Author: Ko Lay

မြန်မာစစ်တပ်နှင့်နွယ်သည့် ၀ါဒဖြန့်အကောင့်များကို Facebook က တတိယအကြိမ် ရှင်းလင်း

ဒီဇင်ဘာ ၁၉၊ ၂၀၁၈
M-Media

– မြန်မာစစ်တပ်နဲ့ ဆက်နွယ်တွေတဲ့ ရာနဲ့ချီတဲ့ ၀ါဒဖြန့်အကောင့်တွေကို ဖယ်ရှားလိုက်တယ်လို့ Facebook က ဒီကနေ့မှာ ကြေငြာလိုက်ပြီး ဒါဟာ အမုန်းဝါဒဖြန့်မှုတွေရှိတယ်လို့ သတင်းထွက်နေတဲ့ မြန်မာဆိုရှယ်မီဒီယာလောကမှာ Facebook က တတိယအကြိမ်မြောက် ရှင်းလင်းခြင်း ဖြစ်ပါတယ်။

မြန်မာနိုင်ငံမှာ လူနည်းစုတွေ အထူးသဖြင့် အစ္စလာမ်ဘာသာဝင်ကို ပစ်မှတ်ထားတဲ့ အမုန်းဝါဖြန့်မှုတွေ၊ အကြမ်းဖက်ဖို့ လှုံ့ဆော်မှုတွေ ရှိတာကို Facebook က ထိထိရောက်ရောက် ဖြေရှင်းမှုမရှိဘူးလို့ ဝေဖန်မှုတွေဟာ ပြီးခဲ့တဲ့နှစ်တွေမှာ ကျယ်ကျယ်ပြန့်ပြန့် ပေါ်ထွက်လာခဲ့ပါတယ်။

ဒီကနေ့ထုတ်ပြန်တဲ့ Facebook ရဲ့ ကြေငြာချက်မှာ သူတို့အနေနဲ့ page ၄၂၅ ခု၊ group ၁၇ ခု၊ အကောင့် ၁၃၅ ခုနဲ့ Instagram အကောင့် ၁၅ ခုကို ဖယ်ရှားခဲ့တယ်လို့ ဖော်ပြခဲ့ပါတယ်။ ဒီအကောင့်တွေ၊ စာမျက်နှာတွေဟာ ဖျော်ဖြေရေး၊ အလှအပနဲ့ လှုမှုဘ၀ လှုပ်ရှားမှု အမည်ခံထားပေမယ့် နောက်ကွယ်မှာ စစ်တပ်၊ အရင်က ဖယ်ရှားလိုက်တဲ့ အကောင့်တွေနဲ့ ချိတ်ဆက်မှု ရှိနေတယ်လို့လည်း Facebook က ပြောပါတယ်။

စစ်တပ်နဲ့ ဆက်နွယ်တဲ့အကောင့်တွေကို Facebook က ဖယ်ရှားမှုဟာ တတိယအကြိမ်ဖြစ်ပြီး အရင်ကလည်း အမျိုးသားရေး အစွန်းရောက်ဘုန်းကြီးတွေ၊ စစ်ဗိုလ်ချုပ်တွေ၊ မဘသအုပ်စု၊ စစ်တပ်နဲ့နွယ်တဲ့ အကောင့်၊ စာမျက်နှာတွေ တော်တော်များများကို Facebook က ဖယ်ရှားခဲ့ဖူးပါတယ်။

Facebook က သူတို့ရဲ့ကွန်ယက်ကို အသုံးပြုပြီး လူတွေကို လမ်းလွဲအောင် လုပ်တာမျိုးကို ခွင့်ပြုသွားမှာမဟုတ်ဘဲ ဖယ်ရှားလိုက်တဲ့ စာမျက်နှာတွေထဲမှာ follower ၂.၅ သန်းရှိတဲ့ page တစ်ခုလည်း ပါဝင်တယ်လို့ ပြောကြားခဲ့ပါတယ်။

မြန်မာနိုင်ငံမှာ Facebook အသုံးပြုသူ သန်း ၂၀ လောက်ရှိပြီး Facebook ရဲ့ ဆောင်ရွက်ချက်တွေဟာ အမုန်းစကားဖြန့်ဝေမှုကို တားဆီးဖို့ မလုံလောက်သေးဘူးလို့ လေ့လာဆန်းစစ်သူတွေက ဝေဖန်မှုတွေလည်း ရှိနေပါတယ်။

