News @ M-Media

Category: ပညာရေး

  • အင်္ဂလန်နိုင်ငံရဲ့ Edexcel IGCSE ဖြေဆိုရာတွင် A* ရခဲ့တဲ့ မခင်မြင့်မြတ်ဇင်နှင့် တွေ့ဆုံခြင်း

    အင်္ဂလန်နိုင်ငံရဲ့ Edexcel IGCSE ဖြေဆိုရာတွင် A* ရခဲ့တဲ့ မခင်မြင့်မြတ်ဇင်နှင့် တွေ့ဆုံခြင်း

    အောက်တိုဘာ၊ ၁ ၊ ၂၀၁၂

    M-Media

    အင်တာဗျူး/ဓါတ်ပုံ- ဝိုင်း

     

    အင်္ဂလန်နိုင်ငံကစစ်ဆေးသော Edexcel IGCSE ဖြေဆိုရာတွင် A* ဖြင့် အောင်မြင်ခဲ့တဲ့ မခင်မြင့်မြတ်ဇင်ကို M-Media ထူးချွန်မွတ်စလင်မ် လူငယ်ကဏ္ဍအတွက် တွေ့ဆုံမေးမြန်းဖြစ်ခဲ့ပါတယ်။

    Q :     မင်္ဂလာပါ ညီမလေး။

    A :      မင်္ဂလာပါ အစ်မ။

    Q :     ညီမလေးရေ၊ ညီမလေးက Edexcel IGCSE ဖြေတာမှာ A(*)အဆင့်နဲ့ အောင်မြင်ခဲ့တယ်ဆိုတာ သိရတယ်လေ။ အဲဒါကြောင့်  ထူးချွန်လူငယ်ကဏ္ဍအတွက် ညီမလေးကို အင်တာဗျူးလုပ်မယ် ဆိုတော့ စလိုက်ကြရအောင်နော်။

    A :      ဟုတ်ကဲ့ပါ အစ်မ။ စလို့ရပါပြီ။

     

    Q :     ညီမလေးရဲ့ နာမည်ကို ပြောပြပေးပါဦး။ အာရဗီနာမည်ရော၊ မြန်မာနာမည်ရော။

    A :      မြန်မာနာမည်က ခင်မြင့်မြတ်ဇင်၊ အာရဗီနာမည်ကတော့ ဆိုဖီယာပါ။

     

    Q :     မိဘတွေကရော။

    A :      ဦးခင်မောင်ဇင်နဲ့ ဒေါ်ဝါ၀ါနိုင်ပါ။ မန္တလေးမှာနေပါတယ်။

     

    Q :     ညီမလေးအသက်နဲ့ မွေးသက္ကရာဇ်ပြောပြလို့ရမလား။

    A :      သမီး အသက်က ၁၆-နှစ်ခွဲပါ။ မွေးသက္ကရာဇ်က ၁၄.၄.၁၉၉၆ ပါ။

     

    Q :     ညီမလေးရဲ့ ပညာရေးအခြေအနေကို ပြောပြပေးပါဦး။

    A :      သမီးက သူငယ်တန်းကနေ ၇-တန်းအထိ စစ်ကိုင်းတိုင်း၊ ကန့်ဘလူမြို့နယ် အ.ထ.က ဇီးကုန်း မှာ ကျောင်းတက်ခဲ့ပါတယ်။ ကျောင်းမှာလည်း အတန်းစဉ် ထူးချွန်ဆုတွေ ရခဲ့ပါတယ်။ အ.ထ.က ဇီးကုန်းမှာ ၇-တန်း စာမေးပွဲဖြေပြီးတော့ မန္တလေးက Horizon International School မှာ ဆက်တက်ဖြစ်တယ်။  ထူးချွန်မှုကြောင့် schlorship ရခဲ့ပါတယ်။ အဲဒီမှာ ၈-တန်း၊ ၉-တန်း၊ ၁၀-တန်း တက်ခဲ့တယ်။ Horizon မှာပဲ ၁၀-တန်းပြီးတော့ Edexcel IGCSE Examination ကို May မှာေ ဖြဆိုခဲ့ပါတယ်။

     

    Q :     ညီမလေးရေ Edexcel IGCSE ဆိုတာကို နည်းနည်းပြောပြပါဦး။

    A :      ဟုတ်ကဲ့အစ်မ။ အဲဒါက Secondary School Graduate Level ပါ။ အင်္ဂလန်က မေးခွန်းထုတ်ပြီး အင်္ဂလန်ကပဲ အဖြေလွှာတွေကို စစ်ပါတယ်။ သွားဖြေတော့ British Council မှာ ဖြေရတယ်။ သမီးက ၆-ဘာသာ ဖြေပါတယ်။ Human Bio, Bio, Maths B, Pure Maths , Physics နဲ့ Chemistry တို့ပါ။

     

    Q :     အဲလို အင်္ဂလန်က စာမေးပွဲစစ်တယ်ဆိုတော့ အောင်စာရင်းကို ဘယ်လိုပုံစံထုတ်ပြန်ပေးလဲ။

    A :      သူက အမှတ်စာရင်းနဲ့တော့ မထုတ်ပြန်ဘူး။ A*, A, B, C, D ဆိုပြီးထုတ်ပေးတယ်။ A* က အမြင့်ဆုံး။ အဲဒီကနေ A, B, C, D, E, F, U ဆိုပြီးထုတ်ပြန်တယ်။ F ထိပြီးရင် U လို့သတ်မှတ်တယ်။ U ကတော့ အနိမ့်ဆုံးပေါ့။

     

    Q :     A* က အဆင့်မြင့်ဆုံးဆိုတော့ ညီမလေးက A* ရခဲ့တယ်လေ။ အဲလို A* ရအောင် ဘယ်လို ကြိုးစားခဲ့လဲ။

    A :      သမီးက တစ်ခြားတော့ ထူးထူးခြားခြားမလုပ်ဖြစ်ပါဘူး။ အတန်းမှာ ဆရာစာသင်နေတဲ့အချိန်မှာ အာရုံစိုက်တယ်။ 100% concentration ပေးနိုင်အောင်ကြိုးစားပါတယ်။ ပေးလိုက်တဲ့ အိမ်စာပုံမှန်လုပ်တယ်။ တစ်နေကုန် သင်ပြီးလိုက်တဲ့စာတွေကို recall ပြန်လုပ်တယ်။

