News @ M-Media

Category: ဆောင်းပါး

  • သီရိလင်္ကာ အရေးအခင်းမျိုး ပြန်ပေါ်လာပြီလား ?

    ဖေဖော်ဝါရီ ၂၃ ၊ ၂၀၁၃

    M-Media
    www.mmtimes.com မှ Anti-Muslim monks: Sri Lanka redux? ခေါင်းစဉ်ဖြင့် ဒီဇင်ဘာ ၃ ၊ ၂၀၁၂ တွင်တင်ပြခဲ့သော Alex Bookbinder ၏ဆောင်းပါးကို ဆီလျော်သလို မြန်မာပြန်ပါသည်။

     

    protesting_monks_colombo
    သီရိလင်္ကာမှ အန္တီမွတ်စလင် ဘုန်းကြီးများ ဆန္ဒပြနေစဉ်

    လူငယ်တွေကြားမှာလည်း စံပြဖြစ်သလို ဗုဒ္ဓဘာသာနဲ့ပတ်သတ်ပြီးလည်း ဗဟုသုတကြွယ်ဝပုံပေါ်တဲ့ ဘုန်းကြီးတစ်ပါးနဲ့ ကျနော်၊ လွန်ခဲ့တဲ့ နှစ်အနည်း ငယ်ခန့်က စိတ်ဝင်စားစရာ စကားစမြည်ဝိုင်းကလေး တစ်ဝိုင်း ဖြစ်ဖူးတယ်။ ဒီဘုန်းကြီးက နိုင်ငံရေးနဲ့ နည်းပညာပိုင်းတွေမှာ စိတ်အားထက်သန်သလို သူ့ရဲ့ဘာသာ၊ သာသနာမှာလည်း ဟင်းလေးအိုးကြီးဖြစ်တဲ့အပြင် ဘာသာရေးတွေ၊ နိုင်ငံရေးတွေနဲ့ လူမှုရေးနယ်ပယ်တွေနဲ့ပတ်သတ်ပြီးတော့လည်း ကုံလုံကျွမ်းဝင်တဲ့ ဘလော့ဂါတစ်ယောက်ပါ။

    ဒီဘုန်းကြီးနဲ့ကျနော် လပေါင်းများစွာ ထိတွေ့ဆက်ဆံခဲ့တယ်၊ အဆုံးမှာတော့ သူနေထိုင်သီတင်းသုံးတဲ့ ဘုန်းကြီးကျောင်းမှာ တွေ့ဆုံဖို့ အခွင့်အရေးတစ် ခု ရခဲ့တယ်။ လက်ဖက်ရည်ပွဲကလေးနဲ့အတူ ကျနော်တို့နှစ်ယောက် မြန်မာပြည်က မတူကွဲပြားတဲ့လူနည်းစုများရဲ့ နိုင်ငံရေးပေါ်လစီတွေ အကြောင်း တစ်မနက်လုံး ပြောဖြစ်ခဲ့ကြတယ်။

    ဒီလိုနဲ့ဆွေးနွေးလာလိုက်တာ မြန်မာနိုင်ငံကြီးရဲ့ အနာဂတ်တိုင်းပြည်ထူထောင်ရေးမှာ ဒီမတူကွဲပြားတဲ့လူနည်းစုတွေ၊ ဘာသာခြားလူနည်းစုတွေကို အခန်းကဏ္ဍတစ်ခုပေးဖို့ဆိုတဲ့ အကြောင်းရောက် လာပါတယ်၊ ကျနော်က ဒီအကြောင်းအရာကို ဆွေးနွေးရင်း ရိုဟင်ဂျာဆိုတဲ့ အသုံးအနှုံးကို မှားယွင်းစွာ ပြောထွက်လိုက်တဲ့ အချိန်ထိ  စကားဝိုင်းကလေးဟာ ချောချောမွေ့မွေ့ဖြစ်နေခဲ့တာပါ။

    ဒီအခါမှာ ဘုန်းကြီးက ကျနော့်ကို အမှားပြင်ပေးဖို့ ကြိုးစားတော့တာပဲ။ သူပြောပုံက အစ္စလာမ်သာသနာဟာ မြန်မာဗုဒ္ဓအသိုင်းအ၀ိုင်းကြီးကို ၀ါးမြိုတော့မယ့် ကင်ဆာရောဂါလို့ ၀ိသေသပြုသလို ရိုဟင်ဂျာတွေကလည်း တိုင်းတပါးသားတွေဖြစ်ပြီး မြန်မာပြည်ကြီးကို သူတို့ ကိုယ်ပိုင်အဖြစ် သိမ်းသွင်းကြမယ့် လူတွေ၊ အဲသလို ဆိုပါတယ်။ ဒီကိစ္စကလွဲလို့ပေါ့ဗျာ၊ တခြားအကြောင်းတွေမှာ သူပြောတာတွေက ကျိုးကြောင်းဆီလျော်တယ်၊ ဗဟုသုတရှိပုံရတယ်။ သူရဲ့ ဒီမှတ်ချက်မှာ ကျနော်ဘာကို သွားတွေ့သလဲဆိုတော့ဗျာ၊ ဒါက မတူကွဲပြားတဲ့ လူနည်းစုတွေအကြား အခြေအနေဟာ ၀မ်းနည်းဖွယ်အဖြစ် ပုံရိပ်ထင်လာသလို မွတ်စလင်တွေကို ဒီလိုမျိုး ပစ်ပစ်ခါခါကြီးမုန်းတီးနေတာဟာ လက်ခံဖွယ်အခြေအနေတစ်ရပ်အထိ ဘယ်လိုလုပ် ရောက်ရှိတာများပါလဲ။

    အံ့သြစရာ အကောင်းဆုံး အချက်လို့ ဆိုနိုင်တာက ဒီလိုမွတ်စလင်မုန်းတီးရေးကိစ္စမျိုးက မြန်မာပြည်မှာ မဖြစ်ခဲ့ပေမယ့်၊ ၂၀၀၉ အစောပိုင်းလောက်မှာ တမီလ်ကျားသူပုန်တွေကို သီရိလင်္ကာအစိုးရ က နောက်ဆုံးထိုးစစ်ဆင်ခဲ့တဲ့အချိန်၊ အဲဒီအချိန်မှာ ဒီလိုမျိုး မွတ်စလင်မုန်းတီးရေးက သီရိလင်္ကာ မှာ ဖြစ်ခဲ့တယ်။

    မြန်မာနဲ့ သီရိလင်္ကာတို့ဟာ နိုင်ငံရေးမှာရော လူမျိုးရေးအခြေအနေတွေမှာရော တကယ့်ကို ကွဲပြားခြားနားတယ်။ ဒါပေမယ့် သီရိလင်္ကာနိုင်ငံရဲ့ မဟိန္ဒိ ရာဇပသ အစိုးရလက်အောက်မှာ ကြီးထွားတိုးတက် လာတဲ့ အမျိုးသားရေးအစွန်းရောက် နိုင်ငံရေးပေါ်လစီက၊  မြန်မာပြည်က အဆိပ်ပြင်းတဲ့ အန္တီမွတ် စလင်ဘုန်းကြီးတွေ ကိုင်စွဲတဲ့ xenophobia ခေါ် အမုန်းတရားရောပြွမ်းတဲ့ အကြောက်လွန်ရောဂါနဲ့ ထိထိမိမိအံဝင်ဂွင်ကျကြီးကို ထပ်တူညီနေတော့ တာပါပဲ။

    မြန်မာနဲ့ သီရိလင်္ကာတို့အကြားမှာ ရာစုနှစ်များစွာ ယဉ်ကျေးမှုချင်း စိမ့်ဝင်ပျံ့နှံနေခဲ့တယ်။ ဒီလိုမျိုး မြန်မာပြည်တွင်းမှာ အမျိုးသားရေး အစွန်းရောက်တွေ၊ နိုင်ငံရေး အမြင်ပေါ် အခြေခံတဲ့ အန္တီမွတ်စလင် ဘုန်းကြီးတွေ ပေါ်လာတာဟာဆိုရင်ဖြင့် (မြန်မာနဲ့ သီရိလင်္ကာတို့အကြား) ယဉ်ကျေးမှုချင်း ဖလှယ်ကြ တာတွေ ၊ အတွေးအခေါ်ချင်း ဖလှယ်ကြတာတွေအပေါ်မှာ အနည်းအကျဉ်းဖြစ်ဖြစ် တည်မှီနေတယ်။

    အကြမ်းဖျင်းပြောရရင် မြန်မာပြည်က ဘုန်းကြီး ၃၀၀ လောက်ဟာ သီရိလင်္ကာမှာ အခြေချနေထိုင်ကြတယ်၊ ဒီပမာဏက ပြည်ပအခြေ စိုက် မြန်မာဘုန်း ကြီးတွေ ထဲမှာ အများဆုံးပဲ။ ဒီလိုမျိုး သီဟိုဠ်ကျွန်းပေါ်မှာ မြန်မာဘုန်းကြီးတွေ ရောက်နေတာက အသစ်အဆန်း ကိစ္စလည်းမဟုတ် ဘူး။ သီရိလင်္ကာမှာ ကျင့်သုံးလာတဲ့ ဗုဒ္ဓဘာသာအမျိုးအစားကို ကမ္ဘာက (စိတ်ဝင်စားမှုမပြ) သေသေချာ ချာ မစူးစမ်းဘဲထားခဲ့တာဟာဆိုရင် တခြားနေရာတွေနဲ့ ယှဉ်ရင် အချိန်အားဖြင့် တော်တော် ကြာခဲ့ပြီ။ ဒါပေမယ့် မဟာယနကြီးစိုးချိန်နဲ့ ကိုလိုနီခေတ်မှာ အထိန်းချုပ်ခံ ဘ၀ရောက်ခဲ့ရချိန်တွေကြောင့် (ထေရ၀ါဒ) ဗုဒ္ဓဘာသာဟာ ၁၈၀၀ ပြည့်လွန်နှစ်တွေမှာ တဖြည်းဖြည်းနဲ့ အကွယ်ဘက် ဦးတည်သွားခဲ့တယ်။

     

    myanmar.monks201210afp
    ၁၉ ရာစုရောက်တော့၊ သီရိလင်္ကာ ခေါင်းဆောင်တွေက အတိတ်က ကွယ်ခဲ့တဲ့ ထေရ၀ါဒကျောင်းတွေကို ပြန်ပြီး အသက်သွင်းဖို့ လုပ်လာကြတယ်။ ဒီလိုလုပ်လာကြာတော့ မြန်မာပြည် ဘုန်း ကြီးကျောင်း တွေကနေ လိုအပ်တဲ့ အကူအညီကို တောင်းခဲ့တယ်။

    မြန်မာပြည်မှာလိုပဲ၊ သီရိလင်္ကာမှာလည်း ကိုလိုနီခေတ်တွင်း တော်လှန်ရေးတွေလုပ်တော့ ဗုဒ္ဓဘာသာက ထူးခြားတဲ့အခန်းကဏ္ဍကနေ (အသုံးချ ခံ) ဖြစ်ခဲ့တယ်။ ၁၈၉၈ မှာ ဖွဲ့ခဲ့ ဗုဒ္ဓကလျာဏယုဝခေါ် ၀ိုင်အမ်ဘီအေက ခရစ်ယာန်တွေ မောင်ပိုင်စီးလာတာတွေ၊ ကိုလိုနီစနစ်ရဲ့ အခန်းကဏ္ဍတွေကို တန်ပြန်ဖို့ ရည်ရွယ်ခဲ့တာပဲ။ ၁၉၀၆ မှာ မြန်မာကလည်း သူတို့အိမ်နီးချင်း သီရိလင်္ကာနည်းလမ်းအတိုင်း အတုခိုးပြီး ၀ိုင်အမ်ဘီအေကို တည်ထောင်ခဲ့ တယ်။

    လွန်ခဲ့တဲ့နှစ်များမှာတော့ တိုင်းပြည်နိုင်ငံရေးနဲ့ တော်တော်ကြီးနီးနီးစပ်စပ်ရှိတဲ့ အစွန်းရောက် သီရိလင်္ကာဘုန်း ကြီးတွေ တော်တော်အသံကျယ် လာကြတယ်။ သူတို့ရဲ့ သီရိလင်္ကာနိုင်ငံတွင်း လူမျိုးရေး၊ ဘာသာရေး သန့်စင်အောင်လုပ်ရမယ်ဆိုတဲ့ ၀ါဒဖြန့်နှိုးဆော်မှုတွေက အစိုးရရဲ့ စစ်ဘက်ဆိုင် ရာ အမျိုးသားလုံခြုံရေး အစီအမံဆောင်ရွက်ချက်တွေကို အထောက်အပံ့သွားဖြစ်နေတယ်။ ဒါ့ပြင် မဟိန္ဒိ ရာဇပသအစိုးရရဲ့ သီရိလင်္ကာနိုင်ငံတွင်း ဒီမိုကရေစီ အစီအမံအလုပ် အကိုင်တွေသာမက civil liberties လို့ခေါ်တဲ့ လွတ်လပ်ခွင့်တွေကို ကျုံ့သွားအောင်၊ လျော့သထက် လျော့သွားအောင် လုပ်ကိုင် နေကြတာတွေရှိနေတယ်။ အဲဒီလို လုပ်ကိုင်နေတဲ့ အပေါ်မှာ (ပြည်သူလူထုက ထားရှိတဲ့) အာရုံစူးစိုက်မှုတွေ ပျောက်သွားအောင် ရည်ရွယ်ပြီး ဒီလိုမျိုး ဘုန်းကြီးတွေရဲ့ ၀ါဒဖြန့်မှုတွေက ၂၀၀၉ ခုနှစ်၊ ပြည်တွင်းစစ်ပြီးကတည်းက စပြီးလုပ်နေကြတာပဲ။

    မြန်မာပြည်က သံဃာထုက အစိုးရကို အကြံပေးတဲ့နေရာမှာပဲဖြစ်ဖြစ်၊ ဒါမှမဟုတ် ဆန့်ကျင်တဲ့နေရာကပဲဖြစ်ဖြစ် တနည်းနည်းနဲ့ နိုင်ငံရေးမှာ ပါဝင်ပတ် သတ်နေတာကြောင့် သံဃာထုရဲ့ (နိုင်ငံရေး) လှုပ်ရှားမှုတွေ ဟာ စည်းဝင်ဘောင်ဝင် နိုင်ငံရေးနယ်ပယ်ရဲ့ အပြင်မှာ အမြဲလိုလို ရှိနေတတ်တယ်။ အဲ၊ သီရိလင်္ကာမှာကျတော့ ဒီသာသနာပိုင် ဘုန်းကြီးတွေက National Heritage Party, or JHU လို့ခေါ်တဲ့ နိုင်ငံရေးပါတီကို ၂၀၀၄ မှာ ထူထောင်လိုက် တယ်၊ ဒီပါတီက ကိုယ်စားလှယ် (ရဟန်း)တွေဟာ ပါလီမန်မှာ ပါဝင်နေတယ်၊ ၂၀၀၇ ကျတော့ အစိုးရပိုင်းမှာပါ အစိတ်အပိုင်းတစ်ရပ်အနေနဲ့ ပါဝင်လာ တယ်။

    ဒီကနေ့မှာတော့ ရခိုင်ပြည်နယ်က အခြေအနေနဲ့ ပတ်သတ်ပြီး အာရုံထားစိတ်ဝင်စားသူတွေအားလုံးက အမှန်ထက်ပိုတဲ့ ချဲ့ကားလံကြုတ်တွေကို ရင်းနှီးကျွမ်း ၀င်လာတယ်။ ဒီလိုဘဲ သီရိလင်္ကာက JHU ပါတီဝင် ရဟန်းတွေဟာ တမီလ်ကျားသူပုန်တွေကို အမြစ်ဖြုတ်ဖို့ ကြိုးစားတဲ့ အစိုးရကို အစွန်းတဖက်ရောက်တဲ့အထိ ထောက်ခံကြတယ်၊ ဒါပြင့် သူတို့တွေက နိုင်ငံရဲ့ (တမီလ်) မြောက်ပိုင်းနဲ့ အရှေ့ပိုင်းတွေမှာ လက်ရှိရှိနေတဲ့ ကိုယ်ပိုင်အုပ် ချုပ်ရေး အာဏာစက်ကို ကန့်သတ်ဖို့ အဆိုပြုချက်တွေ ဖြစ်လာအောင် တပ်သုတ်ရိုက်ဆောင်ရွက်ရမယ်လို့ ဖိအားပေးကြတယ်။

    မြန်မာရဟန်းတွေကျတော့ JHU လိုပါတီမျိုးထောင်ပြီး ရွေးကောက်ပွဲမှာ ၀င်ရောက်ယှဉ်ပြိုင်ဖို့ဆိုတဲ့ အတွေးအခေါ်မျိုးကို ထက်ထက်သန်သန်ပဲ ဆန့်ကျင်တယ်လို့ ထင်ရတယ်။ ဒါပေမယ့် ထူးခြားတာက သီရိလင်္ကာရဲ့ လောင်းရိပ်အောက်က လှုပ်ရှားနေတဲ့ ဘလော့ဂါ ရဟန်းတွေဟာ ဒါမျိုးကိစ္စကို အတိအကျဆောင်ရွက် ကြဖို့ရာ အကြံပြုတင်ပြလာတာမျိုးတွေကို ပြီးခဲ့တဲ့ လအနည်းငယ် အတွင်းမှာ ပြုလုပ်လာတယ်။

    သီရိလင်္ကာရဲ့ မွတ်စလင်ဦးရေက အနည်းအကျဉ်းပါပဲ၊ အကြမ်းဖျင်းအားဖြင့် ၁၀ ရာခိုင်နှုန်းလောက်ရှိမယ်။ သူတို့တွေက ပြည်တွင်းစစ်ဖြစ်နေတဲ့ ၂၅ နှစ်လုံးလုံး အစိုးရဖက်မှာရော တမီလ်ကျား သူပုန်တွေဘက်မှာပါ ဓားစာခံတွေဖြစ်နေခဲ့တယ်။ နှစ်ဖက်စလုံးက သူတို့ကို ဖမ်းဆီးတယ်။ ဒါတင်မက အမျိုးသားရေးလို့ အော်နေတဲ့ ရဟန်းတွေနဲ့ သူတို့ကို ထောက်ခံသူတွေက ဒီမွတ်စလင်တွေ ကို နိုင်ငံတွင်းကနေ မောင်းထုတ်ပြစ်ဖို့ နှိုးဆော်ကြတယ်။ ပြီးခဲ့တဲ့ ၂၀၁၁ စက်တင်ဘာတုန်းကလည်း ဒီဘုန်းကြီးတွေနဲ့ သူတို့ကို ထောက်ခံသူတွေပေါင်းပြီး ရှေးဟောင်း တော်ဝင်မြို့တော် အနုရတ္ထပူရမှာ ရှိတဲ့ မွတ်စလင်အဆောက်အဦတွေကို ဖျက်ဆီးပြစ်ခဲ့တယ်။

    ဒီနှစ် (၂၀၁၂) ဧပြီမှာလည်း အချက်အချာကျတဲ့ ဒမ္ဗူလမြို့က ဗလီတလုံးမှာ မွတ်စလင်တွေ သောကြာနေ့ ဘုရားဝတ်ပြုနေစဉ် လူပေါင်း ၂၀၀၀ နီးနီးက အုပ်စုဖွဲ့ပြီး မွတ်စလင်တွေ ကို မောင်းထုတ်ပြစ်ခဲ့ တယ်။ ဒီလူအုပ်ကြီးကိုလည်း ရဟန်းတွေပဲ ဦးဆောင်ခဲ့တာဖြစ်တယ်။

