News @ M-Media

Category: က်န္းမာေရးႏွင့္ေဆးပညာ

  • ကမ္ဘာ့ပထမဆုံး မျိုးဗီဇအခြေပြု ကို​ဗစ်ကာကွယ်ဆေးကို အိန္ဒိယတွင် စင်တင်အသုံးပြု

    ကမ္ဘာ့ပထမဆုံး မျိုးဗီဇအခြေပြု ကို​ဗစ်ကာကွယ်ဆေးကို အိန္ဒိယတွင် စင်တင်အသုံးပြု

    ဩဂုတ် ၂၁၊ ၂၀၂၁
    M-Media

    -ပြည်တွင်းထုတ် မျိုးဗီဇအခြေပြု ကိုဗစ်ကာကွယ်ဆေးကို အရေးပေါ်အသုံးပြုဖို့ အိန္ဒိယ ကျန်းမာရေးဝန်ကြီးဌာနက ခွင့်ပြုလိုက်ပြီး ဒါဟာ ကိုဗစ်အတွက် ဒီလိုကာကွယ်ဆေးမျိုးကို ကမ္ဘာပေါ်မှာ ပထမဆုံးအသုံးပြုနိုင်တာ ဖြစ်ပါတယ်။

    မျိုးဗီဇအခြေပြုကာကွယ်ဆေး (DNA vaccine) ဆိုတာ ရောဂါဖြစ်စေတဲ့ ဗိုင်းရပ်စ်ထဲက မျိုးဗီဇီအစိတ်အပိုင်းကို ခန္ဓာကိုယ်ထဲ ထိုးသွင်းပြီး ဗိုင်းရပ်စ် မွေးခိုင်းကာ ခန္ဓာကိုယ်ထဲက ကိုယ်ခံစွမ်းအား ထွက်လာအောင် လုပ်ဆောင်တာဖြစ်ပါတယ်။ သာမန်ကာကွယ်ဆေးက ဗိုင်းရပ်စ်ပိုးကို ထိုးသွင်းတာပါ။

    အိန္ဒိယအစိုးရက ခွင့်ပြုတဲ့ မျိုးဗီဇအခြေပြု ကိုဗစ်ကာကွယ်ဆေး ZyCoV-D ကို ပြည်တွင်းကုမ္ပဏီ Cadila Healthcare က ထုတ်လုပ်တာဖြစ်ပါတယ်။ အရွယ်ရောက်ပြီးသား ကာကွယ်ဆေးထိုးရမယ့်သူတွေအားလုံး ဒီဇင်ဘာလမှာ အပြီးထိုးပေးဖို့ ရည်ရွယ်ထားတဲ့ အိန္ဒိယရဲ့ ကိုဗစ်ကာကွယ်ဆေး စီမံကိန်းကို ZyCoV-D က အထောက်အကူဖြစ်စေမှာပါ။

    လက်ရှိ ကိုဗစ်ကာကွယ်ဆေးအများစုဟာ ၂ ကြိမ်ထိုးရပြီး ZyCoV-D ကိုတော့ ၃ ကြိမ်ထိုးရမှာ ဖြစ်ပါတယ်။ ကာကွယ်ဆေးကို တစ်နှစ် အလုံးရေ သန်း ၁၀၀ နဲ့ သန်း ၁၂၀ ကြား ထုတ်လုပ်ဖို့ ကုမ္ပဏီက ရည်ရွယ်ထားပြီး လက်ရှိမှာ အမြောက်အများ စတင်ထုတ်လုပ်နေပြီ ဖြစ်ပါတယ်။ အိန္ဒိဟာ သမရိုးကျ ကိုဗစ်ကာကွယ်ဆေးတစ်ခုဖြစ်တဲ့ Covaxin ကိုလည်း ပြည်တွင်းမှာ ထုတ်လုပ်ထားနိုင်ပါတယ်။

    အိန္ဒိယမှာ လူဦးရေရဲ့ ၉.၁၈ ရာခိုင်နှုန်းသာ ကိုဗစ်ကာကွယ်ဆေးထိုးထားနိုင်ပြီး၊ အရေးပေါ်အသုံးပြုခွင့်ပေးထားတဲ့ ကာကွယ်ဆေးအရေအတွက်က ၆ မျိုးရှိပါတယ်။

