နိုဝင်ဘာ ၂၅၊ ၂၀၁၈
M-Media
– လွန်ခဲ့တဲ့ ၃ နှစ် ရွေးကောက်ပွဲမှာ ဒေါ်အောင်ဆန်းစုကြည်ဦးဆောင်တဲ့ NLD ပါတီဟာ သောင်ပြိုကမ်းပြို အနိုင်ရခဲ့မှုက ဆယ်စုနှစ်ချီရှိခဲ့တဲ့ စစ်တပ်ကျောထောက်နောက်ခံပြု အုပ်ချုပ်ရေးကို အဆုံးသတ်သွားစေကာ ဒီမိုကရေစီမျှော်လင့်ချက်လည်း ရှင်သန်လာခဲ့ပါတယ်။ ဒါပေမယ့် ၂၀၂၀ ရွေးကောက်ပွဲလာဖို့ သိပ်မလိုတော့တဲ့ အခုအချိန်မှာ အမျိုးသားဒီမိုကရေစီအဖွဲ့ချုပ်ရဲ့ သြဇာဟာ တစ်ဖြည်းဖြည်းချင်း လျော့ပါးလာပါတယ်။
သမ္မတဖြစ်ခွင့် ပိတ်ပင်ခံထားရပေမယ့် နိုင်ငံတော်အတိုင်ပင်ခံပုဂ္ဂိုလ်ရာထူးကိုယူပြီး ယုံကြည်ရတဲ့ သူတွေကနေတစ်ဆင့် တိုင်းပြည်ကို အုပ်ချုပ်နေတဲ့ ဒေါ်အောင်ဆန်းစုကြည်ဟာ နိုင်ငံအတွင်း လူနည်းစုတွေ၊ တိုင်းရင်းသားလူမျိုးစုတွေကိစ္စမှာ အကိုင်အတွယ်မတတ်မှုကြောင့် ဂုဏ်သိက္ခာကျဆင်းမှုတွေကို ကြုံတွေ့နေရပါတယ်။ တိုင်းပြည်ရဲ့ လူများစုဖြစ်ပြီး ဗုဒ္ဓဘာသာကိုးကွယ်တဲ့ ဗမာတွေဟာ ခရစ်ယာန်အများစုဖြစ်တဲ့ ကချင်လူမျိုး၊ အစ္စလာမ်အများစုဖြစ်တဲ့ ရိုဟဂျာလူမျိုးတွေလို လူနည်းစုတွေနဲ့ ပဝေသဏီထဲက ပြဿနာတွေ ရှိခဲ့ကြပါတယ်။
ရခိုင်ပြည်နယ်က ရိုဟင်ဂျာတွေအပေါ် စစ်တပ်က ညှင်းပမ်းနှိပ်စက်မှုနဲ့ပတ်သက်ပြီး ဒေါ်အောင်ဆန်းစုကြည်ဟာ မျက်နှာလွှဲခဲပစ် လုပ်နေတယ်လို့ စွပ်စွဲခံနေရပါတယ်။ ၂၀၁၇ ခုနှစ် သြဂုတ်လကစလို့ ရခိုင်ပြည်နယ်မှာ ပြဿနာတွေ ဖြစ်ပွားခဲ့တာဖြစ်ပြီး စစ်တပ်လက်ချက်ကြောင့် လူသိန်းချီ အိုးအိမ်စွန့်ခွာကာ အိမ်နီးချင်း ဘင်္ဂလားဒေ့ရ်ှဖက်ကို အစုလိုအပြုံလိုက် ထွက်ပြေးရတဲ့အထိ ဖြစ်ခဲ့ပါတယ်။
လူနည်းစုများနှင့် NLD ဓာတ်မတည့်
စစ်တပ်ရဲ့ ပစ်မှတ်ထား ဖိနှိပ်မှုကိုခံခဲ့ရတဲ့ မြန်မာနိုင်ငံက ဘာသာရေးလူနည်းစု၊ တိုင်းရင်းသားလူမျိုးစုတွေက ဒေါ်အောင်ဆန်းစုကြည်ဟာ သူတို့ဖက်ကမရှိဘူးဆိုတာ သိရှိလာကြတယ်လို့ ကျွမ်းကျင်သူတွေက ပြောပါတယ်။ ဗမာသူရဲကောင်းအဖြစ် ကျယ်ကျယ်ပြန့်ပြန့် မှတ်ယူခံထားရတဲ့ ဗိုလ်ချုပ်အောင်ဆန်းရဲ့ ရုပ်ထုကို တိုင်းရင်းသားပြည်နယ်တွေမှာ စိုက်ထူမှုနဲ့ပတ်သက်ပြီး ပြီးခဲ့တဲ့နှစ်မှာ ဆန္ဒပြမှုတွေ တော်တော်များများ ဖြစ်ပွားခဲ့ပါတယ်။
