News @ M-Media

Author: YinYin

  • မန်ယူ၏ကစားပုံက ဗန်ပါစီအတွက် ခက်ခဲနေသည်ဟု နယ်သာလန် နည်းပြဆို

    မန်ယူ၏ကစားပုံက ဗန်ပါစီအတွက် ခက်ခဲနေသည်ဟု နယ်သာလန် နည်းပြဆို

    ဖေဖော်ဝါရီ ၂၀၊ ၂၀၁၄
    M-Media

    –  နည်းပြ မိုယက်စ်လက်အောက် မန်ချက်စတာယူနိုက်တက်တွင် ကစားနေရသော ပုံစံမှာ ဗန်ပါစီအတွက် အခက်အခဲများ ဖြစ်နေသည်ဟု နယ်သာလန်အသင်း နည်းပြဖြစ်သူ လူးဝစ် ဗန် ဂါလ်က ပြောကြားလိုက်သည်။

    ယခုနှစ်အတွင်း မိုယက်စ်မှပြုလုပ်သည့် လေ့ကျင့်ရေး နည်းစနစ်များနှင့် ပတ်သက်၍ ဗန်ပါစီနှင့် မိုယက်စ်တို့ မကျေလည်မှုများရှိနေသည်ဟု သတင်းများလည်း ထွက်ပေါ်နေပြီး၊ ဗန်ပါစီခံစားနေရသည့် ဒဏ်ရာပြဿနာနှင့် ပတ်သက်၍လည်း နယ်သာလန် ဘောလုံးအဖွဲ့ချုပ်က မန်ယူအား ဆက်သွယ်ပြောဆိုထားသည်။

    နယ်သာလန်နည်းပြ ဗန်ဂါလ်ကမူ ဗန်ပါစီမှာ ကမ္ဘာ့ဖလားပွဲအတွက် ပြင်ဆင်ရမည်ဖြစ်ပြီး၊ လက်ရွေးစင်အသင်း၏ ပွဲများက မန်ယူပွဲများထက် ပိုမို၍ ရိုးရှင်းကာ၊ ဗန်ပါစီ၏ စွမ်းရည်နှင့်လည်း ပိုမိုအံဝင်ခွင်ကျဖြစ်သည်ဟု ပြောဆိုခဲ့သည်။

    “ကမ္ဘာ့ဖလားပြိုင်ပွဲမှာ သူရဲ့ကစားပုံ ကောင်းမွန်သင့်တယ်လို့ ကျွန်တော်ထင်ပါတယ်။ ဘာကြောင့်လဲဆိုတော့ သူဟာ နိုင်ငံကို ကိုယ်စားပြု ကစားရတာ ကို ချစ်လို့ပါ။ ခြေစစ်ပွဲစဉ်တွေမှာ သူရဲ့အစွမ်းကို အရင်ကထက် ပိုမိုပြသခဲ့ပါတယ်။ ကျွန်တော်တို့ရဲ့ ထိပ်တန်းဂိုးသွင်းရှင်ဖြစ်တဲ့ သူဟာ ဒီခြေစွမ်းကို ဆက်ထိန်းနိုင်မယ်လို့ ကျွန်တော် မျှော်လင့်ပါတယ်” ဟု ဗန်ဂါလ်က သတင်းထောက်များအား ပြောကြားခဲ့သည်။

    Ref : Goal

  • ဖွဲ့စည်းပုံပြင်ဆင်ရန် ပြည်မြို့မှ အမျိုးသား ဒီမိုကရေစီ အဖွဲ့ချုပ်နှင့် ဒေသခံပြည်သူများ ဆန္ဒဖော်ထုတ်

    ဖွဲ့စည်းပုံပြင်ဆင်ရန် ပြည်မြို့မှ အမျိုးသား ဒီမိုကရေစီ အဖွဲ့ချုပ်နှင့် ဒေသခံပြည်သူများ ဆန္ဒဖော်ထုတ်

