News @ M-Media

Category: ဆောင်းပါး

  • လူ့ အခွင့်အရေး အကြောင်းပြောတဲ့ စစ်ဗိုလ်ဟောင်း ခုတော့ စစ်တပ် လေသံပြန်ပစ်ပြီ

    ခင်ဇော်
    အလွတ်သတင်းထောက်
    ဗဟန်း

    chameleon
    သတင်းလောကထဲ ၀င်ခါစ သတင်းထောက်ပေါက်စဆိုတော့ သင်တန်းတွေလည်းသွားရ၊ တွေ့ ကရ အင်တာနက် စာမျက်နှာတွေဆိုလဲ အသည်းအသန်ဖတ်ဖြစ်တယ်။ အစိုးရဆန့် ကျင်ရေး စာမျက်နှာတို့  စစ်တပ်နဲ့ဆိုင်တဲ့ စာမျက်နှာတို့ ဆိုတာ ကျနော် အမြဲစောင့်ဖတ်တဲ့ စာမျက်နှာတွေပါပဲ။

    ပြီးခဲ့တဲ့ ၂ နှစ်လောက်က မြ၀တီတဖက်ကမ်း မဲဆောက်မြို့ မှာ သတင်းထောက်သင်တန်းတခု တိတ်တခိုးသွားတက်ဖူးတယ်။ အဲ့ဒီမှာ ကျနော် ဖတ်နေကျ စစ်တပ်အကြောင်းဖြေပြတဲ့ အင်တာနက်စာမျက်နှာကို ထောင်ထားတဲ့ စစ်ဗိုလ်ဟောင်တစ်ယောက်ရှိတယ်ဆိုတာ ကြားရတယ်။ နာမည်အတိအကျတော့ မပြောတော့ဘူးပါဘူး။ သူကိုယ်တိုင်က စစ်တပ်က ထွက်ပြေးလာတဲ့ ဗိုလ်ဟောင်းတစ်ယောက်ဖြစ်တော့ သူ့ စာမျက်နှာမှာ စစ်တပ်အတွင်း သတင်းတွေ  ဖော်ပြတာ တော်တော်ကောင်းတယ်။ စစ်တပ်ထဲမှာ အရာရှိတွေက ရဲဘော်ကို ဘယ်လိုနှိမ်ကြောင်း၊ အရာရှိအဆင့်ဆင့်က အောက်က ရဲဘော်တွေနဲ့ မိသားစုတွေကို ဘယ်လိုနှိပ်စက်ကြောင်း၊ ခေါင်းပုံဖြတ်ကြောင်း၊ ဒါတွေက အစ စစ်တပ်ထိပ်သီး ခေါင်းဆောင်တွေရဲ့ အတွင်းရေးတွေပါ ဖော်ပြတယ်။

    စစ်တပ်လူ့ အခွင့်အရေးချိုးဖောက်တဲ့အကြောင်းတွေပေါ့ဗျာ။ သူ့ စာမျက်နှာဖတ်ရတာ လူ့ အခွင့်အရေးကို အမှန်တကယ်သဘောပေါက်ပြီး လေးစားတဲ့ အရာရှိကောင်းတစ်ယောက်လိုပါပဲ။ ကျနော်က လေးစားလို့  တွေ့ ချင်တယ်ပြောတော့ ကျနော့်ဆရာက မတွေ့ ဖို့ မှာတယ်။ ထားလိုက်ပါတော့။

    ခု ရိုဟင်ဂျာကိစ္စဖြစ်တော့ မွတ်စလင်ကိစ္စဖြစ်တော့ စစ်တပ်အရောင် ပြန်ပြလာတယ်ဗျ။ အရင်က သူ့ ဆိုဒ်မှာ လူ့ အခွင့်အရေး ရှေးရှုတဲ့ ပိုစ့်တွေတင်သလောက် အခုဆိုရင် လူမျိုးဘာသာမုန်း တီးရေးတွေပဲတွေ့ ရတယ်။ အရင်က ကိုယ်တိုင်ရေးဆောင်းပါးတွေ တင်သလောက် နောက်ပိုင်း ကုလားမကောင်းကြောင်း ပိုစ့်တွေကိုပဲ ပြန်ရှဲတာတွေ့ ရတယ်။ ခုနောက်ဆုံးတော့ ရိုဟင်ဂျာတွေ မကောင်းကြောင်းဆောင်းပါး ရေးထားလေရဲ့ ။

    ကျနော်တွေးပါတယ်။ ဒီဗိုလ်ဟောင်းအရောင်ပြောင်းသွားတာလား၊ ဒါမှမဟုတ် မူရင်းအရောင် ပြန်ဖြစ်သွားတာလားပေါ့။

    ဒါပေမဲ့ သူ့ စိတ်ထဲမှာ ခုလို ဖိနှိပ်တဲ့စကားပြောဖို့ ဆိုတာ မခက်ခဲပါဘူး။ ဘာကြောင့်လဲဆိုရင် သူကိုယ်တိုင်က ကရင်ရွာတွေကို မီးရှို့ ဖို့  အမိန့် ပေးခဲ့တဲ့ စစ်ဗိုလ်။ ဒုက္ခသည်လျှောက်ပြီး နိုင်ငံခြားသွားဖို့ လုပ်တာ သူ့ နောက်ကြောင်းပေါ်သွားလို့  မသွားလိုက်ရဘူး။ တပ်ကထွက်လာတာလည်း တပ်တွင်း ပြသနာဖြစ်လို့  ထွက်ပြေးပြီး မဲဆောက်ဖက်ကို ရောက်လာတာပါ။ အင်တာနက်စာမျက်နှာလုပ်တာလည်း စားပေါက်ကောင်းမလားလို့  ဆိုပြီးလုပ်တယ်လို့  သိရတယ်။ မဲဆောက်မှာ အထည်ချုပ်စက်ရုံသေးထောင်ပြီး လုပ်ချင်တာလုပ်တယ်ဆိုတာလည်း ကြားရတယ်။

    မဆန်းပါဘူး၊ အဲ့ဒီ စစ်ဗိုလ်ဟောင်းခုချိန်မှာ လူမျိုးမုန်းတီးရေးတွေရေးနေတာ။ စစ်တပ်ထဲမှာတုန်းက လည်း ကရင်ရွာတွေကို မီးရှို့ ဖျက်ဆီး။ တပ်က ပြေးတော့လည်း လူ့ အခွင့်အရေးကြောင့်မဟုတ်၊ တခြားပြသနာတတ်လို့ ။ စစ်တပ်အင်တာနက်စာမျက်နှာလုပ်တာ လည်း အကျိုးစီးပွားအတွက်။ သေချာတာကတော့ စစ်တပ်အရောင်က စစ်တပ်အရောင်ပါပဲ။ သေနတ်ပြန်ပေးလိုက်ရင် ပြည်သူတွေကို ပြန်ဒုက္ခပေးမှာ သေချာတယ်။

    M-Media အီးမေးလ်သို့ ပေးပို့လာသော ဆောင်းပါးဖြစ်ပါသည်။
    **ဆောင်းပါးရှင်၏ အမြင်နှင့် အာဘော်သာဖြစ်ပါသည်။

  • ”ဥပဒေရှိသော်လဲ အရေးမယူပါ ……………. ဒါဒို့ပြည်”

    မေ-၁-၂၀၁၃
    M-Media
    ရေးသားသူ- အလိမ္မာရဲ့ချိန်ဘာ

    no jutice no peace

    မြန်မာနိုင်ငံအတွင်းမှာရှိတဲ့ အစ္စလာမ်ဘာသာဝင်တွေ ပိုင်ဆိုင်တဲ့ နေအိမ်အဆောက်အအုံတွေ၊ ကိုးကွယ်ဝတ်ပြုရာ ဗလီဝတ်ကျောင်းတော်တွေကို ၉၆၉ လို့ တံဆိပ်ကပ်ထားတဲ့ အကြမ်းဖက်များက ရဲဝန်ထမ်းများနဲ့ အများပြည်သူများရှေ့ မီးရှို့ဖျက်ဆီးခဲ့သော်လည်း မြန်မာအစိုးရအနေဖြင့် အရေးယူမှူ့တစုံတရာဖြင့် ထိုအကြမ်းဖက်များကို ထောင်ဒဏ်ချခဲ့သော သတင်း အစနလေးတောင်ကျနော်မကြားရသေးပါ။ ကျနော်ပဲ နားပိတ်မျက်စိပိတ် ဖြစ်နေလို့လားလို့ ကိုယ့်ကိုကိုယ် သံသယဝင်လာမိပါတယ်ဗျာ။

    အစိုးရကလဲ အစိုးရတာဝန်မကျေ ရဲဝန်ထမ်းကလဲ ရဲတာဝန်မကျေ ပြည်သူကလဲပြည်သူ့တာဝန်မကျေ ကိုယ့်လူတွေကလဲ ကိုယ့်တာဝန်မကျေ ကောင်းပါ့ဗျား။

    သူ့အရပ်နဲ့သူ့ဇာတ်ကတော့ဟုတ်နေတာပါဘဲ။

    ပြစ်မှူ့ဆိုင်ရာဥပဒေ ပုဒ်မ ၄၃၆ မှာတော့ – မည်သူမဆို ကိုးကွယ်ဝတ်ပြုသော နေရာအဖြစ်ဖြင့် သော်လည်းကောင်း နေအိမ် အဖြစ်ဖြင့် သော်လည်းကောင်း ပစ္စည်းများသိုလှောင် ထိန်းသိမ်းသောနေရာ အဖြစ်ဖြင့် သော်လည်းကောင်း သာမန်အားဖြင့် အသုံးပြုသော အဆောက်အအုံကို ဖျက်ဆီးရန် အကြံဖြင့် ဖြစ်စေ မိမိကထိုသို့ ပျက်ဆီးတန်ရာသည်ကိုသိလျှက်နှင့် မီးဖြင့်၊ သို့တည်းမဟုတ် ပေါက်ကွဲစေတက်သော အကျိုးဖျက်ဆီးမှူ့ကို ကျူးလွန်လျှင် ထိုသူကို တသက်တကျွန်း ဒဏ်ဖြစ်စေ ဆယ်နှစ်ထိ ထောင်ဒဏ် တမျိုးဖြစ်စေ ချမှတ်ရမည့် အပြင် ငွေဒဏ်လည်းချမှတ်နိုင်သည်လို့ အတိအလင်း ပြဌာန်း ထားပြီးသားပါခင်ဗျာ။ ဒါပေမဲ့ ဒို့ အစိုးရကတော့ …………. ဘာမှမဟုတ်တဲ့ ရန်ဖြစ်မှူ့လေးကိုကျတော့ ၁၄ နှစ်တဲ့၊ မီးရှို့ဖျက်ဆီး မှူ့ကိုကျတော့ …………….?

    သူတို့ရဲလား၊ ပြည်သူ့ရဲလားမသိတဲ့ ရဲသားကြီးများကတော့ သူတို့တာဝန်တွေဖြစ်တဲ့ ပြည်သူ့ကာကွယ်မှူ့များကို တာဝန်ကျေခဲ့တယ် လို့ပြောမလား ? ၉၆၉ အကြမ်းဖက်များအတွက် တာဝန်ကျေခဲ့တယ်လို့ပြောမလား?

