Category: ဆောင်းပါး

လှည့်ကွက်ထဲ မျောနေတဲ့ မြန်မာပြည်သူ

မတ်လ ၂၇ ၂၀၁၃
မင်းသိက္ခာ(ပြည်မြန်မာ)

မြန်မာပြည်သူပြည်သား အထူးသဖြင့် ဗမာလူမျိုးရဲ့ ဓလေ့စရိုက်မှာ အားနာတတ်တယ်ဆိုတာရှိပါတယ်။ ဒါဟာ ဘယ်နိုင်ငံဘယ်လူမျိုးမှာမှ မရှိကြပါဘူး။ တကယ့်ကို ချစ်စရာကောင်းတဲ့ဓလေ့ပါ။ မြန်မာနိုင်ငံ နယ်ဖက် ကျေးလက်ဒေသမှာနေထိုင်တဲ့လူတွေဆိုရင် အားနာတတ်ရုံမျှမက ပွင့်လင်းစွာ စကားပြောဆိုတတ်ပြီး အင်မတန်ကိုရိုးသားကြတဲ့ တောသူတောင်သားတွေများပါတယ်။ ဘယ်လောက်ထိ ရိုးကြ အ ကြလဲဆိုရင် ဒီနေ့ခေတ်လို အချိန်ရောက်တဲ့အထိ လေမုန်တိုင်းတိုက်တာတောင် အိမ်ရှေ့ထွက်ပြီး ဓါးမနဲ့ခုတ်နေတဲ့ လူမျိုးတွေ အခုထက်ထိရှိနေတုန်းပါ။ ဒီလိုအားနာတတ်ပြီး ရိုးသားတဲ့တောသူတောင်သားတွေကို ယုတ်မာပက်စက်တဲ့ အုပ်စုတစ်စုနဲ့ ခရိုနီအချို့ဟာ သူတို့ရဲ့ လိုဘတွေအတွက် နည်းလမ်းပေါင်းစုံသုံးပြီး အရောင်ဆိုးခဲ့ပါတော့တယ်။

ဒီနေ့ဖြစ်ပျက်နေတဲ့ မြန်မာပြည်ရဲ့ဖြစ်စဉ်တွေကို လေ့လာသုံးသပ်ကြည့်မယ်ဆိုရင် စီးပွားရေးမှာ အုပ်စိုးခြယ်လှယ်နေခဲ့တဲ့ ခရိုနီတွေနဲ့ အာဏာရူးတချို့ဟာ သူတို့ရဲ့ အကျိုးစီးပွား အတွက် ဘာမဆို လုပ်ဆောင်နေတာကို ဝမ်းနည်းစွာတွေ့မြင်နေရပါတယ်။ ဒီလိုလုပ်နေခြင်းဆိုတာကို မသိဘဲ ရိုးသားတဲ့တောသူတောင်သားတွေဟာ သူတို့ရဲ့ လှည့်ကွက်ထဲမျောပါသွားပါတော့တယ်။

သူတို့တွေဟာ ဘယ်လောက်ထိရက်စက် ယုတ်မာကောက်ကျစ်လဲဆိုရင် သူတို့ရဲ့ လိုဘတွေကို အနှောက်အယှက်ဖြစ်လာမယ့် အချိန်တိုင်းမှာ ဘာသာရေး လူမျိုးရေး ပဋိပက္ခဖြစ်အောင် မဖြစ်ဖြစ်တဲ့နည်းနဲ့ ကြံဆောင်ခဲ့ကြပါတယ်။ လက်ရှိ 969 ဆိုတာဟာ အဲဒီလုပ်ရပ်တွေထဲက တစ်ခုပါပဲ။ 969 လှိုင်းရိုက်ခတ်မှုကြောင့် ဧရာဝတီမြစ်ဆုံ စီမံကိန်း၊ လက်ပံတောင်းတောင်ကိစ္စ၊ မလက်တို လယ်ယာမြေသိမ်းဆည်းရေး အရေးတော်ပုံတွေဟာ အလိုလိုမှေးမှိန် သွားတာကိုတွေ့ရပါလိမ့်မယ်။ ဆက်လက်ပြီးလည်း လုပ်ဆောင်နေတဲ့ အနေအထားတွေတွေ့နေရပါတယ်။ တချို့က နောက်ပြန်လှည့်မယ်တို့ အာဏာပြန်သိမ်းမယ်လို့ မှတ်ချက်တွေပြုကြတာ ကြားသိရပါတယ်။ ဒါလည်း ဖြစ်နိုင်ချေရှိတဲ့ မှတ်ချက်တစ်ခုပါ။ သို့ပေမဲ့ သေချာတာကတော့ အားလုံးနီးပါး သူတို့တွေရဲ့ လှည့်ကွက်တွေထဲမှာ နစ်မျောနေကြပြီဆိုတာပါပဲ။

လက်ရှိအစိုးရဟာ တစ်ချိန်က စီးပွားရေးအင်အားကြီးတဲ့ အာဏာရှိခဲ့တဲ့ လူတွေနဲ့ ခရိုနီတစ်စုကို လှန်နိုင်တဲ့အနေအထားမရှိပါဘူး။ ခရိုနီတွေပါတာ ဘယ်လောက်ထိ သိသာလဲဆိုရင် ဒီရက်ပိုင်း ဆက်လက်ဖြစ်ပွားခဲ့တဲ့ ကြို့ပင်ကောက်မြို့ရှိ မွတ်စလင်မ်တွေရဲ့ ဗလီ၊ စာသင်ကျောင်းနဲ့ အိုးအိမ်တွေကို ဖျက်ဆီးတဲ့နေရာမှာ ဘူဒိုဇာပါ အသုံးပြုလာတယ်လို့ သိရပါတယ်။ မြန်မာပြည်က သာမန်လုပ်ငန်းရှင် ဘယ်သူ့ဆီမှာမှ ဒီလို ဘူဒိုဇာမျိုး မရှိပါဘူး။ ဒါမျိုးတွေဟာ လုပ်ငန်းစီမံကိန်းတွေ အကြီးကြီးတွေလုပ်တဲ့ ခရိုနီတွေရဲ့လက်ထဲမှာပဲရှိပါတယ်။ အဖျက်ဆီးခံရတဲ့ မြို့တွေမှာရှိတဲ့ မြို့ခံသိက္ခာတော်ရ ဆရာတော်တွေနဲ့ အာဏာပိုင်တွေဟာ မီးမရှို့ဖို့နဲ့ လူမသတ်ဖို့လောက်ပဲ တားဆီးနိုင်ခဲ့ပြီး အကြမ်းဖက်လုပ်ရပ်တွေကို မတားဆီးနိုင်တာကိုကြည့်ရင် နောက်ကွယ်က အမိန့်ပေးခိုင်းစေနေတဲ့ အင်အားစုဟာ အစိုးရကိုပါ အာဏာသက်ရောက်တယ်လို့ မှတ်ချက်ပြုလို့ရပါတယ်။ ဒီယုတ်မာ ရိုင်းစိုင်းတဲ့ အကြမ်းဖက်တွေရဲ့နောက်ကွယ်က အုပ်စုတွေဟာ ဘာကိုမှ ဂရုမစိုက်ပါဘူး။

လက်ပံတောင်းတောင်ကိစ္စမှာ အကြမ်းဖက်မှုမပါဘဲ ငြိမ်းချမ်းစွာ ဆန္ဒထုတ်ဖော်နေတဲ့ သံဃာတော်တွေကို အချိန်မဆိုင်းဘဲ မီးလောင်ဗုံးပစ်သွင်းခဲ့တဲ့ လုံခြုံရေးဝန်ထမ်းတွေဟာ အခုမိတ္ထီလာကိစ္စမှာ ဘာမှထိထိရောက်ရောက်အရေးယူမှုမရှိဘဲ တစ်မြို့ပြီးတစ်မြို့အကြမ်းဖက်ခံနေတာကိုကြည့်ရင် သူတို့အကျိုးစီးပွားအတွက်သက်သက် လုပ်နေတယ်ဆိုတာ ထင်ရှားပါတယ်။ ဘာသာရေးပဋိပက္ခလို့ဆိုရလောက်အောင်လည်း ဘယ်မြို့ခံအချင်းချင်းမှ ဒုက္ခမပေးကြသလို ဒုက္ခရောက်နေတဲ့ မွတ်စလင်မ်တွေကို ကယ်ယူစောင့်ရှောက်နေတာကိုလည်း ကြားသိနေရပါတယ်။ ဒါဟာ အင်မတန်မွန်မြတ်ပြီး သဒ္ဓါတရားပြည့်ဝတဲ့ ငြိမ်းချမ်းရေးဝါဒီ ဗုဒ္ဓဘာသာဝင်အစစ်တွေရဲ့ လုပ်ရပ်တွေလို့လည်းဆိုချင်ပါတယ်။ ဒီအကြမ်းဖက်တွေရဲ့ ဘာသာရေးပဋိပက္ခအသွင်ဆောင်တဲ့ အကြမ်းဖက်မှုတွေဟာ

(၁) မြစ်ဆုံကို မေ့လျော့သွားစေပါတယ်။
(၂) လက်ပံတောင်းတောင်ကိစ္စရဲ့ တင်းအားတွေ လျော့ပါးသွားစေပါတယ်။
(၃)ဒီမိုကရေစီရေးလမ်းကြောင်းဆိုတာ ပြောစမှတ်ပြုရမလိုလိုဖြစ်နေပြီး
(၄) မလက်တိုအရေးအခင်းပါ ကွယ်ပျောက်သလိုဖြစ်နေပြီ ဆိုတာကို သတိပေးပါရစေဗျာ။

အထက်ကသုံးသပ်ပြခဲ့တဲ့အချက်အလက်တွေကို သေချာလေ့လာပြီး စဉ်းစားသုံးသပ်နိုင်ကြဖို့လည်းတိုက်တွန်းလိုပါတယ်။ ဒီလိုမှမဟုတ်ဘဲ လှည့်ကွက်ထဲမှာ နစ်မျောပြီး ပြည်သူက ၉၆၉ ထိုင်လုပ်နေ၊ အစိုးရက အကြမ်းဖက်လုပ်ရပ်တွေကို မသိချင်ယောင်ဆောင် ခွင့်ပြုနေဆိုရင်တော့ မကြာခင် ချောက်ကမ်းပါးထဲ လက်တစ်လုံးအလိုကို ကျတော့မယ့် မြန်မာနိုင်ငံကို ကယ်တင်မယ့်သူတွေ အသင့်စောင့်နေပြီလို့ ကိုမင်းကိုနိုင်(၈၈) ရဲ့စကားလေးနဲ့ သတိပေးလိုက်ရကြောင်းပါခင်ဗျာ။

ဆောင်းပါးရှင်၏ အမြင်နှင့် အာဘော်သာဖြစ်ပါသည်။

March 28, 2013
Rule Of Law (တရားဥပဒေ စိုးမိုးရေး)