     

    Q :     ကျောင်းက တနေကုန်တက်ရတယ်ဆိုတော့ စာတွေကို အိမ်မှာဘယ်လိုပြန်လုပ်ဖြစ်လဲ။

    A :      တစ်နေ့စာကို တစ်နေ့ ပြီးအောင်လုပ်ပါတယ်။ စာမေးပွဲနီးရင် အချိန်ဇယားဆွဲပြီး Chapter အလိုက် revision ပြန်လုပ်ပါတယ်။ ပြီးရင် စာဖတ်ရင်း ကိုယ်တိုင် Notes ထုတ်ပါတယ်။ ဒီစာမေးပွဲမှာက သူတို့က သုံးစေချင်တဲ့စကားလုံးတွေရှိတယ်။ အဲဒါတွေက မေးခွန်းဟောင်းတွေကို လေ့လာပြီး ဖြေကြည့်မှသာသိနိုင်တယ်။ ဒါကြောင့် မေးခွန်းဟောင်းတွေကို ဖြေကြည့်ပါတယ်။ ဒါကြောင့် အရင်က မေးခွန်းဟောင်းတွေကိုလည်းများများလေ့လာသင့်ပါတယ်။

    Q :     ဟုတ်ပါပြီ။ ညီမလေးက အခု Edexcel IGCSE -2012 မှာ A* နဲ့ အောင်မြင်ခဲ့ပြီးပြီဆိုတော့ အခုရော ဘာဆက်တက်နေလဲ။

    A :      အခုလည်း Horizon မှာပဲ A – Level တက်နေပါတယ်။

     

    Q :     အခုတက်နေတဲ့ A – Level ဆိုတာကရော။

    A :      A – Level ဆိုတာကရော college အဆင့်ပုံစံမျိုးပါပဲ။ ၂-နှစ် တက်ရပါမယ်။ အဲဒီ ၂-နှစ်ပြီးရင်တော့ နိုင်ငံခြားတက္ကသိုလ်တစ်ခုခုကို ၀င်ခွင့်လျှောက်လို့ရပါတယ်။ သမီးက ဆရာဝန်ဖြစ်ချင်တယ်။ တက္ကသိုလ်တစ်ခုခုရအောင် ကြိုးစားမှာပါ။ တကယ်တက်ချင်တာကတော့ အမြင့်ဆုံးတွေထဲကတစ်ခုဖြစ်တဲ့ Cambridge University ကို တက်ချင်ပါတယ်။ ပထမဦးဆုံးကတော့ တစ်ခြား university တစ်ခုကို တက်ပြီး နောက်မှ တဆင့်ပြီးတဆင့် ဆက်ကြိုးစားသွားမှာပါ။

     

    Q :     ညီမလေးက တူရကီနိုင်ငံမှာပြုလုပ်တဲ့ တူရကီစကားပြောပြိုင်ပွဲမှာလည်း ဆုရထားတယ်လုိ့ကြားတယ်။ အဲဒါလေးလည်းပြောပြပေးပါဦး။

    A :      ဟုတ်ကဲ့။ အဲဒါက တူရကီနိုင်ငံမှာ သွားပြိုင်ရတာ။ နိုင်ငံပေါင်း ၁၃၅-နိုင်ငံလာပြိုင်ကြပါတယ်။ အဲဒီမှာမှ အဖွဲ့တွေ ပြန်ခွဲလိုက်တယ်။ သမီးကတော့ အရှေ့တောင်အာရှ(၇)နိုင်ငံထဲမှာ ပါတယ်လေ။ တူရကီစကားပြော ပြိုင်ရတာပါ။ အရှေ့တောင်အာရှ (၇)နိုင်ငံမှာ သမီးက တတိယဆုရခဲ့တာပါ။

     

    Q :     ဟုတ်ကဲ့ပါ။ ညီမလေးက ဆရာဝန်ဖြစ်ချင်တယ်လို့ပြောထားတယ်နော်။ ဒီတော့ ညီမလေးရဲ့ မျှော်မှန်းချက်ကို ပြောပြပေးပါဦး။

    A :      သမီးက အဓိက ဆရာဝန်ဖြစ်ချင်တာက Bio ကို စိတ်ဝင်စားလို့ပါ။ Bio Technologies တွေကို စိတ်ဝင်စားတယ်။ ဒါကြောင့် ဆရာဝန်(ဆေးကျောင်း)တက်ခွင့်ရချင်တယ်။ Ph.D အထိရောက်အောင် သမီး ကြိုးစားသွားမှာပါ။

     

    Q :     ဒါဆို ညီမလေးရဲ့ အနာဂတ် ရည်မှန်းချက်ကို ပြောပြပါဦး။

    A :      အနာဂတ်မှာ သမီး ကိုယ်ပိုင် Fund တစ်ခုထောင်ချင်တယ်။ သမီးတတ်တဲ့ပညာနဲ့ လူသားအားလုံးကိုကူညီချင်ပါတယ်။

     

    Q :     မွတ်စလင်မ်တစ်ယောက်ဖြစ်ရတဲ့ ညီမလေးရဲ့ ခံစားချက်လေးကိုလည်း ပြောပြပေးပါဦး။

    A :      မွတ်စလင်မ်တစ်ယောက်ဖြစ်ရတဲ့အတွက် ဂုဏ်ယူပါတယ်။ ပြီးတော့ ပညာရေးမှာဆိုလည်း ကိုယ်ချည်းပဲ ကြိုးစားလို့မရဘူးလေ။ အလ္လာဟ်အရှင်မြတ်ထံလည်း ဆုတောင်းရပါတယ်။ သမီးက စာမေးပွဲဖြေရမယ်ဆိုရင် နဖွင်လ်နမားဇ် ၂-ရကအသ်ကို အမြဲဖတ်ပါတယ်။ ဗိစ္စမစ္စလာလည်း အမြဲ ရွတ်ဖတ်တယ်။