    ပြစ်မှူ့ဆိုင်ရာကျင့်ထုံးဥပဒေ ပုဒ်မ ၁၄၉ မှာ ရဲအရာရှိတိုင်းသည် ကြိုတင်ကာကွယ် ရန် ရည်ရွယ်ချက်ဖြင့် ကြားဝင်ဆောင်ရွက်နိုင်သည့်အပြင် ရဲအရေးယူ ပိုင်ခွင့်ရှိသည့် ပြစ်မှူ့တရပ်ရပ် ကျူးလွန်မည့် အရေး ကို မိမိစွမ်းနိုင်သမျှ ကြိုတင်ကာကွယ် ရမည်လို့ ပြဌါန်းထားသော်လည်း ၉၆၉ အကြမ်းဖက်များအတွက် အကြမ်းဖက်မှူ့လွယ်ကူဖို့ရန် လုံခြုံရေးတောင်ယူပေးခဲ့ကြသေးဗျာ။

    ပြစ်မှူ့ဆိုင်ရာကျင့်ထုံးဥပဒေ ပုဒ်မ ၁၂၇(၁)တွင် မည်သည့်ရာဇ၀တ်တရားသူကြီး သို့မဟုတ် ပြည်သူ့ရဲတပ်ဖွဲ့စခန်းမှူး သို့မဟုတ် ဒုရဲအုပ်အောက် အဆင့်မနိမ့်သော ရဲအရာရှိကမဆို တရားဥပဒေနှင့်ဆန့်ကျင်သည့် အစုအဝေးတစုံတရာကို သို့မဟုတ် အများပြည်သူတို့ငြိမ်းချမ်းခြင်းကို နှောင့်ယှက် ဖျက်ဆီးရန်ရှိသော လူငါးဦးဖြစ်စေ ၄င်းထက်ပို၍ဖြစ်စေ စုဝေးသည့် အစုအဝေးတစုံတရာကို လူစုခွဲစေရန်အမိန့်ပေးနိုင်သည်။ ထိုကဲ့သို့အမိန့်ပေးသည့် အခါတွင်လည်း ၄င်းအစုအဝေးတွင်ပါဝင်သူတို့သည် အမိန့်ပေးခဲ့သည့်အတိုင်း လူစုခွဲရန်တာဝန်ရှိပေသည်။
    ပြစ်မှူ့ဆိုင်ရာ ကျင့်ထုံး ဥပဒေ ပုဒ်မ ၁၂၈ တွင် ထိုကဲ့သို့အမိန့်ပေးသော်လည်း လူစုခွဲခြင်းမပြုလျှင် သို့မဟုတ် ထိုသို့အမိန့်မပေးပါက မုချမဖျက်မည့်အကြောင်း ထင်ရှားစေသည့် အမူအယာကိုပြုလျှင် မည်သည့်ရာဇ၀တ်တရားသူကြီး သို့မဟုတ် မည်သည့်ပြည်သူ့ ရဲတပ်ဖွဲ့စခန်းမှူး သို့မဟုတ် ဒုရဲအုပ်အောက် အဆင့်မနိမ့်သော ရဲအရာရှိကမဆို ထိုအစုအဝေးကို လူစုခွဲအောင် အင်အားသုံး၍ပြုလုပ်နိုင်သည်။ ထိုသို့ပြုလုပ်ရာတွင် ကြည်းရေလေ တပ်သားအရာရှိ မဟုတ်သူ သို့မဟုတ် မြန်မာနိုင်ငံ နယ်ခြားတပ် အက်ဥပဒေ သို့မဟုတ် မြန်မာနိုင်ငံ အရံတပ်အက်ဥပဒေအရ လက်နက်ကိုင်မဟုတ်သူ မည်သည့် အမျိုးသားကိုမဆို အကူအညီတောင်းနိုင်သည်။ (မည်သည့်အမျိုးသားဟုဆိုရာဝယ် မြို့တွင်း မြို့ခံ ပြည်သူများလည်းပါဝင်သည်။) ထိုသူများကိုအင်အားပြုလုပ်၍ လုစုခွဲရမည်။ လိုအပ်လျှင် အစုအဝေးနှင့် ပါဝင်သူတို့ကို လူစုခွဲရန် သို့မဟုတ် တရားဥပဒေနှင့်အညီ ပြစ်ဒါဏ်စီရင်နိုင်ရန် ဖမ်းဆီးချုပ်နှောင်နိုင်သည်။
    ၉၆၉ အကြမ်းဖက်အဖွဲ့များအား ဖြိုခွင်းရန်၊ လူစုခွဲရန်၊ ရဲတပ်ဖွဲ့ဝင်များမှ အထက်ပါကျင့်ထုံးများအရ အနီးဆုံးမြို့ခံပြည်သူများအား အကူအညီတောင်းခံခဲ့ခြင်း မရှိသည်မှာ အကြမ်းဖက်အဖွဲ့များ လူစုကွဲသွားစေရန် ဆန္ဒမရှိသောကြောင့်ဖြစ်ပေလိမ့်မည်။ မြို့ခံ အင်အားဖြင့်ဆိုလျှင် မည်သည့် အကြမ်းဖက် အဖွဲ့အစည်းကိုမဆို ရဲတပ်ဖွဲ့ဝင်များနှင့် ပူးပေါင်း၍ လူစုခွဲနိုင်သည်မှာ မုချဧကန်ပင်ဖြစ်ပေသည်။ ထိုအကြမ်းဖက်မှုကို လုပ်ဆောင်ခဲ့သော အကြမ်းဖက်သမားများအား အထက်ပါကျင့်ထုံးများအရ ဖမ်းဆီးခဲ့ခြင်းမရှိသည်မှာလည်း ရဲတပ်ဖွဲ့ဝင်များ၏ ဥပဒေချိုးဖောက်မှုပင်ဖြစ်သည်။

    ပြစ်မှူ့ဆိုင်ရာကျင့်ထုံးဥပဒေ ပုဒ်မ ၁၂၉ တွင် ဆိုခဲ့သည့်အစုအဝေးကို အခြားနည်းဖြင့်လူစုကွဲအောင် မပြုလုပ်နိုင်လျှင် ထို့အပြင် အများပြည်သူတို့၏ဘေး အန္တရာယ်မှ လုံခြုံစေခြင်းငှာ ၄င်းအစုအဝေးကို လူစုခွဲရန်သင့်လျှင် ထိုနေရာတွင်ရှိသော ရာထူးအဆင့်အတန်းအမြင့်ဆုံးဖြစ်သည့် ရာဇ၀တ်တရားသူကြီးက ၄င်းအစုအဝေးကို စစ်အင်အားသုံး၍လူစုခွဲနိုင်သည်။

    ထိုအကြမ်းဖက်မှုဖြစ်ပွားသည့်အချိန်၌ အခင်းဖြစ်ပွားသည့်နေရာရှိ တရားသူကြီးများ မည်သည့်နေရာသို့ ရောက်ရှိနေကြပေနည်း။  ထို့အပြင် မြန်မာနိုင်ငံရှိ အစ္စလာမ်သာသနာရေးရာ အဖွဲ့အစည်းကြီးများမှလည်း ဘယ်ရောက်နေမှန်း မသိလောက်အောင် ပျောက်ခြင်း မလှပျောက်နေကြပါတယ်ဗျာ။ ၄င်းတို့အနေဖြင့် မြန်မာနိုင်ငံရှိ အစ္စလာမ်ဘာသာဝင်များ၏ ကိုယ်စားလှယ်များဟုအမည်ခံ၍ ဖွဲ့စည်းထားသော အဖွဲ့အစည်းကြီးများ အဖြစ် နိုင်ငံတော်နှင့် နိုင်ငံတကာမှ အသိအမှတ်ပြုထားသော်လည်း အစ္စလာမ်ဘာသာဝင်များ အကြမ်းဖက်ခံနေရချိန်တွင် နိုင်ငံတွင်း တည်ဆဲဥပဒေများနှင့် နိုင်ငံတကာ ဥပဒေများအရ နိုင်ငံတော်နှင့် နိုင်ငံတကာ အဖွဲ့အစည်းများထံ အကြမ်းဖက်ခံ အစ္စလာမ်ဘာသာဝင်များအတွက် ဥပဒေအရကုစားမှုပေးရန် တောင်းဆိုနိုင်သော်လည်း တကြိမ်တခါကမှ ပွင့်လင်းမြင်သာစွာ တောင်းဆိုခဲ့ခြင်းမရှိပေ။ ကြောက်နေ၍လား ခြောက်နေ၍လား အဖွဲ့အစည်းကြီးတို့ ရေ ………

    မည်သို့ဆိုစေ နိုင်ငံတော်အစိုးရအနေဖြင့်လည်း တည်ဆဲဥပဒေများအရ အကြမ်းဖက်မှုများကို အရေးယူခြင်းမရှိပဲ လှစ်လျှူရှုနေခြင်းမှာ ဒါဒို့အစိုးရလို့ သမိုင်းဝင်မော်ကွန်းထိုးရလောက်အောင် မြန်မာပြည်သူများအနေဖြင့် မော်ကြွားသင့်ပေသည်။

    ** ဆောင်းပါးရှင်၏ အမြင်နှင့် အာဘော်သာဖြစ်ပါသည်။

  • သာမာန် ပြည်သူကနေ နာရီပိုင်းအတွင်း သွေးဆာနေတဲ့ သူခိုး ဓားပြတွေ ဘာကြောင့် ဖြစ်ကုန်တာလဲ

    May 1, 2013
    M-Media
    ခွန်သီဟံ

    anti muslim poster

    ဥက္ကံမြို့ မှာဖြစ်ပွားခဲ့တဲ့မွတ်စလင်မ်အကြမ်းဖက်မှုမှာ နာရီပိုင်းအတွင်း လူစုလူဝေးတခုကနေ လူရမ်း ကားလူအုပ်ကြီးတခုလိုဖြစ်သွားခဲ့ပါတယ်။ နေ့ တဓူဝ ကိုယ့်ဝမ်းစာကိုယ်ရှာနေတဲ့ သာမန်မြန် မာတွေ၊ မြို့ သူမြို့ သား ရွာသူရွာသားတွေကနေ ချက်ချင်းလက်ငင်းဆိုသလို လူကြမ်းလူရမ်း ကားတွေ အသွင်ဖြစ်ကုန်ပြီး တကယ့်ကို သူခိုးဓားပြ ဆန်ဆန် ပစ္စည်းတွေဖျက်၊ မီးတွေရှို့ ၊ လူတွေကို ရိုက်နှက်တိုက်ခိုက်၊ ပစ္စည်းတွေခိုးယူ လုယူတဲ့ ဒုစရိုက်သားကောင်တွေလို ချက်ချင်းဖြစ်ကုန်တယ်။ တစ်ယောက်စ နှစ်ယောက်စ မဟုတ်ပဲ လူရာနဲ့ ချီတဲ့ ခိုးဆိုးလုယက်သောင်းကျန်းသူတွေဖြစ်ကုန်တယ်။

    ဒီလို ချက်ချင်းမတ်တပ် သူခိုးဓားပြအုပ်စုလိုဖြစ်သွားတာဟာ ပေါ့သေးသေးကိစ္စမဟုတ်ပါ။

    အမျိုးသမီးတစ်ယောက် လူအများသွားလာတဲ့ ဈေးမှာ ကိုယ်ရင်တစ်ပါးနဲ့ တိုက်မိရာက နာရီပိုင်းအတွင်း လူအုပ်စုကြီးက ခိုးဆိုး လုယက်မှုတွေဖြစ်သွားတယ် ဆိုကတည်းက တိုင်းပြည်အတွက် အတော့်ကို စဉ်းစားရတော့မယ့် အနေအထားပါ။ မြန်မာနိုင်ငံသား အားလုံး ခေါင်းအေးအေးထားပြီး သေချာ စဉ်းစားကြည့်ပါ။ ကုလားမုန်းတာခနထား လက်ရှိ ဖြစ်နေတဲ့ တိုင်းပြည်အနေအထားကို သေချာဆန်းစစ်ကြည့်ပါ။

    မြန်မာပြည်မှာ ထစ်ခနဲဆိုရင် ၀ုန်းဒိုင်းဆိုပြီး ခိုးဆိုးလုယက် ဖျက်ဆီးမီးရှို့ ရိုက်နှက်သတ်ဖြတ်မှုကို နာရီပိုင်းအတွင်း လုပ်လို့ ရအောင် ဖန်တီးထားပြီးတဲ့ အဆင့်ရောက်နေပြီလား။ Organized crime လို့ ခေါ်တဲ့ စနစ်တကျဖွဲ့ စည်းလုပ်ဆောင်တဲ့ ဒုစရိုက်မှုအတွက် အဲ့ဒီလောက် လျင်လျင်မြန်မြန် လုပ်နိုင်အောင် လူတွေကို စည်းရုံး ဖွဲ့ စည်းထားပြီးပြီလား။

