Author: YinYin

ဇန်န၀ါရီ ၂၂၊ ၂၀၁၄
M-Media

– အိန္ဒိယနိုင်ငံ လူ့စွမ်းအား အရင်းအမြစ် ဖွံဖြိုးတိုးတက်ရေး ၀န်ကြီး Shashi Tharoor ၏ ဇနီးဖြစ်သူမှာ ဆေးဝါးနှင့် ပက်သက်သည့် အဆိပ်သင့် မှုကြောင့် သေဆုံးခဲ့သည်ဟု သိရသည်။

Sunanda Pushkar အမည်ရသည့် အသက် ၅၂ နှစ်အရွယ် အဆိုပါ အမျိုးသမီးမှာ မြို့တော် နယူးဒေလီရှိ ကြယ်ငါးပွင့် ဟိုတယ်၏ အခန်း တစ်ခန်းမှ ကုတင်ပေါ်တွင် သောကြာနေ့က အိပ်လျက် သေဆုံးနေကြောင်း တွေ့ရှိရခြင်း ဖြစ်ပြီး အလောင်းအား စစ်ဆေးမှုများ အရ ၎င်း၏ လက်နှစ်ဘက်တွင် ဒဏ်ရာ အနည်းငယ်နှင့် ဘယ်ဘက် ပါးတွင် အတွင်းကြေဒဏ်ရာအသေးစားတစ်ခု တွေ့ရှိခဲ့ရသည်။

သို့သော်လည်း Sunanda Pushkar မှာ ထိုဒဏ်ရာ များကြောင့် သေဆုံးရခြင်း မဟုတ်ဘဲ၊ ဆေးအဆိပ်သင့် မှုကြောင့် သေဆုံးရခြင်းဖြစ်သည်ဟု အလောင်းအား ခွဲစိတ်စစ်ဆေးမှုများကို ပြုလုပ်ခဲ့သည့် ဆရာဝန်များက ပြောကြားခဲ့သည်။

Pushkar သေဆုံးခြင်းနှင့် ပက်သက်၍ သတင်း မီဒီယာများတွင် ကောလဟာလများ ပျံ့နှံ့နေပြီး၊ အလောင်းအား စစ်ဆေးချက် ယမန်နေ့က ထွက်ပေါ် လာပြီးနောက် သေဆုံးမှုမှာ အသတ်ခံရခြင်း သို့မဟုတ် မိမိကိုယ်မိမိ သတ်သေခြင်း ဟုတ်မဟုတ်ကို စစ်ဆေးရန် တရားရုံးက ရဲတပ်ဖွဲ့အား အမိန့် ပေးခဲ့သည်။

Ref : Xinhua

ဇန်န၀ါရီ ၂၂၊ ၂၀၁၄
M-Media

– မြို့တော်ဘန်ကောက်နှင့် အနီးတစ်ဝိုက်ဧရိယာများအတွင်း ၀န်ကြီးချုပ် ယင်းလပ် ရှင်နာဝပ်ထရာအား ဖြုတ်ချရန် ရည်ရွယ်သော ဆန္ဒပြမှု များကို ထိန်းချုပ်နိုင်ရန် အတွက် ဘန်ကောက်မြို့အား ထိုင်းအစိုးရက အရေးပေါ် အခြေအနေကြေညာခဲ့သည်ဟု သိရသည်။

အရေးပေါ်အခြေအနေကို ယမန်နေ့က ကြေညာခဲ့ခြင်းဖြစ်ပြီး ယနေ့တွင် စတင် သက်ရောက်ခြင်း ဖြစ်ကာ ရက်ပေါင်း ၆၀ ကြာမြင့်မည်ဟု ထိုင်းအလုပ်သမား ၀န်ကြီး Chalerm Yubumrung က ပြောကြားခဲ့သည်။

“ဆန္ဒပြသူတွေက အစိုးရအဆောက်အအုံတွေ၊ ဘဏ်တွေကို ပိတ်ဆို့ထားပြီး ဆန္ဒပြမှုတွေကို အရှိန်မြှင့် လုပ်ဆောင်လာခဲ့ကာ ဒဏ်ရာရမှုတွေ၊ သေဆုံးမှုတွေ ရှိလာခဲ့တာကြောင့် ဒီလိုအရေးပေါ် အခြေအနေ ကြေညာဖို့ လိုအပ်ခဲ့တာပါ” ဟု Yubumrung က ဆိုသည်။

ထိုကဲ့သို့ အရေးပေါ်အခြေအနေ ကြေညာလိုက်ခြင်းကြောင့် လုံခြုံရေး တပ်ဖွဲ့ဝင်များ အနေဖြင့် ညမထွက်ရ အမိန့်ထုတ်ခွင့်၊ သံသယ ရှိသူများအား ပုဒ်မ မတပ်ဘဲ ထိန်းသိမ်းထားနိုင်ခွင့်၊ မီဒီယာများအား ဆင်ဆာဖြတ်ခွင့်၊ လူငါးဦးထက် ပိုမစုရန် တားမြစ်ခွင့်နှင့် နယ်နမိတ် အချို့အား ကန့်သန့်ခြင်း တို့ကို လုပ်ဆောင်နိုင်မည် ဖြစ်သည်။

လက်ရှိ အိမ်စောင့်အစိုးရ ၀န်ကြီးချုပ် ယင်းလပ်ကမူ ရဲတပ်ဖွဲ့ဝင်များ အနေဖြင့် ဆန္ဒပြသူများအား အကြမ်းဖက် နှိမ်နင်းသွားမည် မဟုတ်ကြောင်း၊ နိုင်ငံတကာ စံနှုန်းနှင့်အညီ အတိုက်အခံများနှင့် ဆွေးနွေး ညှိနှိုင်းမှုများကို ပြုလုပ်သွားမည် ဖြစ်ကြောင်း ပြောကြားခဲ့သည်။

ထိုင်းနိုင်ငံအတွင်း အစိုးရ ဆန့်ကျင်ရေး ဆန္ဒပြမှုမှာ သုံးလနီးပါးသို့ ရောက်ရှိလာခဲ့ပြီး ယခင် ပါလီမန်အား ဖျက်သိမ်းခဲ့ကာ ရွေးကောက်ပွဲ ကျင်းပပေးမည်ဟု ယင်းလပ်က ကတိပေးခဲ့သော်လည်း ဆန္ဒပြသူများ အနေဖြင့် ကျေနပ်မှုမရှိဘဲ ဆက်လက် ဆန္ဒပြနေကြသည်။

Ref : Aljazeera