မြန်မာနိုင်ငံအတွင်း ဖြစ်ပွားခဲ့တဲ့ လူ့အခွင့်အရေး ချိုးဖောက်မှုတွေအတွက် အစိုးရမှာ လုံးဝ တာဝန်ရှိတယ်လို့ Facebook ရဲ့ တာဝန်ပေးမှုနဲ့ လေ့လာဆန်းစစ်ခဲ့တဲ့ လွတ်လပ်တဲ့ အဖွဲ့တစ်ခုက ပြီးခဲ့တဲ့လမှာ အစီရင်ခံစာ ထုတ်ပြန်ခဲ့ပါတယ်။

ဒါပေမယ့် နိုင်ငံအတွင်း သွေးကွဲအောင်၊ အကြမ်းဖက်မှုတွေဖြစ်အောင် ဆိုရှယ်မီဒီယာကို အသုံးချပြီး လုပ်နေတာတွေကို ထိထိရောက်ရောက် တားဆီးဟန့်တားဖို့အတွက် Facebook က ပိုမိုအားထုတ်ဖို့ လိုအပ်ပြီး၊ လာမယ့် ၂၀၂၀ ရွေးကောက်ပွဲဟာ အချက်အလက်အမှားတွေ၊ လှုံ့ဆော်မှုတွေ လုပ်ဆောင်ဖို့ အဓိကကာလ
ဖြစ်လာလိမ့်မယ်လို့ အဲဒီအဖွဲ့က သုံးသပ်ခဲ့ပါတယ်။

Ref: AFP

December 19, 2018
စစ်ဘီလူးအစ္စရေးအနေဖြင့် မိမိတို့၏ ကာကွယ်ရေးစီမံကိန်းကို ဝေဖန်ခွင့်မရှိဟု အီရန်ပြော

ဒီဇင်ဘာ ၁၉၊ ၂၀၁၈
M-Media

– တစ်ခြားနိုင်ငံကို တိုက်ခိုက်ဖို့ လက်နက်တွေ ဖန်တီးနေတယ်လို့ လူသိရှင်ကြား ထုတ်ဖော်ပြောဆိုတဲ့ စစ်ဘီလူး အစ္စရေးအနေနဲ့ အီရန်ရဲ့ ကာကွယ်ရေးအစီအစဉ်တွေကို စိုးရိမ်တယ်လို့ ပြောခွင့်မရှိကြောင်း အီရန်နိုင်ငံခြားရေးဝန်ကြီး ဂျာဗဒ် ဇာရစ်ဖ်က ပြောကြားလိုက်ပါတယ်။

အစ္စရေးဝန်ကြီးချုပ် နေတန်ယာဟုက သူတို့ဟာ အရှေ့အလယ်ပိုင်းက ဘယ်ပစ်မှတ်ကိုမဆို ပစ်လွှတ်နိုင်တဲ့ ဒုံးကျည်စီမံကိန်းတစ်ခုနဲ့ အခြားဘယ်နိုင်ငံမှာမှမရှိတဲ့ အထူးလက်နက်တစ်မျိုးကို ဖန်တီးနေတယ်လို့ တနင်္လာနေ့မှာ ပြောကြားခဲ့ပြီး ဇာရစ်ဖ်က ဒါကို တုန့်ပြန်ခဲ့တာ ဖြစ်ပါတယ်။

“အရင်က နေတန်ယာဟုဟာ နျူဗုံးစက်ရုံမှာရပ်ပြီး အီရန်ကို သုတ်သင်ပစ်မယ်လို့ ခြိမ်းခြောက်ခဲ့တယ်။ အခုတော့ ဘယ်နေရာကိုမဆို ရောက်နိုင်တဲ့ သူတို့ရဲ့ ‘ရန်လိုတဲ့’ ဒုံးကျည်စီမံကိန်းကို လူသိရှင်ကြား ပွဲထုတ်လာပါပြီ” လို့ ဇာရစ်ဖ်က Twitter စာမျက်နှာမှာ မနေ့က ရေးသားခဲ့ပါတယ်။