     

    Q :     မွတ်စလင်မ်မိန်းကလေးတစ်ယောက်အနေနဲ့ တခြားမွတ်စလင်မ်မိန်းကလေးတွေကိုရော ဘယ်လိုစကားလက်ဆောင်ပါးချင်ပါလဲ။

    A :      မွတ်စလင်မ်မိန်းကလေးတွေကို ထူးချွန်ထက်မြက်စေချင်ပါတယ်။ ပညာရေးဘက်မှာလည်း ထူးချွန်စေချင်ပါတယ်။ ဒါကြောင့် ကြိုးစားကြပါလို့ပြောချင်ပါတယ်။

     

    Q :     အခုလို စိတ်ရှည်ရှည်နဲ့ ဖြေကြားပေးတဲ့ ညီမလေး ခင်မြင့်မြတ်ဇင်ကို ကျေးဇူးအများကြီးတင်ပါတယ်။

    A :      သမီးကို အခုလို ဂုဏ်ပြုမေးမြန်းတဲ့အတွက် သမီးကလည်း ကျေးဇူးတင်ပါတယ် အစ်မ။

     

    ထူးချွန်မြန်မာမွတ်စလင်မ် လူငယ်ကဏ္ဍအတွက် ယခု အင်တာဗျူးပေးပို့လာတဲ့ မဝိုင်း ကို M-Media မှ ကျေးဇူးအထူးတင်ရှိပါတယ်။

  • Communication Skills သင်တန်း မန္တလေးတွင် ဖွင့်မည်

    Communication Skills သင်တန်း မန္တလေးတွင် ဖွင့်မည်

    စက်တင်ဘာ ၂၈၊ ၂၀၁၂
    M-Media
    သတင်း- ပြည့်ပြည့်

    မန္တလေး  ။           ။           စွမ်းရည်ရှေ့ဆောင် လူမှုရေးအသင်း (စီဘီအိုင်) မှ ဦးဆောင်ပြီး Communication Skills သင်တန်း ကို မန္တလေးမြို့ Eduzone Center တွင် ဖွင့်လှစ်မည်ဖြစ်ကြောင်းသိရသည်။

    စွမ်းရည်ရှေ့ဆောင် လူမှုရေးအသင်း (စီဘီအိုင်) မှ ဦးဆောင်ပြီး ၂၀၁၂ ခုနှစ် အောက်တိုဘာလ ၁၇ ရက်နေ့မှ ၁၉ ရက်နေ့ အထိ မန္တလေးတွင် ဖွင့်လှစ်မည့် Communication Skills သင်တန်းကို တက်ရောက်ရန်အတွက် ဖိတ်ကြားကြောင်း၊ ယခုဖွင့်လှစ်မည့် သင်တန်းသည် ပြည်တွင်း ဖွံ့ဖြိုးရေး အဖွဲ့အစည်းများတွင် တာဝန်ထမ်းဆောင်နေသူ (LNGO, CBO, SHG Staff)များ သို့မဟုတ် ပါဝင်ဆောင်ရွက်နေသူများ အတွက်ရည်ရွယ်ပြီး ဖွင့်လှစ်ခြင်း ဖြစ်ပြီး သင်တန်းဖြစ်ကြောင်းသိရသည်။
    အဆိုပါသင်တန်းအတွက် လျှောက်လွှာပိတ်မည့် ရက်မှာ (၅-၁၀-၂၀၁၂)ဖြစ်ပြီး ရွေးချယ်ခံရသူများကို ၁၁-၁၀-၂၀၁၂ တွင် တက်ရောက်ခွင့်ရရှိသည့် သင်တန်းသားများအား အတည်ပြု အကြောင်းပြန်ကြားပေးသွားမည်ဖြစ်ပြီး၊ သင်တန်းတက်ရောက်ရန် စိတ်ပါဝင်စားသူများသည် မန္တလေးမြို့ရှိ 78-32 လမ်း၊ ချမ်းအေးသာဇံမြို့နယ်ရှိ Eduzone Center သင်တန်းခန်းမမှ ဦးကျော်ဆန်း (91000723,02-69321- Email: [email protected])ထံသို့လည်း သင်တန်းလျှောက်လွှာများ ပေးပို့နိုင်ကြောင်းသိရသည်။ ထိုသင်တန်းနှင့် ပတ်သက်၍ သင်တန်းခမှာ (အခမဲ့) ဖြစ်ပြီး စာရွက်စာတမ်းများနှင့် နေ့လည်စာ ထမင်း၊ ဟင်း နှင့် မုန့်များကိုလည်း စီဘီအိုင်မှ ပံ့ပိုးကူညီပေးသွားမည်ကြောင်း သိရပါသည်။

    သင်တန်းနှင့် ပတ်သက်သော အသေးစိတ် အချက်အလက်များနှင့် ဖြည့်စွက်လျှောက်ထားရမည့် လျှောက်လွှာပုံစံကို ဦးမြတ်သူထိုက် Service Admin Officer စီဘီအိုင် Ph: 01-501379, 09-450003042 Email: [email protected] သို့ဆက်သွယ် တောင်းယူနိုင်ကြောင်း သတင်းရရှိပါသည်။

  • “အပြောင်းအလဲထဲက ပညာရေး”

    “အပြောင်းအလဲထဲက ပညာရေး”

    စက်တင်ဘာ၊ ၆ ၊ ၂၀၁၂

    M-Media

    ကျော်ဆန်း (Eduzone)

     

    တစ်ခါတုန်းကပေါ့ ……

    ဆရာအလုပ်ဆိုတာ လူရိုသေ၊ ရှင်ရိုသေအလုပ်ဖြစ်ခဲ့ဖူးတယ်။ ရွာဦးကျောင်းဆရာတော်ပြီးရင် ဆရာ/ဆရာမတွေရဲ့နေရာဖြစ်ခဲ့တယ်။ ကလေးတွေသာမက ကလေးမိဘတွေကိုတောင် ဆိုဆုံးမနိုင်တဲ့ အနေအထားမှာရှိတယ်။