    သီရိလင်္ကာရဲ့ အဓိက မီဒီယာတွေကလည်း သီရိလင်္ကာနိုင်ငံကြီးသည် ဗုဒ္ဓဘာသာနိုင်ငံကြီးဖြစ်တယ်ဆိုတဲ့အကြောင်း၊ ဒီနိုင်ငံကြီးကို အစ္စလာမ်မိုင်ဇေး ရှင်းက ခြိမ်းခြောက်နေတယ်ဆိုတဲ့ အကြောင်းတွေ ချည့် ထပ်တလဲလဲ ထုတ်လွှင့်ပေးတယ်။ ဒီလိုမျိုး တထေရာတည်းဆိုသလို၊ ရခိုင်အရေး ကြီး ထဖြစ်တော့ မြန်မာပြည်တွင်း အန္တီအစ္စလာမ်အုပ်စုတွေက သီရိလင်္ကာမီဒီယာတွေ လိုမျိုး မေးခွန်းတွေထုတ် လာတယ်၊ မြန်မာပြည်ကြီးဟာ ဗုဒ္ဓဘာ သာနိုင်ငံကြီးဖြစ်တယ်၊ အစ္စလာမ်မိုင်ဇေးရှင်းက မြန်မာပြည်ကြီးကို ခြိမ်းခြောက်နေတယ် စတာတွေ (သီရိလင်္ကာနဲ့ ထပ်တူညီ) အသံကျယ်ကျယ် လုပ် လာကြတယ်။

    သီရိလင်္ကာရဲ့ နိုင်ငံရေးရေစီးကြောင်းက ပြည်တွင်းစစ်အရှိန်ကြောင့် နက်နက်ရှိုင်းရှိုင်းကြီး ပြောင်းလဲသွားတယ်။ မတူကွဲပြားတဲ့ လူနည်းစုအရေးတွေ၊ ဘာသာရေးကိစ္စတွေမှာ ထားရှိတဲ့ အပြန်အလှန်နား လည်မှုတွေလည်း ပြောင်းလဲကုန်တယ်။ နိုင်ငံရေးအယူတွေက ပြည်တွင်းစစ်မတိုင်မီကထက် ပိုပြင်းထန် လာသလို ပါတီတစ်ခုနဲ့တစ်ခု ရန်လိုမှုတွေကလည်း ပိုပြင်းထန်လာတယ်။ ပြည်တွင်းစစ်ကြီး တစစ အရှိန်ရလာတာနဲ့အမျှ ခါးခါးသီးသီးကြီး ရန်လိုတဲ့စရိုက်တွေဖြစ် လာတော့တာပဲ။ ကံမကောင်း အကြောင်းမလှဘူးလို့ ဆိုရမှာပဲ၊ သီရိလင်္ကာက အဲဒီလိုမျိုး အဆိပ်ပြင်းပြင်းတွေ ဟာ မြန်မာပြည် ဘက်ကို အအက်အကွဲကြီးအဖြစ် သမိုင်းတွင်မယ့် အချိန်ကောင်းမှာပဲ ကူးပြောင်းဝင်ရောက် သွားတော့တယ်။

    ရိုဟင်ဂျာကိစ္စမှာတော့ သမ္မတဦးသိန်းစိန်တစ်ယောက် ကြိုးတန်းပေါ်လမ်းလျှောက်ရသလို ဖြစ်နေတယ်။ ပထမက ရိုဟင်ဂျာတွေကို လိုချင်တဲ့ တတိ ယနိုင်ငံဆီ ပို့ပေးမယ်၊ ဒီနည်းနဲ့ ရခိုင်အရေး ကို ဖြေရှင်းမယ်လို့ ဆိုတယ်၊ အဲ နောက် လေးလလောက်အကြာ အိုဘာမားမလာခင် နိုဝင်ဘာ ၁၉ ရက်လည်းရောက်ရော၊ ရိုဟင်ဂျာတွေရဲ့ နိုင်ငံမဲ့ဖြစ်အင်ကို အစိုးရက သေသေချာချာကြီး ကိုင်တွယ်ဖြေရှင်းပေးဖို့ ဆန္ဒရှိတာပါလို့ ဖြစ်သွားပြန်ရော။ သမ္မတဦးသိန်းစိန်ရဲ့ အနောက်တိုင်းနဲ့ ကောင်း မွန်တဲ့အဆက်အဆံလိုလားပုံကိုပဲ ရိုဟင်ဂျာတွေက ကျေးဇူးတင်ရမလိုဖြစ်နေပြန်ရော။ အဲတဖက် မှာတော့ သီရိလင်္ကာ အစိုးရကြီးက တမီလ်သူပုန်တွေကို ထိုးစစ်ဆင်နေတာကြောင့် တရုတ်နဲ့ ပလဲနံပသင့်ဖို့ အရမ်းအရမ်းကို လိုလားနေသလို အနောက်တိုင်းနဲ့ ဆက်သွယ်ထားတဲ့ သံတမန်တံတားတွေ ကိုလည်း လောင်ကျွမ်းဖျက်ဆီးပြစ်လိုက်တယ်။

    သီရိလင်္ကာနဲ့ မြန်မာရဲ့ ယဉ်ကျေးမှုဖလှယ်ခြင်းက နှစ်လမ်းသွား (အပြန်အလှန်) ဖြစ်နေတာကြောင့် နှစ်ဖက်နိုင်ငံ လူမျိုးစုတွေအကြား အဆက်အဆံကို လွှမ်းမိုးချုပ်ကိုင်နိုင်မယ်၊ (ပြီးရင် လိုသလို အသုံးချဖို့) အခွင့်အရေးကောင်းတစ်ခု ရှိနေတယ်ဆိုတာမျိုး ဦးသိန်းစိန်ကို ( တင်ပြ အကြံပေးကြတယ်နဲ့) တူပါတယ်။ အိုဘာမားကတော့ မတူကွဲပြားခြင်းသည် အမေရိကန် အသိုင်းအ၀ိုင်းအတွက် ခွန်အားဖြစ်တယ်လို့ ရန်ကုန်မှာ ပြောတဲ့ သူရဲ့ မိန့်ခွန်းမှာ ထည့်သွင်းဖော်ပြသွားတယ်။ တကယ်လို့သာ မြန်မာအစိုးရ က နိုင်ငံတော်တည်ငြိမ်ရေးကို အမှန်အကန်ကြီးလိုလားတယ်ဆိုရင်၊ စစ်အစိုးရအဆက်ဆက် အမုန်းတရားတွေနဲ့ ပတ်သတ်လို့ အမှန်တကယ်ကြီးကို (ဖယ်ထုတ်ပစ်သွားဖို့) လိုလားတယ်ဆိုရင်၊ အိုဘာမားပြောသွားတဲ့ အသွင်သဏ္ဌာန်ကို သူ့ရဲ့မူရင်းပုံစံမှန်အတိုင်း မဖြစ်မနေလိုက်နာကျင့်သုံးရမှာဖြစ်တယ်။

    အခုအချိန်မှာတော့ ရိုဟင်ဂျာတွေ ဒါမှမဟုတ် မြန်မာမွတ်စလင်လူထုကြီး တစ်ရပ်လုံးကို မိတ်ဆွေရင်းခြာပမာ ပြန်လည်ဆက်ဆံရမယ်လို့ လှုံဆော်ရင် အဲဒီလှုံဆော်မှုအသံက ဘုန်းကြီးကျောင်းတွေမှာရော၊ ပြည်သူလူထုအမြင်နဲ့ ရပ်တည်တဲ့ တရားရုံးတွေမှာပါ သိပ်ပြီး ကောင်းမွန်တဲ့ (ထောက်ခံမှု) ရလဒ်တွေ ရလာလိမ့်မယ် မဟုတ်ဘူးဆိုတာကို သမ္မတဦးသိန်းစိန်ရော ဒေါ်အောင်ဆန်းစုကြည်ပါ ကောင်းကောင်းကြီး သဘောပေါက်ပါတယ်။

    သီးပွင့်ဝေဆာတဲ့အသိုက်အ၀န်းမျိုးရဖို့၊ တာရှည်ခံ ငြိမ်းချမ်းရေးနဲ့ တည်ငြိမ်မှု ရဖို့ဆိုရင်တော့ ရိုဟင်ဂျာအရေးကို မြန်မာခေါင်းဆောင်တွေအနေနဲ့ (ဒီအရေးက ကာလတိုမှာ နိုင်ငံရေးရှုထောင့်အတွက် သိပ်ပြီးစိတ်ဝင်စားဖွယ်မရှိပေမယ့်လည်း) ဆုံးဖြတ်ချက်ပိုင်ပိုင်နိုင်နိုင်ချပြီး ကိုင်တွယ်ဖြေရှင်းရလိမ့်မယ်။ ဒီလိုဆိုရင်တော့ သီရိလင်္ကာက လူတွေပါ အမြော်အမြင်ရှိရှိလေ့လာနိုင်မယ့် သင်္ခန်းစာတစ်ခု လည်း ဖြစ်သွားမှာပေါ့။

    (အဲလက်စ် ဘွတ်ဘိုင်းဒါးသည် အရှေ့တောင်အာရှတွင် အခြေစိုက်လှုပ်ရှားသည့် သုတေသီနှင့် နိုင်ငံရေး လေ့လာသုံးသပ်သူတစ်ဦးဖြစ်ပါသည်။)

  • ဖွဲ့စည်းပုံ အခြေခံ ဥပဒေပါ နိုင်ငံသားများ၏ မူလ အခွင့်အရေး နှင့် တာဝန်များ

    ဖွဲ့စည်းပုံ အခြေခံ ဥပဒေပါ နိုင်ငံသားများ၏ မူလ အခွင့်အရေး နှင့် တာဝန်များ

    ဖေဖော်ဝါရီ ၂၁၊ ၂၀၁၃
    M-Media

    နိုင်ငံသားများ၏ မူလအခွင့်အရေးနှင့် တာဝန်များကို ဖွဲ့စည်းပုံ အခြေခံဥပဒေပုဒ်မ အခန်း(၈)တွင် ပြဋ္ဌာန်းထားပြီး နိုင်ငံသားများ၏ မူလအခွင့်အရေးဆိုင်ရာ ရပိုင်ခွင့် ၃၆ ချက်ကို ယင်းအခန်း၌ ပြဋ္ဌာန်းထားကြောင်း သိရသည်။

    နိုင်ငံသားများ၏ မူလအခွင့်အရေး ချိုးဖောက်ခံရကြောင်း မြန်မာနိုင်ငံ အမျိုးသားလူ့အခွင့်အရေး ကော်မရှင်က သတင်းရရှိပါက စုံစမ်းစစ်ဆေးမည်ဖြစ်ကြောင်း ပြည်ထောင်စုအစိုးရအဖွဲ့ အမိန့်ကြော်ငြာစာအမှတ် (၃၄/၂၀၁၁) အရ သိရသည်။

    မြန်မာနိုင်ငံအမျိုးသားလူ့အခွင့် အရေးကော်မရှင်အား ၂၀၁၁ ခုနှစ် စက်တင်ဘာလ ၅ ရက်နေ့တွင်   ဖွဲ့စည်းခဲ့ပြီး ဥက္ကဋ္ဌ ဦးဝင်းမြ (သံ အမတ်ကြီး-အငြိမ်းစား)၊ ဒုတိယ ဥက္ကဋ္ဌ ဦးကျော်တင့်ဆွေ (သံအမတ် ကြီး-အငြိမ်းစား)၊ အတွင်းရေးမှူး ဦးစစ်မြိုင် (ညွှန်ကြားရေးမှူးချုပ်-အငြိမ်းစား)နှင့် အဖွဲ့ဝင် ၁၂ ဦးပါဝင်ကြောင်း သိရသည်။

    အခန်း(၈)
    နို်ုင်ငံသား၊ နိုင်ငံသားများ၏ မူလူလအခွင့်အရေးနှင့် တာဝန်များ
    ၃၄၅။ အောက်ဖော်ပြပါအရည်အချင်းတစ်ရပ်ရပ်နှင့်ပြည့်စုံသူများသည် ပြည်ထောင်စုသမ္မတမြန်မာနိုင်ငံတော်၏ နိုင်ငံသားများဖြစ်ကြသည် –
    (က) ပြည်ထောင်စုသမ္မတမြန်မာနိုင်ငံတော်၏ တိုင်းရင်းသားမိဘနှစ်ပါးမှ မွေးဖွားသူ၊
    ( ခ ) ဤဖွဲ့စည်းပုံအခြေခံဥပဒေ အတည်ပြုပြဌာန်းသည့်နေ့တွင် ဥပဒေအရ နိုင်ငံသားဖြစ်ပြီးသူ။

    ၃၄၆။ နိုင်ငံသားဖြစ်ခြင်း၊ နိုင်ငံသားပြုခြင်းနှင့် နိုင်ငံသားအဖြစ်မှရပ်စဲခြင်းတို့သည် ဥပဒေဖြင့်ပြဌာန်းသည့်အတိုင်း ဖြစ်စေရမည်။

    ၃၄၇။ နိုင်ငံတော်သည် မည်သူ့ကိုမဆို ဥပဒေအရာတွင် တန်းတူညီမျှအခွင့်အရေးရရှိစေရမည်။ ထို့ပြင် ဥပဒေ၏အကာအကွယ်ကိုလည်း တန်းတူညီမျှစွာ ရယူပိုင်ခွင့်ပေးရမည်။

    ၃၄၈။ နိုင်ငံတော်သည် ပြည်ထောင်စုသမ္မတမြန်မာနိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ၊ ရာထူးဌာနန္တရ၊ အဆင့်အတန်း၊ ယဉ်ကျေးမှု၊ အမျိုးသား၊ အမျိုးသမီး၊ ဆင်းရဲချမ်းသာတို့ကို အကြောင်းပြု၍ခွဲခြားမှုမရှိစေရ။

    ၃၄၉။ နိုင်ငံသားများသည် အောက်ပါလုပ်ငန်းများကို လုပ်ကိုင်ဆောင်ရွက်ရာတွင်တူညီသော
    အခွင့်အလမ်းရရှိစေရမည် –
    (က) ပြည်သူ့ဝန်ထမ်း တာဝန်ထမ်းဆောင်မှု၊
    ( ခ ) အလုပ်လုပ်ကိုင်မှု၊
    ( ဂ ) ကုန်သွယ်ရောင်းဝယ် ဖောက်ကားမှု
    (ဃ) စီးပွားရေးလုပ်ငန်း လုပ်ကိုင်မှု၊
    ( င ) အတတ်ပညာနှင့် အသက်မွေးဝမ်းကျောင်းမှု၊
    ( စ ) ၀ိဇ္ဖာပညာ၊ သိပ္ပံပညာနှင့် နည်းပညာရပ်များ ရှာဖွေဖော်ထုတ်မှု၊

    ၃၅၀။ အမျိုးသမီးများသည် တူညီသောအလုပ်အတွက် အမျိုးသားများခံစားခွင့်ရှိသော အခွင့်အရေးနှင့်လစာတို့ကို ခံစားခွင့်ရှိသည်။

    ၃၅၁။ မိခင်များ၊ ကလေးသူငယ်များနှင့် ကိုယ်ဝန်ဆောင်အမျိုးသမီးများသည် ဥပဒေအရ သတ်မှတ်ထားသော သက်ဆိုင်ရာအခွင့်အရေးများကို အညီအမျှခံစားခွင့်ရှိစေရမည်။

    ၃၅၂။ နိုင်ငံတော်သည် အလုပ်အကိုင်ခန့်ထားရာတွင်ဖြစ်စေ၊ နိုင်ငံ့ဝန်ထမ်းရွေးချယ်တာဝန် ပေးရာတွင်ဖြစ်စေ သတ်မှတ်သော အရည်အချင်းနှင့်ပြည့်စုံပါက ပြည်ထောင်စု သမ္မတမြန်မာ နိုင်ငံတော်၏ မည်သည့်နိုင်ငံသားကိုမျှ လူမျိုး၊ ဇာတိ၊ ကိုးကွယ်ရာဘာသာ သာသနာ၊ အမျိုးသား၊ အမျိုးသမီးကိုအကြောင်းပြုလျက် ရာထူးရွေးချယ်ခန့်ထားခြင်းကို ခွဲခြားမှုမပြုရ။ သို့ရာတွင်အမျိုးသားများနှင့် သာလျော်ကန် သင့်မြတ်သည့် ရာထူးတာဝန်များအတွက် အမျိုးသားများအား ရွေးချယ်ခန့်ထားခြင်းကို ဤပုဒ်မအရ အဟန့်အတားမဖြစ်စေရ။

    ၃၅၃။ မည်သူ့ကိုမျှ တည်ဆဲဥပဒေနှင့်အညီမှတစ်ပါး အသက်ကိုဖြစ်စေ၊ ပုဂ္ဂိုလ်ဆိုင်ရာလွတ်လပ်မှုကိုဖြစ်စေ နစ်နာဆုံးရှုံးမှုမရှိစေရ။

    ၃၅၄။ နိုင်ငံသားတိုင်းသည် နိုင်ငံတော်လုံခြုံရေး၊ တရားဥပဒေစိုးမိုးရေး၊ ရပ်ရွာအေးချမ်း သာယာရေး သို့မဟုတ် ပြည်သူတို့၏ ကိုယ်ကျင့်တရားအကျိုးငှာ ပြဋ္ဌာန်းထားသည့် ဥပဒေများ နှင့် မဆန့်ကျင်လျှင် အောက်ပါအခွင့်အရေးများကို လွတ်လပ်စွာသုံးစွဲဆောင်ရွက်ခွင့်ရှိသည် –
    (က) မိမိ၏ ယုံကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်
    ပြောဆိုခွင့်၊ ရေးသားဖြန့်ဝေခွင့်၊
    ( ခ ) လက်နက်မပါဘဲ ငြိမ်းချမ်းစွာစုဝေးခွင့်၊ စီတန်းလှည့်လည်ခွင့်၊
    ( ဂ ) အသင်းအဖွဲ့ သို့မဟုတ် အစည်းအရုံးများ ဖွဲ့စည်းဆောင်ရွက်ခွင့်၊
    (ဃ) တိုင်းရင်းသားလူမျိုး တစ်မျိုးနှင့်တစ်မျိုး သို့မဟုတ် တိုင်းရင်းသားလူမျိုး အချင်းချင်းကိုလည်းကောင်း၊ အခြားဘာသာ သာသနာကို လည်းကောင်း ထိခိုက်နစ်နာမှု မရှိစေဘဲ မိမိချစ်ခင်မြတ်နိုးသည့် စကား၊ စာပေ၊ ယဉ်ကျေးမှု၊ ကိုးကွယ်သည့် ဘာသာသာသနာနှင့် ဓလေ့ထုံးတမ်းများကို လွတ်လပ်စွာဆောင်ရွက်ပိုင်ခွင့်။

    ၃၅၅။ နိုင်ငံသားတိုင်းသည် ပြည်ထောင်စု သမ္မတ မြန်မာနိုင်ငံတော်အတွင်း မည်သည့်အရပ် ဒေသ၌ မဆို  ဥပဒေနှင့်အညီ အခြေစိုက်နေထိုင်ခွင့်ရှိသည်။

    ၃၅၆။ နိုင်ငံတော်သည် နိုင်ငံသားများ၏ တရားဝင်ရရှိပိုင်ဆိုင်ထားသော ရွှေ့ပြောင်းနိုင်သောပစ္စည်း၊ မရွှေ့မပြောင်းနိုင်သော ပစ္စည်းများနှင့်စပ်လျဉ်း၍ ဥပဒေအရ ကာကွယ်ပေးရမည်။

    ၃၅၇။ဤဖွဲ့စည်းပုံအခြေခံဥပဒေပါ ပြဋ္ဌာန်းချက်များနှင့် မဆန့်ကျင်လျှင် နိုင်ငံတော်သည်နိုင်ငံသားများ၏ နေအိမ် ဥပစာလုံခြုံမှု၊ ပစ္စည်းလုံခြုံမှု၊ စာပေးစာယူနှင့် အခြားဆက်သွယ်ရေးဆိုင်ရာလုံခြုံမှုများအတွက် ဥပဒေအရ ကာကွယ်ပေးရမည်။

