Author: YinYin

ဒေလီအုပ်စုဖွဲ့ အဓ္ဓမကျင့်မှုတွင် ပါဝင်သူများကို ကြိုးပေးကွပ်မျက်မည်

မတ် ၁၃၊ ၂၀၁၄
M-Media

– ၂၀၁၂ ခုနှစ် ဒီဇင်ဘာလက နယူးဒေလီတွင် ဆေးကျောင်းသူတစ်ဦးအား အုပ်စုဖွဲ့ အဓမ္မပြုကျင့်ခဲ့သော တရားခံလေးဦးကို အိန္ဒိယတရားရုံးက သေဒဏ် ချမှတ်လိုက်သည်ဟု သိရသည်။

Mukhesh၊ Vinay Sharma၊ Pawan နှင့် Akshay လေးဦးတို့အား အဓ္ဓမပြုကျင့်မှုနှင့် လူသတ်မှုတို့ဖြင့် အပြစ်ရှိကြောင်းတွေ့ရှိရ၍ ကြိုးပေးကွပ်မျက်ရန် ဒေလီတရားရုံးက ယနေ့တွင် အမိန့်ချမှတ်ခဲ့ခြင်းဖြစ်သည်။

ယောက်ျားလေး သူငယ်ချင်းဖြစ်သူနှင့် ရုပ်ရှင်သွားကြည့်ရာမှ ပြန်လာသော အဆိုပါ ဆေးကျောင်းသူအား ဘတ်စ်ကားပေါ်တွင် ၎င်းတို့လေးယောက်က အုပ်စုဖွဲ့ အဓ္ဓမပြုကျင့်ခဲ့ကာ ရိုက်နှက်ခဲ့ပြီးနောက် လမ်းပေါ်၌ စွန့်ပစ်ထားခဲ့သည်။ သူမ၏သူငယ်ချင်းဖြစ်သူမှာလည်း ရိုက်နှက်ခြင်းခံခဲ့ရသည်။

ဘတ်စ်ကားယာဉ်မောင်းအပါအ၀င် ထိုအမှုတွင် ပါဝင်သူမှာ ၆ ဦးဖြစ်ပြီး ယဉ်မောင်းမှာ ဒေလီရှိ Tihar အကျဉ်းထောင်တွင် သေဆုံးသွားခဲ့ကာ ကိုယ့်ကိုယ်ကို သတ်သေသွားခဲ့ခြင်ဟု ယူဆရသည်။ အခြားတစ်ဦးမှာ အသက်မပြည့်သေးသူဖြစ်ပြီး ပြစ်မှုကျူးလွန်ရာတွင် အနည်းငယ်သာ ပါဝင် ပတ်သက်ခဲ့သောကြောင့် လူငယ်စာရိတ္တပြုပြင်ရေးကျောင်းတွင် ၃-နှစ် အကျဉ်းကျခံရန် တရားရုံးက ပြစ်ဒဏ်ချမှတ်ခဲ့သည်။

ထိုကဲ့သို့ အုပ်စုဖွဲ့အဓ္ဓမကျင့် လူသတ်မှုသတင်းက အိန္ဒိယနိုင်ငံတစ်ဝှမ်းလုံးအား တုန်လှုပ်စေခဲ့ပြီး ပြ ည်သူများကလည်း နိုင်ငံတစ်ဝှမ်း မကြုံစဖူး ဆန္ဒပြမှုများ ပြုလုပ်ခဲ့ကာ ပြစ်ဒစ်ကျူးလွန်သူများအား ထိရောက်သော အပြစ်ပေးမှုများ ပြုလုပ်ရန်နှင့် နိုင်ငံအတွင်း အမျိုးသမီးများအား အကာအကွယ် ပေးရန် အစိုးရအားတိုက်တွန်းခဲ့ကြသည်။ ထိုအမှုကြောင့် ပြည်နယ်များတွင် လိင်ပိုင်းဆိုင်ရာ ရာဇ၀တ်မှုများအတွက် တင်းကျပ်သော ဥပဒေများပြဌာန်း ခဲ့သည်။