မတ်လ၊ ၂၇ ၊ ၂၀၁၃
M-Media
ရေးသူ- ဥပဒေပညာရှင်တစ်ဥိး

ကမ္ဘာပေါ်တွင်မည်သည့်တိုင်းပြည်၊ မည်သည့်လူမျိ်ုး၊ မည်သည့်ဘာသာမဆို အေးချမ်းစွာနေထိုင် ပြီး ကောင်းမွန်သော စီးပွားရေးကို ရှာဖွေ စားသောက်ကာ နေထိုင်သော လူကောင်းများရှိသကဲ့သို့ ပြစ်မှုများကို ကျူးလွန်သော လူဆိုးသူခိုးများလည်း ရှိပါသည်။ထိုလူဆိုး သူခိုး ပြစ်မှုကျူးလွန်သူ များကို သက်ဆိုင်ရာပြစ်မှုဆိုင်ရာဥပဒေများနှင့်အညီ ပြစ်ဒဏ်ပေးခြင်းပြုလုပ်ရပါသည်။ ထိုပြစ်ဒဏ် များထဲတွင် သေဒဏ်၊ ထောင်ဒဏ်၊ ငွေဒဏ် စသဖြင့် ကျူးလွန်သော   ပစ်မှုကိုလိုက်ပြီး အပြစ်ပေး အရေးယူရပါသည်။ သို့မှသာ တရားဥပဒေစိုးမိုးမှု(Rule of Law) ကို ဖြစ်စေပါသည်။ မည်သည့်ဘာသာဝင် တစ်ဦးတစ်ယောက်(သို့)လူတစ်စုက ပြစ်မှုများ (မုဒိန်းမှု၊ ခိုးမှု၊ ရိုက်နှက်မှု) စသည့် တို့ကျူးလွန်သဖြင့် ထိုသူတို့နှင့်ဘာသာတူသည့် သူများ၏ အသက်၊အိုးအိမ်၊စည်းစိမ်၊ဘာသာသာသနာ အဆောက်အဦးတို့ကို ဖျက်ဆီးခြင်းမပြု လုပ်ရပါ။ ထို သို့ ပြုလုပ်သူများသည်ပင်လျှင် ပြစ်မှုများကျူးလွန်သူများဖြစ်ပြီး ဥပဒေပါအတိုင်း အရေယူဆောင်ရွက်မှသာ တိုင်းပြည်၏ တရားဥပဒေစိုးမိုးမှု (Rule of Law) ဖြစ်ပေါ်လာမည်သာဖြစ်ပါသည်။

မိမိတို့ နိုင်ငံသည်ဒီမိုကရေစီ ခေတ်သို့ ဦးတည်လျှောက်လှမ်းနေသော နိုင်ငံဖြစ်ပါသည်။(ဒီမိုကရေစီဆိုသည်မှာ အခွင့်အရေးရှိသလို တာဝန်များလည်းရှိသည်။) မည်သည့် ဥပဒေတွင်ဖြစ်စေ အခွင့်အရေးနှင့်တာဝန် ၂ ရပ် ပူးတွဲ တည်ရှိနေပါသည်။ နိုင်ငံသားတိုင်း    အခွင့်အရေးရှိသလို လိုက်နာရမည့် တာဝန်ဝတ္တရားများလည်းရှိသည်။ ၂၀၀၈ ခုနှစ် ပြည်ထောင်စု မြန်မာနိုင်ငံတော်ဖွဲ့ စည်းပုံ အခြေခံဥပဒေ ပုဒ်မ ၆ (င) တွင် “နိုင်ငံတော်သည် …. နိုင်ငံတော်၌ တရားမျှတခြင်း၊ လွတ်လပ်ခြင်း နှင့် ညီမျှခြင်းတည်းဟူသော လောကပါလတရားများ ပိုမိုထွန်းကားရေး…..တို့ ကို အစဉ်တစိုက်ဦးတည်သည် ” ဟု ပြဌာန်း ထားပါသည်။

၎င်း ပြင် ပုဒ်မ ၃၄ တွင် “ ငြိမ်ဝပ်ပိပြားရေးနှင့်သော်လည်းကောင်း၊ ပြည့်သူ့ ကိုယ်ကျင့်တရားနှင့်သော်လည်းကောင်း၊ ဤ ဖွဲ့ စည်းပုံအခြေခံ ဥပဒေပါ အခြားပြဌာန်း ချက်တို့ နှင့်သော်လည်းကောင်း မဆန့် ကျင်လျှင် နိုင်ငံသားတိုင်းသည်ဘာသာ သာသနာရေးတွင် လွတ်လပ်စွာကိုးကွယ်ဆောက်တည်နိုင်သော အခွင့်အရေးတို့ ကို အညီအမျှရရှိစေရမည်။”

ပုဒ်မ ၃၆ဝ (က) တွင် “ဘာသာသာသနာရေးဆိုင်ရာ ကိုးကွယ်ဆောက်တည်မှု သည်စီးပွားရေး၊ ဘဏ္ဍာရေး၊ နိုင်ငံရေး၊ အခြားလောကီရေးရာ ဆောင်ရွကမှုတစ်ခုခုနှင့်ဆက်စပ်နေပါက ပုဒ်မ ၃၄ ပါ ဘာသာ သာသနာရေးဆိုင်ရာ လွတ်လပ်ခွင့်များတွင် မပါဝင်စေရ၊”

ပုဒ်မ ၃၆ဝ (ခ)တွင် “ ထို့ သို့ ဘာသာသာသနာရေးနှင့် စပ်လျဉ်း၍ လွတ်လပ်သော အခွင့်အရေးများကို ပေးထားသော်လည်း အများပြည်သူအကျိုးကိစ္စနှင့် ပြုပြင်ရေးကိစ္စတို့ အတွက် နိုင်ငံတော်၏ ဥပဒေပြု ခြင်း ကို မတားမြစ်ရ။”

ပုဒ်မ ၃၆၁ တွင် “ နိုင်ငံတော်သည် ဗုဒ္ဓဘာသာသာသနာတော်ကို နိုင်ငံတော်၏ ဂုဏ်ထူးဝိသေသနနှင့်ပြည့်စုံသည့်ဘာသာသာသနာဖြစ်သည်ဟု နိုင်ငံတော်က အသိအမှတ်ပြုသည်။”

ပုဒ်မ ၃၆၂ တွင် “ နိုင်ငံတော်သည် ခရစ်ယာန် ဘာသာသာသနာ၊ အစ္စလာမ်ဘာသာသာသနာ၊ ဟိန္ဒူဘာသာသာသနာနှင့် နတ်ကိုးကွယ်သောဘာသာတို့ ကို ဤဖွဲ့ စည်းပုံအခြေခံဥပဒေအာဏာတည်သောနေ့ ဠ် နိုင်ငံတော်တွင်ရှိနေကြ သော ကိုးကွယ်ရာဘာသာများဟူ၍ အသိအမှတ်ပြုသည်။”
ပုဒ်မ ၃၆၃ တွင် “နိုင်ငံတော်သည် အသိအမှတ်ပြု ထားသော ဘာသာသာသနာများကို တတ်နိုင်သမျှ ကူညီစောင့်ရှောက်မည်။”

ပုဒ်မ ၃၆၄ “နိုင်ငံရေးကိစ္စ အလို့ ငှာ ဘာသာသာသနာကို အလွဲသုံးစားမပြုရ။ ထို့ ပြင် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း တစ်ဖက်နှင့်တစ်ဖက်၊ တစ် ဂိုဏ်း နှင့်တစ်ဂိုဏ်း မုန်းတီးခြင်း၊ ရန်မူခြင်း. စိတ်ဝမ်းကွဲခြင်းတစ်မျိုးမျိုး ပေါ်ပေါက်လာစေရန် ရည်ရွယ်သော သို့ မဟုတ် ပေါ်ပေါက်လာရန်အကြောင်းရှိသော အပြုအမူသည် ဤ ဖွဲ့ စည်းပုံ အခြေခံဥပဒေနှင့် ဆန့် ကျင် သည်။ထို အပြုအမူမျိုးအတွက် ပြစ်ဒဏ်ပေးနိုင်ရန် ဥပဒေပြ ဋ္ဌာန်း နိုင်သည်။” ထို့ ကြောင့် နိုင်ငံသားများ၏ လွတ်လပ်ခွင့်၊ လုပ်ပိုင်ခွင့်၊ ခံစားပိုင်ခွင့်၊ တာဝန်နှင့် တားမြစ်ချက်များ ထိရောက်ခိုင်မာပြည်စုံစေရန် လိုအပ်သောဥပဒေ ပြ ဌာန်း ရမည်ဟု ၂၀၀၈ ခုနှစ်ဖွဲ့ စည်းပုံ အခြေခံဥပဒေ ပုဒ်မ ၂၁(ဃ) တွင် ပြဌာန်းထားသည့်အပြင် ပုဒ်မ ၃၆၄ ပါ ပြဌာန်းချက်များအရ လိုအပ်နေသော “ဘာသာသာသနာများကို ကာကွယ်စောင့်ရှောက်သော ဥပဒေ” အား ပြည်ထောင်စုလွှတ် တော်မှ့ အမြန်ဆုံး ပြဌာန်းပေးပါရန် လေးစားစွာ တိုက်တွန်း အပ်ပါသည်။ မြန်မာနိုင်ငံ၏ ပြစ်မှု ဆိုင်ရာ ဥပဒေ ( ရာဇသတ်ကြီး Penal Code) အခန်း ၁၅ – ပုဒ်မ ၂၉၅ ၊ ၂၉၅ (က)၊ ပုဒ်မ ၂၉၆ ၊ ပုဒ်မ ၂၉၇၊ ပုဒ်မ ၂၉၈ တို့ တွင် ဘာသာသာသနာနှင့် ဆိုင် သော ပြစ်မှုများကို ပြစ်ဒဏ်များနှင့်တကွ ပြ ဌာန်း ထားပါ သည်။ ၄င်း ပုဒ်မ များ အပြည့်အစုံ မှာ အောက်ပါအတိုင်းဖြစ်သည်။

ရာဇသတ်ကြီး ပုဒ်မ ၂၉၅ အရ ။ ။- လူတစားကိုးကွယ်သည့်ဘာသာသာသနာကို စော်ကားရန် အကြံဖြင့်ဖြစ်စေ၊ကိုးကွယ်ဝတ်ပြုသော နေရာကိုသော်၎င်း၊ အထွဋ်အမြတ်ထားသော အရာဝတ္ထုကိုသော်၎င်း၊ ဖျက်ဆီးခြင်းသည်၊ သို့ တည်းမဟုတ် ပျက်စီးနစ်နာစေခြင်းသည်၊သို့ တည်းမဟုတ် ယုတ်ညံ့စေခြင်းသည်၊ ထို ဘာသာသာသနာကို စော်ကားသည်ဟု လူတစားက ယူဆတန်ရာသည်ကို သိလျက်နှင့်ဖြစ်စေ မည်သူမဆို၊ ထိုလူတစားက ဘာသာသာသနာရေးဆိုင်ရာ ကိုးကွယ်ဝတ်ပြု သော နေရာကိုသော်၎င်း၊ အထွဋ်အမြတ်ထားသောအရာဝတ္ထု ကို သော်၎င်း၊ ဖျက်ဆီးလျှင်၊ သို့ တည်းမဟုတ် ပျက်စီးနစ်နာစေ လျှင်၊သို့ တည်းမဟုတ် ယုတ်ညံ့စေလျှင်၊   ထိုသူကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ရာဇသတ်ကြီးပုဒ်မ ၂၉၅ (က) ။ ။ ပြည်ထောင်စု နိုင်ငံတော်တွင် နေထိုင်သော လူတစား၏ဘာသာရေးစိတ် ကို နာကြည်းစေရန် တမင်မသမာသော အကြံဖြင့် မည်သူမဆို၊ စကားဖြင့်ဖြစ်စေ၊ စာဖြင့်ဖြစ်စေ၊ ထင်ရှားသောပုံသဏ္ဌာန်ဖြင့် ဖြစ်စေ၊ထို လူတစားကိုးကွယ်သည့် ဘာသာသာသနာကို သော်၎င်း၊ ဘာသာသာသနာရေးယုံကြညမှုကိုသော်၎င်း၊ စော်ကားလျှင်၊သို့ တည်းမဟုတ် စော်ကားရန်အားထုတ်လျှင်၊ ထိုသုကို နှစ်နှစ်ထိ ထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံး ဖြစ်စေ ချမှတ်ရမည်။