    ၃၅၈။ နိုင်ငံတော်သည် ကျေးကျွန်ပြုမှုနှင့် လူကုန်ကူးမှုများကို တားမြစ်သည်။

    ၃၅၉။ နိုင်ငံတော်သည် ဥပဒေကျူးလွန်၍ ပြစ်ဒဏ်ပေးခြင်းကိုခံရသဖြင့် အလုပ်ဒဏ် ထမ်းဆောင်ခိုင်းခြင်းနှင့် အများပြည်သူအကျိုး အတွက်ဆောင်ရွက်ရန် နိုင်ငံတော်က ဥပဒေနှင့်အညီ တာဝန်ချထားခြင်းမှတစ်ပါး အဓမ္မစေခိုင်းခြင်းကို တားမြစ်သည်။

    ၃၆၀။ (က) ဘာသာသာသနာရေးဆိုင်ရာ ကိုးကွယ်ဆောက်တည်မှုသည် စီးပွားရေး၊ဘဏ္ဍာရေး၊ နိုင်ငံရေး၊ အခြားလောကီရေးရာ ဆောင်ရွက်မှုတစ်ခုခုနှင့် ဆက်စပ်နေပါက ပုဒ်မ ၃၄ ပါ ဘာသာသာသနာရေးဆိုင်ရာ လွတ်လပ်ခွင့်များတွင် မပါဝင်စေရ၊
    ( ခ ) ထိုသို့ ဘာသာသာသနာရေးနှင့်စပ်လျဉ်း၍ လွတ်လပ်သော အခွင့်အရေးများကိုပေးထားသော်လည်း အများပြည်သူ အကျိုးကိစ္စနှင့် ပြုပြင်ရေး ကိစ္စတို့အတွက်နိုင်ငံတော်၏ ဥပဒေပြုခြင်းကို မတားမြစ်ရ။

    ၃၆၁။ နိုင်ငံတော်သည် ဗုဒ္ဓဘာသာသာသနာတော်ကို နိုင်ငံတော်၏ နိုင်ငံသားအများဆုံးကိုးကွယ်ရာဖြစ်သော ဂုဏ်ထူးဝိသေသနှင့်ပြည့်စုံသည့် ဘာသာသာသနာဖြစ်သည်ဟုနိုင်ငံတော်က အသိအမှတ်ပြုသည်။

    ၃၆၂။ နိုင်ငံတော်သည် ခရစ်ယာန်ဘာသာသာသနာ၊ အစ္စလာမ်ဘာသာသာသနာ၊ ဟိန္ဒူ ဘာသာသာသနာနှင့် နတ်ကိုးကွယ်သောဘာသာတို့ကို ဤဖွဲ့စည်းပုံအခြေခံဥပဒေအာဏာတည်သောနေ့၌ နိုင်ငံတော်တွင်ရှိနေကြသော ကိုးကွယ်ရာဘာသာများဟူ၍ အသိအမှတ်ပြုသည်။

    ၃၆၃။ နိုင်ငံတော်သည် အသိအမှတ်ပြုထားသော ဘာသာသာသနာများကို တတ်နိုင်သမျှ ကူညီစောင့်ရှောက်မည်။

    ၃၆၄။ နိုင်ငံရေးကိစ္စအလို့ငှာ ဘာသာသာသနာကို အလွဲသုံးစားမပြုရ။ ထို့ပြင် လူမျိုးရေးကြောင့်သော်လည်းကောင်း၊ ဘာသာရေးကြောင့်သော်လည်းကောင်း တစ်ဖက်နှင့်တစ်ဖက်၊ တစ်ဂိုဏ်းနှင့်တစ်ဂိုဏ်း မုန်းတီးခြင်း၊ ရန်မူခြင်း၊ စိတ်ဝမ်းကွဲခြင်းတစ်မျိုးမျိုး ပေါ်ပေါက်လာစေရန် ရည်ရွယ်သော သို့မဟုတ် ပေါ်ပေါက်လာရန်အကြောင်းရှိသော အပြုအမူသည် ဤဖွဲ့စည်းပုံအခြေခံဥပဒေနှင့် ဆန့်ကျင်သည်။ ထိုအပြုအမူမျိုးအတွက် ပြစ်ဒဏ်ပေးနိုင်ရန် ဥပဒေပြဋ္ဌာန်းနိုင်သည်။

    ၃၆၅။ နိုင်ငံသားတိုင်းသည် ဥပဒေနှင့်အညီ မိမိတို့အမြတ်တနိုးထားရှိသော စာပေ၊ ယဉ်ကျေးမှု၊ အနုပညာနှင့် ဓလေ့ထုံးတမ်းတို့ကို လွတ်လပ်စွာ ပြုစုပျိုးထောင်ဆောင်ရွက်ပိုင်ခွင့် ရှိသည်။ ယင်းသို့ဆောင်ရွက်ရာတွင် တိုင်းရင်းသားစည်းလုံးညီညွတ်ရေးကို ထိပါးမှုမရှိစေရန် ရှောင်ကြဉ် ရမည်။ ထို့ပြင် မိမိတို့၏ဆောင်ရွက်မှုသည် အခြားတိုင်းရင်းသား လူမျိုးတစ်မျိုးကိုဖြစ်စေ၊ လူမျိုးများကိုဖြစ်စေ ထိခိုက်နစ်နာစေနိုင်လျှင် သက်ဆိုင်သူများ အချင်းချင်းညှိနှိုင်း၍ ပြေလည်မှုရရှိပြီးမှသာ ဆောင်ရွက်ခွင့်ရှိသည်။

    ၃၆၆။ နိုင်ငံသားတိုင်းသည် နိုင်ငံတော်ကချမှတ်ထားသော ပညာရေးဆိုင်ရာမူဝါဒများနှင့်အညီ –
    (က) ပညာသင်ကြားပိုင်ခွင့်ရှိသည်၊
    ( ခ ) ဥပဒေဖြင့်ပြဋ္ဌာန်းသည့် မသင်မနေရအခြေခံပညာများကို သင်ကြားရမည်၊
    ( ဂ ) သိပ္ပံပညာစူးစမ်းရှာဖွေမှု၊ စာပေနှင့် အနုပညာခေတ်မီတိုးတက်စေရန် တီထွင်ကြံဆဖော်ထုတ်ရေးသားမှုနှင့် ယဉ်ကျေးမှုကိစ္စများတွင် လွတ်လပ်စွာသုတေသနပြု ဖော်ထုတ်ဆောင်ရွက်ခွင့်ရှိသည်။

    ၃၆၇။ နိုင်ငံသားတိုင်းသည် နိုင်ငံတော်ကချမှတ်ထားသော ကျန်းမာရေးဆိုင်ရာမူဝါဒများနှင့် အညီ ကျန်းမာရေးစောင့်ရှောက်မှုကို ခံယူခွင့်ရှိသည်။

    ၃၆၈။ နိုင်ငံတော်သည် ပညာရည်ထူးချွန်သော နိုင်ငံသားများအား လူမျိုး၊ ကိုးကွယ်ရာဘာသာ၊ အမျိုးသား၊ အမျိုးသမီးခွဲခြားမှု မထားရှိဘဲ ယင်းတို့၏ အရည်အချင်းအလိုက် ချီးမြှောက်ထောက်ပံ့မည်။

    ၃၆၉။ (က) နိုင်ငံသားတိုင်းသည် ဤဖွဲ့စည်းပုံအခြေခံဥပဒေနှင့်ဖြစ်စေ၊ သက်ဆိုင်ရာ ဥပဒေများနှင့်ဖြစ်စေ မဆန့်ကျင်လျှင် ပြည်သူ့လွှတ်တော်၊ အမျိုးသားလွှတ်တော်၊တိုင်းဒေသကြီးလွှတ်တော် သို့မဟုတ် ပြည်နယ်လွှတ်တော် တစ်ရပ်ရပ်တွင် ရွေးကောက် တင်မြှောက်ခွင့်နှင့် ရွေးကောက် တင်မြှောက်ခံပိုင်ခွင့်ရှိသည်၊
    ( ခ ) သက်ဆိုင်ရာ မဲဆန္ဒရှင်များသည် လွှတ်တော်တစ်ရပ်ရပ်မှ လွှတ်တော် ကိုယ်စားလှယ်ကို ဥပဒေနှင့်အညီ တာဝန်မှ ပြန်လည်ရုပ်သိမ်းခွင့်ရှိသည်။

    ၃၇၀။ နိုင်ငံသားများသည် နိုင်ငံတော်အတွင်း အမျိုးသားစီးပွားရေး ဖွံ့ဖြိုးတိုးတက်စေရေး အတွက် စီးပွားရေးလုပ်ငန်းများကို ဥပဒေနှင့်အညီ လွတ်လပ်စွာလုပ်ကိုင်ဆောင်ရွက်ခွင့်ရှိသည်။

    ၃၇၁။ နိုင်ငံတော်သည် အမျိုးသားစီးပွားရေးဖွံ့ဖြိုးတိုးတက်စေရေးအတွက် နည်းပညာ၊ အရင်းအနှီး၊ စက်မှုပစ္စည်း၊ ကုန်ကြမ်း အစရှိသည်တို့ကို ရရှိစေရန်ကူညီမည်။

    ၃၇၂။ ဤဖွဲ့စည်းပုံအခြေခံဥပဒေပါ ပြဋ္ဌာန်းချက်များနှင့်လည်းကောင်း၊ တည်ဆဲဥပဒေများပါ ပြဋ္ဌာန်းချက်များနှင့် လည်းကောင်း မဆန့်ကျင်စေဘဲ စီးပွားရေးကိစ္စများကို ဆောင်ရွက်ရာတွင် ပစ္စည်းပိုင်ဆိုင်ခွင့်၊ သုံးစွဲခွင့်နှင့် ကိုယ်ပိုင်တီထွင်ခွင့်၊ မူပိုင်ခွင့်တို့ကို နိုင်ငံတော်က အာမခံသည်။

    ၃၇၃။ ပြစ်မှုကျူးလွန်သူ မည်သူ့ကိုမဆို ယင်းပြစ်မှုကျူးလွန်သည့်အချိန်က အတည်ဖြစ်လျက် ရှိသော သက်ဆိုင်ရာ ဥပဒေအရသာ ပြစ်မှုထင်ရှားစီရင်ရမည်။ ထို့ပြင် ယင်းဥပဒေအရ ချမှတ်နိုင်သော ပြစ်ဒဏ်ထက်ပို၍ ချမှတ်ခြင်းမပြုရ။

    ၃၇၄။ တစ်ဦးတစ်ယောက်သည် စီရင်ပိုင်ခွင့်ရှိသောတရားရုံးက ပြစ်မှုတစ်ရပ်အတွက် ပြစ်မှု ထင်ရှားစီရင်ခြင်းခံရလျှင်ဖြစ်စေ၊ အမှုမှအပြီးအပြတ် လွှတ်ခြင်းခံရလျှင်ဖြစ်စေ အဆိုပါပြစ်မှု ထင်ရှားစီရင်သည့် စီရင်ချက် သို့မဟုတ် အမှုမှအပြီး အပြတ်လွှတ်သည့်စီရင်ချက်ကို အဆင့်မြင့် တရားရုံးကပယ်ဖျက်ပြီး အမှုကိုအသစ်တစ်ဖန်ပြန်လည်စစ်ဆေးစေရန် အမိန့်ချမှတ်သည့်အခါ မှတစ်ပါး ယင်းပြစ်မှု အတွက် ထိုသူအား ထပ်မံစစ်ဆေးခြင်းမပြုရ။

    ၃၇၅။ ပြစ်မှုကျူးလွန်ကြောင်း စွပ်စွဲခံရသူတစ်ဦးဦးသည် ဥပဒေနှင့်အညီ ခုခံချေပခွင့်ရှိစေရမည်။

    ၃၇၆။ နိုင်ငံတော်လုံခြုံရေး၊ တရားဥပဒေစိုးမိုးရေး၊ အများပြည်သူအေးချမ်းသာယာရေးနှင့် အများပြည်သူအကျိုးငှာ ဥပဒေနှင့်အညီ ကြိုတင်ကာကွယ်ထားရှိရန်လိုအပ်သောကိစ္စ သို့မဟုတ်တည်ဆဲဥပဒေတစ်ရပ်ရပ်အရ ခွင့်ပြုသည့် ကိစ္စမှတစ်ပါး စီရင်ပိုင်ခွင့်ရှိသော တရားသူကြီး၏ ချုပ်မိန့်မရရှိဘဲ မည်သူ့ကိုမျှ ၂၄ နာရီထက်ပို၍ ချုပ်နှောင်ခြင်းမပြုရ။

    ၃၇၇။ ဤအခန်း၌ ပေးအပ်ထားသော အခွင့်အရေးတစ်ရပ်ရပ်ကို ရယူလိုပါလျှင် သတ်မှတ်ချက်များနှင့်အညီ ပြည်ထောင်စု တရားလွှတ်တော်ချုပ်သို့ လျှောက်ထားပိုင်ခွင့် ရှိရမည်။

    ၃၇၈။ (က) ဤအခန်း၌ ပေးအပ်ထားသောအခွင့်အရေးများနှင့်စပ်လျဉ်း၍ လျှောက်ထား လာသည့် ကိစ္စရပ်များတွင် ပြည်ထောင်စု တရား လွှတ်တော်ချုပ်သည် အောက် ဖော်ပြပါ စာချွန်တော်အမိန့်တစ်ရပ်ရပ်ကို သင့်လျော်သည့်အတိုင်း ထုတ်ဆင့်ပေးခွင့်အာဏာရှိရမည် –
    (၁) ရှေ့တော်သွင်းစာချွန်တော်အမိန့်၊
    (၂) အာဏာပေးစာချွန်တော်အမိန့်၊
    (၃) တားမြစ်စေစာချွန်တော်အမိန့်၊
    (၄) အာဏာပိုင်မေးစာချွန်တော်အမိန့်၊
    (၅) အမှုခေါ်စာချွန်တော်အမိန့်။
    ( ခ ) ပြည်ထောင်စုတရားလွှတ်တော်ချုပ်သို့ အပ်နှင်းသည့်စာချွန်တော်အမိန့်များ ထုတ်ဆင့်ခွင့်အာဏာသည် အခြားတရားရုံးများအား တည်ဆဲဥပဒေများအရ အပ်နှင်းထားသည့် စာချွန်တော်အမိန့်သဘောမျိုးသက်ရောက်သည့် အမိန့်ထုတ်ဆင့်ပိုင်ခွင့်အာဏာကို မထိခိုက်စေရ။

    ၃၇၉။ အောက်ဖော်ပြပါ အခြေအနေတစ်ရပ်ရပ်ပေါ်ပေါက်ချိန်တွင် အများပြည်သူလုံခြုံရေး အတွက် လိုအပ်သည့် ကိစ္စမှတစ်ပါး ပုဒ်မ ၃၇၇ ပါ အခွင့်အရေးများတောင်းခံပိုင်ခွင့်ကို ရပ်ဆိုင်းထားခြင်းမပြုရ –
    (က) စစ်မက်ဖြစ်ပွားချိန်၊
    ( ခ ) တိုင်းတစ်ပါးမှ ကျူးကျော်ဝင်ရောက်တိုက်ခိုက်ချိန်၊
    ( ဂ ) ဆူပူသောင်းကျန်းမှုများ ဖြစ်ပေါ်နေချိန်။

    ၃၈၀။ နိုင်ငံခြားတိုင်းတစ်ပါးနှင့် ဆက်ဆံသော နိုင်ငံသားတိုင်းသည် ပြည်တွင်း၌ဖြစ်စေ၊ ပြည်ပ၌ဖြစ်စေ နိုင်ငံတော်၏ ကာကွယ်စောင့်ရှောက်မှုကို တောင်းခံခွင့်ရှိသည်။

    ၃၈၁။ အောက်ဖော်ပြပါ အခြေအနေနှင့်အချိန်အခါမှတစ်ပါး နိုင်ငံသားများ၏တရားဝင် ရပိုင်ခွင့်ရှိသော နစ်နာချက်များအတွက် ဥပဒေဖြင့်သတ်မှတ်ထားသော ရယူပိုင်ခွင့်များကို ငြင်းပယ်ခြင်းမပြုရ –
    (က) တိုင်းတစ်ပါးမှ ကျူးကျော်ဝင်ရောက်တိုက်ခိုက်ချိန်၊
    ( ခ ) ဆူပူသောင်းကျန်းမှုများ ဖြစ်ပေါ်နေချိန်၊
    ( ဂ ) အရေးပေါ်အခြေအနေ ဖြစ်ပေါ်နေချိန်။

    ၃၈၂။ ကာကွယ်ရေးတပ်ဖွဲ့ဝင်များ သို့မဟုတ် ငြိမ်ဝပ်ပိပြားရေးနှင့် လုံခြုံရေးတာဝန် ထမ်းဆောင်ရသောတပ်ဖွဲ့ဝင်များအား ယင်းတို့၏ တာဝန်ဝတ္တရားများကို ကျေပွန်စွာ ထမ်းဆောင်နိုင်ရေးနှင့် စည်းကမ်းသေ၀ပ်မှုများရှိစေရေးတို့အတွက် ဤအခန်း၌ ပေးအပ်ထားသော အခွင့်အရေးများအနက် ကန့်သတ်ရန် သို့မဟုတ် ဖျက်သိမ်းရန် လိုအပ်သော အခွင့်အရေးများကို ဥပဒေပြဋ္ဌာန်း၍ ကန့်သတ်ခြင်း သို့မဟုတ် ဖျက်သိမ်းခြင်းပြုရမည်။

    ၃၈၃။ နိုင်ငံသားတိုင်းသည် အောက်ပါတို့ကို စောင့်ထိန်းရန်တာဝန်ရှိသည် –
    (က) ပြည်ထောင်စုမပြိုကွဲရေး၊
    ( ခ ) တိုင်းရင်းသားစည်းလုံးညီညွတ်မှုမပြိုကွဲရေး၊
    ( ဂ ) အချုပ်အခြာအာဏာတည်တံ့ခိုင်မြဲရေး။

    ၃၈၄။ နိုင်ငံသားတိုင်းသည် ဤဖွဲ့စည်းပုံအခြေခံဥပဒေပါ ပြဋ္ဌာန်းချက်များကို လိုက်နာစောင့်ထိန်းရန် တာဝန်ရှိသည်။

    ၃၈၅။ ပြည်ထောင်စုသမ္မတမြန်မာနိုင်ငံတော်၏ လွတ်လပ်ရေး၊ အချုပ်အခြာအာဏာနှင့် နယ်မြေတည်တံ့ခိုင်မြဲရေးတို့ကို ကာကွယ်စောင့်ရှောက်ရေးသည် နိုင်ငံသားတိုင်း၏ တာဝန်ဖြစ်သည်။

    ၃၈၆။ နိုင်ငံသားတိုင်းသည် ဥပဒေပြဋ္ဌာန်းချက်များနှင့်အညီ စစ်ပညာသင်ကြားရန်နှင့် နိုင်ငံတော်ကာကွယ်ရေးအတွက် စစ်မှုထမ်းရန်တာဝန်ရှိသည်။

    ၃၈၇။ နိုင်ငံသားတိုင်းသည် ပြည်ထောင်စုစိတ်ဓာတ်ကိုအခြေခံ၍ တိုင်းရင်းသားလူမျိုး အချင်းချင်း စည်းလုံး ညီညွတ်ရေးနှင့် ပြည်သူ တစ်ရပ်လုံးအေးချမ်းသာယာရေးတို့အတွက် ကြိုးပမ်းအားထုတ်ဆောင်ရွက်ရန် တာဝန်ရှိသည်။

    ၃၈၈။ ခေတ်မီဖွံ့ဖြိုးတိုးတက်သော နိုင်ငံတော်ကြီးပေါ်ထွန်းစေရေးသည် နိုင်ငံသားတိုင်း၏ တာဝန်ဖြစ်သည်။

    ၃၈၉။ နိုင်ငံသားတိုင်းသည် ဥပဒေအရ ပေးဆောင်ရမည့်အခွန်အကောက်များကို ပေးဆောင်ရန် တာဝန်ရှိသည်။

