News @ M-Media

Category: ဆောင်းပါး

  • တကျော့ပြန် တက်ဘုန်းကြီး (The Mad Monks of Myanmar)

    ဇူလိုင်-၉၊၂၀၁၃
    မူရင်းဆောင်းပါးThe Diplomat
    ဘာသာပြန်- မြင့်မိုရ်မောင်မောင်

    ယနေ့မြန်မာပြည်မှာ အရှိန်မြှင့်နေတဲ့ မွတ်စ်လင်မ်ဆန့်ကျင်ရေး ၉၆၉ လှုပ်ရှားမှုနဲ့ပတ်သက်ပြီး ဒီပလိုမက် thedipplomat.com အဖွဲ့က တိကျမှန်ကန်တဲ့ဓာတ်ပုံ အထောက်အထား တစ်ချို့ကို သုံးလို့ ဓာတ်ပုံဆောင်းပါး – photo essay တစ်ပုဒ် တင်ဆက်လိုက်ပါတယ်။

    ၉၆၉ လှုပ်ရှားမှုရဲ့ မီးမွှေးခြင်းကြောင့် မွတ်စ်လင်မ်ဆန့်ကျင်ရေးလှိုင်းဂယက် ကြီးထွားမြင့်တက်လာရတဲ့ တိုင်းပြည်ဟာ မြန်မာနိုင်ငံ ဖြစ်နေပါတယ်။ ဒီဂဏန်းနံပါတ်က ဗုဒ္ဓဘာသာရဲ့ရတနာသုံးပါးဖြစ်တဲ့ ရှင်တော်ဗုဒ္ဓရဲ့ ဂုဏ်တော် ၉ ပါး၊ ဓမ္မဂုဏ်တော် ၆ ပါး၊ သံဃာ့ဂုဏ်တော် ၉ ပါး ဆိုတဲ့ ဂုဏ်တော်ပေါင်း ၂၄ ပါးကို အခြေတည်ထားတယ်လို့ ဆိုကြတယ်။

    ဗုဒ္ဓဘာသာဝင်အများစုပါဝင်နေတဲ့ မြန်မာအမျိုးသားရေးဝါဒီတွေရဲ့ဖန်တီးမှုကြောင့် ဒီဂဏာန်းနံပါတ်က ဘာသာရေးအရ ခွဲခြားရာသင်္ကေတ အသွင်ဆောင်လာပါတယ်။ ချိုးနှိမ်ဆက်ဆံမှု နဲ့ အကြမ်းဖက်မှု နှစ်မျိုးလုံးဆီ ဦးတည်သွားစေခဲ့တယ်။ သမ္မတဦးသိန်းစိန်လက်အောက်ရှိ အစိုးရပင်လျှင် မွတ်စ်လင်မ်ဆန့်ကျင်ရေးအတွက် ရပ်တည်ပေးနေရော့သလားလို့ အငြင်းပွားစရာ ဆောင်ရွက်ချက်တွေရှိနေပါတယ်။ လူနည်းစုရိုဟင်ဂျာမွတ်စ်လင်မ်တွေကို နိုင်ငံကနေ ဖယ်ထုတ်လိုမှု ကနေ အဲ့ဒီလူမျိုးစုတစ်ရပ်တည်းအပေါ်မှာ ကလေးနှစ်ဦးသာယူစေတဲ့ လက်မခံချင်စရာမူဝါဒ ကိစ္စတွေအထိ ဖြစ်တယ်။

    တိုင်းပြည်ရဲ့ပင်မလမ်းကြောင်းထဲမှာ ဒီလှုပ်ရှားမှုကို လက်သိပ်ထိုးလက်ခံလာတာနဲ့အမျှ ဗုဒ္ဓဘာသာဝင်သံဃာတစ်ဦးဖြစ်တဲ့ အရှင်ဝီရသူဟာ ကျော်စောထင်ရှားလာပြီး၊ တရားမ၀င်နိုင်ငံ့ခေါင်းဆောင်နေရာကို တမဟုတ်ချင်း ရောက်လာပါတော့တယ်။ နီညိုရောင်သင်္ကန်းနဲ့ ဦးဝီရသူရဲ့ပုံဟာ ဇူလိုင်လထုတ် တိုင်းမ်မဂ္ဂဇင်းမျက်နှာဖုံးပေါ် “The Face of Buddhist Terror” စာသားနဲ့အတူ ဖော်ပြခံရတယ်။ ဒါကို မြန်မာပြည်က လူတော်တော်များများကို ဒေါသထွက်စေခဲ့တယ်။ တစ်ဆက်တည်းမှာဘဲ ဒီတိုင်းပြည်ထဲက ဘာသာရေးတင်းမာမှုတွေကို နိုင်ငံတကာက အာရုံထားနေကြောင်း သိမြင်သွားခဲ့ကြတယ်။

    004-inside969-443x295

    ဒီဆောင်းပါးမှာပါတဲ့ ပထမဆုံးဓာတ်ပုံဟာ နိုင်ငံတကာသတင်းခေါင်းကြီးပိုင်းရောက် ဦးဝီရသူကို မန္တလေးက သူ့ကျောင်းတိုက်မှာ ထောက်ခံသူများက ကြိုဆိုနေကြတဲ့ပုံပါ။ သူဟာ လူမှုကွန်ရက်တွေအပေါ် ၉၆၉ လှုပ်ရှားမှုကို ထင်ထင်ရှားရှား မြှင့်တင်သူဖြစ်လို့ “မြန်မာဘင်လာဒင်” ဆိုပြီး အဖန်တလဲလဲ ဖော်ပြခံရသူ ဖြစ်တယ်။ ၉၆၉ နံပါတ်ကို နိုင်ငံတစ်ဝှန်းက လမ်း၊ အငှားယာဉ်၊ ဆိုင်ခန်းအ၀င်ဝ နဲ့ ကွမ်းယာဆိုင် အစရှိတဲ့ နေရာတိုင်းမှာ တွေ့နိုင်ပါတယ်။ ဂဏာန်းနံပါတ်တွေအပေါ် အစွဲကြီးလှတဲ့နိုင်ငံမှာ ဗုဒ္ဓ၀ါဒ နဲ့ ဗုဒ္ဓသွန်သင်မှုကို ပြန်လည်ဖော်ဆောင်ရေး ဆိုပြီး ဒီနံပါတ်နဲ့ ကိုယ်စားပြုဖော်ဆောင်လိုက်တာလို့ ဆိုကြတယ်။ ဒါပေမယ့် လက်တွေ့မှာကျတော့ လူတွေကို ဦးနှောက်ဆေးကြောပြီး ဘာသာရေးအာဃာတ နဲ့ အစွန်းရောက်မှုဖြစ်အောင် မောင်းနှင်နေတဲ့ ယန္တရားတစ်ခုသာ ဖြစ်တဲ့အတွက် ကျယ်ကျယ်ပြန့်ပြန့် ရှုတ်ချမှု ခံရခြင်း ဖြစ်တယ်။
    006-inside969-
    “ တကယ်လို့ မြန်မာတွေအနေနဲ့ ငြိမ်းငြိမ်းချမ်းချမ်းနေလိုရင် ဗုဒ္ဓဘာသာဝင်တွေနဲ့မွတ်စ်လင်မ်တွေကို သီးသန့်စီ နေခိုင်းမှရမယ် ” လို့ ကျွန်တော်တို့ သတင်းဌာနကို ဦးဝီရသူက ပြောခဲ့ပါတယ်။ သင်္ကန်းခြုံထားတဲ့သံဃာ ဦးဝီရသူကို ရှေးဟောင်းမင်းနေပြည်တော် မန္တလေးမြို့က သူ့ရဲ့ မစိုးရိမ်ကျောင်းတိုက်မှာ ကျွန်တော်တို့ တွေ့ဆုံစဉ်က သူဟာ စာမေးပွဲတစ်ခုကို ကြီးကြပ်နေချိန် ဖြစ်တယ်။

    သူ့ရဲ့ရုံးခန်းဧည့်ဆောင်နံရံပေါ်မှာ သူ့ရဲ့ဧရာမပုံတူပန်းချီကားကို ချိတ်ဆွဲထားတယ်။ အပြင်ဖက်မှာတော့ ထိုင်းနိုင်ငံ တောင်ပိုင်း ဒေသ နှင့် – မြန်မာနိုင်ငံ အနောက်ပိုင်း ရခိုင်ပြည်နယ် (လူမျိုးရှင်းလင်းရေးလုပ်ခံနေရတဲ့ လူနည်းစုရိုဟင်ဂျာမွတ်စ်လင်မ်နေထိုင်ရာ ဒေသ) က  ဗုဒ္ဓဘာသာဝင်တွေ ရဲ့ လောင်ကျွမ်းထားတဲ့ ရုပ်အလောင်းပုံကို ဖော်ပြထားတဲ့ ပလပ်စတစ်ကားချပ်တွေကို တွေ့ရပါတယ်။

    နာမည်ဆိုးနဲ့ကျော်ကြားနေတဲ့ အဲ့ဒီသံဃာတော်ဟာ သူ့အသက် ၄၆ နှစ်ထက်ကို အရွယ်တင်နုပျိုနေပါတယ်။ သူက အေးတိအေးစက် လေပြည်လေးနဲ့ဒီလိုဆိုပါတယ် “ မွတ်စ်လင်မ်တွေက ပင်ကိုယ်အားဖြင့် ဆိုးသွမ်းကြတယ်။ သတ္တ၀ါတွေကို သတ်ဖြတ်ဖို့ (တမန်တော်)မုဟမ္မဒ်က သူတို့အပေါ် ညွှန်ကြားထားတယ်လေ။ အစ္စလာမ်ဆိုတာ သူခိုးတွေရဲ့ ဘာသာဖြစ်တယ်။ သူတို့ဟာ ငြိမ်းချမ်းရေးကို မလိုလားကြဘူး ”။

    သူ့ရဲ့မတည်ငြိမ်တဲ့ ပရမ်းပတာလူမျိုးကြီးစကားတွေက YouTube နဲ့ အင်တာနက်လူမှုကွန်ယက်တွေပေါ်မှာ အလွန်ပဲ ပျံနှံ့နေပါတယ်။ လူထောင်ပေါင်းများစွာ ကလည်း တွေ့မြင်ကြည့်ရှုထားကြပြီးဖြစ်ပါတယ်။ ၂၀၀၃ ခုနှစ်က မွတ်စ်လင်မ် ဆန့်ကျင်ရေး အမုန်းတရားလှုံ့ဆော်ချက်အတွက် သူဟာ ထောင်ဒဏ် ၂၅ နှစ် ချမှတ်ခံရတယ်။ ၂၀၁၀ ခုနှစ် နိုင်ငံရေး အကျဉ်းသားတွေကို လွတ်ငြိမ်းချမ်းသာခွင့်ပေးစဉ် အတူရောပြီး လွတ်မြောက်လာခဲ့တယ်။ ၂၀၁၁ ခုနှစ်၊ မတ်လကစလို့ အာဏာရလာတဲ့ စစ်တပ်တစ်ပိုင်းအရပ်သားတစ်ပိုင်းအစိုးရက နိုင်ငံရေးပြုပြင်ပြောင်းလဲမှုတွေကို အများအသိအမှတ်ပြုအောင် ဆောင်ရွက်ခဲ့တယ်။ အဲ့ဒီဖော်ဆောင်မှုတွေထဲက လွတ်လပ်စွာ သွားလာပြောဆိုခွင့်နဲ့အတူ ဦးဝီရသူက ပြန်လည်ခေါင်းထောင်လာခဲ့တယ်။

    010-inside969
    မန္တလေးမြို့ ဂျွန်းဗလီတွင် အစ္စလာမ်ဘာသာရေးစာသင်ကြားနေသော မွတ်စလင်မ် ကလေးငယ်များ

    မြန်မာနိုင်ငံရဲ့တရားဝင်ထုတ်ပြန်ချက်အရ နိုင်ငံ့လူဦးရေ ၅၅ သန်းမှာ အစ္စလာမ်ဘာသာဝင်များက ၄ ရာခိုင်နှုန်းသာ ရှိတယ်တဲ့။ ဒါပေမယ့် ၉၆၉ အဖွဲ့သားများစွာကတော့ ၂၄ ရာခိုင်နှုန်းအထိ ရှိနေတယ်လို့ ဆိုကြတဲ့အခါ မခန့်မှန်းတတ်အောင် ဖြစ်သွားရတယ်။ မြန်မာနိုင်ငံဟာ နိုင်ငံတကာက အစ္စလာမ်နိုင်ငံများရဲ့ လျှို့ဝှက်ကြံစည်မှု သားကောင်ဘ၀ ရောက်နေရပါတယ်ဆိုပြီး အဲ့ဒီအဖွဲ့သားတွေဆီမှာ အသိသွင်းခံထားကြရတယ်။ သူတို့အမြင်ရှုထောင့်မှာ လူနည်းစု မွတ်စ်လင်မ်တွေက ဆော်ဒီအာရေဗျတွေလို နိုင်ငံများထံကနေ စာနာထောက်ပံ့ရေးရံပုံငွေတွေ မရိုးသားတဲ့နည်းနဲ့ရယူနိုင်ဖို့ အဓိကရုဏ်းဖြစ်လာအောင် အကွက်ချဖန်တီးလိုက်တာပါတဲ့။ အောက်ဖော်ပြပါစကားက ဒီသဘောကို ဖော်ပြနေပါတယ်။

    “ ခင်ဗျားတို့က ရေခဲပြင်ရဲ့အစွန်းအစ(အပေါ်ယံ)ကိုသာ မြင်နေကြတာကိုး။ ဒီမှာရှိတဲ့မွတ်စ်လင်မ်တွေကို အာရပ်နိုင်ငံ ၅၈ ခုထက်မက ကျောထောက်နောက်ခံပြုပေးထားကြတယ်။ သူတို့ကိုပိုက်ဆံပေးနေကြတဲ့ နိုင်ငံတွေ များသထက် များပြားလာနေတယ် ”။

    017-inside969
    မိတ္ထီလာမြို့တွင် အကြမ်းဖက်ဖျက်ဆီးခံလိုက်ရတဲ့ နေအိမ်မှအပျက်အစီးများ ရှင်းလင်းနေသည့် မွတ်စလင်မ်တဦး

    မြန်မာမွတ်စ်လင်မ်ကွန်ရက်ရဲ့ပြောရေးဆိုခွင့်ရှိသူ ဦးမျိုးဝင်းရဲ့အဆိုအရ – မွတ်စ်လင်မ်တွေဟာ မြန်မာနိုင်ငံလူဦးရေ စုစုပေါင်းရဲ့ ၈ % ကနေ ၁၀ % အတွင်းမှာသာရှိတဲ့အကြောင်း မွတ်စ်လင်မ်အဖွဲ့အစည်းများက ခန့်မှန်းထားကြတယ်။ သူအိမ်ပြန်ရောက်ပြီး သုံးလအလွန်မှာ လူ ၄၄ ဦး(အများစု မွတ်စ်လင်မ်) အသက်ဆုံးရှုံးရတဲ့ ပထမဆုံး တိုက်ခိုက်မှု ဖြစ်ပွားခဲ့တယ်။ အဲ့ဒီအကြမ်းဖက်မှုကြီးအတွင်း မိတ္ထီလာမြို့ရဲ့ရပ်ကွက်တွေဟာ မြေပုံထဲကနေ ဖယ်ရှားခံလိုက်ရတယ်။ မီးလောင်ကျွမ်းပျက်စီးနေတဲ့ ကွင်းပြင်တွေအဖြစ်သာ ကျန်ရစ်ခဲ့ရတယ်။

    018-inside969
    မိတ္ထီလာမှ အကြမ်းဖက်မီးရှို့ခံရသည့် အိမ်မှ မီးလောင်ပျက်ဆီးသွားသော အစ္စလာမ်ဘာသာအကြောင်း အူရဒုဘာသာဖြင့် ရေးသားထားသည့် စာအုပ်အပိုင်းအစ

    သုံးရက်အတောအတွင်းမှာပဲ အဆောက်အဦ ၈၂၀ ထက်မနည်း ဖျက်ဆီးခံရတယ်လို့ လူ့အခွင့်အရေးစောင့်ကြည့်လေ့လာမှုအဖွဲ့က ဆိုပါတယ်။ သစ်ပင်တွေဟာလည်း မီးလောင်ကျွမ်း၊ တစ်ချိန်ကရှိခဲ့တဲ့ အိမ်တွေဟာလည်း အုတ်တုံးနဲ့သံတိုသံစ ပင်လယ်ပြင် အသွင်ဆောင်နေပါတော့တယ်။ ဗလီဝတ်ကျောင်းတွေကလည်း ခုချိန်ထိ ပြန်လည် မဖွင့်လှစ်နိုင်ကြသေးဘူး။ ရဲဝန်ထမ်းတွေရဲ့ တင်းကြပ်တဲ့ကာကွယ်မှုအောက်က ဒုက္ခသည်စခန်း ၅ ခုမှာ ဒုက္ခသည်ပေါင်း တစ်သောင်းနှစ်ထောင်လောက် အကွဲကွဲအပြားပြား ရှိနေကြဆဲ။ မေလကုန်ပိုင်းကျတော့ အဲ့ဒီ အရေးအခင်းမှာ ပါဝင်ပတ်သက်တယ်ဆိုပြီး မွတ်စ်လင်မ် ၇ ဦးကို ကြီးလေးတဲ့ပြစ်ဒဏ် ချမှတ်စီရင်ခဲ့ကြတယ်။ (အဲ့ဒီအချိန်အထိ) ဗုဒ္ဓဘာသာဝင် တစ်ဦးကိုမှ အရေးယူတာ မတွေ့ခဲ့ရဘူး။ အဲ့ဒီနေ့မှာဘဲ လုံခြုံရေးပေးထားတဲ့ ဒေသတွင်းက မွတ်စ်လင်မ်လူ့အဖွဲ့အစည်းတွေကို ပထမဦးဆုံးအကြိမ် ပြန်ခွင့်ပြုလိုက်တယ်။ မိမိတို့နေရပ်က အပျက်အစီးတွေရှင်းလင်းဖို့ရယ်၊ အဖျက်ဆီးမခံရတဲ့အရာတွေ ပြန်လည် ရယူနိုင်ဖို့အတွက်ပေါ့။

    030-inside969

    ဗုဒ္ဓဘာသာဝင်နဲ့မွတ်စ်လင်မ်တို့အကြား ကြီးထွားလာတဲ့ ပဋိပက္ခကို အဖြေရှာရေးဆိုပြီး ရန်ကုန်မြို့ဆင်ခြေဖုံးရဲ့ ဘုန်းတော်ကြီးကျောင်းတစ်ခုမှာ သံဃာတော် အပါး ၂၀၀ ကျော်ပါဝင်တဲ့အစည်းအဝေးတစ်ရပ် ပြုလုပ်ခဲ့ကြတယ်။ ဦးဝီရသူ (အလယ်ပုံ) နဲ့ ဦးဝိမလ(၀ဲဖက်)က ခေါ်ယူစုရုံးခဲ့တာဖြစ်တယ်။ အဲ့ဒီစည်းဝေးပွဲဟာ ပဋိပက္ခဆိုင်ရာများကို အဖြေရှာကြိုးပမ်းခြင်းဆိုတာထက် များမကြာမီ အစိုးရဆီတင်ပြမယ့် ဘာသာခြားထိမ်းမြားမှုပိတ်ပင်ရေးဆိုတဲ့ ၉၆၉ လှုပ်ရှားမှုတစ်ရပ်ကို ထပ်တိုးလုပ်ဆောင်ဖို့သာ ဖြစ်နေတယ်လို့ ပြည်တွင်း၊ ပြည်ပမီဒီယာများက ဆိုပါတယ်။

    စင်္ကာပူက ဥပဒေပြဋ္ဌာန်းချက်ကိုမှီးပြီး မွတ်စ်လင်မ်အမျိုးသားများ နဲ့ ဗုဒ္ဓဘာသာဝင်အမျိုးသမီးများ ထိမ်းမြားရေးကို ပိတ်ပင်တားမြစ်စေလိုတဲ့ ဥပဒေပြုဖို့ စီမံချက်တစ်ခုပါ။ ဥပဒေကြမ်းမှာဖော်ပြထားတာက မွတ်စ်လင်မ်တွေအဖို့ အဲ့ဒီလို ပေါင်းဖက်ချင်ယင် သက်ဆိုင်ရာဒေသအာဏာပိုင်များရဲ့ ခွင့်ပြုချက်ကို ရယူရမယ်လို့ ဆိုထားပါတယ်။

    “ မွတ်စ်လင်မ်အမျိုးသားတွေက သူတို့ရဲ့မျိုးပွားရေးအတွက် ဆင်းရဲတဲ့ဗုဒ္ဓဘာသာအမျိုးသမီးတွေရဲ့မေတ္တာကို ရယူတဲ့နည်းနဲ့ ကြိုးပမ်းနေကြတယ်။ သူတို့ ကလေးတွေ အများကြီး မွေးကြလို့ သူတို့လူဦးရေ အဆမတန် များပြားလာတယ်။ အလွှမ်းမိုးမခံရအောင် မိမိကိုယ်ကိုကာကွယ်ဖို့ တာဝန်ရှိတယ် ” ဆိုပြီး ဦးဝိမလ (၄၁ နှစ်)က အဲ့ဒီ ဥပဒေမူကြမ်းကို ထောက်ခံပြောဆိုခဲ့တယ်။