ရာဇသတ်ကြီး ပုဒ်မ ၂၉၆။ ။ ဥပဒေနှင့်အညီ ဘာသာသာသနာရေးဆိုင်၇ာ ကိုးကွယ်ဝတ်ပြုခြင်းပြုနေသော၊ သို့ တည်းမဟုတ် ဘာသာသာသနာရေးဆိုင်ရာ အခမ်းအနားကို ကျင်းပနေသော အစုအဝေး တခုခုအား မည်သူမဆို၊ မိမိအလိုအလျောက် အနှောင့်အယှက်ဖြစ်စေလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ရာဇသတ်ကြီး ပုဒ်မ ၂၉၇။ ။ တဦးတယောက်သောသူ၏ စိတ်ကိုနာစေရန် အကြံဖြင့်ဖြစ်စေ၊တဦးတယောက် ကိုးကွယ်သည့်ဘာသာသာသနာကို စော်ကားရန် အကြံဖြင့်ဖြစ်စေ တဦး တယောက်သောသူ၏ စိတ်ကို နာစေတန်ရာသည်ကို၊ သို့ တည်းမဟုတ် တဦးတယောက်သောသူ ကိုးကွယ်သည့် ဘာသာသာသနာကို စော်ကားတန်ရာသည်ကို သိလျက်နှင့်ဖြစ်စေ မည်သူမဆို၊ ကိုးကွယ်ဝတ်ပြုသောနေရာ၌ သော်၎င်း၊ သင်္ချိုင်း၌ သော်၎င်း၊ မသာအခမ်းအနား ဆောင်ရွက်ရန်သီးသန့် ထားသည့် နေရာ၌သော်၎င်း၊ လူသေအလောင်းထားရန်သီးသန့် နေရာ၌သော်၎င်း ကျူးကျော်စော်ကားလျှင်၊ သို့ တည်းမဟုတ် လူသေအလောင်းကို မဖွယ်မရာပြုလျှင်၊ သို့ တည်းမဟုတ် မသာအခမ်းအနားကျင်းပဆောင်ရွက်ရန် စုဝေနေသူတို့ ကို အနှောင့်အယှက်ဖြစ်စေလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

ရာဇသတ်ကြီး ပုဒ်မ ၂၉၈။ ။ တဦးတယောက်သောသူ၏ ဘာသာရေးစိတ်ကို နာစေရန် တမင်ကြံ၍ ၊ မည်သူမဆို၊ ထိုသူကြားလောက်သောနေရာ၌ စကားပြောဆိုလျှင်၊သို့ တည်းမဟုတ် အသံတခုခုကို ပြုလျှင်၊ သို့ တည်းမဟုတ် ထိုသူမြင်လောက်သောနေရာ၌ ကိုယ်အမူအရာတခုခုကိုပြုလျှင်၊ သို့ တည်းမဟုတ် အရာဝတ္ထုတခုခုကိုထားလျှင်၊ ထိုသူကို တနှစ်ထိထောင်ဒဏ်တမျိုးမျိုးဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်။

အခြေခံဥပဒေ ၂၁ (က)   ။နိုင်ငံသားတိုင်းသည် ဤဖွဲ့ စည်းပုံ အခြေခံဥပဒေတွင် သတ်မှတ်ပြဌာန်းထားသည့် တန်းတူညီမျှ အခွင့်အရေး၊ လွတ်လပ်မှု အခွင့်အရေး၊ တရားမျှတမှုအခွင့်အရေး တို့ ခံစားခွင့်ရှိသည်။
၂၁(ဂ) ။ ပြည်သူတို့ ၏အေးချမ်းသာယာရေးနှင့် တရားဥပဒေစိုးမိုးရေးတို့ သည် နိုင်ငံသားတိုင်း၏ တာဝန် ဖြစ်သည်။
ဘာသာသာသနာတစ် ရပ်ရပ်အား ထိခိုက်ပုတ်ခတ်စော်ကားသော ဟောပြောမှု ထိုဟောပြောသော တရားခွေ VCD / DVD ခွေများကို တရားမဝင် လွတ်လပ်စွာ ရောင်းချဖြန့် ဖြူး နေမှု များသည် နိုင်ငံတော်အားဆူ ပူအုံကြွမှုဖြစ်ပေါ်စေရန် အဓိကလှုံ ဆော်ဆောင်ရွက်မှု အကြောင်းရင်းတစ်ရပ်ဖြစ်ပါသည်။ ထို ဆောင်ရွက်ဖြန့် ဖြူး ချက် များကို နိုင်ငံတော်အစိုးရ ( ပြည်ထဲရေး နှင့် ဘာသာရေးဝန်ကြီး ဌာန ရဲ အရာရှိများ၊ တရားစီရင်ရေးဆိုင်ရာ တရားရုံးများ)နှင့် တကွ တာဝန်သိ ပြည်သူတစ်ရပ်လုံးမှ ဝိုင်းဝန်းဖော်ထုတ်ဟန့် တား အရေးယူ ဆောင်ရွက်ပေးမှသာလျှင် နိုင်ငံသားတို့ ၏ အသက် အိုးအိမ်စည်းစိမ်၊ ဘာသာသာသနာ အ ဆောက်အဦးတို့ အား ကာကွယ်စောင့် ရှောက်နိုင်မည်ဖြစ်ကြောင်း နှင့် ကမ္ဘာအလယ်တွင် လူ့ အခွင့်အရေး ကို လေးစားလိုက်နာသော နိုင်ငံတစ်ခုအဖြစ် သိက္ခာရှိစွာ ရပ်တည်နိုင်မည်ဖြစ်ပါသည်။

March 26, 2013
ကမ္ဘာ့မီဒီယာမှန်ချပ်ပေါ်က ၉၆၉ ပုံလွှာ (ပရိတ်သတ်တစ်ဦး၏ ရင်ကွဲသံ)

မတ်လ-၂၆ ၊ ၂၀၁၃
ရေးသားသူ – သာကီ ထက်ကောင်း

ကျွန်တော် မြန်မာသတင်းဆိုဒ်တွေ သိပ်မဖတ်ဖြစ်တော့ပါဘူး။ ဖွတာတွေ အရိုးအရွက်ဖုံးတာတွေ မုန့်ကြိုးလိမ် သတင်းဖော်ပြချက်တွေ ကျင့်ဝတ်မညီတဲ့အရေးအသားတွေက သတင်းအမှန်ငတ်မွတ်နေသူတွေအတွက် အလွန်အင်မတန် စိတ်ပျက်သွားစေပါတယ်။ နှလုံးသား နဲ့ အတွေးအခေါ်တွေကို တမင် အရောင်လိုက်ဆိုးနေသလားလို့ ထင်ရတယ်။ နိုင်ငံခြားကိုမှအထင်ကြီးတာမျိုး မဟုတ်ပေမယ့် နိုင်ငံတကာ သတင်းဆိုဒ်တွေကို မြှားဦးလှည့်ဖြစ်တာ ကြာသွားပါပြီ။ သူတို့ဆီမှာက မီဒီယာကျင့်ဝတ်ကို အလေးထားကြတော့ အချက်အလက်အကြောင်းအရာပိုင်းမှာ (အားလုံးမဟုတ်ပေမယ့် အများစုက) ခိုင်မာမှု ရှိကြတယ်။ ကျွန်တော်တို့ဆီမှာလည်း ခိုင်မာမှန်ကန်တဲ့သတင်းများကို အချိန်နဲ့တစ်ပြေးညီ တင်ဆက်ပေးတဲ့ဆိုဒ်တွေလည်း လက်တစ်ဆုပ်စာ ရှိနေပါရဲ့။ ဒါပေမယ့် ညစ်ပတ်ရိုင်းစိုင်းလွန်းစွာ ၀င်ပေးနေကြတဲ့ ကွန့်မန့်တွေမြင်ရတာ စိတ်မချမ်းသာစရာကောင်းချက်ကတော့ ကမ်းကုန်ဘဲဗျာ။ လက်ရှိပြင်ပမှာ ဖြစ်ပျက်နေတာတွေက စိတ်ချမ်းသာစရာ တစ်ကွက်မှ မရှိသေးတာလည်း အားလုံးက သိကြမှာပါ။

ဒီနေ့ ၂၆.၃.၂၀၁၃ အင်္ဂါနေ့၊ The Straits Times ရဲ့ Asia reports မှာ ဖတ်ကြည့်တော့ ထုံးစံအတိုင်း မြန်မာသတင်းက ဦးစားပေးဖော်ပြချက်မှာပါနေတယ်။ 18,000 displaced’ in Myanmar riots ခေါင်းစဉ်နဲ့ပါ။ NLD က လွှတ်တော်အမတ် ဦးဝင်းထိန်ရဲ့ မျက်မြင် ကိုယ်တွေ့ ပြောကြားချက်၊ ဒေသခံတို့ရဲ့ပြောကြားချက်နဲ့တစ်ကွ မိတ္ထီလာပြဿနာ အကြောင်း၊ ပြီးခဲ့တဲ့နှစ် ရခိုင်က ရိုဟင်ဂျာတွေကို ဘင်္ဂလားကခိုးဝင်လာသူလို့စွပ်စွဲပြီး အစွန်းရောက်ဗုဒ္ဓ၀ါဒီတွေရဲ့ တစ်ဖက်သတ်နှိပ်စက်တဲ့အကြောင်း၊ ပြီးခဲ့တဲ့ တနင်္ဂနွေနေ့က မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ်က လာရောက်ကြည့်ရှုသုံးသပ်မှုအကြောင်း – ဒီသတင်းတွေက သိရှိထားပြီးသားမို့ သိပ်မထူးလှပါဘူး။ အဲ့ – နောက်ဆက်တွဲ ရေးသားဖော်ပြမှုတွေမှာတော့ ၉၆၉ အကြောင်းပါလာတာတွေ့ရတယ်။