    သေချာစဉ်းစားကြည့်ပါ။ အကြမ်းဖက်မှုကိုလုပ်နေတဲ့လူတွေက မနေ့ တနေ့ ကမှ ထောင်ကနေထုတ်ပြီး လုပ်ခိုင်းတဲ့ ဒုစရိုက်သားတွေမဟုတ်ဘူး။ မြို့ထဲ ရွာထဲမှာ နေနေတဲ့ သာမန်ပြည်သူတွေ။ ဒီလူတွေကို ချက်ချင်းဆိုသလို သူခိုးဓားပြတွေလို ဖြစ်အောင်လုပ်လိုက်နိုင်တဲ့၊ လုပ်ထားနိုင်တဲ့ အဆင့်ရှိသွားပြီလား။ သာမန်ပြည်သူတွေကို နာရီပိုင်းအတွင်း သွေးဆာနေတဲ့ လူတွေဖြစ်သွားအောင် လုပ်ထားပြီးပြီလား။

    မိထ္တီလာမှာလည်း ခနလေးအတွင်း လက်က်ရဲဇာတ်ရဲ သတ်ဖြတ်တဲ့ လူအုပ်စုကြီးဖြစ်သွားတယ်။ ကလေးတွေကအစ ဓားတွေဒုတ်တွေနဲ့  လူအရှင်လတ်လတ် မီးရှို့ တဲ့အဆင့်ဖြစ်ကုန်တယ်။ ပဲခူးမှာလည်း ဒီလိုပဲ။ ခုဥက္ကံမှာလည်းဒီလိုပါပဲ။

    wirathu

    ဟုတ်ပါတယ်။ ခုလို နေ့ တဓူဝ လုပ်ကိုင်စားသောက်နေတဲ့ သာမန်မြန်မာတွေကို နေရာအတော်များများမှာ ၉၆၉  နောက်ကာဗာယူပြီး အကြမ်းဖက်မှုတွေလုပ်ဖို့  စည်းရုံးသွေးထိုးနေတာရှိပါတယ်။

    ပြီးခဲ့တဲ့လတုန်းက မြန်မာပြည်အောက်ပိုင်းတစ်နေရာမှာ ကွမ်းယာဆိုင်မှာရပ်နေတဲ့ မွတ်စလင်သူငယ်ချင်းတစ်ယောက်က သူများခေါ်ရာရောယောင်ပြီး လူအုပ်စုတစုနဲ့ လိုက်ပါသွားတယ်။ အဲ့ဒီမှာ ၉၆၉ တရားပွဲကရှိနေတယ်။ အဲ့ဒီ တရားပွဲနေရာနဲ့  မခန့် မလှမ်းမှာ လူဝတ်နဲ့ လူတစ်ယောက်က ကုလားတွေကို အကြမ်းဖက်ဖို့ ဆိုပြီး စည်းရုံးနေတယ်။ ကုလားတွေဟာ မကြာခင် ဗမာတွေကို တိုက်မှာဖြစ်တဲ့အကြောင်း၊ အခုကတည်းက ကုလားတွေကို မတိုက် မနှိပ်ကွပ်ရင် ကုလားတွေက ဗမာတွေကို တိုက်မှာဖြစ်တဲ့အကြောင်း၊ ဗုဒ္ဓဘာသာကိုကာကွယ်ဖို့  ကုလားတွေကို နှိပ်ကွပ်ရမှာမလို့  လူတွေကို သင်တန်းပေးမှာဖြစ်ကြောင်း၊ တိုက်ခိုက်နည်းသင်တန်းတက်တဲ့အချိန်နဲ့  အမှန်တကယ်တိုက်ခိုက်တဲ့နေ့ အတွက် တစ်ယောက်ကို တရက် ၅၀၀၀ ကျပ် ပေးမှာဖြစ်တဲ့အကြောင်းပြောတယ်။

    အဲ့ဒီထဲက လူတစ်ယောက်က ရဲတွေကဖမ်းရင် ဘယ်လိုလုပ်မလဲလို့ မေးတော့ ရှင်းပြနေတဲ့လူက ခင်ဗျားတို့ ကို ကဒ်ထုတ်ပေးထားမယ်၊ ရဲဖမ်းရင် အဲ့ဒီကဒ်ပဲ ထုတ်ပြလိုက်လို့ ပြောတယ်။ တိုက်ခိုက်ရင်း တခုခုဖြစ်ခဲ့မယ်ဆိုရင် မိသားစုကို တာဝန်ယူမဲ့အကြောင်းလဲ ပြောပါတယ်။

    အဲ့ဒီမွတ်စလင်က မွတ်စလင်ရုပ်မထွက်တဲ့အတွက် သူ့ ကို ဗမာလို့ ထင်ပြီး ခေါ်သွားတာဖြစ်တယ်။ ၀ိုင်းထိုင်ပြီးနားထောင်နေရာမှာ သူ့ ကိုမြင်ပြီး မွတ်စလင်မှန်းသိမှာစိုးလို့  ခေါင်းငိုက်စိုက်ထားတာ မလို့  မူးလဲတော့မလိုဖြစ်ပြီး မနည်းထိန်းထားရတဲ့အကြောင်း၊ နောက်နေ့ တွေမှာ မသွားရဲတော့ပဲ သူမလာလို့ ဆိုပြီး နောက်က လိုက်ရှာမှာ စိုးရိမ်လို့  မိသားစုနဲ့  ခရီးထွက်သွားခဲ့ပါတယ်။

    ခုလို စည်းရုံးမှုတွေကြောင့် ရိုးသားပါတယ်ဆိုတဲ့ မြန်မာတွေ၊ ကိုယ့်မြို့ ကိုယ်ရွာမှာ နေ့ ချင်းညချင်း သူခုိုးဓားပြတွေလိုဖြစ်ကုန်ပြီး သွေးဆာနေတဲ့ အကြမ်းဖက်သမားတွေဖြစ်ကုန်တာပါ။

    ဒီလိုပဲ ဆက်ကြည့်နေကြမလား၊ ကိုယ့်မြို့ ကိုယ်ရွာမှာရော ကိုယ်တွေ့ နေကျလူတွေကို အကြမ်းဖက်ဖို့  စည်းရုံးထားပြီးပြီလား။ အကြမ်းဖက်မှိုင်းတွေမိနေပြီလား။

    ၂၀၁၅ ရွေးကောက်ပွဲမှာ သာမာန်ပြည်သူကနေ ခုလို သွေးဆာနေတဲ့ သူခိုးဓားပြတွေဖြစ်အောင် လုပ်ပြီး အာဏာသိမ်းအုံးမှာလား။ ကုလားကိုချတာမလို့  ကြိတ်ပြီးကြည့်နေမယ်ဆိုရင် ဖောက်ပြီးသားလမ်းပေါ် လျှောက်လာကြတဲ့အခါ —

    ** ဆောင်းပါးရှင်၏ အမြင်နှင့် သုံးသပ်ချက်သာဖြစ်သည်။

  • အမုန်းတရား ကင်းစင်သော လူ့အသိုင်းအ၀ိုင်း တစ်ခု တည်ထောင်ခြင်း

    M-Media
    ဆောင်းပါးရှင်-ဇော်မင်းထွေး

    အမုန်းတရား ကင်းစင်သော လူ့အသိုင်းအ၀ိုင်း တစ်ခု တည်ထောင်ခြင်း (သို့) ဘာသာပေါင်းစုံ ချစ်ကြည် ရင်းနှီးမှု တည်ဆောက်ခြင်း နည်းလမ်းများ

    coexist
    လူမျိုးရေး၊ ဘာသာရေး ပဋိပက္ခများနှင့် ယဉ်ပါးလာခဲ့သော မြန်မာပြည်သည် နိုင်ငံရေး ကစားလိုသူများနှင့် ကိုယ်ကျိုးရှာ အတ္တ၀ါဒီ တို့အတွက် လိုအပ်သလို အမြတ်ထုတ်ရန် လွယ်ကူလှသော်ငြား ပဋိပက္ခ ဖြစ်ပွားသည်နှင့်အမျှ တိုင်းပြည်မှာ လွန်စွာထိခိုက်နစ်နာ ရကြောင်းကို သမိုင်းက အကြိမ်ကြိမ် သင်ခန်းစာများ ပေးခဲ့ပြီ ဖြစ်သည်။ သို့သော် စံနစ်ဆိုးအတွင်း နစ်ပေါင်းများစွာ နွံနစ်ခဲ့ရသော ပညာရေး၊ လူမှုရေး၊ စီးပွါးရေး တို့ကြောင့် ပြည်သူ အများစုသည် နုံနဲ့သော အတွေးအခေါ်များဖြင့် ရှင်သန်နေထိုင်ခဲ့ရကား နိုင်ငံရေး ထွက်ပေါက် ရှာသူများအဖို့ လူမျိုးရေး၊ ဘာသာရေး အဓိကရုဏ်းများသည် လိုအပ်တိုင်း အောင်မြင်စွာ အသုံးချနိုင်သော ၀ှက်ဖဲတစ်ချပ် ကဲ့သို့ ဖန်တီးလိုက်တိုင်း အောင်မြင်လေ့ ရှိနေသည်မှာ လက်ရှိအဖြစ်အပျက်များက သက်သေခံလျက်ရှိသည်။

    ကိုလိုနီ သူ့ကျွန်ဘ၀ ကျရောက်ခဲ့စဉ်က တိုင်းတပါး အရင်းရှင်အစိုးရ၏ ဂုတ်သွေးစုပ် အမြတ်ထုတ်မှုအောက် ပြည်သူများ လွန်စွာ နစ်နာပြီး အတိဒုက္ခရောက်ခဲ့ကြသည်။ ထိုစဉ်ကာလများကလည်း ပြည်သူတို့၏ တော်လှန်လိုသော စိတ်ဓာတ်နှင့် လွတ်လပ်ရေး ကြိုးပမ်းမှုများကို သေးသိမ် ပပျောက်စေရေး အတွက် လူမျိုးရေးအဓိကရုဏ်းများ ဖန်တီးပေးခြင်းအားဖြင့် လမ်းလွှဲ၍ ကိုလိုနီ အုပ်ချုပ်ရေးအား သက်ဆိုးရှည်စေခဲ့သည်။ အသက် သွေးချွေးပေါင်း မြောက်များစွာ စတေးခဲ့ရသော ကာလရှည်လွတ်လပ်ရေး ကြိုးပမ်းမှုကြီးကြောင့် သူ့ကျွန်ဘ၀မှ လွတ်မြောက်ခဲ့ပေငြား ၀ိဝါဒ ကွဲပြားမှုများ၊ တိုင်းရင်းသား လူမျိုးနွယ်စု အချင်းချင်း မယုံကြည် မှုများအောက်တွင် ပြည်တွင်းစစ်မီး တောက်လောင်ခဲ့ရပြီး တိုင်းပြည်ကြီးမှာ မိအေး အကြိမ်ကြိမ်နာ အဖြစ်မျိုးဖြင့် အတိဒုက္ခရောက်ခဲ့ ရပြန်သည်။ ပြည်သူ ပြည်သား အချင်းချင်း မညီညွတ်မှုနှင့် စိတ်ဝမ်းကွဲပြားမှုသည် စစ်ဝါဒီများ အကြိုက်ဖြစ်၍ အာဏာရှင် စနစ်ကို စည်ပင် ဖွံ့ဖြိုးစေရန် အဓိကကျသော မောင်းနှင်အားဖြစ်သည်နှင့် အညီ ကျွန်တော်တို့ တိုင်းပြည်ကြီးသည် သူ့ကျွန်ဘ၀ထက် သာပို ဆိုးရွားသော ကိုယ့် ကျွန်ဘ၀၌ ဆယ်ဆုနှစ်ငါးစုတိုတိုင် နွံနစ်ခြင်းဖြင့် ကမ္ဘာ့ဖွံ့ဖြိုးမှု နောက်အကျဆုံးတော ကျောမွဲဖွတ်ပြာ တိုင်းပြည် များစာရင်းတွင် ပါဝင်ခဲ့ရသည်။ ထိုမှတဖန် အတန်ငယ် လွတ်လပ်လာသော ယခုဒီမိုကရေစီ အကူးအပြောင်း ကာလတွင်နောက်ပြန် လှည့်လိုသူများ အမျိုးသားရေး အစွန်းရောက်များ နှင့် ဒီမိုကရေစီ စံနှုန်းကို မလိုလား မရှုစိမ့်သူများ၏ သွေးထိုးလှုံဆော်မှုများကြောင့် ယနေ့ မြန်မာပြည်ကြီးသည် ပဋိပက္ခမီးလျှံများအောက် လောင်မြိုက်ပြာကျ သွားနိုင်ပေရာ ပြည်သူအများစု လိုလားသော ဖွံ့ဖြိုးတိုးတက်ရေးနှင့် လူ့ဂုဏ်သိက္ခာများ တင်းပြည့်ကျပ်ပြည့် ရရှိနိုင်ရေး မျှော်မှန်းချက်များ နှင့် အကောင်အထည်ဖေါ် ဆောင်ရွက်နေမှုများမှာ သဲထဲရေသွန် ဖြစ်လာနိုင်စရာ အကြောင်းများရှိလာသည်။

