Author: YinYin

ဇန်န၀ါရီ ၂၈၊ ၂၀၁၄
M-Media

– သမ္မတ၏ ၀န်ကြီးချုပ်ပြုလုပ်ရန်ကမ်းလှမ်းမှုအား အတိုက်အခံခေါင်းဆောင်မှ ပယ်ချခဲ့ပြီး အဆန္ဒပြမှုများကို တိုးမြှင့်ပြုလုပ်ခဲ့ပြီးနောက်၊ ဆန္ဒပြသူများအား ကန့်သတ်သည့် ဥပဒေများအား ပြန်လည်ရုပ်သိမ်းတော့မည်ဟု ယူကရိန်း သမ္မတ ဗစ်တာ ယန်နူကိုဗစ်ခ်ျက ပြေကြားလိုက်သည်။

သမ္မတရုံး ၀ဘ်ဆိုက်တွင် လွှင့်တင်ထားသော ကြေညာချက်တွင် ဖော်ပြထားခြင်း ဖြစ်သည်။ ထို့ပြင် “ဇန်န၀ါရီ ၁၆ ရက်နေ့က ထုတ်ပြန်ခဲ့ပြီး ဆွေးနွေးမှု များ၊ သတိပေးမှုများ ဖြစ်ပေါ်ခဲ့သည့် (ဆန္ဒပြသူများအား ကန့်သတ်သည့်) ဥပဒေနှင့် ပတ်သက်ပြီး (ရုပ်သိမ်းရန်) နိုင်ငံရေး ဆုံးဖြတ်ချက် တစ်ခုကို ချမှတ်ခဲ့သည်” ဟု တရားရေးဝန်ကြီး အဲလီနာ လူကရ်ှက ထိုကြေညာချက်တွင် ထည့်သွင်းပြောကြားထားကာ၊ ၀န်ကြီးချုပ် ရာထူး ကမ်းလှမ်းမှုအား အတိုက်အခံ ခေါင်းဆောင်မှ ငြင်းဆန်ခဲ့သည်ဟုလည်း တစ်ပါတည်း ဖော်ပြခဲ့သည်။

ထိုကြေညာချက်မှာ ယူကရိန်းသမ္မတ ယာနူကိုဗစ်ခ်ျနှင့် အတိုက်အခံခေါင်းဆောင် ယက်ဆန်ယွတ်တို့ ယမန်နေ့က တွေ့ဆုံပြီးနောက်ပိုင်း ပေါ်ထွက် လာခဲ့ခြင်း ဖြစ်သည်။ ဥရောပ၏ ကုန်သွယ်ရေးသဘောတူညီချက်အား လတ်မှတ်မထိုးရန် အစိုးရက ဆုံးဖြတ်ခဲ့ပြီးသည့်နောက် လွန်ခဲ့သည့် ၂ လခန့်က စတင်ကာ မြို့တော် ကိဗ်တွင် ဆန္ဒပြမှုများအ ဆက်မပြတ်ဖြစ်ပွားခဲ့ခြင်းဖြစ်ပြီး ဆန္ဒပြသူများအား ကန့်သတ်သည့် ဥပဒေ များထွက်ပေါ်လာပြီးနောက် ဆန္ဒပြမှုများမှာ ပို၍ဆိုးဝါးလာခဲ့သည်။ ယမန်နေ့ကလည်း တရားရေးဝန်ကြီးဌာန ရုံးအား ၀ိုင်းထားသော ဆန္ဒပြသူများအနေဖြင့် ထိုနေရာမှ မထွက်ခွာ ပါက အရေးအပေါ်အခြေအနေကြေညာမည်ဟု အစိုးရ သတိပေးမှုတစ်ခု ပြုလုပ်ခဲ့သေးသည်။