    046-inside969-
    မန္တလေးမြို့မှ တရားပွဲတခုတွင်

    ဦးဝီရသူရဲ့နောက်လိုက်များဟာ မီးရောင်တွေ၊ အပြင်အဆင်တွေ ခမ်းခမ်းနားနားရှိတဲ့နေရာမှာ သူ့မိန့်ခွန်းကို စုရုံးနားဆင်ခဲ့ကြတယ်။ သူ့ဟောပြောမှုကို ပိတ်ကားကြီးတစ်ချပ်နဲ့လည်း တစ်ပြိုင်တည်း ထုတ်လွှတ်ပြသထားပါသေးတယ်။ သူ့ဟောပြောမှုဟာ ၂ နာရီနီးပါးကြာမြင့်ပြီး၊ ဟောပြောချက်ရဲ့ ၇၀ % လောက်က မွတ်စ်လင်မ်ဆန့်ကျင်ရေးများသာဖြစ်တဲ့အကြောင်း တက်ရောက်သူတစ်ဦးက The Diplomatic ကို ပြောပြခဲ့ပါတယ်။

    ဦးဝီရသူမှ ဟောပြောနေစဉ်မှာပဲ မကွာဝေးလွန်းလှတဲ့ ဓမ္မသာလခန်းမမှာ ပြည်တွင်းအဖွဲ့အစည်းနဲ့လူမှုအဖွဲ့အစည်းလှုပ်ရှားသူအများအပြားက ငြိမ်းချမ်းရေးခြေလှမ်းတစ်ရပ်အတွက် စုစည်းနေခဲ့ကြတယ်။ ဘာသာပေါင်းစုံက လူပေါင်း ၂၀၀၀ နီးပါးတက်ရောက်လာကြပြီး ဘာသာတရားအချင်းချင်း အပြန်အလှန်နားလည်မှုဆိုင်ရာ ပြောကြားချက်များကို နာယူခဲ့ကြလေရဲ့။

    လွန်ခဲ့တဲ့ ရက်သတ္တပတ် အလျင်က ဘာသာရေးအကြမ်းဖက်မှုကောလဟလတွေကြောင့် မိဘတွေက ကလေးတွေကို စာသင်ကျောင်းတွေကနေ ပြန်ခေါ်သွားခဲ့ကြတယ်။ အဲဒါကြောင့် ပဋိပက္ခများကြိုတင်တားဆီးရေးကော်မတီက ကနဦးခြေလှမ်းကို စတင်ဦးဆောင်ခဲ့တာပါ။

    Photo Credit-The Diplomat

    **thedipplomat တွင်ဖော်ပြထားသည့် The Mad Monks of Myanmar ဆောင်းပါးကို(မြင့်မိုရ်မောင်မောင်) ဆီလျော်အောင် မြန်မာလိုပြန်ဆိုပါသည်။

  • ဂုဏ်အယူရဆုံး ခွဲစိတ်မှု

    2012 January 1965 batch IM 1 students reunion တွင် စာပေစိစစ်ရေးမတင်ဘဲ ပုံနှိပ်ထုတ်ဝေခဲ့သော အမှတ်တရစာအုပ်မှ OG Dr Daw Khin Win Kyu ၏ဆောင်းပါး

    Daw Su 3

    ၁၉-၉-၂၀၀၃ခုနှစ်(သောကြာနေ့) ဒီရက်ကိုတော့ ကျွန်မတစ်သက် ဘယ်တော့မှမေ့နိုင်တော့မည် မထင်ပါ။ ကျွန်မအတွက် ထူးထူးခြားခြား ရင်တွေခုန်ရသောနေ့ စိတ်လှုပ်ရှားရသောနေ့လေးတစ်နေ့ဖြစ်ပါသည်။ မီးယပ်သားဖွား အထူးကုဆရာဝန်တစ်ယောက်အဖြစ် အနှစ်(၂၀)ကျော် လူနာများကို ခွဲစိတ်ပေးခဲ့ရသော သက်တမ်းတစ်လျောက် ဒီနေ့လောက် ခွဲရမည့်လူနာအရေးတွေးပြီး စိတ်မလှုပ်ရှားခဲ့ဖူးပါ။ သူမအား ခွဲပေးရမည်ကို စသိသည့်နေ့မှစ၍ ခွဲစိတ်မှု အောင်မြင်ဖို့ ကိုလည်း
    နေ့တိုင်း အချိန်ပြည့် ဆုတောင်းနေမိပါသည်။အဘယ်ကြောင့်မူ ကျွန်မခွဲပေးရမည့်သူကတော့ မြန်မာသိ၊ ကမ္ဘာသိဖြစ်ပြီး နိုင်ငံဂုဏ်ကို မြှင့်တင် ပေးခဲ့သော ကမ္ဘာ့ငြိမ်းချမ်းရေး နိုဘယ်ဆုပိုင်ရှင် ဒေါ်အောင်ဆန်းစုကြည်ပင် ဖြစ်ပါသည်။

    ကျွန်မတို့ မြန်မာ နိုင်ငံရဲ့ လွတ်လပ်ရေးဖခင်ကြီး ဗိုလ်ချုပ်အောင်ဆန်း၏သမီးဖြစ်သူ အစ်မဒေါ်အောင်ဆန်းစုကြည်ကို မခွဲစိတ်မီ တစ်ရက်အလိုမှ ကျွန်မက မမအားတွေ့ဆုံခွင့်ရခဲ့ပါသည်။ ကျွန်မတို့ ခွဲစိတ်မည့် team တစ်ခုလုံးနှင့် မမ တွေ့ဆုံခဲ့ရတာပါ။ မမက ရန်ကုန်မြို့ရှိ ပုဂ္ဂလိကဆေးရုံ အာရှတော်ဝင်(၉)ထပ်ရှိ အခန်း(၉)တွင် တက်ရောက်ခဲ့ပါသည်။ ယခုကိုယ်တိုင်တွေ့ကာ စကားပြောခွင့်ရခဲ့ရာတွင် ကျွန်မ သတိထားမိသည်မှာ ဖခင် ဗိုလ်ချုပ်အောင်ဆန်းနှင့် အလွန်တူပြီး စကားပြောရာတွင် လိုရင်းတိုရှင်း ချက်ချက်ချာချာရှိကာ ပညာတတ် ပီသလှပါသည်။

    တိုးတက်အောင်မြင်နေသော အနောက်နိုင်ငံကြီးများတွင် ဆေးကုသမှုခံယူလျှင် အစစအရာရာ သာလွန် ကောင်းမွန်မှန်းသိသော်လည်း မြန်မာပြည်အရေးအတွက် သူမမှာ သမိုင်းပေးတာဝန်များစွာရှိနေသဖြင့် ပြည်တွင်းမှာပင် ဆေးကုသမှုခံယူရန် မမက ဆုံးဖြတ်ခဲ့သည်ကိုလည်း ကျွန်မ နားလည်မိပါသည်။ ထို့အပြင် မြန်မာပြည်တွင် ကျွန်မထက် များစွာဆေးပညာရော၊ experience ပါ သာလွန်သော၊ ကျွမ်းကျင်စွာ ခွဲစိတ်နိုင်သော ဆေးပညာရှင် ပါရဂူကြီး အများအပြားရှိပါလျက် ကျွန်မကိုမှ ယုံကြည်စွာ ခွဲစိတ်ပေးပါရန် တောင်းဆိုခံရခြင်းအတွက် ကျွန်မမှာ လွန်စွာကြည်နူးဂုဏ်ယူခဲ့ရပါသည်။ ထိုခဏတွင်ပင် ကျွန်မမိဘနှစ်ပါးနှင့်ဆရာသမားအားလုံးကိုလည်း
    သတိတရ ကျေးဇူးတင်မိပါသည်။ ကျွန်မကလည်း အစွမ်းကုန် ကြိုးစားလုပ်ဆောင်မည်ဟု သန်္နိဌာန် ချလိုက်ပါတော့သည်။ ရှေးရေစက်ကြောင့်သာ ကျွန်မက မမကို ခွဲစိတ်ကုသပေးခွင့်ရခြင်း ဖြစ်မည်ထင်ပါသည်။

    Operation တိုင်း၌ Unexpected complications မမျှော်လင့်သော ခက်ခဲမှုဆိုတာ ရှိတတ် မှန်းသိနေသော ကျွန်မအဖို့ အထင်ကရ မမလို patient တစ်ယောက်ကို operation လုပ်ရတော့မှာ ဆိုတော့ ပိုပြီးစိတ်ပူ၊ ရင်ပူမိတာ အမှန်ပါ။ ထိုစဉ်က မမသည် “ဒီပဲယင်း” အရေးအခင်းအပြီး အကျယ်ချုပ်ကျ နိုင်ငံရေးသမားဘ၀၊မည်သူနှင့် မျှ တွေ့ဆုံစကားပြောခွင့် မရ၊ မြန်မာနှင့်ကမ္ဘာကလည်း မမကို လွတ်မြောက်စေချင်သော ဆန္ဒအပြည့်နှင့် မမအား မျက်စိဒေါက်ထောက် ကြည့်နေကြသော အချိန်ကာလ၊ မမ တစ်ခုခုဖြစ်သွား၍မရ၊ မမကို သြဇာအာဏာရှိသော မျိုးချစ်ခေါင်းဆောင် ဖြစ်စေချင်နေတာက လူအများစုရဲ့ဆန္ဒ၊ ဒီလိုပုဂ်္ဂိုလ်မျိုးကို ခွဲစိတ်ကုသပေးရမည့်ကိစ်္စမှာ ကျွန်မအတွက် အလွန်ကြီးလေးသော တာဝန်တစ်ခု
    ဖြစ်ပါသည်။ ထို့ကြောင့် ခွဲစိတ်ရမည်ကို စသိသည့်နေ့မှစ၍ ခွဲစိတ်ကုသမှု ချောမောအောင်မြင်၍ မမကျန်းကျန်းမာမာရှိနေစေရန် နေ့စဉ်ဆုတောင်းပေးလျက်နေမိပါသည်။

    ၂၀၀၃ ခုနှစ်၊ စက်တင်ဘာလ (၁၉)ရက်နေ့နံနက် မမကို အာရှတော်ဝင်ဆေးရုံ၌ ခွဲစိတ်ရန် အိမ်မှ မထွက်ခွာမီကပင်၊ MBBS နောက်ဆုံးနှစ်အပိုင်း(ခ)စာမေးပွဲ
    ဖြေရစဉ်နှင့်ထပ်တူ ရင်တုန်နေမိခဲ့ပါသည်။ ခင်ပွန်းဖြစ်သူအားလည်း ခွဲစိတ်မှုအခက်အခဲမရှိ၊ ပြီးဆုံးအောင်မြင်ရန် ဆုတောင်းပေးနေပါဟု မှာခဲ့ပါသည်။ ကျွန်မအား မကြောက်မရွံ့ ခွဲစိတ်ကုသရန်၊ နိုင်ငံရေးစိတ်အပြည့်နှင့် အားပေးခဲ့သော ခင်ပွန်းသည်ကိုလည်း ကျေးဇူးတင်မိပါသည်။

    ဒေါ်အောင်ဆန်းစုကြည်အား ခွဲစိတ်သည့်အချိန်က Asia Royal Operation Theatre အတွင်းရှိ ကျွန်မတို့ Surgical team အားလုံး ( Surgeon ကျွန်မ၊ First Assitant Surgeon ဒေါက်တာဦးတင်မျိုးဝင်း၊ Second Assitant Surgeon ဒေါက်တာပြုံးမိုအိ၊မေ့ဆးဆရာဝန်ကြီး ဒေါက်တာ ဦးဟုတ်ဝမ်၊ ဆရာကြီး၏သမီး မေ့ဆေးအကူဒေါက်တာကြည်ကြည်ထွန်း၊ သူနာပြုအုပ် အပါအ၀င် သူနာပြုများအားလုံး)၏ စိတ်တွင်း၌လည်း ကျွန်မနှင့်ထပ်တူ စိတ်ပူပန်၍ ခွဲစိတ်မှုအောင်မြင်ဖို့ ဆုတောင်းနေကြမည်မှာ မလွဲပါ။ မမက တိုင်းပြည်ပေါ်ထားသောစေတနာ၊ ကျွန်မတို့က မမအပေါ်ထားသော စေတနာရောင်ပြန်ဟပ် သည်ဟု ထင်မိပါသည်။ ထို့နေ့က ခွဲစိတ်ကုသမှု အခက်အခဲမရှိ ချောမောစွာအောင်မြင်ခဲ့ပါသည်။ ကျွန်မတို့ တစ်ဖွဲ့လုံးသာမက ဆေးရုံတစ်ခုလုံး ၀မ်းသာပျော်ရွှင်ခဲ့ကြပါသည်။ Biopsy result အသားစ စစ်ဆေးမှုကလည်း Malignancy ကင်ဆာမဟုတ်သည့်အတွက် မမဒေါ်အောင်ဆန်းစုကြည် အလွန် ကံကောင်းသည်လို့ ဆိုရပါမည်။

    မမဒေါ်အောင်ဆန်းစုကြည်က ခွဲစိတ်မှုမပြုမီကတည်းက အများတန်းတူ ခွဲစိတ်ခကိုယူပါရန် တောင်းဆို ခဲ့ပါသည်။ ခွဲစိတ်ပြီးသည့်အခါလည်းဒေါက်တာပြုံးမိုအိက Opertion fee ခွဲစိတ်ခဟု ဆိုကာ စာအိတ် တစ်အိတ်ကိုပေးရန် ကြိုးစားခဲ့ပါသည်။ ကျွန်မဘယ်လိုမှ အခကြေးငွေယူရန် စိတ်ကူးထဲမှာပင် မပေါ်ခဲ့ပါ။ ကျွန်မဘက်ကမမလိုကိုယ်ကျိုးစွန့်အနစ်နာခံပြီးတိုင်းပြည်အကျိုးဆောင်ရွက်နေသည့်သူထံမှ ငွေတစ်ပြားတစ်ချပ်မှ ရယူလိုစိတ်မရှိပါ။ ယခုကဲ့သို့ ကုသပေးခွင့်ရသည်ကိုပင် ဂုဏ်ယူဝမ်းသာလှပြီဖြစ်ရာ ထိုစာအိတ်ကို လက်မခံခဲ့ပါ။ နောက်ထပ် မည်သို့ကူညီပေးနိုင်ဦးမလဲဟုသာ စေတနာအပြည့်အ၀နှင့် တွေးဆမိပါသည်။

    ထို့နေ့ ည(၉)နာရီခန့်တွင် ဒေါက်တာတင်မျိုးဝင်းနှင့်အတူ အာရှတော်ဝင်ဆေးရုံတွင် မမကို သွားကြည့်ရာ ကျွန်မမှာ မမအား များစွာကရုဏာသက်မိပါသည်။ မမအနားတွင် သွေးချင်းသားချင်းလည်း တစ်စုံတစ်ယောက်မျှမရှိပါ။ ကုတင်ပေါ်တွင် ပက်လက်လှဲလျောင်းနေသော မမကို ကျွန်မက နေကောင်းပါရဲ့လားဟု မေးရာတွင်
    I feel very uncomfortable ဟုပြန်ဖြေပါသည်။ လက်မှာ drip တန်းလန်း ရှိနေသကဲ့သို့ ဆီးပိုက်တန်းလန်းနှင့်ဖြစ်ပြီး တစ်နေကုန် အစာမစားထားရလျက် အိပ်ဆေးများဒဏ်ကြောင့် မူးဝေနေသည့်အပြင် ခွဲစိတ်ခံထားရသဖြင့် နာကျင်နေမည်မှာမလွဲပေ။ မှန်ပါသည်။ မမခံရခက်နေမှာ အသေအချာပင်။ မမက နာသည်ဟု တစ်ခွန်းမျှ မဆိုပါ။ ကျွန်မ မိန်းမသားချင်း ကိုယ်ချင်းစာနာမိပါသည်။ ခင်ပွန်းနှင့်သားများ အနားမှာ မရှိသကဲ့သို့ ဆွေမျိုးများပင် အနားမှာ မရှိချေ။ ကျွန်မသာဆိုလျှင် မျက်ရည်ဖြိုင်ဖြိုင်ကျလောက်ပေပြီ။ မမကမူ မျက်စိမှိတ်မှိန်းနေရုံသာ ညည်းလည်း
    မညည်းချေ။ ဒေါက်တာ တင်မျိုးဝင်းနှင့်တိုင်ပင်ကာ အနာလည်းသက်သာ စိတ်ဖိစီးမှုလည်းမရဘဲ အိပ်ပျော်နိုင်ရန် Injection pethidine ကို ထိုးပေးခဲ့ပြီး ပြန်လာခဲ့ပါသည်။

    ထိုညက ကျွန်မအိမ်သို့ ညီအစ်ကိုမောင်နှမများ အပြေးအလွှားရောက်လာကြပါသည်။ ကျွန်မက သူတို့ အားဘာမျှတင်ကြိုမပြောထားသော်လည်း ပြင်ပမှသတင်းများကြောင့် ကျွန်မက မမဒေါ်အောင်ဆန်းစုကြည်ကို ခွဲစိတ်ပေးမှန်းသိသွားကြသဖြင့် ကျွန်မအတွက်လည်း ဂုဏ်ယူဝမ်းသာ၊ မမဒေါ်အောင်ဆန်းစုကြည်အတွက် လည်း စိတ်ပူပန်ပြီး ရောက်လာကြခြင်း ဖြစ်ပါသည်။ ကျွန်မသည်လည်း ခွဲစိတ်မှုအားလုံးအနက် မမအား ခွဲစိတ်ပေးသော ခွဲစိတ်မှုသည် ဂုဏ်အယူရဆုံးခွဲစိတ်မှု ဖြစ်ပါသည်။ အသံလွှင့်သတင်းဌာနအချို့၏ ကြေငြာချက်ကြောင့် ၄င်းသတင်းကို သိရှိကြသည့်ဆွေမျိုးတစ်ချို့နှင့် သူငယ်ချင်းတစ်ချို့ကလည်း တယ်လီဖုန်းဖြင့် မေးမြန်းခဲ့ပါသည်။

    ခွဲစိတ်မှုအပြီး (၇)ရက်တိတိ တစ်နေ့လျှင် တစ်နာရီမျှ ဒေါ်အောင်ဆန်းစုကြည်နှင့် စကားပြောခွင့် ရခဲ့ပါသည်။ ခွဲစိတ်မှုအပြီး First post-op day တွင်ပင် မမမှာ အားတက်သရော စကားပြောနိုင်နေပါပြီ။ ဆီးပိုက်၊ drip ပိုက်များဖြုတ်လိုက်ကာရေပတ်တိုက်အပြီးတွင် မမမှာ လန်းဆန်းပြီး လူကောင်းပတိအသွင်ဖြင့် ထထိုင်ကာ စကားများပြော၊ အစာများ စားနိုင်လာပါသည်။ ဆေးရုံမှ သူနာပြုက (Sponging) ကိုယ်ပတ်တိုက် ပေးရန် လာသည့်အခါတွင်လည်း “မမက sponging တို့ nursing care တို့ ကောင်းကောင်းလုပ်တတ်တယ်။ မမခင်ပွန်းနဲ့ ကလေးတွေ နေမကောင်းရင် ကိုယ်တိုင်လုပ်ပေးတာ။ မေမေ့ကိုလည်း မမက လုပ်ပေးခဲ့တာပဲ။ ဆရာမတို့ လုပ်ပေးဖို့
    မလိုပါဘူး” ဟုပြန်ပြောခဲ့ပါသည်။ ဒေါက်တာတင်မျိုးဝင်းရော ကျွန်မတို့အားလုံးကပါ မမမှာ လူနာဖြစ်နေသဖြင့် ကိုယ်တိုင် လုပ်ရန် မသင့်ကြောင်းပြောမှ Sister မှ Sponging လုပ်ပေးသည်ကို လက်ခံပါသည်။ နောက်နေ့မှစကာ တစ်စစ မမ တိုးတက်ရွှင်လန်းလာခဲ့ပါသည်။

    ဆေးရုံပေါ်မှာ ရှိနေစဉ်အတွင်း နိုင်ငံခြားသံရုံးများနှင့် စေတနာရှင်များက သစ်သီးခြင်း၊မုန့်ပုံး စသည်ဖြင့် လက်ဆောင်များပေးပို့ကြပါသည်။ ဆေးရုံအတွင်း ၀င်ခွင့်မရသော အမျိုးသားဒီမိုကရေစီ အဖွဲ့ချုပ်မှ အဖွဲ့ဝင်များ၊ လူငယ်များ၊ ကျောင်းသားကျောင်းသူများက ဆေးရုံပြင်ပတွင်စောင့်ကာ မေတ္တာပို့သကြသကဲ့သို့ စက္ကူငှက်ရုပ်လေးများ
    ချိုးကာသီပြီး မမဆီ ပေးပို့ကြပါသည်။ မမမှလည်း သူ့ကိုပေးသော မုန့်များကိုဆေးရုံအပြင်မှ ပရိသတ်အတွက် ပြန်လည်ဝေငှပေးခဲ့ပါသည်။ သူ ဆေးရုံ တက်နေ
    ရသည့်အခန်းမှာ သာမည ဆရာတော်ကြီး တက်ရောက်သီတင်းသုံးခဲ့ဖူးသည့် အခန်းလည်းဖြစ်ကာ ရွှေတိဂုံစေတီတော်အားလည်း မြင်တွေ့ ဖူးမြော်နိုင်သည့်
    အတွက် သဘောကျကြောင်းလည်း ပြောပြခဲ့ပါသည်။