    ၃၉၀။ နိုင်ငံသားတိုင်းသည် အောက်ဖော်ပြပါကိစ္စရပ်များတွင် နိုင်ငံတော်အား ကူညီရန် တာဝန်ရှိသည် –
    (က) အမျိုးသားယဉ်ကျေးမှုအမွေအနှစ်ကို ထိန်းသိမ်းစောင့်ရှောက်ခြင်း၊
    (ခ) သဘာဝပတ်ဝန်းကျင်ကို ထိန်းသိမ်းစောင့်ရှောက်ခြင်း၊
    (ဂ) လူ့စွမ်းအားအရင်းအမြစ်ဖွံ့ဖြိုးတိုးတက်ရေး မြင့်မားလာစေရန် ကြိုးပမ်းခြင်း၊
    (ဃ) အများပြည်သူပိုင်ပစ္စည်းများကို ထိန်းသိမ်းစောင့်ရှောက်ခြင်း။

  • အပြောင်းအလဲများ နှင့် ဗျူဟာမြောက်တဲ့ ဆက်သွယ်ရေး ကွန်ယက်များ

    ဖေဖော်ဝါရီ ၁၅ ၂၀၁၃
    M-Media
    တင်မင်းထွဋ်

    “နည်းပညာများကို အသုံးပြုပြီး လူထုရဲ့ စုပေါင်းအသံကို သင်  ကြားနိုင်ပါတယ်။ ပင်မစီးကြောင်းမှ ၀င်လာတဲ့ သတင်းများနဲ့ တိုက်ရိုက်အစီရင်ခံချက်များက သတင်းအချက်အလက်များကို စုစည်းနိုင်တယ်။ ဒါတွေအားလုံးကိုပေါင်းစပ်လိုက်တဲ့အခါ ဘာတွေဖြစ်ပျက်နေတယ်ဆိုတဲ့အကြောင်းကို ပိုကြီးမားတဲ့ရုပ်ပုံလွှာကြီး တခုကို ရရှိမယ်။”
    Frontline SMS မှ ကင်ဘဏ်ခ် (Ken Banks)

    large_20081126_Mumbai_attacks၂၀၀၈ မွန်ဘိုင်း အကြမ်းဖက် တိုက်ခိုက်မှုများဖြစ်ပွားချိန်တွင် မွန်ဘိုင်း မြို့ခံများက မီဒီယာများပေါ်သို့ မရောက်သေး သော သတင်းအချက်အလက်များ၊ အဖြစ်အပျက်များကို မိုဘိုင်း SMS များ ၊ မိုဘိုင်းဖုန်းကင်မရာများ အသုံးပြုကာ သတင်းအချက်အလက်များ မျှဝေခဲ့ကြသည်။ ၄င်းအပြင် Twitter ၊ Flikr ၊ MySpace နှင့် ဘလော့ရေးသားခြင်း ဘလော့ကာများ၏ ပူးပေါင်းဆောင်ရွက်မှုများကြောင့် ဒဏ်ရာရသူများနှင့် သေဆုံးမှုများကို ဖော်ထုတ်ပေးနိုင်ခဲ့ပြီး ကယ်ဆယ်ရေး လုပ်ငန်းများနှင့် သွေးလှူဒါန်းမှုများ ကဲ့သို့သော အသေးစား လိုအပ်ချက်များကိုပါ ကူညီပေးနိုင်ခဲ့ကြသည်။

    ၂၀၀၈ခုနှစ် မေလ ၂ရက်နေ့နှင့် ၃ရက်နေ့ တွင် မြန်မာနိုင်ငံတွင် ဖြစ်ပွားခဲ့သော myanmarနာဂစ်မုန်တိုင်းကြီးတွင် လူပေါင်း တစ်သိန်း သုံးသောင်းကျော် သေဆုံးခဲ့ပြီး ထောင်ပေါင်း များစွာ ပျောက်ဆုံးခဲ့သည်။ မုန်တိုင်းများ ဖြစ်ပွားပြီး ရက်အတန်အကြာ အထိ ဆက်သွယ်ရေး ညံ့ဖျင်းမှု မိုဘိုင်းဖုန်းများ၏ အဆမတန် ဈေးနူန်းကြီးမြင့်မှုများကြောင့် ကူညီကယ်ဆယ်ရေး လုပ်ငန်းများတွင် အခက်ခဲများစွာ ကြုံတွေ့ခဲ့ရပြီး လူပေါင်းများစွာလည်း အသက်မသေသင့်ဘဲ သေဆုံးခဲ့ကြရသည်။ ထိုအချိန်ကာလက အင်တာနက်လိုင်းများ စိစစ်ပိတ်ပင်မှုများနှင့် အဆမတန်ဈေးနှုန်း ကြီးမြင့်မှုများကြောင့်လည်း သတင်းအချက်အလက်များ အချိန်နှင့် တပြေးညီမသိရခြင်း ၊ သတင်းအမှန် အခြေအနေအမှန်များကို လူအများစု မသိရခြင်း ကူညီ ကယ်ဆယ်ရေးဆောင်ရွက်ရာတွင်လည်း အခက်အခဲပေါင်းများစွာ ကြုံတွေ့ရင်ဆိုင်ခဲ့ကြရသည်။

    madagascar_map2၂၀၀၉ခုနှစ် MADAGSCAR နိုင်ငံ၏ အစိုးရဆန့်ကျင်မှု ဆန္ဒပြပွဲများတွင် စစ်တပ်နဲ့  ရဲ များ၏ အကြမ်းဖက်နှိမ်နင်းမှုများကို နိုင်ငံသားများက Foko – MADAGSCAR  သို့ SMS များ သတင်းစကား ဓါတ်ပုံများပေးပို့ခဲ့ကြသည်။ ဒေသခံဘလော့ဂါများက တိကျမှန်ကန်မှုရှိ မရှိ စိစစ်ပေးခဲ့ကြပြီး အစီအရင်ခံချက်များကို အွန်လိုင်းမြေပုံတစ်ချက် ထုတ်ပြန်ပေးခဲ့ကြသည်။ Foko ရဲ့  ၀ဘက်ဆိုဒ်ဟာ ပြည်သူတွေကို အန္တရယ်ရှိတဲ့နေရာများကို သတိပေးခြင်းနဲ့  ထုံးတမ်းစဉ်လာမီဒီယာများထက် ပိုမိုပြည့်စုံတဲ့ သတင်းအချက်အလက်များ ပေးခဲ့ပါတယ်။ Facebook ၊ Ushahidi ၊ Twitter ၊ Blog များနှင့် လက်ကိုင်ဖုန်းများကို အသုံးချ လုပ်ဆောင်သွားခဲ့ကြသည်။ အင်တာနက်အလှမ်းအလွန်တရာဝေးကွာ ချိန်များတွင် မိုဘိုင်းဖုန်းများ၏ အခန်းဏ္ဍသည် အလွန်မသေးလှသည်ကို တွေ့ရပေသည်။

    ၂၀၀၇ခုနှစ် မြန်မာနိုင်ငံတွင် ဖြစ်ပွားခဲ့သော ရွှေဝါရောင်ဆန္ဒပြပွဲကြီးတွင် အကြမ်းဖက်နှိမ်နှင်းမှုများ 11ပြုလုပ်ချိန်များတွင် မိုဘိုင်းဖုန်းများ သုံးမရအောင် ပြတ်တောက်လိုက်ခြင်း၊ အင်တာနက်လိုင်းများ ဆက်သွယ်မှု ဖြတ်တောက်ကာ မျက်ခြေပျက်မှုများပြုလုပ်ခဲ့သလို ဘလော့ဂ်များ ၊ ဘလော့ဂါများ ၊ရေးသားသူများကိုပါ ကျော့ကွင်း သဖွယ် ပြငှန်းခဲ့သော အီလက်ထရောနစ် ဆက်သွယ်ရေးဥပဒေဖြင့် လူငယ် အများအပြားနှင့် တက်ကြွလှုပ်ရှားသူ အများအပြားကို ထောင်နန်းစံစေခဲ့သည်။ (ယင်း မျှတမှုမရှိ လူ့အခွင့်အရေး ကင်းမဲ့သော ဥပဒေကို ပြင်ဆင်သင့်နေပြီ ဖြစ်သည်။) အင်တာနက် စိစစ်ဖြတ်တောက်မှုများ အလွန်တင်းကြပ်သော ကာလလည်း ဖြစ်ခဲ့သည်။ မိုဘိုင်း သိပ်သည်းဆသည်လည်း တစ်နိုင်ငံလုံး အတိုင်းအတာနှင့် နှိုင်းယှဉ်ကြည့်ပါက ရန်ကုန်နှင့် မန္တလေး မြို့ကြီး နှစ်မြို့တွင်သာ အများဆုံးရှိခဲ့ပြီး။ ဒေသတော်တော်များတွင် ဆက်သွယ်ရေး ကွန်ယက်မရှိသည့် မြို့များက ပိုမို များပြားခဲ့သည်ကို လေ့လာတွေ့ရှိရသည်။

    ပြည်သူက ပူးပေါင်းသတင်းပို့ခြင်း (Citizen Reporting) ဟာ နယ်ပယ်တော်တော်များမှာ အလုပ်ဖြစ်နိုင်ပါတယ်။ ပြည်သူက ပြည်သူ့ကို သတင်းဖြန့်ဝေခြင်းဆိုတဲ့ Sharing လုပ်ဆောင်နိုင်တဲ့ ကွန်ယက်များဟာ အလွန်အသုံးဝင်လာသလို သတင်းဋ္ဌာနများထက်လည်း စောလျင်စွာ ရာက်ရှိတတ်ပါတယ်။ စိစစ်မှုမရှိသည့်အတွက် ဟုတ်သလော မဟုတ်သလောဆိုတာထက် သတင်းအစောလျင်စွာ ရောက်ရှိလာခြင်းဟာ စိတ်ဝင်စားမှုနဲ့ သတင်းထောက်များ ခြေရာခံဖို့ရာ လမ်းကြောင်းကိုလည်း တွေ့နိုင်လာပါတယ်။

    အိန္ဒိယတွင် Twitter အသုံးပြုသူတွေဟာ သူတို့လက်ကိုင်ဖုန်းများက တဆင့် ကမ္ဘာနှင့်အ၀ှမ်း အခြား Twitter သုံးသူများမရနိုင်တဲ့ ကုဒ်တို(Short code) ကို သုံးပြီး နောက်ဆုံးဖြစ်ရပ်တွေကို တင်ပို့နိုင်ခဲ့ကြပါတယ်။ ဒါဟာအောင်မြင်မှုတစ်ရပ်ပါ။

    မိုဘိုင်းနှင့် လူမှု့ကွန်ယက်များက ဘာတွေကို စွမ်းဆောင်ပေးသလဲ

    ဆန္ဒပြပွဲများ ၊ သဘာဝဘေးဒုက္ခများနှင့် အဓိကရုဏ်များလို  အရေးကိစ္စတွေမှာ သတင်းစောလျင်စွာ ရရှိဖို့နှင့် အာရုံစိုက်မှုကို ရယူဖို့ လက်ကိုင်ဖုန်းဖြင့်သတင်းပေးပို့ခြင်း (SMS) ကို သုံးစွဲနိုင်ပါတယ်။ (မြန်မာနိုင်ငံ တွင် မိုဘိုင်းများတွင် မြန်မာစနစ်ဖြင့် အပြန်အလှန် ပေးပို့နိုင်သည့် apps များ အများအပြားပေါ်ပေါက်နေပြီဖြစ်သည်။) လက်ကိုင်ဖုန်းတွေကို အသုံးပြု၍ စာသား သတင်းပို့လွှာများ ၊ ဓါတ်ပုံများဖြင့် အပြန်အလှန်ပေးပို့နိုင်သည့်အပြင် သတင်းပို့ချက်များကို ၀ဘက်ဆိုဒ်များ (သို့) ၀ဘက်ဆိုဒ်ကြည့်ရူနိုင်တဲ့ မိုဘိုင်းများ သုံးပြီးဝေမျှနိုင်ပါတယ်။

    22

    တိုက်ရိုက်သတင်းပေးပို့ခြင်းဟာ ဆန္ဒပြပွဲ (သို့) လှုပ်ရှားမူတခုအတွင်း ထောက်ခံမှုများကို လုံခြုံစွာ ထိန်းထားနိုင်ပါတယ်။ ဒီအတွက် အများဆုံး အသုံးပြုကျတာကတော့  Twitter နဲ့ှQik.com ဆိုတဲ့ လက်ကိုင်ဖုန်း ဗီဒီယို ပရိုဂရမ်တခု ရှိပါတယ်။ ဒါတွေကို အသုံးပြုပြီး ဘယ်သူတော့ဖြင့် ဖမ်းဆီးချုပ်နှောင်ခြင်းခံနေရပြီ ဘယ်သူကတော့ ထိခိုက်ဒဏ်ရာရပြီ စသည်ဖြင့် နောက်ဆုံးသတင်းများကို မိမိတို့ကိုယ်တိုင် စာသားတွေနဲ့  မိုဘိုင်း ဗီဒီယိုများကို ကမ္ဘာအနှံ့ က လူတွေကို ဒီသတင်းဆီ အာရုံစိုက်လာအောင် ဆောင်ရွက်နိုင်ပါတယ်။

    33မီဒီယာက ရောက်ရှိခြင်းမရှိသေးသော၊ သတင်းထောက်များ ၀င်ရောက်ခွင့် စိစစ်တားဆီးထားခြင်း အခြေအနေများတွင် ဒေသခံများဟာ Facebook ၊Twitter ၊ Ushahidi လိုမျိုး ကွန်ယက် အများအပြားကို သုံးပြီး တိုက်ရိုက် အစီရင်ခံနိုင်ပါတယ်။ လုပ်ဆောင်သူအနေနဲ့  အင်တာနက်လိုင်း မရှိခြင်း ၊ လူသိခံရခြင်း ၊ အန္တရယ်များမယ်ထင်ရင် ဖြစ်ပွားနေသော ဧရိယာပြင်ပက တယောက်ယောက်ဆီ စာသားသတင်းလွှာများ (Text SMS) များ ပို့ပြီး အွန်လိုင်းမှာ လူသိရှင်ကြားထုတ်ပြန်ပေးဖို့ ဆောင်ရွက်နိုင်ပါတယ်။ blip.tv နဲ့  Witness Hub လို လူ့အခွင့်အရေးအတွက် ဗီဒီယိုတွေသီးသန့်တင်တဲ့ ၀ဘက်ဆိုဒ်တွေမှာလည်း တင်ပို့ နိုင်ကြပါတယ်။

    မြန်ဆန်တဲ့ အင်တာနက် ကော်နက်ရှင် ရှိမယ်ဆိုရင်တော့ အင်တာနက်အသုံးပြုနိုင်တဲ့ မိုဘိုင်းဖုန်း၊ တက်ဘလက်များ ၊  lattop များတွင် ပါရှိသော webcan (ဗီဒီယိုကင်မရာအသေးစား) များကို သုံးပြီး Ustream.tv (သို့) livestream.com ကဲ့သို့သော တိုက်ရိုက်ထုတ်လွှင့်လို့ရတဲ့ ဗီဒီယိုများဖြင့် အင်တာနက်ပေါ် တိုက်ရိုက်လွှင့်တင် ပေးပို့နိုင်ကြမှာပါ။

    ဒါ့အပြင် လူတွေအနေနဲ့  ဓါတ်ပုံများ၊ ရိုက်ကူးထားတဲ့ ဗီဒီယိုများ ၊ မှတ်တမ်း အချက်အလက်များကို သိမ်းဆည်းခံရခြင်း၊ အဖမ်းဆီးခံရခြင်းတို့ကို စိုးရိမ်ပါက မိမိတို့ပေးပို့တဲ့ အချက်အလက်များကို ကွန်ယက်များသို့အလျင်အမြန် ဝေမျှခြင်း၊ အခြားသူတွေနဲ့  ဖုန်းအချင်းချင်းဖိုင်တွေ လွှဲထားခြင်း ၊ MMS (မာလ်တီမီဒီယာမက်ဆေ့ခ်ျများ) (သို့) အီးမေးလ်များမှ တဆင့် ဝေးမျှထားပြီး တစ်ပြိုင်နက် မိမိတို့ဆီက အချက်အလက်များကို ဖျက်ဆီးထားနိုင်ပါတယ်။

    မှတ်ချက် ။     ။   MMS (မာလ်တီမီဒီယာမက်ဆေ့ခ်ျ) ဆိုသည်မှာ မိုဘိုင်းကွန်ယက်ကိုအခြေခံကာ ဓါတ်ပုံ ၊ ရုပ်သံ၊ စာသားများကို ပေးပို့နိုင်သည့် SMS အမျိုးအစားတစ်မျိုးပင်ဖြစ်ပြီး။ မြန်မာနိုင်ငံတွင် ယနေ့အချိန်ထိ အများစုကို အသုံးပြုခွင့် မပေးသေးသော စနစ် တစ်ခုဖြစ်သည်။

    အင်တာနက်မရှိသောနေရာက စာတိုဖြင့် သတင်းဖြန့်ဖြူးခြင်း

    Frontline SMS (http://www.frontlinesms.com)  ဟာ အင်တာနက်ကော်နက်ရှင်မရှိပဲနဲ့ တောင် လူအများအပြားကို ဆက်သွယ်ရေးအတွက် အထောက်အကူဖြစ်စေပါတယ်။ လှုပ်ရှားဆောင်ရွက်သူများဟာ Frontline SMS ကို အသုံးပြုပြီး သူတို့ရဲ lattop ကွန်ပျူတာများမှတဆင့် အင်တာနက်မရှိသောနေရာများ မိုဘိုင်းဖုန်းများဆီသို့ စာသားသတင်းလွှာ SMS များဖြင့် ပေးပို့ပြီး လက်ခံရရှိသူများကလည်း အပြန်အလှန်ပေးပို့ ဆောင်ရွက်နေကြပါတယ်။ လှုံ့ဆော်လှုပ်ရှားသူများဟာ လူ့အခွင့်အရေးစောင့်ကြည့်ခြင်း၊ ဆန္ဒပြပွဲများ စီစဉ်ခြင်း၊ လူထုဆန္ဒများလေ့လာခြင်းနှင့် အရေးပေါ် သတိပေးချက်များ (သဘာဝဘေးအန္တရယ်များအပါအ၀င်) အတွက် Frontline SMS ကိုအသုံးပြုခဲ့ကြပါသည်။

    44

    “Facebook, Twitter, Myspace, Blogများ စသည်ဖြင့် ကဏ္ဍမျိုးစုံနှင့် ကွန်ယက်ပေါ်မှာ ကျွန်တော်တို့ အချိန်ပေးတည်ဆောက်ခဲ့ရတဲ့ အသိုင်းအ၀န်းတွေ ရှိပါတယ်။ ဒါတွေကို အသုံးပြုပြီး အွန်လိုင်း အသိုင်းအ၀န်းမှာ အားလုံးနဲ့  ချိတ်ဆက်နိုင်ပါတယ်။ ဒါ့အပြင် ချိတ်ဆက်မှုရှိပြီးသား လူအများရဲ့ မဏ္ဍိုင်အဖြစ်လည်း တည်ရှိနိုင်ပါတယ်။ ဒါကြောင့် တခုခုဖြစ်လာပြီး ၊ တုံ့ပြန်ဖို့ လိုအပ်လာပြီဆိုရင်လည်း  ဖန်တီးပြီးသား အချိတ်အဆက်များမှတဆင့် ကွန်ယက်ပေါ်မှာ ခြေရာလက်ရာချန်ခဲ့ရုံနဲ့  အွန်လိုင်းပေါ်မှာ ရှိပြီးသားအသိုင်းအ၀န်းများကို အလိုအလျောက် စည်းရုံးပြီးသားဖြစ်တယ်။’’      လို့ နည်းပညာသုတေသီ  Dina Mehta က ဆိုပါတယ်။

