News @ M-Media

Category: ဆောင်းပါး

  • စိတ်ခွန်အား ပြန်လည်ပြည့်ဝလာတဲ့ လူငယ်တစ်ယောက် အကြောင်း (WORLD AIDS DAY အထိမ်းအမှတ်)

    စိတ်ခွန်အား ပြန်လည်ပြည့်ဝလာတဲ့ လူငယ်တစ်ယောက် အကြောင်း (WORLD AIDS DAY အထိမ်းအမှတ်)

    ဒီဇင်ဘာ ၁၊ ၂၀၁၂
    M-Media
    ရဲမာန်အောင်

    ဒီနေ့ထူးထူးခြားခြား မထင်မှတ်ပဲ လက်ဖက်ရည်ဝိုင်းက စိုစိုပြည်ပြည်လေးဖြစ်နေသည်။ ကျွန်တော် တော်တော်အံ့သြနေမိသည်။ ဒီလိုလက်ဖက်ရည်ဝိုင်းမျိုး သူငယ်ချင်းတွေ စုပြီးမထိုင်ဖြစ်တာတော်တော်ကြာခဲ့ပြီလေ။ ဝိုင်းထဲမှာ ထွေရာလေးပါးစကားအစုံကို တက်တက်ကြွကြွ ဦးဆောင်နေတာ က “ မြင့်ထူး” ။
    ကျွန်တော် အဓိက အံ့သြရသူက သူ့ကိုပါ။ သူ့ကိုယ်သူ သာမန်လူကောင်းတစ်ယောက်နဲ့မခြား  ပျော်ပျော်ပါးပါးစကားတွေ ပြောနေလိုက်တာများ။ သူက ကျွန်တော်တို့ သူငယ်ချင်းတွေပေါင်းလုပ်နေတဲ့ ပရဟိတ လူမှုကွန်ယက်မှာလည်း တက်ကြွစွာပါဝင်လှုပ်ရှားသူတစ်ယောက်ပါ။ မြင့်ထူးကို ကြည့်ရင်း ကျွန်တော့်အတွေးထဲကို လွန်ခဲ့သော ခြောက်နှစ်ခန့်က အဖြစ်အပျက်တွေ အစီအရီဝင်ရောက်လာပါတော့တယ်။ ကံကြမ္မာ ဟူသည်ကား ဆန်းကြယ်လှပေစွ။

    ၂၀၀၅-၆ အကူးအပြောင်းလေးမှာပေါ့။ မြင့်ထူးက ကျွန်တော်နဲ့အရမ်းတွဲတဲ့သူငယ်ချင်း။ ဘယ်လောက်ထိရင်းလဲဆိုရင် သူ့မိသားစုဝင်တွေနဲ့ပါ တရင်းတနှီး၊ မြင့်ထူးတို့အိမ်က ကျွန်တော်တို့ သူငယ်ချင်းတွေရဲ့စားအိမ်သောက်အိမ်၊ ကျွန်တော်တို့သူငယ်ချင်းတွေရဲ့စုရပ်လို့တောင်ပြောလို့ရပါတယ်။

    ၂၀၀၅ နှစ်ကုန်ပိုင်း ဒီဇင်ဘာမှာ ကျွန်တော်အလုပ်ကိစ္စနဲ့ခရီးတွေသွားနေရတာနဲ့ မြင့်ထူးတို့အိမ်ဘက် သိပ်မရောက်ဖြစ်ပဲ သူငယ်ချင်းတွေလည်း မဆုံဖြစ်ကြဘူးပေါ့။ နောက်ပိုင်း အလုပ်တွေလက်စသတ်တော့ ၂၀၀၆ ဇန်နဝါရီလကုန်ပိုင်းလောက်မှ ကျွန်တော်လည်း ခရီးကနေပြန်ရောက်တယ်။ ဒါနဲ့ မတွေ့တာကြာပြီဖြစ်လို့ မြင့်ထူးတို့ အိမ်ဖက်ကို ရောက်သွားခဲ့တယ်။ မြင့်ထူးတို့အိမ်ရောက်တော့ မြင့်ထူးညီမလေးက မြင့်ထူးတစ်ယောက် ခုတစ်လောနေမကောင်းကြောင်း၊ ကျွန်တော်က ဘာဖြစ်တာလဲလို့ဆိုတော့ New Year ပွဲတော်ရက်ပြီးကထဲက တရှောင်ရှောင်နဲ့ ညနေဖက်ဆို အဖျားတက် တက်နေကြောင်း ပြောပြပါတယ်။ ကျွန်တော်လည်း မြင့်ထူးကိုဝင်တွေ့ပြီး ကောင်းသွားမည်ဖြစ်ကြောင်း၊ အစားအသောက် ဂရုစိုက်ရန်လိုကြောင်း၊ စတာတွေပြောပြီး ပြန်လာခဲ့ပါတယ်။ နောက်ရက်ပိုင်းတွေတော့ ကျွန်တော်လည်း ကိုယ့်အလုပ်နဲ့ကိုယ် မအားတာနဲ့ မြင့်ထူးတို့အိမ်ဘက် သိပ်မရောက် ဖြစ်တော့ပါ။

    ဒီလိုနဲ့ ဖေဖော်ဝါရီလဆန်းရက်မှာပေါ့။ တစ်ရက် အလုပ်မှာထိုင်နေရင်း …..