    မမ ဒေါ်အောင်ဆန်းစုကြည်ကို ခွဲစိတ်ပြီး နောက်ပိုင်းတွင် ကျွန်မမှာ အလွန်မျက်နှာပွင့်လန်းခဲ့ရပါသည်။ ပုဂ္ဂလိကဆေးရုံများသို့ ကျွန်မခွဲစိတ်ထားသော မွေးလူနာများ
    အား ကြည့်ရန်ရောက်သည့်အခါ အခြားသော သားဖွားမီးယပ်ဆရာဝန်ကြီးများအပါအ၀င် ဆရာဝန်ကြီးငယ်များ၏ ၀မ်းပန်းတသာ ချီးကျူးဂုဏ်ပြုမှုများကို ကြုံရပါသည်။ အသက်ဝါကြီးသော ဆရာ၊ ဆရာမကြီးများ၏ ချီးကျူးမှုခံရသကဲ့သို့ ရွယ်တူဝါတူများမှလည်း နောင်ကို ယခုကဲ့သို့ ကူညီစရာလိုလျှင် သူတို့အားလည်း အသိပေးစေလိုကြောင်း စသဖြင့် ပြောဆိုကြသကဲ့သို့ မမ၏ရောဂါ အတိမ်အနက်အတွက် စိုးရိမ်ပူပန်စကားများ ဆိုခဲ့ကြပါသည်။ ထိုအထဲတွင် ကျွန်မတို့ကို စာသင်ပေးခဲ့ကြသည့် ကျွန်မလေးစားရသော ဆရာကြီး ပါမောက္ခဦးလှမြင့်(အဘ)နှင့် ဆရာမကြီး ပါမောက္ခ ဒေါ်မြမြတို့ကိုယ်တိုင်က ပခုံးဖက်ကာ လက်ဆွဲ နှုတ်ဆက်ကာဖြင့် ချီးကျူးကြသည်ကို ခံရသည့်အခါ ကျေနပ် ဂုဏ်ယူရသကဲ့သို့ များစွာလည်း ပီတိဖြစ်ရပါသည်။ ထို့ပြင် ကျွန်မတို့ ပညာတတ်ဆရာဝန်များ၏ ရင်ထဲတွင်လည်း မမဒေါ်အောင်ဆန်းစုကြည်အား မည်မျှယုံကြည်လေးစား အားကိုးကြောင်းကိုလည်း သတိထားမိရပါသည်။

    ခွဲစိတ်မှုအပြီး တစ်လအကြာတွင် မမကို သူမ၏ တက္ကသိုလ်ရိပ်သာလမ်းရှိနေအိမ်တွင် ထပ်မံပြီးတွေ့ဆုံခွင့် တစ်ခါရခဲ့ပါသည်။ မမ၏ဧည့်ခန်းတွင် ဖခင်ဗိုလ်ချုပ်အောင်ဆန်း
    ၏ ဓာတ်ပုံကြီး၊ မိသားစုဝင်များ၏ ဓာတ်ပုံများ၊ ခင်ပွန်း၊ သား(၂)ယောက်၊ချွေးမ(၁)ယောက်၊ မြေး(၂)ယောက်၏ ဓာတ်ပုံများကို ချိတ်ဆွဲထားပါသည်။ စာအုပ်များ ပြည့်နှက်နေသည့် စာအုပ်ဗီဒိုကြီးကိုလည်း တွေ့ခဲ့ရပါသည်။

    မမက နေ့စဉ် အချိန်ဇယားဖြင့် အလုပ်လုပ်သူ ဖြစ်ပါသည်။ နံနက်အရုဏ်ဦး အိပ်ရာထချိန်မှစကာ ညအိပ်ရာ ၀င်ချိန်အထိ ဘုရားရှိခိုးခြင်း၊ လေ့ကျင့်ခန်းလုပ်ခြင်း၊ စာရေးစာဖတ်ခြင်းတို့အပြင် စားချိန်အိပ်ချိန်ကိုပါ တိတိကျကျပြုလုပ်သူဖြစ်ပါသည်။ မမက ၀လို့လည်းမဖြစ်ဘူး။ ပိန်လို့လည်းမဖြစ်ဘူး။ ၀ရင်ဝမှာပေါ့။ တစ်နေ့တစ်နေ့ စားပြီးအိပ်၊ အိပ်ပြီးစား၊ နားနေရတာကိုး၊ ပိန်ရင်လည်းပိန်မှာပေါ့။ နိုင်ငံရေးလုပ်ပြီး စားမ၀င် အိပ်မပျော် မိသားစုနဲ့ဝေး နေတာကိုးလို့ အပြောမခံနိုင်ဘူး။ ဒါကြောင့် ကျန်းမာရေးကို အထူးဂရုစိုက်ပြီး Balance diet ပဲစားတာ” ဟု ရှင်းပြဖူးပါသည်။

    မမသည် စကားအလွန်ပြောကောင်းကာ ပြောသမျှစကားများကိုလည်း ပညာတတ်ပီပီ ပြန်လည် ချေပပြောဆိုနိုင်ပါသည်။ စိတ်ဓာတ်ကလည်း တည်ကြည်ဖြောင့်မတ်ပြီး အရာရာကို ပြတ်ပြတ်သားသား ဆုံးဖြတ်တတ်ကြောင်း မမနှင့်စကားပြောခွင့်ကြုံရမှ ထင်ထင်ရှားရှား တွေ့မြင်လာရပါသည်။ ယနေ့တိုင် ကျွန်မလေးစားရပါသော မမဒေါ်အောင်ဆန်းစုကြည် ကျန်းမာရွှင်လန်း၍ လိုရာပန်းတိုင်သို့ အမြန်ဆုံးရောက်ရန် ဆုတောင်းလျက်သာ ရှိပါသည်။

    ဒီခွဲစိတ်မှုကြောင့် ရရှိတဲ့ ကျွန်မရဲ့ ပီတိခံစားချက်များကို ကျွန်မရဲ့ ၁၉၆၅ batch မှ သူငယ်ချင်း ရောင်းရင်းများ မျှဝေခံစားနိုင်ရန်“ဂုဏ်အယူရဆုံးခွဲစိတ်မှု” ဆောင်းပါးလေးကို ရေးသားတင်ပြရခြင်း ဖြစ်ပါသည်။

    သူငယ်ချင်းများအားလုံး ပီတိနှလုံး ရွှင်ပြုံးနိုင်ကြပါစေ ………..

    ဒေါက်တာခင်ဝင်းကြူ
    (Winne)

    Lynn Hpone Thant=============

    ** ကမ္ဘာ့ငြိမ်းချမ်းရေး နိုဘယ်ဆုပိုင်ရှင် ဒေါ်အောင်ဆန်းစုကြည် ကို ခွဲစိတ်ကုသပေးခဲ့သော ဒေါက်တာခင်ဝင်းကြူ ဟာ မြန်မာမွတ်စလင်မ် ဆေးပညာရှင် တစ်ဦးဖြစ်ပါသည်။ ယခုအခါ  မဟာဗန္ဓုလပန်းခြံလမ်း (ဘားလမ်း) ရှိ မွတ်စလင်မ် ကုသိုလ်ဖြစ်ဆေးရုံတွင် Chief OG အဖြစ် တာဝန်ထမ်းဆောင်လျက်ရှိပါသည်။

  • တရုတ်ပြည်၊ စင်းကျန်းနယ်မှ မျိုးဖြုတ်သုတ်သင်မှု (ဘာသာပြန် ဆောင်းပါး)

    ဇူလိုင်- ၅ ၊ ၂၀၁၃
    M-Media

    ဘာသာပြန်- မြင့်မိုရ်မောင်မောင်

    “ တရုတ်ပြည်က လုပ်ရပ်တစ်ချို့ဟာလည်း မျိုးဖြုတ်သုတ်သင်မှု အသွင်ဆောင်နေပါတယ်။ အဲ့ဒါကို Genocide ကလွဲပြီး ဖော်ပြလို့ရတဲ့ တခြားစကားလုံး မရှိဘူး ” လို့ တူရကီဝန်ကြီးချုပ် သွိုင်ယစ်ဘ် အာဒိုဂန် ဆိုလိုက်ပါတယ်။ ၂၀၀၉ ခုနှစ်၊ ဇူလိုင် ၅ ရက် အရေးအခင်းကာလအတွင်း စင်းကျန်းပြည်နယ်သားတွေအပေါ် ဆက်ဆံပြုမူခဲ့တဲ့ တရုတ်အာဏာပိုင်များရဲ့ ပေါ်လစီကို ရည်ညွှန်းပြောဆိုခြင်းဖြစ်တယ်။

    Arguing Genocide in Xinjiang

    စင်းကျန်းနယ်၊ ဥဂါးရ်ပြည်သူတွေအပေါ် ၂၀၀၉ ကိုင်တွယ်မှုနဲ့ပတ်သက်ပြီး အလားတူမှတ်ချက်မျိုးကို သမိုင်းကြောင်းအရ ပြန်ကောက်ကြည့်ယင် မျိုးဖြုတ်သုတ်သင်မှုဟာ လွန်ခဲ့တဲ့ နှစ်ပေါင်း ၆၀ ကျော်ကတည်းက စတင်ခဲ့တာပါ။

    ၁၉၄၈ ခုနှစ် ကွန်ဗင်းရှင်း၊ အခန်း ၂၊ မျိုးဖြုတ်သုတ်သင်မှုဆိုင်ရာကာကွယ်ရေးနှင့်အရေးယူခြင်းကဏ္ဍမှာ မျိုးဖြုတ်သုတ်သင်မှု – Genocide ကို “ နိုင်ငံသား သို့မဟုတ် လူမျိုးစု သို့မဟုတ် လူမျိုးနွယ် သို့မဟုတ် ဘာသာရေး အုပ်စုတစ်ရပ်ရပ်အပေါ် တစ်စိတ်တစ်ပိုင်းဖြစ်စေ၊ သိမ်းကျုံး၍ဖြစ်စေ ပျက်စီးအောင် ရည်ရွယ်ဆောင်ရွက်ခြင်း ” ဆိုပြီး အဓိပ္ပာယ်ဖွင့်ဆိုထားပါတယ်။

    တစ်ဆက်တည်းမှာဘဲ အဲ့ဒီရည်ရွယ်ဆောင်ရွက်မှု အထမြောက်စေတဲ့ အခြေအနေနှစ်ရပ်ကိုလည်း ဖော်ပြထားပါတယ်။
    (က) အုပ်စုတစ်စုရဲ့ဘ၀အနေအထားတွေအပေါ် တစ်စိတ်တစ်ပိုင်းဖြစ်စေ အားလုံးကိုဖြစ်စေ တမင်သက်သက်အားဖြင့် ရုပ်ပိုင်းအရ ပျက်စီးဆုံးရှုံးအောင် တွက်ချက်ကြံဆောင်တာ
    (ခ) အုပ်စုဝင်တွေကို သတ်ဖြတ်တာ

    တရုတ်နိုင်ငံကို လူမျိုးအနွယ်ဝင်အုပ်စု ပေါင်း ၅၆ မျိုးနဲ့ ဖွဲ့စည်းတည်ထောင်ခဲ့တာဖြစ်တယ်။ အစိုးရရဲ့စာရင်းဇယားအရ တရုတ်ပြည်လူဦးရေ သန်း ၁၂၀0 အနက် ၉၁.၆ % က ဟန်လူမျိုးတွေဖြစ်တယ်။ လူနည်းစုဝင် ဥဂါးရ်မွတ်စ်လင်မ်တွေက ပဉ္စမမြောက် လူဦးရေအများဆုံး နဲ့ ၈.၅ သန်းဝန်းကျင် ရှိကြတယ်လို့ ၂၀၀၀ ခုနှစ် နောက်ဆုံးကောက်ယူစာရင်းအရ သိရတယ်။

    ကီလိုမီတာ ၁.၆၆ သန်းပတ်လည်ကျယ်ဝန်းတဲ့ စင်းကျန်းနယ်မှာ ဒုတိယအကြီးဆုံး ရေနံသိုက်ကြီးရှိတယ်။ တန်ချိန်ပေါင်း ၂၇.၄ သန်းကို ထုတ်လုပ်ပေးနိုင်တယ်။

    ၂၀၁၀ ခုနှစ်အတွင်း သဘာဝဓာတ်ငွေ့တန်ချိန်ပေါင်း သန်း ၆၀ အထိ ထုတ်နိုင်ခဲ့တယ်လို့ ခန့်မှန်းကြတယ်။ သတ္ထုအမျိုးအစားပေါင်း ၁၃၈ မျိုးထဲက – တန်ချိန်ပေါင်း ၂.၁၈ ထရီလီယံ ကျောက်မီးသွေးသိုက်ကို ပိုင်ဆိုင်တဲ့ဒေသပါ။

    ပထ၀ီဝင်အနေအထားအရ သယံဇာတပေါကြွယ်ပြီး၊ အကြီးဆုံး တာရင်မ်မြစ်ကြီးအပါအ၀င် ဒေသတွင်းမှာ မြစ်ပေါင်း ၃၀၀ ကျော်နဲ့ အကြီးမားဆုံး ရေကြည်ကန်အပါအ၀င် ရေကန်ကြီးပေါင်း ၁၀၀ ရှိတယ်။ ရေခံမြေခံကောင်းပြီး ကျယ်ဝန်းလှတဲ့အတွက် စိုက်ပျိုးရေးထုတ်ကုန်မျိုးစုံကိုလည်း ပြည်ပကို တင်ပို့နိုင်ကြတယ်။

    ထပ်ဆိုရယင် မွန်ဂိုလိယား၊ ရုရှ၊ ကာဇက်စတန်၊ ကာဂျစ္စတန်၊ တာဂျီကစ္စတန်၊ အာဖဂန်နစ္စတန်၊ ပါကစ္စတန်၊ အိန္ဒိယ နိုင်ငံရှစ်ခုနဲ့ နယ်နမိတ်ချင်းထိစပ်နေတဲ့အတွက်လည်း တရုတ်ပြည်ကုန်းတွင်းပိုင်းအတွက် အဓိကပြူတင်းပေါက်တစ်ခု ဖြစ်နေတယ်။

    ဖော်ပြထားမှုတွေအပါအ၀င် အခြားသောအချက်အလက်များကြောင့် စင်းကျန်းပြည်နယ်ဟာ တရုတ်ကွန်မြူနစ်အစိုးရ အဖို့ အလွန်အရေးပါတဲ့ မဟာဗျူဟာဒေသလို့ ဆိုရပါမယ်။ ဒါကြောင့် ၁၉၄၈ ခုနှစ်ကတည်းကစပြီး နိုင်ငံရေး၊ ယဉ်ကျေးမှု၊ ဘာသာရေး၊ လူဦးရေတိုးပွားနှုန်း အပါအ၀င် အရာအားလုံးကို တစ်ဖက်စွန်းရောက် မူဝါဒတွေချမှတ်လို့ ကြမ်းတမ်းပြင်းထန်တဲ့အရေးယူခြင်းနဲ့အတူ ငြိမ်ဝပ်အောင် ကိုင်တွယ်ထိန်းချုပ်ထားခဲ့တာဖြစ်တယ်။

    ကွန်မြူနစ်နိုင်ငံထဲ တစ်သားတည်းကျအောင် သွတ်သွင်းမရတဲ့ အဓိကအတားအဆီးကြီးတစ်ရပ်က မားမားမတ်မတ် ရှိနေတယ်။ အဲ့ဒါကတော့ ဥဂါးရ်လူမျိုးစုတို့ရဲ့ တမူထူးခြားကွဲပြားလှတဲ့ ယဉ်ကျေးမှု ပါဘဲ။ ဒီဒေသက အစ္စလာမ်သာသနာကို အေဒီ ၆၇၅ ကတည်းက ထိတွေ့မှုရှိလာခဲ့တဲ့အတွက် ဥဂါးရ်ယဉ်ကျေးမှုဟာ အလွန်ခိုင်မာအမြစ်တွယ်ထားပြီး ဖြစ်တယ်။

    ချင်မင်းဆက် တရုတ်မန်ချုးအင်ပါယာက အရှေ့တာကစ္စတန်ကို ၁၈၈၄ ခုနှစ်မှာ အဓမ္မကျူးကျော်သိမ်းပိုက်ပြီး စင်းကျန်း(ရှင်းကျန်း) အဖြစ် အမည်ပြောင်းလိုက်တယ်။ အဲ့ဒီအချိန်ကစပြီး တရုတ်တို့ရဲ့ဒေသတစ်ခုလုံးကိုထိန်းချုပ်လိုမှုအပေါ် ဥဂါးရ်တို့ရဲ့ခုခံမှုဟာ မကြာခဏဆိုသလို ဖြစ်ပေါ်နေခဲ့တာပါဘဲ။ ၁၉၄၄ ခုနှစ်မှာတည်ထောင်လိုက်တဲ့ အရှေ့တာကစ္စတန်သမ္မတနိုင်ငံကို ပီကင်းက ဖြိုလဲနိုင်လိုက်တဲ့ အချိန်အထိ ဖြစ်ပွားခဲ့ရတယ်။

    ၁၉၄၉ ခုနှစ်ကစပြီး ဟန်တရုတ်တွေဟာ ၆ % ကနေ ၄၀ %အထိ တိုးပွားခဲ့တယ်လို့ ၂၀၀၁ ခုနှစ် တရားဝင်စာရင်းက ဆိုတယ်။ ဒေသတွင်း လူဦးရေကို အပြောင်းအလဲလုပ်ဖို့အတွက် တရုတ်အစိုးရက ဟန်လူမျိုးတွေကို ဒီဒေသထဲ အစီအစဉ်ရှိရှိ သွတ်သွင်းခဲ့တယ်။ ပြီးတော့ စင်းကျန်းကနေ ဥဂါးရ်တွေကို မောင်းထုတ်နိုင်ရေးအတွက် ဘ၀ရပ်တည်မှု အခြေအနေတွေကို ခက်ခဲကြမ်းတမ်းအောင် ဖန်တီးခဲ့ကြတယ်။

    ရုပ်ပိုင်းဆိုင်ရာချည့်နဲ့အောင် ပျက်ရာပျက်ကြောင်း တမင်ကြံစည်မှုများ
    —————————————————————————
    ပြောင်းဝင်လာကြတဲ့ ဟန်လူမျိုးတွေဟာ သွားလာရေး၊ အိုးအိမ် နဲ့ အာမခံကိစ္စတွေမှာ အမြဲလိုလို အခမဲ့ခံစားခွင့် ရကြတယ်။ ဒါ့အပြင် အလုပ်အကိုင်ရှာဖွေဖို့နဲ့စီးပွားရေးလုပ်ကိုင်နိုင်ဖို့ အစိုးရဖက်က ကူညီပေးကြတယ်။ စင်းကျန်းရဲ့ မြို့တော် အူရွမ်ကီ မှာရှိတဲ့ အစိုးရလက်အောက်အလုပ်သမားဌာနမှ ကြေငြာချက်တစ်ခုကိုကြည့်လိုက်ပါ “ ရုံးတွင်း ၀န်ထမ်းတစ်ဦး အလိုရှိသည်၊ အသက် ၁၈ မှ ၄၀ နှစ်အတွင်းဖြစ်ရမည်၊ အထက်တန်းအောင်လက်မှတ်ရပြီးသူ ဖြစ်ရမည်၊ ဟန်လူမျိုးများအတွက်သာ ” တဲ့။ (LATimes, July 11)

    စင်းကျန်းမှာ ဥဂါးရ်လူမျိုးအလုပ်သမား ၁.၅ သန်းလောက်က အလုပ်လက်မဲ့ ဖြစ်နေကြတယ်။ Amnesty ရဲ့ ၂၀၀၉ ခုနှစ်၊ ဧပြီလအစီရင်ခံစာအရ တရုတ်ပြည်ဥဂါးရ်တိုင်းရင်းနွယ်တွေဟာ ဟာရှာ hashar အမည်ရှိ စံနစ်တစ်ခုအောက်မှာ ဒုက္ခရောက်ကြရတယ်။ လယ်သမားမိသားစုအိမ်တိုင်းက တစ်ဦးစီကို လုပ်ခမရရှိတဲ့ စိုက်ပျိုးရေး၊ အခြေခံတည်ဆောက်ရေး နဲ့ အခြားအများပြည်သူဆိုင်ရာလုပ်ငန်းခွင်ထဲ အတင်းအဓမ္မ ပို့ဆောင်ခဲ့ကြတယ်။ ရံဖန်ရံခါ တစ်နှစ်အတွင်း အကြိမ်ကြိမ် ခိုင်းစေခံကြရတယ်။

    လုပ်အားခ တစ်ပြားမှမရ၊ နေစရာအခန်း သို့မဟုတ် တန်းလျားအဆောင် မပေးတဲ့အပြင် ကိုယ့်စားရိတ်နဲ့ကိုယ် အကုန်ကျခံသွားလာစေခဲ့တယ်။ မြေကွက်လပ်ဟင်းလင်းပြင်မှာ အိပ်စက်ကြရတယ်၊ အသင့်စားခေါက်ဆွဲတွေကို အလုပ်ကြမ်းလုပ်တဲ့နေ့ရက်တွေကလွဲပြီး ဘာမှမစားသောက်ကြရဘူးလို့ လူများစွာက ဆိုပါတယ်။ (Amnesty)

    ရှိပါသေးတယ်။ လူမှု-စီးပွားဆိုင်ရာ ဘက်ညီမျှတမှု ရှိမနေတာကိုလည်း အချက်တစ်ရပ်အဖြစ် ထင်ထင်ရှားရှား တွေ့ရတယ်။ စင်းကျန်းမှာ လာပြီးအခြေစိုက်တဲ့ ဟန်တရုတ်လူမျိုးတွေထက် ဥဂါးရ်လူမျိုးတွေက ပျမ်းမျှအားဖြင့် ဘ၀ပြေလည်မှု ၁၀ နှစ်စာလောက် ကျန်ရစ်နေခဲ့တာပါဘဲ။ (Human Rights Watch)

    “ အစိုးရက ဥဂါးရ်လူမျိုးတွေကို သူတို့ရဲ့ကျွန်အဖြစ် ဇာတ်သွင်းချင်နေကြတယ်။ ကျွန်တော်တို့လူမျိုးတွေ ကွယ်ပျောက်သွားဖို့ကိုလည်း သူတို့က လိုလားနေကြတယ် ” ဟု အူရွမ်ကီရှိ အထည်ကုန်သည်တစ်ဦးက Christian Science Monitor ကို ပြောကြားခဲ့ပါတယ်။ (CSMonitor)