အိန္ဒိယနိုင်ငံတွင် အုပ်စုဖွဲ့အဓ္ဓမပြုကျင့်မှုများမှာ မကြာခဏဖြစ်ပွားလေ့ရှိပြီး အာဏာပိုင်များကလည်း ထိရောက်သော အရေးယူဆောင်ရွက်မှုများ ထိထိရောက်ရောက် ပြုလုပ်ခြင်းများမရှိချေ။

Ref : Aljazeera

March 13, 2014
တရုတ်-မြန်မာ ချစ်ကြည်ရေး အဖြစ် အလင်းရောင် ဖောင်ဒေးရှင်းသို့ ဆေးကုသရေး ယာဉ်လှူဒါန်း

မတ် ၁၃၊ ၂၀၁၄
M-Media
လမင်း

ရန်ကုန် ။ ။ တရုတ်ပြည်သူ့သမ္မတနိုင်ငံ ငြိ်မ်းချမ်းရေးနှင့် ဖွံ့ဖြိုးတိုးတက်ရေးဖောင်ဒေရှင်း မှ ပြည်ထောင်စုမြန်မာနိုင်ငံတော် အလင်းရောင် ဖောင်ဒေးရှင်းသို့ ဆေး ကုသရေးသုံး ယာဉ်လှူဒါန်းပွဲ အခမ်းအနားကို မတ်လ ၁၃ ရက်နေ့ နံနက် ၁၀ နာရီတွင် မရမ်းကုန်းမြို့နယ် သမိုင်းလမ်းဆုံရှိ အပြည်ပြည်ဆိုင်ရာ မျက်စိကုသရေး ဌာန၌ ပြုလုပ်ခဲ့သည်။

ပထမဦးစွာ တရုတ်ပြည်သူ့သမ္မတနိုင်ငံ ငြိမ်းချမ်းရေးနှင့် ဖွံ့ဖြိုး တိုးတက်ရေးဖောင်ဒေးရှင်းမှ ဒုတိယ ညွန်ကြားရေးမှူးချုပ် Mr.Ji Ping မှ အမှာစကား ပြောကြားခဲ့သည်။” အခုလို တရုတ်နိုင်ငံကနေ မြန်မာပြည်နဲ့ ချစ်ကြည်ရေးအတွက် လာရောက် လှူဒါန်းတဲ့ အတွက် အရမ်းကိုကျေးဇူး တင်မိပါတယ်။ အခုဆိုတောရွာတွေကိုပါ အလွယ်တကူ သွားရောက်နိုင်တော့မှာဖြစ်ပါတယ်” ဟု မြန်မာနိုင်ငံအလင်းရောင်ဖောင်ဒေရှင်း ဥက္ကဌ ဒေါက်တာစိုးမင်းက ပြောခဲ့သည်။

ထို့နောက် တရုတ်ပြည်သူ့သမ္မတနိုင်ငံ ဒုတိယ၀န်ကြီး Mr.Li Jinjim မှရန်ကုန်တိုင်းဒေသကြီး အစိုးရအဖွဲ့ဝန်ကြီးချုပ် ဦးမြင့်ဆွေအား မော်တော်ယာဉ် နှင့် ပတ်သက်သည့် ကားသော့နှင့် စာရွက်စာတမ်းများကို ပေးအပ်လှူဒါန်းခဲ့သည်။ ထို့နောက် ၎င်းတို့မှ မော်တော်ယာဉ်များအား အမွေးနံ့သာများဖြင့် ပတ်ဖျန်းခဲ့ကြသည်။

အလင်းရောင်ဖောင်ဒေးရှင်းကို ၂၀၁၃ တွင်စတင်တည်ထောင်ခဲ့ပြီး မျက်စိကို အထူးခွဲစိတ်သော ဖောင်ဒေးရှင်းတစ်ခု ဖြစ်သည်။ အလင်းရောင် ဖောင်ဒေးရှင်းသည် လူနာပေါင်း ၂၀၀၀ကျော်ကိုစပ်းသပ်ပြီးလျက်ရှိပြီး လူနာပေါင်း ၂၆၀၀ ကျော်ကိုခွဲစိတ်ကုသပြီးလျက်ရှိကြောင်း သိရသည်။

March 13, 2014
ပျောက်ဆုံးနေသော မလေးရှားလေယာဉ် အဆက်အသွယ် မပြတ်ခင် ပြန်လှည့်ခဲ့သည့် အထောက်အထားများတွေ့ရ