    ZyCoV-D ကာကွယ်ဆေးကို နိုင်ငံတစ်ဝှမ်းက စေတနာ့ဝန်ထမ်းပေါင်း ၂၈၀၀၀ ကို ထိုးနှံပေးထားရာမှာ ၆၆.၆ ရာခိုင်နှုန်း ထိရောက်မှုရှိတယ်လို့ ကုမ္ပဏီဖက်က ပြောထားပြီး၊ လက်ရှိ ကမ္ဘာတစ်ဝှမ်း ပြန့်နှံ့နေတဲ့ ပုံပြောင်းကိုဗစ် Delta ကို ကာကွယ်နိုင်တယ်လို့လည်းဆိုပါတယ်။

    Ref: Aljazeera

  • ကိုဗစ်ဗားရှင်းအသစ် Lambda ကူးစက်မှုကို ဖိလစ်ပိုင်နှင့် ဘင်္ဂလားဒေ့ရှ်တို့တွင်ပါ တွေ့ရှိလာ

    ကိုဗစ်ဗားရှင်းအသစ် Lambda ကူးစက်မှုကို ဖိလစ်ပိုင်နှင့် ဘင်္ဂလားဒေ့ရှ်တို့တွင်ပါ တွေ့ရှိလာ

    ဩဂုတ် ၂၀၊ ၂၀၂၁

    M-Media 

    -လက်ရှိကာကွယ်​ဆေးတွေ မတိုးဘူးလို့ ဓာတ်ခွဲခန်းစမ်းသပ်မှုမှာ တွေ့ရတဲ့ နောက်ဆုံးပေါ် ပုံပြောင်းကိုဗစ်ဗိုင်းရပ်စ် Lambda ကို အာရှနိုင်ငံတွေဖြစ်တဲ့ ဖိလစ်ပိုင်နဲ့ ဘင်္ဂလားဒေ့ရှ်နိုင်ငံတို့မှာ တွေ့လာရပါတယ်။

    ဂျပန်နိုင်ငံပါရင် အာရှမှာ Lambda ဗိုင်းရပ်စ် တွေ့ရှိရတဲ့နိုင်ငံ ၃ နိုင်ငံအထိ ရှိလာတာပါ။

    ၂၀၂၀ နှစ်ခု ဒီဇင်လာ တောင်အမေရိက ပီရူးနိုင်ငံမှာ စတင်တွေ့ရှိခဲ့တဲ့ Lambda ဟာ ကူးစက်မှု မြန်ဆန်ပြီး လက်ရှိအသုံးပြုနေတဲ့ ကာကွယ်ဆေးတွေ မတိုးဘူးလို့ ဓာတ်ခွဲခန်း စမ်းသပ်မှုမှာ တွေ့ရှိခဲ့ကြောင်း ကမ္ဘာ့ကျန်းမာရေးအဖွဲ့ WHO က ထုတ်ပြန်ထားပါတယ်။

    လက်ရှိ နိုင်ငံပေါင်း ၄၀ ​ကို ပြန့်နှံ့နေပြီး Delta လို ကမ္ဘာတစ်ဝှမ်း အကြီးအကျယ်ပြန့်နှံ့မယ့်အန္တရာယ် ရှိနေကြောင်း ပညာရှင်တွေက သတိပေးထားပါတယ်။ ဒါပေမယ့် Delta လောက် ကူးစက်မှု မမြန်နိုင်ဘူးလို့ ဆိုပါတယ်။

    ဘင်္ဂလားဒေ့ရှ်နိုင်ငံမှာ မတ်လအတွင်းက လူနာတစ်ဦးကို စစ်ဆေးထားတဲ့ ဓာတ်ခွဲမှုစမ်းသပ်မှုမှာ တွေ့ရှိတာဖြစ်ပြီး ဖိလစ်ပိုင်မှာတော့ မနေ့က စစ်ဆေးမှုမှ တွေ့ရှိခဲ့တာ ဖြစ်ပါတယ်။

