မေ ၁၁၊ ၂၀၁၈
M-Media
ဂျူဗင်တပ်စ်ဂိုးသမား ဘူဖွန်ကို ယူအီးအက်ဖ်အေ တရားစွဲ
=============
ချန်ပီယံလိဂ် ကွာတားဖိုင်နယ် ဒုတိယအကျော့ ရီးယဲလ်မက်ဒရစ်ကို ရှုံးနိမ့်ပြီး ထွက်ခဲ့ရတဲ့ပွဲမှာ ကွင်းလယ်ဒိုင် မီခေးလ် အိုလီဗာကို စော်ကားပြောဆိုမှုအတွက် ဂျူဗင်တပ်စ်ဂိုးသမား ဘူဖွန်ကို ယူအီးအက်ဖ်အေက အပြုအမူပိုင်းဆိုင်ရာ စည်းကမ်းချိုးဖောက်မှုနဲ့ တရားစွဲဆိုလိုက်ပါတယ်။ နောက်ဆုံးမိနစ် ရီးယဲလ်ကို ပင်နယ်တီပေးမှုကို မကျေနပ်တဲ့အတွက် စောဒကတက်ခဲ့တဲ့ ဘူဖွန်ဟာ အဲဒီပွဲမှာ အနီကဒ်ပြ အထုတ်ခံခဲ့ရပါတယ်။ ဘူဖွန်ဟာ အဲဒီအနီကဒ်အတွက်လည်း တရားစွဲခံထားရပြီး၊ အခု စည်မျဉ်းချိုးဖောက်မှု စွဲချက်အတွက် မေလ ၃၁ ရက်နေ့ ကြားနာမှာ ဖြစ်ပါတယ်။
နေးမာမှာ ရော်နယ်ဒိုနှင့် တွဲကစားနိုင်သည်ဟု ဇီဒိန်းပြော
=================
ပီအက်စ်ဂျီအသင်းက ဘရာဇီးလ်တိုက်စစ်မှူး နေးမာဟာ ရော်နယ်ဒိုနဲ့ တွဲကစားနိုင်တယ်ဆိုတာ သံသယဖြစ်စရာ မလိုဘူးလို့ ရီးယဲလ်နည်းပြ ဇီဒိန်းက ပြောကြားလိုက်ပါတယ်။ ကမ္ဘာ့စံချိန်တင်ပြောင်းရွှေ့ကြေး ယူရို ၂၂၂ သန်းနဲ့ အခုနှစ် ဘောလုံးရာသီအစမှာ ပီအက်စ်ဂျီကို ပြောင်းလာတဲ့ နေးမာဟာ ရာသီကုန်ရင် အသင်းကနေ ထွက်ခွာမယ်ဆိုတဲ့ သတင်းတွေ ထွက်နေတာပါ။ ရီးယဲလ်ကိုရောက်မယ်ဆိုတဲ့ ပြောကြားမှုတွေရှိနေပြီး ဇီဒိန်းက လာမယ့်နှစ် အသင်းမှာ ဘာအပြောင်းအလဲတွေ လုပ်မလဲဆိုတာ အသင်းဘုတ်အဖွဲ့နဲ့ ဆွေးနွေးရမှာဖြစ်ကြောင်း လက်ရှိ နေးမာအကြောင်းကို မပြောနိုင်သေးကြောင်း မနေ့က အင်တာဗျူးမှာ ဖြေကြားခဲ့ပါတယ်။
ချန်ပီယံလိဂ်ဗိုလ်လုပွဲ လာကြည့်မည့်သူများကို ယူကရိန်းပြည်သူများ အခမဲ့နေရာပေးမည်
=================
မေလ ၂၆ ရက်နေ့ ကိဗ်မြို့မှာ ကစားမယ့် ချန်ပီယံလိဂ် ဗိုလ်လုပွဲ လာရောက်ကြည့်ရှုသူတွေကို အခမဲ့ တည်းခိုစရာ နေရာတွေ ဖန်တီးပေးဖို့အတွက် ယူကရိန်းပြည်သူတွေက ဆိုရှယ်မီဒီယာကနေတစ်ဆင့် လှုံ့ဆော်မှုတွေ ပြုလုပ်နေပါတယ်။ လီဗာပူးလ်နဲ့ ရီးယဲလ်တို့ ကစားကြမယ့် အဲဒီပွဲအတွက် ကိဗ်မြို့က ဟော်တယ်ဈေးတွေ မြှင့်ထားတယ်ဆိုတဲ့ သတင်းတွေ ထွက်လာပြီးတဲ့နောက် ယူကရိန်းပြည်သူတွေရဲ့ ဒီအစီအစဉ် ပေါ်ထွက်လာခဲ့တာပါ။ ဟိုတယ်ဈေးတွေ မြှင့်တင်ထားမှုအတွက် သူတို့ ရှက်မိတယ်လို့လည်း အစီအစဉ်ကို ကမကထပြုသူတွေက ပြောကြားခဲ့ပါတယ်။
ကမ္ဘာ့ဖလား အင်္ဂလန်အသင်းလူစာရင်း ဗုဒ္ဓဟူးနေ့ထွက်မည်
================
၂၀၁၈ ရုရှားကမ္ဘာ့ဖလားအတွက် လူစာရင်းကို မေလ ၁၆ ရက် ဗုဒ္ဓဟူးနေ့မှာ ထုတ်ပြန် သွားမယ်လို့ အင်္ဂလန်နည်းပြ ဆောက်သ်ဂိတ်က ပြောကြားလိုက်ပါတယ်။ အင်္ဂလန်ဟာ အုပ်စု G မှာ ဘယ်လ်ဂျီယံ၊ ပါနားမား၊ တူနီးရှားတို့နဲ့ တစ်အုပ်စုတည်း ကျရောက်နေပြီး ဇွန်လ ၁၈ ရက်နေ့မှာ တူနီးရှားနဲ့ စတင်ကစားရမှာ ဖြစ်ပါတယ်။ ခြေစစ်ပွဲမှာတော့ အင်္ဂလန်ဟာ ၈ ပွဲနိုင် ၂ ပွဲသရေနဲ့ ရှုံးပွဲမရှိခဲ့ပါဘူး။
Ref: BBC,Goal