    ဆရာ/ဆရာမဆိုတာလည်း ပညာပြည့်ဝ နှလုံးလှခဲ့ကြသူတွေများတယ်။ အခုတော့ ဒီအလုပ်က မျှော်လင့်ချက်မဲ့တဲ့ အလုပ်ဖြစ်နေပြီ။ ဘယ်အလုပ်မှ မရတဲ့အဆုံး ဘယ်တက္ကသိုလ်မှ သွားဖို့အဆင်မပြေတဲ့အခါ ၀င်လုပ်ရမယ့်အလုပ်ဖြစ်နေပြီ။ မိဘတွေက သမီးတွေကို အဝေးမလွှတ်ချင်လို့ ၀င်လုပ်ခိုင်းတဲ့ အလုပ်ဖြစ်နေပြီ။ မျှော်လင့်ချက်ကြီးကြီးရှိတဲ့ လူငယ်လူရွယ်တွေ စိတ်မ၀င်စားတဲ့အလုပ်ဖြစ်နေပြီ။ လူတွေကလည်း ဆရာ/ဆရာမ ဆိုရင် အယုံအကြည်မရှိချင်ကြတော့ဘူး။ အရည်အချင်းမရှိတဲ့သူတွေ၊ ကလေးတွေဆီက ငွေရချင်နေတဲ့သူတွေလို့ပဲ မြင်လာနေကြတယ်။ ပြည်သူ့ကောင်းကျိုးအတွက် ဘာမှထူးထွေပြီး လုပ်ပေးနိုင်မယ့်သူတွေမဟုတ်လို့ ခံယူကြပုံရတယ်။

    ဒါတွေကိုပြောင်းလဲပစ်ရလိမ့်မယ်။ ဆရာ/ဆရာမတွေအကျိုးအတွက်သာမဟုတ် တိုင်းပြည်အကျိုးအတွက်ပါ မျှော်လင့်ရင် ဒီအခြေအနေတွေကို ပြောင်းကို ပြောင်းလဲပစ် ရလိမ့်မယ်။ နိုင်ငံတစ်နိုင်ငံရဲ့ အတက်အကျ အပြောင်းအလဲတွေကို ဆရာ/ဆရာမတွေက ဖန်တီးနေတယ်။ တိုင်းပြည်ကို ဆရာ/ဆရာမတွေက ပုံဖော်နေတယ်ဆိုတဲ့အချက်ကို ယုံကြည်ကြတယ်ဆိုရင်ပေါ့။ (မယုံရင်လည်း ကမ္ဘာ့သမိုင်းကို ပြန်လည်သုံးသပ်ပါလို့ ပြောရလိမ့်မယ်။)

    ဒီတော့ နိုင်ငံတည်ဆောက်ဖို့ လူ့ဘောင်တစ်ရပ်စည်ပင်ဖြစ်ထွန်းဖို့ဆိုရင် အရည်အသွေးမြင့် ဆရာ/ဆရာမတွေ မွေးထုတ်ဖို့ လိုလိမ့်မယ်။ ဆရာအလုပ်ကို မျှော်လင့်ချက်ရှိတဲ့ အလုပ်၊ တိုင်းပြည်အတွက် အဖိုးတန်တဲံအလုပ်ဆိုတဲ့ ယုံကြည်မှုမျိုးရအောင် တည်ဆောက်ကြရလိမ့်မယ်။

    တက္ကသိုလ်ဝင်တန်းမှာ အမှတ်ကောင်းကောင်းနဲ့အောင်တဲ့သူတွေ ပညာရေးတက္ကသိုလ်လျှောက်ထားချင်လာအောင် ဆွဲဆောင်ရလိမ့်မယ်။ လိုအပ်တဲ့ဖြည့်ဆည်းမှု၊ ထောက်ပံ့မှုတွေပေးရမယ်။ ပညာရေးတက္ကသိုလ်တွေကို ကျောင်းသားတိုင်းလျှောက်ထားချင်ကြတဲ့တက္ကသိုလ်တွေဖြစ်အောင် အဆင့်မြင့်တင်ပေးရမယ်။

    တက္ကသိုလ်ကနေ အမှတ်ကောင်းကောင်းနဲ့ အောင်မြင်ကြသူတွေလည်း ဆရာဖြစ်သင်တန်းတွေ တက်ချင်လာအောင် ဆွဲဆောင်ရမယ်။ ဆရာအလုပ်ဆိုတာ ထိပ်တန်း အရည်အချင်းရှိသူတွေရဲ့အလုပ်ဖြစ်အောင် ဖန်တီးကြရမယ်။

    ပညာရေးအဆင့်အတန်း ကမ္ဘာ့ထိပ်တန်းရှိတဲ့ ဖင်လန်နိုင်ငံမှာ အတော်ဆုံးကျောင်းသားတွေရဲ့ ၁၀% လောက်ပဲ ဆရာဖြစ်သင်တန်းလျှောက်ထားနိုင်တယ်။ ဒီထဲကမှ ၅%လောက်ပဲ အထူးကျွမ်းကျင်တဲ့ ဆရာ/ဆရာမတွေအဖြစ်မွေးထုတ်ပေးနိုင်တယ်။ အထက်တန်းဆင့်မှာသင်ဖို့ဆိုရင် မဟာဘွဲ့ပြီးထားတဲ့သူတွေဖြစ်ရတယ်။ ဒီလိုလေ့ကျင့်ပေးခဲ့လို့လဲ ဥရောပရဲ့ ထိပ်တန်း၊ ကမ္ဘာ့ထိပ်တန်းအဆင့်ကို ရောက်နိုင်တာဖြစ်တယ်။

    မြန်မာနိုင်ငံအနေနဲ့လည်း ဖင်လန်၊ ဂျပန်၊ တောင်ကိုရီးယား စတဲ့ ပညာရေးကောင်းတဲ့နိုင်ငံတွေ၊ ထိုငး၊ မလေးရှား၊ စင်္ကာပူတို့လို အာဆီယံနိုင်ငံတွေကနေ အတုယူနိုင်ရင်ကောင်းမယ်။

