ဇန်န၀ါရီ ၂၂၊ ၂၀၁၄
M-Media
သီရိ
ရန်ကုန် ။ ။ ၁၃၀၀-ပြည့် အရေးတော်ပုံ ၇၅-နှစ်မြောက် စိန်ရတုအခမ်းနားကြီးကို ရန်ကုန်မြို့ မင်းဓမ္မလမ်းရှိ MCC ခန်းမတွင် ယနေ့ ဇန်န၀ါရီလ ၂၂-ရက်နေ့ နံနက် ၉-နာရီမှစတင်ကာ ကျင်းပခဲ့သည်။
အခမ်းနားကို ၁၃၀၀-ပြည့်အရေးတော်ပုံ တေးသီချင်းဖြင့် ဖွင့်လှစ်ခဲ့ပြီး အာဠာဝက သခင်ဘိုးလှကြီးနှင့် သူ၏ သပိတ်စစ်ပွဲ စာတမ်းကို ဆရာစာရာ နေ၀င်းစံမှ ဖတ်ကြားခဲ့ပါသည်။ ယခုခေတ် ကျောင်းသူ ကျောင်းသား များသည်ချောက်မြို့တွင် ရှိသော သခင် ဘိုးလှကြီး၏ ရုပ်တုကို မြင်သာမြင်နေရပြီး ဘယ်သူ ဘယ်ဝါမှန်း မသိကြပါ။ အဘယ်ကြောင့် ဆိုသော် ဘိုးလှကြီး ရုပ်ထုအောက်တွင် ကပ်ထားသော ကျောက်ပြားမှာ ကွာကျ ပျောက်ဆုံး သွားသောကြောင့် ဖြစ်သည်။ ပြန်လည် တပ်ဆင်ရန် သက်ဆိုင်ရာသို့ ပန်ကြားသော်လည်း ဘိုးလှကြီး၏ အမည်စာလုံးပေါင်းမှာ ‘ဖ’ နှင့်လား ‘ဘ’နှင့်လား ဘိုးသည်ကို မသေချာ သေးသောကြောင့် တပ်ဆင်ခြင်း မပြုသေးသည်ဟု ပြောခဲ့သည်။ ဘိုးလှကြီးသည် နယ်ချဲ့ အင်္ဂလိပ်ကိုတော်လှန်ရာတွင် ဗိုလ်လရောင်၏ ညာလက်ရုံးတစ်ဦးဖြစ်ခဲ့ပါသည်။ ၁၉၃၈-ခု တွင် ချောက်ရေနံမြေသပိတ်ကြီးကို သခင်ဘိုးလှကြီး ဦးဆောင်ကာ ရန်ကုန်သို့ ချီတက်ခဲ့ကြခြင်းဖြစ်ကြောင်း ထည့်သွင်း ဖတ်ကြား သွားခဲ့သည်။
၁၃၀၀-ပြည့်အရေးတော်ပုံကြီးတွင် တို့ဗမာအစည်းရုံး၏ ဦးဆောင်မှု အခန်းကဏ္ဍကို လေ့လာခြင်း စာတမ်းကို စာရေးဆရာ အောင်မြင့်ဦး (မဟာဝိဇ္ဇာ)မှ ဖတ်ကြားခဲ့ရာတွင် ‘၁၃၀၀ ပြည့်အရေးတော်ပုံကြီးဟာ သူ့ကျွန်ဘ၀ နယ်ချဲ့ လက်အောက်မှ ပထမဆုံး တစ်မျိုးသားလုံး သွေးစည်း ညီညွတ်ခဲ့တဲ့ အရေးတော်ပုံကြီး ဖြစ်ပါတယ်။ မြန်မာ့လွတ်လပ်ရေး ကြိုးပမ်းမှုသမိုင်းမှာ ပထမဆုံး တစ်မျိုးသားလုံး ပါဝင်ဆင်နွှဲခဲ့တဲ့ အရေးတော်ပုံကြီးလည်း ဖြစ်ပါတယ်’ဟု ၎င်းမှ ဖတ်ကြားခဲ့ပါသည်။
ဆရာကြီးသခင်ကိုယ်တော်မှိုင်းနှင့် ၁၃၀၀ ပြည့်အရေးတော်ပုံ စာတမ်းကို စာရေးဆရာ ထွန်းဝင်းငြိမ်း မှ လည်းကောင်း အသီးသီးဖတ်ကြားခဲ့ပါသည်။
ဆက်လက်ပြီး အခမ်းအနား ကျင်းပရသည့် ရည်ရွယ်ချက် ဦးတည်ချက်များကို ပြောကြားခဲ့ပြီး အမျိုးသား ဒီမိုကရေစီ အဖွဲ့ချုပ် ဥက္ကဌ လူထု ခေါင်းဆောင် ဒေါ်အောင်ဆန်းစုကြည် ပေးပို့သော သ၀ဏ်လွှာအား ဖတ်ကြားခဲ့သည်။ ထို့နောက် တက်ရောက်လာသော အဖွဲ့စည်းအသီးသီးမှ အမှာစကားပြောကြားခဲ့ပါသည်။