    ငြိမ်းချမ်းရေး (Peace) နှင့် တည်ငြိမ်အေးချမ်းမှု (Stability) ကင်းမဲ့နေသော တိုင်းပြည်တွင် ဖွံ့ဖြိုးတိုးတက်မှု (Development) ဟူသည် ဖြစ်လာနိုင်စရာ အကြောင်းမရှိသည်ကို လတ်တလော လူမျိုးရေးတိုက်ပွဲများနှင့် ပြည်တွင်းစစ်များ ဆင်နွဲနေကြသော အာဖရိကန် တိုင်းပြည် အများစု၏ ဥပမာကို လေ့လာခြင်းအားဖြင့် သိရှိနားလည် သဘောပေါက်နိုင်သည်။ သို့ဖြစ်ပေရာ ဖွံ့ဖြိုး တိုးတက်ရေးနှင့် တိုင်းပြည်အေးချမ်းသာယာရေးကို အမှန်တကယ် လိုလားသည်ဆိုပါလျှင် အမုန်းတရားကင်းစင်သော လူ့ဘောင် အသိုင်းအ၀ိုင်းတစ်ခု ဖြစ်ထွန်းပေါ်ပေါက်လာစေရေး အတွက် ပြည်သူများအားလုံး ၀ိုင်းဝန်းကြိုးပမ်း ကြရမည်ဖြစ်သည်။ အမုန်းတရား ကင်းစင်သော လူ့အသိုင်းအ၀ိုင်းကြီး ပေါ်ထွန်းလာစေရန်တွက်မှု အမုန်းတရားကို ဖြစ်ထွန်းပေါ်ပေါက်စေသော အပြန်အလှန် ယုံကြည်မှု နည်းပါးခြင်းနှင့် မျိုးနွယ်မတူ ဘာသာကွဲများအကြား သံသယဖြင့် နေထိုင်တတ်မှု တို့ကို ပြုပြင်ပြောင်းလဲနိုင်ရန် လွန်စွာအရေးကြီးလှသည်။ ကျွန်တော်တို့ မြန်မာပြည်ကြီးသည် ငြိမ်းချမ်းရေးကို အလွန်အမင်း လိုအပ်လျက်ရှိရာ အထက်ဖေါ်ပြပါ ပြည်သူများအကြား ယုံကြည်မှု တည်ဆောက်ရေးနှင့် အပြန်အလှန် ချစ်ခင်လေးစားမှုများ ဖြစ်ထွန်းပေါ်ပေါက်ရေး ကြိုးပမ်းရာတွင် အစိုးရတစ်ရပ်တည်း၊ လူပုဂ္ဂိုလ် တစ်ဦးတည်း၊ ပါတီတစ်ခုတည်းက အကောင်အထည်  ဆောင်ရွက်၍ မရနိုင်သည်မှာ မုချပင်ဖြစ်သည်။ ယင်းကဲ့သို့ တိုင်းပြည်၏ အနာဂတ်အား ထုဆစ်ပုံဖေါ်ရာတွင် ကျွန်တော်တို့ ပြည်သူလူထု၏ အခန်းကဏ္ဍမှာ အလွန်အမင်း အရေးပါလှသည်။

    မည်သို့အဖြေရှာကြမလဲ ?

    ဘာသာပေါင်းစုံ၊ လူမျိုးပေါင်းစုံ၊ ယဉ်ကျေးမှုပေါင်းစုံ ရောယှက်နေသော ကျွန်တော်တို့ တိုင်းပြည်ကြီးက ဘာလို့ မငြိမ်းချမ်းနိုင်လဲ။ ယထာဘူတကျတဲ့ အဖြေကတော့ ကျွန်တော်တို့ ငြိမ်းချမ်းစွာ အတူယှဉ်တွဲနေထိုင်ရေးတွင် ပြဿနာများ ရှိနေ၍ဖြစ်သည်။ အဆိုပါ ပြဿနာတို့၏ လက်သည်တရားခံများမှာ တရားမျှတခြင်းမရှိမှု၊ ဖိနှိပ်ချုပ်ချယ်မှု၊ ခွဲခြားဆက်ဆံမှု၊ ရန်လိုမုန်းတီးမှု အာဏာ တစ်လွဲအသုံးချမှုများ ကိုယ်ကျိုးရှာ အုပ်ချုပ်မှုများ အပါအ၀င် လူမျိုးရေး ဘာသာရေး အမြင်ကျဉ်းမြောင်းမှု အစရှိသည်တို့ကြောင့် ဖြစ်သည်။ ကျွန်တော်တို့ ပြည်သူများအနေဖြင့် ငြိမ်းချမ်းရေးနှင့် ဖွံ့ဖြိုးတိုးတက်ရေးအား လိုလားသည် ဆိုပါလျှင် အဆိုပါပြသနာများကို ဖြေရှင်းပြီး ငြိမ်းချမ်းစွာ အတူယှဉ်တွဲနေထိုင်ရေးအတွက် ကြိုးပမ်းကြရမည်ဖြစ်သည်။ ဆိုပါစို့။ ကျွန်တော်တို့တွင် ရွေးချယ်စရာ လမ်းနှစ်သွယ် ရှိလာသည်။ Peaceful Coexistence ဆိုသည့် ငြိမ်းချမ်းစွာအတူ ယှဉ်တွဲနေထိုင်ရေးကို ရွေးချယ် မလား။ သို့တည်းမဟုတ် No Existence ဆိုသည့် တိုင်းပြည်ပြိုကွဲခြင်းဟူသည့် လမ်းကြောင်းသို့ သွားမည်လား။ Peaceful Coexistence ကိုသွားမည်ဆိုပါလျှင် ကျွန်တော်တို့ ကိုယ်စီကိုယ်ငှ အလုပ်လုပ်ရပါမည်။ ငြိမ်းချမ်းရေးဆိုင်ရာ သဘောတရားများ ဒီမိုကရေစီ စံနှုန်းများကို ပြည်သူများအတွင်းစိမ့်ဝင် ပြန့်နှံသွားအောင် ကြိုးပမ်းရပါမည်။ ယင်းအတွက် သဘောတရားရေးရာ သင်တန်းများပေးခြင်း၊ Campaign လုပ်ခြင်းများတို့နှင့်သာ မလုံလောက်ပဲ ငြိမ်းချမ်းရေး သဘောတရားများကို ကိုယ်တိုင်ကိုယ်ကျ ကျင့်သုံး၍ မိမိမိသားစု အပါအ၀င် မိမိ၏ အသိုင်းအ၀ိုင်းအတွင်း ဖြန့်ဝေပေးရန်မှာ ကျွန်တော်တို့ တာဝန်ဖြစ်သည်။

    ဘာကြောင့် ဘာသာပေါင်းစုံ လူမျိုးပေါင်းစုံ ချစ်ကြည်ရေးတည်ဆောက်ဖို့ လိုအပ်တာလဲ?

    သမိုင်းတလျှောက်တွင် လူသားအတော်များများသည်  ၎င်းတို့၏ ကိုးကွယ်ရာ ဘာသာတရားများကို အကြောင်းပြုကာ နှိပ်စက် ညဉ်းဆဲပြုမှု၊ နိုင်လို မင်းထက်ပြုခြင်းတို့ကို ခံစားခဲ့ကြရသည်။  ဥပမာ – ဂျူးလူမျိုးခြောက်သန်းကို သတ်ဖြတ်ခဲ့သော နာဇီပါတီ၏ ဟိုလိုကက်စ်ဖြစ်ရပ်၊ အိုင်ယာလန်၏ ဘာသာရေး မျိုးဖြုတ်သတ်ဖြတ်ပွဲ၊ အရှေ့အလယ်ပိုင်း ဒေသရှိ ဘာသာရေးကြောင့် ဖြစ်သော လူမျိုးရေးရာ ပဋိပက္ခများနှင့်စစ်ပွဲများ၊ နယ်မြေလုယက်မှုများ စသည်တို့က သက်သေ အထင်အရှားပင်ဖြစ်သည်။ ထို့ပြင် နိုင်ငံရေးသမားများ၏ နိုင်ငံရေး ကစားကွက် အတွက် ဘာသာတရားတို့အား လှည့်ဖြား အသုံးချကာ အကျိုးအမြတ်အတွက် ရည်ရွယ်သော စစ်ပွဲမျိုး တွေကိုလည်း မျက်မှောက် ကမ္ဘာတွင်တွေ့ရှိ နေရပြန်သည်။ ကျွန်တော်တို့ မြန်မာပြည်တွင်လည်း ရခိုင်အရေးအခင်း၊ မိထ္ထီလာမှ အစပြုသော ပဋိပက္ခတို့သည် ဘာသာရေးအဓိကရုဏ်း အသွင်ဆောင်လာပြီး အပြစ်မဲ့ ပြည်သူတို့၏ အသက်အိုးအိမ် စည်းစိမ်များ ၀မ်းနည်းစဖွယ် ပျက်သုဉ်း ဆုံးရှုံးခဲ့ရသည်။ ဒီနေရာတွင် သတိပြုရန်လိုအပ်သည့်အချက်မှာ၊ ပဋိပက္ခ ဖန်တီးသူများ၊ လှုံ့ဆော်သူများ၊ နိုင်ငံရေး အမြတ်ထုတ်သူများသည် အကယ်စင်စစ် ဘာသာတရားအား ကိုယ်စားပြုသော ပုဂ္ဂိုလ်များ မဟုတ်ဟူသော အချက်နှင့်  ဘာသာ တရားများက ပြသနာများ ဖြစ်ပွါးရခြင်းတို့၏ အကြောင်းရင်းခံ မဟုတ်ကြောင်းဖြစ်သည်။ ပြဿနာတို့ ၏ လက်သည်သည် အဆိုပါ ပုဂ္ဂိုလ်များက ဘာသာတရားကို အသုံးချ၍ ၀ါဒမှိုင်းတိုက်ခြင်း ကြောင့်သာဖြစ်သည်။

    အကယ်စင်စစ် ဘာသာတရားတို့သည် လူသားတို့၏ အရည်အချင်းနှင့် စွမ်းဆောင်ရည် မြှင့်တင်ပေးနိုင်ခြင်းတို့အတွက် အဓိကကျသော မောင်းနှင်အား တစ်ရပ်ဖြစ်သည်။ ဘာသာရေးဆိုင်ရာ အဆုံးအမများနှင့် မူရင်းလာ တရားတော်များ၌ ငြိမ်းချမ်းမှုဆိုင်ရာ သဘောတရားများနှင့် အေးချမ်း တည်ငြိမ်မှုတို့၏ ရေသောက်မြစ်များကို ရှာဖွေတွေ့ရှိနိုင်ပြီး ၎င်းတရားတော်တို့ကို အစစ်အမှန် လေးစား လိုက်နာခြင်းတွင် ငြိမ်းချမ်းရေး တည်ဆောက်မှုအတွက် လုံလောက်သော အဖြေရှိသည်။ တစ်ခါတစ်ရံ၌ ဘာသာ တရားတို့သည် ပဋိပက္ခများအတွက် လောင်စာဖြစ်သွားတတ်ကြ သော်လည်း ထိုသို့ ဖြစ်ရခြင်းမှာ လူသားဖြစ်သော ဘာသာဝင်တို့၏ လွဲမှားစွာကျင့်သုံးခြင်း တို့ကြောင့်သာလျှင်ဖြစ်သည်။