    မှန်ပေသည်။ ယနေ့လူ့အဖွဲ့အစည်းတွင် သတင်းသိုဝှက်မှုကို ဖုံးကွယ်ထားလို့မရတော့ပေ။ ကမ္ဘာသည် ရွာတစ်ရွာထက် ပိုမိုကျဉ်းမြောင်းနေပြီ ဖြစ်သည်။ ရခိုင် ပဋိပက္ခအရေးတွင် ကွန်ယက်မီဒီယာများကြောင့် ဆိုးရွားသွားသည်များရှိခဲ့သလို ကောင်းကျိုးများလည်း ရရှိခဲ့သည်ဟု ဆိုရပေမည်။ အနိမ့်ဆုံးတော့ ဘက်နှစ်ဖက်စလုံးမှ အမြင်များ အဖြစ်အပျက်များ ကို ကြားနေလေ့လာသူများ ပိုမိုပွင့်လင်းစွာ သိမြင်လိုက်ရသည်။ မြန်မာနိုင်ငံအနေဖြင့် အင်တာနက်သုံးစွဲမှုနှုန်းသည်  ၂၀၀၁၂-၂၀၁၃တွင် မြို့ကြီးပြကြီးများတွင် တိုးတက်မှုနှုန်း သိသာများပြားလာသော်လည်း မိုဘိုင်းဆက်သွယ်ရေးကဏ္ဍတွင်တော့ အလွန်နည်းပါးနေပြီး ကျေးလက်များအထိ ရောက်ရှိပြန်နှံ့ ဖို့လိုအပ်နေပေသည်။

    ပွင့်လင်းမြင်သာသော လူ့အဖွဲ့အစည်းကို တည်ထောင်ချင်သည်ဆိုသော အစိုးအရနေဖြင့် ပထမဦးစွာ ပွင့်လင်းမြင်သာသော အစိုးရဖြစ်ဖို့လိုအပ်နေသည်။ ဆက်သွယ်ရေးကဏ္ဍ၏အရူပ်အထွေး အဝေ မတည့်မှုများထက် တိုင်းပြည်အတွင်းရှိနေသော လူအများ၏  သာယာဝပြောရေးကိုသာ ဦးစားပေး သင့်ပေသည်။ ခေတ်အဆက်ဆက် သတင်းအမှောင်ချနည်းစနစ်များအတိုင်း ဆက်လက် ကျင့်သုံးဖို့ကိုတော့ ယနေ့ခေတ်တွင် မလွယ်ကူတော့ပေ။ လွန်ခဲ့သော ၁၀နှစ်တာကာလအတွင်းမှာပင် သတင်းဖန်တီးမှုများ ပြောင်းလဲလာခဲ့ပေသည်။ လူမှုအသိုင်းအ၀န်းကိုယ်တိုင် ဖန်တီးဝေမျှခံစားကာ ကိုယ်တိုင်သတင်းလောကကို ရောက်ရှိနေကြပြီဖြစ်သည်။

    မကြာမီ မြန်မာနိုင်ငံ၏ ဆက်သွယ်ရေးကဏ္ဍတွင် အပြောင်းအလဲများတော့ ကျိန်းသေဖြစ်တော့မည်ဖြစ်သည်။ မည်သို့ပင် ပိတ်ဆို့ထားစေကာမှု ထွက်ပေါက်တစ်စုံတစ်ရာသည် ရှိစမြဲ ဖြစ်သည်။ အင်တာနက်လိုင်းများမရနိုင်သေးသော ကျေးလက်များတွင် တိုးတက်များပြားလာသော မိုဘိုင်းကွန်ယက်များကို အသုံးချကာ လိုအပ်သည့်နေရာများတွင် အသုံးတည့်စေရန် စဉ်စားထားဖို့လိုအပ်နေပြီဖြစ်သည်။ အိန္ဒိယ၊ ဘင်္ဂလားဒေရှ် ၊ တရုတ်၊ အာဖရိကနိုင်ငံအများအပြားတွင် မိုဘိုင်းဖုန်းများ အသုံးပြုကာ ကျေးလက်နေပြည်သူများ ငွေလွှဲ၊ ငွေပို့  ၊ သီးနှံဈေးနှုန်း၊ သတင်းအခြေအနေများကို အသုံးပြုတိုးတက်နေသည့် သာဓကများကို မြန်မာနိုင်ငံ၏ တိုးတက်ပြောင်းလဲရေးတွင် အသုံးချရမည် ဖြစ်သည်။

    မည်သို့ပင်ဆိုကာမူ အိန္ဒိယနှင့် တရုတ်နိုင်ငံများ အပါအ၀င် ဆင်းရဲမွဲတေသော အာဖရိကနိုင်ငံအများစုတွင်ပင် မိုဘိုင်းဖုန်းများကို တွင်ကျယ်စွာဖြင့် အသုံးပြုခွင့်ပေးခဲ့ခြင်းသည် နိုင်ငံသားများ၏ တိုးတက်မှုနှင့် သတင်းအလင်းရောင် ကို တစ်စုံတစ်ရာပေးနေသည်မှာ ငြင်းမရသော သက်သေများပင်ဖြစ်ပေတော့သည်။

    တင်မင်းထွဋ်

     

    အောက်ပါတို့မှ ဆီလျော်အောင် ပြန်ဆိုကာ သုံးသပ်ရေးသားဖေါ်ပြပါသည်။

    http://bit.ly/Tiyzh
    http://bit.ly/Qzvvm
    www.frontlinesms.com
    http://www.ushahidi.com   နှင့် တိုက်ရိုက်အစီရင်ခံပါ စာတမ်းငယ်

  • အတူမနေရင် တသီးတခြားနေပေါ့။

    အတူမနေရင် တသီးတခြားနေပေါ့။

    ဖေဖော်ဝါရီ ၁၄ ၂၀၁၃
    M-Media
    ညီမောင်ပုံဖော်ကြည့်သည်။

    ကမ္ဘာ့မြေပုံကိုကြည့်၊ သေချာကြည့်၊ ခွဲခြမ်းစိတ်ဖျာကြည့်၊ နိုင်ငံစုံကို တွေ့ရမှာမဟုတ်လား။ ဗဟုသုတမရှိဘဲနှင့်တော့ မကြည့်လေနှင့်။ အမှားအယွင်းရှိသွားနိုင်တယ်လေ။ ဘာသာတစ်မျိုးတည်းသာရှိတယ်ဆိုတဲ့နိုင်ငံ ဘယ်နှစ်နိုင်ငံတွေ့လဲ? လူမျိုးတစ်မျိုးတည်းသာ နေထိုင်တယ်ဆိုတဲ့နိုင်ငံ ဘယ်နှစ်နိုင်ငံတွေ့သလဲ? ဒါဖြင့် ဘာတွေလဲ? အမှန်အတိုင်း ပြောရမယ်နော်၊ အရှိကို အရှိအတိုင်း မြင်ရမယ်နော်။ အမြင်မသွေစေနှင့်လေ။ အမှန်ကို အမှန်အတိုင်း ပြောရမယ်နော်။ အမှန်အတိုင်းပြောမှသာ အများက လက်ခံလေမပေါ့။ အမှန်ကို အမှန်အတိုင်းမပြောသူကို ဘယ်လို သတ်မှတ်ရမလဲ?

    လူမျိုးဆိုတာ အစုအဝေးနှင့် နေကြရတယ်။ အဲဒီနိုင်ငံတွေမှာ မတူသူတွေ ဘယ်လိုနေထိုင်ကြသလဲ။ လူဆိုတာမျိုးဟာ တစ်ဦးနှင်တစ်ဦး အားလုံး စိတ်တူကိုယ်တူဖြစ်ဖို့ဆိုတာ အင်မတန်မှ ခဲယဉ်းလှပါတယ်။ တစ်အူတုံဆင်း ညီရင်းအစ်ကိုမောင်နှမတွေပင် သင့်တင့်မှုရှိတယ်ဆိုတာ ရှာမှရှားပဲ။ ဒါဖြင့် ဘယ်လိုနေထိုင်ကြမလဲ? မတည့်ပေမဲ့ အတူနေကြတာပဲဖြစ်ဖြစ်၊ တသီးတခြားနေတာပဲဖြစ်ဖြစ် အဆင်ပြေအောင်တော့ နေကြရတာပဲမဟုတ်လား။ အဆင်ပြေမှုကို ရှာကြံရတာပဲမဟုတ်လား။ ရန်သူဖြစ်အောင်လုပ်လို့ကတော့ အကျိုးတရားရယ်လုိ့ ဖြစ်လာမှာမဟုတ်ဘူး။ အမုန်းတရားတွေသာ များလာမယ်ဆိုရင် နေရထိုင်ရ ကျဉ်းကြပ်လာမှာပေါ့။ နှစ်ဖက်စလုံး ထိခိုက်ကြရမှာပေါ့။

    ဒါကြောင့် တစ်ယူမသန်ဖို့လိုတယ်။ တဇောက်ကန်းဟာ ဘယ်နေရာမှ အသုံးမတည့်ဘူး။ ဒီလိုလူမျိုးတွေဟာ ပညာမဲ့တွေ၊ ငတုံးတွေ၊ အစွန်းရောက်တွေ၊ တာလီဘန်၊ အလ်ကိုင်ဒါတွေဟာ အစွန်းရောက်တွလို့ စွပ်စွဲကြတယ်။ မှန်သင့်သလောက်တော့ မှန်ပါတယ်။ အငြင်းမပွားလိုပါဘူး။ တာလီဘန်သတ်တာဟာ တစ်ကြိမ်တစ်ကြိမ်မှာ တစ်ရာကျော်လောက်မရှိပါဘူး။ ဒါဖြင့်ရင် နာဇီတွေက ဂျူးခြောက်သန်းသတ်တယ်။ ကမ္ဘောဒီးယားက မိမိပြည်သူတွေ သုံးသန်းကျော်လောက်သက်တယ်။ အာဖရိကမှာ Hutu နှင့် Tutsi တို့ အပြန်အလှန် မျိုးဖြုတ်သတ်ကြတာဟာ နှစ်သန်းလောက်ရှိတယ်။ ရုရှားက ချေချင်းညှာ လူဦးရေရဲ့ ထက်ဝက် သန်းကျော်သတ်တယ်။ သတ်တဲ့လူတွေဟာ မွတ်စလင်မ်တွေ မဟုတ်ကြဘူး။ ဒါကို အမြင်ရှင်းရှင်းနဲ့ မြင်တတ်ဖို့လိုတယ်။ ဓမ္မဓိဌာန် ကျကျ တွေးတတ်ဖို့လိုတယ်။ လူသတ်မှုကျူးလွန်တယ်ဆိုတာ ကျူးလွန်သူနှင့်သာ သက်ဆိုင်တယ်။ ကျူးလွန်သူဟာ ဘယ်ဘာသာဝင်၊ ဘယ်လူမျိုးဖြစ်တယ်ဆိုတာ အကြောင်းအရင်းခံမဟုတ်ဘူး။ လူတစ်ဦးကျူးလွန်တာကို တစ်နွယ်ငင် တစ်စင်ပါတယ်လို့  ခပ်နိမ့်နိမ့်အတွေးအခေါ်မျိုးနှင့်သာ သတ်မှတ်နေမယ်ဆိုရင်တော့ မီးခိုးမဆုံး ဖြစ်နေတော့မှာပဲမဟုတ်လား? ကျူးလွန်သူနဲ့ ဘာမှမပက်သက်သူက ဘာကိုတာဝန်ယူရမှာလဲ။ ဘယ်လိုများတာဝန်ရှိနေမှာလဲ?

    ကမ္ဘာ့ကုလသမဂ္ဂက (၁၀၊ ၁၂၊ ၁၉၄၈) ရက်နေ့မှာ “အပြည်ပြည်ဆိုင်ရာ လူ့အခွင့်အရေး ကြေညာစာတမ်း” ကို ထုတ်ခဲ့တယ်။ အဲဒီကြေညာစာတမ်းအပေါ် မြန်မာနိုင်ငံကလည်း အသိအမှတ်ပြု လက်မှတ်ရေးထိုးထားပြီးဖြစ်တယ်။ အဲဒီကြေညာစာတမ်းရဲ့ အပိုဒ်(၂)မှာ “လူတိုင်းသည် လူ့အခွင့်အရေးကြေညာစာတမ်းတွင် ဖေါ်ပြထားသည့် အခွင့်အရေးအားလုံး၊ လွတ်လပ်ခွင့်အားလုံးတို့ကို ပိုင်ဆိုင်ခံစားခွင့်ရှိသည်။ လူမျိုးနွယ်အားဖြင့် ဖြစ်စေ၊ အသားအရောင်အားဖြင့်ဖြစ်စေ၊ ကျား မ သဘာဝအားဖြင့်ဖြစ်စေ၊ ဘာသာစကားအားဖြင့်ဖြစ်စေ၊ ကိုးကွယ်သည့် ဘာသာအားဖြင့် ဖြစ်စေ၊ နိုင်ငံရေးယူဆချက် (သို့တည်းမဟုတ်) လူမှုအဆင့်အတန်းနှင့်ဆိုင်သော ဇစ်မြစ်အားဖြင့် ဖြစ်စေ၊ ပစ္စည်းဥစ္စာ ဂုဏ်အားဖြင့်ဖြစ်စေ၊ မျိုးရိုးဇာတိအားဖြင့်ဖြစ်စေ၊ အခြား အဆင့်အတန်းအားဖြင့်ဖြစ်စေ ခွဲခြားခြင်း မရှိစေရ” ဟု ဖော်ပြထားပါတယ်။

    ဘယ်လောက်မျှတတဲ့ ကြေညာစာတမ်းလဲ။ အများကိုဖြစ်စေ၊ တစ်ဦးချင်းကိုဖြစ်စေ နစ်နာစေရန်အတွက် ဘာမှမပါ။ ဒီကြေညာစာတမ်းအတိုင်း တစ်သဝေမတိမ်း လိုက်နာဆောင်ရွက်ကြမယ်ဆိုရင် နိုင်ငံတစ်နိုင်ငံကို မဆိုထားဘိ။ တစ်ကမ္ဘာလုံး ငြိမ်းငြိမ်းချမ်းချမ်း ဖြစ်နေမှာမဟုတ်လား။ သို့ပေမဲ့လို့ ဒီကြေညာစာတမ်းအတိုင်း မဆောင်ရွက်ကြလို့ စစ်ဖြစ်ကြ၊ ပဋိပက္ခဖြစ်ကြ၊ စိတ်ဝမ်းကွဲကြ အတောမသတ်နိုင်ကြပါတကား။ လူသားဆိုတာ အခြားလူသားတစ်ဦးကို မိမိလိုပဲ လူသားတစ်ဦးဖြစ်ပါလားဆိုတဲ့ အသိအမြင် ဦးစွာရှိရပါမယ်။ ဒီထက် တစ်လှမ်းတိုးပြီး တခြားတစ်ဦးကို လူ့ကျင့်ဝတ်အတိုင်း ကျင့်ကြံမယ်ဆိုရင် ပဋိပက္ခဆိုတာ ရှိနိုင်ပါတော့မလား။ ဆင်ခြင်ဖွယ်၊ မှတ်သားဖွယ်၊ သုံးသပ်ဖွယ်။

    ၂၀၀၈ခုနှစ် မြန်မာနိုင်ငံဖွဲ့စည်းပုံအခြေခံဥပဒေ အခန်း(၁၀)၌ နိုင်ငံသားများ၏ အခွင့်အရေးနှင့် ပက်သက်၍ ပြဌာန်းထားပါတယ်။ ဖွဲ့စည်းပုံ ဥပဒေတွင်ပါရှိသော ပြဌာန်းချက်များမှာ နိုင်ငံသားအားလုံးအတွက်ရည်ရွယ်ပြီး ပြဌာန်းထားခြင်းဖြစ်ရာ နိုင်ငံသားအားလုံးသည် ဖွဲ့စည်းပုံပါ ပြဌာန်းချက် အတိုင်း ရပိုင်ခွင့်များ ရရှိမည်ဆိုပါက အတိုင်းထက်အလွန် ၀မ်းသာပီတိ ဖြစ်ရမည်သာ။ နိုင်ငံသားတစ်ဦးသည် ဖွဲ့စည်းပုံဥပဒေပါ ပြဌာန်းချက်နှင့်အညီ အခွင့်အရေးများကို ရပိုင်ခွင့် ရရှိရမည်မှာ အငြင်းပွားစရာပင်မလိုပါ။ မိမိရပိုင်ခွင့်ကို အပြည့်အ၀တောင်းဆို ပိုင်ခွင့်ရှိပါသည်။ မိမိအခွင့်ရေးကို တရားသဖြင့်တောင်းဆိုရာတွင် အခြားသူတစ်ဦး၏ အခွင့်အရေးကို ထိခိုက်လာမည်ဆိုပါက ဖွဲ့စည်းပုံအတိုင်း တောင်းဆိုခြင်း မဖြစ်နိုင်တော့ပါ။ ဥပဒေကိုကျော်လွန်၍ တောင်းဆိုခြင်းဖြစ်သဖြင့် တောင်းဆိုချက်သည် လျော်ကန်ညီညွတ် မျှတသည်ဟု ပြောဆို၍ မရနိုင်တော့ပါ။ ဆင်ဆင်ခြင်ခြင်နှင့် သတိထားရမည့် အချက်ဖြစ်ပါတယ်။ တစ်ဖက်သူအနေဖြင့် တရားသဖြင့် ရပိုင်ခွင့်ကို ပြောဆို၊ ကန့်ကွက် တင်ပြနေသူများသည် တစ်ယူသန်ဝါဒသမားများသာ ဖြစ်ပေမည်။ အမှန်တရားကို ရှာဖွေသူ မဖြစ်နိုင်တော့ပါ။

    ရခိုင်ပြည်နယ်ကိုကြည့်၊ ရခိုင်ရောဂါစလို့ ပျက်စီးခြင်းငါးပါးတိုင်ခဲ့ပြီ။ ဒုက္ခသည်စခန်းကို သိန်းနဲ့ချီလို့ ရောက်ကြရပြီ။ အမှတ်ရှိသလား။ မရှိဘူး။ တစ်ယူသန်စိတ်ကို မဖျောက်နိုင်သေး။ အမြင်ကျဉ်းလို့ကတော့ လုပ်စားမရဘူးသာမှတ်။ ရခိုင်ပြည်နယ်မှာ ရခိုင် တစ်မျိုးတည်းသာနေမယ်ဆိုတဲ့ စိတ်ဓာတ် ဖြစ်နိုင်ပါ့မလား။ သမိုင်းအထောက်အထားတွေကို နောက်ကြောင်းပြန်လှည့်ပြီး စဉ်းစားဝေဖန်ကြည့်စမ်း။ အရှိကိုအရှိအတိုင်း ပြောနိုင်ရမယ်လေ။ ရခိုင် တစ်မျိုးတည်းသာ နေခဲ့တာဆိုလို့ ဘယ်သမိုင်းမှာမှ မရှိဘူး။ ပြောရဲလား။ စိန်ခေါ်တယ်။ တိမ်ပေါ် တက်ကြမလား? သမိုင်းကို လိမ်ချင်သလား။ လိမ်လို့ရောရမတဲ့လား။ သမိုင်းအထောက်အထားတွေကို နောက်ကြောင်းပြန်လှည့်ပြီး စဉ်းစားဝေဖန်ကြည့်စမ်း။ သမိုင်းကိုမသိရင် ငအပဲဖြစ်ပေမပေါ့။ သိသိကြီးနှင့် လိမ်နေတဲ့သူတွေကို ဘယ်လိုသတ်မှတ်ရမလဲ။ အရှိတရား အမှန်တရားဆိုတာ ငြင်းပယ်လို့ မသင့်တော်ပါဘူးဗျာ။