အခမ်းနားသို့တက်ရောက်လာသော ၁၃၀၀-ပြည့်အရေးတော်ပုံတွင် ကိုယ်တိုင်ပါဝင်ခဲ့သော ဦးဘသော် မှ “အဘ ၁၃၀၀-ပြည့် အရေးတော်ပုံမှာ ပါဝင်ခဲ့ချိန်က ၁၇-နှစ် ကျောင်းသားဘ၀ပဲ ရှိခဲ့သေးတယ်။ ရဲစခန်းရဲ့ နှိပ်စက်မှုတွေကိုလည်း ခံခဲ့ရတယ်၊ ဒါပေမယ့်လည်း အဘတို့က ဆက်လက် လုပ်ဆောင် နေခဲ့တယ်၊ အခုလို ပွင့်လင်း မြင်သာအောင် စွမ်းဆောင် ဂုဏ်ပြုနေတဲ့ ခေတ်မှာ သမိုင်းစစ် သမိုင်းမှန်တွေ မပျောက်ပျက်အောင် မျိုးချစ်စိတ်ဓါတ် တက်ကြွစွာနဲ့ နိုင်ငံကြီးသားများပီပီ ဆောင်ရွက်နိုင်ကြပါဖို့ မျှော်လင့်မိပါတယ်”ဟု ပြောကြားခဲ့သည်။
“ကျွန်တော်ကတော့ သခင် ခေါင်းဆောင်တွေရယ် လယ်သမားတွေရယ် သူတို့ကို လာအားပေးတဲ့ အနေနဲ့ တက်ရောက်တာပါ၊ အခုလို လယ်သမားတွေ အများကြီး တက်ရောက်လာတော့ ကျွန်တော့အနေနဲ့ ၀မ်းသာပါတယ်၊ ဒီပွဲကနေ သူတို့တွေ ဆုံးရူံးနေတဲ့ အခွင့်အရေးတွေ ရပိုင်ခွင့်တွေကို အနည်းနဲ့ အများ ပြန်ရမယ်လို့ ထင်ပါတယ်၊ ၁၃၀၀-ပြည့်စိတ်ဓာတ်တွေလည်း ပြန်လည် ရှင်သန် လာမယ်လို့ ထင်မိပါတယ်” ဟု ကျောင်းသားသမဂ္ဂမှ တစ်ဦးဖြစ်သူ ကိုဒီငြိမ်းလင်းမှ ပြောကြားခဲ့ပါသည်။
နေ့လည်ပိုင်းတွင် စန္ဒရားတင်ဝင်းလှိုင်နှင့် အဖွဲ့မှ ဖျော်ဖြေခြင်း၊ DVB နှင့် MRTV-4 တို့မှ ထုတ်လွှင့် ခဲ့သော ရုပ်သံများကို ပြသခြင်းများ၊ နိုင်ငံတော်အလံ၊ လွတ်လပ်ရေးဖခင်ကြီး ဗိုလ်ချုပ်အောင်ဆန်းနှင့် ကျဆုံးလေပြီးသော အာဇာနည်ခေါင်းဆောင်ကြီးများ၊ ၁၃၀၀-ပြည့် အရေးတော်ပုံတွင် ကျဆုံးခဲ့သော ရဟန်းရှင်လူ ကျောင်းသားပြည်သူ များအား အလေးပြုခဲ့ကြပါသည်။ ထို့နောက် အလုပ်သမား ခေါင်းဆောင်ကြီး သခင်ဘိုးလှကြီး၊ လယ်သမားခေါင်းဆောင် ဂဠုန်ဆရာစံနှင့် ကျောင်းသားခေါင်းဆောင် ဗိုလ်အောင်ကျော် အပါဝင် ကျဆုံးသွားသော ခေါင်းဆောင်ကြီးများအား သတိရအောက်မေ့ခြင်း အထိမ်းမှတ် တစ်မိနစ် ငြိမ်သက်၍ အလေးပြုခဲ့ကြသည်။
အခမ်းအနားသို့ သခင် သခင်မ မိသားစုများ၊ သံတမန်များ ဘာသာရေးခေါင်းဆောင်များ၊ တိုင်းရင်းသားများ၊ အလုပ်သမား၊ လယ်သမားများ၊ နိုင်ငံရေးပါတီများ နှင့် ပြည်သူများ တက်ရောက်ခဲ့ကြပြီး ပြည်သူတို့၏ စည်းလုံးမှုကို ပြသခဲ့သော ၁၃၀၀-ပြည့် အရေးတော်ပုံ၏ ပုံရိပ်တချို့ကို ထင်ဟပ်ပေါ်လွင်စေခဲ့သည့် အခမ်းအနားတစ်ရပ်ဖြစ်ခဲ့သည်။
