မေ ၁၁၊ ၂၀၁၈
M-Media
မလေးရှားအစိုးရသစ် စီးပွားရေးနှင့်ဘဏ္ဍာရေးကို အဓိကထားလုပ်မည်
=============
တိုင်းပြည်ရဲ့ ဘဏ္ဍာရေးနဲ့ စီးပွားရေး တိုးတက်ကောင်းမွန်အောင် အဓိကထား ဆောင်ရွက်သွားမှာဖြစ်ပြီး နိုင်ငံပိုင် 1MDB ရန်ပုံငွေက ပျောက်နေတဲ့ ဘီလီယံနဲ့ချီတဲ့ ဒေါ်လာတွေ ပြန်ရအောင် ဆောင်ရွက်သွားမယ်လို့ မလေးရှားသမ္မတသစ် မဟာသီယာမိုဟာမက်က ပြောကြားလိုက်ပါတယ်။ ဗုဒ္ဓဟူးနေ့ ရွေးကောက်ပွဲမှာ ၀န်ကြီးချုပ်ဟောင်း မဟာသီဦးဆောင်တဲ့ အတိုက်အခံတွေဟာ အာဏာရပါတီကို အံ့ဖွယ်အနိုင်ရခဲ့ပြီး မနေ့မှာ မဟာသီက ၀န်ကြီးချုပ်သစ်အဖြစ် ကျမ်းကျိန်ခဲ့ပါတယ်။ ကောင်းမွန်တဲ့ အစိုးရတစ်ရပ် ပေါ်ပေါက်လာဖို့၊ တိုင်းပြည်ရဲ့ အခြေခံဥပဒေနဲ့ ဥပဒေတွေကို ဆက်လက် လိုက်နာ ထိန်းသိမ်းသွားဖို့လည်း ကတိပြုခဲ့ပါတယ်။
သြစတေးလျက အသက် ၁၀၄ နှစ်အရွယ်အဘိုးအို သေဆုံးခွင့်ရ
=============
အသက်အရွယ်ကြီးရင့်မှုကြောင့် လူ့လောကမှာ မနေလိုတဲ့ အသက် ၁၀၄ နှစ်အရွယ် သြစတေးလျနိုင်ငံသား သိပ္ပံပညာရှင် ဂွဒ်ဒေါလ်ဟာ ဆွစ်ဇာလန်က ဆေးခန်းတစ်ခုမှာ မနေ့က ထိုးဆေးနဲ့ အေးချမ်းစွာ အသက်ဇီဝိန် ချုပ်ငြိမ်းသွားပါတယ်။ ဘ၀အခြေအနေ ဆိုးရွားတဲ့အတွက် သေဆုံးခွင့်ရရေး ဂွဒ်ဒေါလ်ရဲ့ ကြိုးပမ်းမှုကြောင့် ကမ္ဘာတစ်ဝှမ်းက ပြည်သူတွေရဲ့ အာရုံစူးစိုက်မှုကိုလည်း ရရှိခဲ့ပါတယ်။ ဘေဆယ်မြို့က ဆေးခန်းတစ်ခုမှာ ဆေးထိုးပြီး အဆုံးမစီရင်ခင် ဂွဒ်ဒေါလ်ဟာ နောက်ဆုံးအနေနဲ့ သူကြိုက်နှစ်သက်တဲ့ အစားအသောက်ကို စားသောက်ကာ၊ သူနှစ်သက်တဲ့ ဘီသိုဘင် ဂီတကိုလည်း နားထောင်သွားခဲ့ပါတယ်။
အီရန်အပေါ် အမေရိကန်က ပိတ်ဆို့မှုလုပ်
==================
အီရန် တော်လှန်ရေးအစောင့်တပ်နဲ့ ပတ်သက်နေပြီး၊ အဲဒီအဖွဲ့ရဲ့ ဆိုးရွားတဲ့ လုပ်ငန်းတွေမှာ ငွေကြေး သန်းနဲ့ချီ ထောက်ပံ့ပေးတဲ့ လူပုဂ္ဂိုလ် ၆ ဦးနဲ့ ကုမ္ပဏီ ၃ ခုတို့ကို ပိတ်ဆို့မှုတွေလုပ်လိုက်တယ်လို့ အမေရိကန်က ကြေငြာခဲ့ပါတယ်။ ယူအေအီးနဲ့ ပူးပေါင်းပြီး ဒီလို ပိတ်ဆို့မှုတွေလုပ်ကာဖြစ်ကာ အီရန် ဗဟိုဘဏ်ကလည်း အစောင့်တပ်ကို ကူညီပေးနေတယ်လို့ ကန်ဘဏ္ဍာရေးဝန်ကြီး စတီဗင် မူချင်က ပြောကြားခဲ့ပါတယ်။ ၂၀၁၅ ခုနှစ်က အီရန်နဲ့ ရရှိခဲ့တဲ့ နျူသဘောတူညီချက်ကနေ နှုတ်ထွက်ကြောင်း အမေရိကန်က ကြေငြာပြီးနောက်ပိုင်း အခုလို ပထမဆုံး ပိတ်ဆို့မှုတွေ ပြုလုပ်လိုက်တာ ဖြစ်ပါတယ်။
အီရန်-အစ္စရေး ထိပ်တိုက်တွေ့မှုကို ကမ္ဘာ့နိုင်ငံများ သတိပေး
==============
ဆီးရီးယားနိုင်ငံအတွင်း အစ္စရေးက အကြီးစား ကျူးကျော်တိုက်ခိုက်မှုတစ်ခု မနေ့မှာ ပြုလုပ်ခဲ့ပြီးတဲ့နောက် အရှေ့အလယ်ပိုင်းမှာ တင်းမာမှု မြင့်တက်လာတာနဲ့ပတ်သက်ပြီး ကုလ၊ ရုရှား၊ ပြင်သစ်၊ ဂျာမနီနဲ့ ဗြိတိန်တို့က သတိပေးလိုက်ကာ ထိန်းထိန်းသိမ်းသိမ်းဆောင်ရွက်ကြဖို့ မေတ္တာရပ်ခံလိုက်ပါတယ်။ သူတို့သိမ်းထားတဲ့ ဆီးရီးယားပိုင် ဂိုလန်တောင်ကုန်းကို အီရန်တပ်ဖွဲ့တွေက ဒုံးကျည်ပစ်တယ်ဆိုပြီး အစ္စရေးက ဒီစစ်ဆင်ရေးကို ပြုလုပ်ခဲ့ကာ ဆီးရီးယားမှာရှိတဲ့ အီရန်ပစ်မှတ်တွေကို ချေမှုန်းခဲ့တာလို့ ဆိုပါတယ်။ အီရန်ကတော့ ဒီကိစ္စအတွက် ဘာမှ မထုတ်ပြန်ပါဘူး။ ကုလအတွင်းရေးမှူးချုပ် အန်တိုနီယို ဂူတာရက်စ်က လုံခြုံရေးကောင်စီအနေနဲ့ ဒီကိစ္စကို ဆက်လက် သတိထားစောင့်ကြည့်ဖို့လည်း တိုက်တွန်းခဲ့ပါတယ်။
Ref: CNA,BBC