    တက္ကသိုလ်အမှတ်ကောင်းရခဲ့တဲ့သူတွေကို ပညာရေး(၁)နှစ်သင်တန်းပေးပြီးရင် မက်လုံးရှိတဲ့လစာမျိုးနဲ့ အစိုးရကျောင်းတွေမှာ တိုက်ရိုက်ခန့်ထားနိုင်ရင် ဆရာလိုအပ်ချက်လျော့ချနိုင်မယ်။ အရည်အချင်းရှိတဲ့ ဆရာ/ဆရာမတွေ ရလာနိုင်မယ်။ ဘွဲ့အလိုက် လစာပေးတဲ့စနစ် ကျင့်သုံးနိုင်ရန်ကောင်းမယ်။ ဘွဲ့၊ ဒီပလိုမာ၊ မဟာဘွဲ့၊ ဒေါက်တာဘွဲ့တွေအတွက် သီးခြားခံစားခွင့်တွေပေးရမယ်။ ဘယ်အဆင့်မှာပဲဝင်လုပ်လုပ် ဘွဲ့အလိုက်ခံစားခွင့်ပေးမယ်ဆိုရင် ပညာရေးလောကအတွက် ကြီးမားတဲ့ အပြောင်းအလဲတစ်ခုတော့ ဖြစ်လာမယ်လို့ ယုံကြည်မိကြောင်းပါ . . . ။

  • ကျောက်နီမော် အထက်တန်းကျောင်းတွင် မွတ်စလင်မ်ကျောင်းသား ၅ ဦး အခန်းပိတ်ရိုက်နှက်ခံရ

    ကျောက်နီမော် အထက်တန်းကျောင်းတွင် မွတ်စလင်မ်ကျောင်းသား ၅ ဦး အခန်းပိတ်ရိုက်နှက်ခံရ

    M-Media
    5 September 2012, MST 7:00PM

    (ရန်ကုန်)။ ရခိုင်ပြည်နယ် ကျောက်နီမော် အထက်တန်းကျောင်းမှ မွတ်စလင်မ် ကျောင်းသား ၅ ဦးအား ရခိုင်ဗုဒ္ဓဘာသာကျောင်းသားများက စာသင်ခန်းတွင်းပိတ်လှောင်ကာ ရိုက်နှက်ခဲ့ကြောင်း M-Media မှ စုံစမ်းသိရှိရသည်။

    သြဂုတ်လ ၂၉ ရက်နေ့ တွင် ၁၀ တန်းကျောင်းသား ၅ ယောက်သည် စာသင်ခန်းတွင်းတွင် အခန်းတံခါးပိတ်ကာ ၀ိုင်းရိုက်ခံခဲ့ရကြောင်း ကျောက်နီမော်ရွာသားတစ်ဦးက M-Media သို့ ပြောပြသည်။ ရိုက်နှက်ခံရသည့် ကျောင်းသားများမှာ

    (၁) နိုင်လင်းထွန်း – (ဘ) ဦးမြင့်ဦး
    (၂) မောင်တင်ဝင်း – (ဘ) ဦးလှဝင်း
    (၃) စိုးမင်းနိုင် – (ဘ) ဦးဝင်းနိုင်
    (၄) ဇော်လင်းထွန်း – (ဘ) ဦးထွန်းမောင်
    (၅) နိုင်လင်းထွန်း – (ဘ) ဦးသက်နိုင်

    ၀ိုင်းရိုက်သူများထဲတွင် အတန်းပိုင်ဆရာဦးခင်ကြည်၏သား ခိုင်ဇော်လင်းပါဝင်ပြီး၊ ၀င်းမျိုးနိုင်ဆိုသူ အပါအ၀င် စုစုပေါင်း ၁၂ ယောက်က ၀ိုင်းရိုက်ခဲ့ခြင်းဖြစ်သည်။ ယခုကဲ့သို့ မွတ်စလင်မ်ကျောင်းသားများအား ဖိနှိပ်သည့်ဖြစ်ရပ်သည် ပထမဆုံးအကြိမ်မဟုတ်ပါ။

    ကျောင်းဆရာများကိုယ်တိုင်လည်း မွတ်စလင်မ်ကျောင်းသားများအား စိတ်ပိုင်းဆိုင်ရာ ထိခိုက်ကျဆင်းအောင် စော်ကားပြောဆိုကြသည်။ အမြဲတစေ ထိခိုက်ပြော ဆိုသည့် ဆရာများမှာ ဦးကျော်သာ၊ ဦးသိန်းကျော်အောင်နှင့်  ဦးထွန်းညွန့် တို့ ဖြစ်ကြောင်း သိရှိရသည်။

    ထိခိုက်ပြောဆိုမှုများနှင့် ပတ်သက်၍ ထိုရွာသားအား M-Media မှ မေးမြန်းရာ ဆရာများက ကျောင်းသားများအား “မင်းတို့ ကုလားတွေ ကျောင်းဘာလာ တက်တာလဲ၊ မင်းတို့  ပညာသင်ပြီးဘာလုပ်မလဲ၊ ငါတို့ က မင်းတို့ ကို နွားလိုပဲ ကျောင်းစားမှာ၊ မင်းတို့ ဘင်္ဂလီတွေ ငါတို့ မြေမှာမရှိသင့်ဘူး” စသဖြင့်ပြော ဆိုကြောင်း ပြောပြသည်။

    ပြီးခဲ့သည့် နှစ်ပေါင်း ၂၀ အတွင်းတွင် မွတ်စလင်မ်များအပေါ် ဖိနှိပ်မှုများ၊ ပိတ်ပင်ထားဆီးမှုများစွာကြားမှ ၁၀ တန်းနှစ်ချင်းပေါက်များ၊ ဂုဏ်ထူးဖြင့်အောင်မြင် သူများရှိခဲ့သော်လည်း ယခုနောက်ပိုင်းတွင် ဆရာများ၏ ဖိနှိပ်ခြင်းကြောင့် မွတ်စလင်မ်ကျောင်းသားများအကြား ကျောင်းပြေးမှုများ၊ စာမေးပွဲကျရှုံးခြင်းများနှင့် ကျောင်းထွက်နှုန်းများ များပြားလာပြီး ပညာရေးချွတ်ခြုံကျလျက်ရှိသည်။ အထက်တန်းသို့ ရောက်ရှိလာသည့် ကျောင်းသားအရေအတွက်မှာလည်း ကျဆင်းလျက် ရှိပြီး လာမည့်နှစ်များတွင် ၁၀ တန်းဖြေမည့် မွတ်စလင်မ်ကျောင်းသား မရှိသလောက်ဖြစ်ကြောင်း သိရသည်။

