သြဂုတ် ၂၉၊ ၂၀၁၈
M-Media
– ပင်ဆဲလ်ဗားနီးယားပြည်နယ်က ခရစ်ယာန် ကက်သလစ်ဘုန်းတော်ကြီးတွေ လိင်ပိုင်းဆိုင်ရာ ကျူးလွန်မှုကို ကက်သလစ်အသင်းတော် တာဝန်ရှိသူတွေက စနစ်တကျ ဖုံးကွယ်ပေးခဲ့တာကို ဗာတီကန်က သိရှိခဲ့တယ်လို့ ပြည်နယ်ရှေ့နေချုပ် ဂျိုရှ် ရှာပီရိုက ပြောကြားလိုက်ပါတယ်။
ကက်သလစ်ဘုန်းကြီးတွေရဲ့ လိင်အရှုပ်တော်ပုံကို ၂ နှစ်ကြာ စုံစမ်းစစ်ဆေးမှု ပြုလုပ်ခဲ့ပြီးတဲ့နောက် ပြည်နယ်အာဏာပိုင်တွေက သြဂုတ်လ ၁၄ ရက်နေ့မှာ စာမျက်နှာ ၉၀၀ ကျော်ရှိတဲ့ အစီရင်ခံစာတစ်စောင်ကို ထုတ်ပြန်ခဲ့ပါတယ်။
အဲဒီအစီရင်ခံစာထဲမှာ ရိုမန်ကက်သလစ် သာသနာနယ် ၆ ခုက ဘုန်းကြီး အပါး ၃၀၀ ကျော်ဟာ ကလေးငယ်ပေါင်း တစ်ထောင်ကျော်ကို လိင်ပိုင်းဆိုင်ရာ ကျူးလွန်မှုတွေ လုပ်ခဲ့ပြီး ပြည်နယ် ကက်သလစ်အသင်းတော် အာဏာပိုင်တွေက ဒါကို သိရှိခဲ့ပေမယ့် ဖုံးကွယ်ပေးခဲ့တယ်လို့ ဖော်ပြထားပါတယ်။
မနေ့က CBC သတင်းဌာနရဲ့ The Morning အစီစဉ်မှာ ရှေ့နေချုပ် ဂျိုရှ် ရှာပီရိုက ဘုန်းကြီးတွေရဲ့ ကျူလွန်မှုတွကို ဂိုဏ်းအုပ်တွေက ပြည်သူတွေ၊ ရဲတပ်ဖွဲ့ဝင်တွေ မသိအောင် ဖုန်းကွယ်ကာ မှတ်တမ်းယူပြီး ဗာတီကန်ကို ပေးပို့ခဲ့တယ်လို့ ပြောကြားခဲ့ပါတယ်။
“လိင်ကျူးလွန်မှုဖြစ်ပြီဆိုရင် ဘုန်းကြီတွေ၊ ဂိုဏ်းအုပ်တွေက သွားပြီး ဥပဒေစိုးမိုးရေးအဖွဲ့တွေ၊ ပြည်သူတွေကို လိမ်ညာမယ်။ ဒါပေမယ့် ကျူးလွန်မှုတွေကို မှတ်တမ်းတင်ပြီး လျှို့ဝှက်ဖိုင်တွဲမှာ ထည့်ကာ ဗာတီကန်ကို မကြာမကြာ ပေးပို့ပါတယ်”
ဒါ့ကြောင့် ဗာတီကန်ဟာ ဘုန်းကြီးတွေရဲ့ ကျူးလွန်မှုကို သိရှိရုံသာမက ဖုံးကွယ်မှုမှာ ပါဝင်ခဲ့တယ်လို့လည်း ရှေ့နေချုပ်က ထည့်သွင်းပြောဆိုခဲ့ပါတယ်။
ကမ္ဘာတစ်ဝှမ်းက ခရစ်ယာန် ရိုမန်ကက်သလစ်အသင်းတော်ရဲ့ ကိစ္စအ၀ဝကို ပုပ်ရဟန်းမင်းကြီး ရုံးထိုင်တဲ့ ဗာတီကန်က စီမံခန့်ခွဲတာ ဖြစ်ပါတယ်။
ဒီလို ဖုံးကွယ်ထားမှုအတွက် ပုပ်ရဟန်းမင်းကြီးမှာ တာဝန်ရှိလားလို့ မေးရာမှာတော့ ရှာပီရိုက ဖြေကြားခြင်း မပြုခဲ့ပါဘူး။
ပင်ဆဲလ်ဗာနီးယားက ဒီကိစ္စနဲ့ပတ်သက်ပြီး လက်ရှိမှာ အာဏာပိုင်တွေက ဘုန်းကြီး ၂ ပါးကို တရားစွဲဆိုထားပါတယ်။
ရှာပီရိုက ပြည်နယ်ရဲ့ ဥပေဒအားနည်းမှုကြောင့် ထိထိရောက်ရောက် တရားမစွဲဆိုနိုင်ခဲ့ဘဲ၊ ကျူးလွန်တယ်လို့ စွပ်စွဲခံရသူ ဘုန်းကြီး အပါး ၁၀၀ ကျော်ဟာ သေဆုံးသွားပြီလို့ ဆိုပါတယ်။
Ref: RT
