ခြယ်မှုကို နှစ်ပေါင်းများစွာ ခံနေရပြီး၊ ၀ီဂါတစ်သန်းလောက်ကို အကျဉ်းစခန်းတွေမှာ ပိတ်လှောက်ထားတယ်လို့ ကမ္ဘာ့မီဒီယာတွေနဲ့ လူ့အခွင့်အရေးအဖွဲ့တွေက စုံစမ်းဖော်ထုတ် တင်ပြခဲ့ကြပါတယ်။

ကွန်မြူနစ်အစိုးရဟာ ၀ီဂါတွေကို ဘာသာတရားကျင့်သုံးခွင့်ပိတ်ပင်တာ၊ ၀က်သားအတင်းစားခိုင်းတာ၊ အရက်အတင်းသောက်ခိုင်းတာ၊ ဥပုသ်သီလဆောက်တည်မှု ပိတ်ပင်တာတွေလည်း ရှိနေပါတယ်။

ပါကစ္စတန်သမ္မတ အာရစ်ဖ် အလ်ဗီက ဒီသတင်းတွေဟာ ၀ါဒဖြန့်တာသာဖြစ်ပြီး၊ တရုတ်အာဏာပိုင်တွေက ဥပုသ်မစောင့်ခိုင်းဘူးဆိုတာလည်း မဟုတ်ကြောင်း FM-98 Dosti သတင်းဌာနနဲ့ အင်တာဗျူးမှာ ပြောကြားခဲ့ပါတယ်။ တရုတ်ဟာ လူနည်းစုတွေအပေါ် တာဝန်ယူမှုရှိရှိ ကာကွယ်စောင့်ရှောက်ပေးတယ်လို့လည်း သူက ဆိုပါတယ်။

တရုတ်သမ္မတ ရှီကျင့်ဖျင်ရဲ့ ခေါင်းဆောင်မှုကို ပါကစ္စတန်က အလွန်အားကျပြီး သူဟာ ရှေ့ကိုကြိုမြင်တဲ့ ခေါင်းဆောင်တစ်ယောက် ဖြစ်တယ်လို့လည်း ထည့်သွင်းပြောခဲ့ပါတယ်။

ပါကစ္စတန်ဟာ လက်ရှိမှာ အကြွေးနွံနစ်နေတဲ့ နိုင်ငံတစ်ခုဖြစ်ပြီး ငွေကြေးဖောင်းပွမှု၊ ကုန်ဈေးနှုန်း ကြီးမြင့်မှုတွေကိုလည်း ရင်ဆိုင်နေရပါတယ်။

တရုတ်ဟာ ပါကစ္စတန်ရဲ့ အဓိက ကုန်သွယ်ဖက်နိုင်ငံတစ်ခုဖြစ်ပြီး၊ စစ်ရေးနဲ့ နည်းပညာကဏ္ဍတွေမှာလည်း ပူးပေါင်းလုပ်ဆောင်နေပါတယ်။ ပါကစ္စတန်နိုင်ငံအတွင်းမှာ တရုတ်ရဲ့ ရင်းနှီးမြှုပ်မှုလုပ်ငန်းတွေ အများအပြားရှိနေသလို၊ Belt and Road စီမံကိန်း တစ်စိတ်တစ်ပိုင်းအဖြစ် အခြေခံအဆောက်အဦး တည်ဆောက်ရေးလုပ်ငန်းတွေကိုလည်း တရုတ်က လုပ်ဆောင်ပေးနေပါတယ်။

သမ္မတ အာရစ်ဖ် အလ်ဗီက တရုတ်နဲ့ စီးပွားရေး၊ လူမှုရေး ဆက်နွယ်မှုဟာ အလွန်ကောင်းမွန်တယ်လို့ ပြောကြားခဲ့ပြီး တရုတ်ရဲ့ ဖွံ့ဖြိုးတိုးတက်မှုကိုလည်း ချီးကျူးခဲ့ပါတယ်။

တိုင်းပြည်က အကြွေးအလွန်တင်နေတာကို အလ်ဗီက ၀န်ခံခဲ့သလို၊ လက်ရှိအစိုးရအနေနဲ့ အဲဒီအကြွေးတွေကို လျင်လျင်မြန်မြန် ဆပ်နိုင်မယ်လို့ မျှော်လင့်ကြောင်း၊ တရုတ်၊ ဆော်ဒီအာရေဗျ၊ ယူအေအီးတို့လို မိတ်ဖက်နိုင်တွေနဲ့ ပိုမိုကောင်းမွန်တဲ့ စီးပွားရေး ပူးပေါင်းဆောင်ရွက်မှု လုပ်ဆောင်ဖို့ အချိန်တန်ပြီဖြစ်ကြောင်း ထည့်သွင်း ပြောဆိုခဲ့ပါတယ်။

Ref: Pakistan Today