    ကျောင်းသား ၅ ယောက်အား ၀ိုင်းရိုက်မှုကို ကျောင်းအုပ်ဆရာကြီးထံ သွားရောက်တိုင်ကြားခဲ့သော်လည်း “ဒီအချိန်မျိုးမှာ ဘာမှအရေးယူလို့ မရဘူး” လို့ သာ ပြန်လည်ဖြေကြားခဲ့ကြောင်း သိရှိရသည်။

    ပြည်ထောင်စုမြန်မာနိုင်ငံ သမ္မတဦးသိန်းစိန်က ရခိုင်ပြည်နယ်တွင် ပြည်သူများအကြား သဟဇာတဖြစ်ရန်၊ ငြိမ်းချမ်းတည်ငြိမ်ရန် မွတ်စလင်မ်နှင့် ရိုဟင်ဂျာတို့  အတွက်လည်း ခေတ်ပညာရေးအားပေးမြင့်တင်ရန် ကတိပေးထားပြီးဖြစ်သည်။ သို့ ရှိရာ ယခုကဲ့သို့ ကျောင်းတွင်းဘာသာရေးနှိပ်ကွက်မှုများ၊ ဆရာများအား အရေးယူခြင်း၊ အလုပ်မှဖယ်ရှားခြင်းသည် ပညာရေးအားပေးမှုအတွက် ပထမဆုံးခြေလှမ်းဖြစ်သည်။

  • ကိုယ်ပိုင်ကျောင်းများနဲ့ မိဘတို့ရေ

    ကျော်ဆန်း

    သြဂုတ်၊ ၁၆၊ ၂၀၁၂

    ကိုယ်ပိုင်ကျောင်းများနဲ့ မိဘတို့ရေ

    ကိုယ်ပိုင်ကျောင်း မှတ်ပုံတင် ဥပဒေတစ်ရပ်ကို ၂၀၁၁ ဒီဇင်ဘာ (၂)ရက် နေ့က ပြဌာန်းပေးလိုက်တဲ့အတွက် ၀မ်းသာပီတိ ဖြစ်ခဲ့ရပါတယ်။ ဒိလိုရှိသင့်တာ ကြာပြီလို့ယူဆထားတဲ့အတွက်ကြောင့်လည်း မျှော်လင့်ချက်တစ်ရပ်
    ပြည့်စုံသွားတယ်လို့ ဆိုနိုင်တယ်။ ပညာရေးဝန်ကြီးဌာက မူဝါဒနဲ့ သင်ရိုးတွေချမှတ်ပေးမယ်။ ကျောင်းတစ်ကျောင်းမှာ ရှိအပ်တဲ့ အရည်အသွေးတွေ ရှိမရှိ ကြီးကြပ်ပေးမယ်။ ကိုယ်ပိုင်ကျောင်းတွေက စည်းကမ်းနည်းလမ်းနဲ့အညီ သင်ကြမယ်ဆိုတော့ နိုင်ငံတော်မှာလည်း ၀န်ထုပ်ဝန်းပိုးလျော့သွားမှာ ဖြစ်သလို ကျောင်းတွေကလည်း အရည်အသွေးရော အဆင့်အတန်းမှာ ပြိုင်ကြရမှာ ဖြစ်လို့ အနာဂတ် ပညာရေးအတွက် အလားလာကောင်းတွေ ပေါ်ထွန်းလာမယ်လို့ မျှော်လင့်ရတာပါပဲ။ မိဘတွေအနေနဲ့လည်း ရွေးချယ်စရာတွေ ပေါ်ပေါက်သလို ကျောင်းသားတွေအနေနဲ့လည်း တစ်နေကုန်စာသင် ကျုရှင်တက်ဘ၀ကနေ လွတ်ကြတော့မှာပါလားဆိုပြီး ၀မ်းသာခဲ့ရတာပါ။ လက်တွေ့မှာတော့ အထင်နဲ့အမြင်က တစ်ထပ်တည်းမဟုတ်လေတော့ ၀မ်းသာရမှာလား ၀မ်းနည်းရမလားတောင် မဝေခွဲတတ်အောင် ဖြစ်နေပါပြီ။

    ကိုယ်ပိုင်ကျောင်းနဲ့ သင်ကြားရေးပုံစံ

    ကိုယ်ပိုင်ကျောင်းတွေမှာ အသုးံပြုရမဲ့သင်ရိုးက နိုင်ငံတော်က ပြဌာန်းပေးထားတဲ့ သင်ရိုးဖြစ်လို့ အစိုးရကျောင်းများနဲ့ အတူတူပါပဲ။ ဒါဖြင့် မိဘတွေက ငွေကုန်ကြေးကျခံပြီး ဘာကြောင့်ကိုယ်ပိုင်ကျောင်းကို အပ်ကြမှာလဲလို့ မေးစရာရှိပါတယ်။ အဓိကကတော့ ရုပ်ဝတ္ထုပစ္စည်းတွေနဲ့ သင်ကြားရေးပုံစံမှာ ကွားခြားမယ်၊ အစိုးရကျောင်းတွေထက် အများကြီး သာလွန်လိမ့်မယ်လို့ မျှော်လင့်ပြီး ကိုယ်ပိုင်ကျောင်းတွေမှာ အပ်ကြမှာပါ။ အပ်လည်းအပ်နေကြပါပြီ။ တစ်ချို့နာမည်ကြီးကျူရှင်တွေ၊ ဘော်ဒါတွေက ကိုယ်ပိုင်ကျောင်းအဖြစ် ပြောင်းလဲ မှတ်ပုံတင်လာကြတော့ မိဘများလည်း မျှော်လင့်တစ်ကြီး အထင်ကြီးတစ်ခွဲသားနဲ့ ကျောင်းလခတွေ အများကြီးပေးပြီး ကျောင်းအပ်ကြတာပေါ့။