    ဘာသာရေးရပ်တည်မှုအား တိုက်ခိုက်ခြင်း

    စင်းကျန်းမှာရှိတဲ့ ဟန်လူမျိုးတွေအပေါ် စီးပွားရေးမျက်နှာသာပေးမှုဆိုတာလည်း ဥဂါးရ်လူမျိုးစုရဲ့ဘာသာရေး၊ ယဉ်ကျေးမှုလွတ်လပ်ခွင့်တွေကို ကြမ်းကြမ်းတမ်းတမ်း ချုပ်ခြယ်မှုနဲ့အတူ ဒွန်တွဲထားကြတယ်။

    ဥဂါးရ်တွေရဲ့လူမျိုးရေးရပ်တည်ချက်ထဲမှာ အစ္စလာမ့်အရောင်က ခိုင်ခိုင်မာမာရှိနေကြောင်း သိတဲ့အတွက် အစ္စလာမ်ကို အမြစ်လှန်နိုင်အောင် တရုတ်အစိုးရက အပြင်းအထန် ဖြိုလဲနေခြင်းဖြစ်တယ်။ သီးခြားရပ်တည်လိုသူများလို့ အစိုးရက မိမိဖာသာတွေးထင်ထားသူများအတွက် ဘာခြေကုပ်မှမရှိအောင် ရည်ရွယ်တာလေ။

    အဖွဲ့အစည်းကနေ လူပုဂ္ဂိုလ်တစ်ဦးချင်းအဆင့်အထိ ဘာသာရေးနှိပ်ကွက်မှုတွေ ပြုလုပ်စေတယ်။

    ၂၀၀၁ ခုနှစ်၊ အောက်တိုဘာလမှာ စာသင်ကျောင်းတစ်ကျောင်းနဲ့ကပ်လျက်တည်ရှိတဲ့ ဗလီဝတ်ကျောင်းတစ်ခုကို မခိုင်မာတဲ့ အကြောင်းပြချက်နဲ့ ကော်ဇောစက်ရုံအဖြစ် ပြောင်းလဲ ပစ်လိုက်ကြောင်း စင်းကျန်းက ဥဂါးရ်တွေအပေါ် ဘာသာရေးဖိနှိပ်မှုနဲ့စပ်လျဉ်းပြီး HRW အစီရင်ခံစာက ဖော်ပြခဲ့တယ်။

    တစ်နှစ်လွန်ပြီးနောက် စင်းကျန်းတရုတ်အာဏာပိုင်များက ဒေသတွင်းမှာ ဗလီဝတ်ကျောင်းဆောက်လုပ်ခွင့် အလျဉ်းမရှိတော့ဘူးလို့ တရားဝင်ပိတ်ပင်လိုက်ပါတယ်။ နောက်တစ်ဆင့် တက်ပြီး ရာနဲ့ချီတဲ့ ဘာသာရေးကျမ်းဂန်တွေ၊ တိတ်ခွေတွေကို သိမ်းယူခဲ့ယုံမက ဘာသာရေးအဆောက်အဦးတွေကိုလည်း ရှင်းလင်းဖျက်ဆီးလိုက်ကြတယ်။

    အစိုးရ၀န်ထမ်းမွတ်စ်လင်မ်များဟာ ၀တ်ပြုခြင်း၊ ဥပုသ်သီလစောင့်ခြင်း စတဲ့ ဘာသာရေးကျင့်ရပ်တစ်ခုခုကို ပြုလုပ်တာနဲ့ အလုပ်ပြုတ်ဖို့သေချာသလောက် ဖြစ်သွားရတဲ့အထိပါဘဲ။ ဒါဟာ စင်းကျန်းက မွတ်စ်လင်မ်တွေရဲ့ နေ့တစ်ဓူဝဘ၀ဖြတ်သန်းမှုကို လှစ်ဟပြသနေခြင်းဖြစ်တယ်။

    သောကြာနေ့မှာဆိုယင် မွတ်စ်လင်မ်ကျောင်းသူကျောင်းသားတွေကို ကျောင်းထဲကပေး မထွက်ဘဲ ကျောင်းထဲမှာသာ နေ့လည်စာ စားခိုင်းတယ်။ သောကြာနေ့ဝတ်တက်မှု မလုပ်နိုင်အောင် တားဆီးပိတ်ပင်တဲ့ အဓမ္မမှုတစ်ခုပေါ့။ တစ်ခါ အသက် ၁၈ နှစ်အောက် မွတ်စ်လင်မ်ကလေးငယ်တွေကို ဗလီဝတ်ကျောင်းသွားခွင့် မပြုဘူး။ ဘာသာရေးပညာသင်ကြားခွင့်လည်း မပေးကြဘူးလို့ Amnesty အစီရင်ခံစာက ဖော်ပြခဲ့တယ်။

    စင်းကျန်းဥဂါးရ်ပြည်နယ်ဥပဒေ အခန်း ၁၄ မှာ ထည့်သွင်းထားတဲ့ လူနည်းစုပြည်နယ်များအားကာကွယ်ရေး(နှိပ်ကွက်ရေး)ဥပဒေပါစည်းမျဉ်းများဟာ တရုတ်ပြည်တွင်းထဲမှာလည်း အကောင်အထည်ဖော်ခဲ့ကြတယ်။ အဲ့ဒါကတော့ – မိဘတွေ၊ တရားဝင်အုပ်ထိန်းသူတွေဟာ လူနည်းစုဝင်ကလေးတွေကို ဘာသာရေးဆောင်ရွက်မှုများမှာ ပါဝင်ခွင့် မပြုရဘူး ဆိုတဲ့အချက် ဖြစ်တယ်။

    ၂၀၀၉ ခုနှစ်မှာထုတ်ပြန်တဲ့ Amnesty နောက်ထပ်အစီရင်ခံစာထဲမှာ ယူနန်ပြည်နယ်၊ ဟွေ(မွတ်စ်လင်မ်)ရပ်ဝန်းထဲ နေထိုင်ပြီး ပညာသင်ကြားနေကြတဲ့ အသက် ၈ နှစ်က ၁၄ နှစ်ကြားကလေးတွေကို ရဲတွေက ဖမ်းဆီးပြီး ပိုင်ကျားဟူ အကျဉ်းထောင်ထဲ ထိန်းသိမ်းချုပ်နှောင်လိုက်ကြတယ်။ တတ်စွမ်းနိုင်တဲ့မိဘများက တစ်ဦးကို ဒေါ်လာ ၃၁၄၀ နဲ့ ရွေးယူတဲ့အတွက် ကလေးငယ် ၁၀ ဦးလွတ်မြောက်သွားတယ်။ ငွေပေးမရွေးယူနိုင်ကြတဲ့ မိဘများကိုတော့ ဘာသာရေးအလုပ်ကို တရားမ၀င်ဆောင်ရွက်မှုနဲ့ သူတို့ကလေးတွေကို စီရင်သွားမယ့်အကြောင်း ပြောကြားခဲ့တယ်လို့ ဖော်ပြထားပါတယ်။ (Amnesty)

    စင်းကျန်းပြည်နယ်တောင်ပိုင်းက မွတ်စ်လင်မ်အမျိုးသမီးတွေဟာ ဦးခေါင်းခြုံလွှာ(ဟိဂျာ့ဗ်)ကို စွန့်ဖို့ ငြင်းဆန်ယင် တရုတ်အာဏာပိုင်များက ဒဏ်ငွေ ဒေါ်လာ ၃၆၀ ပေးဆောင်ခိုင်းတယ်လို့ ပြည်တွင်းသတင်းဌာနများက ဆိုပါတယ်။ အဲ့ဒီ ဒဏ်ငွေပမာဏဟာ ဥဂါးရ်လယ်သမားတစ်ဦးရဲ့ ငါးနှစ်စာဝင်ငွေနဲ့ ညီမျှနေပါတယ်။ (uygur.org)

    လူမျိုးစုဝင်များအား သတ်ဖြတ်ခြင်း

    နျူကလိယတိုးမြှင့်ဖော်ဆောင်ရေးအစီအစဉ်အရ တရုတ်အာဏာပိုင်များဟာ စင်းကျန်းနယ်၊ လော့ပ်နူးရ်မှာ ၁၉၆၄ ခုနှစ်ကတည်းက နျူကလိယစမ်းသပ်မှု ၄၃ ကြိမ် လုပ်ဆောင်ခဲ့ပြီးဖြစ်တယ်။ ၁၉၈၀ ခုနှစ်တိုင်အောင် ဟင်းလင်းပြင်လေထုထဲစမ်းသပ်မှုက ၂၃ ကြိမ်အထိရှိခဲ့တယ်။ ဗဟိုကွန်မြူနစ်အစိုးရက ဒီစမ်းသပ်မှုတွေ အဆုံးသတ်ပြီဖြစ်ကြောင်း ၁၉၉၆ ခုနှစ်မှာ ကြေငြာခဲ့တယ်။ (GreenPeace)

    လေထုဟင်းလင်းပြင်အတွင်း နျူကလိယစမ်းသပ်ခြင်းက ကင်ဆာရောဂါ၊ အင်္ဂါမစုံကလေးငယ်မွေးဖွားမှု နဲ့ အချိန်မတန်မီ မီးဖွားပြီး အသေမွေးဖွားမှုတို့ကို ဖြစ်ပေါ်ပြန့်ပွားစေပါတယ်။

    ၁၉၆၄ ခုနှစ်ကတည်းက လော့ပ်နူးရ် (Lop Nor)မှာ တရုတ်တွေရဲ့စမ်းသပ်မှုကြောင့် ပေါ်ထွက်လာတဲ့ ရေဒီယိုသတ္တိကြွမှု ပမာဏ ကို ” Radioactive Heaven and Earth ” စာအုပ်မှာ အသေးစိပ်ဖော်ပြထားပါတယ်။ အဲ့ဒီစာအုပ်ကို ၁၉၉၁ ခုနှစ်က နျူကလိယစစ်ပွဲတားဆီးရေး (Prevention of Nuclear War – IPPNW) အတွက် နိုင်ငံတကာရူပဗေဒပညာရှင်များမှ ရေးသားထုတ်ဝေခဲ့ကြတာပါ။

    Lop Nur ဒေသထဲ လေထုအတွင်း နျူကလိယစမ်းသပ်မှုကြောင့် ထွက်ရှိလာတဲ့ ပလူတိုနီယံ-၂၃၉ အလေးချိန်ပမာဏဟာ စုစုပေါင်း ၄၈ ကီလိုဂရမ်နီးပါးရှိတယ်လို့ ခန့်မှန်းထားကြတယ်။ ပလူတိုနီယံ-၂၃၉ တစ်ဂရမ်ရဲ့ အပုံတစ်သန်းပုံတစ်ပုံလောက် ရှူရှိုက်မိတာနဲ့ ကင်ဆာရောဂါဖြစ်လာနိုင်ကြောင်း IPPNW ကဆိုထားတယ်။

    ဒါ့အပြင် စထရွန်တီယမ်-၉၀ ယူနစ်ပေါင်း ၁.၃ သန်းကလည်း လေထုထဲ ပျံ့နှံ့သွားပြီဖြစ်တယ်။ စထရွန်တီယမ်-၉၀ က အရိုးထဲအထိ ၀င်ရောက်ပြီး လူ့ခန္ဓာကိုယ်ထဲ ခိုအောင်းလို့ ကာလအတန်ကြာအောင် ရေဒီယိုသတ္တိကြွမှုကို ဖြစ်ပေါ်စေတတ်ပါတယ်။

    အပြင်းစား ရိုက်ချိုးချက်

    ၁၉၉၆ ခုနှစ်မှာ တရုတ်ဗဟိုအစိုးရက မိမိတို့ခွင့်မပြုတဲ့ ဘာသာရေးဆောင်ရွက်ချက်တွေ နဲ့ (မိမိဖာသာထင်မြင်သတ်မှတ်ထားတဲ့) သီးခြားဆန်မှုထောက်ခံသူတွေကို ပစ်မှတ်ထားဦးတည်ပြီး ပြင်းပြင်းထန်ထန် ကျယ်ကျယ်ပြန့်ပြန့် ရိုက်ချိုးမယ့်အကြောင်း ကြေငြာခဲ့တယ်။ အဲ့ဒီ ကမ်ပိန်းအမည်က “Strike Hard” (Yan Da) လို့ ခေါ်တယ်။

    စင်းကျန်းမှာ ဘာသာရေးနဲ့ယဉ်ကျေးမှုရေးရာများအပေါ် အစိုးရရဲ့တင်းကြပ်ကန့်သတ်မှုများကို ယီနင်းမြို့ခံများစွာက ငြိမ်းချမ်းစွာ ကန့်ကွက်ဆန္ဒပြခဲ့ကြတယ်။ ၁၉၉၇ ခုနှစ် ဖေဖော်ဝါရီလအတွင်းမှာပါ။ ဒါပေမယ့် လုံခြုံရေးတပ်ဖွဲ့ဝင်တွေက ရက်ရက်စက်စက်တုန့်ပြန်ခဲ့ကြတယ်။ လက်နက်မဲ့ဆန္ဒပြသူတွေကို ပစ်ခတ်ခဲ့ကြရာမှာ တရားဝင်မှတ်တမ်းများအရ လူ ၁၀ ဦးသေဆုံးပြီး ၁၉၈ ဦးဒဏ်ရာရခဲ့တယ်။ လူပေါင်း ၅၀၀ အထိ အဖမ်းခံလိုက်ရတယ်။

    ၂၀၀၀ ခုနှစ်၊ စက်တင်ဘာလမှာ ထိပ်တန်းခေါင်းဆောင်ဖြစ်တဲ့ Zhu Rongji က တရုတ်ပြည်ရဲ့ညီညွတ်ရေး နဲ့တည်ငြိမ်ရေးထိပါးမှုအန္တရာယ်တွေကို ရင်ဆိုင်ဖို့အတွက် စင်းကျန်းနယ်ထဲမှာ “သံလက်သီး”တစ်လုံးပစ်သွင်းဖို့ လိုအပ်လာပြီဆိုပြီး ကြေငြာခဲ့တယ်။

    ၂၀၀၈ ခုနှစ်မှာ ဥဂါးရ်ခွဲထွက်ရေးသမားတွေရှိနေတယ်ဆိုတဲ့ မတရားစွပ်စွဲချက်နဲ့ အာဏာပိုင်များက ဥဂါးရ်လူမျိုးတွေကို ရှင်းလင်းဖို့ အကြမ်းကိုင်လုပ်ရပ်များစွာကို ဆက်တိုက်ကျူးလွန်ခဲ့ကြတယ်။ သြဂုတ်လ ၁၄ ရက်နေ့မှာ စင်းကျန်းဥဂါးရ်ဒေသ တရုတ်ကွန်မြူနစ်ပါတီအတွင်းရေးမှူး ၀မ်လီကွမ်းက “သေခြင်းနဲ့ရှင်ခြင်း ကြိုက်ရာရွေး”ဆိုပြီး ကြေငြာခဲ့တယ်လို့ Amnesty ရဲ့ ၂၀၀၉ ခုနှစ် ဧပြီလအစီရင်ခံစာမှာ ဖော်ပြထားတာတွေ့ရတယ်။

    ၂၀၀၉ ခုနှစ်၊ ဇူလိုင်လ ၅ ရက်မှာတော့ ဥဂါးရ်လူမျိုးတွေက တစ်ဖက်၊ ဟန်လူမျိုးနဲ့ရဲတပ်ဖွဲ့ဝင်တွေကတစ်ဖက် တိုက်ခိုက်မှုတွေ ဖြစ်ပွားလာခဲ့တယ်။ သေဆုံးသူ ၁၈၆ ဦး၊ ဒဏ်ရာရသူ ၁၆၀၀ နဲ့ ဖမ်းဆီးထိန်းသိမ်းခံရသူ ၁၄၀၀ ဦး အထိ ရှိခဲ့တယ်။

    တရုတ်အစိုးရအနေနဲ့ ဒေသတွင်းမှာ အကြမ်းဖက်ဝါဒတွေ ထိုးဖောက်ဝင်ရောက်လာမှာကို စိုးရိမ်နေရပြီဖြစ်တယ်။ နိုင်ငံသားတွေရဲ့အခွင့်အရေးကို အပြည့်အ၀ကာကွယ်ပေးဖို့ နဲ့ တရားဥပဒေစိုးမိုးဖို့ ကိုင်တွယ်သွားရပါမယ်။

    တစ်ပြိုင်နက်တည်းမှာဘဲ အရှေ့တာကစ္စတန် ဖြစ်တဲ့ စင်းကျန်းနယ်မှာ ကိုယ်ပိုင်ယဉ်ကျေးမှု နဲ့ ဘာသာရေးကျင့်သုံးခွင့်ကို ဥပဒေပြုပေးရပါမယ်။

    တရုတ်ရဲ့ထိန်းချုပ်မှုအောက်မှာရှိနေလင့်ကစား စင်းကျန်းဥဂါးရ်ကိုယ်ပိုင်အုပ်ချုပ်ခွင့်ရဒေသ အဖြစ် တရားဝင် အသိအမှတ်ပြုရမှာပါ။ အပြည်ပြည်ဆိုင်ရာလူ့အခွင့်အရေးနဲ့အညီ လွတ်လပ်စွာယုံကြည်ကိုးကွယ်ခွင့်၊ ပြည်သူမှ အစိုးရကို ရွေးချယ်တင်မြှောက်ခွင့်၊ ဒေသနှင့်လိုက်လျောညီထွေဖြစ်မယ့် ကိုယ်ပိုင်ဥပဒေပြုခွင့် ရှိရပါလိမ့်မယ်။

    “ ငါနဲ့မတူ ငါ့ရန်သူ ” စံနစ်ဟာ အကြမ်းဖက်မှုကိုသာ ပိုမို မွေးဖွားလာစေပါတယ်။ သံလက်သီး သို့မဟုတ် အပြင်းစား ရိုက်ချိုးချက် ပေါ်လစီဟာ တာရှည်ရပ်တည်နိုင်မှာ မဟုတ်ပေဘူး။

    အရှေ့တာကစ္စတန်မှာ  မျိုးဖြုတ်သုတ်သင်မှုကိစ္စက နိုင်ငံတကာသဘောတူညီချက် ရှေ့မှောက်မှာပင် ကာလကြာရှည်ဖြစ်ပွားနေခဲ့ပြီးပါပြီ။ ဒါကို အဆုံးသတ်လိုက်ဖို့ အချိန်တန်ပါပြီလို့ အာဒိုဂန်က မှတ်ချက်ပြုသုံးသပ်ပြောဆိုလိုက်ပါတယ်။

    **  အီဂျစ်ပညာရှင် အဗ်ဒလ် ရဟ်မာန် ရာ့ရ်ှဒန် (Abdelrahman Rashdan) ရေးသားသော Arguing Genocide in Xinjiang (East Turkestan) ဆောင်းပါးကို မြင့်မိုရ်မောင်မောင် မှ ဆီလျော်အောင် မြန်မာပြန်ဆိုပါသည်  **

    Ref: OnIslam

  • လူနည်းစုဝင် မြန်မာမွတ်စ်လင်မ်တို့မှ ရင်ဆိုင်နေရသော စိုးထိတ်မှု နှင့် မယုံစားရဲမှု (ဘာသာပြန် ဆောင်းပါး)

    မူရင်းဆောင်းပါးရှင်-  Thomas Fuller (နယူးယော့ခ်တိုင်းမ်)
    ဘာသာပြန်- သာကီထက်ကောင်း
    M-Media

    ပိန်းပိတ်အောင်မှောင်မိုက်နေဆဲ ရန်ကုန်ညဥ့် ……. မလောက်မငသော လျှပ်စစ်ဓာတ်အားဖြင့် လမ်းဘေးမီးတိုင်များက လင်းချည်တစ်ခါ မှောင်ချည်တစ်လှည့် မြို့တော်ရန်ကုန်ဝယ် မွတ်စ်လင်မ်အမျိုးသားတစ်စုမှ နံနက်အရုဏ်ချိန်အထိ မိမိတို့၏ ၀န်းကျင်အတွက် လမ်းကြားလမ်းမြှောင်များကိုပါ အလွတ်မပေးဘဲ စောင့်ကြပ်ကင်းစောင့်နေကြ၏။

    muslim-minority-confronts-fear-and-mistrust
    Credit: Adam Dean for The New York Times

    အရေးပေါ်ကင်းလှည့်စောင့်ကြပ်ရေးအစီအစဉ်တစ်ခုအတွက် စုစည်းထားသည့် ကင်းသမား ၁၃၀ အနက်မှ လူ ၆ ဦးနှင့်အတူရှိနေသော လုပ်ငန်းရှင် ဦးညီညီသည် ပလပ်စတစ်ကုလားထိုင်တစ်လုံးပေါ်ထိုင်လျက် “ ကျွန်တော်တို့ရဲ့ လုံခြုံရေးအတွက် သက်ဆိုင်ရာက အာမခံချက် မပေးနိုင်ကြဘူးဗျာ ” ဟု ညည်းငြူလေသည်။

    လူများစုဗုဒ္ဓဘာသာဝင်များနှင့် ဆယ်စုနှစ်အမြောက်အများ ငြိမ်းချမ်းစွာအတူယှဉ်တွဲနေထိုင်ခဲ့ကြသော မွတ်စ်လင်မ်တို့မှာ ယခုသော် နောက်ထပ်ရန်ပြုတိုက်ခိုက်မှု မည်သည့်အချိန်ရောက်လာဦးမည်နည်းဟု အလျဉ်မပြတ် စိုးတထိတ်ထိတ် ရှိနေကြပေပြီ။ လွန်ခဲ့သောတစ်နှစ်ကျော်မှစ၍ သွေးဆူနေသော ဗုဒ္ဓဘာသာလူရမ်းကားအုပ်စုများက နိုင်ငံအတွင်း အကြမ်းဖက်မှုများကို ဆက်တိုက်ကျူးလွန်နေခြင်းက မိမိဝန်းကျင်ထံ အကြမ်းဖက်မှုဆိုက်ရောက်လာလျှင် မိမိတို့ ကိုယ်တိုင်သာကာကွယ်ရမည့်အသိအား သင်ကြားပေးလိုက်သည်။