မူဆလင်တွေရဲ့ ၇၈၆ ကိုဆန့်ကျင်ဖို့ ဗုဒ္ဓဘာသာတရားသဘောတွေထည့်သွင်းထားတဲ့ ၉၆၉ နံပါတ်ကိုအသုံးပြု၊ သြဇာကြီးမားတဲ့ အင်အားစုများကို ကျောထောက်နောက်ခံပြုထားပုံရတဲ့ ဗုဒ္ဓဘာသာဝင်အုပ်စု တစ်စုဟာ မကြာသေးခင် လများအတွင်း ပေါ်ထွန်းလာပါတယ်တဲ့။ သဘောထားပြင်းထန်တဲ့ မန္တလေးမြို့က ဦးဝီရသူဟာ မွတ်စ်လင်မ်ဆန့်ကျင်မှု မုန်းတီးရေးတရားတွေကို ဟောပြောနေတုန်းပါဘဲတဲ့။ အင်္ဂလိပ်လို တိုက်ရိုက်ဖတ်ချင်ယင်တော့ ဒီနေရာမှာ ဖတ်ကြည့်နိုင်ပါတယ်။

တစ်ခါ International Bussiness Time ကို ၀င်ကြည့်ပြန်တော့ ဒီစာမျက်နှာ မှာ မြန်မာပြည်က အကြမ်းဖက်မှု နောက်ကွယ်က ကြိုးကိုင်သူဟာ ဦးဝီရသူလား လို့ခေါင်းစဉ်တပ် သတင်းဆောင်းပါးကို တွေ့ရပြန်ရော။ အဲ့ဒီမှာ ဦးဝီရသူကို ကြံကြံဖန်ဖန် “ မြန်မာဘင်လာဒင် ” ဆိုတဲ့ tittle တပ်ထားတာ ကျွန်တော့်မှာ ရယ်ရအခက် ငိုရအခက် ဖြစ်သွားတယ်။ ဘင်လာဒင်ကို အကောင်းမြင်တဲ့ မူဆလင်အုပ်စု တစ်ချို့ကတော့ နှိုင်းရကောင်းလားဆိုပြီး ထအော်ဦးမှာ သေချာသဗျို့။ ဓါးတရမ်းရမ်းနဲ့ ဗုဒ္ဓဘာသာဘုန်းတော်ကြီးများက ဂျာနယ်လစ်တွေရဲ့ကင်မရာမင်မိုရီကဒ်တွေကို ခြိမ်းချောက်တောင်းယူတာ၊ Burma Campaign UK’s director Mark Farmaner က “ ရိုဟင်ဂျာဆန့်ကျင်ရေး ဖြစ်မလာခင်ကတည်းက မူဆလင်ဆန့်ကျင်ရေးအုပ်စုဖွဲ့ခဲ့တဲ့ အဖွဲ့အစည်းတွေရှိနေခဲ့ကြတယ် ” လို့ IBTimes UK ကို ပြောတာ၊ ဦးဝီရသူဦးဆာင်တဲ့ မြန်မာပြည်တစ်ခွင် မူဆလင်ဆန့်ကျင်ရေးတရားပွဲတွေ လုပ်ပြီးသွားတဲ့ ဒေသတိုင်း ဒီလိုအဓိကရုဏ်းတွေ မီးခိုးကြွက်လျှောက် ဆက်တိုက်ဖြစ်ပေါ်လာတာ၊ ဗုဒ္ဓဘာသာဘုန်းတော်ကြီးကျောင်းတွေကလည်း မူဆလင်တွေအပေါ် ရမယ်မျိုးစုံရှာပြီး ဝေဖန်ရှုတ်ချတဲ့ စာရွက်စာတမ်း လက်ကမ်းစာစောင်တွေကို လပေါင်းများစွာ ဒိုင်ခံဖြန့်ချိနေတာ စသဖြင့် လိုတိုရှင်းဖော်ပြထားတာ တွေ့လိုက်ရတယ်။ ဒါက နာမည်ကြီးမီဒီယာ အချို့သာရှိပါသေးတယ်။ အတိုချုပ်ဆိုရယင် ကမ္ဘာ့မီဒီယာမှန်ချပ်ထဲက ဘယ်နေရာကြည့်ကြည့် 969 group/gang တို့၊ Extremist Buddhist Nationalism တို့၊ Neo-NarzI Buddhism တို့၊ Burmese Buddhist monks တို့ စတင် ပလူပျံနေပါပြီ။ နိုင်ငံတော်ပြုပြင်ပြောင်းလဲမှုအပေါ် တစ်ကမ္ဘာလုံးစောင့်ကြည့်နေချိန်ကျမှ နိုင်ငံတကာမီဒီယာနံရံထဲ ဒီသံတစ်ချောင်း ရိုက်သွင်းလိုက်သလိုဖြစ်ကုန်ပါပြီ။ ဒီပုံရိပ်တွေ ဒီအက်ကြောင်းတွေကို ဘယ်လိုပယ်ဖျက်လို့ရနိုင်တော့မလဲ။ The Golden Land လို့ဂုဏ်ယူဝင့်ကြွားနိုင်ခဲ့တဲ့ ကျွန်တော်တို့နိုင်ငံဟာ မကြာခင် The Bloody Land & Hands အဖြစ် အမည်တွင်တော့မှာလား။ ဘာသာရေး၊ လူမျိုးရေး ဆိုတာတွေကို ဘေးဖယ်ချထားပြီး မြန်မာပြည်သားတစ်ယောက် လူသားတစ်ယောက် အနေနဲ့ကြည့်မြင်ရင်တောင်မှ ရှက်စရာကောင်းလွန်းနေပါပြီ။

ခုတစ်လော နိုင်ငံရပ်ခြားမှာရှိနေတဲ့ဗုဒ္ဓဘာသာဝင်အချို့ကို Are you traditional Buddhist or 969 Myanmar Buddhist ? လို့ မေးတဲ့အဆင့်ထိရောက်နေပြီလို့ သိရတယ်။ ပြည်တွင်းနေသူများအဖို့ သိပ်မသိသာသေးပေမယ့် နိုင်ငံရပ်ခြားက မြန်မာအလုပ်သမားတွေ တဖြည်းဖြည်းခေါင်း မဖော်နိုင်တဲ့ဘ၀ကို ရောက်ဖို့အလွန်နီးစပ်နေပါပြီ။ တကယ့်လက်တွေ့အခြေအနေကို ကြည့်ယင်လည်း ဗုဒ္ဓဘာသာ ဘုန်းတော်ကြီးကျောင်း/စာသင်ကျောင်းတွေကို မူဆလင်တွေ လိုက်ဖျက်ဆီးတာ၊ ဗုဒ္ဓဘာသာဝင်တွေရဲ့အိုးအိမ်လုပ်ငန်းတွေကို မူဆလင်တွေက အုပ်စုဖွဲ့ ရန်စမီးရှို့လုယက်တာ ဘာတစ်ခုမှ မတွေ့ရသေးပါဘူး။ မူဆလင်တွေက ၇၈၆ ဂိုဏ်းအမည်နဲ့ သောင်းကျန်းတာ အစုလိုက်အပြုံလိုက် ရမ်းကားသတ်ဖြတ်တာလည်း မကြားဖူးပါဘူး။ မူဆလင်တွေက ဗုဒ္ဓဘာသာဝင်တွေကိုစော်ကားနေတယ်ဆိုတဲ့ ဇာတ်လမ်းဇာတ်ကွက်တွေကိုလည်း မမြင်ဖူးပါဘူး။ အဲ့ဒါနဲ့ဆန့်ကျင်ဖက်တွေကိုဘဲ တွေ့မြင်ကြားသိနေရတယ်။

ဒီနေရာမှာ အလွန်ထူးခြားတဲ့အချက် ၂ ချက် သတိထားမိတယ်။ (အစစ်လား အတုလား မသိတဲ့) သံဃာတော်အချို့နဲ့အတူ အကြမ်းဖက်သမားများဟာ မိမိကိုယ်ကို ၉၆၉ အဖွဲ့သားလို့ တရားဝင်ကြွေးကြော်နေသော်လည်း – (ဦးဝီရသူ အပါအ၀င်) ၉၆၉ ဦးသျှောင်သံဃာတော်များက လက်ရှိအကြမ်းဖက်မှုများဟာ မိမိတို့နဲ့မပတ်သက်ကြောင်း ငြင်းဆိုမှုလုံးဝမရှိယုံမက မုန်းတီးရေးတရားပွဲတွေ ပိုလို့အရှိန်မြှင့်လာတာက တစ်ချက်။ နောက်တစ်ချက်က ထေရ၀ါဒ ဗုဒ္ဓဘာသာဝင်တိုင်း၊ ဘုန်းတော်ကြီးတိုင်းက ဒီအယူအဆနဲ့ဂိုဏ်းဂဏကို လိုလားမှုရှိမနေတာက တစ်ချက်။
ဆိုတော့ကာ …… ၉၆၉ ဆိုတာ မူလဗုဒ္ဓဘာသာ လမ်းကြောင်းကနေ ထပ်မံ လမ်းခွဲထွက်ပေါ်လာသော ၂၁ရာစုရဲ့ဗုဒ္ဓဂိုဏ်းကွဲတစ်ခုအဖြစ် သတ်မှတ်ရမလို ဖြစ်လာပါပြီ။
ဘာကြောင့်လဲဆိုယင် တခြားဗုဒ္ဓဂိုဏ်းကွဲတွေ အားလုံးက မေတ္တာ၊ ခွင့်လွှတ်မှု၊ ငြိမ်းချမ်းရေး စတဲ့ တန်ဖိုးများနဲ့တည်ဆောက်ထားပေမယ့် ၉၆၉ မှာ အာဃာတ၊ နိုင့်ထက်စီးနင်းအမူအကျင့်၊ ပျက်လိုဖျက်ဆီး စတဲ့ ပူလောင်ခြင်းအချက်တွေပေါ် အခြေခံထားလို့ပါဘဲ။