    ကိုယ်ပိုင်ကျောင်းတွေက အခုမှထောင်ကြတာဆိုတော့ အဆောက်အဦးအသစ်တွေနဲ့ ဆေးရောင်တွေ စိုစိုပြေပြေနဲ့မို့ အထင်ကြီးစရာပါ။ ကျောင်းလခလည်း တန်အောင်ယူထားတော့ ဆရာ၊ဆရာမ တွေလည်း ငှားရမ်းနိုင်တဲ့ အင်အားရှိကြပါတယ်။

    အစိုးရကျောင်းတွေကတော့ အခမဲ့ နီးပါးဖြစ်တာကြောင့် နိုင်ငံတော်ကချပေးတဲ့ ဘတ်ဂျက်နဲ့ပဲ လုံလောက်အောင် သုးံစွဲကြရတာပါ။ အချို့သောကျောင်းတွေမှာ ဆရာ၊ ကျောင်းသား အချိုးမညီမျှတာတွေ ရှိကောင်းရှိပါမယ်။ ဒါပေမဲ့ အစိုးရကျောင်းမှာရှိတဲ့ ဆရာ၊ဆရာမတွေအားလုးံနီးပါးဟာ ပညာရေးနဲ့ပတ်သက်တဲ့ သင်တန်းတွေကို တက်ရောက်ဆည်းပူး အောင်မြင်ထားကြသူတွေက များပါတယ်။ ကလေးတွေကို ဘာသင်ပေးရမယ်၊ ဘယ်လိုသင်ပေးရမယ်၊ ဘာကြောင့်သင်ရတယ် ဆိုတာတွေကိုလည်း လေ့လာတက်မြောက်ထားကြပါတယ်။

    ဒါဖြင့်ရင်ကျောင်းသားတွေ ဘာကြောင့် ကျူရှင်ယူနေကြရတာလည်း လို့မေးစရာရှိတယ်။ စောဒကတက်နိုင်ပါတယ်။

    ဒီအတွက် အရှင်းဆုံးနဲ့အတိကျဆုံး အဖြေပေးလို့ရပါတယ်။ နားမလည်မှုနဲ့ ဂုဏ်တုဂုဏ်ပြိုင်တွေကြောင့်လို့ပဲ ဖြေပါရစေ။
    ပုဂ္ဂုလိက ကျောင်းတွေမှာ အပ်ထားတဲ့ မိဘများနဲ့ ကျောင်းသား ကျောင်းသူတွေကို သင်ကြားရေးမှာ ဘာတွေများထူးခြား သွားပြီးလဲလို့ မေးကြည့်ချင်ပါတယ်။ လေ့လာကြည့် မိသလောက်တော့ ဘာဆိုဘာမှ မထူးခြားပါဘူး။
    ပုဂ္ဂလိကကျောင်းတွေမှာလည်း အမည်ခံ လက်တွေ့ စာသင်ခန်းတွေရှိပါတယ်။ ဘာတွေများ လက်တွေ့ သင်ပြနေပြီလဲ။ အလွတ်ကျက်၊ စာအံဆိုတဲ့ ပုံစံထက် ဘာများပိုပြီး ထူးခြားသွားပါပြီလဲ။ ကျောင်းသားတွေရဲ့ နားလည်မှု ၊ ဖန်တီးတတ်မှု၊ လက်တွေ့ဆောင်ရွက်တတ်မှုအတွက် ဘာတွေများ သင်ပေးနေပါပြီလဲ။

    နာမည်ကြီးပုဂ္ဂလိက ကျောင်းတစ်ခုခုက ကျောင်းသားတွေကို လေ့လာကြည့်လိုက်စမ်းပါ။ တစ်နေ့တစ်နေ့ စာကျက်စရာ 4/5 ပုဒ် ပါလာတာ တွေ့ရပါလိမ့်မယ်။ ကျောင်းမှာ သိပ္ပံလက်တွေ့ချိန် ဘာလုပ်ရသလဲမေးကြည့်တော့ ပြိုင်ရတယ်လို့ ဖြေပါတယ်။ ၀မ်းသာစရာပါ။ ဘာပြိုင်ရတာလဲ မေးကြည့်တော့ ယောက်ျားလေးနဲ့မိန်းကလေး စာအလွတ်ရွတ်တာ ပြိုင်ရတာတဲ့။ ၀မ်းသာမိစောလေခြင်းလို့ နောင်တရ လိုက်မိပါတယ်။
    ပထ၀ီကို အလွတ်ကျက်မှတ်နေလို့ ကမ္ဘာလုံးပုံကြီးရှေ့ချပေးပြီး မေးကြည့်ပါတယ်။ ဘယ်နေရာ၊ ဘယ်ဒေသဘာဆိုတာ ကမ္ဘာ့မြေပုံပေါ်မှာကြည့်ပြီး ဖြေကြားနိုင်စွမ်း မရှိပါ။ ကြက်တူရွေးလို နှုတ်တိုက်ချ၊ အလွတ်ကျက်၊ ပြန်ဆို ဆိုတဲ့သင်ကြားမှုထက် ဘာတစ်ခုမှ ပိုလာတာကို မတွေ့ရပါ။

    နားမလည်မှုနဲ့ ဂုဏ်ပြိုင်မှု

    မိဘများကို မေးချင်ပါတယ်။ မနက်လင်းကနေ ညနေ မိုးချုပ်တဲ့ထိ ကလေးတွေကို ဘာကြောင့်များ စာသင်ခန်းတွေထဲ ထည့်ထားချင်ရတာပါလဲ။ အိမ်မှာ စောင့်ရှောက်မယ့်လူ မရှိလို့လား။ ဒါမှမဟုတ် ဒီလိုတစ်နေကုန်သင်မှ ပညာတတ်ကြီး ဖြစ်လာမယ်လို့ထင်လို့လား။ မိမိရှေ့ကလူတွေ၊ မိမိနဲ့ခေတ်ပြိုင်တွေကို နှိုင်းယှဉ်ကြည့်စမ်းပါ။ ကမ္ဘာတစ်လွှားခေါင်းပြူကြည့်စမ်းပါ။ ဘယ်သူတွေ ဘာကြောင့် တိုးတက်အောင်မြင် နေသလဲ နားလည်အောင် ကြည့်ကြစေချင်ပါတယ်။