    “ ကျွန်တော်တို့ကို ရဲတွေက ကာကွယ်ပေးမယ်လို့ ကျွန်တော် မထင်ဘူး ” ဟု ဦးညီညီမှ ရင်ဖွင့်၏။

    အလွှာစုံပါဝင်သော အမျိုးသားအဖွဲ့တစ်ခုမှ သစ်သားဒုတ်များ၊ သံပိုက်များကို မနီးမဝေးတွင် အရံသင့်ဆောင်ထားပြီး လူစိမ်းမှန်သမျှအား သံသယဖြင့် စောင့်ကြည့်နေရသည့် လုံခြုံရေးကင်းစောင့်အစီအစဉ်သည် မြန်မာနိုင်ငံရှိ ဗုဒ္ဓဘာသာဝင် နှင့် မွတ်စ်လင်မ်တို့အကြားဆက်ဆံရေးမှာ မည်မျှဆိုးရွားနေကြောင်း ဖော်ပြရာ သင်္ကေတ တစ်ရပ် ဖြစ်လို့နေပါသည်။

    ၅၅ သန်းရှိ နိုင်ငံ့လူဦးရေ၌ ၉၀ % သည် ဗုဒ္ဓဘာသာဝင်များဖြစ်ပြီး မွတ်စ်လင်မ်တို့မှာ ၄-၈ % အတွင်းသာရှိသည်ဟု ဆိုသည်။

    ဗြိတိသျှကိုလိုနီခေတ်ကာလကတည်းက ရန်ကုန်မြို့သည် လူမျိုးဘာသာယဉ်ကျေးမှုစုံယှဉ်တွဲနေထိုင်သော မြို့တစ်မြို့ ဖြစ်သည်။ ဗုဒ္ဓဘာသာဝင်တို့သည် မွတ်စ်လင်မ်၊ ခရစ်ယာန်၊ ဟိန္ဒူတို့နှင့် လက်ပွန်းတတီး နေထိုင်ခဲ့ကြသည်။ ဗလီ ၀တ်ကျောင်းတော်များ နှင့် ဘုရားစေတီများမှာ အရိပ်ချင်းပင် ထပ်နေခဲ့ပေသည်။

    ယခုသော်ကား လူ့အဖွဲ့အစည်းနှစ်ရပ်စလုံးအကြားတွင် စိုးရိမ်ထိတ်လန့်ခြင်း နှင့် သံသယ တည်းဟူသော အရောင်ဆိုးမှုကို ခံနေရပါသည်။

    တစ်နှစ်ကျော်အတွင်း မွတ်စ်လင်မ်ဦးရေ ၂၀၀ ခန့်အသက်ဆုံးရှုံးစေခဲ့သော အကြမ်းဖက်ခြင်း၏အရင်းအမြစ်ကို ကိုလိုနီခေတ်၏ဆိုးမွေတစ်စိတ်တစ်ပိုင်း၌ တွေ့ရ၏။ ထိုစဉ်က မြန်မာနိုင်ငံသို့ အိန္ဒိယသားများသည် ၀န်ထမ်းများ၊ စစ်သည်များအဖြစ် ရောက်လာခဲ့ကြသည်။ ၄င်းတို့အနက်အများစုမှာ မွတ်စ်လင်မ်များဖြစ်ကြသည်။ ထိုအချက်ကို ဗုဒ္ဓဘာသာမြန်မာတို့အတွင်း အာဃာတ ထားခဲ့ကြသည်။

    လတ်တစ်လောကာလများတွင် အစွန်းရောက်ဘုန်းတော်ကြီးများက ၄င်းသမိုင်းဆိုင်ရာမကြေလည်မှုအား ပြန်လည်တည်ဆောက်ကာ – မွတ်စ်လင်မ်တို့သည် ဗုဒ္ဓဘာသာဝင်များထက် ကလေးများပြားသဖြင့် ဗုဒ္ဓဘာသာဝင်တို့အား အင်အားဆုတ်ယုတ်စေသည် ဟူ၍ စိုးရိမ်ထိတ်လန့်မှုကို သွတ်သွင်းလျက်ရှိသည်။

    တစ်ချိန်က နိုင်ငံအကြီးဆုံးမြို့တော်ဖြစ်သည့် ရန်ကုန်မှာ အကြမ်းဖက်မှုများနှင့် အတော်အတန် လွတ်ကင်းနေဆဲ။ သို့သော် မကြီးကျယ်လှသည့်ပဋိပက္ခအနည်းငယ်ရှိခဲ့သဖြင့် စိုးရိမ်မှုကို ပိုမိုတိုးပွားစေပြီး၊ ဗုဒ္ဓဘာသာ နှင့် မွတ်စ်လင်မ် အသိုင်းအ၀ိုင်းနှစ်ရပ်စလုံးထံ၌ တိုက်ခိုက်မှုများဖြစ်ပွားတော့မည့်အလား ကောလဟလ ထုတ်လွှင့်ခြင်းလည်း ရှိနေသည်။

    မတ်လတွင် ဗုဒ္ဓဘာသာဝင်လူရမ်းကားတို့မှ မိတ္ထီလာမြို့အား ချေမွဖျက်ဆီးလိုက်သည့်ကာလနောက်ပိုင်း ထရပ်ကားနှစ်စီးအပြည့်နှင့်လူအချို့သည် ဦးညီညီ၏ နယ်မြေ၀န်းကျင်အတွင်း လှည့်ပတ်ကာ ညဥ့်ကင်းစောင့်နေသူများကို လေးခွဖြင့် ပစ်ခတ်ရန်စခဲ့ကြသည်။

    မွတ်စ်လင်မ်အချို့မှာ မလေးရှားသို့လည်းကောင်း၊ စင်္ကာပူသို့လည်းကောင်း နည်းလမ်းရှာ၍ အလွတ်ရုန်းသွားခဲ့ကြပြီ။ မွတ်စ်လင်မ်ပိုင်စီးပွားရေးလုပ်ငန်းများမှာလည်း ဗုဒ္ဓဘာသာဝင်ဖောက်သည်များ လျော့ပါးလာနေသည်။  နိုင်ငံ့ထိပ်တန်းခေါင်းဆောင်အချို့၏ ကောင်းချီးသြဘာပေးခြင်းခံရသော ၉၆၉ လှုပ်ရှားမှုသည် မွတ်စ်လင်မ်တို့၏ထုတ်ကုန်ပစ္စည်းများနှင့်လုပ်ငန်းများကို သပိတ်မှောက်ရန်၊ ဘာသာခြားများကို လက်ထပ်ထိမ်းမြားခြင်းမပြုရန် အပြင်းအထန် လှုံ့ဆော်လျက်ရှိနေသည်။

    ထိုလှုပ်ရှားမှုက အကြမ်းဖက်မှုများတွင် မိမိတို့ မပါဝင်ကြောင်း ဆိုလေ့ရှိသော်လည်း ၄င်းတို့၏ အမုန်းသွတ်သွင်းတရားများဟောပြောခြင်းကြောင့် သွေးချောင်းစီးသတ်ဖြတ်မှုများဖြစ်ပေါ်လာစေသည်ဟု ဝေဖန်ချက်များ ရှိနေသည်။

    (ဆူးလေ)စေတီတော်၊ ခရစ်ယာန်ဘုရားကျောင်း၊ ဟိန္ဒူဘုရားကျောင်းတစ်ခုစီနှင့် အကွာအဝေးအနည်းမျှ ၀ိုင်းရံတည်ရှိနေသော ဘန်ဂါလီဗလီ၏ ဂေါပကအဖွဲ့ဝင်တစ်ဦးဖြစ်သူ ထုတ်ကုန်သွင်းကုန်လုပ်ငန်းပိုင်ရှင် ဦးမောင်မောင်မြင့်က “ ဒီအဖြစ်မျိုးကို ကျွန်တော့်တစ်သက်မှာ ဒီတစ်ကြိမ်ဘဲ ကြုံဖူးသေးတယ် ” ဟု ပြောပြခဲ့သည်။ လူ့အဖွဲ့အစည်းများအကြား မယုံစားရဲ ဖြစ်နေကြသည်ကို သူက အထူးရည်ညွှန်းပြောဆိုခြင်းဖြစ်သည်။

    မိမိဘ၀တစ်လျှောက်လုံး မြန်မာလူမျိုးအဖြစ်ခံယူလာခဲ့ပြီးနောက်မှာမှ (မိမိတို့မွတ်စ်လင်မ်များမှာ) သစ္စာဖောက်ခံရသည်ဟု ခံစားရကြောင်း၊ စစ်အုပ်ချုပ်ရေးကာလအတွင်း နိုင်ငံရေးအပြောင်းအလဲအတွက် ဖြစ်ရပ်နှစ်ကြိမ်ထက်မနည်း အတိုက်အခံပြုဆန္ဒပြသူများနှင့် မွတ်စ်လင်မ်တို့မှ လက်တွဲခဲ့ကြသည့်အကြောင်းကို ဦးမောင်မောင်မြင့်က ဤသို့ပြောပြခဲ့၏။
    “ ကျွန်တော်တို့တစ်တွေ အမေရိကန်သံရုံးရှေ့ဖက်ကို ချီတက်သွားပြီး ဒီမိုကရေစီသာအလိုရှိကြောင်း ကြွေးကြော်ခဲ့ကြတယ်။ ကျွန်တော်တို့မျှော်လင့်တာက ဘ၀ရေးရာ ပိုမိုငြိမ်းချမ်းဖို့ပါ။ ဒီလိုဖြစ်လာဖို့ ကျွန်တော်တို့ မမျှော်လင့်ခဲ့ကြပါဘူး ”။
    မီးရှို့ဖျက်ဆီးမှုမှကာကွယ်ရန် လုံခြုံရေးကင်မရာတပ်ဆင်ထားပြီးဖြစ်သော ထိုဗလီဝတ်ကျောင်းတော်၏ တတိယထပ်၌ သောကြာဝတ်ပြုမှုအပြီး အင်တာဗျူးလုပ်စဉ် သူမှ ပြောပြခဲ့ခြင်းဖြစ်သည်။

    ယခု မြန်မာနိုင်ငံအား အုပ်ချုပ်နေသည်မှာ အမည်ခံအရပ်သားအစိုးရ ဖြစ်၏။ ၄င်းတို့က ရန်ငြိုးဟောင်းကို လွတ်လပ်မှုအသစ်ဖြင့် ချဲ့ကားလျက်ရှိ၏။

    အကြမ်းဖက်မှုအများအပြားကို ပြည်တွင်းပြည်ပသိအောင် ခေါင်းကြီးပိုင်း၌ တင်ကြသော်လည်း မကြီးမားသည့်ဖြစ်အင်များကိုမူ တင်ပြခြင်း မရှိကြချေ။ ရန်ကုန်၊ လှိုင်မြစ်တစ်ဖက်ကမ်းရှိ လှိုင်သာယာမြို့နယ်တွင် ဖေဖော်ဝါရီလအတွင်း ဗုဒ္ဓဘာသာဝင်လူတစ်စုမှ ဦးခင်မောင်ဌေး (၅၉ နှစ်) ၏ ကုန်စုံဆိုင်အား တိုက်ခိုက်ဖျက်ဆီးခဲ့သည့် အလားတူဖြစ်အင်မျိုးမှာ သတင်း၌ ဖော်ပြခြင်း မခံကြရ။ ဦးခင်မောင်ဌေးမှာ ရပ်ကွက်လူကြီးတစ်ဦးဖြစ်ပြီး၊ အခြေအနေ ဆိုးဝါးလာတော့မည်ကို သူ၏ ဗုဒ္ဓဘာသာဝင်မိတ်ဆွေအချို့မှ သတိပေးခဲ့ကြ၏။ ထို့ကြောင့် ရဲစခန်းသို့ ဖုန်းဆက်ရာ “ မပူပါနဲ့၊ ဘာပြဿနာမှ မဖြစ်ပါဘူး ” ဟု  ပြန်လည်ဖြေကြားခဲ့ကြသည်။

    ယင်းဗုဒ္ဓဘာသာဝင်လူသွမ်းအုပ်စုမှ တိုက်ခိုက်ကြသောအခါ ရဲတပ်ဖွဲ့ဝင်များ ရောက်ရှိလာသော်လည်း လူစုခွဲခြင်းကို ဆောင်ရွက်ပေးခြင်း မရှိသဖြင့် ဆိုင်ခန်းအဖျက်ခံရပြီး ဆိုင်းတွင်းရှိပစ္စည်းအားလုံး ဆုံးရှုံးသွားရသည်။ သူလည်း နေအိမ်ကို စွန့်ခွာပြီး ရန်ကုန်မြို့လယ်ရှိ ဆွေမျိုးသားချင်းများထံ ဒုက္ခသည်အဖြစ် သွားရောက်ခိုလှုံလိုက်ရသည်။ မိမိနေရာဟောင်းသို့  ပြန်သွားနေရန်ကြိုးစားသော်လည်း သူ၏ဖောက်သည်ဟောင်းများတစ်ချို့ပါဝင်သော နယ်ခံတို့က သူ့အား “ အိန္ဒိယကို ပြန်သွား၊ ဘင်္ဂလားဒေ့ရ်ှကို ပြန်သွား ” ဆိုပြီး အော်ဟစ် ခြိမ်းခြောက်ခဲ့သည်ဟု ဆိုသည်။

    အကြမ်းဖက်မှုများအတွင်း မွတ်စ်လင်မ်များ တိုင်းပြည်မှထွက်သွားရန် ကြံစည်ပြောဆိုချက်သည် မိမိကိုမိမိ မြန်မာများအဖြစ် ထာဝစဉ် မှတ်ယူလာသော မွတ်စ်လင်မ်များစွာအား စိတ်ထိခိုက်သွားစေသည်။ ဦးခင်မောင်ဌေး၊ သူ့ဖခင် နှင့် သူ့အဖို့တို့အားလုံးမှာ မြန်မာပြည်ဖွားများသာ ဖြစ်ကြသည်။

    မြန်မာမွတ်စ်လင်မ်တို့သည် မတူကွဲပြားသည့် လူမျိုးနွယ်၊ အသွင်အပြင်အမျိုးမျိုးဖြင့် ပေါင်းစပ်ဖွဲ့စည်းထားသော လူ့အဖွဲ့အစည်းဖြစ်သည်။ လူ့အဖွဲ့အစည်းဝင်အချို့၌ အမျိုးသမီးများက ခေါင်းမြီးခြုံကြပြီး အမျိုးသားများက မုတ်ဆိတ် ထားကြသည်။ သို့ရာတွင် ထိုအချက်က မြန်မာ့လူ့အဖွဲ့အစည်းဝင်နှင့် ကွဲပြားခြားနားအောင် ပြုလုပ်လိုက်သကဲ့သို့ ဖြစ်သွားသည်ဟု ဆိုကြသည်။

    မိမိ၏ဖောက်သည် ၉၀ % ခန့်မှာ ဗုဒ္ဓဘာသာဝင်များပင်ဖြစ်၏။ သို့သော် ဤနှစ်အစောပိုင်းမှစ၍ ၄င်းတို့အနက် အတော်များများမှာ ရောက်မလာကြတော့။ ၄င်းမှာ ပထမဆုံး ချိုးနှိမ်ခွဲခြားဆက်ဆံခံရမှုအဖြစ် မိမိမှ ခံစားခဲ့ရသည်ဟု ဦးခင်မောင်ဌေးက ပြောခဲ့သည်။

    မြန်မာနိုင်ငံရှိ ဗုဒ္ဓဘာသာဝင်များသည် မွတ်စ်လင်မ်တို့အပေါ် မနှစ်မြို့မှုကို မကြာခဏဆိုသလို ထုတ်ဖော်ပြောဆိုတတ်ကြသည်။

    ရန်ကုန်မြို့မှ အောင်မြင်သောစားသောက်ဆိုင်တစ်ဆိုင်၏ ပိုင်ရှင်ဖြစ်သူ ဦးစိုးညီညီ က မိမိသည် မွတ်စ်လင်မ်များကို လုပ်သားအဖြစ်ခန့်အပ်ခြင်းမှ များသောအားဖြင့် ရှောင်ကြဉ်လေ့ရှိကြောင်း “ သူတို့ရဲ့စိတ်သဘောထား၊ သူတို့ရဲ့ ဟန်အမူအရာ၊ သူတို့ရဲ့အကျင့်စရိုက်တွေက ကျွန်တော်တို့နဲ့ အလွန်ကွာခြားနေပါတယ် ” ဟူ၍ ဆိုသည်။ သူ၏ လုပ်သား ၁၈၀၀ အနက် ကားရပ်နေရာအစောင့် နှင့် အအေးဖျော်သူ နှစ်ဦးသာ မွတ်စ်လင်မ်ဝန်ထမ်းများ ဖြစ်ကြသည်။

    မြေယာရောင်းဝယ်မှုလုပ်ငန်းတွင်လည်း အဆောက်အဦပိုင်ရှင် ဗုဒ္ဓဘာသာဝင်တို့က မွတ်စ်လင်မ်တို့အား တိုက်ခန်းများ ရောင်းချပေးလိုခြင်း မရှိကြချေ။ “ တကယ်လို့ မွတ်စ်လင်မ်မိသားစုတစ်စုကို အခန်းတစ်ခန်းရောင်းပေးလိုက်ယင် အဆောက်အဦတစ်ခုလုံးရဲ့ဈေးနှုန်းကျဆင်းသွားလိမ့်မယ် ” ဟု ဦးစိုးညီညီကပင် ပြောပြခဲ့၏။ အိန္ဒိယမှ ဓာတ်ငွေ့မီးဖိုများ တင်သွင်းရောင်းချသူ ဦးမြင့်သိန်းက အကြမ်းဖက်မှုများနှင့်ပတ်သက်ပြီး မိမိ၏ကလေးငယ်တို့အား နားလည်အောင် ရှင်းပြရန် မလွယ်ကူပါဟု ဆိုကာ ဤသို့ ပြောကြားပါတော့သည်။

    “ ဒီတုန်လှုပ်ဖွယ်ကိစ္စတွေ မကြားမိစေအောင် ကျွန်တော် အတတ်နိုင်ဆုံး ကြိုးစားခဲ့ပေမယ့် သူတို့ ကြားသိသွားခဲ့တယ်။ ဒီနိုင်ငံကိုစွန့်ခွာဖို့ ကျွန်တော့်အနေနဲ့ တစ်သက်နဲ့တစ်ကိုယ် မစဉ်းစားခဲ့ဖူးပါဘူး။ ဒါပေမယ့် ဒီလိုရှေ့ဆက်ဖြစ်ပျက်နေမှုကြားမှာ ကလေးတွေကို မနေထိုင်မရှင်သန်စေချင်တော့ဘူးဗျာ ”။

     

    **  အမေရိကန်ပြည်ထောင်စုမှ ၂၀၁၃ ခုနှစ်၊ ဇူလိုင်လ ၃ ရက်ထုတ် နျူးယော့ခ်တိုင်းမ် မဂ္ဂဇင်းတွင်  ဖော်ပြလိုက်သော Myanmar’s Muslim Minority Confronts Fear and Mistrust ဆောင်းပါးကို သာကီထက်ကောင်းမှ မြန်မာလိုဆီလျော်အောင်ပြန်ဆိုသည်။ မူရင်း ဆောင်းပါးရှင်မှာ သောမတ်စ်ဖူလာ ( Thomas Fuller ) ဖြစ်သည်။ **

  • သမိုင်းဝင် အမှားများကို အခြေခံ ဥပဒေများ၊ နည်းဥပဒေများနှင့် ကုစားခြင်း

    သမိုင်းဝင် အမှားများကို အခြေခံ ဥပဒေများ၊ နည်းဥပဒေများနှင့် ကုစားခြင်း

    ဇူလိုင် -၁ ၊ ၂၀၁၃
    M-Media
    ဆောင်းပါးရှင်- မောင်သမာဓိ

    ဦးနေဝင်းနှင့် မဆလ ပါတီဝင်များဖြင့် ဖွဲ့စည်းထားသော ပြည်သူ့လွှတ်တော်၏ အမှားများ အကျဉ်းချုပ်။

    ၁၉၆၂ ခုနှစ်တွင် အာဏာသိမ်းပြီးနောက် ဝေဖန်ဆန့်ကျင်သည့် အသံများ တိတ်ဆိတ်သွားစေရန် အတွက် တက္ကသိုလ် ကျောင်း သားသမဂ္ဂကို ဗုံးခွဲခဲ့သော ဦးနေဝင်း အစိုးရသည် တစ်ပါတီအာဏာရှင် စနစ်ကို အသက်သွင်းကာ နိုင်ငံနှင့် ပြည်သူများအပေါ် ဖုံးဖိ မရနိုင်သည့် အမှားများကို အထိန်းအကွပ် မဲ့စွာ ကျူးလွန်ခွင့် ရသွားလေတော့သည်။

    အရှေ့တောင် အာရှတွင် အချမ်းသာဆုံးနိုင်ငံတစ်ခု၏ ကုန်ထုတ်စွမ်းအားစုများနှင့် ကုန်လုပ် အရင်းအနှီးများကို ပြည်သူပိုင်သိမ်းခြင်း ဟု နာမည်လှလှ ပေး၍ အဓမ္မလုယူခဲ့ကာ ဆိုရှယ်လစ်စီးပွားရေးစနစ် ကို ဖေါ်ဆောင်ခဲ့သော်လည်း လက်တွေ့ တွင် နိုင်ငံအုပ်ချုပ်ရေး၌ စီမံခန့်ခွဲမှုများ လွဲမှားခဲ့သောကြောင့် နောက်ဆုံးတွင် ကမ္ဘာ့ မိတ်ဆွေနိုင်ငံများ၏ အကူငွေကို မျှော်ကိုး ပြီး မြန်မာနိုင်ငံကို LDC (Least Developed Country) အဖြစ် ဦးနေဝင်းကိုယ်တိုင် အရှက်အရွံ့မဲ့စွာ ကြေငြာခဲ့လေသည်။