ပေါ်ထွန်းလာသမျှသော ဘာသာတရားအသစ်၊ ဂိုဏ်းဂဏအသစ်တွေဟာ မိမိတို့ရဲ့ ကျင့်ရပ်၊လမ်းစဉ်တွေ မတူကွဲပြားကြောင်း ချပြနိုင်ကြတယ်။ ဒါပေမယ့် လက်ရှိ ၉၆၉ ကျတော့ ဘုရားရှင်လက်ထက် ဒေ၀ဒတ္တဂိုဏ်းသားတွေလို ရောထွေးရပ်တည်နေတော့ ခက်တယ်။ ကျွန်တော်အဖြေရှာကြည့်မိတယ်။ ဘယ်လိုခွဲခြားသတ်မှတ်ရမလဲပေါ့။ အဲ့ဒီအဖြေကလည်း ဘုရားရှင်လက်ထက်ကအဖြစ်အပျက်တွေထဲမှာဘဲ ပြန်တွေ့လိုက်ရတယ်။ မာရ်နတ်ရဲ့ဘက်တော်သား ဒေ၀ဒတ္တဂိုဏ်းသားတွေဟာ သူတို့ရဲ့လုပ်ရပ်၊ အပြုအမူတွေကြောင့်သာ အလဇ္ဖီရဟန်းတုများဖြစ်ကြောင်း ကွဲပြားသွားခဲ့ရတယ်။ ရဟန်းတု ရဟန်းယောင်တွေရဲ့ ဦးဆောင်မှုက ဘယ်လောက်အန္တရာယ်ကြီးတယ်ဆိုတာ ရာဇ၀င်မှာ အထင်အရှားပါ။ ကွဲကွဲပြားပြားဖြစ်အောင် အလျဉ်မီ မရှင်းနိုင်ယင်တော့ သမိုင်းနဲ့ချီပြီး ကောင်းရနံ့သင်းပျံ့ခဲ့တဲ့ ကျွန်တော်တို့မြန်မာပြည်က ဗုဒ္ဓသာသနာ့ဂုဏ်ရောင်ကြီး ရေစုန်မျောရတော့မှာလားလို့ ကျွန်တော် ၀မ်းနည်းသွားရပါတယ်။ ကမ္ဘာ့ဗုဒ္ဓသမိုင်းစဉ်တစ်လျှောက်မှာလည်း ဤမျှလောက်ရက်စက်ကြမ်းကြုတ်တဲ့ အယူအဆနဲ့လုပ်ရပ်တွေ မဖြစ်ပေါ်ခဲ့ဖူးဘူး။ အစွန်းရောက်အကြမ်းဖက်ဗုဒ္ဓဘာသာဝင်တွေလို့လည်း တစ်ကြိမ်တစ်ခါမျှ ခေါင်းစဉ်အတပ်မခံခဲ့ဖူးပါဘူး။ ဘာသာတရားတစ်ခုထဲ – မသိနားမလည်တဲ့လူကြားထဲ နိုင်ငံရေးလှည့်ကွက်တွေ မုသားမှိုင်းလုံးတွေ အတင်းအဓမ္မအင်အားသုံးသွတ်သွင်းလို့ အကြမ်းဖက် အကောင်အထည်ဖော်နေမှုတွေကို ကျွန်တော်တို့ ကန့်ကွက်တားဆီးရမယ့်အချိန်တန်ပြီဖြစ်ပါတယ်။ မူဆလင်တွေ ခရစ်ယျာန်တွေဖက်ကို အမြဲမပြတ် မျက်စေ့ဒေါက်ထောက်ကြည့်ပြီး အ၀ိဇ္ဖာပွားနေမယ့် အစား မိမိရဲ့အမျိုးဘာသာသာသနာကို နည်းမှန်လမ်းမှန်ထိန်းသိမ်းစောင့်ရှောက်မှသာ ဗုဒ္ဓတရားတော်နဲ့ ညီညွတ်တင့်တယ်မှာမို့လို့ သံဃာ့အကြီးအကဲများ၊ သာသနာ့ဒါယကာနိုင်ငံခေါင်းဆောင်များ အထူးသတိထားရတော့မယ့်ကာလရောက်သွားပြီလို့ ကျွန်တော် မြင်မိပါတယ်။ ဒီပြဿနာကို အမြစ်လှန်ပြီး အမှန်တကယ် ထိထိရောက်ရောက် ဖော်ထုတ်အရေးယူခြင်း ရှိရပါတော့မယ်။ အကြမ်းဖက်မှု/မတရားမှုကို မတားဆီးသူဟာ မတရားမှုကို အသံတိတ် အကာအကွယ်ပေးမြှောက်စားသူ ဖြစ်တယ်လို့ ပညာရှိစကားတွေမှာ ကြားဖူးပါတယ်။ အာဏာရူးမျက်ကန်းတစ်စုရဲ့ပုံဖော်မှုကြောင့် မတော်တဆ နိုင်ငံတော်ရဲ့ဦးတည်လမ်းကြောင်း နောက်ပြန်လှည့်သွားယင်တော့ မြန်မာ့သမိုင်းမှာ ရုပ်အဆိုးဆုံးကိစ္စအဖြစ် တကယ်ကို အစိပ်စိပ်အမြွာမြွာ ကွဲထွက်ကုန်မယ့်အနေအထားအထိ ရောက်သွားနိုင်ပါတယ်။

ဘာသာရေး၊ လူမျိုးရေးကိုခုတုံးလုပ်မိတဲ့ နိုင်ငံတိုင်း၊ ပုဂ္ဂိုလ်ကျော်တိုင်း ကမ္ဘာ့ပုံရိပ်မှာ ဦးကျိုးအမြီးပြတ်လို့ အမည်းစက်စွန်းထင်း ပေကျံခဲ့ရစမြဲ ………
တစ်လွဲအသုံးချမီဒီယာတိုင်းကလည်း ကမ္ဘာ့မီဒီယာစင်မြင့်ထက်က ကြိုးစင်ကိုတက်သွားရစမြဲ ……………..
အမှန်တရားဆိုတဲ့မှတ်ကျောက်ရှေ့မှာ အတုအယောင်များ ပြယ်လွင့်ပျောက်ကွယ်ရစမြဲပါ။
ကျွန်တော်တို့အမိမြန်မာပြည်ကြီး ဒီသံသရာစက်ဝိုင်းထဲက မလွတ်ကျွတ်နိုင်တော့ဘူးလား လို့ အားပျော့ပျော့တွေးမိယင်း …
အချိန်ရှိပါသေးတယ် – အချိန်မှီဖို့ဘဲ လိုအပ်ပါတယ် လို့ ငြီးတွားယင်း …
ရင်ဖွင့်ခံစားရေးသားမိပါတယ်ခင်ဗျား။

(စာရေးသူရဲ့ အမြင်နှင့် အာဘော်သာဖြစ်ပါသည်။)

March 26, 2013
မှတစ်ပါး အခြား မရှိတော့ပြီလား ………… ?

မတ်လ ၂၅ ၊ ၂၀၁၃
ရေးသူ-ဝိုင်း

၂၀၁၃-ခု မတ်လမှာ မိတ္ထီလာက မွတ်စလင်မ်တွေကို အကြမ်းဖက်ခံရတဲ့ ကိစ္စကစပြီး မြန်မာ တစ်နိုင်ငံလုံး နေရာတော်တော်များများမှာ စိုးရိမ်ထိတ်လန့်မှုတွေ ခံစားလာနေကြတယ်။

“ဘယ်မြို့မှာ ဘာဖြစ်နေပြန်ပြီ။ ဘယ်နေရာမှာ ဘာဇာတ်လမ်းစနေပြီ။ ဘယ်ဒေသမှာတော့ ဘယ်သူတွေဝင်လာနေပြီ။”စတဲ့ သတင်းပေး/သတိပေးတာတွေလည်း နေရာအနှံ့အပြားကနေ ပေါ်ထွက်လာနေတယ်။ တချို့ဒေသအကြောင်းအရာတွေက အမှန်တကယ် ပြဿနာစဖြစ်ပွားနေတာမျိုးရှိသလို တချို့ဒေသကလည်း စိုးရိမ်ပူပန်မှုတွေကနေ ထွက်ပေါ်လာတဲ့စကားသံတွေ၊ တချို့ဒေသကလည်း ပြဿနာမဖြစ် ဖြစ်အောင် မှိုင်းတိုက်ဝါဒဖြန့်နေတာမျိုးတွေ ဖြစ်နေပါတယ်။

ဒါကြောင့် ပြောချင်တာက ကိုယ်သိလိုက်တဲ့၊ ကိုယ်ရရှိလိုက်တဲ့ information တစ်ခုခုဆို အွန်လိုင်း မှာ ချက်ချင်းဖြန့်ဝေလိုက်တာမျိုးမဟုတ်ပဲ အဲဒီသတင်း၊ အဲဒီကိစ္စရပ် မှန်မမှန်ဆိုတာကို လေ့လာသုံးသပ်ပြီး သေချာပြီဆိုမှ ပြောပြစေချင်ပါတယ်။

မနေ့ညက ရန်ကုန်မှာဖြစ်ပေါ်ခဲ့တဲ့ ဆူပူအောင်လှုံ့ဆော်နေမှုနဲ့ပတ်သက်ပြီး ကျွန်မ မျက်မြင်တွေ့နေရတာတွေကို တော်တော်လေးလည်း စိတ်ညစ်ပါတယ်။ မနေ့ည ၈-နာရီကျော်ကျော်လောက်မှာ သူငယ်ချင်းတစ်ယောက်က ဖုန်းဆက်တယ် လမ်း ၁၁၉ လမ်းနားမှာ ပြဿနာဖြစ်နေတယ်လို့ကြားတယ်၊ နောက်တစ်ယောက်က လမ်း ၁၂၀ နားက ဗလီနားမှာ၊ နောက် လမ်းကျယ်မှာ၊ မင်္ဂလာဈေးနားမှာ သတိထားနေပါဦးဆိုပြီး ဖုန်းတွေဆက်တိုက်ခေါ်ပြီး ပြောလာကြတယ်။ ကျွန်မလည်း သတိတော့ထားပါမယ်။ အခုတော့ ဒီနားမှာဘာမှ မဖြစ်နေပါဘူးလို့ပြောပြီး ကိုယ်လုပ်စရာရှိတာဆက်လုပ်နေလိုက်တယ်။

နောက် ည ၉-နာရီကျော်လောက်ကြတော့ အိမ်ရှေ့လမ်းမကနေ အသံစူးစူးဝါးဝါးကြီးအော်လိုက်သံကြားလိုက်တယ်။ အသံကြားရတာ တော်တော်လေးတော့ လန့်သွားတယ်။ ဘာကို အော်မှန်းသိပေမယ့် အသံစူးစူးကြီးက တော်တော်ကို လန့်စရာကောင်းတယ်။ ဒါနဲ့ ကြည့်လိုက်တော့ လူ ၂-ယောက် ၃-ယောက် ထွက်ပြေးနေတယ်။ ဘာဖြစ်တာလဲ မသိဘူး။ တစ်ခြားသူတွေကလည်း အဲဒီပြေးတဲ့လူတွေကို ရပ်ကြည့်နေတာတွေ့တာ သြော် ဘာမှ မဟုတ်ပါဘူးဆိုပြီးနေလိုက်တယ်။ သတိတော့ထားကြည့်နေမိတယ်။ ဒါပေမယ့် ခဏနေတော့ ဖုန်းတွေဝင်လာပြန်ရော လမ်းကျယ်မှာ ပြဿနာဖြစ်နေပြီဆိုပြီးတော့။ အဲဒီအချိန်မှာ တကယ်ဖြစ်နေတာက လမ်းကျယ်ထဲကို ဟိုင်းလတ်တစ်စီး ဒိုင်နာတစ်စီးမောင်းဝင်လာတယ်။ လမ်းထဲမှာ လျှောက်အော်ပြီး ရပ်ကွက်အတွင်းနေသူတွေကို အထိတ်တလန့်ဖြစ်အောင် လုပ်ကြတော့။ ရပ်ကွက်ထဲက မွတ်စလင်မ်တွေကလည်း ထွက်လာပြီးစုရုံးလာကြတယ်။ ပြီးတော့ အလ္လာဟ်အရှင်မြတ်နာမတော်ကို တသပြီး ဘုရားစာကို တစ်ညီတစ်ညွတ်တည်း သံပြိုင်ရွတ်ရင်း လမ်းပေါ်ထွက်လာကြတယ်။ အဲလို မွတ်စလင်မ်တွေ စုရုံးလာလိုက်တော့ ခုနက ကားနဲ့လူတွေက ထွက်ပြေးသွားကြတယ်။ အဲဒီကနေတဆင့် မင်္ဂလာတောင်ညွန့်တ၀ိုက်မှာ တော်တော်လေး ဆူညံပွက်လောရိုက်သွားတယ်။