    တစ်ဖက်သက် မျက်ကန်းမျိုးချစ်ဝါဒကိုပဲ စွဲကိုင်ခဲ့လို့။ ကျင့်သုံးခဲ့လို့ ရခိုင်ပြည်နယ်က အဖတ်ဆယ်လို့မရအောင် ပျက်စီးခဲ့ရပြီ။ ဒါတောင် အမှတ်မရှိသေး။ တစ်ယူသန်နေတုန်း။ တစ်ဖက်သတ်ပြောတုန်း။ သူများမြှောက်ပေးတာလုပ်တုန်း။ မြှောက်ပေးတဲ့သူတွေက ဘာမှမဖြစ်၊ ကိုယ်သာသေရ၊ စားရမဲ့၊ သောက်ရမဲ့ဖြစ်ရေ။ မြှောက်ပေးတဲ့သူတွေက မြှောက်ပေးဖို့လောက်ပဲ ကျွမ်းကျင်ကြတာ။ အမြှောက်ခံရသူတွေ ဒုက္ခ၊ သုက္ခဖြစ်တော့ ဘယ်သူက လာပြီးကူညီလဲ။ ဖြေရှင်းပေးလဲ။ ဘာအထောက်အပံ့ပေးလဲ။ လောက၀တ်စကားလေးတောင် ပြောဖေါ်မရဘူး မဟုတ်လား။ ဒါတောင် အမှတ်မရသေး။ အင်မတန် အသိပညာနည်းလှပါလလား။ တစ်ယူသန်စိတ် ပြင်းထန်လှပါကော။

    ခုအခြေအနေမှာ ဘယ်သူကများ ထောက်ပံ့တာရှိလဲ။ လက်ချိုးရေလို့ရတယ်။ နိုင်ငံတော်ဖက်က ဘာထောက်ပံ့ကူညီတာရှိလဲ။ နတ္တိပါတကား၊ ဘာတာဝန်ယူလဲ၊ အစအနတောင် မတွေ့ရပါလား။ တာဝန်ယူဘို့ နေနေသာသာ၊ ဥပေက္ခာပြုထားတာ။ ဒါကို မဟာရခိုင်ခေါင်းဆောင်ကြီးများ မသိကြဘူးလား၊ သိပါတယ်ဗျာ။ ဒါပေမယ့် ရေလိုက်လွဲများသွားလို့ နောက်ကြောင်းပြန်မလှည့်နိုင်တော့ဘူးဗျို့။ ဒီတော့ မထူးဘူး ဆက်သွားရမှာဘဲလေ။ မဟုတ်ဘူးလား။ မထူးဇာတ်ကြီး ခင်းရုံပေါ့။ သန်းခေါင်ထက် ညဥ့်မနက်တော့ဘူး ရောက်တဲ့နေရာက ရပ်တန့်ပြီး စဉ်းစဉ်းစားစားနှင့် တွေးခေါ်မြော်မြင်တတ်ဘို့ ကြိုးစားဘို့ စိတ်ကူးတတ်ဘို့ မလိုအပ်ဘူးလား။ ဆင်ကန်းတောတိုးချည်းဘဲ လုပ်နေတော့မှာလား။ အတွေးမချော်ဘို့ လိုအပ်နေတဲ့အချိန်လေ။

    အခု အကူပေးနေတာ ဘယ်နိုင်ငံတွေလဲ။ ဘယ်နိုင်ငံတွေလဲ။ ဘယ်အဖွဲ့အစည်းလဲ။ သူတို့ပေးတာကို လက်ခံနေရပြီ မဟုတ်လား? လက်မခံလို့ကောရမတဲ့လား။ ဒါဖြင့် အခြား ဘယ်သူထောက်ပံ့တာရှိလဲ။ မာနကို ခ၀ါချရပြီကော။ လှူတာကိုတော့ လက်ခံတယ်။ ဒါတောင် ကျေးဇူးစကားမဆိုမိ။ ဘာဖြစ်လို့ ၀န်လေးနေတာလဲ။ သေချာစဉ်းစားကြည့်လေ။ အဲဒီနိုင်ငံတွေက ဆက်ပြီး ပေးဦးမှာ။ လာလတ္တံရှိသေးတယ်။ နောက်တွဲမျှော် (စေတနာက အဲလောက် ကြီးမားလှတာ။ ဒါကြောင့် အစစအရာရာ ချင့်ချိန်ဘို့လိုလာပြီ။ စဉ်းစားတွေးခေါ်တတ်ဘို့လိုလာပြီ။ အတွေးမှန်ဘို့လိုလာပြီးမဟုတ်လား။

    ကမ္ဘာ့အခြေအနေကြည့်ရမယ်လေ။ ဒုတိယကမ္ဘာစစ်ကြီးနောက်ပိုင်းမှာ အုပ်စုကြီး (၂)ရပ် ပေါ်ပေါက်လာခဲ့တယ်လေ။ အနောက်အုပ်စုနှင့် အရှေ့အုပ်စု။ အနောက်အုပ်စုက ဒီမိုကရေစီနိုင်ငံများဖြစ်တယ်။ အရှေ့အုပ်စုက ဆိုရှယ်လစ် (ကွန်မြူနစ်) နိုင်ငံများ ဖြစ်တယ်။ နှစ်ဖက်စလုံး အနုမြူပိုင်ဆိုင်ကြတယ် မဟုတ်လား။ သူတို့ စစ်ဖြစ်ရင် ကမ္ဘာကြီးဘာဖြစ်သွားမလဲ။ မတွေးရဲစရာ။ ဟီရိုရှီးမား၊ နာဂါဆာကီ သင်ခန်းစာယူကြတယ်။ ငတုံးတွေမဟုတ်ဘူး။ မျက်ကန်းမျိုးချစ်၊ တစ်ယူသန်နေလို့ မရတော့ဘူး။ နှစ်ဖက်က စစ်အေးခေတ်လို့ သတ်မှတ်ကြပြီး အကောင်းဆုံးနေထိုင်ရေးဆိုပြီး လုပ်လာကြတယ်။ ဘယ်လောက် မှတ်သားစရာကောင်းလဲ။ အတုယူစရာမဟုတ်လား။

    ခုဆိုရင် အဲဒီစိတ်ကူးအတိုင်း ပုံဖော်နိုင်ခဲ့လို့ ကမ္ဘာကြီးက အပြောင်းအလဲကြီးဖြစ်လာခဲ့တာကို မျက်မြင်ဒိဋ္ဌတွေ့မြင်ရမှာပါ။ အရှေ့အနောက် ခွဲခြားမနေကြဘဲ တစ်နိုင်ငံနှင့်တစ်နိုင်ငံ ကူးလူးဆက်ဆံကြ။ ကုန်သွယ်ကြ။ ရင်းနှီးမြှပ်နှံကြနှင့် ဘာအတားအဆီးမှမရှိဘဲ လွတ်လပ်စွာ ဆက်သွယ်၊ ဆက်ဆံနေကြပြီ။ ဒါကြောင့် အားလုံးအဆင်ပြေနေကြပြီ။ ပဋိပက္ခ မဖြစ်အောင် အတတ်နိုင်ဆုံး ရှောင်ရှားနေကြပြီ။ ပြဿနာတစ်ရပ်ကို ဆွေးနွေးစကားဝိုင်းမှာ အဖြေရှာကြပြီ။ ဒါဟာ ငြိမ်းချမ်းသောနည်းဖြင့် အဖြေရှာတာ မဟုတ်လား။  အားလုံး အကျိုးအမြတ်ရှိကြတယ် မဟုတ်လား။ အသီး၊ အပွင့်ကို လက်တွေ့ခံစားနေကြရပြီ မဟုတ်လား။ ဒါတွေကို မေ့ပျောက်ထားလို့ ရမလား။

    အင်း… ရခိုင်ပြည်နယ်မှာတော့ ဒီအပြောမျိုးပဲ ထပ်ကာတလဲလဲ ပြောနေတော့မှာလား။ ဓါတ်ပြားဟောင်းကြီးက စုတ်ပြတ်သတ်နေပြီပဲ။ အကျိုးမရှိတာကိုပဲ ထည်လဲသုံးနေခြင်းအားဖြင့် အမှန်တရား ဖြစ်လာမှာ မဟုတ်ဘူး။ ကမ္ဘာအခြေအနေကို ကြည့်ရမယ်လေ။ နှိုင်းနှိုင်းယှဉ်ယှဉ် စဉ်းစားနိုင် ရမယ်လေ။ ကမ္ဘာပေါ်မှာ ခေတ်မစား ၊ ခေတ်မမှီတဲ့ အတွေးအခေါ်တွေကိုသာ ဆက်လက်ခံယူနေမယ်။ ကျင့်သုံးနေမယ်ဆိုရင်တော့ သုံးစားမရဘူးသာမှတ်လိုက်ပါ။ တစ်ပြည်နယ်လုံး မိမိ တစ်မျိုးထဲသာနေမယ်ဆိုတဲ့ အင်မတန်မှ ကျဉ်းမြောင်းလှတဲ့ အတွေးအခေါ်မျိုး မဖျောက်သရွေ့ ခင်ဗျားတို့မှာ တိုးတက်မဲ့လမ်းပိတ်သွားပြီ၊ ဆုတ်ယုတ်မှုတွေသာ တွေ့ရမယ်မှတ်။ အခြားနိုင်ငံမှာ အလုပ်မလုပ်နှင့်။ ကိုယ့်တစ်ပြည်နယ်ထဲမှာနေ၊ ရှိဂိုန်ခေတ်က ဂျပန်နိုင်ငံလို ဘာနှင့်မှ မဆက်သွယ်ဘဲ ဧကစာရီကျင့်ပေတော့။ ဒါတောင် တံခါးဖွင့်တဲ့ အမေရိကန်နိုင်ငံကရှိသေး။

    ဒုတိယကမ္ဘာစစ်တုန်းက အမေရိကန်၏ အနုမြူဒဏ်ကို ဂျပန်မရှုမလှခံခဲ့ရတယ်။ စစ်ပြီးတော့ ဂျပန်တိုးတက်ဖို့အတွက် အမေရိကန်နဲ့ပဲ ပေါင်းခဲ့ရတယ် မဟုတ်လား။ ဒါကြောင့် အတူမနေရင် သီးခြားနေပေါ့ဗျာ။ ရခိုင်ပြည်နယ်တစ်ခုလုံးဟာ ခင်ဗျားတို့ပိုင်တယ်ဆိုပြီး မူပိုင်ခွင့် ရထားတာမှ မဟုတ်တာ။ ရခိုင်ပြည်နယ်ဟာ မြန်မာနိုင်ငံရဲ့ အစိတ်အပိုင်းလေ။ ခင်ဗျားတို့ ထင်တိုင်းကြဲလို့ မရနိုင်ဘူး မဟုတ်လား။ မြန်မာအစိုးရကို ကျော်လွန်ပြီး တစ်ဖက်သတ် ပြောချင်တာ ပြောလို့ရမလား။ ဘိုးတော်ဘုရားလက်ထက်ကစပြီး ရခိုင် မင်းဆက်ပျောက်လို့ မြန်မာပိုင် ဖြစ်ခဲ့ရတာ မှတ်မိမှာပေါ့။ နောက်ထပ် ရခိုင်မင်းဆက်ပေါ်ဖို့ အကြောင်းမရှိတော့ဘူး။ ခင်ဗျားတို့ရော။ ကျွန်တော်တို့ရော မြန်မာအစိုးရ၏ အစီအမံအတိုင်း လိုက်နာကြရမှာမဟုတ်လား။

    ဘကြီးတော်ဘုရားလက်ထက် (၁၈၂၄) မှာ အင်္ဂလိပ်-မြန်မာ ပထမစစ်ပွဲဖြစ်တဲ့အခါ ရခိုင်ပြည်နယ်ဟာ မြန်မာနိုင်ငံရဲ့ အစိတ်အပိုင်းအနေနှင့် ရှိနေခဲ့တာ။ စစ်ရှုံးလို့ ရန္တပိုစာချုပ်အရ မြန်မာနိုင်ငံရဲ့ အစိတ်အပိုင်းအနေနှင့် ရခိုင်၊ တနသာင်္ရီတို့ဟာ အစောဆုံး ကိုလိုနီဖြစ်ခဲ့တာပေါ့။ လွတ်လပ်ရေးအတွက် ဗိုလ်ချုပ်အောင်ဆန်း ကြိုးပမ်းခဲ့တဲ့အခါ ရခိုင်၊ တနင်္သာရီအတွက်ပါထည့်ပြီး တောင်းဆိုခဲ့တယ်လေ။ ပင်လုံစာချုပ်မှာ ရခိုင်အတွက်ဆိုပြီး သီးခြား လက်မှတ်ရေး ထိုးခဲ့တာ မရှိဘူး။ မလိုဘူးလေ။ ရခိုင်က မြန်မာပိုင်အဖြစ်ကနေပြီး အသိမ်းခံရတာဖြစ်လို့ ဗိုလ်ချုပ်ဦးဆောင်ပြီး ပင်လုံစာချုပ်ချုပ်ဆိုတဲ့အခါ ရခိုင်အတွက် ဗိုလ်ချုပ်ပဲ လက်မှတ်ရေးထိုးခဲ့တာမဟုတ်လား။

    ဒါကြောင့် ရခိုင်၊ တနင်္သာရီတို့ဟာ မြန်မာပိုင်အဖြစ်ကနေပြီး လွတ်လပ်ခဲ့ရတာမဟုတ်လား။ တစ်ကယ့်တကယ်တော့လည်း အသံကွဲ မြန်မာတွေပါ။ ဒါကြောင့် ရခိုင်ပြည်နယ်ဟာ သီးခြားအနေဖြင့် ဘယ်နည်းနှင့်မှ မဖြစ်နိုင်ပါ။ မြန်မာနိုင်ငံ ရခိုင်ပြည်နယ်မှာ ရခိုင်လူမျိုး ရှိသလို မူစလင်ကလည်း ရှိနေမှာပါ။ ဒါဖြင့် အတူနေလို့ မရဘူးဘဲ တစ်ဖွဖွပြောနေတော့ တစ်သီးတစ်ခြားစီခွဲပြီး နေကြရတော့မှာပေါ့။ လက်တွေ့ကျဘို့မလိုဘူးလား။ ငြိမ်းချမ်းစွာ ယှဉ်တွဲနေထိုင်ကြစို့လား။ ။

    ဆောင်းပါးရှင်ရဲ့ အမြင်နှင့် အာဘော်သာဖြစ်ပါသည်။

  • မြန်မာရာဇ၀င်လာ သမိုင်းဝင် အိန္ဒိယလူမျိုးများ

    စန်းဦးအောင်

    himalaya-map-4

    အိန္ဒိယလူမျိုး များဟာ လွန်ခဲ့သော နှစ်ပေါင်း(၂၀၀၀)ကျော်ကပင် မြန်မာ့မြေပေါ် စတင်အခြေချ ခဲ့ကြပြီး မြန်မာနိုင်ငံ၏ နိုင်ငံရေး၊ ဘာသာရေး၊ လူမှုရေး၊ ယဉ်ကျေးမှု ဓလေ့ထုံးစံများကို အားဖြည့် လွှမ်းမိုးခဲ့နိုင်ကြပါသည်။

    (စာညွှန်း (၁) မြန်မာနိုင်ငံသည် တရုတ် အိန္ဒိယနိုင်ငံကြား အဝေးပြေး လမ်းမကြီးဖြစ်သည်။ “ပုဂံယဉ်ကျေးမှု”   စာမျက်နှာ (၄၂)၊ ပါမောက္ခဦးသန်းထွန်း M.A.B.L, D. LIT, Ph.D

    စာညွှန်း (၂) ရှေးဟောင်းပျူများ – စာမျက်နှာ (၃ နှင့် ၄)၊ ပါမောက္ခဦးသန်းထွန်း)

     Spreading_homo_sapiens.svg

    ကမ္ဘာပေါ်၌ တရုတ်ပြည်နှင့် အိန္ဒိယနိုင်ငံတို့သည် ရှေးအကျဆုံးသော လူမှုအဖွဲ့အစည်း နှစ်ခုဖြစ်ခဲ့ပြီး ၎င်းနှစ်နိုင်ငံကို ဟိမ၀န္တာတောင်တန်းကြီးက ကာဆီးထားသဖြင့် နှစ်နိုင်ငံ ကူးလူးဆက်ဆံရေးမှာ တိုက်ရိုက်ပြုလုပ်ရန် ခက်ခဲလှပါသည်။

    သို့သော် ပထ၀ီသဘောအရ အိန္ဒိယတိုက်ကြီးမှာ အနောက်တောင်မှ အရှေ့မြောက်သို့ ရွေ့လျားပြီး မြန်မာနယ်စပ်၌ တိုက်မိသော ကြောင့် တွန့်ခေါက်တောင်များ ဖြစ်ပေါ်လာပြီး ဟိမ၀န္တာတောင်တန်းကြီးမှာ အရှေ့အနောက် ရှိသော်လည်း ၎င်းတောင်တန်းကြီးများ၏ အရှေ့ဘက်ဆုံး တိဘက်ကုန်းပြင်မြင့် မှစ၍ တွန့်ခေါက်တောင်များမှာ မြန်မာပြည်ကိုဖြတ်၍ မြောက်မှတောင် သွယ်တန်းလျက်ရှိပါသည်။

    TibetanPlateau
    Rivers flowing from China into Burma through the valleys

    ထို့ကြောင့် တရုတ်နှင့် အိန္ဒိယနိုင်ငံသားတို့ ကူးလူးဆက်ဆံရန် အနှောင့်အယှက် ဖြစ်နေသော ဟိမ၀န္တာတောင်မှာ မြန်မာပြည်ထဲသို့ ကွေးဝင်ပြီး နိမ့်ဆင်းသွားသဖြင့် တိဘက်နှင့် ယူနန်မှ ရှေးဦးလူများမှာ တောင်ကြားလမ်း၊ မြစ်ချောင်းများအလိုက် လွယ်ကူစွာ မြန်မာပြည်ထဲသို့ ဆင်းသက်လာနိုင်ခြင်း ဖြစ်သည်။

     

    Transasia_trade_routes_1stC_CE_gr2

    တဖန် ဟူးကောင်းတောင်ကြားလမ်း၊ အမ်းနှင့်တောင်ကုတ်တောင်ကြားလမ်း များမှတဆင့် တရုတ်-အိန္ဒိယ ရွှေလမ်း-ငွေလမ်း ဖောက်လုပ်ခဲ့ကြပြီး ယနေ့ မြန်မာနိုင်ငံမှာ အိန္ဒိယနှင့် တရုတ်နိုင်ငံတို့ကို ဆက်သွယ်ပေးထားသော သဘာဝ အဝေးပြေးလမ်းမကြီး အဖြစ်သို့ ရောက်ရှိလာခဲ့ရပါသည်။

    (စာညွှန်း-1 “ပုဂံယဉ်ကျေးမှု”   စာမျက်နှာ (၄၂)၊ ပါမောက္ခဦးသန်းထွန်း)

    2. Sri Ksetra was an important entrepôt between China and India. By Htin Aung, Maung (1967). A History of Burma. New York and London: Cambridge University Press.

