အောက်တိုဘာ ၂၀၊ ၂၀၁၈
M-Media
– ၂၀၁၉ ခုနှစ် ဒုတိယနှစ်ဝက် စင်ကာပူနိုင်ငံမှာ လေပ်ါတက္ကဆီတွေကို စတင် စမ်းသပ်သွားမယ်လို့ ဂျာမနီကုမ္ပဏီ Volocopter က ကြာသာပတေးနေ့မှာ ကြေငြာလိုက်ပါတယ်။
လျှပ်စစ်စွမ်းအင်သုံး Volocopter လို့ခေါ်တဲ့ ယာဉ်တွေဟာ စင်ကာပူ မြို့ပြ ပတ်ဝန်းကျင်မှာ လေပေါ်တက္ကဆီအဖြစ် အသုံးပြုနိုင်မလား ဆိုတာကို စမ်းသပ်သွားမှာဖြစ်ပါတယ်။ အဲဒီယာဉ်ဟာ အဆင်းအတက်ကို ဒေါင်လိုက် လုပ်ဆောင်နိုင်ပြီး လူ ၂ ယောက်တင်ကာ ကီလိုမီတာ ၃၀ အထိ ပျံသန်းနိုင်ပါတယ်။ ရဟတ်ယာဉ်နဲ့ ဆင်တူပေမယ့် ဒရုန်းနည်းပညာကို အသုံးပြုထားတာပါ။
စမ်းသပ်ပျံသန်းမှုကို စင်ကာပူ ပို့ဆောင်ရေး ၀န်ကြီးဌာနလက်အောက် အရပ်ဖက် လေကြောင်းအာဏာပိုင်အဖွဲ့ (CAAS) နဲ့ စီးပွားရေး ဖွံ့ဖြိုးတိုးတက်မှုဆိုင်ရာ ဘုတ်အဖွဲ့ EDB တို့က ပံ့ပိုးကူညီသွားမှာ ဖြစ်ပါတယ်။
Volocopter တွေဟာ လူနဲ့ဖြစ်စေ၊ လူမဲ့ဖြစ်စေ မောင်းနှင်နိုင်မှာဖြစ်ပြီး စင်ကာပူအတွက် ဘယ်လိုပုံစံမျိုးက သင့်လျော်မလဲဆိုတာကို စမ်းသပ်သွားမှာ ဖြစ်တယ်လို့လည်း ကုမ္ပဏီက ပြောကြားခဲ့ပါတယ်။
စမ်းသပ်မောင်းနှင်မှုအတွင်း သင့်လျော်တဲ့လမ်းကြောင်း၊ လေကြောင်းစီမံခန့်ခွဲရေးစနစ်ကို အသုံးပြုပြီး အကောင်အထည်ဖော်နိုင်မှု ရှိ၊ မရှိ၊ စင်ကာပူရဲ့ ခြောက်သွေတဲ့ ရာသီဥတုနဲ့ ကိုက်ညီမှု ရှိ၊ မရှိ စတာတွေကိုလည်း လေ့လာသွားမှာ ဖြစ်ပါတယ်။
Ref: CNA