    ကျောင်းစာသင်ခန်းထဲမှာ အမှတ်(၁၀၀)ရရုံနဲ့ လူ့လောကကြီးထဲမှာ ဘာမှဖြစ်မလာနိုင်ပါဘူး။ လူဆိုတာ မွေးကတည်းက ချိနဲ့စွာ မွေးဖွားလာတာပါ။ ရုပ်ပိုင်း၊ အသိပိုင်း၊ ညဏ်ရည်ပိုင်းဘာသာစကားပိုင်း ချိနဲ့စွာ မွေးဖွားလာတဲ့အတွက် အကူအညီလိုအပ်ပါတယ်။ ဒါတွေကို ဖွံ့ဖြိုးလာအောင် အကူအညီပြုတာကို ပညာရေးလို့ခေါ်တာပါ။ စာသင်ခန်းမှာရော အိမ်မှာပါ စာတွေကို အလွတ်အော်ကျက်နေတာ ပညာရေး မဟုတ်ပါဘူး။
    a
    ခန္ဓာကိုယ်ကြံ့ခိုင်ကျန်းမာအောင် ဘယ်လိုတည်ဆောက်ရမယ်။ လူမှုပေါင်းသင်းဆက်ဆံရေး ဘယ်လို ဖွံ့ဖြိုးအောင် လုပ်ရမယ်။ အချင်းချင်းဆက်သွယ်ဖို့ ဘာသာစကားဖွံ့ဖြိုးအောင် ဘယ်လိုလေ့ကျင့်ရမယ်။ တွေးတတ်၊ ခေါ်တတ်၊ တီထွင်ဖန်တီးတတ်ဖို့အတွက် ညဏ်ရည်ဖွံ့ဖြိုးအောင် ဘယ်လိုလေ့ကျင့်ပျိုးထောင် ရမယ်ဆိုတာ ပညာရေးပါ။ ဒီလိုအခြေခံကောင်းတွေ ရနိုင်မယ့်နေရာတွေကိုသာ မိမိရဲ့သားသမီးတွေကို အပ်နှံ သင်ယူစေသင့်တယ်။ ပြောင်ပြောင်မြင်တိုင်း ရွှေထင်နေရင်တော့ ငွေနဲ့အချိန်တွေပဲ ကုန်သွားရမှာပါ။

    မိဘတွေကို နောက်ထပ်မေးချင်တဲ့ မေးခွန်းတစ်ခုရှိပါသေးတယ်။ မိမိသားသမီးတွေကို ပုဂ္ဂလိကကျောင်းတွေမှာ အပ်နှံလို့ ကုန်ရတဲ့ငွေကြေးပမာဏရဲ့ တစ်ဝက်လောက်ကိုများ အစိုးရကျောင်းတွေမှာ အကုန်ခံဘူးပါသလား ဆိုတာကိုပါ။ အစိုးရကျောင်းများရဲ့ပညာရေး တိုးတက်ကောင်းမွန်ဖို့အတွက် ဘယ်လောက်များ ပံ့ပိုးပေးခဲ့ဘူးသလဲဆိုတာ ပြန်ဆန်းစစ်ကြည့်စေချင်ပါတယ်။ ကျောင်းတွေကို မကောင်းဘူးလို့ အပြစ်ပြောနေမဲ့အစား တတ်နိုင်တဲ့ဘက်က ပါဝင်ပံ့ပိုးပေးရင် ကျောင်းတွေကို ရွှေချထားနိုင်မယ်လို့တောင် ထင်မိပါတယ်။

    ကလေးတွေကို ကျူရှင်ပို့ကြတဲ့ အခြားအကြောင်းတစ်ရပ်ကတော့ ဂုဏ်တုဂုဏ်ပြိုင်ကိစ္စပါ။ မိဘချင်း၊ ကလေးချင်းတွေ့ဆုံတဲ့အခါ ဘယ်ကျောင်းမှာနေတယ်၊ ဘယ်လောက်တောင်ပေးရတယ်ဆိုတာ အပြိုင်ပြောပြီး ဂုဏ်ယူကြတာပါ။ ကျူရှင်မတက်နိုင်ရင် မျက်နှာငယ်တယ်လို့ ထင်ကြတဲ့ အခြေအနေပါ။ အိမ်မှာ ဘယ်ဆရာခေါ်သင်တယ်၊ တစ်လ ဘယ်လောက်ပေးရတယ် ဆိုတာလည်း ကြွားလုံးတစ်ခုပါပဲ။
    ဒီလိုပြောနေခြင်းက အပြစ်တင်လိုခြင်း မဟုတ်ပါ။ ပြန်လည်စဉ်းစားစေလိုတဲ့ စေတနာကြောင့်ပါ။

    ကလေးတွေပျော်ပျော်ရွှင်ရွှင် ဆော့ကစားပြီး၊ အေးအေးချမ်းချမ်းသင်ယူကာ၊ မိသားစုနဲ့ နွေးနွေးထွေးထွေး နေစေချင်တဲ့ စေတနာကြောင့်ပါ။
    ပညာရေးပြောင်းလဲတယ်ဆိုတဲ့ နေရာမှာ မိဘများကလည်း အဓိကအခန်းကဏ္ဍက ပါဝင်ပါတယ်။ မိဘတွေကိုယ်တိုင်က ဘယ်ဟာအကောင်း/ ဘယ်ဟာအညံ့ဆိုတာ မခွဲခြားနိုင်ရင် သားသမီးတွေအတွက် ဘာတွေမှ ပြောင်းလဲလာမှာမဟုတ်ကြောင်း အသိပေးလိုက်ပါရစေ။

     

    စာရေးသူ ဦးကျော်ဆန်း၏ ခွင့်ပြုချက်ဖြင့် ကူးယူဖော်ပြပါသည်။