တချို့ညီမတွေ ကျွန်မကို ဖုန်းဆက်တဲ့အချိန် သူတို့အသံတွေ တုန်နေတယ်။ တချို့ကလည်း ဖုန်းတောင် ဆုံးအောင် မပြောနိုင်ဘူး။ ကျွန်မလည်း အဲဒီအချိန်မှာ စိတ်က တော်တော်လေး ထွေပြားသွားပြီ။ ဒါပေမယ့် အတတ်နိုင်ဆုံးတော့ စိတ်ကိုတည်ငြိမ်အောင်ကြိုးစားရင်း ဘာဆက်လုပ်သင့်သလဲဆိုတာကို စဉ်းစားနေတယ်။ တဆက်တည်းမှာပဲ ဖုန်းတွေလည်း ဆက်တိုက်ပြောနေရတယ်။ အစ်ကိုတစ်ယောက်ဆိုလည်း တစ်ချိန်လုံးဖုန်းခေါ်ပြီး ညီမ အခုဘယ်လိုလဲ၊ ဘယ်လို အခြေအနေရှိလဲဆိုတာ လှမ်းမေးနေတယ်။ တချို့လည်း အခုလက်ရှိအခြေအနေတွေကို လှမ်းမေးကြတယ်။ ကျွန်မလည်း မေးလာတဲ့သူတွေ ပိုပြီးစိတ်မပူရအောင် တတ်နိုင်သမျှထိန်းသိမ်းပြီး ပြန်ဖြေပေးနေရတယ်။ ဒါပေမယ့် ကိုယ်တိုင်မှာလည်း စိတ်ပူပင်မှုတွေ အပြည့်နဲ့ပါ။ ခဏနေတော့ ၁၀၁-လမ်း ဘက်က ရောင်နသ်ဗလီနားကို အကြမ်းဖက်လူစုရောက်လာပြီး အော်ဟစ်ကာကားမောင်းပြေးပါတယ်။ အဲဒီအချိန်မှာပဲ အဲဒီအနီးတ၀ိုက်က မွတ်စလင်မ်တွေက ခုနကလို အလ္လာဟ်နာ့မတော်ကိုတသ ဘုရားစာကို သံပြိုင်ရွတ်ပြီး ထွက်လာကြတယ်။ ခုနက အကြမ်းဖက်လူစု ထွက်ပြေးသွားတယ်။ ညီမတစ်ယောက်က ဖုန်းခေါ်လာတယ် ကျွန်မတို့တွေ အိမ်ချင်းနီးနေပေမယ့် ဖုန်းနဲ့ပဲ ဆက်သွယ်နေကြရတယ်။ သူလည်း အသံတွေတုန်ပြီး ငိုတော့မလိုဖြစ်နေတယ်။ ကျွန်မလည်း သူ့ကို အားမပေးနိုင်ပါဘူး။ ဒါဆို ဒါပဲနော်ဆိုပြီး ဖုန်းချလိုက်ရတယ်။ ခဏနေတော့ ဆက်တိုက်ဆိုသလို ဆူညံသံတွေကြားရတယ်။ နောက် light truck ကား ၃-စီးက လမ်းကျယ်ဘက်ကို မောင်းသွားတယ်။ ကြည့်ရတာ ရဲ ဒါမှမဟုတ် စစ်တပ်လို့ ယူဆရတယ်။ ခဏနေကျတော့ ခုနက ကား ၃-စီးထဲက ကား ၂-စီးက ပြန်ထွက်သွားတာ တွေ့ရတယ်။

မအူကုန်း၊ မင်္ဂလာတောင်ညွန့်စတဲ့ မွတ်စလင်မ်ရပ်ကွက်တွေက လမ်းတွေမှာ မွတ်စလင်မ်တွေလည်း စုရုံးနေကြတယ်။ ပါးစပ်က ဘုရားစာတွေလည်း သံပြိုင်ရွတ်နေကြတယ်။ အဲဒီ မွတ်စလင်မ်တွေတွေ အားလုံးကလည်း တစ်ညီတညွတ်တည်း ပြောလာကြတယ်။ “ငါတို့ကစပြီး ဘာမှ မလုပ်ဘူး။ တကယ်လို့ တဘက်က လုပ်လာခဲ့ရင်တော့ ငါတို့အားလုံး ပြန်လည်ခုခံကြမယ်။”ဆိုပြီး ကိုယ့်ကိုယ်ကို ခုခံကာကွယ်ဖို့အတွက် ပြင်ဆင်လာကြပါတော့တယ်။ အဲဒီ ကား၂-စီးက မအူကုန်း၊ မင်္ဂလာတောင်ညွန့်တ၀ိုက်သာမကပဲ ရန်ကုန်မြို့ မွတ်စလင်မ်ရပ်ကွက်တော်တော်များမှာ လိုက်ပတ်ပြီး ဆူပူအုံကြွအောင် လုပ်ဆောင်ပါတယ်။ ကျွန်မစဉ်းစားတာက အဲဒီ ကား ၂-စီးရဲ့ ကားနံပါတ်တွေကို ဘာကြောင့် မမှတ်နိုင်လိုက်ကြတာလဲ။ ကျွန်မကိုယ်တိုင် အပါအ၀င်ပေါ့။ ပြီးတော့ နိုင်ငံတော်လုံခြုံရေးကို တာဝန်ယူထားရသူတွေရော ဘာလို့ အဲဒီ ကား ၂-စီးကို ဖမ်းဆီးထိန်းသိမ်းမှု မလုပ်နိုင်ရတာလဲ။

မနေ့ညက ရန်ကုန်မှာ တကယ်တမ်း ဘာပြဿနာမှ ကြီးကြီးမားမား မဖြစ်သွားခဲ့ဘူး။ ဒါပေမယ့် အေးချမ်းစွာနေနေတဲ့ ပြည်သူလူထုတွေကြားထဲတော့ မအေးချမ်းမှုတွေဖြစ်သွားတာ အမှန်ပဲ …. ။ လူတွေအားလုံးဟာ ကျီးလန့်စာစားဖြစ်ကုန်ကြတယ်။ သေချာတာကတော့ မွတ်စလင်မ်တွေအားလုံးလည်း စိတ်သောကတွေဖြစ်သွားရသလို ရပ်ကွက်ထဲနေ ဘာသာခြားတချို့လည်း စိုးရိမ်မှုတွေ ဖြစ်လာကြတာပါပဲ။ ရပ်ကွက်တစ်ခုမှာ ပြဿနာဖြစ်လာရင် ရပ်ကွက်နေ သူသူကိုယ်ကိုယ် ထိခိုက်နစ်နာမှုကရှိစမြဲပဲလေ။ ကျွန်မအပါအ၀င် ရပ်ကွက်သားတော်တော်များများလည်း တစ်ညလုံးနီးပါး အိပ်မပျော်ကြတော့ပါဘူး။ တကယ်တမ်းဖြစ်လာရင် အားလုံး နစ်နာကြရပါတယ်။ မွတ်စလင်မ်တွေအနေနဲ့ ဘယ်သူ့ကိုမှစပြီး စော်ကားရန်စမှာ မဟုတ်ပဲ မိမိကိုယ်ကို လုံခြုံရေးကြောင့် စုရုံးစောင့်ကြည့်နေကြရတာသာဖြစ်တယ်။ ဒါကြောင့် မဟုတ်တမ်းတရား တလွဲလျှောက်ရေး၊ လျှောက်ပြောနေတာတွေကို မလုပ်ပဲ အမှန်တရားကိုသာ ဖော်ထုတ်ရေးသား ပြောဆိုကြပါလို့ ပြောချင်ပါတယ်။

နိုင်ငံတော်က တာဝန်ရှိသူတွေ(အောက်ခြေမှ ဗဟိုအဆင့်ထိ)ကလည်း အခုလို ပြဿနာရပ်တွေ ထပ်မံမဖြစ်ပွားဖို့ အမြန်ဆုံးထိန်းသိမ်းဆောင်ရွက်သင့်ပါပြီ။ အခုအချိန်မှာမှ မထိန်းသိမ်းသိမ်းနိုင်ရင် မြန်မာနိုင်ငံအရေးက ပိုပြီး ပိုပြီး ရင်လေးဖွယ်ရာအတိပါပဲ ….. ။

အဲဒါကတော့မနေ့ညက ကြုံရတဲ့ အခြေအနေပါ ……….
ဒီနေ့လည်း မနက်ပိုင်းကတည်းက အခုအချိန်ထိ စိတ်မချမ်းသာစရာပဲ ဆက်တိုက်ကြားနေရတယ်။ ပြည်သူတွေရဲ့ အသက်အိုးအိမ် စည်းစိမ်လုံခြုံရေးဘယ်မှာလဲ။ ဒီလောက်နဲ့ပဲ ရပ်တန့်သင့်ကြပါပြီ။

အဲလိုမှ မဟုတ်ရင် ကျွန်မတို့ပြည်သူပြည်သားတွေရဲ့ ဘ၀အခြေအနေတွေဟာ မှတစ်ပါး အခြားမရှိတော့ပြီလား ………… ?

နိုင်ငံတော်ရဲ့ တည်ငြိမ်အေးချမ်းရေးကို တမင်အကွက်ချ ဖျက်ဆီးနေတဲ့လူတွေရှိနေတာ အသေအချာပါပဲ။ ဒါကြောင့် ဒီလို လှုံ့ဆော်နေမှုတွေကို အခုချိန်မှာ လူမျိုးဘာသာမခွဲခြားပဲ အတူတကွ လက်တွဲတွန်းလှန်သွားဖို့လိုပါတယ်။

March 25, 2013
မြန်မာပြည်မှ နာဇီပုံစံ မွတ်စလင်ဆန့်ကျင်ရေး

M-Media

မတ်လ ၂၂ ရက်၊ ၂၀၁၃

www.asiasentinel.com

မွတ်စလင်များ မြို့ပြင်သို့ထွက်သွားနေကြသည်ကို အလဲဗင်းမီဒီယာမှ တင်ပြထားပုံ

ပွင့်ပွင့်လင်းလင်းဝေဖန်လေ့ရှိတဲ့ ဒေါက်တာမောင်ဇာနည်က ရခိုင်အရေးအခင်းကို နာဇီလှုပ်ရှားပုံမျိုးလို့ ကင်ပွန်းတပ်ခဲ့တယ်။ ဒါကို မြန်မာအချို့က လိုတာထက် ပုံကြီးချဲ့တယ်လို့ ဆိုကြတယ်။ အနောက်တိုင်းသားတချို လည်း ဒီလိုအသုံးအနှုံးမျိုးကို ရှောင်ခဲ့တာပေါ့။