မတ် ၉၊ ၂၀၁၄
M-Media

– ယမန်နေ့ နံနက်ပိုင်းက ပျောက်ဆုံးသွားသည့် မလေးရှားခရီးသည်တင်လေယာဉ်မှာ မပျောက်ဆုံးမီအလျင် ပြန်လှည့်ရန် ကြိုးစားခဲ့သည့် အခြေအနေ များကို တွေ့ရှိခဲ့ရခြင်းကြောင့် တာဝန်ရှိသူများက ရှာဖွေသည့် ဧရိယာကို ပိုမိုတိုးမြှင့်ခဲ့သည်ဟု မလေးရှား လေတပ် အကြီးအကဲက ယနေ့တွင် ပြောကြားလိုက်သည်။

ခရီးသည်နှင့် လေယာဉ်အမှုထမ်း စုစုပေါင်း ၂၃၉ ဦးကို တင်ဆောင်လာသည့် ဘိုးအင်း ၇၇၇ အမျိုးအစား အဆိုပါလေယာဉ်အား ရှာဖွေနေခြင်းမှာ ၂ ရက်ကြာမြင့်နေပြီဖြစ်ပြီး ကြောက်ရွံ့မှုများလည်း အမြင့်ဆုံးအဆင့်သို့ ရောက်နေသည်။၊ ရေဒါမှ အချက်အလက်များအရ အဆိုပါလေယာဉ်မှာ ပြန်လှည့်ခဲ့သည့် အနေအထားရှိသည်ဟု တွေ့ရှိခဲ့ရပြီး မည်သည့် အကြောင်းကြောင့် ထိုကဲ့သို့ ပြန်လှည်ခဲ့ခြင်းကို စုံးစမ်းမှုများလည်း ပြုလုပ်နေသည်။

“သွားနေတဲ့လမ်းကြောင်းနဲ့ သွေဖည်ပြီး ဒီလေယာဉ်ဟာ ပြန်လှည်ခဲ့တယ်ဆိုတဲ့ သတိပြုစရာ ဖြစ်နိုင်ချေတွေရှိနေပါတယ်။ ဖြစ်နိုင်ချေတွေထဲက တစ်ခုကတော့ ဒီလေယာဉ်ဟာ ကွာလာလမ်ပူကို ပြန်လှည့်ခဲ့တယ် ဆိုတာပါပဲ” ဟု ဗိုလ်ချုပ် ရိုဒ်ဇာလီ ဒါဝူဒ်က ပြောကြားခဲ့သည်။

ကွာလာလမ်ပူမှ ဘေကျင်းသို့ ထွက်ခွာသွားခဲ့ပြီး ယမန်နေ့အစောပိုင်း အဆက်အသွယ်ပြတ်တောက်သွားသည့် အချိန်တွင် အဆိုပါလေယာဉ်မှာ မလေးရှားနှင့် ဗီယက်နမ်တောင်ပိုင်း အကြားတွင် ရှိနေမည်ဟု ယူဆရပြီ၊ ဗီယက်နမ်နိုင်ငံက ထိုနေရာတွင် ရှာဖွေမှုများပြုလုပ်နေသော်လည်း မည်သည့် သဲလွန်စကိုမှ မတွေ့ရှိသေးပေ။

မလေးရှားအာဏာပိုင်များကလည်း ပထမပိုင်းတွင် နိုင်ငံအရှေ့ တောင်တရုတ် ပင်လယ်အတွင်း ရှာဖွေမှုများပြုလုပ်နေပြီး ပြန်လှည့်ခဲ့သည့်ဆိုသည့် အချက်အလက်များကို တွေ့ရှိရသောကြောင့် နောက်ပိုင်းတွင် နိုင်ငံအနောက်ပိုင်း ကမ်းရိုးတမ်းတွင်ပါ ရှာဖွေမှုများကို တိုးမြှင့် ပြုလုပ်နေကာ၊ အဆိုပါ ကမ်းရိုးတမ်းနှင့် မျက်နှာချင်းဆိုင်ရှိ အင်ဒိုနီးရှားပိုင် ဆူးမာတြားကျွန်းတွင် ကူညီရှာဖွေမှုများကို ပြုလုပ်ရန် အင်ဒိုနီးရှား အစိုးရအား တောင်းဆိုထားသည်။