    သို့ဖြစ်ပေရာ ဘာသာဝင်တို့ အနေဖြင့် ဘာသာတရားတို့အပေါ် အပြန်အလှန်နားလည်မှုရှိလျှင်၊ လေးစားသမှု ရှိနေလျင်၊ ပြည်သူများအကြား ပိုမိုတိုးတက် ကောင်းမွန်သော ဆက်ဆံရေးတစ်ရပ် တည်ဆောက်နိုင်ပါလျှင် အဆိုပါ နာလိုခံခက်ကိစ္စရပ်များမှ ရှောင်ရှားနိုင်ပြီးလျှင်၊ ငြိမ်းချမ်းစွာ အတူရှင်တွဲ နေထိုင်မှုတည်းဟူသော တစ်ခုတည်းသော ဖြေရှင်းချက်ကို ဦးတည်နိုင်ရေးအတွက် အခြားဘာသာတရားများအား လေ့လာရေးနှင့်  အရှိတရားတို့အပေါ် နားလည်လက်ခံပေးရေးတို့မှာ အလွန် အရေးကြီးသော ကိစ္စရပ်တစ်ခု ဖြစ်လာသည်။ ထို့ထက်ပိုအရေးကြီးသည့်အရာမှာ မိမိယုံကြည်လက်ခံထားသည့် သာသနာအား အကယ်ပင် သိရှိသဘော ပေါက်နားလည်ခြင်းနှင့် အမှန်တကယ် လိုက်နာကျင့်သုံးရေးပင်ဖြစ်သည်။

    ဘာသာပေါင်းစုံ ချစ်ကြည်ရင်းနှီးမှု တည်ဆောက်ရေး (Interfaith) နည်းလမ်းများ

    Interfaith လမ်းကြောင်းကို ဖေါ်ဆောင်သမှုပြုရာတွင် Dialogue တည်းဟူသော အပြန်အလှန် ဆွေးနွေးဖလှယ်မှုက ပဓာနကျသော အခန်းကဏ္ဍမှ ပါဝင်သည်။ Dialogue များ ဖေါ်ဆောင်ရာတွင် Ideology ဟူသောသဘောတရား၊ အတွေးအခေါ်နှင့်   လောကအမြင်တို့အပေါ် အခြေပြုသည့် အခြေခံကျကျ ချဉ်းကပ်ဆွေးနွေးခြင်း (ဥပမာ – ဘာသာတရားတို့၏ အခြေခံ သဘောတရားများ၊ ကျင့်ဝတ်နှင့်နည်းနာများ၊ ယုံကြည်မှုများနှင့် ကျင့်သုံးနေထိုင်မှုပုံစံ၊ အစရှိသဖြင့်) နှင့် Issue များအပေါ် အခြေပြုသည့် ဖြစ်ရပ်များအပေါ်အဖြေရှာခြင်း (ဥပမာ- ကျားမတန်းတူညီမျှရေး၊ ပညာရေးမြှင့်တင်ရေး၊ သဘာဝ ပတ်ဝန်းကျင် ထိန်းသိမ်းစောင့်ရှောက်ရေး၊  ဆင်းရဲမွဲတေမှုလျော့ချရေး) အစရှိသည့် နည်းလမ်းနှစ်မျိုးအား အသုံးပြုနိုင်သည်။

    မည်သည့်နည်းလမ်းကို အသုံးပြုသည်ဖြစ်စေ Interfaith ဖော်ဆောင်မည့်သူသည် အောက်ပါအကြောင်းအချက်များ အတွက် ကြိုတင်ပြင်ဆင် ထားမှုရှိရန်လိုအပ်သည်။

    Knowledge (ဘာသာတရားများနှင့်ပတ်သက်သော မှန်ကန်သည့် ဗဟုသုတရှိခြင်း)

    Interfaith ကို ဖေါ်ဆောင်မည့် တစ်ဦးတစ်ယောက် အနေဖြင့် ဘာသာတရားတို့နှင့် ပတ်သက်သော အခြေခံဗဟုသုတ ရှိထားရန် လိုအပ်ပြီးလျှင်၊ သိမှုအဆင့်၌ သမမျှတသော အတွေးအမြင်ရှိမှုကို ဦးစားပေးရမည်။ ထိုကဲ့သို့ ဘာသာတရားများနှင့် ပတ်သက်၍ လေ့လာမှု ပြုရာတွင်လည်း စစ်မှန်သော သတင်းအချက်အလက်များကို လေ့လာသင်ယူမှုက လွန်စွာအရေးကြီးပြီးလျှင် အမှန်တကယ် ကျင့်သုံးမှုပြုနေသော ပုဂ္ဂိုလ်များ ဘာသာရေးခေါင်းဆောင်များထံမှ လေ့လာစည်းပူး ရမည်ဖြစ်သည်။ ထိုသို့ လေ့လာသင်ယူရာတွင်လည်း Open Minded (ပွင့်လင်းလွတ်လပ်သော အတွေးအခေါ်) အပေါ်အခြေခံသော သင်ယူလေ့လာမှု ဖြစ်ရန်လည်း လွန်စွာမှပင် အရေးကြီးလှသည်။

    Reason (ကြောင်းကျိုးဆက်စပ်သော တွေးခေါ်မြှော်မြင်မှုရှိခြင်း)

    Interfaith ဖေါ်ဆောင်မည့် ပုဂ္ဂိုလ်သည် မိမိက ဘာအတွက် ဖော်ဆောင်မည်လဲ၊ မည်သည့် ရလဒ်ကို ရရှိလိုသလဲ၊ မည်သည်က အဓိကကျသည့် အကြောင်းအရင်းများ ဖြစ်သလဲ အစရှိသည့် ခိုင်လုံ၍ ကြောင်းကျိုးဆက်စပ်သော တွေးခေါ်မျှော်မြင်မှုရှိရန် လိုအပ်သည်။ ထိုသို့အားဖြင့် ယုတ္တိကျကျ ချဉ်းကပ်မှုပြုမှာသာ မိမိဦးတည်လိုသော ရလာဒ်များကို ရရှိစေနိုင်လိမ့်မည်ဖြစ်သည်။  ထို့ပြင်မက Interfaith ဖေါ်ဆောင်မှုပြုလိုသူများအနေဖြင့် ရိုးသားမှုအပေါ် အခြေခံပြီးလျှင် မိမိဘာသာကသာ သာ၍မြင့်မြတ်သည် ဟူသော အတွေးအခေါ်ကို လက်ကိုင်မထားပဲ Misionary သမား၏ စိတ်ဓာတ်မျိုးဖြင့် တစ်ဖက်သားအား စွဲဆောင် စည်းရုံးခြင်းမျိုးမဖြစ်ရန်လည်း အလွန်စွာမှပင် အရေးကြီးလှသည်။

    Wisdom (ဥာဏ်ပညာကို အခြေပြု၍ ရလာဒ်ကောင်းများဖေါ်ဆောင်ခြင်း)

    Knowledge ဟူသည် “To Know Something” ဖြစ်၍ Wisdom ဟူသည် “To do Something according to Knowing” ဖြစ်သည်။
    သိမှုကို ပြန်လည်အသုံးချခြင်းမှာသာလျှင် ပညာဥာဏ် အမျှော်အမြင် တည်ရှိသည်။ ထို့အတွက်ကြောင့် Interfaith ဖေါ်ဆောင်မည့် ပုဂ္ဂိုလ်များ အနေဖြင့် စားပွဲဝိုင်းထိုင် ဆွေးနွေးနေရုံ မျှ မဟုတ်ပဲ၊ လူ့အသိုင်းအ၀ိုင်းအတွက် အမှန်တစ်ကယ် အကျိုးပြုနိုင်မည့် ရလဒ် ကောင်းများ ရရှိရန် ဖေါ်ဆောင်ပေးနိုင်ရမည်။

    ဆိုခဲ့ပါ အချက်များအား လိုက်နာဖြည့်စည်း နိုင်ပြီ ဆိုပါလျှင် အောက်ပါအချက်များ အား ဦးတည်၍ Dialogue ဆွေးနွေးပွဲများ စတင် နိုင်ပါသည်။

    Common Ground အားရှာဖွေခြင်း

    Dialogue အမှန်တကယ်ဖြစ်ထွန်းလာစေရေး အတွက် ဘုံတူညီချက်များ ရှာဖွေ၍ ဆွေးနွေးမှုလွယ်ကူစေသော အနေအထား တစ်ရပ်ကို ဖန်တီး လမ်းဖွင့်ပေးနိုင်ရမည်။ ထို့အတွက် Similarity ဟူသော ဘာသာတရားအသီးသီးရှိ ဘုံတူညီသော အချက်များကို သိရှိထားရန်နှင့် ရှာဖွေရန်မှာ အရေးကြီးသည်။ Similarity ကိုစုစည်း ထားမှသာလျှင် ဆွေးနွေးရန် လွယ်ကူသော အနေအထား ကိုရောက်ရှိစေနိုင်မည်ဖြစ်သည်။ ထိုနည်းတူစွာပင် ဘာသာအသီးသီးရှိ Differences (ကွဲပြားခြားနားနေသော အချက်များ) ကိုလည်း သိရှိထားရန် အရေးပါလှသည်။ Differences များကိုလေ့လာသိရှိထားခြင်းအားဖြင့် Communication ဟူသော ဆက်သွယ် ပြောဆိုမှု  ပိုမိုကောင်းမွန်လာစေပြီးလျှင် တစ်ဖက်သားအား မထိခိုက် မနစ်နာစေသော လမ်းကြောင်းမှန်ဖြင့် ဆွေးနွေးသွားနိုင်မည်ဖြစ်သည်။ ထိုနှစ်ချက်အား ပိုင်နိုင်စွာ သိလာပြီဆိုပါက အဓိက ရည်ရွယ်ရင်းဖြစ်သော Cooperation ဟုခေါ်သည့် အတူတကွ လက်တွဲပူးပေါင်း ဆောင်ရွက်ရေးနှင့်၊ Positive Interaction ဟုခေါ်သည့် အပြုသဘောဆောင်သော အပြန်အလှန် အကျိုးသယ်ပိုးပေးမှုဟူသည့် ပန်းတိုင်များကို ရရှိစေမည်မှာ မသွေမုချပင်ဖြစ်သည်။

    နိဂုံးချုပ်ဆိုရလျှင် ကျွန်တော်တို့သည် မတူညီသော အယူဝါဒများကို လက်ခံကျင့်သုံးနေကြသူများ (သို့) မည်သည့်အယူဝါဒ ကိုမှ သက်ဝင်ယုံကြည်ခြင်း မရှိသူများအဖြစ် ကြိုက်သည် ဖြစ်စေ မကြိုက်သည်ဖြစ်စေ အတူတကွ စုစည်းနေထိုင်ကြရသည် ဖြစ်သည်။ လူသားများ ဖြစ်ကြသည့်အလျှောက် ကျွန်တော်တို့အတွင်း ဘုံတူညီမှုများ မြောက်များစွာ ရှိကြပြီးလျှင် ယဉ်ကျေးမှုနှင့် ကိုးကွယ်ယုံကြည်ရာ ခြားနားခြင်းကြောင့် မတူကွဲပြားမှုများ ရှိနေတတ်သည်မှာ ငြင်းပယ်ရှောင်လွှဲ၍ မရသည့် အမှန်တရားပင် ဖြစ်သည်။ မည်သည့်အယူဝါဒကို ယုံကြည်သက်ဝင်သည်ဖြစ်စေ (သို့) မည်သည့်အယူဝါဒကိုမှ သက်ဝင်ခြင်းမရှိပဲ ကောင်းမြတ်သော လူ့စံနှုန်းများကိုသာ ကျင့်သုံး ဆောင်ရွက်သူ ဖြစ်သည်ဖြစ်စေ၊ ကျွန်တော်တို့သည် ဘာသာတရားများ၏ ကောုးမြတ်သော သင်ကြားချက်များနှင့် လူ့စံနှုန်းကျင့်ဝတ်များအား လေးစားလိုက်နာ ကျင့်သုံးခြင်းကြောင့် လူပီသမှုကို ဖြစ်ထွန်းစေသော အခြေခံ ဥပဒေသများကို  လိုက်နာကျင့်သုံးရ၌ (ဥပမာ- ငါးပါးသီလစောင့်ထိန်းခြင်း၊ တစ်ပါးသူအား ကူညီသမှုပြုခြင်း၊ လူအချင်းချင်း မေတ္တာထားခြင်း၊ မကောင်းမှုများ ရှောင်ကျဉ်ခြင်းနှင့် ကောင်းမှုများ ကျင့်ဆောင်ခြင်း)တို့၌ ကွဲပြား ခြားနားမှု အလျဉ်းမရှိခြေ။ တစ်ဖက်တွင်လည်း ယဉ်ကျေးမှုနောက်ခံ မတူညီသော၊ အခြေခံအယူအဆများကွဲပြားသော အယူဝါဒများကို လက်ခံ ယုံကြည်သြသူများ ဖြစ်ပေရာ လူ့ကျင့်ဝတ်များကို မဖောက်ဖျက်သော၊ လူသားပီသမှုကို မထိခိုက်သော၊ ကိစ္စရပ်အချို့တွင် ကွဲလွဲမှုများ ရှိနိုင်ပေသည်။ (ဥပမာ- ၀တ်စားဆင်ယင်ခြင်း၊ အစားအသောက်၊ နေထိုင်မှုပုံစံ နှင့် ၀တ်ပြုကိုးကွယ်မှု) သို့ဖြစ်ပေရာ  တူညီမှုများအပေါ် တန်ဘိုးထားခြင်းဖြင့် အပြန်အလှန်ပူးပေါင်း ဆောင်ရွက်မှုနှင့် ချစ်ကြည်ရင်းနှီးမှုများ တည်ဆောက်နိုင်ပြီးလျှင် မတူညီမှုများအား လေးစားပေးခြင်းဖြင့် အပြန်အလှန်နားလည်ပေးမှု (Mutual Understanding) နှင့် သဘောထားကြီးမှု (Tolerance) များအား ပြသခြင်းဖြင့် အမုန်းတရားကင်းစင်သော လူ့အသိုင်းအ၀ိုင်း တစ်ရပ် တည်ဆောက်နိုင်မည်မှာ မသွေမုချပင် ဖြစ်ပါတော့သည်။