အစ္စရေးရဲ့ လျှို့ဝှက် နျူလက်နက်စက်ရုံကို သြဂုတ်လမှာ နေတန်ယာဟု သွားရောက်ခဲ့စဉ်က အီရန်အပေါ် ခြိမ်းခြောက်မှုကို ဇာရစ်ဖ်က ရည်ညွှန်းပြောဆိုခဲ့တာ ဖြစ်ပါတယ်။

ဒီလိုခြိမ်းခြောက်ပြီးနောက်ပိုင်း အီရန်က ကုလသမဂ္ဂကို စာပို့ခဲ့ပြီး အစ္စရေးရဲ့ နျူလက်နက်အစီအစဉ်ကို စောင့်ကြည့်စစ်ဆေးဖို့ တိုက်တွန်းခဲ့ပါတယ်။

ဇာရစ်ဖ်က အီရန်ရဲ့ ဒုံးကျည်စီမံကိန်းကို အနောက်နိုင်ငံတွေက လက်ညှိုးထိုးနေခြင်းဟာ နေတန်ယာဟုရဲ့ စကားတွေကို သံယောင်လိုက်နေခြင်းသာဖြစ်တယ်လို့လည်း ထည့်သွင်းပြောကြားခဲ့ပါတယ်။

Ref: Press TV

December 19, 2018
ဒုတိယကမ္ဘာစစ်နောက်ပိုင်း ပထမဆုံး တိုက်လေယာဉ်တင်သင်္ဘော ဂျပန် တည်ဆောက်မည်

ဒီဇင်ဘာ ၁၈၊ ၂၀၁၈
M-Media

– တရုတ်နိုင်ငံရဲ့ မြင့်တက်လာတဲ့ ခြိမ်းခြောက်မှုကို တွန်းလှန်ဖို့အတွက် ဂျပန်နိုင်ငံဟာ ဒုတိယကမ္ဘာစစ်နောက်ပိုင်း ပထမဆုံး လေယာဉ်တင်သင်္ဘော တည်ဆောက်ဖို့ စီစဉ်နေပါတယ်။

လွှတ်တော်မှာ မနေ့က အတည်ပြုလိုက်တဲ့ ၅ နှစ် စစ်ရေးဘက်ဂျက်ဟာ ကန်ဒေါ်လာ ၂၄၂ ဘီလီယံရှိပြီး လေယာဉ်တင်သင်္ဘော တည်ဆောက်ရေးအပြင် နောက်ဆုံးပေါ် F-35 တိုက်လေယာဉ် အစီး ၁၀၀ ကျော်လောက် ၀ယ်ယူဖို့လည်း ပါဝင်ပါတယ်။

လေယာဉ်သင်္ဘောကို အသစ်တည်ဆောက်မှာမဟုတ်ဘဲ လက်ရှိ ဂျပန်ရေတပ်မှာ အသုံးပြုနေတဲ့ Izumo ရဟတ်ယာဉ်တင်သင်္ဘော ၂ စီးကို ပေါင်းစပ်ပြီး ဖန်တီးမှာ ဖြစ်ပါတယ်။ အဲဒီ ရဟတ်ယာဉ်တင်သင်္ဘောဟာ ဂျပန်ရေတပ်ရဲ့ အကြီးဆုံးသင်္ဘောလည်း ဖြစ်ပါတယ်။

အဲဒီသင်္ဘောဟာ သာမန်တိုက်လေယာဉ်တွေကို တင်ဆောင်လို့မရဘဲ ဒေါင်လိုက် အတက်အဆင်းပြုလုပ်နိုင်မယ့် F-35 တိုက်လေယာဉ်တွေကို တင်ဆောင်နိုင်မှာ ဖြစ်ပါတယ်။

ဂျပန်ကာကွယ်ရေးဝန်ကြီးဌာနရဲ့ တာဝန်ရှိသူတစ်ဦးက လေယာဉ်တင်သင်္ဘောနဲ့ တိုက်လေယာဉ်အသစ်တွေဟာ ဝေးလံခေါင်ဖျားတဲ့ ကျွန်းတွေကို ကာကွယ်ရေးဆောင်ရွက်ရာမှာ အထောက်အကူဖြစ်စေလိမ့်မယ်လို့ ပြောကြားခဲ့ပါတယ်။

“အိုကီနာဝါနဲ့ ထိုင်ဝမ်ကျွန်းကြားမှာ ကျွန်တော်တို့ရဲ့ စစ်အင်အားတည်ရှိမှုက တော်တော်လေးကို အားနည်းပါတယ်”