    ဖေဖော်ဝါရီ ၁၉၊ ၂၀၁၄
    M-Media
    လမင်း

    ပြည်  ။          ။       ဖွဲ့စည်းပုံ အခြေခံဥပဒေပြင်ဆင်ရေးနှင့် ပုဒ်မ ၅၉ (စ) တို့အား ပယ်ဖျက်ရေးအတွက် ပဲခူးတိုင်းဒေသကြီး ပြည်မြို့ အမျိုးသား ဒီမိုကရေစီ အဖွဲ့ချုပ် နှင့် မြို့သူမြို့သားများမှ ပူးပေါင်း၍ ဖေဖော်ဝါရီလ ၁၈ ရက်နေ့က ဆန္ဒဖော်ထုတ်ခဲ့ကြသည်။

    ယခုလိုဆန္ဒဖော်ထုတ်မှုကို မြို့နယ်ရဲတပ်ဖွဲ့မှူးက ငြင်းပယ်ခဲ့သော်လည်း ခရိုင်ရုံးနှင့် ညှိနှိုင်းပြီး တရားဝင်ဆန္ဒဖော်ထုတ်ခဲ့ခြင်းဖြစ်ပြီး ဆန္ဒဖော်ထုတ် ပွဲတွင် ပုဒ်မ ၅၉(စ) ကိုပယ်ဖျက်ရန်၊ ပုဒ်မ ၅၉ (ဃ) ကိုပြင်ဆင်ရန်၊ ပုဒ်မ ၄၃၆ တို့ကိုပြင်ဆင်ရန် တို့ကို ဆန္ဒဖော်ထုတ်ခဲ့ကြောင်း သိရပါသည်။

    ပြည်သူလူထုတွေကလည်း ဒီပုဒ်မတွေကို အလိုမရှိကြပါဘူး။ ပယ်ဖျက်ချင်နေတယ်ဖြစ်တယ်ဆိုတာကို သိစေချင်လို့ အခုလိုဆန္ဒပြသမှုကို ပြုလုပ်ရခြင်း ဖြစ်တယ်လို့ မြို့နယ်တာဝန်ခံတစ်ဦးက ပြောခဲ့ပါတယ်။

    ဆန္ဒဖော်ထုတ်ပွဲကို မူယာပင်ရပ် NLD ရုံးခန်းရှေ့မှ စတင်ချီတက်ခဲ့ကြပြီး ဗိုလ်ချုပ်လမ်း၊ ရွှေတချောင်းလမ်း၊ လမ်းမတော်လမ်း အစရှိသည့် လူစည်ကား သည့်နေရာများသို့ လှည့်လည် ဆန္ဒဖော်ထုတ်ခဲ့ကြပါသည်။ ပေါင်းတည်၊ ပန်တောင်း၊ မှော်ဇာ၊ ပေါင်းတလည်၊ ပေါက်ခေါင်း၊ ၀က်ထီးကန် အစရှိတဲ့ နီးစပ်ရာမြို့နယ်များမှ ပြည်သူများနှင့် ဒေသခံပြည်သူများအပါအ၀င် ဆန္ဒဖော်ထုတ်သူ ၆၀၀ ကျော်ပါဝင်ခဲ့သည်။ နိုင်ငံရေးပါတီက တရားဝင်ခွင့်တင်ပြီး ဆန္ဒပြသခဲ့တာဟာ ပြည်မြို့တွင် ပထမဆုံးအကြိမ်ဖြစ်ပါသည်။

  • မြို့ပတ်ရထားတွင် ကြုံတွေ့နေရသော အခက်အခဲများကို မြန်မာ့မီးရထားမှ ဖြေရှင်းနိုင်ရန် ကြိုးပမ်း

    မြို့ပတ်ရထားတွင် ကြုံတွေ့နေရသော အခက်အခဲများကို မြန်မာ့မီးရထားမှ ဖြေရှင်းနိုင်ရန် ကြိုးပမ်း

    ဖေဖော်ဝါရီ ၁၈၊ ၂၀၁၄
    M-Media
    လမင်း

    ရန်ကုန်  ။      ။ မြို့ပတ်ရထားများတွင် ခရီးသည်များရင်ဆိုင်တွေ့ကြုံနေရသော အခက်အခဲများကို ဖြေရှင်းပေးရန် မြန်မာ့မီးရထားမှ ကြိုးပမ်း ဆောင်ရွက် လျက်ရှိသည်။