    ဇော်မင်းထွေး

  • အဝေးသင်

    ဧပြီ ၂၈-၂၀၁၃
    M-Media
    ဆောင်းပါးရှင်- ကျော်မိုးအောင်

      distanceကျွန်တော် တက္ကသိုလ်နှစ်ခုတွင် အဝေးသင်ကျောင်းသားအဖြစ် ကျောင်းတက်ကာ ပညာသင်ယူဖူးပါသည်။

    ထိုတက္ကသိုလ်များအကြောင်းမပြောမီ မြန်မာနိုင်ငံတွင် ကျွန်တော်တို့ ပညာသင်ယူခဲ့ရသည့် ပညာသင်နှစ်၏ ထူးခြားမှုဖြင့်စတင်လျင် ပိုပြည့်စုံမည်ဖြစ်သဖြင့် ထိုအကြောင်းအရာမှ စပါရစေ။

    ကျွန်တော် သူငယ်တန်းစတက်တော့ ၁၉၈၈ ခုနှစ်။ ထိုနှစ်တွင် မြန်မာ့နိုင်ငံရေး အပြောင်းအလဲတစ်ရပ် ဖြစ်ခဲ့သည့် ၈.၈.၈၈ သပိတ်ကြီးကြောင့် တစ်ပြည်လုံးရှိကျောင်းများ ပိတ်ခဲ့သောကြောင့် နောက်နှစ်တွင်လည်း သူငယ်တန်း ပြန်တက်ရသည်။ ထိုအချိန်မှ ၅နှစ်ပြည့်သော ကျောင်းသားသစ်များလည်း သူငယ်တန်းတက်ရာ ထိုပညာသင်နှစ်သည် အခြားအခြားသော နှစ်များထက် ကျောင်းသားဦးရေ စံချိန်တင် နှစ်ဆများသော ထူးခြားသည့်နှစ်ဖြစ်သည်။ တစ်နှစ်တစ်တန်း ပုံမှန်အောင်လာကြသူတို့ ၁၉၉၉-၂၀၀၀ ပညာသင်နှစ်တွင် ဆယ်တန်းဖြေဆိုကြရာ ၁၀တန်းဖြေသူ အများဆုံးနှစ် ဖြစ်ခဲ့ပြန်သည်။ ထို့နောက် တက္ကသိုလ် တက်ကြစဉ်လည်း ထိုနည်းလည်းကောင်း။ ကျောင်းသား အလွန်များသည့်နှစ်။

    ကျွန်တော် ၁၀တန်းအောင်တော့ အမှတ်က မကောင်းတကောင်းဟု ဆိုရပေမည်။ ဆေးနှင့်ဆိုင်သောတက္ကသိုလ် တက်နိုင်လောက်သော အမှတ်မမီသော်လည်း ကွန်ပြူတာတက္ကသိုလ်၊ နည်းပညာတက္ကသိုလ်တို့  တက်နိုင်သည့် အနေအထား။ သို့သော် ထိုစဉ်က စဉ်းစားသည်က ကွန်ပြူတာသည်လည်း ပြင်ပတွင် လေ့လာနိုင်သလို နိုင်ငံတကာအသိအမှတ်ပြု အင်ဂျင်နီယာသင်တန်းများလည်း ပြည်တွင်းတွင် ဖွင့်နေပြီဖြစ်ခြင်းကြောင့် တစ်ကြောင်း၊ မြို့နှင့် အတော်အတန် ဝေးကွာသောနေရာတွင် ဖွင့်လှစ်ထားသည့် ထိုတက္ကသိုလ်များတက်ပါက တစ်ရက်လျင် တစ်နာရီခွဲခန့် ဖယ်ရီကားပေါ်တွင် အချိန်ကုန်ရမည်ကို မလိုလားသောကြောင့်တစ်ကြောင်း အဝေးသင်တက္ကသိုလ်သာ တက်ရောက်ကာ အပြင်မှသာ အင်္ဂလိပ်ဘာသာစကားနှင့် ကျန်ဘာသာရပ်များ လေ့လာဖို့ရန်ပင် ဆုံးဖြတ်ခဲ့သည်။

    ထို့အတွက် ကျွန်တော်တို့အရင် ၁၉၉၈-၁၉၉၉ ပညာသင်နှစ် အဝေးသင်တက္ကသိုလ် ဘာသာရပ်အလိုက် အနိမ့်ဆုံးဝင်ခွင့် သတ်မှတ်ချက်ကိုကြည့်ကာ စိတ်ဝင်စားမည့်ဘာသာရပ် ရွေးချယ်ရန် ဆုံးဖြတ်လျက် လေ့လာကြည့်တော့ အင်္ဂလိပ်စာ၊ သင်္ချာနှင့် ဥပဒေတို့က ထိပ်ဆုံးသုံးခု။ အမှတ်ပေါင်း ၂၉၀ကျော် အနည်းဆုံးရသူတို့ လျှောက်ထားနိုင်သည့်ဘာသာရပ်များ။ (မှတ်ချက် … ထိုစဉ်က ဆယ်တန်းတွင် ဘာသာရပ်၅ခု ဖြေရသည့်အချိန်ဖြစ်ရာ တစ်ဘာသာလျင် ပျမ်းမျှ အမှတ်၆၀ခန့် အနိမ့်ဆုံးရသူများ တက်ကြသည့် ဘာသာရပ်များဖြစ်သည်။) ထိုအထဲကမှ ဥပဒေပညာ သင်ယူရန် ရွေးချယ် လျှောက်ထားခဲ့သည်။

    လအနည်းငယ်ကြာတော့ ကျောင်းမှ ဝင်ခွင့်ပြုကြောင်း အကြောင်းကြားစာရောက်လာတော့ ကျောင်းသွားအပ်သည်။ ကျောင်းသွားအပ်သည့်အချိန်တွင် ပထမဆုံး စတင်ကြုံရသည်က ကျောင်းသားရေးရာတွင် ကျောင်းအပ်ရန် ရောက်နေသော သောင်းဂဏန်းရှိသည့် လူအုပ်ကြီးဖြစ်သည်။ ကျွန်တော်နှင့်အတူ ဥပဒေအထူးပြုသင်ယူကြမည့် ကျောင်းသားအရေအတွက်က ၃၀၀၀ နီးပါး။

    ကျွန်တော်တို့နှစ်အတွက် အနိမ့်ဆုံးဝင်ခွင့်အမှတ် မည်မျှသတ်မှတ်သည်ကို သိချင်သောကြောင့် ကြော်ညာသင်ပုန်းသွားကြည့်မိတော့ အတော်စိတ်ပျက်သွားမိသည်။ အနိမ့်ဆုံအမှတ် သတ်မှတ်ချက်က အမှတ် ၂၀၀။ ဒီအတိုင်းဆိုတော့ မအောင်မချင်းမော်ဒရေးရှင်းဖြင့် အောင်လာသူလည်း အတူတူ တက်ခွင့်ရသည်ပေါ့။ တစ်ဘာသာ အမှတ်၄၀ဖြင့် အောင်သည်ဆိုရုံမျှဆိုနိုင်ရုံ အောင်လာလည်း တန်းတူပဲပေါ့ ဆိုသည့်အတွေး ရောက်လာသည်။ အမှန်တော့ ကိုယ်နှင့်တိုက်ရိုက်မဆိုင်ဟု ဆိုလိုကလည်း ဆိုနိုင်သည့် ကိစ္စဖြစ်သော်လည်း ကိုယ့်ရမှတ်ကိုယ် ဘဝင်လေဟပ်၊ ဂုဏ်ယူကြေနပ်သူတစ်ဦးအနေဖြင့်တော့ စိတ်ပျက်စရာ။

    ဒီလိုနှင့် ပထမနှစ် စတက်ဖြစ်သည်။ ငွေစာရင်းသွင်းပြီးတော့ ချလံလေးတစ်စောင်ရသည်။ သင်ခန်းစာ စာအုပ်များ၊ ကက်ဆက်ခွေများ ကတော့ နောက်လလောက်မှ တစ်ခေါက်ပြန်လာဖို့ … ကျောင်းသား များလွန်းသောကြောင့် အားလုံးမရနိုင်သေး၊ ရှေ့ဆုံးလာအပ်သူ အချို့သာ ပေးလိုက်နိုင်သည်ဟု သိရသည်။ နောက်တစ်လ ကျောင်းသွားတော့ နောက်ထပ် တစ်လလောက်ကြာမှ ပြန်လာရန် ပြောပြန်သည်။ နောက်လလည်း ထိုနည်းလည်းကောင်း၊ နောက်တစ်လ (ကျောင်းဖွင့်ချိန်မှစလျင် ၃လအကြာ)မှသာလျင် လက်ထဲသို့ စာအုပ်များ အစုံအလင်ရသည်။

    ထိုနှစ်အတွက် Assignment စာစဉ်များ ဖြေဆိုရတော့ ကျွန်တော့်တွင် စာအုပ်များမရှိ။ သို့သော် ပြဿနာမရှိ … အသင့်ဖြေဆိုပြီးသား စာစဉ်များ ရောင်းသည်လေ။ ပြန်ကူးရေးရုံသာ … ဘာခက်တာမှတ်လို့။ မြန်မာစာနှင့် အင်္ဂလိပ်စာမှလွဲလျင် ကျန်သည်တို့ကို ကျွန်တော် နားမလည် …. ဒီတိုင်းပဲ ပြန်ကူးပေးလိုက်သည်။ ညောင်းလိုက်သည့်လက် … ပျင်းစရာ။

    စာမေးပွဲမဖြေခင် ၁၀ရက်အလိုရောက်တော့ အနီးကပ်သင်တန်း တက္ကသိုလ်တွင် သွားတက်ရသည်။ ဆရာတွေက စာမေးပွဲတွင်မေးမည့် မေးခွန်းများနှင့် အဖြေများ သင်ပေးသည်။ တစ်ဘာသာလျင် ၁၀ပုဒ် … ထိုအထဲက ၆ပုဒ်မေးကာ ၄ပုဒ်ဖြေရမည်။ ၃ပုဒ်ဖြေနိုင်လျင် စာမေးပွဲအောင်မည်။