အဆိုပါလေယာဉ်ပေါ်တွင် နိုင်ငံကူလက်မှတ်အတု ကိုင်ဆောင်သည့် လူနှစ်ဦးအပါဝင် မသင်္ကာစရာ လူလေးဦးလည်းလိုက်ပါသွားပြီး စုံစမ်းစစ်ဆေးမှု များကို ပြုလုပ်နေသည်ဟု မလေးရှား နိုင်ငံခြားရေးနှင့်၊ ကာကွယ်ရေးဝန်ကြီး ဟီရှာမူဒင်ဟူစိန်က ပြောကြားခဲ့သည်။ ပျောက်ဆုံးနေသော အဆိုပါ လေယာဉ်ရှာဖွေမှုကို လက်ရှိတွင် လေယာဉ် ၂၂ စင်း၊ သင်္ဘောအစင်း ၄၀ တို့ဖြင့် ပြုလုပ်နေသည်ဟု သိရသည်။

Ref : Aljazeera

March 9, 2014
ပျားကောင်ရေ ၁၀၀၀ ကျော်အတုပ်ခံခဲ့ရသည့် ကယ်လီဖိုးနီးယားရှိ အဖွားအို ဆေးကုသမှု ခံယူနေရ

မတ် ၉၊ ၂၀၁၄
M-Media

– အမေရိကန်ပြည်ထောင်စု ကယ်လီဖိုးနီးယားပြည်နယ်ရှိ အဖွားအိုတစ်ဦးမှာ ပျားအုပ်တစ်အုပ်၏ တိုက်ခိုက်မှုကို ခံခဲ့ရပြီး ပျားကောင်ရေ ၁၀၀၀ ခန့် အတုပ်ခံခဲ့ရကြောင်း သိရသည်။

Palm Dessert မြို့တွင် ကြာသာပတေးနေ့က ဖြစ်ပွားခဲ့ခြင်းဖြစ်ပြီး Verizon ဆက်သွယ်ရေးကုမ္ပဏီမှ ၀န်ထမ်းတစ်ဦးက မြေအောက်ရှိ ၀ါယာပုံးကို ဖွင့်လိုက်စဉ်၊ ထိုပုံးထဲတွင် အိမ်ဖွဲ့၍ နေထိုင်သည့် အာဖရိက ပျား ၈ သောင်းခန့်ထွက်လာက အနီးအနားရှိ ကားအတွင်းမှ ထွက်လာသည့် အဆိုပါ ၇၁ နှစ်အရွယ် အဖွားအိုအား သွားရောက်တုပ်ခဲ့ခြင်းဖြစ်သည်။

ထို့နောက် မီးသတ်သမားများရောက်လာက ထိုပျားများအား ရှင်းလင်း၍ အဖွားအိုကို ဆေးရုံးသို့ ပို့ဆောင်ပေးခဲ့သည်။ ပျားအကောင်ပေါင်း ၁၀၀၀ ကျော် အတုပ်ခံခဲ့ရသည့် အဆိုပါ အဖွားအိုမှာ ယခုအချိန်တွင် ဆေးကုသမှုကိုခံနေရပြီး မီးသတ်သမား ၃ ဦးမှာလည်း ပျားတုပ်သော ဒဏ်ရာများကြောင့် ဆေးကုသမှုခံနေရသည်။

ပျားများကို ဖယ်ရှားပေးခဲ့သည့် ၀ါရင့်ပျားစုဆောင်းသူ လန်းစ်ဒါးဗီက ၀ါယာပုံးအောက်တွင်ရှိသည့် အဆိုပါ ပျားအုံအား ဖယ်ရှားကာ လယ်သမားများသို့ လှူဒါန်းသွားမည်ဟု ပြောကြားခဲ့သည်။
Ref : NY Daily News

March 9, 2014
မြောက်ကိုရီးယား၏ ရန်လိုမှုများ အတွက် တရုတ်သတိပေး

မတ် ၉၊ ၂၀၁၄
M-Media

မြောက်ကိုရီးယား၏ ရန်လိုမှုများအတွက် တရုတ်သတိပေး၊ ငြိမ်းချမ်းရေးအတွက် တစ်ခုတည်းသော နည်းလမ်းမှာ နျူဖျက်သိမ်းရေးဖြစ်သည်ဟုဆို

