သြဂုတ် ၂၁၊ ၂၀၁၈
M-Media
ထရမ့်နှင့် ကင်ဂျုံအွန်တို့ ထပ်မံတွေ့ဆုံရန်ရှိနေ
===========
မြောက်ကိုရီးယားခေါင်းဆောင် ကင်ဂျုံအွန်နဲ့ နောက်ထပ်တစ်ကြိမ် တွေ့ဆုံဖို့ အလားအလာရှိတယ်လို့ အမေရိကန်သမ္မတ ဒေါ်နယ်ထရမ့်က မနေ့မှာ ပြောကြားလိုက်ပါတယ်။ ခေါင်းဆောင်နှစ်ဦးဟာ ဇွန်လ ၁၂ ရက်နေ့က စင်ကာပူမှာ တွေ့ဆုံပြီး ကိုရီးယားကျွန်းဆွယ်နျူကင်းရှင်းရေး ဆွေးနွေးခဲ့ကြပါတယ်။ မနေ့က ရိုက်တာသတင်းဌာနဲ့ အင်တာဗျူးမှာ ထရမ့်က မြောက်ကိုရီးယားကိစ္စဟာ အခြေအနေကောင်းနေပြီး တရုတ်ကတော့ ကူညီသင့်သလောက် မကူညီဘူးလို့ အပြစ်တင်ခဲ့ပါတယ်။
ရုရှားရှိ ချေချင်းညာဒေသတွင် IS က တိုက်ခိုက်မှုပြုလုပ်
=============
ရုရှားနိုင်ငံ ချေချင်းညာဒေသမှာ မနေ့က ဖြစ်ပွားခဲ့တဲ့ တိုက်ခိုက်မှုတွေဟာ သူတို့လက်ချက်ဖြစ်တယ်လို့ IS အကြမ်းဖက်အဖွဲ့က ထုတ်ပြန်ပါတယ်။ ဒေသမြို့တော် ဂရိုဇနီအပါအ၀င် နေရာ ၃ ခုမှာ တိုက်ခိုက်မှု ဖြစ်ပွားခဲ့တာဖြစ်ပြီး ရဲတပ်ဖွဲ့ဝင်တစ်ချို့ ဒဏ်ရာရရှိကာ တိုက်ခိုက်ရေးသမား ၅ ဦးသေဆုံးတယ်လို့ ရုရှားအာဏာပိုင်တွေက ပြောပါတယ်။ တိုက်ခိုက်ရေးသမားတွေဟာ အသက် ၁၁ နှစ်ကနေ ၁၆ နှစ်အရွယ်ရှိသူတွေ ဖြစ်ပါတယ်။
မလေးရှားတွင် ရေဒီယိုသတ္တုကြွပစ္စည်း ပျောက်ဆုံး
==============
မလေးရှားနိုင်ငံ ကွာလာလမ်ပူမှာ သြဂုတ်လ ၁၀ ရက်နေ့က ရေဒီယိုသတ္တုကြွပစ္စည်းပါဝင်တဲ့ စက်ရုံသုံးကိရိယာတစ်ခု ပျောက်ဆုံးခဲ့ပြီး အာဏာပိုင်တွေက အပူတပြင်း ရှာဖွေမှုတွေ လုပ်နေပါတယ်။ မလေးရှားရဲတပ်ဖွဲ့အကြီးအကဲ မိုဟာမက် ဖူဇီ ဟာရွန်က ဒီလို ရေဒီယိုသတ္တုကြွပစ္စည်း ပျောက်ဆုံးတာဟာ ပထမဆုံးအကြိမ်မဟုတ်ဘဲ ပြီးခဲ့တဲ့နှစ်ကလည်း တစ်ကြိမ် ပျောက်ဆုံးဖူးတယ်လို့ ပြောပါတယ်။ ဒီပစ္စည်းဟာ ဒေသတွင်းက အစွန်းရောက်တွေလက်ထဲ ရောက်သွားပြီး ဗုံးပြုလုပ်မှာကိုလည်း စိုးရိမ်မှုတွေ ရှိနေပါတယ်။
မိုးခေါင်မှုကြောင့် ဘရာဇီးလ်တွင် အရေးပေါ်အခြေအနေ ကြေငြာ
================
ဘရာဇီးလ်နိုင်ငံ အရှေ့တောင်ပိုင်းက အလာဂိုအာ့စ်ပြည်နယ်မှာ မိုးခေါင်မှုကြောင့် ၃ လတာ အရေးပေါ်အခြေအနတစ်ရပ်ကို အစိုးရက ကြေငြာလိုက်ပါတယ်။ မိုးခေါင်မှုကြောင့် လူ ၂ သိန်းကျော်လောက် သောက်သုံးရေ ပြတ်လပ်မှုနဲ့ ကြုံတွေ့ရနိုင်ပြီး၊ စိုက်ပျိုးရေးလုပ်ငန်းတွေလည်း ဆိုးဆိုးဝါးဝါး ထိခိုက်နေပါတယ်။
Ref: CNA, Aljazeera