ဒါပေမယ့် အခုမိတ္ထီလာမှာ မွတ်စလင်ဆန့် ကျင်အကြမ်းဖက်မှုတွေဖြစ်တော့ ဒေါက်တာဇာနည်မှန်တယ်ဆိုတာ သက်သေပြနေသလိုပဲ။ မွတ်စလင်ရွှေ ဆိုင်ပိုင်ရှင်နဲ့ ဗုဒ္ဓဘာသာဝင်တို့ အချင်းများရာကနေ စလိုက်တာဟာ လူပေါင်း ၃၀ ထက်မနည်းသေပြီးဖြစ်သလို၊ ဗလီ ၁၀ လုံးထက်မနည်း၊ အစ္စလာမ့်စာ သင်ကျောင်းတွေ၊ အိမ်တွေ ဖျက်ဆီးခံခဲ့ရတယ်။ မီးခိုးတွေ၊ ပြာတွေနဲ့ မီးလောင်တစပြင်ကြီးလို ဖြစ်နေတဲ့ မိတ္ထီလာကနေ မွတ်စလင်တွေရော၊ ဗုဒ္ဓဘာသာဝင်တွေပါ ထွက်ပြေးကြရတယ်။

မွတ်စလင်များ မြို့ပြင်သို့ထွက်သွားနေကြသည်ကို အလဲဗင်းမီဒီယာမှ တင်ပြထားပုံ

မတ်လ ၂၁ ရက်နေ့ကတော့ ရန်ကုန်အခြေစိုက် အလဲဗင်းက မြို့ပြင်ကို မောင်းထုတ်ခံနေရတဲ့ မွတ်စလင်လူတန်းရှည်ကြီးပုံကို ဖော်ပြသွားခဲ့တယ်။ ဒီပုံထဲမှာ ထူးခြားတာက ကလေးတွေ၊ မိန်းမတွေနဲ့ သက်ကြီးရွယ်အိုတွေအားလုံး သူတို့လက်တွေကို မြှောက်ထားကြရတယ်။ သူတို့ကို လုံခြုံရေးတွေက ကာရံပေးထားတယ်။ အနီးအပါးမှာတော့ ဒုတ်ဓားကိုင် ဘုန်းကြီးတွေ၊ ဗုဒ္ဓဘာသာဝင်တွေက ရာနှစ်ချီပြီး ထွက်သွားနေတဲ့ မွတ်စလင်လူတန်းကြီး ကို စောင့်ကြည့်နေကြတယ်။ ဒါက ဘာကိုအမှတ်ရစေသလဲဆိုရင် ဒုတိယကမ္ဘာစစ်တုန်းက ဂျူးတွေကို ဂျာမန်စစ်သားတွေ ၀န်းရံပြီး နာဇီစစ်စခန်းတွေ ဆီ ပို့နေကြတဲ့ ပုံမျိုးကိုပါပဲ။

ဒီဓာတ်ပုံတစ်ခုကပဲ မြန်မာပြည်က ဖြစ်စဉ်တွေသည် နာဇီဖြစ်စဉ်နဲ့ ဆင်တူနေတယ်လို့ ပြောပြနေတာမဟုတ်ပါ။ အရေးအခင်းလှုံဆော်ရေး သမားတွေ ရဲ့ လှုပ်ရှားပုံတွေ၊ အကြံအစည်တွေ၊ အထူးသဖြင့် လူမျိုးရေး-ဘာသာရေးအခြေခံတဲ့ အကြံအစည်တွေက ဟစ်တလာလက်အောက်ခံ နာဇီဂျာမနီရဲ့ ပုံပန်းသွင်ပြင်တွေ အတိုင်းပါပဲ။

ကနဦးကတော့ ပုံမှန်လှုပ်ရှားမှုတွေနဲ့ တကယ့်ကို စောင့်ကြည့်လေ့လာဖို့သင့်တဲ့ ပြုမူဆောင်ရွက်မှုတွေ ရှိနေတယ်။ အဲဒီလိုဖြစ်စဉ်တွေထဲမှာ အရေးအပါဆုံးက ၉၆၉ လှုပ်ရှားမှုပါပဲ။ ဒီ ၉၆၉ ဆိုတာကို ဒီနှစ်အစောပိုင်းက တီထွင်လိုက်ကြတယ်။ မြန်မာပြည်လို ဂဏန်းတွေနဲ့ အတိတ် သဘောင်ကောက်တဲ့နည်း အလွန်တွင်ကျယ်တဲ့နေရာမျိုးမှာ ၉၆၉ က တကယ့်ကို စွမ်းအားထက်တော့တာပါပဲ။ ဒီ ၉၆၉ ကို အစွန်းရောက် ဘုန်းကြီးတွေက ဦးဆောင်ပြီး လှုပ်ရှားကြတယ်။ ဘုန်းကြီးတွေထဲမှာ ၀ီရသူနာမည်နဲ့ ထင်ပေါ်နေတဲ့သူတစ်ဦးလည်းအပါအ၀င်ဖြစ်တယ်။ ၉၆၉ ဆိုတာကတော့ ဘုရားဂုဏ်တော် ၉ပါး၊ တရားဂုဏ်တော် ၆ ပါးနဲ့ သံဃာဂုဏ်တော် ၉ ပါးဆိုပြီး ယူထားကြတာပါ။

ဒါပေမယ့် ၉၆၉အရေးလှုပ်ရှားသူတွေကတော့ ၉၆၉ သည် ၇၈၆ အတိုင်း လိုက်လုပ်ထားတယ်လို့ ပြောကြတယ်။ ၇၈၆ ဆိုတဲ့ဂဏန်းကို အာရှတောင်ပိုင်းက မွတ်စလင်တွေ သုံးကြတယ်။ အဓိပ္ပါယ်က အလ္လာဟ်၏နာမတော်ဖြင့် အစပြုပါသည် ဆိုတာကို ဂဏန်းနဲ့ ဖော်ပြထားတာပါ။

မြန်မာတွေက ဒီ ၇၈၆ ကို အဓိပ္ပါယ်တမျိုးဖွင့်တယ်၊ ၇+၈+၆ = ၂၁ ဆိုတော့ ၂၁ ရာစုမှာ မွတ်စလင်တွေ လွှမ်းမိုးရမယ်၊ ဒါမျိုး အလွဲအဓိပ္ပါယ် ဖွင့်တာပါ။ ဒီတော့ ၇၈၆ ကို ဆန့်ကျင်ဖို့ ၉၆၉ ဆိုတဲ့ လှုပ်ရှားမှု ပေါ်လာတော့တာပါပဲ။ ၉၆၉ စတစ်ကာတွေကတော့ လှုပ်ရှားမှုရဲ့ အလံ လိုဖြစ်နေပြီး မြို့အတော် များများမှာ အဲဒီစတစ်ကာတွေ တွေ့နေရတာပဲ။ ၉၆၉ လှုပ်ရှားမှုကြီးကတော့ လွတ်လွတ်လပ်လပ်ကို လုပ်ကိုင်ခွင့်ရနေတဲ့ လူထုလှုပ်ရှားမှုကြီးပါပဲ။ ပြီးခဲ့တဲ့ ရက်သတ္တပတ်အနည်းငယ်အတွင်းကတော့ ၉၆၉ စတစ်ကာ ကပ်ထားတဲ့ တက္ကစီတွေ၊ ဆိုင်ကယ်တွေကို တွေ့နေရတယ်။

၉၆၉ လှုပ်ရှားသူတွေကတော့ သူတို့လှုပ်ရှားမှုကို ငြိမ်းချမ်းတဲ့အသွင်နဲ့ အမျိုးဘာသာသာသနာကို ကာကွယ်တာပါလို့ ပြောတာပါပဲ။ လက်တွေ့ကတော့ ဒီလှုပ်ရှားမှုက ပွင့်လင်းသိသာတဲ့ မွတ်စလင်ဆန့် ကျင် လှုပ်ရှားမှုကြီးပါပဲ။ ဗုဒ္ဓကိုယ်တိုင်ကျင့်ကြံပြခဲ့တဲ့ လူသားအားလုံး တပြေးညီသဘော တရားမျိုးကို ၉၆၉ လှုပ်ရှားမှုကြီးက ဆက်လက်ပြီး ဟောပြောတင်ပြနေတာမျိုး မဟုတ်ဘူး။ မြို့ကြီးများအပါအ၀င် မြန်မာနိုင်ငံ တနံတလျားမှာ ၉၆၉ ကော်မတီတွေရှိတယ်၊ သူတို့က အစီအစဉ်တွေ၊ တရားပွဲတွေ လုပ်ကြတယ်။ မွတ်စလင်ဆန့်ကျင်ရေး စာရွက်စာအုပ်တွေ စီဒီတွေ ဖြန့်ကြတယ်။

သူတို့ကမြန်မာစီးပွားရေးလုပ်ငန်းကို မွတ်စလင်တွေ လက်ဝါးကြီးအုပ်ထားတယ်လို့ စွပ်စွဲကြတယ်။ ဒါကြောင့် ဗုဒ္ဓဘာသာဝင်တွေက မွတ်စလင်တွေနဲ့ အရောင်းအ၀ယ်မလုပ်ရဘူးလို့ ဆိုတယ်။ ဗုဒ္ဓဘာသာဝင်များသည် ဗုဒ္ဓဘာသာဝင်အချင်းချင်း၊ ၉၆၉ တံဆိပ်ကပ်ဆိုင်တွေ မှာပဲ ရောင်းဝယ်ရမယ်၊ ဒါမျိုးဆိုတယ်။ ကရင်ပြည်နယ်မှာတော့ ဗုဒ္ဓဘာသာအချင်းချင်းပဲ အရောင်းအ၀ယ်လုပ်ရမယ်ဆိုပြီး အဓမ္မကို စေခိုင်းနေတယ်။ မွတ်စလင်တွေနဲ့ အရောင်းအ၀ယ်လုပ်တဲ့ ဗုဒ္ဓဘာသာဝင်အချို့ကို ဘုန်းကြီးတွေဝိုင်းရိုက်ကြတယ်ဆိုတဲ့ အကြောင်းကို ပြည်တွင်း သတင်းတွေမှာ တွေ့နေရတယ်။

အခုထိတော့ ၉၆၉ တံဆိပ်တွေကို စတိုးဆိုင်တွေ၊ အလတ်တန်းစား စားသောက်ဆိုင်တွေ၊ လက်ဖက်ရည်ဆိုင်တွေနဲ့ စားသောက်ကုန်ရောင်း တဲ့ ဆိုင်တွေမှာ တွေ့နေရတယ်။ ၉၆၉ အကြောင်းဟောတဲ့ ဘုန်းကြီးတရားပွဲကတော့ မှိုပေါက်သလိုကို ပေါနေတော့တာပဲ။ ဒီလိုတရားပွဲ ပေါသလို၊ မွတ်စလင်ဆန့်ကျင်ရေး လက်ကမ်းစာစောင်တွေ စတစ်ကာတွေကို ကုန်စုံဆိုင်တွေ၊ ဖုန်းဆိုင်တွေနဲ့ လက်ဖက်ရည်ဆိုင်တွေမှာ ရောင်းကြတယ်။ မွတ်စလင်ဆန့်ကျင်ရေး တရားခွေတွေကို လမ်းတွေမှာ ဖွင့်ကြတယ်။ ရန်ကုန်က ကုန်စုံဆိုင်တွေမှာတောင် ဖွင့်ကြတယ်။ လိုရင်းကတော့ ၉၆၉ သတင်းက တနိုင်ငံလုံးပတ်သွားနေတဲ့ အဲဒီ ၉၆၉ လှုပ်ရှားသူတွေ၊ ဘုန်းကြီးတွေကြောင့်ပဲ ပျံ့နှံ့နေပါပြီ။