ဖန်တီးမယ့် လေယာဉ်တင်သင်္ဘောဟာ အမေရိကန်မှာရှိတဲ့ လေယာဉ်တင်သင်္ဘောတွေလိုမျိုး ပြီးပြည့်စုံမှာမဟုတ်ဘဲ၊ ၀ယ်ယူမယ့် တိုက်လေယာဉ်တွေဟာ မြေပြင်မှာ ချထားဖို့အတွက် အဓိကဖြစ်တယ်လို့ သူက ထည့်သွင်းပြောဆိုခဲ့ပါတယ်။

ဂျပန်ဟာ ဒုတိယကမ္ဘာစစ်အတွင်းက လေယာဉ်တင်သင်္ဘော ၁၀ စီးလောက်ရှိပြီး အဲဒီအထဲက တစ်စီးကို အမေရိကန်ပိုင် ပုလဲဆိပ်ကမ်း ဗုံးကြဲရာမှာ အသုံးပြုခဲ့ပါတယ်။ ဒုတိယကမ္ဘာစစ်နောက်ပိုင်း ဂျပန်နိုင်ငံရဲ့ အခြေခံဥပဒေမှာ စစ်အင်အားကြီးမားအောင် ဆောင်ရွက်မှုကို တားမြစ်ပိတ်ပင်ခဲ့ပါတယ်။

ဒါပေမယ့် ၀န်ကြီးချုပ် ရှင်ဇိုအာဘေးက တရုတ်နဲ့ မြောက်ကိုရီးယားတို့ရဲ့ ခြိမ်းခြောက်မှုတွေကြောင့် ဒီတားမြစ်ချက်ကို ပယ်ဖျက်နိုင်အောင် ကြိုးစားနေပြီး၊ အမေရိကန်က Tomahawk ဒုံးကျည်တွေ၊ F-35 တိုက်လေယာဉ်တွေ ၀ယ်ယူဖို့လည်း စီစဉ်နေပါတယ်။

Ref: RT

December 18, 2018
၂၀၁၆ ကန်သမ္မတရွေးကောက်ပွဲတွင် ရုရှား၏၀င်စွက်မှု ထင်ထားသည်ထက် ပိုမိုကျယ်ပြန့်

ဒီဇင်ဘာ ၁၈၊ ၂၀၁၈
M-Media

– ၂၀၁၆ ခုနှစ် အမေရိကန်သမ္မတ ရွေးကောက်ပွဲမှာ ရုရှားရဲ့ ၀င်ရောက်စွက်ဖက်မှုဟာ အရင်က ထင်ထားတာထက် ပိုမိုကျယ်ပြန့်ပြီး၊ နာမည်ကြီး ဆိုရှယ်မီဒီယာအားလုံးကို အသုံးပြုကာ အမေရိကန်တွေအကြား လူမျိုးရေး၊ အစွန်းရောက်အယူအဆတွေနဲ့ သွေးခွဲပြီး ထရမ့်ကို ကူညီပေးခဲ့တယ်လို့ ပုဂ္ဂလိက အဖွဲ့အစည်းနှစ်ခုရဲ့ လေ့လာဆန်းစစ်ချက်မှာ ဖော်ပြထားပါတယ်။

New Knowledge အဖွဲ့၊ Graphika လေ့လာရေးအဖွဲ့နဲ့ အလုပ်တွဲလုပ်နေတဲ့ အောက်ဖို့ဒ်တက္ကသိုလ်က အဖွဲ့တစ်ခုတို့က သူတို့ရဲ့ လေ့လာဆန်းစစ်ချက်တွေကို တနင်္လာနေ့မှာ ထုတ်ပြန်ခဲ့ပြီး အဲဒီအစီရင်ခံစာကို အမေရိကန် အထက်လွှတ်တော် အမတ်တွေက ဆွေးနွေးခဲ့ကြပါတယ်။

ရုရှားအစိုးရရဲ့ စိန့်ပီတာစဘတ်မြို့အခြေစိုက် အင်တာနက် သုတေသနအေဂျင်စီ Internet Research Agency ဟာ အမေရိကန်နိုင်ငံရေးမှာ အမြတ်ထုတ်ခဲ့တယ်လို့ အစီရင်ခံစာတွေက ဆိုပါတယ်။