    ဖေဖော်ဝါရီလလယ်ခန့်မှ စတင်ကာ မြို့ပတ်ရထားများပေါ်တွင် နေ့စဉ် ခရီးသည်များအား လတ်မှတ်ဝယ်မှု မ၀ယ်မှု၊ ခရီးသည်များ မြို့ပတ်ရထားပေါ် တွင် ကြုံတွေ့နေရသော အခက်အခဲများအား သိရှိစေရန် လတ်မှတ်စစ် ၁၁၂ ယောက်မှ နေ့စဉ်မြို့ပတ်ရထားတွဲများပေါ်တွင် လိုက်ပါကာ စစ်ဆေး ဖြေရှင်းပေးနေကြောင်း လက်ထောက်အထွေထွေမန်နေဂျာ တိုင်းတာဝန်ခံ ဦးကျော်ကျော်မျိုးက ပြောသည်။။

    “ကျွန်တော်တို့ဘက်ကလည်း အတတ်နိုင်ဆုံး ပြေလည်အောင် အဆင်ပြေအောင် ညှိနှိုင်းပေးနေပါတယ်။ မြို့ပတ်ရထားတွေနဲ့ မိန်းရထားတွေနဲ့ တိုးရင်လည်း ကြံ့ကြာမှုမရှိအောင် အတတ်နိုင်ဆုံးဖြေရှင်းနေကြပါတယ်။ ရထားချိန်နောက်ကျနေတာတွေကိုလည်း အတတ်နိုင်ဆုံးမဖြစ်အောင်လို့ပေါ့ ကြိုးစားလုပ်ဆောင်နေကြပါတယ်။ ခရီးသည်တွေ လတ်မှတ်ဝယ်စီး မစီးကိုလည်း ကျွန်တော်တို့ စစ်ဆေးနေပါတယ်။ စည်းကမ်းရှိဖို့တော့ လိုအပ်မယ် ထင်ပါတယ်။ ကျွန်တော်တို့ မီးရထားက သတ်မှတ်ပေးထားတဲ့ ဈေးနှုန်းက အရမ်းကိုတန်ပါတယ်၊ အခြေခံလူတန်းစားတွေ ၀ယ်စီးနို င်လောက်တဲ့ အခြေအနေကို ဖန်တီးပေးထားတာပါ” ဟု ၎င်းကပြောသည်။

    မြို့ပတ်ရထားမောင်းနေစဉ်တွင်လည်း ခရီးသည်များအား စိတ်အနှောက်အယှက်ဖြစ်စေမည့် ဈေးသည်များအား ဈေးရောင်းခွင့်မပြုပဲ ရောင်းချ နေသည်ကိုလည်း  တွေ့ရှိပါက ၎င်းတို့အနေနှင့် ထိရောက်စွာ အရေးယူလျက်ရှိနေကြောင်း၊ ရထားသွားရာ လမ်းကြောင်းများကိုလည်း အကောင်းဆုံး ဖြစ်အောင် ပြုပြင်ဆောင်ရွက်လျက်ရှိကြောင်း၊ စည်ကမ်းမဲ့ လတ်မှတ်ဝယ်မစီးသည့် ခရီးသည်များကိုလည်း အရေးယူလျက်ရှိနေကြောင်း ၎င်းက ဆက်လက် ပြောခဲ့သည်။

    လက်ရှိတွင် ရန်ကုန်မြို့တွင်း ပြေးဆွဲသွားလာနေသော မြို့ပတ်ရထား ၂၃ ဆိုင်းရှိပြီး ခေါက်ရေ ၂၁၅ ခေါက်ဖြင့် နေ့စဉ် ခရီးသည် ၈၈၀၀၀ ကျော်လိုက်ပါ စီနင်းလျက်ရှိသည်။

  • လိုအပ်သည့် ပြင်ဆင်မှုများကို ပြုလုပ်ပြီးမှ သန်းခေါင်းစာရင်း ကောက်ရန် တိုင်းရင်းသားများ တောင်းဆို