မြန်မာပြည်က မွတ်စလင်တွေကို အန္တရာယ်ရှိ နိုင်ငံခြားသားတွေလို့ ပုံဖော်ကြတယ်။ မြန်မာပြည်ကို နယ်မြေလုဖို့သက်သက်နဲ့ ၀င်လာကြသူတွေလို့ တင်ပြတယ်။ သူတို့တွေကပဲ စီးပွားရေးလုပ်ငန်းတွေကို လက်ဝါးကြီးအုပ်ကြတယ်လို့ စွပ်စွဲတယ်။ လူ့အသိုင်းအ၀န်း အတွင်းက ယဉ်ကျေးမှုကို အစ္စလာမ့်အကြောင်း မကောင်းတာတွေပြောပြီး ဖျက်ဆီးပစ်နေကြတယ်။ ဒီလို အစ္စလာမ်အကြောင်း မကောင်း ပြောတဲ့အထဲမှာ မိန်းမတွေ ကို မြှူဆွယ်တဲ့အကြောင်း၊ ဒီလိုနဲ့ နိုင်ငံရေးအာဏာကို လုယူတဲ့အကြောင်း စတာတွေ ပါတယ်။ မွတ်စလင်တွေကို ခွေးနဲ့နှိုင်းပြီး သခင့်လက် ကို ပြန်ကိုက်တဲ့ခွေးတွေ၊ သူတို့ကို မောင်းမထုတ်ရင်၊ ဒီလူလိမ်တွေ၊ အကျည်းတန်တွေ၊ အရိုင်းအစိုင်းတွေ ကို မောင်းမထုတ် ရင် မြန်မာလူမျိုးတမျိုးလုံး ပြုတ်သွားရချည့်ရဲ့ဆိုတဲ့ စိုးရိမ်မှုက နားထင်ထိ ရောက်နေတယ်။

သူတို့ကိုယ် သူတို့ ဒုက္ခနွံထဲ ဆွဲထည့်တာက အခရာပဲ။ ပုံမှန်ဝါဒဖြန့်ချက်ကတော့ မွတ်စလင်တွေသည် နိုင်ငံနဲ့ အသိုက်အ၀န်းတစ်ခုလုံး ကို ဖျက်လို့ဖျက် ဆီးလုပ်နေတယ် ဆိုတာပါပဲ။ ငြိမ်းချမ်းရေးလှုပ်ရှားတယ်လို့ နာမည်ကြီးတဲ့ ရှင်ဥာဏိဿရကိုယ်တိုင် မိတ္ထီလာအဓိကရုဏ်း ဒုတိယနေ့၊ မတ်လ ၂၁ ရက်နေ့မှာ ဒီဗွီဘီကို – “မွတ်စလင်တွေသည် ဧည့်သည်တွေဖြစ်တဲ့အတွက်၊ အခုဖြစ်ပျက်နေတဲ့ ဘာသာရေး တင်းမာမှုကလည်း မွတ်စလင်တွေကြောင့် ပဲဖြစ်တာကြောင့် အိမ်ရှင်တွေကို လေးစားရမယ်၊ ယဉ်ကျေးပြရမယ်၊ ” ။ အဲဒါမျိုးပြောခဲ့တယ်။

တခြားအရေးပါတဲ့ အချက်တွေလည်း ရှိတယ်။ ဗုဒ္ဓဘာသာဘုန်းကြီးတွေရေးတဲ့ မွတ်စလင်ဆန့် ကျင်ရေး စာအုပ်တွေအားလုံးက အမျိုးပျောက်မှာ စိုးကြောက်စရာ ဆိုတဲ့ပုံမျိုးတွေချည့် နာမည်မှည့်ထားကြတာပဲ။ ဒါမျိုးစာအုပ်တွေကို လွန်ခဲ့တဲ့ နှစ်အနည်းငယ်အတွင်းမှာ ဖြန့်ချိခဲ့ကြတယ်။ ဒါတွေက လက်ရှိဖြစ်နေတဲ့ လှုပ်ရှားမှုတွေအတွက် လမ်းညွှန်တွေပဲ။ အဲဒီထဲမှာ မွတ်စလင်တွေက အလိုမတူဘဲ ဗုဒ္ဓဘာသာဝင် တွေကို လက်ထပ်တယ်ဆိုတဲ့ အကြောင်းတွေကို တင်ပြထားတယ်။ ပြီးတော့ သူတို့ကို အစ္စလာမ်ထဲ သွင်းဖို့ကြိုးစားတယ်၊ မွတ်စလင်တွေက တကမ္ဘာလုံးကို စီးပွားရေးအရ သာမက နိုင်ငံရေးအရရော၊ ယဉ်ကျေးမှုအရပါ ၀ါးမြိုဖို့ ကြိုးစားနေတယ် ဒါမျိုးတွေ ရေးထားတယ်။ မွတ်စလင်တွေကို ထိထိရောက်ရောက်မတားဆီးရင် သူတို့က ဗုဒ္ဓဘာသာနိုင်ငံတွေကို သိမ်းလိုက်လိမ့်မယ်၊ သူတို့အင်အားမှေးမှိန်စေဖို့ သူတို့ရဲ့ အဆောက်အအုံတွေကို ဖျက်ဆီး ရမယ်၊ နိုင်ငံသားဖြစ်ခွင့် ကို သွေးနဲ့ဆုံးဖြတ်ရမယ်၊ ဒါမျိုးတွေ ၀ါဒဖြန့်တယ်။ နိုင်ငံသားဖြစ်ခွင့်ကို သွေးနဲ့ဆုံးဖြတ်ရမယ်ဆိုတာကို လူဝင်မှုကြီးကြပ်ရေးဝန်ကြီး ဦးခင်ရီပြောခဲ့ တာပါ။

ဒါပေမယ့် ဒီလိုမျိုး နာဇီဖက်ဆစ်ဆန်ဆန်လှုပ်ရှားမှုမျိုးက အထောက်အပံ့ကောင်းကောင်းမရဘဲ ဆက်ပြီး အဓွန့်ရှည်နေမှာမဟုတ်ဘူး။ လူတွေ ရာထောင်ချီပြီး ၉၆၉ တရားတွေနားထောင်ကြတော့ အင်အားကောင်းလာတယ်။ ဒီလိုမျိုးတရားတွေက လူထုလက်ခံယုံနဲ့ ပြီးသွားတာမှ မဟုတ် တာ၊ နောက်ဆက်တွဲအနေနဲ့ ၉၆၉ တရားပွဲအပြီး မွန်ပြည်နယ်မှာ မွတ်စလင်ဆိုင်တွေကို ဖျက်ဆီးတယ်။

ဖေ့စ်ဘွတ်လို ဆိုရှယ်မီဒီယာတွေမှာ ၉၆၉ လှုပ်ရှားသူတွေက မြန်မာစာလုံးတွေနဲ့ အုပ်စုတွေ ဖွဲ့ပြီး ၀ါဒဖြန့်ကြတယ်။ အဲဒီထဲမှာ အဖွဲ့ဝင်အရေအ တွက်က ၉၀ ကနေ ရာဂဏန်းထိရှိတယ်။ ဒါပြင် MNMC ခေါ် မြန်မာနိုင်ငံလုံးဆိုင်ရာ အမျိုးသားရေးလှုပ်ရှားမှု ကော်မတီ ဆိုတဲ့ ဖေ့စ်ဘွတ် စာမျက်နှာကတော့ စံချိန်တင် (Likes) ပေါင်း ၁၅၄၉၉ ရှိနေတယ်။ မြန်မာပြည်ကဖေ့စ်ဘွတ်အသုံးပြုသူတွေရဲ့ ကွန်မန့်တွေကတော့ သူတို့အ တွက် ပေါ်ပြူလာအထောက်အပံ့တွေဖြစ်နေတော့တာပါပဲ။ မြန်မာပြည်တွင်းက မွတ်စလင်သတင်းဝက်ဘ်ဆိုက်ဒ်နှစ်ခုမှာ ပေးထားကြတဲ့ မှတ်ချက်တွေကို အင်္ဂလိပ်လို ဖော်ပြပေးပါ့မယ်။ ဒီမှတ်ချက်တွေက ဘယ်လောက်ထိ တာသွားနေလဲ၊ ကြီးကျယ်နေလဲဆိုတာ သိသာအောင်လို့ပါ။

ပျော်တယ်ဟေ့ပျော်တယ်ဟေ့၊၊ ခွေးမျိုးတွေ၊ ခွေးသားတွေ၊ ပြည့်တန်ဆာမသားတွေကို မောင်းထုတ်ကြစို့

သတင်းကောင်းပဲ၊ မွတ်စလင်အားလုံး သေရမယ်။

၂၀ ပဲသေတာ နည်းတယ်ကွ၊ သူတို့အားလုံးသေရမှာ။ မြန်မာပြည်က ဗလီအားလုံးကို ဖျက်ဆီးပစ်ရမယ်။

အတိုးချုံးပြောရရင်တော့ ဒေါက်တာဇာနည်ပြောနေခဲ့တဲ့ နာဇီလှုပ်ရှားမှုမျိုးက အဟုန်ပြင်းပြင်းနဲ့ကို ဖြစ်နေပါပြီ။ ဒီလှုပ်ရှားမှုကို နောက်ကွယ်ကနေ ကြိုးကိုင်နေကြသူတွေကတော့ နိုင်ငံအနှံ့ လွတ်လွတ်လပ်လပ် သွားလာခွင့်ရနေကြတယ်။ ဒီလိုမျိုး အရေးပေါ်အချိန်မှာ သူတို့ကို ထောက်ခံသူတွေက အုံနဲ့ကျင်းနဲ့၊ မုန်းတီးရေးအခြေခံ သတင်းတွေ ဖြန့်နေကြတယ်။

ဒီလိုမျိုး လှုပ်ရှားမှုတွေကို ထိထိရောက်ရောက်ပြောဆိုတင်ပြတာမျိုးတွေမလုပ်ရင်တော့ လူမျိုးစုအမျိုးမျိုး ကွဲပြားနေတဲ့ မြန်မာပြည်လို နေရာမှာ အကြမ်းဖက်မှုတွေ၊ လူမျိုးရေးအခြေအနေတင်းမာမှုတွေက ထိန်းလို့မရအောင် ဆက်ဖြစ်နေတော့မှာပါပဲ။ ဆိုင်တစ်ဆိုင်မှာ စကားများတာ ကလေးကနေ အဆုံးသတ်ရလဒ်ကတော့ဗျာ၊ မိတ္ထီလာတမြို့လုံးမှာ ကြီးကျယ်တဲ့ အဓိကရုဏ်းကြီးဖြစ်သွားပါပြီ။း ဒါက တပ်လှန့်နှိုးဆော်မှုတစ်ခုပါပဲ။

March 22, 2013