Ref : Aljazeera

ဇန်န၀ါရီ ၂၈၊ ၂၀၁၄
M-Media

– ကိုဆိုဗိုစစ်ပွဲအတွင်း ပါဝင် ပတ်သက်ခဲ့သည်ဟု သံသယရှိသည့်အတွက် ကိုဆိုဗိုမြောက်ပိုင်းရှိ ဆာ့ဘ်နိုင်ငံရေး အဓိက  ခေါင်းဆောင်တစ်ဦးအား ဇန်န၀ါရီ ၂၇ ရက်နေ့(ယမန်နေ့)က ခေါ်ယူမေးမြန်းခဲ့သည်ဟု ဥရောပသမဂ္ဂမှ သတင်းထုတ်ပြန်ခဲ့သည်။

အိုလီဗာ အိုင်ဗန်နိုဗစ် အမည်ရသူ အဆိုပါနိုင်ငံရေးခေါင်းဆောင်မှာ ဥရောပတရားရုံးက စစ်ဆေးလျက်ရှိသည့် စစ်ရာဇ၀တ်မှုများ၊ စစ်ပွဲပြီးနောက် ဆိုးဆိုးဝါးဝါး သတ်ဖြတ်ခဲ့မှုများ စသည်တို့ကို ကျူးလွန်ခဲ့သည်ဟု သံသယရှိသည့်အတွက် ခေါ်ယူစစ်ဆေးခဲ့ခြင်းဖြစ်ပြီး၊ စစ်ဆေးမှုများ ပြုလုပ်ခဲ့ပြီး နောက် ၎င်းအား ထိန်းသိမ်းခဲ့သည်ဟု ဥရောပသမဂ္ဂ တရားဥပဒေစိုးမိုးရေးမစ်ရှစ်(Eulex) မှ ထုတ်ပြန်ခဲ့သည့် ကြေညာချက်တွင် ဖော်ပြပါရှိသည်။ အိုဗန်နိုဗစ်မှာ ပြီးခဲ့သည့် ဒီဇင်ဘာလက Mitrovica မြို့၏ မြို့တော်ဝန်အဖြစ် အရွေးခံထားရသူလည်းဖြစ်သည်။

အသက် ၆၀ အရွယ်ရှိ ဘိုင်ဗန်နိုင်ဗစ်မှာ ကိုဆိုဗိုမြောက်ပိုင်း Kosovska Mitrovica မြို့တွင် ၎င်း၏ ရှေ့နေနှင့်အတူ လာရောက် အစစ်ဆေးခံခဲ့ခြင်း ဖြစ်ပြီး၊ ဥရောပဒေသရှိ ရဲတပ်ဖွဲ့နှင့် တရားဥပဒေဆိုင်ရာအဖွဲ့တစ်ခုဖြစ်သည့် Eulex အနေဖြင့် ၎င်းအား ၄၈ နာရီ ထိန်းသိမ်းထားခွင့်ရှိနေသည်။

၂၀၀၈ ခုနှစ်က ဆားဘီးယားနိုင်ငံမှ လွတ်လပ်ရေးရယူခဲ့သည့် ကိုဆိုဗိုဒေသ၏ ၁.၈ သန်းသော လူဦးရေတွင် ဆာ့ဘ်လူမျိုးများမှာ ၁၂၀၀၀၀ ခန့်ရှိကြပြီး၊ နိုင်ငံမြောက်ပိုင်းတွင် နေထိုင်ရကြသည့် ဆာ့ဘ်လူမျိုး ၄၀၀၀၀ ခန့်မှာ ကိုဆိုဗို၏ လွတ်လပ်ရေးကို လက်ခံခြင်းမရှိပေ။ သို့သော်လည်း ကိုဆိုဗိုအား လွတ်လပ်သောနိုင်ငံတစ်နိုင်ငံအဖြစ် ကုလသမဂ္ဂအပါအ၀င် နိုင်ငံပေါင်း ၁၀၀ ကျော်က အသိအမှတ်ပြုထားသည်။

Ref : Global Post