    တိုင်းပြည်တွင် အရံဆန်များရှိပါလျှက် စီမံခန့်ခွဲမှု ညံ့ဖျင်းသောကြောင့် ဆန်ပြတ်လတ်မှု ပြဿနာနှင့် အတူ ရခိုင်ပြည်၊ စစ်တွေ ဆန်လုပွဲနှင့် အလုပ်သမား အရေးအခင်းများ ဆက်တိုက်ဖြစ်ပေါ်လာချိန်တွင် အာရုံပြောင်း လမ်းကြောင်းလွဲသည့်အနေဖြင့် တရုတ် ဗမာ အရေးအခင်း ကို ဖန်တီးကာ မကြာမီက ဖြစ်ပွားခဲ့သော မိတ္ထီလာ၊ လားရှိုး၊ ပဲခူးတိုင်းအနောက်ခြမ်း ဘာသာရေး နှိပ်ကွပ်မှု များကဲ့ သို့ပင် နိုင်နိုင်နင်းနင်း မထိန်းသိမ်းဘဲ လွှတ်ထား ခဲ့ဘူး၏။

    သို့သော် တိုင်းပြည်မှာ GDP (Gross Domestic Product) တိုးတက်မှု မရှိဘဲ မွဲမြဲ မွဲနေသော အခါ အကြံကုန် ဂဠုံဆားချက်သည့် အနေဖြင့် ၇၅ ကျပ်တန်၊ ၃၅ ကျပ်တန်နှင့် ၂၅ ကျပ်တန် ငွေစက္ကူများကို ပြန်လည် လဲလှယ်မပေးဘဲ ဖျက်သိမ်းကြောင်း ကြေငြာခြင်းဖြင့် ဒုတိယအကြိမ် ပြည်သူအားလုံးကို ဓါးပြ တိုက်ကာ သမိုင်းဝင် အမှားတစ်ခုကို ၁၉၈၇ ခုနှစ်တွင် ကျူးလွန် လိုက်ပါတော့သည်။

    ပြည်သူများ၏ အစိုးရအပေါ် အယုံအကြည် (Trust) မဲ့စေသော နိုင်ငံတော် ကောင်စီ၏ လျှော်ကြေး မပေးဘဲ ငွေကြေး ဖျက်သိမ်းမှုကို ပြည်သူ့လွှတ်တော်က အတည်ပြုပေးခြင်းဖြင့် ထပ်ဆင့် အမှားများကို ကျူးလွန် လိုက်ကြသောကြောင့် အစိုးရရော လွှတ်တော်ကိုပါ မယုံကြည်သော ပြည်သူလူထုတရပ်လုံး အုံကြွ လာပါတော့သည်။

    ထိုအခါ ထုံးစံအတိုင်း ဘာသာရေးကို ခုတုံးလုပ်ကာ ပြည်သူလူထု အာရုံကို လွှဲလိုသော(သို့မဟုတ်) နိုင်ငံရေးအမြတ်ထုတ် လိုသော ရည်ရွယ်ချက်ဖြင့် လူမျိုးရေး၊ ဘာသာရေး အထိကရုံးများ ကို ပြည်မြို့နှင့် တောင်ကြီးမြို့ တို့တွင် နိုင်ငံရေး ကစားကွက် အဖြစ် ဖန်းတီးခဲ့သေးသော်လည်း ၈ လေးလုံး ကျောင်းသားများ၏ ဦးဆောင်မှုနှင့် ပြည်သူလူထု၏ တခဲနက် ပါဝင်မှုကြောင့် မဆလ တစ်ပါတီ အာဏာရှင် စနစ်ဆိုးကြီးသည် ၁၉၈၈ ခုတွင် အပြီးတိုင် ချုပ်ငြိမ်းခဲ့လေသည်။

    ဦးနေဝင်း၏ အမှားများကို ဦးသန်းရွှေက ၂၀၀၈ ဖွဲ့စည်းပုံနှင့် ကုစားခြင်း။

    ဦးနေဝင်း၏ အထိန်းအကြောင်းမဲ့ တစ်ပါတီ အာဏာရှင် စနစ်ဆိုးကို ကုစားရန် ၂၀၀၈ ဖွဲ့စည်းပုံ ပုဒ်မ (၇) တွင် နိုင်ငံတော် သည် ပါတီစုံ ဒီမိုကရေစီ စနစ် ကို ကျင့်သုံးသည်ဟု ပြဌာန်းလိုက်ပါသည်။

    မှောင်ခိုစီးပွားရေးစနစ်ကို ဖွံ့ဖြိုးစေသော လက်ဝါးကြီးအုပ် စီးပွားရေး စနစ်တခုဖြစ်သည့် ဆိုရှယ်လစ် စီးပွားရေးစနစ်ဆိုးကို ကုစားရန် ၂၀၀၈ ဖွဲ့စည်းပုံ ပုဒ်မ (၃၅) တွင် နိုင်ငံတော်၏ စီးပွားရေးစနစ်သည် ဈေးကွက် စီးပွားေ ရးစနစ် ဖြစ်သည်ဟု ပြဌာန်း ထားပါသည်။ တဖန် ခရိုနီ စီးပွားရေး စနစ်ကို ဟန့်တားရန် ပုဒ်မ (၃၆) အပိုဒ်ခွဲ (ခ) တွင် စီးပွားရေး လုပ်ငန်း များတွင် တရားသဖြင့်ယှဉ်ပြိုင်ခြင်းကို ပျက်ပြားစေရန် တစ်ဦး တစ်ယောက်က ဖြစ်စေ၊ အစုအဖွဲ့ကဖြစ်စေ လက်ဝါးကြီးအုပ် ဆောင်ရွက်မှု သို့မဟုတ် ဈေးကစားမှု ပြုခြင်းဖြင့် အများပြည်သူတို့၏ အကျိုးစီးပွားကို ထိခိုက်နစ်နာစေခြင်းမှ တားဆီးကာကွယ်မည်ဟု အတိအလင်းဆိုထား၏။

    အများပြည်သူ၏ အစိုးရအပေါ် အယုံအကြည်မဲ့စေမည့် အဓမ္မ ဓါးပြတိုက်သည့် နည်းလမ်းနှစ်ခု ဖြစ်သော ပြည်သူပိုင်သိမ်းခြင်းနှင့် တရားမဝင်ငွေကြေး ကြေငြာခြင်းကို ကုစားရန် အတွက် ၂၀၀၈ ဖွဲ့စည်းပုံ ပုဒ်မ (၃၆) အပိုဒ်ခွဲ (ဃ) နှင့် (င) တို့တွင် စီးပွားရေးဆိုင်ရာ လုပ်ငန်းများကို နိုင်ငံပိုင် သိမ်းယူခြင်းမပြု နှင့် တရားဝင် ထုတ်ဝေထားသော ငွေကြေးကို တရားမဝင်ငွေကြေးအဖြစ် သတ်မှတ်ခြင်းမပြု ပါဟု ကတိပြုထား၏။

    (မှတ်ချက်။     ။ ဦးသန်းရွှေလက်ထက်တွင် မန္တလေး၌ တည်ရှိသော ဒေါ်ဝင်းဝင်းနုပိုင် ဘီယာ စက်ရုံကို နိုင်ငံပိုင် သိမ်းခဲ့သောကြောင့် အစိုးရမှ တရားတဘောင် ရင်ဆိုင်ခဲ့ရသေးသည်။)

    နိုင်ငံရေးအကျိုးအမြတ်အတွက် ဘာသာ၊ သာသနာများအား အလွဲသုံးမှုများကို ကာကွယ် ကုစားရန် အတွက် ၂၀၀၈ ဖွဲ့စည်းပုံ ပုဒ်မ (၃၆၄) တွင် နိုင်ငံရေးကိစ္စအလို့ငှာ ဘာသာသာသနာကို အလွဲသုံးစားမပြုရ။ ထို့အပြင် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း တစ်ဖက်နှင့်တစ်ဖက်၊ တစ်ဂိုဏ်းနှင့် တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်းတစ်မျိုးမျိုး ပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာရန် အကြောင်းရှိသော အပြုအမူသည် ဤဖွဲ့စည်းပုံ ဥပဒေနှင့် ဆန့်ကျင်သည်။ ထိုအပြုအမူမျိုးအတွက် ပြစ်ဒဏ်ပေးနိုင်ရန် ဥပဒေပြဌာန်းနိုင်သည်ဟု ရေးသား ကုစား ထားပါသည်။

    ကုစားမှုများ၏ ထိရောက် အကျိုးရှိမှုနှင့် အဟောသိကံ ဖြစ်မှုများ။

    ပထမဦးစွာ ကုစားမှုများ၏ ထိရောက် အောင်မြင်မှုများကို စတင် ဆွေးနွေးပါမည်။ စီးပွားရေးဆိုင်ရာ လုပ်ငန်းများ ကို နိုင်ငံပိုင်သိမ်းယူခြင်း မပြုဆိုသော ကုစားမှု ပုဒ်မကြောင့် စီးပွားရေး လုပ်ငန်းရှင်များ ပိုမို ရင်းနှီး မြှုပ်နှံ လာသည်ကို တွေ့နေရပါသည်။ တရားဝင် လှည့်လည် သုံးစွဲနေသော ငွေကြေးကို တရားမဝင် ငွေကြေး အဖြစ် သတ်မှတ်ခြင်းမပြုပါ ဟူသော ကုစား မှုကြောင့် နိုင်ငံခြားငွေလဲလှယ်မှု လက်မှတ် (FEC, Foreign Exchange Certificate) ကို အိနြေ္ဒရှိစွာ ရုပ်သိမ်းနိုင်ခဲ့ပါသည်။ နောက်ဆုံး သတ်မှတ်ရက် နီးလေ ဈေးတက် လေ ဖြစ်ခြင်းသည် ဖွဲ့စည်းပုံပါ ငွေကြေးဆိုင်ရာ မူဝါဒကို ပြည်သူလူထုမှ ယုံကြည် သောကြောင့် ဖြစ် သည်။

            ကုစားမှုများ မအောင်မြင်၊ မထိရောက်သည့် ၂၀၀၈ ဖွဲ့စည်းပုံပါ ပုဒ်မများကို ဆွေးနွေးပါဦးမည်။ လက်ရှိ ဦးပိုင်ကုမ္ပဏီနှင့် ခရိုနီတို့၏ စီးပွားရေးနယ်ပယ်တွင် လွှမ်းမိုးထားနိုင်မှုသည် ၂၀၀၈ ဖွဲ့စည်းပုံ ပုဒ်မ (၃၆) အပိုဒ် ခွဲ (ခ) သည် ထိရောက်မှု မရှိကြောင်း ပြသနေပါသည်။

    ယခုဆောင်းပါးတွင် အဓိက ထောက်ပြလိုသည့် အချက်မှာ ၂၀၀၈ ဖွဲ့စည်းပုံ ပုဒ်မ (၃၆၄) သည် လုံးဝ အသက်ဝင်ခြင်းမရှိ သည့် အချက်ပင်ဖြစ်သည်။ ထို့ထက် ပို၍ဆိုးသည်မှာ နိုင်ငံရေးပါတီနှစ်ခုက လာမည့် ၂၀၁၅ ရွေးကောက်ပွဲတွင် ပြိုင်ဖက်ပါတီအပေါ် လူများစု၏ အမုန်းတရားမဲနှင့် လူနည်းစု၏ အစွန်းရောက်ဘေးရန် အကြောက်တရားမဲ တို့ကို ရလိုသော ရည်ရွယ်ချက်ဖြင့် ဗုဒ္ဓဘာသာနှုင့် သံဃာတော်တို့ကို အသုံးချ၍ အမျိုး သားရေးလှုပ်ရှားမှု နိုင်ငံရေး ကစားကွက်ကို ဖင်လိမ်ကွင်း (Hoopla hoop) လေးလှည့်ကာ၊ လှည့်ကာ ကစားရာ ပရိတ်သတ်ရှေ့ ပုဆိုးကျွတ်ကျ၍ အရှက်ကွဲရသည့်အလား ဗုဒ္ဓသားတော် သံဃာတစ်ပါး ဖြစ်သော မန္တလေး မစိုးရိမ် ကျောင်းတိုက် ဆရာတော် ဥူးဝီရသူကို အကြမ်းဖက်သမား တစ်ဦးအဖြစ် ကမ္ဘာ့ မီဒီယာကြီးများက မှတ်တမ်း တင်ခံရသည် အထိ ဗုဒ္ဓဘာသာ၏ ပုံရိပ်သည် ကမ္ဘာပေါ်တွင် ကျဆင်းခဲ့ရ ပါတော့သည်။

    ထို့ကြောင့် နိုင်ငံရေးသမားများ ကပ်လှူသော နှောင်ကြိုးပါသည့် ဆွမ်းနှင့် ဝတ္ထုပစ္စည်းတို့ကို သတိ ကြီးစွာဖြင့် လက်ခံရန်  ကြုံကြိုက်တုံး ဥူးဝီရသူ အပါအဝင် ဆရာတော်၊ သံဃာတော်များကို လျှောက်တင် ချင်ပါသည်။ အဘယ် ကြောင့် ဆိုသော် နိုင်ငံရေး သမားတို့သည် ၎င်းတို့ အာဏာရရေး၊ မဲနိုင်ရေးအတွက်ဆိုလျှင် မေတ္တာဝါဒီ ဗုဒ္ဓ ဘာသာ သံဃာကိုပင် အော့ကြောလန် အကြမ်းဖက်ဝါဒီ အဖြစ် ကမ္ဘာက သမုတ်ခံရသည်အထိ ဘာသာရေးကို အလွဲသုံးစား ပြုရန် ဝန်မလေးသူများဖြစ်သည်ကို မျက်မြင်ဒိဌ တွေ့နေ ရသောကြောင့်ဖြစ်သည်။ လိုအပ်တုံးအခါ အသုံးချ၍ မလိုအပ်ချန်တွင် ထိုးကြွေးခြင်းနှင့် နှိပ်ကွပ်ခြင်းတို့ကိုလည်း ခံရနိုင်ပါသေးသည်။

    ပရိယတ္တိ၊ ပရိပတ္တီ၊ ပရိဝေဒ သာသနာ့ တာဝန် သုံးရပ် ကျင့်ကြံအားထုတ်ခြင်းကသာ အကောင်းဆုံးကုစားမှု။

    မိမိသမီးတွင် ရည်းစားရှိကြောင်း နောက်ဆုံးမှ သိသူမှာ မိဘနှစ်ပါးသာ ဖြစ်သည်။ ပတ်ဝန်းကျင်မှ သူတို့၏ နားနှင့် မျက်စေ့များ လျှံထွက်လာမှသာ မိသားစုဝင်များက သိနိုင်ကြပါလိမ့်မည်။ လူများစုမှ လူနည်းစု မူဆလင်များ အပေါ် ကာယကံ၊ ဝစီကံ၊ မနောကံတို့ဖြင့် တိုက်ခိုက်ဆော်ကားနေမှုများကို ခံနေရသူ မွတ်ဆလင် များက အရင်ဆုံး သိပါလိမ့်မည်။ ဒုတိယအနေဖြင့် ကြားလူ (Third Person) က သတိပြုမိပါလိမ့်မည်။ ရည်းစား တိတ်တ်ိတ်ခိုးထားသည့် သမီးရှင်၏ မိဘများနှင့် တူသော ဗုဒ္ဓဘာသာဝင် စစ်စစ် ပြည်သူအများစုမှာ ပြည်တွင်း တွင် မွတ်ဆလင်များ နှိပ်ကွပ် ခံရမှုကို နောက်ဆုံး ဗုဒ္ဓပုံရိပ်ပေါ်၌ နိုင်ငံရေး အရိပ်ထိုးခံရချိန်ကျမှ အိပ်ယာမှ လန့်နိုးကာ သတိထားမိ သူများ ဖြစ်နေပေလိမ့်မည်။

    ဆရာဝန် တစ်ဦးသည် လူနာ၏ သွေးနမူနာဓါတ်ခွဲမှု အဖြေကို ကြည့်ပြီးနောက် ဆရာဝန်တို့၏ နည်းပရိယာယ် (Counseling) ကို မသုံးဘဲ ခင်ဗျားမှာ HIV ပိုးရှိတယ်ဟု ရုတ်တရက် ပြောလိုက်လျှင် (Breaking the bad news)  လူနာ၏ ပထမဆုံး တုံ့ပြန်မှုမှာ ငြင်းဆိုခြင်း (Denial) ပင်ဖြစ်သည်။ ဒုတိယအဆင့် အနေဖြင့် ဆရာဝန် သည် လူနာ၏ တိုက်ခိုက် ခြင်းကို ခံရနိုင်ပါသည်။ တတိယ အဆင့်တွင် လူနာသည် သွေးအေးလာပြီး တဖြည်း ဖြည်း လက်တွေ့ အခြေ အနေကို လက်ခံ လာပါ လိမ့်မည်။

    ထို့အတူ ကမ္ဘာကျော် Time မဂ္ဂဇင်းက အကြမ်းဖက် သံဃာတစ်ပါး အကြောင်း ဆိုင်းမဆင့် ဗုံမဆင့် ထုတ်ဖေါ်လိုက်ချိန်တွင် တစ်ခါမျှ မကြားခဲ့ဘူးသော အကြောင်းအရာဖြစ်၍ ဗုဒ္ဓဘာသာဝင်များ အများစုက လက် မခံ ငြင်းဆန်ကြပါသည်။ Time မဂ္ဂဇင်းတိုက် အနီးအနားတွင်ရှိလျှင် အတိုက်အခိုက် ခံရမည်မှာ သေချာ သည်။ ထို့နောက် ဤအဖြစ်အပျက်သည် ပြန်ပြင်၍ မရသော သမိုင်းအမဲစက် အဖြစ် ပြည်သူအများ လက်ခံပြီး သင်ခန်း စာ ယူလာချိန်တွင် နောင်အခါ ဘာသာတရား ကိုးကွယ်ယုံကြည်မှုတို့ကို နိုင်ငံရေး သမားများ အကျိုးအမြတ် အ တွက် ကမ္ဘာ့ဘာသာကြီးများ အကြား ဂုဏ်ငယ်စေသည်အထိ အသုံးချခြင်း မခံရလေအောင် ကာကွယ်ဖို့ စဉ်းစား လာပါလိမ့်မည်။

    ထို့ကြောင့် ယခုသံဃာတော်များ ကြိုးပမ်းနေကြသော အမျိုးစောင့် ဥပဒေထက်စာလျှင် ဗုဒ္ဓဘာသာကို သန့်ရှင်းသော မေတ္တာတရား ရှေ့ထားသည့် ဘာသာအဖြစ် ထာဝရတည်တန့်စေရန်အတွက် နိုင်ငံရေးသမားနှင့် စည်းခြားသည့် ဥပဒေသည်သာ အမြန်ဆုံးပြဌာန်းသင့်သည်ဟု မြင်ပါသည်။ နိုင်ငံရေးသမားများ၏ ကြိုးကိုင် ခိုင်း စေမှုကိုလည်း သံဃာတော်များ အနေဖြင့် သတိဖြင့် ရှောင်ရှားကြရပါလိမ့်မည်။ နိုင်ငံရေးသမားများနှင့် ရော ထွေး ယှက်တင် နိုင်ငံရေးလုပ်သော သံဃာကိုလည်း ရဟန်းအဖြစ်မှ ကျဉ်ခြင်းမျိုးဖြင့် ကုစားမှသာ လူရိုသေ ရှင် ရိုသေ သာသနာ ဖြစ်လာရုံမျှမက နောက်ထပ် Time မဂ္ဂဇင်း မျက်နှာဖုံးရှင် သံဃာတစ်ပါး မပေါ်ပေါက်စေရန် ကာကွယ်ပြီးလည်း ဖြစ်သွားပါလိမ့်မည်။

    တနည်းအားဖြင့် သံဃာတော်များသည် ဥပဒေပြုဖို့ ကြိုးစားနေကြခြင်းထက် ပရိယတ်၊ ပရိပ္ပတ်၊ ပရိ ဝေဒ သာသနာ့တာဝန် သုံးရပ်ကို ဘုရားဟော အတိုင်း ကျင့်ကြံအားထုတ်ခြင်းကသာလျှင် ဗုဒ္ဓသာသနာကြီးကို ဂုဏ်ရောင် ပြောင်စေမည့် နောက်ထပ် သမိုင်းအမဲစက် မထင်စေရန် အကောင်းဆုံး ကုစားမှု ဖြစ်ပေသည်။ ခရစ် ယာန် ဘာသာကလည်း လူသားတို့ ပြုစုသော ဥပဒေနှင့် လူသားတို့ ၏ အုပ်ချုပ်မှုသည် မည်သို့မျှ တရား မျှတမှု မရှိနိုင်ဟု ဆိုသောကြောင့် ဥပဒေပြုသူ သံဃာတော်များသည် အဂတိတရား ၄ ပါး ကင်းရန် မဖြစ်နိုင်ပါသော ကြောင့် အစဉ် အမြဲ အာဘတ် သင့်နေပါလိမ့်မည်။

    ၂၀၁၃ ခု ဇွန်လ ၂၇ ရက်နေ့တွင် အင်းစိန် ရွာမ၌ ကျင်းပသော သံဃာ့ညီလာခံတွင် သီတဂူ ဆရာတော် ဘုရားက မျိုးချစ်စိတ် လွန်ကဲသော လူငယ်များကို သံဃာတော်များက ထိန်းသိမ်းရမည်ဟု မိန့်ကြားချက် အပေါ် တပည့်တော် ဘဝင်မကျပါ။ ထိုသို့သော အစွန်းရောက်တို့ကို အာဏာစက်ဖြင့်  ထိန်းသိမ်းရန် အတွက် အစိုးရနှင့် လုံခြုံရေး အဖွဲ့များ တွင်သာ တာဝန် အပြည့်ရှိမည်ဟု မြင်ပါသည်။