မြန်မာနိုင်ငံမှာ တိုင်းရင်းသားလူနည်းစုတွေက နိုင်ငံ့လူဦးရေရဲ့ ၃၀ ရာခိုင်နှုန်းလောက်ရှိပြီး သူတို့တွေရဲ့ ထောက်ခံမှု လျော့ကျလာတာက ၂၀၂၀ ရွေးကောက်ပွဲမှာ NLD ရဲ့ အခြေအနေကို ထိခိုက်စေမှာပါ။ ၂၀၂၀ မှာလည်း NLD ပဲ နိုင်လိမ့်မယ်လို့ လူတော်တော်များများက ယူဆထားပေမယ့် ၀ါရှန်တန်အခြေစိုက် လွတ်လပ်တဲ့ မြန်မာ့အရေး လေ့လာဆန်းစစ်သူ ဟန်တာ မာစတန်က ‘အပြတ်အသတ်မနိုင်လောက်ဘူး’ လို့ သုံးသပ်ပါတယ်။
စစ်တပ်ကျောထောက်နောက်ခံပြု အဓိကအတိုက်အခံပါတီဖြစ်တဲ့ ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီနဲ့ တိုင်းရင်းသား ပါတီတွေက ‘၂၀၂၀ ရွေးကောက်ပွဲမှာ NLD ရဲ့ လွှမ်းမိုးမှု၊ လွှတ်တော်ကိုချုပ်ကိုင်တွေကို ဖဲ့ယူသွားမယ်’ လို့လည်း မာစတန်က ပြောကြားခဲ့ပါတယ်။
အခုလအစောပိုင်းကပြုလုပ်တဲ့ ကြားဖြတ်ရွေးကောက်ပွဲမှာ NLD က အနိုင်ရရှိတဲ့ရာခိုင်နှုန်း များပေမယ့် အရင်ကနိုင်ခဲ့တဲ့ တိုင်းရင်းသားဒေသတွေမှာ ရှုံးနိမ့်ခဲ့ပါတယ်။ NLD ရဲ့ အမာခံနယ်မြေဖြစ်တဲ့ ရန်ကုန်မှာ မဲပေးသူနည်းသွားပြီး ဒါဟာ စိုးရိမ်စရာဖြစ်တယ်လို့ မာစတန်က ထောက်ပြပါတယ်။
ဒေါ်အောင်ဆန်းစုကြည်ရဲ့ အစိုးရဟာ ရွေးကောက်ပွဲမတိုင်ခင်ကတည်းက ယိမ်းယိုင်မှုတွေနဲ့ ကြုံတွေ့ခဲ့ရတာပါ။ မတ်လမှာ သမ္မတဦးထင်ကျော် ရာထူးကနေ ရုတ်တရက် နှုတ်ထွက်သွားပြီး ဒါဟာ နိုင်ငံရေးခေါင်းဆောင်မှုပိုင်းအတွက် စိုးရိမ်ရတဲ့ လက္ခဏာတစ်ခုပါ။
နိုင်ငံရေးစောင့်ကြည့်သုံးသပ်သူတွေက တိုင်းရင်းသားလူနည်းစုတွေဟာ NLD အပေါ် အချဉ်ပေါက်လာတာ မထူးဆန်းဘူးလို့ သုံးသပ်ပါတယ်။
“ဒေါ်အောင်ဆန်းစုကြည်အစိုးရလက်ထက်မှာ စစ်တပ်က တိုင်းရင်းသားလက်နက်ကိုင်တွေအပေါ် တိုက်ပွဲတွေ ပိုလုပ်လာပြီး၊ နိုင်ငံရဲ့မြောက်ပိုင်းနဲ့ အရှေ့မြောက်ပိုင်းတွေမှာ သက်ရောက်မယ့် ငြိမ်းချမ်းရေးသဘောတူညီချက်တွေကိုလည်း တိုင်းရင်းသားလက်နက်ကိုင်တွေက သိပ်ပြီး စိတ်မ၀င်စားကြပါဘူး ” လို့ တတ်သိပညာရှင်များအဖွဲ့တစ်ခုဖြစ်တဲ့ Council on Foreign Relations က အရှေ့တောင်အာရှရေးရာ ကျွမ်းကျင်သူ ဂျိုရှူဝါ ကာလန်ဇစ်က မကြာသေးမီကပဲ ပြောကြားခဲ့ပါတယ်။
ကမ္ဘာ့ခေါင်းဆောင်များ၏ ဝေဖန်မှု