    အာရှမှာ Lambda ဗိုင်းရပ်စ် ပထမဆုံးရောက်တာက ဂျပန်မှာဖြစ်ပြီး  တိုကျိုအိုလံပစ်အတွက် ပီရူးနိုင်ငံကနေ ဇူလိုင်လ ၂၀ ရက်နေ့ကရောက်လာတဲ့ အမျိုးသမီးမှာ တွေ့ခဲ့တာဖြစ်ပါတယ်။ ဂျပန်က ဒီကိစ္စကို ဩဂုတ်လ ၆ ရက်နေ့ကမှ ထုတ်ပြန်ခဲ့ပြီး အသေးစိတ်အချက်အလက်တွေကို မကြာခင် လူထုထံ ချပြသွားဖို့ ရှိနေပါတယ်။ 

    Ref: The Star

  • ကိုဗစ်ကာကွယ်ဆေး နှစ်ကြိမ်ထိုးထားသူများ သုံးကြိမ်မြောက် Booster ထိုးရန် လိုအပ်မည်

    ကိုဗစ်ကာကွယ်ဆေး နှစ်ကြိမ်ထိုးထားသူများ သုံးကြိမ်မြောက် Booster ထိုးရန် လိုအပ်မည်

    ဩဂုတ် ၁၉၊ ၂၀၂၁

    M-Media

    -ကိုဗစ်ကာကွယ်ဆေး နှစ်ကြိမ် ထိုးထားပြီးသူတွေ ကိုယ်ခံအားကို ထိန်းထားနိုင်ဖို့အတွက် တတိယအကြိမ် Booster ထိုးဖို့ လိုအပ်တယ်လို့ အမေရိကန် ကျန်းမာရေးဆိုင်ရာ တာဝန်ရှိသူတွေက ပြောကြားလိုက်ပါတယ်။

    ပုံပြောင်းကိုဗစ် Delta ကူးစက်မှု ကမ္ဘာတစ်ဝှမ်း ဆက်လက်မြင့်တက်နေပြီး၊ ကာကွယ်ဆေးကပေးတဲ့ ကိုယ်ခံအားဟာ အချိန်ကြာလာရင် ကျသွားနိုင်တယ်ဆိုတဲ့ အချက်အလက်တွေ ထွက်လာချိန် အမေရိကန်က အခုလို သတိပေးလိုက်တာပါ။

    အမေရိကန် ကူးစက်ရောဂါ တားဆီးကာကွယ်ရေးဌာန CDC တာဝန်ရှိသူတွေက ကာကွယ်ဆေးနှစ်ကြိမ် ထိုးထားပေမယ့် သိပ်မပြင်းတဲ့ ကိုဗစ်ကူးစက်မှုကို ကာကွယ်နိုင်စွမ်းဟာ အချိန်ကာလတစ်ခုကြာရင် ကျဆင်းသွားတတ်တယ်ဆိုတာ လေ့လာမှုမှာ တွေ့ရှိခဲ့ရကြောင်း ပြောကြားခဲ့ပါတယ်။ 

    တတိယအကြိမ်ကို ကာကွယ်ဆေးနှစ်ကြိမ်ထိုးပြီး ၈ လကြာတဲ့အခါ ထပ်ထိုးရမှာဖြစ်ကာ အမေရိကန်မှာ စက်တင်ဘာ ၂၀ ရက်နေ့ စတင်ထိုးပေးမှာဖြစ်ပါတယ်။ Pfizer နဲ့ Moderna နှစ်ကြိမ်ထိုးထားသူတွေအပြင် တစ်ကြိမ်ည်းထိုးရတဲ့ Johnson & Johnson ဆေး ထိုးထားသူတွေပါ Booster ထိုးရဖို့ ရှိနေပါတယ်။

    လက်ရှိ အမေရိကန်မှာ ပုံပြောင်းကိုဗစ် Delta ကူးစက်မှု မြင့်တက်နေပြီး လာမယ့်လအနည်းငယ်အတွင်း ကူးစက်မှု ကျဆင်းလိမ့်မယ်လို့ ခန့်မှန်းထားပါတယ်။ 

    အမေရိကန်မှာ ကာကွယ်ဆေးနှစ်ကြိမ် ထိုးထားပြီးသား​သူတွေကို တတိယအကြိမ် ထိုးပေးဖို့အတွက် ဆေးအလုံအလောက်ရှိနေပမယ့် ၃ ကြိမ်ထိုးရတဲ့အခါ ကမ္ဘာပေါ်က တစ်ခြားနိုင်ငံတွေမှာ ဆေးမလုံလောက်မှု ပြဿနာနဲ့ ရင်ဆိုင်ရနိုင်တယ်လို့ သတိပေးမှုတွေ ရှိနေပါတယ်။ 