    ထို့အပြင် မြင့်မြတ်သော ဘာသာရေးကို ညစ်ပတ်လေ့ရှိသော နိုင်ငံရေးနှင့် ရောထွေးယှက်တင် မဖြစ် စေရန်အတွက် သံဃာတော်များကို ပါတီထောင်ခွင့်၊ မဲပေးခွင့်များကို ခေတ်အဆက်ဆက် ဖွဲ့စည်းပုံများက ဟန့်တားထားသောကြောင့် ဘုရားသားတော် သံဃာများသည် နိုင်ငံရေးနှင့် ကင်းရှင်းသင့်ပါသည်။

             (မှတ်ချက်။      ။ ရခိုင်ပဋိပက္ခ စုံစမ်းရေး ကော်မရှင် ဖွဲ့စဉ်က ဆရာတော် သံဃာတော်များက မိမိတို့နည်းတူ အိုလမာအဖွဲ့ချုပ်နှင့် မော်လဝီ အဖွဲ့ချုပ်တို့သည် သာသနာ့ ဝန်ထမ်းများ ဖြစ်ကြသောကြောင့် နိုင်ငံရေးနှင့် မပတ်သက်သင့်သည်ဖြစ်၍ ကော်မရှင်တွင် မပါဝင်သင့်ကြောင်း ထောက်ပြကန့်ကွက်သည့်အတွက် သံဃာ့ အဖွဲ့အစည်း၊ အိုလမာနှင့် မော်လဝီ အဖွဲ့ချုပ်တို့မှ ကိုယ်စားလှယ်များ ကော်မရှင်တွင် ထည့်သွင်း ဖွဲ့စည်းခြင်း မရှိသောဖြစ်စဉ် ရှိခဲ့ဘူးသော်လည်း ယနေ့သံဃာတော်များအနေဖြင့် ဥပဒေပြုရန် ကြိုးစားနေသည်ကို အံ့သြ ဖွယ်၊ ဝမ်းနည်းဖွယ် အဖြစ် တွေ့နေရပါသည်။)

    စစ်အာဏာရှင်ဟောင်း ဦးသန်းရွှေ၏ အမှားများကို ကုစားရန် ကြိုးစားခြင်း။

    (က) ဗိုလ်ချုပ်နေဝင်းသည် ဦးနုကို၎င်း၊ ဗိုလ်ချုပ်စောမောင်သည် ဒေါက်တာမောင်မောင်ကို၎င်း၊ ဗိုလ်ချုပ် သန်းရွှေသည် ဗိုလ်ချုပ်စောမောင်ကို၎င်း အာဏာသိမ်းပြီးနောက် ဖွဲ့စည်းပုံ အခြေခံဥပဒေ ရေးဆွဲရန် အကြောင်းမျိုးစုံပြ အချိန်ဆွဲခြင်းဖြင့် အာဏာရှင် စနစ်ကို ရှည်ကြာစေခဲ့ကြလေသည်။ ထိုင်းနိုင်ငံသည် ကမ္ဘာပေါ်တွင် အာဏာ အသိမ်းဆုံးနိုင်ငံဖြစ်သော်လည်း ပျှမ်းမျှ တနှစ်အတွင်း ဖွဲ့စည်းပုံ အသစ်ရေးဆွဲပြီး ရွေးကောက်ပွဲ ပြန်လည် ကျင်းပပေးလေ့ရှိသောကြောင့် မြန်မာနိုင်ငံထက် အစစ အရာရာ သာလေသည်။

    ထို့ကြောင့် ၂၀၀၈ ဖွဲ့စည်းပုံကိုပြင်ဆင်ရေးဆွဲလျှင် နိုင်ငံတော် အာဏာသိမ်းခြင်းကို ဟန့်တားသည့် ဥပဒေ ကို တည်ထွင်ပြဌာန်းခြင်းဖြင့် မကြာခဏ အာဏာသိမ်းမှုများကို ကုစားသင့်ပါသည်။

    (ခ) ၁၉၉၀ ရွေးကောက်ပွဲရလဒ်ကို ငြင်းပယ်ခြင်းသည် ဦးသန်းရွှေ၏ မဟာ့ မဟာ အမှားတစ်ခု ဖြစ်သည်။ ကမ္ဘာ့နိုင်ငံ အများစုက စည်းပွားရေးပိတ်ဆို့မှုကြောင့် လက်လျှော့ နောင်တရချိန်တွင် တိုင်းပြည်သည် သူများ ကြွေးကို မဆပ်နိုင်သည့် နိုင်ငံ အဖြစ်သို့ ဆိုက်ရောက်ခဲ့ရလေသည်။ ဆရာကLDC (Least Developing Country) ဂုဏ်ဆောင်၍ တပည့်က ဒေဝါလီ ခံလေ၏။

    ထို့ကြောင့် ဖွဲ့စည်းပုံ အသစ်ပြင်ဆင် ရေးဆွဲလျှင် ရွေးကောက်ပွဲ ရလဒ်ကို ငြင်းပယ်ခြင်းများကို ကာကွယ် ကုစားနိုင်ရန် ဥပဒေ အသစ်တစ်ခုကို ရေးဆွဲရန် ထည့်သွင်းစဉ်းစားသင့်သည်။

    (ဂ) ၂၀၁၀ ခုနှစ် ရွေးကောက်ပွဲများတွင် ရွေးကောက်ပွဲ ကော်မရှင်ကိုယ်တိုင် ပါဝင်ပတ်သက်သော မဲလိမ်မှု မျိုးများ နောက်ထပ် မပေါ်ပေါက်စေရန် ရွေးကောက်ပွဲ ကော်မရှင် ဥပဒေ ကို ပြန်လည် ရေးဆွဲပြီး ဘက်မလိုက် လူရိုသေ၊ ရှင်ရိုသေ ကော်မရှင် အသစ် ကိုလည်း ပြန်လည်ဖွဲ့စည်းသင့်ပါသည်။

    (ဃ) နောက်ဆုံးကုစားရမှာကတော့ ဒီပဲယင်း အကြမ်းဖက်မှုကဲ့သို့သော အစိုးရ ကိုယ်တိုင်ဦးစီးသည့် အကြမ်း ဖက်မှုများ နှင့် လူ့အခွင့်အရေး ချိုးဖေါက်မှုများကို ကာကွယ် ကုစားရေး ဥပဒေ များ ဖွဲ့စည်းပုံ အသစ်တွင် ထည့် သွင်း ပြဌာန်း ရေးဆွဲ ကုစား ရေးဘဲ ဖြစ်ပါတယ်။ အဘယ်ကြောင့်ဆိုသော် ဦးသန်းရွှေ အုပ်ချုပ်စဉ် ကာလတွင် တောင်ငူနှင့် ကျောက်ဆည်မြို့တို့တွင် ဘာသာရေး၊ လူမျိုးရေး ပဋ္ဋိပက္ခများ အကြီးအကျယ် ဖြစ်ခဲ့ သောကြောင့်ပင် ဖြစ်သည်။ ယနေ့ နာမည်ကျော် ဥူးဝီရသူသည်လည်း ကျောက်ဆည် အကြမ်းဖက်မှုအတွက် ထောင်ဒဏ် အနှစ် ၂၅ ကျခံခဲ့ဘူးသူ အကြမ်းဖက် သမိုင်းဝင် ပုဂ္ဂိုလ် တစ်ဦးဖြစ်ပေသည်။

    ဦးသိန်းစိန် အစိုးရ၏ အမှားများကို ရိုဟင်ဂျာပြတိုက်၊ ၉၆၉ ပြတိုက်များဖွင့်ပြီး ကုစားရန် ကြိုးစားခြင်း။

    (က) မြန်မာနိုင်ငံ၏ လွတ်လပ်ရေး ဗိသုကာ ဗိုလ်ချုပ်အောင်ဆန်း၊ ပါကစ္စတန် ခေါင်းဆောင် အလီ ဂျင်းနား၊ မြန်မာနိုင်ငံ၏ ပထမဆုံး သမ္မတ စဝ်ရွှေသိုက်၊ မြန်မာနိုင်ငံ၏ ပထမဆုံး ဝန်ကြီးချုပ် ဦးနုနှင့် မေယုခရိုင် စစ်ဒေသ စစ်တိုင်းမှူး  ဗိုလ်မှူးချုပ် အောင်ကြီး တို့က တိုင်းရင်းသား အဖြစ်လက်ခံသော ရိုဟင်ဂျာလူမျိုးကို ဦးသိန်းစိန်အစိုးရက ဇွတ်တရွတ် ငြင်းဆန်နေခြင်းသည် ရည်ရွယ်ချက် တစုံတရာ ရှိပုံရ၏၊၊

    ရိုဟင်ဂျာပြတိုက်တစ်ခု ဖွင့်နိုင်လောက်သည့် အထောက်အထားများဖြစ်သော ရခိုင်ပြည်နယ် မြောက်ဦး မြို့ ကိုးသောင်းဘုရား ရှိ ကျောက်စာတွင် ရိုဟင်ဂျာ ဘာသာနှင့် ရေးသားထားခြင်း၊ မြန်မာ တိုင်းရင်းသား များတွင် ရိုဟင်ဂျာ ပါဝင်ကြောင်း မြန်မာနိုင်ငံသို့ ကိုယ်တိုင်ရောက်ရှိ မှတ်တမ်းတင်ခဲ့သည့် ဒေါက်တာဖရန်စစ် ဘူချနန်၏ ၁၇၉၉ ခုတွင် ရေးသားခဲ့သော စာအုပ်တွင် ပါရှိခြင်း၊ မြန် မာနိုင်ငံသို့ အစ္စလာမ် ဘာသာ စတင်ပြန့်ပွားရာဒေသဖြစ်၍ ရခိုင်ပြည်နယ်တွင် ပလီအလုံးရေ ၁၆၀၀ ကျော်ရှိခြင်းကြောင့် တနိုင်ငံလုံးတွင် ပလီအရေအတွက် အများဆုံးရှိခြင်း၊ လွန်ခဲ့သော နှစ် ၁၀၀၀ ကျော်က တည်ဆောက်ခဲ့သော စန္ဒီခန်းပလီ တည်ရှိရာ အရပ်ဖြစ်ခြင်း၊ ၁၉၄၇ ဖွဲ့စည်းပုံရေးဆွဲရာတွင် ဗိုလ်ချုပ် အောင်ဆန်းနှင့်အတူ ရိုဟင်ဂျာ နှစ်ဦးဖြစ်သော အဗ္ဗဒူဂဖါးနှင့် ဆူလတန်အာမက်တို့နှစ်ဦး ပါဝင်ခြင်း၊ လွတ်လပ်ရေး ရပြီးနောက် ရိုိဟင်ဂျာ (မူဂျာဟေဒင်) လက်နက်ကိုင်အဖွဲ့ရှိခြင်း၊ လက်နက်ချပြီးနောက် ရိုဟင်ဂျာ အမည်ကို ဗိုလ်ချုပ်အောင်ကြီးနှင့် ရခိုင်ခေါင်းဆောင်များက ရိုဟင်ဂျာ အလယ်သံကျော် Conference တွင် လက်ခံသဘောတူခြင်း၊ ဝန်ကြီးချုပ် ဦးနုခေတ်က ရိုဟင်ဂျာ သတင်းစာ ထုတ်ဝေခဲ့ခြင်းနှင့် မြန်မာ့အသံ တိုင်းရင်းသား အစီအစဉ်မှ ရိုဟင်ဂျာ တိုင်းရင်းသား အစီအစဉ်ကို ရိုဟင်ဂျာ ဦးဘထွန်းမှ အသံလွှင့်ခဲ့ခြင်း၊ ရခိုင်ပြည်တွင် ဗမာစကားပြောလျှင် ရခိုင်တိုင်းရင်းသာတို့က  တိုက်ခိုက်လေ့ ရှိသော်လည်း ရိုဟင်ဂျာ စကားကိုပြောခွင့်ပေးခြင်း၊ စသည်တို့ကြောင့် ပြည်ထောင်စု လွှတ်တော်မှ ရိုဟင်ဂျာကို တိုင်းရင်းသား အဖြစ် အသိအမှတ်ပြုလိုက်လျှင် ရခိုင်ပြည် အမြန်ဆုံး အေးချမ်းသွားစရာ အကြောင်း ရှိသည်ကို အဘယ်အတွက်ကြောင့် အချိန်ဆွဲနေကြ သနည်း။

    တဖန် ၉၆၉ အဖွဲ့ အကြောင်းဆွေးနွေးပါဦးမည်။ ၉၆၉ အဖွဲ့ဝင် သံဃာတော်များနှင့် လူပုဂ္ဂိုလ် အဖွဲ့ဝင် တို့သည် ဘာသာရေး မတည်မငြိမ် ဖြစ်အောင် လှုံ့ဆော်ဟောပြော လုပ်ဆောင်မှုများရှိကြောင်း ယနေ့ အချိန် အခါတွင် ဗုဒ္ဓဘာသာဝင် အများစုကြီးက လက်ခံကြောင်း ဇွန်လ ၃၀ ရက် တနင်္ဂနွေနေ့ နံက်ပိုင်းက ထုတ်လွှင့် သွားသော VOA ဆွေးနွေးခန်းက သက်သေပြနေပါသည်။

    အစိုးရအဖွဲ့ ကြေငြာချက်တွင် ၉၆၉ အမှတ် တံဆိပ်သည် ငြိမ်းချမ်းသော သင်္ကေတဖြစ်၍ လှုံ့ဆော်ဆူပူ အကြမ်းဖက်မှုများတွင် မသုံးရန်တည့်သွင်းရေးသား ထားသော်လည်း ၉၆၉ အဖွဲ့၏ တရားဝင်မှုကို ဒုဝန်ကြီး ဦးရဲထွဋ်က အာမ မခံနိုင်ပါ။ သို့သော် ၉၆၉ အဖွဲ့ကို ဆက်လက် လှုပ်ရှားခွင့်ပေးထားခြင်းက တောင်သာတွင် ဗြောင်ကျကျ ဆိုင်းဘုတ်တင်ထားသော စွမ်းအာရှင် ဝါးရင်းတုတ် တပ်ရင်းကဲ့သို့ နိုင်ငံရေး ကစားကွက်တွင် အသုံးချရန် ရည်ရွယ်ထားပုံရ၏။

    (မှတ်ချက်။     ။ တနိုင်ငံလုံးရှိ မွတ်ဆလင် အဖွဲ့အစည်း အသီးသီးက တာဝန်သိစွာဖြင့် နိုင်ငံတော် သံဃာ့မဟာနာယကအဖွဲ့၊ သာသနာရေး ဝန်ကြီးဌာနနှင့် အုပ်ချုပ်ရေး အာဏာပိုင် အဖွဲ့အစည်း အသီးသီးထံ ပေးပို့ထားသော ပြည်သူလူထုအတွင်း လွတ်လပ်စွာ ပျံ့နှံ့နေသည့် ဘာသာရေး၊ လူမျိုးရေး လှုံ့ဆော်မှု များပါဝင်သော DVD, VCD နှင့် စာရွက်စာတန်း၊ ဓါတ်ပုံများသည် Holocaust Museum ကဲ့သို့ ၉၆၉ ပြတိုက် တစ်ခု ဖွင့်နိုင်လောက်သည် အထိ များပြား၏။ နောင်အခါ ကိုယ်ကျိုးရှာ နိုင်ငံရေးသမားများ ဗုဒ္ဓဘာသာကို Abuse မလုပ်နိုင်စေရန် ၉၆၉ ပြတိုက်တစ်ခု သို့မဟုတ် Web Site တစ်ခုကို ဖွင့်သင့်ပါသည်။)

    ဤနေရာတွင် အကြံပေးလိုသည်မှာ ၉၆၉ အဖွဲ့ကို မတရားအသင်းအဖြစ် ကြေငြာခြင်း၊ သို့မဟုတ် ပြည်ထဲရေးဝန်ကြီးဌာနတွင် တရားဝင် မှတ်ပုံတင်ပေးခြင်းကသာလျှင် နိုင်ငံတကာ ခေါင်းဆောင်များ၊ နိုင်ငံ တကာ မီဒီယာများနှင့် တွေ့ဆုံချိန်တွင် ဦးသိန်းစိန် အစိုးရ အနေဖြင့် ဂုဏ်သိက္ခာရှိရှိ ပြောဆိုနိုင်မည်ဖြစ်၏။ အစိုးရတရပ်၏ နိုင်ငံတကာသို့ လှည့်ပတ်လိမ်ညာနေခြင်းသည် နိုင်ငံတော်နှင့် နိုင်ငံသား များ၏ ပုံရိပ်နှင့် ဂုဏ်သိက္ခာ ကျဆင်းစေပါသည်။

    ထို့အပြင် ၉၆၉ အဖွဲ့နှင့် ရိုဟင်ဂျာ ပြဿနာကို ဆွဲဆန့်ထားခြင်း နောက်ကွယ်တွင် နိုင်ငံရေး ရည်ရွယ်ချက် ကြီးကြီးမားမား ရှိပုံရ၏။ ဒေါ်စုကိုမုန်းသော ဗုဒ္ဓဘာသာဝင်များ၏ မဲနှင့် အစွန်းရောက်ကို ကြောက်သော မွတ်ဆလင်တို့၏ မဲတို့ကို မျှော်ကိုးသော နိုင်ငံရေး ကစားကွက် (Political Games) များအဖြစ် နိုင်ငံရေး လေ့လာအကဲခတ်သူများက ယူဆကြ၏။ ကျွန်ုပ်၏ ကိုယ်ပိုင်အမြင်ကို ပြောရလျှင် ၂၀၁၅ တွင် ဒေါ်စု မတော်တဆ သမ္မတ ဖြစ်သွားလျှင် တည်ငြိမ်စွာ မအုပ်ချုပ်နိုင်အောင် ထောင်ထားသော နင်းမိုင်းများဖြစ်ပြီး နောက်ဆုံး တွင် ဒေါ်စုကိုယ်တိုင် စစ်တပ်ကို အာဏာပြန်အပ်သည် အထိ ရည်ရွယ်ချက်ကြီးမား၏။

    ထို့ကြောင့် ဒေါ်စုအနေဖြင့် ဤပြဿနာများကို ၂ နှစ်အတွင်း အပြီးအပြတ် မဖြေရှင်းဘဲ သမ္မတ အလျှင်စလို မလုပ်သင့်ဟု မြင် ပါသည်။ မိမိသမ္မတ မဖြစ်မီအရင် ဤကိစ္စများကို အကြွေး မထားစေဘဲ ဦးသိန်းစိန် အစိုးရ လက်ထက်တွင် အကြေအလည် ဖြေရှင်းဖို့ နည်းမျိုးစုံ သုံးပြီး လုပ်ဆောင်သင့်ပါသည်။

    (ခ) ဦးသိန်းစိန်အစိုးရ၏ နိုင်ငံခြားမှ အရင်းအနှီးများ ဝင်လာစေရန် မက်လုံးများပေး၍ ဆွဲဆောင် နေချိန်တွင် မြန်မာနိုင်ငံသား မွတ်ဆလင်တို့၏ ပိုင်ဆိုင်မှု အရင်းအနှီးများကို မကာကွယ်ပေးနိုင်ခြင်းသည် တိုင်းပြည်ကို ဆင်းရဲတွင်းနက်စေယုံမျှမက ဥပဒေမစိုးမိုးသော၊ မတည်ငြိမ်သော တိုင်းပြည်တွင်းသို့ နိုင်ငံခြား ရင်းနှီးမြှုပ်နှံမှုများ ဝင်မလာစေရန် ဟန့်တားလိုက်သကဲ့သို့ဖြစ်စေ၍ အမြန်ဆုံးတည်ငြိမ်အောင် ပြန်လည် ထိန်းသိမ်း သင့်ပါသည်။

    (ဂ) ဗုဒ္ဓဘာသာဝင် အော့ကြောလန် (Face of Buddhist Terror) တစ်ဦးကို ပေါ်ထွက် လာစေခြင်း သည် ဦးသိန်းစိန် အစိုးရ၏ အဆိုးဆုံးသော သမိုင်းအမဲစက်ဖြစ်သည်။ How militant monks are fueling anti-muslim violence in Asia ဟု Time မဂ္ဂဇင်း မျက်နှာဖုံးတွင် ရေးထားသောကြောင့် နောက်ထပ် အော့ကြောလန်များ ထပ်ထွက်မလာအောင် ထိထိရောက်ရောက် ကာကွယ်ရန် ယခုခေါ်ယူထားသော ကာ-လုံ (အမျိုးသားကာကွယ်ရေးနှင့် လုံခြုံရေး ကောင်စီ) အစည်းအဝေးတွင် ထည့်သွင်းဆွေးနွေးသင့်ပါသည်။

    သရော်စာနှင့် ကုစားခြင်း။

    မြန်မာနိုင်ငံ၏ အသွင်ကူးပြောင်းရေး အခါသမယတွင် ဘုန်းဘုန်းတို့အနေဖြင့် ဥပဒေပြုရန် စိတ်ဝင်စား လာရုံမျှက နိုင်ငံတော် သံဃာ့မဟာနာယက အဖွဲ့နှင့် အစိုးရ အဖွဲ့တို့မှလည်း ကန့်ကွက်ခြင်းမရှိသောကြောင့် အင်အားချိန်ခွင်ညှာ ညှိပြီးလည်းဖြစ်စေမည့်အပြင် ဘုန်းဘုန်းတို့ လူထွက်ရန်လည်း မလိုဘဲ ဥပဒေပြုနိုင်သော အခွင့် အရေး တစ်ရပ်ကို တင်ပြချင်ပါသည်။