    လိုအပ်သည့် ပြင်ဆင်မှုများကို ပြုလုပ်ပြီးမှ သန်းခေါင်းစာရင်း ကောက်ရန် တိုင်းရင်းသားများ တောင်းဆို

    ဖေဖော်ဝါရီ ၁၇၊ ၂၀၁၄
    M-Media
    လမင်း

    KJ

    ရန်ကုန် ။        ။ မြန်မာနိုင်ငံ ဗဟိုသန်းခါင်စာရင်းကော်မရှင်မှ ၂၀၁၄ မတ်လတွင် ပြည်လုံးကျွတ် သန်းခေါင်စာရင်းကောက်ယူရန် စီစဉ်ဆောင်ရွက်လျက် ရှိသော သန်းခေါင်စာရင်း အစီအစဉ်နဲ့ ပတ်သက်၍ မြန်မာနိုင်ငံရှိ တိုင်းရင်းသား အဖွဲ့အစည်းများက ပူးပေါင်း၍ ကြေငြာချက် တစ်စောင်ကို ယနေ့ ထုတ်ပြန် ခဲ့သည်။

    တိုင်းရင်းသား ကိုယ်စားလှယ်များနှင့် သန်းခေါင်စာရင်း ကော်မတီဝင်များ အလျင်အမြန် တွေ့ဆုံညှိနှိုင်းပေးရန်၊ တိုင်းရင်းသားတို့၏ စိုးရိမ်ပူပန်မှုများကို ဖြေရှင်းပြီးမှသာ သန်းခေါင်း စာရင်းကို ကောက်ယူရန်၊ တိုင်းရင်းသားများကို သန်းခေါင်စာရင်း ကောက်ယူရာတွင်ဒေသခံများ၏ ဘာသာစကားကို နားလည် တတ်ကျွမ်းအောင် လေ့ကျင့်သင်ကြားပေးရန်၊ ထွက်ပေါ်လာသည့် ရလဒ်ကို တိုင်းရင်းသား အရေအတွက် သတ်မှတ်ခြင်း မပြုရန်နှင့် တိုင်းရင်းသားများ ပါဝင်ဆောင်ရွက်ခွင့်ရှိသော နည်းလမ်းများနှင့် အစီအစဉ်များ ချမှတ်ဆောင်ရွက်ပေးရန် တို့ဖြစ်ပါသည်။

    “တိုင်းရင်းသား ၁၃၅ မျိုးဟာ မြန်မာနိုင်ငံမှာ ၄၀ ရာခိုင်နှုန်းရှိပါတယ်။ အခု မျိုးနွယ်စု တစ်ခုမှာတင် အများကြီး ကွဲလွဲနေတော့ တိုင်းရင်းသား အချင်းချင်း တွေ စိတ်ဝမ်းကွဲနေကြပါတယ်၊ စိတ်မပျော်ရွှင်ကြပါဘူး။ သန်းခေါင်စာရင်းကြောင့် ငြိမ်းချမ်းရေးဖြစ်စဉ်ကို အများကြီး ထိခိုက်စေပါတယ်။ သန်းခေါင် စာရင်း ကို နောက်ဆုတ်ပြီး ကောက်ခံပေးသင့်ပါတယ်။ လူမျိုးတွေကို သေချာခွဲခြားဖို့လိုအပ်ပါတယ်။ အခုဆို ကချင်မှာ စစ်ပွဲတွေဖြစ်နေပါတယ်။ သူတို့ကောက်မယ်ဆိုရင် ဒီစစ်ပွဲဖြစ်နေတဲ့ နေရာတွေကို သေချာသွားရောက် ကောက်ခံနိုင် မလားဆိုတာ မေးစရာပါ” ဟု ကချင်တိုင်းရင်းသူ တစ်ဦး ဖြစ်သူ ဒေါ်ခွန်ဂျာက ပြောကြားခဲ့ပါသည်။