    Ref: Aljazeera

  • ကာကွယ်ဆေးမတိုးသည့် ပုံပြောင်းကိုဗစ်အသစ် Lambda အတွက် ပညာရှင်များ သတိပေး

    ကာကွယ်ဆေးမတိုးသည့် ပုံပြောင်းကိုဗစ်အသစ် Lambda အတွက် ပညာရှင်များ သတိပေး

    ဩဂုတ် ၇၊ ၂၀၂၁
    M-Media

    -မူရင်းကိုဗစ်ပိုးထက် ပိုမိုပြန့်နှံ့လွယ်ကာ၊ ကာကွယ်ဆေးဒဏ်ကို ပိုခံနိုင်မယ့် ပုံပြောင်းကိုဗစ်အသစ် Lambda ကို သတိထားကြဖို့ ပညာရှင်တွေက သတိပေးလိုက်ပါတယ်။

    Lambda ဗိုင်းရပ်စ်ကို ပြီးခဲ့တဲ့နှစ် ဩဂုတ်လက ပီရူးနိုင်ငံမှာ စတင်တွေ့ရှိခဲ့တာဖြစ်ပြီး အဲဒီနောက် တောင်အမေရိကတစ်ဝှမ်း ပြန့်နှံခဲ့ပါတယ်။ အာရှမှာတော့ ဂျပန်က Lambda ကူးစက်သူတစ်ဦးကို ပထမဆုံးတွေ့ရကြောင်း မနေ့က ထုတ်ပြန်ခဲ့ပါတယ်။ ကူးစက်ခံရသူ အသက် ၃၀ ကျော် အမျိုးသမီးဟာ ဇူလိုင်လ ၂၀ ရက်နေ့ ပီရူးနိုင်ငံကနေ ပြန်လာသူပါ။

    Lambda ဟာ နိုင်ငငံတော်တောာ်များများမှာ လက်ရှိပြန့်နှံ့နေတဲ့ Delta ထက် ပိုပြီးအန္တရာယ်ရှိလားဆိုတာကို ရှင်းရှင်းလင်းလင်း မသိရပေမယ့် တိုကျိုတက္ကသိုလ်က ပညာရှင်တွေကတော့ လူ့အဖွဲ့အစည်းအပေါ် ခြိမ်းခြောက်မှုသစ် ဖြစ်လာနိုင်တယ်လို့ သတိပေးခဲ့ပါတယ်။

    ဓာတ်ခွဲခန်း စမ်းသပ်မှုတွေအရ Lambda ဟာ လက်ရှိ ထိုးပေးနေတဲ့ ကိုဗစ်ကာကွယ်ဆေးတွေက ထုတ်ပေးတဲ့ ကိုယ်ခံစွမ်းအားကို ခံနိုင်ရည်ရှိတယ်ဆိုတာ တွေ့ခဲ့ရပါတယ်။

    ကမ္ဘာ့ကျန်းမာရေးအဖွဲ့ WHO က ပုံပြောင်းကိုဗစ် Lambda ဟာ variant of interest (VOI) အမျိုးအစား ဗိုင်းရပ်စ်မျိုးဖြစ်တယ်လို့ ဇွန်လ ၁၄ ရက်နေ့မှာ သတ်မှတ်ခဲ့ပြီး ဒါဟာ သာမန် ပုံပြောင်းကိုဗစ်ပိုးထက် ပိုပြီး အန္တရာယ်ရှိနိုင်တယ်လို့ ရည်ညွှန်းတာဖြစ်သလို၊ နောက်ထပ် ကြီးမားတဲ့ ခြိမ်းခြောက်မှုတစ်ခု ဖြစ်လာနိုင်တယ်ဆိုတာ ကမ္ဘာ့နိုင်ငံတွေကို သတိပေးလိုက်တာလည်း ဖြစ်ပါတယ်။