    လက်ရှိတည်ဆဲ ဖွဲ့စည်းပုံအရ မြန်မာ့တပ်မတော်သားတိုင်းတွင် မဲပေးခွင့်နှင့် လွှတ်တော်အသီးသီးတွင် ရွေးကောက်ခံစရာ မလိုဘဲ ကာကွယ်ရေးဦးစီးချုပ်မှ စစ်သား လွှတ်တော်ကိုယ်စားလှယ် ၂၅% (တမတ်သား) ခန့်အပ်ခွင့် ရှိပါသည်။

    ထို့ကြောင့် အင်အားချိန်ခွင်ညှာ ညီအောင် ကုစားသည့်အနေဖြင့် ဖွဲ့စည်းပုံအသစ်တွင် တပ်မတော်သား များက မဲပေးခွင့်နှင့် ရွေးကောက်ခံပိုင်ခွင့်ကိုယူလျှင်၊ ဘုန်းဘုန်းတို့က လွှတ်တော် တမတ်သား အခွင့်အရေးကို အရယူပြီး လွှတ်တော် အတွင်းသို့ အရောက်ကြွပါ။ သို့မဟုတ် လွှတ်တော် တမတ်သား အခွင့်အရေးကို တပ်မ တော်သားများ အတွက် ပစားပေးမျှဝေစွန့်ကြဲပြီး ဘုန်းဘုန်း တို့အတွက် မဲပေးပိုင်ခွင့်နှင့် ကိုယ်တိုင် ရွေးကောက် ခံပိုင်ခွင့်ကို ဖွဲ့စည်းပုံ အသစ်တွင် ပြင်ဆင် ထည့်သွင်း ရေးဆွဲစေခြင်းဖြင့် လူထွက်စရာမလို၊ ဗုဒ္ဓဘာသာဝင် အချင်းချင်း ကဲ့ရဲ့ခံနေစရာလည်း မလိုတော့ဘဲ ဘုန်းဘုန်းတို့ အနေဖြင့် နိုင်ငံရေးနှင့် ဘာသာရေးကို ဒွန်တွဲကာ ပိုင်ပိုင်နိုင်နိုင် ပျော်ပျော်ပါးပါး လုပ်ဆောင် နိုင်ကြ ပါလိမ့်မည်။

    အနှစ်ချုပ်။ (Summary)

    (က) စစ်အာဏာရှင် အစိုးရအဆက်ဆက်နှင့် အသွင်ပြောင်း စစ်သားအစိုးရ လက်ထက်တွင် တိုင်းပြည် ဆုတ်ယုတ်ခဲ့ရခြင်း အဓိက အကြောင်းရင်းသည် ဥပဒေ စိုးမိုးမှုမရှိဘဲ လူမျိုးရေး၊ ဘာသာရေး ခွဲခြားဆက်ဆံရေး အခြေခံ ပဋ္ဋိပက္ခများ အကြိမ်ကြိမ် ဖြစ်ပေါ်ခဲ့သောကြောင့် တိုင်းပြည်၏ ပိုင်ဆိုင်မှု (Asset) များပြိုကွဲကာ ကုန်ထုတ် အရင်းအနှီးနှင့် လူ့စွမ်းအား အရင်းအမြစ်များ ပြည်ပတိုင်းပြည်များမှ ဝင်မလာသည့်အပြင် ပြည်ပတိုင်းပြည်များသို့ စီးထွက်စေသည့်အတွက် တိုင်းပြည် ဆင်းရဲတွင်းနက်စေခဲ့ သောကြောင့် ဤပြဿနာ များကို ကုစားရန် လူမျိုးရေး၊ ဘာသာ ရေး ပဋိပက္ခကာကွယ်ရေး ဥပဒေ များ ဖွဲ့စည်းပုံ အသစ်တွင် ခိုင်ခိုင်မာမာ ပြင်ဆင်ရေးဆွဲရန်နှင့် တရားဥပဒေ စိုးမိုးရန် အရေးတကြီး ဆောင်ရွက်သင့်ပါသည်။

    (ခ) လူမျိုးရေး၊ ဘာသာရေး ပဋိပက္ခလုပ်ရန် လှုံ့ဆော်မှုများရှိလာပါက Potential Victims တို့ အနေ ဖြင့် လှုံ့ဆော်သည့် သက်သေ အထောက်အထား အပြည့်အစုံနှင့် တရားရုံးများထံ ဦးတိုက် လျှောက်ထားပြီး တရားရုံး၏ လှုံ့ဆော်သော အဖွဲ့အစည်းအား ဟန့်တားမိန့် ကို တောင်းခံနိုင်သည့် ပဋိပက္ခကာကွယ်ရေး ဥပဒေ များကို ၂၀၀၈ ဖွဲ့စည်းပုံ ပုဒ်မ (၃၆၄) ကပေးအပ်ထားသော လုပ်ပိုင်ခွင့် အရ မကြာမီ ပြင်ဆင်ရေးဆွဲမည့် ဖွဲ့စည်း ပုံတွင် ထည့်သွင်း ရေးသား သင့် ကြောင်း အကြံပြုအပ်ပါသည်။

    (ဂ) သက်ဆိုင်ရာ ဘာသာရေး အဖွဲ့ အစည်းများ၏ တင်ပြလာသည့် ခိုင်လုံသော သက်သေ အထောက် အထားများနှင့်တကွ ညွှန်ကြားချက်အရ ဗဟိုတရားရုံး ရှေ့နေတဦးမှ အကြမ်းဖက်ရန် လှုံ့ဆော်သူ သို့မဟုတ် စည်းရုံးသူ သို့မဟုတ် လက်နက်ကိုင်ဆောင် အားထုတ်သူ ထံ သတိပေးစာ (Letter of Notice) ထုတ်ဆင့်ခွင့်ကို ၂၀၀၈ ဖွဲ့စည်းပုံ ပုဒ်မ (၃၆၄) ကပေးအပ်ထားသော လုပ်ပိုင်ခွင့် အရ အသစ်ရေးဆွဲရာတွင် ဖြည့်စွက်သင့်ပါ သည်။

    (ဃ) ဂျပန်နိုင်ငံတွင် မီးအာမခံထားသော အိမ်၌တပ်ဆင်ထားသော မီးလန့် အချက်ပေး ဥသြသည် မီးလန့်ချိန်တွင် မီးသတ်ဌာနနှင့် မီးအာမခံ ဌာနတို့တွင် တပြိုင်နက် မြည်အောင် (Network) ချိတ်ဆက်ထား သော ကြောင့် မီးလန့်သည့် အိမ်ရှေ့သို့ မီးသတ်ဌာနနှင့် အာမခံဌာနမှ ပုဂ္ဂိုလ်များ ချက်ချင်းရောက်ရှိလာပြီး မီးမကူး ဆက်အောင် ဝိုင်းဝန်းကြိုးပမ်းကြသည်ဆို၏။

    မြန်မာ့အာမခံလုပ်ငန်းမှ အထိကရုံး အာမခံ ပရီမီယံ အသစ်ထုတ်ရောင်းခြင်းဖြင့် အကြမ်းဖက်ရန် လူစု သည်နှင့်တပြိုက်နက် အာမခံဌာနသည် အရပ်ဖက်အုပ်ချုပ်ရေး အာဏာပိုင်များကို လုံခြုံရေး အမြန်ပေးဖို့ တိုက် တွန်းနှိုးဆော်ခြင်းဖြင့် အကြမ်းဖက် မီးရှို့မှု၊ လူသတ်မှုများကို ကာကွယ်နိုင်မည် ဖြစ်သည်။

    (င) ၂၀၀၈ ဖွဲ့စည်းပုံ ပုဒ်မ (၃၅၆) တွင် နိုင်ငံတော်သည် နိုင်ငံသားများ၏ တရားဝင် ရရှိပုိုင်ဆိုင်ထား သော ရွှေ့ပြောင်းနိုင်သော ပစ္စည်း၊ မရွှေ့ပြောင်းနိုင်သောပစ္စည်းများနှင့် စပ်လျှင်း၍ ဥပဒေအရ ကာကွယ် ပေးရ မည်ဟု ပါရှိပါသည်။

    ထို့ကြောင့် လူမျိုးရေး၊ ဘာသာရေး အကြမ်းဖက်မှုများကြောင့် သေဆုံး ဒဏ်ရာရသူများနှင့် ပျက်စီး ဆုံးရှုံးခဲ့ ရသော ပစ္စည်းနှင့် အိမ်များအတွက် အစိုးရမှ လျှော်ကြေးပေးရန် ဥပဒေ အား ပြည်ထောင်စု လွှတ်တော် မှ ၂၀၀၈ ဖွဲ့စည်းပုံကို ပြင်ဆင် ရေးဆွဲ ရာတွင် ထည့်သွင်းရေးဆွဲခြင်းဖြင့် လူမျိုးရေး၊ ဘာသာရေး အကြမ်းဖက်မှု များကို အစိုးရအနေဖြင့် အီလေးမဆွဲဘဲ မဖြစ်မနေ အမြန်ဆုံး ထိန်းချုပ်ရန် ကြိုးစားပါလိမ့်မည်။

    ထိုင်းနယ်စပ်ရှိ ရှေးဟောင်း ဟိန္ဒူဘုရားကျောင်း ပိုင်ဆိုင်မှု အငြင်းပွားသည့် ပဋိပက္ခကြောင့် ကမ္ဘော ဒီးယား နိုင်ငံအတွင်းရှိ ကမ္ဘောဒီးယားနိုင်ငံသား ထိုင်းလူမျိုးတို့ ပိုင်ဆိုင်သော စီးပွားရေးလုပ်ငန်းများအား ကမ္ဘောဒီးယားတို့က အကြမ်းဖက် ဖျက်စီးရာ ကမ္ဘောဒီးယား အစိုးရက ပျက်စီးဆုံးရှုံးမှုများ အတွက် လျှော်ကြေး ပေးပါသည်။ တနည်းအားဖြင့် နိုင်ငံသားတို့၏ ဥစ္စာပစ္စည်း ပိုင်ဆိုင်မှုကို အစိုးရမှ အာမခံခြင်းပင်ဖြစ်သည်။

    မြန်မာနိုင်ငံမှာတော့ လျှော်ကြေးမပေးသည့်အပြင် အကြမ်းဖက်ခံရသော မိတ္ထီလာနေ မွတ်ဆလင်တို့ ပိုင်ဆိုင်သည့် မြေကွက် များကိုပင်  ပြန်မပေးဘဲ သိမ်းယူခြင်းများ ရှိနေပါသည်။ ဤအချက်သည် မြန်မာအစိုးရ နှင့် ကမ္ဘောဒီးယား အစိုးရတို့၏ သိသာ ထင်ရှားသော ကွာခြားချက်ဖြစ်ရာ ဤအတိုင်းဆက်သွားနေလျှင် မြန်မာ နိုင်ငံ၏ ဖွံ့ဖြိုးတိုးတက်မှုသည် ကမ္ဘောဒီးယားနိုင်ငံ၏ နောက်တွင် အမြဲကျန် နေပါလိမ့်မည်။

    (စ) မြန်မာနိုင်ငံတွင် နှစ်ထောင်ချီပြီး အတူတကွ နေထိုင်လာခဲ့ကြသော ဗုဒ္ဓဘာဝင်နှင့် မွတ်ဆလင် တို့အကြား ပဋိပက္ခများ မကြာခဏ ဖြစ်ပေါ်နေခြင်းသည် တဖက်နှင့် တဖက် နားလည်မှု လွဲမှားအောင် နှစ်ရှည်လများ စနစ်ကျစွာ သွေးခွဲနေသည့် ဥပဒေ အထက်တွင် ရှိသော လူတစ်စု ရှိနေခြင်းကြောင့်ဖြစ်၏။ သွေးခွဲနေသူများ ကိုယ်တိုင်လည်း မြန်မာမွတ်ဆလင်တို့၏ ရှည်လျှားသော သမိုင်းကြောင်းကို မသိသောကြောင့် ဖြစ်၏။

    ယခုအခါ အင်တာနက်တွင် ငြိမ်းချမ်း PhD. ဆိုသူ၏ ဦးရာဇတ်ကို အာဇာနည် ၉ ဦးစာရင်းမှ ပယ်ထုတ်ဖို့ တောင်းဆိုသည့် Video file တစ်ခု ပျံ့နှံနေပါသည်။ အဘယ်ကြောင့် သေနတ်ပြစ် ခံရရုံနှင့် အာဇာနည်အဖြစ် သတ်မှတ်ရသနည်း၊ မသိ၍မေးပါသည်ဟု ဆို၏။ အဆိုပါ ပုဂ္ဂိုလ်သည် နိုင်ငံရပ်ခြားမှ PhD ဘွဲ့ရခဲ့သော်လည်း ၎င်းငယ်စဉ်က နေခဲ့သည့် TTC အထက်တန်းကျောင်းက အခြေခံ ပညာကို ကောင်းစွာ သင် မပေးနိုင်ခဲ့ကြောင်း သက်သေဖြစ်ပါသည်။

    Internet Google နှင့်တက္ကသိုလ်များ ဗဟိုစာ ကြည့်တိုက်တွင် ဦးရာဇတ်အမည်နှင့် ရှာလျှင် အထောက်အထား စာရွက်စာတမ်း၊ ဓါတ်ပုံနှင့် စာအုပ်များ တစ်ထမ်းစာ ရနိုင်ပါသည်။ ပန်းဆိုးတန်း စာအုပ် အသစ်နှင့် အဟောင်းဆိုင်များတွင် စာရေးဆရာ အသီးသီး တို့ ရေးသားထားသော ဦးရာဇတ်နှင့်ဆိုင်သည့် စာအုပ်များကို ရှာလျှင် ဆိုက္ကားတစ်စီးစာမျှရနိုင်ပါလျှက် ကြောင်ကို ရေးချိုးပြီး သန်းရှာပေးနေသော ပီအိပ်ခ်ျဒီ ဒေါက်တာဆိုသူ Video ဖိုင်ပိုင်ရှင်နှင့် ထိုဗီဒီယို ဖိုင်ကို LIKE လုပ်နေသူတို့သည် စာကြည့်တိုက် (Libiary) ကို သုံးတတ်အောင် မသင်သော အခြေခံ ပညာသင်ကြားရေးကိုသာ ရခဲ့သော ကြောင့်ဖြစ်သည်။

    (မှတ်ချက်။     ။ စာဖတ်ပျင်းလျှင် ဝမ်းအိုဝမ်း ဦးကျော်ဝင်းမောင် ရေးသားသော  ဦးရာဇတ် အထုပ္ပတ္တိ စာပေဆုရ စာအုပ် ပါးပါးလေးကို ဝယ်ဖတ်နိုင်ပါသည်။)

    ထို့ကြောင့် ပုဂံခေတ်၊ ပင်းယခေတ်၊ အင်းဝခေတ်၊ စစ်ကိုင်းခေတ်၊ ကုန်းဘောင်ခေတ် စသည် ခေတ် အသီးသီးတွင် နိုင်ငံတော် ကာကွယ်ရေး၊ လုံခြုံရေးနှင့် မြို့ပြအုပ်ချုပ်ရေးတို့တွင် ရွပ်ရွပ်ချွန်ချွန် တာဝန် ထမ်းဆောင်ခဲ့ကြသော မြန်မာမွတ်ဆလင် တို့၏ ထွန်းပြောင်သော သမိုင်းဆိုင်ရာ အထောက်အထား စာရွက် စာတန်းနှင့် ဓါတ်ပုံများ၊ ကိုလိုနီခေတ် တက္ကသိုလ် ကျောင်းသားသမဂ္ဂ၊ လွတ်လပ်ရေးကြိုးပမ်းမှုများနှင့် ဂျပန် တော်လှန်ရေးတွင် ပါဝင်ခဲ့သော မြန်မာမွတ်ဆလင် ကွန်ကရက် (မမက)တို့၏ အထောက်အထား စာရွက် စာတန်းများနှင့် ဓါတ်ပုံများ၊ ပင်လုံစာချုပ်ဆိုင်ရာ အထောက်အထားများ၊ ပါလီမန်ခေတ် မြန်မာမွတ်ဆလင် ဝန်ကြီးနှင့် ပါလီမန်အမတ်များ၏ သမိုင်းဆိုင်ရာ အထောက်အထားများ၊ မွန်ဘုရင်၊ ရခိုင်ဘုရင်နှင့် မြန်မာ ဘုရင်တို့ စစ်တိုက်ရာတွင် သုံးဖက်စလုံးတွင် ပါဝင်သော သစ္စာရှိ မွတ်ဆလင် တပ်မှူးတပ်သားများ၏ သမိုင်းဆိုင်ရာ အချက်လက်များ၊ ၈ လေးလုံး အရေးတော်ပုံတွင် မွတ်ဆလင်တို့ ပါဝင်ခဲ့သော အထောက် အထားများကို သိမ်းဆည်းထားရန် မြန်မာမွတ်ဆလင် သမိုင်းမော်ကွန်းတိုက် (Myanmar Muslim Archive) တစ်ခုကို ရန်ကုန်မြို့တွင် တည်ဆောက်ခြင်းဖြင့် ကျန်နိုင်ငံသားများနှင့် ယုံကြည်မှု ပိုမိုတည်ဆောက်နိုင်ပါ လိမ့်မည်။ ထိုမော်ကွန်းတိုက်အား အများ ပြည်သူကို လေ့လာခွင့်ပေးခြင်းဖြင့် ဗုဒ္ဓဘာသာဝင်များနှင့် မွတ်ဆလင် များအကြား အပြန်အလှန် နားလည်မှုများရှိလာချိန်တွင် ဘာသာရေး အလွဲသုံးစားပြုမည့်သူများ၏ သားကောင် မဖြစ်နိုင်တော့ပါ။

    မောင်သမာဓိ နိုင်ငံရေး ဗေဒင် အတတ်ဟောပြီး ကုစားမည်။

    (က) မြန်မာနိုင်ငံ ဆင်းရဲနေတာ နိုင်ငံနဲ့ ပြည်သူတွေကြောင့်လား၊ နိုင်ငံရေးသမားများနှင့် ၄င်းတို့ချမှတ် သော စနစ်ကြောင့်လား အရင်စဉ်းစားကြည့်သောအခါ နိုင်ငံရေး သမားများနှင့် လွဲမှားသော စနစ်ကြောင့်ဟု တညီတညွတ်တည်း ဖြေကြပါလိမ့်မည်။

    (ခ) ပြည်ပရန် ခြိမ်းချောက်မှု မရှိတဲ့ လူမျိုးစုံ၊ ဘာသာစုံ နေထိုင်သော မြန်မာနိုင်ငံမှာ တိုင်းပြည် တည် ငြိမ်ရေး၊ ဥပဒေစိုးမိုးရေး၊ လူ့အခွင့်အရေးတွေကို ဦးစား မပေးဘဲ အမျိုး၊ ဘာသာ၊ သာသနာရေးကို ခွဲခြား ဆက် ဆံရေး၊ နိူင်ငံရေး  ဦးတည်ချက်တွေ အနေနဲ့ အလေးထားဖေါ်ဆောင်နေမယ်ဆိုရင် မြန်မာနိုင်ငံအနေနဲ့ တက္ကနို လိုဂျီ ပညာအသုံးချ စီးပွား ရေးတောင့်တင်းသော နိုင်ငံ တစ်ခုဖြစ်လာစရာအကြောင်း မရှိဘဲ၊ ကမ္ဘာအနှံ့ အလုပ် ကြမ်း သမားတွေကို အဆက်မပြတ် ဆက်လက် တင်ပို့ ပေးနေရဦးမယ် ဆိုတာကတော့ မြေကြီးလက်ခတ် မလွဲ သေချာပါသည်ဟု အတတ်ဟောပါသည်။

    (ဂ) မြန်မာပြည်၏ ကံကြမ္မာသည် အာဏာမြဲရေး အဓိကထားသော ညံ့ဖျင်းသည့် ကိုယ်ကျိုးရှာ နိုင်ငံရေးသမားများ လက်သို့ နှစ်ပေါင်း ၆၀ ခန့် ရောက်ရှိခဲ့၍ တဖြည်ဖြည်း ပြာပုံဖြစ်ခဲ့၊ ဖြစ်ဆဲဖြစ်သည်။

    နိုင်ငံရေးသမားများ၏ ကံကြမ္မာသည် ပြီးပြည့်စုံသော ရေခံမြေခံ ရှိသည့် မြန်မာပြည်၏ လက်တွင်း ရောက်သောနေ့တွင် တဟုန်ထိုးတိုးတက် လာပါလိမ့်မည်။

    သို့သော် သတိပြုစရာ အချက်တစ်ခုမှာ အာဏာရရှိသော မြန်မာ နိုင်ငံ ခေါင်းဆောင် အဆက်ဆက်တို့သည် နောင်လာ လတံ့သော နိုင် ငံရေးခေါင်းဆောင်များအနေဖြင့် တိုင်းပြည်အပေါ် မဖေါက်ပြန်နိုင်အောင်(Check & Balance)  ထိန်းချုပ်နိုင် ရန် စေတနာဖြင့် လိုအပ်သည်ဟု ထင်မြင်သော ဥပဒေ အသီးသီးကို အမေရိကန်သမ္မတများ ပြုလုပ်သကဲ့သို အတည်ဖြစ်အောင် ကြိုးစားပြဌာန်းရစ်ခဲ့မှ သာ မြန်မာပြည် အနေဖြင့် နိုင်ငံရေးသမားများကို နိုင်နိုင်နင်းနင်း ကြိုးကိုင်နိုင်မည်ဖြစ်ကြောင်း ဗေဒင်ဟော စာတမ်း ရေးသားရင်း နိဂုံးသံပတ် ဆုံးသတ် လိုက်ပါသည်။

    မောင်သမာဓိ

    * ဆောင်းပါးရှင်၏ အမြင်နှင့် အာဘော်သာဖြစ်ပါသည်။