    စာမေးပွဲဖြေရတော့ တက္ကသိုလ်ထဲမှာမဟုတ် … အစိုးရ အထက်တန်းကျောင်းတစ်ကျောင်းမှာ။ စာမေးပွဲဖြေခါနီးတွင် ကျောင်းသား တစ်ယောက်မှ ဦးဆောင်ကာ ကျောင်းသားတစ်ဦးလျင် ၃၀၀ကျပ် လိုက်ကောက်သည်။ အခန်းစောင့်မည့်ဆရာမတို့အား ကန်တော့ရန်တဲ့။ စိတ်မဝင်စားသော်လည်း အားလုံးနှင့်ဆန့်ကျင်ကာ ကန့်လန့်မလုပ်လိုသောကြောင့်  ပေးလိုက်သည်။ ထူးထူးခြားခြားပါပင် …. ကျောင်းသားအားလုံးနီးပါး စာအုပ်ဖွင့်ကာ ပေါ်ပေါ်တင်တင် ကူးရေးကြသည်။ ခိုးကြောင်ခိုးဝှက် စာရွက်အတိုအစ သေးသေးမွှားမွှားတို့ဖြင့်မဟုတ်။ (ကြွားခြင်းမဟုတ်ပါ … ကျွန်တော် ကိုယ့်စာကိုယ်ကျက်ကာ မကူးဘဲ ဖြေခဲ့ပါသည်။ သူငယ်ချင်းကတော့ မင်းက သူရဲကောင်းလုပ်တာလား … ရူးတာလား တစ်ခုခုပဲတဲ့။)

    ခဏနေတော့ အတန်းစောင့်ဆရာမက စစ်ဆေးရေးလာလျင် ကူးရေးနေသည်ကို ခေတ္တရပ်ထားရန်နှင့် အခြား စာမေးပွဲခန်းများတွင် ကျောင်းသား တစ်ဦးလျင် ၅၀၀နှုန်းကန်တော့ကြကြောင်းဆိုလာသောကြောင့် ကျောင်းသားများ တစ်ဦးလျင် ၂၀၀စီ ထပ်ပေးကြရသည်။

    သည်လိုနှင့် ပထမနှစ်ပြီးဆုံးကာ ဒုတိယနှစ် ရောက်ခဲ့သည်။ သည်နှစ်တော့ နပ်သွားပြီ … လက်အညောင်းခံကာ စာစဉ်တွေ ကူးမရေးတော့။ ကျောင်းသွား အပ်စဉ်က မုန့်ဖိုးပေးကာ အကူအညီတောင်းခဲ့ဖူးသည့် ကျောင်းသားရေးရာ စာရေးက စုစုပေါင်း တစ်သောင်းကျပ်ဖြင့် စာစဉ်ရေးပေးကြောင်း ပြောလာတော့ သူ့လက် အပ်လိုက်သည်။ သက်သာသွားသည်ပေါ့ … ထုံးစံအတိုင်း စာမေးပွဲ ဖြေရပြန်သည်။ ဒီတစ်နှစ်လည်း ရိုးရိုးသားသာ ခိုးမစားသူလေးကျွန်တော်ပေါ့။ ပိုက်ဆံကတော့ (သူတို့အခေါ် ခန်းဝင်ကြေးတဲ့) တစ်ရက်၅၀၀ ကန်တော့ရတုန်း။

    တတိယနှစ်ယောက်လာတော့လည်း ထိုနည်းနှင်နှင်။ ဒီတစ်ကြိမ်တော့ ပထမနှစ်လောက် မရိုးသားတော့ … ကျက်ရမှတ်ရ လွယ်သည့်ဘာသာရပ်များ ကျက်မှတ်ကာ တစ်ချို့တစ်ဝက် ကူးရေးခဲ့သည်။

    သည်လိုနှင့်ပဲ နောက်ဆုံးနှစ်ရောက်ခဲ့သည်။ ဒီနှစ်ကတော့ ထူးခြားသည်။ တက္ကသိုလ်ထဲတွင် စာမေးပွဲဖြေရသည်။ အခန်းစောင့်ဆရာများကလည်း တက္ကသိုလ်ဆရာများ။ ယခင်ကလို လွှတ်မပေးရန် အထက်က ညွှန်ကြားထားသည်တဲ့။ BBC ၊ VOA ၊ RFA တို့တွင် သတင်း ပါခဲ့သည်ကိုး။ သူငယ်တန်းဖတ်စာပါ “သူစာကူး၏ … ပထမဆုရသည်” ဆိုသည်ကို ပြောင်လှောင်သည့်အတွက် ကျွန်တော်တို့ကြောင့် “သူပညာထူး၏ … ပထမဆုရသည်”ဟု ပြောင်းလဲ လိုက်သည့်နှစ်ဖြစ်သည်။ ထို့ကြောင့် ခိုးချသမျှအား စာရွက်သိမ်းသည်။ သုံးကြိမ်မြောက်အထိ ခိုးချရန်အားထုတ်သူကို စာမေးပွဲဖြေခွင့် ပယ်ဖျက်သည်။

    သုံးနှစ်သာလျင် တက်ခဲ့ကြရသူ အခြား ဘာသာရပ်များကို အထူးပြုလေ့လာသူတို့အတွက်ကတော့ ဘွဲ့သာရသွားသည် … ဤသို့သောစာမေးပွဲမျိုး တက္ကသိုလ်တွင် မကြုံလိုက်ရ။ နှစ်စဉ် ခန်းဝင်ကြေးပေးကာ စာကူးလျက် ကျောင်းပြီးသွားကြရလေသည်။

    ထိုနှစ်ကစာမေးပွဲကို ကျွန်တော် ပျော်ပါသည် … တကယ်တမ်းတော့ ဘာမှလည်းမခက်လှ။ ဒါမေးဒါဖြေ ၅ပုဒ်လောက် အလွတ်ကျက် လိုက်လျင် အောင်ပြီဖြစ်သည်။ သို့သော် ထိုနှစ်က မနည်းလှသော ကျောင်းသားများ စာမေးပွဲ ကျကြသည်. ကျမည်ပေါ့ … ယခင်သုံးနှစ်လုံးလုံး စာမှ မကျက်ခဲ့ကြရလေသည်ပဲလေ။ မဟုတ်တာလူမိမှာ အလွန်ကြောက်တတ်သောကျွန်တော်၊ သိက္ခာကျမှာ အလွန်ကြောက်တတ်သောကျွန်တော်ကတော့ စာကျက်လိုက်သည်ပေါ့ … ဒီနည်းက စာမေးပွဲခန်းထဲမှာ ချွေးပြန် သောကရောက်နေစရာမလိုသော၊ အသက်သာဆုံးသောနည်း။

    တက္ကသိုလ်မှပေးသော ပြဌာန်းစာအုပ်များ၊ ပို့ချချက် ကက်ဆက်ခွေများ လုံးဝမရလိုက်သည့်နှစ်လည်း ရှိခဲ့သည်။ ကက်ဆက်ခွေတို့တွင် အပေါ်မှ ပတ်ထားသော တိပ် ကိုပင် မခွာဖြစ်ခဲ့သည်တို့လည်း အများအပြား။ မှတ်မှတ်ရရ သုံးခွေသာ နားထောင်ဖြစ်ခဲ့ဖူးပါသည်။

    ထိုစဉ်က မြန်မာ့ရုပ်သံမှတစ်ဆင့်လည်း ပို့ချချက် သင်ခန်းစာများ ထုတ်လွှင့်ခဲ့ဖူးသည်။ ကျွန်တော် ကြိုးစားပမ်းစား အပတ်စဉ် စောင့်ကြည့်ခဲ့ဖူးပါသည်။ မှန်ရာ ပြောရလျင် အတော်ပင် ပျင်းရိဖွယ်ကောင်းနေကာ အသက်မဝင်သည်ကတော့ အမှန်ပါ။ ဆရာဆရာမများက အတောင့်လိုက်ကြီးနှင့် စာဖတ်ပြနေသည်မှာ ကြာတော့ ပျင်းလာသည့်အတွက် ဆက်နားမထောင်ဖြစ်တော့။

    ဒီလိုနှင့်ပင် လေးနှစ်တိတိ ပညာသင်ယူခဲ့ပြီးနောက် ကျွန်တော် ဘွဲ့တစ်ခုရခဲ့သည်။ ထိုဘွဲ့ယူရန် ဘွဲ့နှင်းသဘင် ကျွန်တော် မတက်ခဲ့ပါ။ ရှက်သည်လေ။ ခုချိန်ထိလည်း ကျွန်တော် ဘာဘွဲ့ရသလဲ မေးလာလျင် ဖြေရသည်မှာ လိပ်ပြာမလုံ …. နောက်ထပ်တက်ခဲ့သော၊ ကိုယ်တိုင်လည်း စိတ်ဝင်စားသော၊ အပြင်ကနေလည်း တတ်ကျွမ်အောင် လေ့လာသင်ယူခဲ့သော၊ တကယ်လည်း ကြိုးစားအားထုတ်ခဲ့သော နိုင်ငံခြားဘာသာတက္ကသိုလ် အင်္ဂလိပ်စာ ဒီပလိုမာကိုလည်းကောင်း၊ အပြင်သင်တန်းတက်၊ စာမေးပွဲဖြေကာ ရရှိခဲ့သည့် နိုင်ငံခြားမှချီးမြှင့်သော အင်ဂျင်နီယာ ဒီပလိုမာတို့ကိုလည်းကောင်းသာ ဖော်ထုတ်ပြောတတ်သည်။ ဥပဒေဘွဲ့နှင့်စပ်လျဉ်းလျင်မူ  အာရုံမရောက်စေရန် ဖော့ပြောတတ်သည့်အကျင့် ရခဲ့သည်။ ဘာမှလည်း မတတ်ခဲ့ဘဲလေ။ ဥပဒနှင့်ပတ်သက်လျင် ၄၂၀၊ ၃၇၆ လောက်သာ သိသူဖြစ်သည်။

    ထိုခေတ်က အဝေးသင်တက္ကသိုလ်တက်ကာ ဘွဲ့တစ်ခုရခဲ့သူ လူတိုင်းကိုမဆိုနိုင်သော်လည်း မနည်းလှသည့် လူများကတော့ ကျွန်တော့်နည်းတူ …. သို့မဟုတ် ကျွန်တော့်ထက် ပိုမိုဆိုးရွားစွာ ကျောင်းပြီးကာ ဘွဲ့ဓာတ်ပုံအိမ်မှာ အလှချိတ်နိုင်သည့်အဆင့် ပညာရေး ရခဲ့ကြပါလိမ့်မည်။ ထိုသူတို့က ကျောင်းဆက် တက်ကြကာ တက္ကသိုလ်များတွင် ဆရာဖြစ်နေကြသူတွေလည်း ရှိနေလောက်ပြီ။ သို့မဟုတ်လည်း လုပ်ငန်းခွင် အသီးသီးတွင်လည်းကောင်း၊ မိသားစုတွင်လည်းကောင်း ဦးစီးဦးဆောင် ပြုနေသူများ ဖြစ်နေရလောက်ပါပြီ။

    ကွယ်လွန်သွားရှာပြီဖြစ်သော စာရေးဆရာ၊ ကာတွန်းဆရာ၊ ပန်းချီဆရာ ဦးကံချွန်၏ ဟောပြောမှုမှ ဟာသတစ်ခုကို သတိရမိသည်။ သူငယ်တန်းကျောင်းသား သားငယ်အား သူ့ဖခင်က “ဖေဖေ” ကို မည်သို့စာလုံးပေါင်းရကြောင်းမေးတော့ ကလေးက မပေါင်းတတ်ကြောင်းပြောသည်။ ထိုအခါ ဖခင်က “ဒါလေးတောင် မပေါင်းတတ်ဘူးလား … သေချာမှတ်ထား …. ဖေ့ရေးချဖေ ဖေ့ရေးချ ဖေ .. ဖေဖေ” ဟုပေါင်းပြသည်တဲ့။ ထိုအခါ မိခင်က ပြန်ပြောပုံက“ တော်က လူကြီးကို … ပေါင်းတတ်မှာပေါ့” တဲ့။ ဤသည်က ဟာသမြောက်အောင် အလွန်အကျူးပြောထားသော လက်တွေ့မဟုတ်သည့်အရာဆိုသော်လည်း ဆင်တူရိုးမှားတို့ တွေ့နေရသည်ကတော့ အမှန်ပါပင်။