၂၀၁၆ သမ္မတရွေးကောက်ပွဲမှာ ရုရှားက ၀င်ရောက်စွက်ဖက်ခဲ့တယ်လို့ အမေရိကန်ထောက်လှမ်းရေးအဖွဲ့တွေရဲ့ စောစောပိုင်းတွေ့ရှိချက်တွေကို အစီရင်ခံစာတွေမှာ အတည်ပြုခဲ့ပြီး၊ အရင်နှစ်တွေကတည်းက အခုအချိန် လုပ်နေတယ်လို့ဆိုတဲ့ ရုရှားရဲ့ ဆောင်ရွက်ချက်တွေကိုလည်း အသေးစိတ် ဖော်ပြထားပါတယ်။

အဲဒီဆောင်ရွက်ချက်တွေထဲကတစ်ခုကတော့ ကယ်လီဖိုးနီးယားနဲ့ တက္ကဆက်ပြည်နယ်တွေမှာ ဖြစ်ပွားခဲ့တဲ့ ခွဲထွက်ရေးလှုပ်ရှားမှုတွေ ဖြစ်ပါတယ်။

အမေရိကန် အထက်လွှတ်တော် ထောက်လှမ်းရေးကော်မတီ အကြီးအကဲ ဥက္ကဌ ရီပက်ဘလစ်ကန်အမတ် ရစ်ချက်ဘားရ်က အခု ထွက်ရှိလာတဲ့ အချက်အလက်အသစ်တွေဟာ အမေရိကန်ကို လူမျိုးရေး၊ ဘာသာရေးနဲ့ အတွေးအခေါ်ပိုင်းဆိုင်ရာတွေမှာ အကွဲအပြဲတွေဖြစ်အောင် ရုရှားက ကြိုးစားပမ်းစား ဆောင်ရွက်ခဲ့တယ်ဆိုတာကို ဖော်ပြနေတာဖြစ်တယ်လို့ ပြောကြားခဲ့ပါတယ်။

ဒါ့အပြင် ရုရှားအင်တာနက်လေ့လာဆန်းစစ်ရေး အေဂျင်စီဟာ အမေရိန်က ဒီမိုကရက်တစ်အဖွဲ့အစည်းတွေမှာ ယုံကြည်မှုပျက်ဆီးအောင် လုပ်ဆောင်ခဲ့ပြီး၊ ဆက်လက်လုပ်ဆောင်နေတယ်လို့လည်း သူက ဆိုပါတယ်။

ထောက်လှမ်းရေးကော်မတီက ထိပ်တန်း ဒီမိုကရက်ဖြစ်အမတ်ဖြစ်တဲ့ မာ့ခ်ဝါနာက ရုရှားဟာ အမေရိကန်ဒီမိုကရေစီ ပျက်ဆီးအောင် ကြိုးစားနေတယ်လို့ ပြောကြားခဲ့ပါတယ်။

“ကျွန်တော်တို့လူ့အဖွဲ့အစည်းက အားနည်းချက်တွေကို အသုံးချပြီး ကျွန်တော်တို့ဒီမိုကရေစီ ပျက်ဆီးသွားအောင် အမေရိကန်တွေအကြား သွေးခွဲမှုကို ရုရှားက ဘယ်လောက်တောင် ကြိုစားပမ်းစား လုပ်ဆောင်နေလဲဆိုတာ ဒီအစီရင်ခံစာတွေမှာ တွေ့မြင်နေရပါတယ်။ ဒီတိုက်ခိုက်မှုတွေဟာ အရင်ကပေါ်ထွက်ခဲ့တာထက်ပိုပြီး ခြုံငုံမိတယ်၊ အချက်အလက်စုံတယ်၊ ကျယ်လည်းကျယ်ပြန့်ပါတယ်” လို့ အထက်လွှတ်တော် ထောက်လှမ်းရေးကော်မတီက ထိပ်တန်းဒီမိုကရက် မာ့ခ်ဝါရ်နာက ပြောကြားခဲ့ပါတယ်။

Ref: Aljazeera

December 18, 2018
ဒေါ်အောင်ဆန်းစုကြည်ကို ချီးမြှင့်ထားသည့်ဆုကို တောင်ကိုရီးယား လူ့အခွင့်အရေးအဖွဲ့ ပြန်ရုပ်သိမ်း

