နိုဝင်ဘာ ၁၅၊ ၂၀၁၇
M-Media
– ခန္ဓာကိုယ်တွင်းမှာ ဗိုက်တာမင် D ဓာတ် ချို့တဲ့တာဟာ ကျောက်ကပ်အလုပ်မလုပ်မှု အန္တရာယ်ကို မြင့်တက်စေနိုင်တယ်လို့ အမေရိကန်ပြည်ထောင်စု Johns Hopkins တက္ကသိုလ်မှာ ပြုလုပ်တဲ့ လေ့လာမှုအသစ်တစ်ခုမှာ တွေ့ခဲ့ရပါတယ်။
အထူးသဖြင့် အရေပြားလေးဘက်နာ (SLE) ရောဂါ ခံစားနေရတဲ့ လူနာတွေမှာ ဗိုက်တာမင် D ဓာတ် ချို့တဲ့ပြီဆိုရင် ခန္ဓာကိုယ်အတွင်းပိုင်းက ကလီဇာတွေ ပျက်ဆီးတာ၊ ကျောက်ကပ်ပျက်ဆီးတာ စတဲ့ ရောဂါတွေ ဖြစ်ပွားနိုင်တဲ့အန္တရာယ် ပိုမိုမြင့်တက်လာနိုင်တာပါ။
SLE ရောဂါဖြစ်ရင် နောက်ဆက်တွဲအဖြစ် နှလုံးသွေးကြောရောဂါ၊ ခုခံအားဆိုင်ရာ ပြဿနာ၊ အဆုတ်နဲ့ ကျောက်ကပ်တွေလို ခန္ဓာကိုယ်မှာ အရေးပါတဲ့ အစိတ်အပိုင်းတွေကို ထိခိုက်တာမျိုးတွေ ဖြစ်လာနိုင်ပါတယ်။
လေးဘက်နာရောဂါသည်တွေမှာ ဗိုက်တာမင် D ဓာတ် ချို့တဲ့လေ့ရှိပြီး တက္ကသိုလ်က ဒေါက်တာ ပီထရီနဲ့ အဖွဲ့ဟာ အရေပြားလေးဘက်နာ ရောဂါသည်တွေမှာ ဗိုက်တာမင် D ရဲ့ အရေးပါမှုကို ဆန်းစစ်ခဲ့ကြပါတယ်။
အမျိုးသမီး ၉၂ ရာခိုင်နှုန်းပါဝင်တဲ့ လေးဘက်နာ လူနာဟောင်း ၁၃၉၂ ဦးရဲ့ ဆေးမှတ်တမ်းကို လေ့လာခဲ့တာဖြစ်ပြီး ပထမဆုံး ဆရာဝန်ကို လာပြစဉ်မှာ ခန္ဓာကိုယ်တွင်း အင်္ဂါတွေရဲ့ အခြေအနေနဲ့ နောက်ပိုင်း ရောဂါဆိုးဝါးလာတဲ့အချိန် အခြေအနေတွေကို နှိုင်းယှဉ်ခဲ့ကြတာပါ။ ဒီအထဲမှာ အသက်အရွယ်၊ လိင်နဲ့ မျိုးရိုးနောက်ခံ အကြောင်းအရာတွေကိုလည်း ထည့်တွက်ခဲ့ကြပါတယ်။
အဲဒီလေ့လာမှုအရ ဗိုက်တာမင် D တော်တော်လေးနည်းတဲ့ လေးဘက်နာလူနာတွေမှာ ကျောက်ကပ်ပျက်ဆီးမှုအန္တရာယ် မြင့်မားတာကို တွေ့ရပြီ၊ အဲဒီလူနာတွေဟာ အသားအရေပျက်ဆီးမှု၊ ခန္ဓာကိုယ်အတွင်း အခြားသော အင်္ဂါတွေပျက်ဆီးမှု အန္တရာယ်လည်း မြင့်မားပါတယ်။
ဒါကြောင့် လေးဘက်နာသမားတွေမှာ ကျောက်ကပ်ပြဿနာကို တားဆီးဖို့အတွက် ဗိုက်တာမင် D ဖြည့်စွက်မှုကို ပြုလုပ်ရမှာဖြစ်ပြီး ဒါဟာ သွေးခဲပိတ်တာ၊ နှလုံးသွေးကြောရောဂါတွေ သက်သာစေဖို့ အထောက်အကူဖြစ်စေတယ်လို့ အဖွဲ့ခေါင်းဆောင် ဒေါက်တာ ပီထရီက ပြောကြားခဲ့ပါတယ်။
လက်ရှိမှာ သူတို့ရဲ့ တွေ့ရှိချက်တွေကို ကယ်လီဖိုးနီးယားပြည်နယ် ဆန်ဒီယေဂိုမှာ ကျင်းပပြုလုပ်တဲ့ American College of Rheumatology/Association of Rheumatology Health Professionals (ACR/ARHP) အဖွဲ့ ညီလာခံမှာ ဒေါက်တာပီထရီက တင်သွင်းခဲ့ပါတယ်။
Ref: Medical News Today