    China_topo

    ထို့ကြောင့် အိန္ဒိယနှင့် တရုတ်နိုင်ငံမှ ခရီးသွားများ၊ စစ်ပြေးဒုက္ခသည်များ၊ ကုန်သည်ပွဲစားများ၊ ရေကြည်ရာမြက်နုရာ ရွေ့ပြောင်းနေထိုင်သည့် သူများမှာ မြန်မာပြည်အတွင်း၌ တစစ အခြေခံ နေထိုင်လာခဲ့ကြပါသည်။

    ပျူလူမျိုးများ (စာညွှန်း ရှေးဟောင်းပျူများ – စာမျက်နှာ (၃ နှင့် ၄)၊ ပါမောက္ခဦးသန်းထွန်း)

    Pyu_Realm

    မြန်မာ(ဗမာ) လူမျိုးတို့မှာ ပျူ၊ ကမ်းရံ၊ သက် လူမျိုးတို့ပေါင်းစပ်၍ ဖြစ်ပေါ်လာပြီး ပျူတို့မှာ အင်အားအကောင်းဆုံးနှင့် အဓိက အကျဆုံး လူမျိုးဖြစ်သည်။

    ပျူများသည်ပင် အခြေခံလူမျိုး(၃)စုမှ ပေါင်းစပ်ဖြစ်ပေါ်ခြင်း ဖြစ်၏။

    (၁) ရှေးဦးလူသားအခြေခံ ပျူများမှာ – ကျောက်ခေတ်၊ ကြေးခေတ် နှင့် သံခေတ်မှ စ၍ အစဉ်အဆက် မြန်မာပြည်တွင် နေထိုင်ခဲ့ကြသူများ။

    (၂) အိန္ဒိယနိုင်ငံမှ ရွှေ့ပြောင်းအခြေချလာသော ပျူများ၊ သူတို့က ဟိန္ဒူနှင့် ဗုဒ္ဓဘာသာ သာမက ယဉ်ကျေးမှုနှင့် ဓလေ့ပါသယ်ဆောင်လာသူများ ဖြစ်သည်။

    (၃) မြောက်ဘက်မှဆင်းလာသော တိဘက် မြန်မာအနွယ်ဝင်ပျူများ။

     

     

    ပျူများအခြေချခြင်း

    Asia_800ad

    ပျူများသည် မြန်မာနိုင်ငံအတွင်း၌ ဘီစီ(၁၀၀)ခန့် သို့မဟုတ် ၎င်းအလျင်ကပင် အခြေချ နေထိုင်ခဲ့ကြသည်။ ဟန်လင်း ကွတ်ခိုင်၊ သံလွင်မြစ်ကမ်း၊ အရှေ့ဘက်က450px-Myazedi-Inscription-Pyuမ်းရိုးတန်း၊ မုတ္တမပင်လယ်ကွေ့၊ သံတွဲနှင့် ရိုးမဒေသတို့တွင် စတင်အခြေချကြသည်။

    (စာညွှန်း- ပါမောက္ခဦးသန်းထွန်း  မြန်မာရာဇ၀င်ရုပ်ပြစာအုပ်)

    ပျူတို့သည် သရေခေတ္တရာ (ပြည်)၌ အေဒီ ၄-၈ ရာစု၊ မိုင်းမော် ဗိတ္တနိုး (အမှန်က ဗစ်ရှနူးခေါ် ဟိန္ဒူ ဘုရားအမည်) (ခမာများက အေဒီ ၂၁၀-၂၂၅သိမ်)၊ တောင်တွင်းကြီး အေဒီ ၁-၄ ရာစု၊ ဟန်လင်း (၀က်လက်) အေဒီ ၁-၄ ရာစု၊ ဟန်လင်းကြီး တကောင်း (သပိတ်ကျင်း)၊ waddi (နွားထိုးကြီး)၊ မိုင်းမော်၊ မြစ်သား၊ ဘိန္နက (ပျော်ဘွယ်)နှင့် ဘီးလင်း (မွန်ပြည်နယ်) တို့၌ အခြေချနေထိုင်ခဲ့ကြသည်။

    အိန္ဒိယ ဂွပ္ပတား (Gupta) မူကွဲ ပျူစာ

    ပျူကျောက်စာများကို ပါဠိနှင့် ဂွပ္ပတား မူကွဲ ပျူစာများဖြင့် ရေးသားထားပါသည်။ ပျူများအကြောင်းကို တရုတ်ခရီးသည်နှင့် ကုန်သည်များ၏ ကြေငြာချက်ဟူ၍ တရုတ်ရာဇ၀င်များ၌ ရေးသားမှတ်တမ်း တင်ထားပါသည်။

    ဗိဿနိုးBrikthano (ဗစ်ရှနူး)

    ခမာများက အေဒီ ၂၁၀-၂၂၅တွင် ပျက်စီးပြီး မွန်များဝင်လာပြီး ပန်ထွာနှင့် ရာမညမြို့ အဖြစ် ထူထောင်သည်။ ဗုဒ္ဓဘာသာနှင့် ဟိန္ဒူဘာသာ ကိုးကွယ်ကြသည်။ ဗုဒ္ဓရုပ်တုတော်များနှင့် ဂွပ္ပတား (အိန္ဒိယ)ဟန် ဟိန္ဒူဘုရားရုပ်တု မျိုးစုံကို တွေ့ရှိရသည်။

    ပျူဘုရင်များကို မဟာရာဂျာများဟုခေါ်ခြင်း

    တရုတ်ရာဇ၀င်မှတ်တမ်းများ၌ ပျူများကို “P’ aio” ပအိုဟု မှတ်တမ်းတင်ထားပါသည်။ သို့သော် ပျူတို့ကမူ သူတို့ကိုယ်သူတို့ Tricul တီကျူးဟု သမုတ်ပါသည်။ တရုတ်ရာဇ၀င်၌ နန်ချိုရှမ်းတရုတ်များနှင့် တိဘက် ပူးပေါင်း၍ တရုတ်ကို တိုက်ခိုက်ခြင်း မှတ်တမ်းများ တွေ့ရပါသည်။ နန်ချိုရှမ်းတရုတ်ဘုရင် Ko-lo-fan ကိုလိုဖင်၏ ပျူများနှင့် ဆက်သွယ်သော မှတ်တမ်းများလည်း တွေ့ရပါသည်။ ပျူဘုရင်များကို မဟာရာဂျာများ၊ မှူးမတ်ချုပ်များကို MAHSINAS မဟာဒီနားဟု မှတ်တမ်းတင်ထားပါသည်။

    ပျူဘုရင်များ VISNU (ဗစ်ရှနူး)ဘွဲ့ ကို အိန္ဒိယ ဂွပ္ပတား (Gupta)  ဓလေ့အရ ယူခြင်း

    တောင်ပိုင်း အိန္ဒိယ အက္ခရာသုံး၍ မှတ်တ401px-Khasarpana_Lokesvaraမ်းတင်ထားသော ပျူကျောက်စာများ၌ ဗစ်ရာမ (VIKRAM) မင်းဆက်က အေဒီ ၆၇၃မှ ၇၁၈အထိ စိုးစံခဲ့ကြောင်း မှတ်တမ်းတင်ထားပါသည်။

    (စာညွှန်း Burma, D.G.E.HALL MA D.LIT, F.R.HIST. Professor Emeritus of the University of London and Former Professor of History, Rangoon, Burma 3rd. Eddition 1960 Page 8.)

    ထိုကျောက်စာများ၌ ဗစ်ရာမနောက်မှ ဗစ်ရှနူး (ဟိန္ဒူဘုရား) အမည်များကို တွဲဖက် ဖော်ပြလေ့ ရှိကြသည်။

    ဗစ်ရှနူး (ဟိန္ဒူနတ်ဘုရား)က ဂရုဒါ (GARUDA) ခေါ် ဂဠုန်ငှက်ပေါ်၌ မတ်တပ်ရပ်နေပြီး လက်ရှမီး (LAKSHMI ဟိန္ဒူနတ်ဘုရားမ) က ကြာပန်းပေါ်၌ ရပ်နေသော ရုပ်တုများနှင့် ဘရာမာ (BRAHMA ဟိန္ဒူနတ်ဘုရား)၊ ရှီဗာ (SIVA)နှင့် ဗစ်ရှနူး ပလ္လင်များ ကို မြန်မာနိုင်ငံအတွက်  ပျူတူးဖေါ်ရာ၌ တွေ့ရှိခဲ့ပါသည်။

    ထို့ပြင် ဗာမင် (VAMAN)ဘုရင်မင်းဆက် ရှိခဲ့ပြီး အိန္ဒိယနိုင်ငံ ပလာဗာ (PALAVA)မင်းဆက်၏ လွှမ်းမိုးမှု မကင်းကြောင်း တွေ့ရှိရပါသည်။

    (စာညွှန်း Elizabeth Moore, Myanmar Historical Research Journal (2004))

    ပန်ထွာရှိ အိန္ဒိယ (DRAVIDIAN) ဒြာဗီဒီယန်နွယ်များ

    တရုတ်ရာဇ၀င် ချန်ယိစိန်၌ မုတ္တမပင်လယ်ကမ်းခြေ မွန်ဌာနေ၌ ဒြာဗီဒီယန် အိန္ဒိယနွယ်ဖွားများ အခြေချ နေထိုင်ခဲ့ကြောင်း မှတ်တမ်း ပါရှိသည်။412px-BawbawgyiPaya

    ၎င်းတို့သည် ဗိဿနိုးကို ၀င်ရောက်လွှမ်းမိုးပြီး ပန်ထွာအဖြစ် အမည်ပြောင်း တွင်စေခဲ့သည်။ ထိုမှတဖန် ရာမညပူရအဖြစ် ပြောင်းလဲခဲ့သည်။

    (စာညွှန်း D G E HALL “BURMA”)

    တကောင်းမှာ ဒွတ္တဘောင်၏ မိဘတို့ ပါဝင်သော ဒဏ္ဍာရီပုံပြင်၌ ယှက်နွယ်နေသည့် ဗိဿနိုး ဘုရင်မကြီးနှင့် ဆက်သွယ်မှုမှာ အထောက်အထား မခိုင်လုံလှပေ။ သို့သော် သရေခေတ္တရာ အုပ်ချုပ်သော မင်းများနှင့်မူ ဆက်နွယ်နေ၏။ အဓိကအားဖြင့် ဟိန္ဒူဘုရင်များ၏ အရိုက်အရာ ဆက်နွယ်မှု၊ ဗုဒ္ဓဘာသာ ဂိုဏ်းကွဲများ လွှမ်းမိုးမှုနှင့် ဒဏ္ဍာရီဆန်သော အဖြစ်များ ရောမွှေထားသော သမိုင်းကြောင်း ဖြစ်နေသည်။

    ORISSA (အိုရီဆာ)

    အိုရီဆာ ဗုဒ္ဓဘာသာဝင် အိန္ဒိယ နယ်ချဲ့များက မြန်မာပြည်တောင်ပိုင်းကို ၀င်ရောက်ပြီး ဘီစီ(၅၀၀)ကပင် ဘုရားများ တည်ထားကြောင်း အထောက်အထားများ ရှိ၏။

    (HGE HALL HISTORY OF SOUTH EAST ASIA)

    သာမလ နှင့် ၀ိမလ

    သာမလ (Indian Thalma သာလမာ) ၀ိမလ (အိန္ဒိယ Vimala ဗိမလ)မင်းသားညီနောင်က ပဲခူးမြို့ကို အေဒီ ၅၇၃က တည်ခဲ့သည်။ တပင်ရွှေထီးက အေဒီ ၁၅၃၉၌ သိမ်းယူခဲ့သည်။

    (U Pe Maung Tin HG LUCE Glam Palace Chawle of King of Binm)

    အန္ဒယာ မင်းဆက် (ANDRA  DYNASTY)

    အိန္ဒိယအလယ်ပိုင်းမှ ဟိန္ဒူ အန္ဒယာ နယ်ချဲ့ကိုလိုနီများက ဘီစီ (၁၈၀)ခန့်က မြန်မာပြည်ကို ထိုးဖောက် အခြေချ၍ ဟံသာဝတီ (မွန်မြို့)နှင့် သံလျင်မြို့ကို တည်ထောင်ခဲ့သည်။

    (HGE HALL HISTORY OF SOUTH EAST ASIA)

    အဘိရာဇာ (သို့မဟုတ်) အဘိရာဂျာ

    ဗမာအစ တကောင်းကဟု အချို့က ဆိုကြသည်။ အဘိရာဂျာမှာ သာကီဝင် မင်းမျိုးဖြစ်သည်။ ကပိလ၀တ် (KAPILAYATTHU-INDIA) မှ ပန်ချလာမင်း (PANCHALA-INDIA) (ဇာတိ VITATUPA) ကို စစ်ရှုံး၍ ပြေးလာခြင်းဖြစ်သည်။

    အဘိရာဂျာသည် ထိုအိန္ဒိယအလယ်ပိုင်းမှပြေးလာပြီး SANGASSARATTHA သို့ SANGASSANAGARA ယခုအခေါ် တကောင်း၌ တိုင်းပြည်ထူထောင်၍ မင်းလုပ်၏။

    (အညွှန်း U Pe Maung Tin and GH Luce မှန်နန်းရာဇ၀င် (စာမျက်နှာ ၂ )

    Prince Abhiyaza was lord of the Kapilavastu (ကပိလဝတ်) region of Kosala—the very birthplace of the historical Buddha three centuries later.Harvey, G. E. (1925). History of Burma: From the Earliest Times to 10 March 1824. London: Frank Cass & Co. Ltd.1925: 307–309.
    Hmannan Vol. 1 2003: 153–155)

    ကံရာဇာကြီး ရခိုင်မင်းဖြစ်ခြင်း

    (Pe Maung Tin GH Luce မှန်နန်းရာဇ၀င် စာမျက်နှာ ၂)

    အဘိရာဂျာကွယ်လွန်ပြီး ကံရာဂျာငယ် နန်းတက်၍ သားကြီး ကံရာဇာကြီးသည် ဧရာဝတီမြစ်အတိုင်း စုန်ဆင်းရာ သာလာဝတီမြစ်အတိုင်း ဆန်ဆက်၍ ကုလားတောင်သို့ ရောက်ရှိပြီး RAJAGAHA အဖြစ် ရှေးဟောင်း အာရကန် (ရခိုင်)ကို အုပ်ချုပ်မင်းလုပ်ပါသည်။

    ကံရာဇာကြီး၏သား MUDUCITTA မုဒုကျစ်တ

    ကံရာဇာကြီး၏သား Muducitta သားသည် မင်းဖြစ်လာသည်။ သူသည် ကျောက်ပန်းတောင်းမြို့ကိုတည်ခဲ့ပြီး ဒည၀တီကို စစ်နိုင်အုပ်ချုပ်ခဲ့သည်။

    (အထက်ပါ မှန်နန်းရာဇ၀င် P-2 Line 22)

    ဘိန္ဓက  ရာဂျာ BHINNAKA RAJA

    မြောက်ဘက်မှ ကျူးကျော်လာသောတရုတ်တို့က တိုက်ခိုက်၍ တကောင်းမြို့ကို ဖျက်စီးသည်။ တကောင်းမင်း ဘိန္ဓကရာဂျာ ပြေးဆင်းပြီးနောက် ကွယ်လွန်၍ နောက်လိုက်များ သုံးစုကွဲသွားသည်။

    ၄င်းတို့မှ တစ်စုသည် အရှေ့ဘက်၌ ရှမ်း (၁၉) ပြည် တည်ထောင်သည်။ (မှန်နန်း P-3 Line 4-7)

    အဘိရာဂျာ၏မြေး (မုဒုကျစ်တ)

    တကောင်းမှပြေးလာသော အခြားတစ်စုမှာ ဧရာဝတီမြစ်အတိုင်းဆင်းလာပြီး  Muducitta နှင့် ၄င်း အိန္ဒိယ သာကီဝင်မင်းသမီး (ပျူ ကမ်းယံ သက် အုပ်စု ခေါင်းဆောင်) တို့နှင့် ပူးပေါင်းမိသွားသည်။ (မှန်နန်း P-2,3,6 မှ)

    နာဂစိန် (အိန္ဒိယသာကီဝင် မင်းသမီး)

    တကောင်းပြေး တတိယအုပ်စုသည် မာလီ (MALI)၌ သာကီဝင်မျိုး ဘုရင်မ နာဂစိန်အောက် ခိုဝင်ကြသည်။ နာဂစိန်မှာ သာကီဝင် အိန္ဒိယမင်း DHAJA RAJA၏ မိဘုရားဖြစ်ပြီး စစ်ရှုံး၍ မြန်မာပြည်ဘက် ခိုလှုံလာသူ ဖြစ်သည်။ လမ်း၌ သင်းတွဲ ‘THINTWE’ မြို့ကို တည်ထောင်ပြီး ပုဂံအထက်ပိုင်းကို ထူထောင်သည်။  (မှန်နန်း P 3, 4 8 3 0)

    DAHNAVATA ကပျူဘုရင်မ သံဘူလကို ဖမ်းသည်။ သို့သော် နန်းခမ်း (NANKHAM- CHINA) ပျူဘုရင်မက သံတွဲ- တောင်တန်း (၇)သွယ်နေ ကမ်းယံများကို နှင်ထုတ်ခဲ့သည်။ (မှန်နန်း P 6, 12 . 613)

    ဒွတ္တဘောင်

    သာကီဝင် အဘိရာဂျာ၏ အဆက် ဒွတ္တဘောင်က သရေခေတ္တရာကို ဘီစီ (၄၃၄)၌ ထူထောင်သည်။ (မှန်နန်း P 7, 9, 13, 21, 23, 83, 88, 86 and 94)

    2. Aung-Thwin, Michael (1996). “Kingdom of Bagan”. In Gillian Cribbs. Myanmar Land of the Spirits. Guernsey: Co & Bear Productions. ISBN 0952766507.)

    မွန်တလိုင်း

    အညွှန်း

    (1) Mashe Yega, Muslims of Burma

    (2) HGE Hall History of South East Asia

    (3) “BURMA” DGE Hall Professor, University of Landon and Rangoon.

    တောင်ပိုင်း အိန္ဒိယနိုင်ငံ မဒရပ်ကမ်းခြေမှ TALINGANA တလင်းဂါးနား ပြည်နယ်မှ ပြောင်းရွှေ့လာသော တလိုင်းများသည် တရုတ်ပြည်မှ ဆင်းသက်လာသော မွန်များနှင့် ပူးပေါင်း၍ (ANDRA) အန္ဒရာ နှင့် (ORISSA) အိုရစ္စာ နယ်ချဲ့များကို တိုက်ထုတ်ခဲ့ကြသည်။

    ထို မွန်တလိုင်းများသည် ဗုဒ္ဓဘာသာ၊ ယဉ်ကျေးမှု၊ လက်မှုပညာ (ပန်းဆယ်မျိုး)၊ စာပေ၊ ပိဋကတ်သုံးပုံမှစ၍ ခေတ်သစ် ယနေ့ မြန်မာ့အခြေခံများကို ယူဆောင်ပေးခဲ့ကြသည်။ ပဲခူးနှင့် သထုံမြို့များကို ထူထောင်ခဲ့ကြသည်။

    အနော်ရထာမင်းက မွန်ဘုရင် မနုဟာကို အေဒီ (၁၀၇၅)၌ အောင်နိုင်ခြင်းက မြန်မာနိုင်ငံကို အိန္ဒိယ မြန်မာဆက်ဆံရေး လမ်းစ ဖွင့်ပေးခဲ့ပြီး အထူးသဖြင့် ဗုဒ္ဓဘာသာနှင့် ပတ်သက်သမျှကို သီဟိုဠ်ကျွန်းနှင့် အပြန်အလှန် ကူးလူးဆက်ဆံ နိုင်စေခဲ့သည်။

    အရည်းကြီး

    အထက်ပါ အချိန်မတိုင်ခင်က အိန္ဒိယမှ ဗုဒ္ဓဘာသာ အစွန်းရောက် ဇာတ်ကွဲ အရည်းကြီးတို့က ပုဂံကို မင်းမူထားခဲ့သည်။ ယခုအချိန်အထိ အိန္ဒိယ၌ အရီးဟူသော ဂိုဏ်းဝင်များ ကျန်ရှိနေသေးသည်။

    အိန္ဒိယ ဘင်္ဂါလီမင်းသား ပဋိက္ခရား (ညွှန်း မှန်နန်း P 105-106)

    ကဋိက္ခရားမင်းသားနှင့် ကျန်စစ်မင်း သမီး ရွှေအိမ်စည်တို့၏ အချစ်ဇာတ်လမ်းကို အများသိကြပြီး ဖြစ်၏။ မြန်မာပြည် မြစ်ဝကျွန်းပေါ်အရပ်၌ အိန္ဒိယအနွယ် နိုင်ငံ(၃)ခု ရှိခဲ့ပြီး တစ်ခုမှာ ပဋိက္ခရားနိုင်ငံဖြစ်သည်။

    အိန္ဒိယနှင့် အာရကန်

    (ညွှန်း AP PHAYRE, HISTORY OF BURMA LONDON, 1883. Pg 293-304)