ဒီဇင်ဘာ ၁၈၊ ၂၀၁၈
M-Media

– တောင်ကိုရီးယားက လူ့အခွင့်အရေးဆိုင်ရာ အဖွဲ့တစ်ခုဖြစ်တဲ့ May 18 Memorial Foundation ဟာ ၂၀၀၄ ခုနှစ်မှာ ဒေါ်အောင်ဆန်းစုကြည်ကို ချီးမြှင့်ခဲ့တဲ့ Gwangju လူ့အခွင့်အရေးဆုကို ပြန်လည်ရုပ်သိမ်းတော့မယ်လို့ မနေ့မှာ ကြေငြာလိုက်ပါတယ်။

May 18 Memorial Foundation ရဲ့ ဘုတ်အဖွဲ့က ဆုရုပ်သိမ်းဖို့ တနင်္လာနေ့မှာ ဆုံးဖြတ်ခဲ့တာဖြစ်ပြီး စစ်တပ်က ရိုဟင်ဂျာလူနည်းစုတွေအပေါ် ကျူးလွန်တဲ့ ရက်စက်ကြမ်းကြုတ်မှုတွေကို ဒေါ်အောင်ဆန်းစုကြည်က ‘လစ်လျူရှုထားတဲ့အတွက်’ ဖြစ်တယ်လို့ ပြောကြားခဲ့ပါတယ်။

“ရိုဟင်ဂျာတွေ ခံစားရတဲ့ ရက်စက်ကြမ်းကြုတ်မှုတွေကို သူမ လစ်လျူရှုထားတာဟာ လူ့အခွင့်အရေးကို မြှင့်တင်ကာကွယ်ပေးရေးဆိုတဲ့ ဆုရဲ့ရည်ရွယ်ချက်နဲ့ ဆန့်ကျင်နေပါတယ်” လို့ အဖွဲ့ရဲ့ ပြောရေးဆိုခွင့်ရှိသူ ချိုဂျင်တေးက AFP သတင်းဌာနကို ပြောကြားခဲ့ပါတယ်။

၁၉၈၀ ခုနှစ်က ဂွမ်ဂျူးမြို့မှာ ဖြစ်ပွားခဲ့တဲ့ ဒီမိုကရေစီရရှိရေး လူထုအုံကြွမှုကို အထိမ်းအမှတ်ပြုကာ May 18 Memorial Foundation လူ့အခွင့်အရေးအဖွဲ့ကို ဖွဲ့စည်းခဲ့တာ ဖြစ်ပါတယ်။ အာဏာရှင် ချန်ဒူးဝမ်ကို ဆန့်ကျင်တဲ့ အဲဒီလူထုအုံကြွမှုမှာ လူပေါင်း ၂၀၀ ကျော်လောက် သေဆုံးဒဏ်ရာရခဲ့ပါတယ်။

အဲဒီအချိန်ကစခဲ့တဲ့ တောင်ကိုရီးယား ဒီမိုကရေစီအရေး လှုပ်ရှားမှုဟာ နောက်ထပ် ၇ နှစ်အကြာမှာတော့ အောင်မြင်ခဲ့ပါတယ်။

ရခိုင်ပြည်နယ်က ရိုဟင်ဂျာတွေအပေါ် စစ်တပ်က လူမျိုးတုန်းသတ်ဖြတ်မှု ရည်ရွယ်ချက်နဲ့ ကျူးလွန်မှုတွေ ရှိတယ်လို့ ကုလက စွပ်စွဲထားပြီး ဒေါ်အောင်ဆန်းစုကြည်က ဒီကိစ္စအပေါ် နှုတ်ဆိတ်နေမှုအတွက် ကမ္ဘာတစ်ဝှမ်းရဲ့ ဝေဖန်မှုတွေကို ခံနေရပါတယ်။

နိုင်ငံတကာ လူ့အခွင့်အရေးအဖွဲ့တစ်ခုဖြစ်တဲ့ Amnesty International က ဒေါ်အောင်ဆန်းစုကြည်ကို ချီးမြှင့်ထားတဲ့ Ambassador of Conscience Award ဆုကို ပြီးခဲ့တဲ့လမှာ ရုပ်သိမ်းခဲ့ပါတယ်။

Ref: CNA

December 18, 2018