    ဧပြီလနောက်ပိုင်း ပီရူးမှာဖြစ်ပွားတဲ့ ကိုဗစ်ကူးစက်မှုရဲ့ ၈၁ ရာခိုင်နှုန်းဟာ Lambda ဗိုင်းရပ်စ်ကြောင့် ဖြစ်ပြီး အဲဒီမတိုင်ခင် ၅၀ ရာခိုင်နှုန်းရှိရာကနေ သိသိသာသာ မြင့်တက်လာတာ ဖြစ်ပါတယ်။ အမေရိကန်မှာလည်း Lambda ကိုဗစ်ကူးစက်မှု ၁၀၃၇ ခု ရှိနေပါတယ်။

    Ref: Reuters, Japan Times

  • နောက်ဆုံးပေါ် ပုံပြောင်းကိုဗစ် Delta Plus တွေ့ရှိသည့်နိုင်ငံများတွင် တောင်ကိုရီးယား ပါဝင်လာ

    နောက်ဆုံးပေါ် ပုံပြောင်းကိုဗစ် Delta Plus တွေ့ရှိသည့်နိုင်ငံများတွင် တောင်ကိုရီးယား ပါဝင်လာ

    ဩဂုတ် ၄၊ ၂၀၂၁
    M-Media

    -နောက်ဆုံးပေါ်ထွက်လာတဲ့ ပုံပြောင်းကိုဗစ် Delta Plus ကူးစက်မှုနှစ်ခု တွေ့ရှိရတယ်လို့ တောင်ကိုရီးယား ကူးစက်ရောဂါ ကာကွယ်တားဆီးရေး အေဂျင်စီက မနေ့ကမှာ ထုတ်ပြန်ပါတယ်။

    တောင်ကိုရီးယားဟာ ကိုဗစ် စတုတ္ထလှိုင်းဒဏ်ကို ခံစားနေရတာပါ။ Delta Plus ကတော့ ကမ္ဘာတစ်ဝှမ်း အလွန်အမင်း ကူးစက်ပြန့်နှံ့နေတဲ့ ပုံပြောင်းကိုဗစ် Delta ရဲ့ ပထမဆုံး မျိုးကွဲဖြစ်ပြီး အိန္ဒိယနိုင်ငံမှာ စတွေ့ခဲ့တာ ဖြစ်ပါတယ်။

    ဗြိတိန်၊ ပေါ်တူဂီ၊ အိန္ဒိယအပါအဝင် Delta Plus ကူးစက်မှုတွေ့ရတဲ့နိုင်ငံ အနည်းငယ်သာ ရှိပါသေးတယ်။

    တောင်ကိုရီးယား ကူးစက်ရောဂါထိန်းချုပ်ရေးဌာနက အသက် ၄၀ အရွယ်အမျိုးသာမှာ Delta Plus ကို စတွေ့ခဲ့ရပြီး သူနဲ့ ထိတွေ့သူ ၂၈၀ လောက်ရှိရာမှာ သားဖြစ်သူတစ်ဦးသာ ကူးစက်ထားတယ်လို့ ထုတ်ပြန်ပါတယ်။ ဘာ့ကြောင့် ဒီလိုကူးစက်ရလဲဆိုတာ စုံစမ်းစစ်ဆေးမှု ပြုလုပ်နေပါတယ်။

    နောက်ထပ် ကူးစက်သူကတော့ အမေရိကန်ကနေ ပြန်လာတဲ့ ခရီးသွားတစ်ဦး ​ဖြစ်ပါတယ်။ သူဟာ AstraZeneca ကာကွယ်ဆေးနှစ်ကြိမ် ထိုးထားပြီးသားပါ။

    ကျွမ်းကျင်သူတွေက လက်ရှိ ကမ္ဘာတစ်ဝှမ်း အသုံးပြုနေတဲ့ ကိုဗစ်ကာကွယ်ဆေးတွေဟာ ပုံပြောင်းကိုဗစ် Delta ကို ထိထိရောက်ရောက် ကာကွယ်နိုင်ပေမယ့် အဲဒီကနေတစ်ဆင့် ပွားလာမယ့် နောက်ထပ် ပုံပြောင်းဗိုင်းရပ်စ်တွေအပေါ် သက်ရောက်မှုရှိပါ့မလားဆိုတဲ့ စိုးရိမ်မှုတွေလည်း ရှိနေပါတယ်။

    Ref: CNA