    တိုင်းရင်းသားများလူမျိုး အမည်အတွက် Code အမှတ်များကို သတ်မှတ်ရာတွင် မျိုးနွယ်စု အမည် မဟုတ်သည်ကို မျိုးနွယ်စုအဖြစ် လွဲမှားစွာဖော်ပြခြင်း၊ မျိုးနွယ်စု တစ်ခုတည်းကို ဒေသ အခေါ်ဝေါ်များ အရ နှစ်ကြိမ် သုံးကြိမ် ဖော်ပြထားခြင်း၊ မျိုးနွယ်စုနှစ်ခုကို တစ်စုတည်း အဖြစ်ဖော်ပြထားခြင်း စသည်ဖြင့် တိုင်းရင်းသားများအနေနှင့် အလွဲများကို ရင်ဆိုင်နေရကြောင်း သိရှိရပါသည်။ ထိုပြသနာများကို ပြေလည်ဖြေရှင်းပေးရန် တိုင်းရင်းသားများမှ သန်းခေါင်းစာရင်းကောက်ယူမည့် အချိန်ကိုနောက်သို့ရွေ့ဆိုင်းပေးရန် သက်ဆိုင်ရာသို့ တောင်းခံထားကြောင်းလည်း သိရပါသည်။

    သန်းခေါင်းစာရင်းကောက်ယူရာတွင် နည်းပညာပိုင်းကသာ အဆင်သင့်ဖြစ်နေပြီး တိုင်းရင်းသားများအနေနှင့် လုံလောက်သည့် ပြင်ဆင်မှုများ မရှိသေး ကြောင်း၊ ယခုလောလောဆယ်ဆယ်တွင် တိုင်းရင်းသား ၁၃၅ မျိုးအနက် ဗမာ တိုင်းရင်းသားမှလွဲ၍ ကျန် ၁၃၄ မျိုးမှာ ပြသာနာများနှင့် ရင်ဆိုင်နေရ ကြောင်း၊ တိုင်းရင်းသားများအနေနှင့် လွဲနေသည့် အရာများကိုပြုပြင်ရန် လုံလောက်သည့်အချိန်ပေးပြီး သန်းခေါင်စာရင်းကို နောက်ဆုတ် ရွှေ့ဆိုင်း ကောက်ခံ ပေးပါရန် သက်ဆိုင်ရာသို့ တောင်းခံထားကြောင်း ချင်းတိုင်းရင်းသား ဆလိုင်းအိုက်ဇက်ခင်က ပြောကြားခဲ့ပါသည်။

    “ကျွန်တော်တို့ တိုင်းရင်းသားအသံကို နိုင်ငံတော်က လေးစားပေးဖို့လိုပါတယ်။ ကရင်မျိုးနွယ်စုထဲမှာလည်း ကယားတိုင်းရင်းသားတွေရောက်နေ တာမျိုး ရှိတယ်။ အခြား တိုင်းရင်းသားတွေထဲမှာလည်းရှိပါတယ်။ အဲလိုမျိုးတွေကို နိုင်ငံတော်အစိုးရအနေနဲ့ ဒါမျိုးတွေကို အလေးပေးပြီး လုပ်ပေး စေလိုပါတယ်။ အစိုးရအနေနဲ့ ဒါတွေကို သေချာစိစစ်ပြီးမှ သန်းခေါင်စာရင်းကို ကောက်ယူစေလိုပါတယ်။ လိုအပ်တဲ့ပြင်ဆင်မှုတွေကို သေချာပြုလုပ် သင့်ပါတယ်” ဟု ကရင် တိုင်းရင်းသား တစ်ဦးဖြစ်သူ ဦးစောကျော်ဇွာ ကပြောကြားခဲ့ပါသည်။

    တိုင်းရင်းသားများအနေနှင့် ၎င်းတို့တောင်းဆိုသည်များကို နိုင်ငံတော်မှ တာဝန်ရှိသူများအား လိုက်နာဆောင်ရွက်ပေးရန် နှင့် ၎င်းတို့ဘက်မှ တောင်းဆို လိုသည်များကို အဆုံးထိ တောင်းဆိုသွားမည် ဖြစ်ကြောင်း သိရှိရပါသည်။