– ကိုရီးယားကျွန်းဆွယ်အတွင်း စစ်ပွဲ သို့မဟုတ် ပဋိပက္ခများကို တရုတ်နိုင်ငံအနေဖြင့် ခွင့်ပြုမည် မဟုတ်ကြောင်းနှင့် နျူလက်နက် စွန့်လွှတ်ရေးက သာလျှင် ငြိမ်းချမ်းရေးရရှိရန် အတွက် တစ်ခုတည်းသော နည်းလမ်းဖြစ်ကြောင်း တရုတ်နိုင်ငံမှ မြောက်ကိုရီယားသို့ သတိပေး ပြောဆိုလိုက်သည်။

နျူးကလီးယားဗုံး စွန့်လွှတ်ရေးကို ငြင်းဆန်ထားသည့် အတွက် ကုလ၏ ပိတ်ဆို့မှုများကို ရင်ဆိုင်နေရပြီး ဖယ်ကျဉ်ခြင်း ခံထားရသည့် မြောက်ကိုရီးယား နိုင်ငံ အတွက် တရုတ်နိုင်ငံမှာ သံတမန်မန်ရေးနှင့် စီးပွားရေးကို့ အဓိက ထောက်ပံ့ပေးနေသောနိုင်ငံဖြစ်သော်လည်း၊ မြောက်ကိုရီးယားနိုင်ငံဘက်မှ နျူးကလီးယားစမ်းသပ်မှု သုံးခုနှင် ဒုံကျည်များ ပစ်လွှတ် စမ်းသပ်ခြင်းတို့ အပါအ၀င် စစ်ရေးအရ ခြိမ်းခြောက်မှုများ ရှိလာသောကြောင့် မြောက်ကိုရီးယား အပေါ် ထားရှိသည့် တရုတ်နိုင်ငံ၏ သည်းခံမှုမှာ လျော့နည်းလာခဲ့သည်။

ယခုလ ၇ ရက်နေ့ကလည်း မြောက်ကိုရီးယားမှ ပစ်လွှတ်သော ဒုံးကျည်တစ်စင်းမှာ တရုတ် ခရီးသည်တင်လေယာဉ် တစ်စင်းအနားမှ ဖြတ်သွားပြီး နောက်ပိုင်း တရုတ်နိုင်ငံက မြောက်ကိုရီးယား လုပ်ရပ်အတွက် အလွန်စိုးရိမ်မိသည်ဟု ပြောဆိုခဲ့ကြောင်း Reuters သတင်းဌာနမှ ဖော်ပြခဲ့သည်။

“ကိုရီးယားကျွန်းဆွယ်ဆိုတာ တရုတ်နိုင်ငံရဲ့ တံခါးတစ်ချပ်ပါ။ ကျွန်တော်တို့မှာ ကန့်သတ်ချက် စည်းမျဉ်းတစ်ခုရှိပြီး အဲဒီစည်းမျဉ်းကတော့ စစ်ပွဲနဲ့ ကိုရီးယားကျွန်းဆွယ် မတည်ငြိမ်မှုကို ခွင့်မပြုဖို့ပါပဲ” ဟု တရုတ်နိုင်ငံခြားရေးဝန်ကြီး ၀န်ယီက သတင်းထောက်များအား ယမန်နေ့တွင်ပြောကြားခဲ့သည်။

ထို့ပြင် အဖွဲ့အားလုံးအနေဖြင့် မိမိတို့၏ အပြုအမူများကို ထိန်းသိမ်းရန် တိုက်တွန်းခဲ့ပြီး၊ ကျွန်းဆွယ်အတွင်း စစ်မှန်၏ ရေရှည်ခံသော ငြိမ်းချမ်းရေးရန် တစ်ခုတည်းသော ဖြစ်နိုင်ခြေမှာ နျူကလီးယား ဖျက်သိမ်းရေးသာဖြစ်သည်ဟု ၀မ်က ထည့်သွင်းပြောကြားခဲ့သည်။

Ref : Aljazeera

March 9, 2014