ဇွန် ၂၈၊ ၂၀၁၈
M-Media
ရုရှား-အမေရိကန် ထိပ်သီးအစည်းအဝေး ကျင်းပမည်
==============
အမေရိကန်သမ္မတ ဒေါ်နယ်ထရမ့်နဲ့ ရုရှားသမ္မတ ဗလာဒီမီရ်ပူတင်တို့ဟာ တတိယနိုင်ငံတစ်ခုမှာ ထိပ်သီးအစည်းအဝေး ပြုလုပ်ဖို့အတွက် သဘောတူညီချက် ရရှိခဲ့တယ်လို့ ရုရှားနိုင်ငံခြားရေးဝန်ကြီးဌာနက မနေ့မှာ သတင်းထုတ်ပြန်ပါတယ်။ ဘယ်အချိန်၊ ဘယ်နေရာမှာ လုပ်မယ်ဆိုတာကို ဒီကနေ့မှာ တရားဝင်သတင်းထုတ်ပြန်ဖို့ ရှိပါတယ်။ ပူတင်ရဲ့ နိုင်ငံခြားရေးအကြံပေး ယူရီ အူရှာကော့ဗ်က ဒီ ထိပ်သီးအစည်းအဝေးဟာ နိုင်ငံတကာ အခြေအနေတွေအတွက် အလွန်အရေးကြီးလိမ့်မယ်လို့ ပြောကြားခဲ့ပါတယ်။
ပိုက်နက်ကို တစ်လက်မမှ မစွန့်လွှတ်ဟု အမေရိကန်ကို တရုတ်ပြော
============
ကမ္ဘာကြီးမှာ ငြိမ်းချမ်းရေးရဖို့၊ ပြဿနာတွေ မဖြစ်ဖို့ နှစ်မြှုပ်ဆောင်ရွက်သွားမှာ ဖြစ်ပေမယ့် မိမိတို့ရဲ့ ပိုင်နက်ကို တစ်လက်မမှ မစွန့်လွှတ်ဘူးလို့ တရုတ်သမ္မတ ရှီကျင့်ဖျင်က မနေ့မှာ အမေရိကန်ကာကွယ်ရေးဝန်ကြီး မာတစ်ကို ပြောကြားလိုက်ပါတယ်။ မာတစ်ဟာ နှစ်နိုင်ငံ ကုန်သွယ်ရေးပြဿနာကို ဆွေးနွေးဖို့အတွက် ဘေဂျင်းကို ရောက်နေတာပါ။ အမေရိကန်ဟာ တောင်တရုတ်ပင်လယ်မှာ တရုတ်ရဲ့လုပ်ရပ်တွေနဲ့ပတ်သက်လို့ ပုံမှန် ဝေဖန်မှုတွေ ပြုလုပ်နေပါတယ်။ တရုတ်ကာကွယ်ရေးဝန်ကြီး ဝေဖန်ဟီကလည်း အပြန်အလှန်လေးစားမှု၊ ထိပ်တိုက်မတွေ့ရေး ရှောင်ရှားမှုနဲ့သာ နှစ်နိုင်ငံ ပူးပေါင်းဆောင်ရွက်နိုင်မယ်လို့ မာတစ်ကို ပြောကြားခဲ့ပါတယ်။
စီးပွားရေး ဆိုးရွားအောင်လုပ်သူများကို အီရန်အဓိပတိ သတိပေး
============
တိုင်းပြည်ရဲ့စီးပွားရေး ဆိုးရွားအောင် လုပ်တဲ့သူတွေကို အီရန် အဓိပတိ အယာတိုလာ ခါမေနီက သတိပေးလိုက်ပြီး ရီယဲလ်ငွေကြေးကျဆင်းမှုကြောင့် ဆန္ဒပြသူတွေကို အရေးယူသွားဖို့ တိုင်းပြည်ရဲ့ တရားရေးဆိုင်ရာ တာဝန်ရှိသူတွေကို တိုက်တွန်းလိုက်ပါတယ်။ အီရန်ရီယဲလ်ဟာ ပြီးခဲ့တဲ့ ၆ လအတွင်း ၅၀ ရာခိုင်နှုန်းနီးပါးအထိ တန်ဖိုးကျဆင်းခဲ့ပြီး အဲဒီအတွက် တနင်္လာနေ့မှာ ပြည်သူတွေက အကြီးအကျယ် ဆန္ဒပြခဲ့ပါတယ်။ သမ္မတ ရူဟာနီက အစိုးရ၀င်ငွေဟာ လျှော့သွားခြင်းမရှိဘဲ ရီယဲလ်တန်ဖိုး ကျဆင်းတယ်ဆိုတာ နိုင်ငံခြားမီဒီယာတွေရဲ့ ၀ါဒဖြန့်မှုသာဖြစ်တယ်လို့ တုန့်ပြန်ခဲ့ပါတယ်။
Ref : Aljazeera, CNA
