သြဂုတ် ၂၁၊ ၂၀၁၈
M-Media
– အီရန်ဟာ ပြည်တွင်းဖြစ် တိုက်လေယာဉ်သစ်တစ်စင်းကို ဒီကနေ့မှာ ထုတ်ပြလိုက်ပြီး သမ္မတ ဟာဆန်ရူဟာနီက အီရန်ရဲ့ စစ်အင်အားဟာ ရန်သူတွေကို ဟန့်တားဖို့နဲ့ ငြိမ်းချမ်းရေးကို ရေရှည်ထိန်းသိမ်းဖို့ဖြစ်တယ်လို့ ပြောကြားလိုက်ပါတယ်။
Kowsar လို့အမည်ရတဲ့ အဲဒီတိုက်လေယာဉ် စတုတ္ထမျိုးဆက်ဖြစ်ပြီး အင်္ဂါနေ့က မြို့တော် တီဟီရန်မှာ ပြုလုပ်တဲ့ ‘ကာကွယ်ရေးပစ္စည်းပြပွဲ’ မှာ ပြသခဲ့တာဖြစ်ပါတယ်။
အီရန်နိုင်ငံပိုင်သတင်းဌာနက တိုက်လေယာဉ်မှာ လေကြောင်းဆိုင်ရာ နောက်ဆုံးပေါ် နည်းစနစ်တွေ၊ ဘက်စုံသုံး ရေဒါစနစ်တွေ ပါဝင်ပြီး ၁၀၀ ရာခိုင်နှုန်း ပြည်တွင်းမှာ ထုတ်လုပ်ခဲ့တာဖြစ်တယ်လို့ ဆိုပါတယ်။
“ကာကွယ်ရေးအတွက် အဆင်သင့်ဖြစ်နေတယ်လို့ ကျွန်တော်တို့ပြောတဲ့အခါ ဒါဟာ ငြိမ်းချမ်းရေး တည်တံ့ဖို့ ရည်ရွယ်ပါတယ်။ ကျွန်တော်တို့ အဆင်သင့်ဖြစ်မနေဘူးဆိုရင် အတိုက်ခံရမှာပါ” လို့ ရူဟာနီက ရုပ်သံကနေထုတ်လွှင့်တဲ့ မိန့်ခွန်းမှာ ထည့်သွင်းပြောကြားခဲ့ပါတယ်။
ဒီတိုက်လေယာဉ်အကြောင်းကို စနေနေ့မှာ အီရန်ကာကွယ်ရေးဝန်ကြီး အမီရ် ဟာတာမီက ထုတ်ပြန်ကြေငြာခဲ့တာ ဖြစ်ပါတယ်။
ဟာတာမီက အီရန်ဟာ ၁၉၈၀ ပြည့်နှစ်တွေ အီရတ်နဲ့ဖြစ်ပွားခဲ့တဲ့ ၈ နှစ်ကြာစစ်ပွဲမှာ ဒုံးကျည်နဲ့တိုက်ခိုက်မှုဒဏ်ကို ခံစားခဲ့ရပြီး လက်ရှိမှာလည်း အစ္စရေးနဲ့ အမေရိကန်တို့ရဲ့ ရန်တွေ ရှိနေတာကြောင့် မိမိတို့ ရဲ့ လေကြောင်းကာကွယ်ရေးစနစ်ကို ပိုမိုတောင့်တင်းအောင် ဆောင်ရွက်နေတာ ဖြစ်တယ်လို့ ထည့်သွင်းပြောဆိုခဲ့ပါတယ်။
Ref: Aljazeera