မြန်မာစစ်တပ်ဟာ ရိုဟင်ဂျာတွေကို အစုလိုအပြုံလိုက်သတ်ဖြတ်တာ၊ အုပ်စုဖွဲ့အဓမ္မကျင့်တာ၊ ရွာလုံးကျွတ် မီးရှို့တာတွေ လုပ်ခဲ့တယ်လို့ ကုလက စွပ်စွဲထာပြီး စစ်ခေါင်းဆောင်တွေကို လူမျိုးတုန်းသတ်ဖြတ်မှုနဲ့ တရားစွဲဖို့လည်း ဆော်သြတိုက်တွန်းထားပါတယ်။ မကြာသေးခင်က ကနေဒါနိုင်ငံရဲ့ ဂုဏ်ထူးဆောင်နိုင်ငံသားဆုဘွဲ့ကို ရုပ်သိမ်းခံလိုက်ရတဲ့ ဒေါ်အောင်ဆန်းစုကြည်က စစ်တပ်ဟာ ‘ဥပဒေအရ’ စစ်ဆင်ရေးလုပ်တာလို့ ပြောကြားခဲ့ပါတယ်။ လူမျိုးစုလိုက် သုတ်သတ်မှု မရှိဘူးလို့ သူမက ပြောကြားခဲ့သလို၊ ရခိုင်က ရိုဟင်ဂျာတွေ အစုလိုက်အပြုံလိုက် အသတ်ခံရမှုကို ဖော်ထုတ်တဲ့ ရိုက်တာသတင်းထောက်နှစ်ဦး ဖမ်းဆီးခံရမှုကိုလည်း
ကာကွယ်ပြောကြားခဲ့ပါတယ်။
ဒီကိစ္စတွေအပေါ် သူမရဲ့ လစ်လျုရှုမှုကြောင့် ကမ္ဘာ့ခေါင်းဆောင်တွေရဲ့ ဝေဖန်မှုကိုလည်း ခံခဲ့ရပါတယ်။
အခုလအစောပိုင်း စင်ကာပူက အာဆီယံထိပ်သီးအစည်းအဝေးမှာ အမေရိကန်ဒုတိယသမ္မတ မိုက်ပန့်စ်က ရိုဟင်ဂျာတွေအပေါ် ညှင်းပမ်းမှုအတွက် ဆင်ခြေပေးလို့မရဘူးလို့ ဒေါ်အောင်ဆန်းစုကြည်ကို ပြောကြားခဲ့ပါတယ်။ လူသားချင်းစာနာထောက်ထားမှုဆိုင်ရာ ပြဿနာတွေနဲ့ပတ်သက်ပြီး အမေရိကန်က သြဂုတ်လမှာ စစ်ခေါင်းဆောင်တွေအပေါ် ပိတ်ဆို့အရေးယူမှု ပြုလုပ်ခဲ့ပါတယ်။
မလေးရှားဝန်ကြီးချုပ် မဟာသီယာ မိုဟာမက်က ဒေါ်အောင်ဆန်းစုကြည်နဲ့ပတ်သက်လို့ ‘သိပ်ကို စိတ်ပျက်ရတယ်’ လို့ အာဆီယံထိပ်သီးအစည်းအဝေးမှာ ပြောကြားခဲ့ပါတယ်။
မဲဆန္ဒရှင်တွေရဲ့ ထောက်ခံမှု လျော့ကျရာမှာ နိုင်ငံရေးတင်မကဘဲ NLD ရဲ့ စီးပွားရေးပေါ်လစီကြောင့်လည်း ပါဝင်ပါတယ်။ အင်တာနက်မှာ ပိတ်ဆို့မှုတွေလုပ်တာ၊ ကုန်ဈေးနှုန်းတက်တာ၊ အခြေခံအဆောက်အဦးတွေ အားနည်းတာတွေကြောင့်လည်း လူထုကဒေါသထွက်မှု မြင့်တက်လာတယ်လို့ ပြည်တွင်းမီဒီယာတွေက ဖော်ပြပါတယ်။
“မြန်မာ့စီးပွားရေး တိုးတက်လာအောင် အစိုးရက မလုပ်နိုင်သလို၊ စီးပွားရေးစီမံကိန်းတွေကလည်း ရေရေရာရာ မရှိပါဘူး။ လူထုကြားထဲ ဆင်းရဲချမ်းသာ ကွာဟမှုလည်း ဆက်လက်ရှိနေဆဲပါ” လို့ ကာလန်ဇစ်က သုံးသပ်ပါတယ်။ နိုဝင်ဘာ ကြားဖြတ်ရွေးကောက်ပွဲမှာ မဲလာပေးသူအရေအတွက် နည်းတာဟာ စီးပွားရေး ပေါ်လစီနဲ့ တရားဥပဒေစိုးမိုးရေး မလုပ်ဆောင်နိုင်မှုတွေကို မကျေနပ်တာကြောင့် ဖြစ်တယ်လို့လည်း သူက ဆိုပါတယ်။
“၂၀၂၀ ရွေးကောက်ပွဲအတွက် NLD ရဲ့ ရှေ့ပြေးနိမိတ်တွေဟာ မကောင်းတဲ့အနေအထား ဖြစ်နေပါတယ်”
Ref: CNBC
(CNBC သတင်းဌာနတွင် ဖော်ပြထားသည့် Myanmar’s government won a landslide victory in 2015. It may not be so lucky next time ဆောင်းပါးကို လေးမောင်က ဆီလျော်အောင် ဘာသာပြန်ဆိုသည်)