  • အီဗရာအား လူမျိုးရေးခွဲခြားခဲ့မှုနှင့် ပက်သက်၍ တောင်းပန်မည်မဟုတ်ဟု ဆွာရက်ဇ်ဆို

    အီဗရာအား လူမျိုးရေးခွဲခြားခဲ့မှုနှင့် ပက်သက်၍ တောင်းပန်မည်မဟုတ်ဟု ဆွာရက်ဇ်ဆို

    ဖေဖော်ဝါရီ ၁၄၊ ၂၀၁၄
    M-Media

    – ချယ်ဆီးနောက်ခံလူ အိုင်ဗန်နိုဗစ်ကို ကိုက်ခဲ့မှုအတွက် တောင်းပန်ခဲ့သော်လည်း အီဗရာအား လူမျိုးရေးအရ ခွဲခြားပြောဆိုခဲ့မှုအတွက် တောင်းပန်မည် မဟုတ်ဟု လီဗာပူးလ်အသင်း တိုက်စစ်မှူး လူးဝစ်ဆွာရက်ဇ်က ဥရုဂွေး ရေဒီယိုနှင့် အင်တာဗျူးတွင် ပြောကြားလိုက်သည်။

    ဆွာရက်ဇ်မှာ ၂၀၁၁ ခုနှစ် အောက်တိုဘာလက မန်ယူနောက်ခံလူ အီဗရာအား လူမျိုးရေးခွဲခြားသော စကားများဖြင့်စော်ကားခဲ့သည်ဟု စွပ်စွဲချက်ဖြင့် FA က ၈ ပွဲပယ်ပြစ်ဒဏ် ချမှတ်ခဲ့ကာ ပေါင် ၄ သောင်း ဒဏ်ရိုက်ခဲ့သည်။

    သို့သော်လည်း မိမိအနေဖြင့် မည်သည့်အမှားမှ ပြုလုပ်ခဲ့ခြင်းမရှိဟု ဆွာရက်ဇ်က ရေဒီယို အင်တာဗျူးတွင် ပြောကြားလိုက်သည်။

    “ပြောရမယ်ဆိုရင် ကျွန်တော့်ဘ၀မှာ အမှားနှစ်ခုသာ လုပ်ခဲ့ဖူးပါတယ်။ အေဂျက်မှာ ကစားခဲ့တုန်းက ပြိုင်ဘက်ကစားသမား(အော့တ်မန် ဘာကာလ်) ကို ကိုက်လိုက်တာနဲ့၊ ဒုတိယက အိုင်ဗန်နိုဗစ်ကို ကိုက်လိုက်တာပါ။ အီဗရာနဲ့ ပက်သက်လို့ကတော့ အားလုံးအမှားချည်းပါပဲ။ ကျွန်တော်ဟာ သက်သေ မရှိဘဲ စွပ်စွဲခံရတာပါ” ဟု Montevideo ရေဒီယိုသို့ ပြောကြားခဲ့သည်။

    အိုင်ဗန်နိုဗစ်အား ကိုက်ခဲ့မှုအတွက် ဆွာရက်ဇ်မှာ ၁၀ ပွဲပယ်ခံခဲ့ရသည်။ သို့သော်လည်း ထိုအချိန်များမှာ ၀မ်းနည်းဖွယ်ကောင်းသော အချိန်များဖြစ်ပြီး၊ ယခုအချိန်တွင် ပျော်ရွှင်မိကြောင်း၊ မိမိတွင် နောင်တရစရာ အကြောင်းများမရှိကြောင်း ထပ်လောင်းပြောကြားခဲ့သည်။ ဆွာရက်ဇ်မှာ ခြေစွမ်းကောင်း များကို ပြသနိုင်သော်လည်း ၎င်း၏ ဆိုးရွားသော အပြုအမူတစ်ချို့ကြောင့် ပရီးမီးယားလိဂ်သို့ စတင်ရောက်ရှိစဉ်က ဝေဖန်မှုများနှင့် ရင်ဆိုင်ခဲ့ရသည်။

    Ref : Dailymail