    ထိုကာလများက ဘွဲ့ရကာ ဘာမှမတတ်ကြသူတွေ လုပ်ငန်းခွင်ထဲမှာလည်း တွေ့နေရသည်။ အင်္ဂလိပ်စာအထူးပြုဖြင့် MA မဟာဝိဇ္ဖာဘွဲ့၊ MRes မဟာသုတေသနဘွဲ့ရထားသူတွေ၊ PhD ပါရဂူဘွဲ့အတွက် လေ့လာပြင်ဆင်နေသူတွေက အင်္ဂလိပ်ဘာသာစကားအား ထမင်းစားရေသောက်အဆင့် သာသာတောင် ဖြစ်ဖြစ်မြောက်မြောက် မပြောနိုင်ကြသည်ကို အင်တာဗျူးများတွင် လက်တွေ့ကြုံ ရဖူးသည်။နောက်ထပ် မြင်သာသည့် ဥပမာ ပေးရလျင် တီဗီအစီအစဉ်တွင် ၅တန်းနှင့်ပြိုင်တာတောင် မနိုင်သူ ဘွဲ့ရများလည်း ဒုနှင့်ဒေး မဟုတ်ပါလော။
    ပြောရလျင် ကိုယ်တွေ့ အတွေ့အကြုံအရ  ထို့နောက်ပိုင်း အဝေးသင်ပညာရေးကို အထင်မကြီးမိတော့။ ယခင်က စာပေးစာယူ ခေတ်ကတော့ မသိ။ အဝေးသင်ကိုတော့ ပညာရေးနှင့် အဝေးရောက်အောင်ပင် သင်ပေးလိုက်သည့် စနစ်လားဟုပင် သံသယ ဖြစ်ခဲ့မိသည်။

    အဝေးသင်ပညာရေးကို ကြောက်သွားသူ ကျွန်တော် ၂၀၁၂မှ စတင်ကာ အဝေးသင်ပညာရေးနှင့် နောက်တစ်ကြိမ် ထိတွေ့ခွင့် ရခဲ့ရပြန်ပါသည်။

    ဒီတစ်ခါတော့ ပြည်တွင်းတက္ကသိုလ် မဟုတ်တော့။ နိုင်ငံခြား တက္ကသိုလ်တစ်ခုမှ ဖွင့်သည့် မဟာဘွဲ့သင်တန်းဖြစ်သည်။ အဝေးသင်ဟုဆိုနိုင်သည့် စနစ်တစ်မျိုး ဖြစ်သည့် online e-learning course ဖြစ်သည်။ ပြည်တွင်း အင်တာနက်ဆက်သွယ်မှုမြန်နှုန်းဖြင့် အတော်ပင် စွန့်စွန့်စားစား ဆုံးဖြတ်ချက်ချကာ တက်ခဲ့ခြင်းဖြစ်သည်။ တက္ကသိုလ်ဘက်ကလည်း ကိုယ့်နိုင်ငံ အင်တာနက်အနေအထားကို သိရှိလက်ခံထားသောကြောင့် ပြဿနာ ကြီးကြီးမားမားတော့ မရှိလှ။ စာမေးပွဲ ဖြေနေစဉ် အင်တာနက် ခေတ္တ ပြတ်တောက်သွားသောကြောင့် စိတ်ကသိကအောက် အနည်းငယ်ဖြစ်ခဲ့ဖူးသည်ကလွဲလျင် အဆင်ပြေသည်ဟု ဆိုနိုင်ပါသည်။

    ယခင်က ကျွန်တော် ကြုံခဲ့ဖူးသည့် အဝေးသင်နှင့်မူ အတော် ကွာခြားလှပါသည်။ ကုန်ကျစရိတ် သင်တန်းကြေးအားဖြင့်လည်း အဆများစွာ ကွာသည်ကိုး။ သင်ရိုးပုံစံက (3-0-6) credit စနစ်ဖြစ်သည်။ ဘာသာရပ်တစ်ခုအတွက် သီတင်းပတ်တစ်ပတ်လျင် ၃နာရီစာ သင်ခန်းစာများကို video file များ download လုပ်ကာ ကြည့်ရှုလေ့လာရသည်။ 0 ဆိုသည်က lab တစ်ခုတွင် လက်တွေ့လုပ်ရသောအချိန်ဖြစ်သည်။ ကျွန်တော်ယူသည့်ဘာသာရပ်က သိပ္ပံအထူးပြုမဟုတ်သောကြောင့် လုပ်ဆောင်ရန်မလို။ ထို့နောက် တစ်ပတ်လျင် စုစုပေါင်း ၆နာရီစာမျှရှိသော reference readingများဖတ်ခြင်း၊  assignment များဆောင်ရွက်ခြင်း၊ project များ လုပ်ဆောင်ခြင်း၊  webinar ခေါ် web-seminar ဆွေးနွေးချက်များတွင် ပါဝင်ခြင်းများ လုပ်ရသည်။ ယခင်ကလို အဆင်သင့် ready-made ကူးရေးစရာ မရှိ။ သူများရေးထားသော စာအုပ်စာတမ်းအား ကိုးကားဖော်ပြချက် “quotation”  အနေဖြင့်မှလွဲလျင် ဝါကျတစ်ကြောင်းစာမျှပင် တိုက်ရိုက်ကူးယူပါက သူတစ်ပါးထံမှခိုးချသည် plagiarism ဟုသတ်မှတ်ကာ အပယ်ခံရမည်။ ကိုယ့်အားကိုယ်သာ အပြည့်အဝ ကိုးရသည်။ မရှင်းလင်းသည်ရှိကလည်း သင်ကြားသည့်ဆရာထံ email ပို့ကာမေးမြန်းခြင်းဖြင့်လည်းကောင်း၊ ကြိုတင်ချိန်းဆိုကာ  video conference လုပ်ကြလျက်လည်းကောင်း၊ forum များတွင် အခြားကျောင်းသားများနှင့် အပြန်အလှန် မေးကြဖြေကြဖလှယ်ကြခြင်းဖြင့်လည်းကောင်း မေးမြန်းဆွေးနွေးနိုင်သည်။ အဝေးမှသင်ယူနေသောကြောင့် အဝေးသင်ဟု ဆိုရသော်လည်း လက်တွေ့စာသင်ခန်းတွင်းတွင် သင်ယူနေရသည်နှင့် များစွာ မကွာလှ။ အိုးမကွာအိမ်မကွာ လုပ်ငန်းခွင်အားလပ်ချိန်တွင် လေ့လာနိုင်သည်က အားသာချက်ဖြစ်သည်။ ပြင်ပ တွန်းအားမရှိသော်လည်း ကိုယ့်ကိုကိုယ် တာဝန်ယူကာ အချိန်တစ်ခု သတ်သတ်မှတ်မှတ်ဖြင့် လေ့လာသင်ယူတတ်ရန်သာ အရေးကြီးပါသည်။

    ထိုသင်တန်း စတက်စဉ်မှစကာ မြန်မာပြည်၏ အဝေးသင်စနစ်နှင့် အပြုသဘော နှိုင်းယှဉ်သုံးသပ်နေမိသည်။ မိမိတို့ နိုင်ငံ၏ အဝေးသင်ပညာရေး စနစ်ကို ယခုလိုဖြစ်လာအောင် ဘာတွေ လုပ်ကြရန် လိုအပ်နေသည်လဲ။ ဘာတွေက အတားအဆီး ရှိနေသည်လဲ။ ဆရာနှင့်ကျောင်းသားအချိုး မမျှတသောကြောင့်လား … ကြိုးနီစနစ် ကြီးစိုးနေခြင်းကြောင့်လား … ပေးနိုင်သည်နှင့် ယူလိုသည် supply and demand မမျှတသောကြောင့်လား …. ကျောင်းသားဖြစ်သူတို့ကိုယ်တိုင် အပါအဝင် အဆင့်ဆင့်က ပြီးစလွယ်ပင် လက်မှတ်ရရုံသက်သက်သာလျင် လုပ်နေကြ၊လုပ်ခဲ့ကြခြင်းကြောင်းလား … စသည့် မေးခွန်းပေါင်းများစွာကို အဖြေထုတ်နေမိသည်။ တက္ကသိုလ်တွင် ကိုယ်တိုင်ကိုယ်ကျ on-campus လက်တွေ့သွားရောက် သင်ယူခြင်းသည် အကောင်းဆုံးဖြစ်သည်မှန်သော်လည်း အဝေးသင်စနစ်သည်လည်း မှန်ကန်ကောင်းမွန်ပါက မဆိုးပါ။ အသုံးတည့်လှပါသည်။ ယခု ပြည်တွင်းအနေအထားကတော့ မည်သို့သော ပုံစံဖြင့် သင်သင်၊ တတ်သင့်သလောက် မတတ်သည်ကတော့ အရှိတရားပင်။

    တိုင်းပြည်အနာဂတ်ကောင်းတည်ဆောက်ရေးအတွက် ပညာရေးသည် အသက်သွေးကြော ဖြစ်ပါသည်။ အနာဂတ်ကျောင်းသားမျိုးဆက်သစ်များ ကျွန်တော်တို့ကြုံခဲ့ရသော ဘာမှမတတ်သည့်ပညာရေးမျိုး မကြုံရလေအောင် ဘာတွေလုပ်ကြရမည်နည်း။ လက်ရှိ  အဆိုပါ ပညာရေးဖြင့် ကျောင်းပြီးထားကြသူတို့အတွက်ရော ပြန်လည်ဖြည့်ဆည်း ကုစားနိုင်မည့်နည်းလမ်းများ မည်သို့ ရှာကြမည်နည်း။ သူတို့ကို ပြန်လည် မဖြည့်စည်းပေးနိုင်ပါကလည်း တိုင်းပြည်၏ ပစ္စုပ္ပန်က သူတို့လက်ထဲမှာ ရောက်နေရာ အနာဂတ်က ရင်လေးစရာ။ အစိုးရကိုသာ ရှိသမျှတာဝန် ပုံချအပြစ်တင်မည့်အစား တစ်ဦးတစ်ယောက်ချင်းစီဖြစ်စေ အရပ်ဖက်အဖွဲ့အစည်းများနှင့် ပုဂ္ဂလိကပညာရေး အခန်းကဏ္ဍတို့မှဖြစ်စေ မည်သို့ဆောင်ရွက်ကြမည်နည်း။ ကျွန်တော့်အနေဖြင့်ကတော့ ကြုံတွေ့ခဲ့ဖူးသည်ကို ပြန်လည် ဝေမျှလျက် အဖြေရှာနေသေးသူ တစ်ဦး သက်သက်သာ ဖြစ်ပါသည်။ စာရှုသူ မိတ်ဆွေကလည်း မိမိတို့ အတွေ့အကြုံ၊ အကြံပြုချက်များ မျှဝေပေးကြစေလိုပါသည်။

    ပညာရေး ပြုပြင်ပြောင်းလဲနိုင်စေရေးအတွက် နိုင်ငံတကာ အကူအညီများ ရယူခြင်းသည်လည်း အရေးပါသည့် အခွင့်အလမ်းတစ်ခုဖြစ်ပါသည်။ အရေးကြီးသည်က ထိုသို့သောစနစ်ကို ကြုံခဲ့ဖူးသူတို့ ကိုယ်တိုင်က လိုလိုလားလားဖြင့် ထိုအခြေအနေမှ ထိုးဖောက်ထွက်နိုင်ရန် ကြိုးစားကြရန်ပင် ဖြစ်ပါသည်။ မည်သူမဆို မိမိကိုယ်ကို မိမိ ပြုပြင်ပြောင်းလဲမှသာ စစ်မှန်သော တိုးတက်ပြောင်းလဲမှုရရှိနိုင်ပါမည်။

    မှတ်သားဖူးသည့် ဆိုရိုးစကားအား ကိုးကားလျက် နိဂုံးချုပ်ပါမည်။

    “The difference between who you are and what you want to be is what you do.”

    “သင် လက်ရှိ ဘာဖြစ်နေသည်” နှင့် “သင် ဘာဖြစ်လိုသည်” ဆိုသည့်နှစ်ခုအကြား ကွာခြားချက်ကတော့ “သင် လက်တွေ့ ဘာလုပ်မည်” ဆိုသည်ပါပင်။