    အာရကန် (ရခိုင်) ရှေးမှတ်တမ်းများအရ ပထမနိုင်ငံကို ဘီစီ(၂၆၆၆)ကပင် တည်ထောင်ခဲ့သည်။

    ဝေသာလီကို ဟိန္ဒူ ချန္ဒရာ တို့က တည်ထောင်ခဲ့သည်။

    မြောက်ပိုင်း ရခိုင်ကို ဟိန္ဒူနန်းဆက်များက ရှစ်ရာစု မတိုင်မီထိ အုပ်ချုပ်ခဲ့ကြသည်။

    အေဒီ (၇၈၈)၌ ချန္ဒရာ နန်းဆက်က ဝေသာလီကို တည်ထောင် အုပ်ချုပ်ခဲံ့သည်။ ကုန်သွယ်ရေး ဆိပ်ကမ်းတစ်ခုဖြစ်ခဲ့ပြီး သင်္ဘောတစ်ထောင်ခန့် နေ့စဉ်ဆိုက်ကပ်ခဲ့သည်။

    သို့သော် ချန္ဒရာဘုရင်များမှာ ဗုဒ္ဓဘာသာဝင်များ ဖြစ်ခဲ့ကြသည်။ စစ်တကောင်းထိ မြေပိုင်ဆိုင်သည်။ အိန္ဒိယ ဟိန္ဒူတို့၏ ဘင်္ဂါလီနိုင်ငံ၏ တစ်စိပ်တစ်ဒေသဖြစ်သည်။

    (ညွှန်း MS COLLIS, Ankaui place in the Civilization of Bay of Bengal, Journal of Burma Research Society, 50th anniversary Publication No 2. Rgn 1960, Pg 486)

    ဝေသာလီ

    ဝေသာလီမှာ အိန္ဒိယအမည် VAISALI ဖြစ်ပြီး အိန္ဒိယနိုင်ငံနှင့် နီးကပ်စွာ  ဆက်သွယ်မှု ရှိခဲ့သည်။ ဘုရင် (၁၃)ပါးက နှစ်ပေါင်း (၂၃၀) အုပ်ချုပ်ခဲ့သည်။

    ဒုတိယမြောက် မင်းဆက်ကို ဘုရင် SRI DHAMA VIJAYA ခေါ် သာကီဝင် အိန္ဒိယသား အစစ်က AD ရှစ်ရာစုတွင် တည်ထောင်ခဲ့သည်။ သူ၏ မြေးတော်သူက ပျူသရေခေတ္တရာမင်း၏ သမီးတော်နှင့် လက်ဆက်ခဲ့သည်။

    (ညွှန်း BURMA DGE HALL Prof of London & History Dpt. Rgn, 3rd Edit 1960 Pg 8-9)

    ဝေသာလီရှိ .ဟိန္ဒူရုပ်တုများနှင့် ကျောက်စာများ

    ဝေသာလီမြို့ပျက်၌ ဟိန္ဒူရုပ်တုများနှင့် ဟိန္ဒူကျောက်စာများ တွေ့ရှိရသဖြင့် ထိုအေဒီရှစ်ရာစု၌ ဗုဒ္ဓဘာသာ ထွန်းကားနေသော်လည်း ဟိန္ဒူနှင့် ဗြဟ္မာ အယူအဆများ ယှဉ်တွဲထွန်းကားနေသည်ဟု ယုံကြည်ရပါသည်။

    စစ်တကောင်း (သို့မဟုတ်) စစ်တွေကုန်

    အာရကန်ဘုရင် စူလတိုင် ချန္ဒရာ (AD 951-957)က စစ်တကောင်းကို (AD 953)တွင် အာရဗ်အကြီးအကဲ (THURATAN)ထံမှ တိုက်ခိုက် သိမ်းယူခဲ့သည်။ စစ်အောင်နိုင်မှု အထိမ်းအမှတ် ကျောက်စာ စိုက်ထူခဲ့ပြီး မြန်မာစာဖြင့် စစ်တွေကုန်ဟု မှတ်ကျောက်တင်ခဲ့သည်။ ၎င်းကျောက်စာအရ ကာရွှေ့ကျော်ပြီး  ယခု စစ်တကောင်းဖြစ်လာသည်ဟု ဆိုကြသည်။ (ညွှန်း AP PHAYRE Pg 36)

    အာရကန်လက်အောက်ရောက် စစ်တကောင်း

    စစ်တကောင်းမှာ လက်ပြောင်းလက်လွှဲများ ဖြစ်လေ့ဖြစ်ထ ရှိသော်လည်း (AD 1580) မှ (AD 1666)ထိ နှစ်တစ်ရာမျှ အာရကန်ရခိုင်ဘုရင်များ၏လက်သို့ ကျဆင်းရှိနေခဲ့သည်။ ရခိုင်များက မြောက်မြားစွာသော ဘင်္ဂါလီများ ကို ဖမ်းဆီးပြီး လယ်ကျွန်များအဖြစ် အသုံးချခဲ့ကြသည်။

    ရခိုင်ဗုဒ္ဓဘာသာများ (သို့) မားဂ် (MAGH)

    ရခိုင်ဗုဒ္ဓဘာသာများမှာ မာဂဓ (Maghada) ၏ နယ်သား အိန္ဒိယ အာရိယန်လူမျိုးဖြစ်ပြီး ၄င်းတို့မှာ အိန္ဒိယမွန်ဂိုများနှင့် တိဘက်မြန်မာတို့ ရောနှောနေသောလူမျိုးများဖြစ်ကြသည်။

    ( HG Hall History of South East Asia)

    အာရကန် ရခိုင် မာဂများသည် ပေါ်တူဂီ ပင်လယ်ဓားပြများနှင့်ပူးပေါင်း၍ အေဒီ ၁၆ ရာစုနှင့် ၁၇ ရာစုအတွင်း၌ ဘင်္ဂလားနိုင်ငံအရှေ့နှင့် တောင်ပိုင်းမြစ်ကျောတစ်လျှောက် လှည့်လည်ပြီး ဓားပြတိုက်ခြင်းပြုခဲ့ကြသည်။

    အသေးစိတ်အချက်များသိလိုပါက J.N. SARKAR: THE FERINGHI PIRATES of CHATGAON; Journal of the Asiatic Society of Bengal Vol. 111, 1907 page 419 to 525 နှင့် F BEMIER; Travels in the Mughal Empire Delhi 968 P-175)

    ကုလားတန်မြစ်နှင့် နာဖ်မြစ်ကမ်းလယ်ယာများ၌ လယ်ကူလီကျွန်အလုပ်သမားများအဖြစ် စေခိုင်းကြရာ ရခိုင်ပြည်လူဦးရေ၏ ၁၅%ပင် ဖြစ်လာသည်။

    (AP Phayre, Account of Arakan, Journal of the Asiatic Society of Bengal Volume X, 184; P 681)

    မြန်မာများ အာရကန် (ရခိုင်) သို့ ၀င်ရောက်အခြေချခြင်း

    မြန်မာများသည် အေဒီ ၁၀ ရာစုနှစ်နောက်ပိုင်းမှသာ ရခိုင်သို့ ၀င်ရောက်အခြေချလာကြသည်။ ထို့ကြောင့် ရခိုင်ရှေးမင်းဆက်များမှာ အိန္ဒိယအနွယ် သာကီဝင်မင်းမျိုးများဖြစ်ပြီး လူထုအများစုမှာ ဘင်္ဂလီ (ဘင်္ဂါလီ) များဖြစ်ကြသည်။ သမိုင်းဝင် ရခိုင်မြို့တော်များမှာ ရခိုင်မြောက်ပိုင်း၊ စစ်တွေအနီးပတ်ဝန်းကျင်၌သာ ရှိကြသည်။

    (ညွှန်း DGE HALL History of South East Asia, New York 1968 P-359)

    အာရပ်မွတ်စလင်မ်များ ရခိုင်ဒေသသို့ရောက်ရှိလာခြင်း

    အာရပ်မွတ်စလင်မ်များသည် ကုန်ကူးသန်းရောင်းဝယ်မှုဖြင့် အေဒီရှစ်ရာဘီစုက စတင်ရောက်ရှိခဲ့ကြသည်။ ထိုအချိန်မှစ၍  ရခိုင်ပြည် အာရကန်သို့ အစ္စလာမ်ဘာသာ စတင်ရောက်ရှိခဲ့သည်။ ထိုအချိန်က အာရပ်များသည် အရှေ့တိုင်း ရေကြောင်းသွားလာရေးကို လုံးဝနီးပါး ကြီးစိုးထားနိုင်ခဲ့ကြသည်။

    (ညွှန်း Muhamal Abdur Rahman, Social and Cultural history of Bengal, Volume 1 Karachi 1963 P-37)

    ဒေါက်တာမိုဟမ္မဒ် ENAMUL HAQUE က ရခိုင်ရာဇ၀င်ကို ကိုးကား၍ အာရပ်များသည် အေဒီ ၁၀ ရာစု၌ MEGHNA မြစ်ဝမှ အရှေ့ဖက်တွင် နတ်မြစ်မြောက်ပိုင်းအထိ အခြေချနေထိုင်လာကြ၏ ဟုဆိုသည်။

    (အညွှန်း DR MUHAMAD ENAMUL HAQUE, Purba Pakistane Islam, Dhaka 1948. P 16-17 နှင့် ENAMUL HAQUE and SHAHITYA BISHARAD, Arakan RAJSHASHAJ Bangla Shahitya, Calcutta 1935. P 3)

    ဒေသခံများနှင့် အိမ်ထောင်ပြုရင်း မွတ်စလင်လူဦးရေ တဖြည်းဖြည်း တိုးတက်လာခဲ့သည်။ ဗုဒ္ဓဘာသာရခိုင်များနှင့် ဘာသာရေးမှလွဲ၍ ဆင်တူကြပြီး မြန်မာလိုရေး၍ ရိုးရာစကားကို ပြောကြသည်။

    (အညွှန်း DGE HALL Studies in Dutch Relations with Arakan, Journal of Burmese Research Society vol.  xxxi 1936. Pg 6 and Mr. R.B Smart Burma Gazetteer, Akyab District vol A Rangoon 1957)

    ရုရှားကုန်သည် ATHANASIUS NITIKIN က အေဒီ (၁၄၇၀)ခုနှစ်တွင် မွတ်စလင်မ် ဆူဖီများစွာ ပဲခူး၌ ရှိခဲ့ကြောင်း မှတ်တမ်းတင်ထားခဲ့ပါသည်။

    (ညွှန်း G E HERVAY History of Burma, London 1925. P 121)

    ရမ်းဗြဲကျွန်းသို့ မွတ်စလင်မ်များ သဘောင်္ပျက်ပြီး ရောက်လာခြင်း

    အာရကန် ရခိုင်ဘုရင်များ ရာဇ၀င်၌ MAHAT-Y-ING CHANDAYAT (AD 780-810) မင်းလက်ထက်တွင် နိုင်ငံခြား သင်္ဘောမြောက်များစွာ ပျက်စီးပြီး ရမ်းဗြဲကျွန်းပေါ် ရောက်ရှိခဲ့ကြောင်း မှတ်တမ်းတင်ထားခဲ့ပါသည်။ ဘုရင်က ရခိုင်ရွာများ၌ နေရာချထားပေးခဲ့ကြောင်း ပါရှိ၏။

    (ညွှန်း A.P PHAYRE Journal of Asiatic Society of Bengal, Vol. XII, Part I 1844. P.36)

    နရမိက္ခလ (သို့) စူလိုင်မန်ရှား (1404-1434)

    နရမိက္ခလကို အကြောင်းပြု၍ မွတ်စလင်မ်တို့ နိုင်ငံရေးနှင့် စီးပွါးရေးကို ပြောင်းလဲမှုများ ဖြစ်စေနိုင်ခဲ့သည်။

    နရမိက္ခလမှာ အင်းဝကို စစ်ရှုံး၍ မွတ်စလင်မ် မဂိုအင်ပါယာအောက်သို့ ၀င်ရောက်ခိုလှုံခဲ့ရသည်။ မွတ်စလင်မ်စစ်သည် တစ်သိန်းကျော်၏ အကူအညီဖြင့် ထီးနန်းပြန်လည် သိမ်းပိုက်ရရှိခဲ့ပြီး မြောက်ဦးမင်းဘက်အဖြစ် မြို့ဟောင်း၌ စူလိုင်မန်ရှားဟူသောဘွဲ့ဖြင့် စိုးစံတော်မူခဲ့သည်။ (ညွန်း မိုရှေးရေဂါ P. 18)

    GAUR ဘင်္ဂလီစူလ်တန်နိုင်ငံ၏ စူလ်တန်အဟမတ်ရှားက စစ်ပြေးရခိုင်ဘုရင်ကို ခိုလှုံခွင့်ပေးခဲ့သည်။ အဟမတ်ရှား၏ စစ်တပ်၌ အရာရှိအဖြစ် အမှုထမ်းခွင့်ပေးခဲ့သည်။ စူလ်တန်၏ စစ်ပွဲများတွင်  စစ်ပြေးရခိုင်ဘုရင်ပါဝင်တိုက်ခိုက်ပေးခဲ့သည်။

    (၁၄၃၀)ခုနှစ်တွင် အဟမတ်ရှားကို ဆက်ခံသူ Nadia Shah က နရမိက္ခလ၏ စစ်ရေးအကူအညီတောင်းမှုကို လက်ခံပြီး သူ၏ စစ်ဗိုလ်ချုပ် ၀လီခန် VELI KHAN ၏ စစ်တပ်ကို နရမိက္ခလအား ကူညီရန် ထည့်ပေးလိုက်သည်။ ၀လီခန် သစ္စာဖောက်သွားသဖြင့် Nadia Shah ၏ အခြား စစ်တပ်တစ်ခု အကူအညီဖြင့် ရခိုင်ကို ပြန်လည်တိုက်ခိုက် အောင်မြင်ခဲ့သည်။

    နရမိက္ခလက မွတ်စလင်မ် စစ်သားများကို မြို့ဟောင်းအနီး၌ နေရာချထားပေးသည်။ သူတို့က SANDIKHAN ဗလီကိုတည်၍ ၀တ်ပြုရာ ယနေ့အထင်ကရ ရှိနေသေးသည်။

    ထို့ကြောင့် မွတ်စလင်မ်များမှာ (၁၄၃၀)ကစတင်၍ အခြေကျနေထိုင်ခဲ့ပြီး အိန္ဒိယနိုင်ငံနှင့် ရေကြောင်း၊ ကုန်းကြောင်း ဆက်သွယ်မှုနှင့် ကုန်သွယ်မှုများကြောင့် ရခိုင်ရာဇ၀င်တွင် ထင်ရှား၏။

    (အညွှန်း R.C MAJUMDAR, Hindu Colonies in Far East. Calcutta 1944. Pg 202-205-206)

    ရခိုင်ဘုရင်ဒင်္ဂါးများပေါ်၌ အစ္စလာမ် ဘာသာရေးစာများ ပုံနှိပ်ဖော်ပြထားခြင်း

    အေဒီ(၁၄၃၀)မှစ၍ ရခိုင်နန်းဆက်မှာ ဘင်္ဂါလီလက်အောက်ခံများဖြစ်သွားသည်။ ထို့ကြောင့် ရခိုင်ဘုရင်များမှာ ဗုဒ္ဓဘာသာဝင်များ ဖြစ်သော်လည်း မွတ်စလင်မ်ဘွဲ့အမည်များ ခံယူထားပြီး အစ္စလာမ်ဘာသာသက်ဝင်မှု၌ အရေးပါဆုံးသော ခံဝန်ကတိပြုချက်ဖြစ်သည့် “အလ္လာဟ်ဘုရားသခင် တစ်ပါးတည်းသာ ရှိတော်မူ၍ မုဟမ္မဒ်သခင်သည် ဘုရားသခင်၏ တမန်တော်ဖြစ်ကြောင်း” စာတမ်းကို ဒင်္ဂါးများပေါ်၌ ခတ်နှိပ်ဖော်ပြထားသည်။

    (ညွန်း M.ROBINSON AND L.A SHAW, The Coins and Bank Notes of Burma, England 1980. Pg-44)

    (GE HARVEY P-140)

    အထက်ပါ မွတ်စလင်မ်ဘွဲ့အမည်ကို ယူ၍ အစ္စလာမ်ကို သက်ဝင်မှု ၀န်ခံချက် ဒင်္ဂါးသွန်းလုပ်ခြင်းအမှုကို ရခိုင်ဘုရင်များက (၁၇)ရာစု တစ်ဝက်ခန့်အထိ စဉ်ဆက်မပြတ် ကျင့်သုံးခဲ့ကြသည်။

    ရခိုင်နန်းတွင်းဝန်ထမ်း မွတ်စလင်မ်များ

    သီရိသုဒ္ဓမ (THIRITHUDAMMA) (1622-1638)၌ မင်းတိုင်ပင် ဆရာဝန်တစ်ဦးရှိခဲ့သည်။

    (ညွှန်း ပေါ်တူဂီခရီးသွား Augustine ဘုန်းကြီး Sebastain MANRIQUE အာရကန်၌ 1629-1637 မှတ်တမ်း)

    သူက အရေးပါသော နန်းတွင်းမွတ်စလင်မ် အမှုထမ်းများနှင့် မွတ်စလင်မ် ကုန်သည်များသာမက မွတ်စလင်မ်အကျဉ်းသားများကို မှတ်တမ်းတင်ခဲ့သည်။ အကျဉ်းသားများမှာ ဘင်္ဂလားမှ ကျွန်အဖြစ်ခိုင်းရန် ဖမ်းလာသူများ ဖြစ်သည်။ သူက ထိုမွတ်စလင်မ်များကို ခရစ်ယာန်ဘာသာသို့ သွတ်သွင်းရန် ကြိုးစားရာ မအောင်မြင်ခဲ့ပါ။

    MANRIQUE က ဘုရင်နန်းတက်ပွဲ၌ မွတ်စလင်မ်တပ်ဖွဲ့များ အရေးပါစွာ ပါဝင်မှုကို မှတ်တမ်းတင်ထားခဲ့သည်။ အိန္ဒိယနိုင်ငံ ရဂ်ျပုတီးမှ မြင်းတပ်ဖွဲ့တစ်ဖွဲ့က နန်းတက်ပွဲကို ဖွင့်ပေးခဲ့သည်။

    ၎င်းမြင်းတပ်နောက်မှ သင်းကွပ် ဓားကိုင်တပ်ဖွဲ့ ချီတက်ခဲ့သည်။ ထိုမွတ်စလင်မ်တပ်ဖွဲ့ဝင်များမှာ ကတီပါအစိမ်းပေါ်၌ ငွေပြားခတ်ဝတ်စုံ ၀တ်ပြီး အာရေဗျမှ မြင်းဖြူအကောင်းစားများကို စီးနင်းခဲ့ကြောင်း ကိုယ်တွေ့ရေးခဲ့သည်။

    မြင်းသည်တော် (၆၀၀)ပါရှိပြီး မဂိုရ်စစ်သားများမှာ ပိုးသားဝတ်စုံ အစိမ်းများကို ၀တ်ထားကြသည့် လေးသည်တော်များ ဖြစ်ကြသည်။

    မွတ်စလင်များသာမက ပေါ်တူဂီများ၊ ခရိယံဂျပန်ကြေးစားစစ်သားများ ပါဝင်စစ်ရေးပြခဲ့သည်။ ထိုသူတို့ကို ဘုရင် ဘိသိတ်ခံသော ဘုရားအတွင်းသို့မူ ၀င်ခွင့်မပြုခဲ့ချေ။

    (ညွှန်း မိုရှိရေဂါ P-21)

     

    ဆောင်းပါးရှင် စန်းဦးအောင်မှ M-Media သို့ပေးပို့လာသော ဆောင်းပါးဖြစ်ပါသည်။ ဆောင်းပါးတွင်ပါရှိသည့် သမိုင်းဆိုင်ရာ အချက်အလက်များမှာ ဆောင်းပါးရှင်ရဲ့ စုစည်းတင်ပြမှုဖြစ်ပါသည်။