    “ တီတီ..တီတီ…တီတီ..” ကျွန်တော့် အလုပ်စားပွဲပေါ်မှ ဟန်းဖုံးကမြည်လာပါတယ်။ ဖုံးနံပါတ်ကြည့်လိုက်တော့ မြင့်ထူးအစ်ကို မြင့်ဦး ဆီက ဖုံးဖြစ်နေတယ်၊ ပြန်ထူးလိုက်ပါတယ်။

    “ ဟုတ်ကဲ့ကိုမြင့်ဦး .. ပြောပါ”

    “ ဟေ့ကောင်ရဲကြီး မင်းကလည်းပျောက်နေလိုက်တာကွာ”

    “ မဟုတ်ပါဘူးအကိုရာ အလုပ်လေးနည်းနည်းများနေလို့ပါ.. ဒါနဲ့မြင့်ထူးတစ်ယောက် ဘယ်လိုနေလဲဗျ.. ကျွန်တော်လည်း မရောက်ဖြစ်လို့… ကောင်းသွားပြီလားမသိ”

    “ အေးကွာ…အကိုလည်း အဲဒီအတွက်ပဲ မင်းကို ဆက်တာကွ.. ဒီကောင်ကွာ တရှောင်ရှောင်နဲ့ ခုထိမသက်သာဘူးကွ.. ညနေတိုင်းလိုလို အဖျားတက်တက်နေတယ်.. အကိုသိပ်မကြိုက်ဘူး သူ့ပုံစံကို.. ဖြစ်နိုင်ရင် သေချာစစ်ဆေးလိုက်စေချင်တယ်.. တော်ကြာ အပျက်အပျက်နဲ့ နှာခေါင်းသွေးထွက်နေမယ်။ အဲဒါမင်းနည်းနည်းကူပါဦးကွာ”

    “ ကောင်းပြီအကို.. စိတ်ချ၊ ကျွန်တော်အစွမ်းကုန် ကူညီပါ့မယ်။မနက်ဖြန်မနက် သူ့ကို ကျွန်တော်ဆေးခန်းခေါ်သွားလိုက်မယ်။ လိုအပ်တာတွေအကုန်စစ်ပေးလိုက်မယ်ဗျာ။ အကို သူ့ကိုမှာထားလိုက်ပါ..ကျွန်တော်လာခေါ်မယ်လို့။”

    “ အေးအေး..ကျေးဇူးပဲကွာ.. အကိုကျတော့ ညီအစ်ကိုချင်းဆိုတော့ ပြောရတာ လက်ပေါက်ကပ်လို့”

    “ ဟုတ်ကဲ့အကို.. ကျွန်တော် နက်ဖြန်စီစဉ်ပါ့မယ် …စိတ်ချနော်.. ဒါပဲနော်အကို ဖုံးချလိုက်တော့မယ်”

    ဖုံးချလိုက်ပြီး အစီအစဉ်တွေကမန်းကတမ်းဆွဲရသည်။ အလုပ်တွေ အချိန်ရွှေ့သင့်တာရွှေ့နဲ့ပေါ့။

    နောက်နေ့မနက်ကျတော့ စောစောထပြီး မြင့်ထူးကိုသွားခေါ်သည်။ မြင့်ထူးတစ်ယောက် မလိုက်ချင်လိုက်ချင်နဲ့ လိုက်လာပါတယ်။ လူကလည်း ပိန်ချုံးလို့ ဝိတ်တော်တော်ကျသွားတယ်။ ကျွန်တော်သူ့ကို တွဲပြီးလမ်းထိပ်ကို ထွက်လာရင်း မြင့်ထူးက “ဟေ့ကောင်ရဲကြီး.. ငါကော်ဖီသောက်ချင်တယ်ကွာ.. လက်ဖက်ရည်ဆိုင်ခဏထိုင်ရအောင်” လို့ဆိုတော့ ကျွန်တော်က“ ဟာ နေပါဦးကွာ မင်းကလည်း..ဆေးခန်းက အပြန်သောက်တာပေ့ါ. တကယ်လို့ ဆေးခန်းမှာ အစာမစားပဲ စစ်စရာရှိရင် တစ်ခါတည်း အဆင်သင့်ဖြစ်တာပေါ့ကွ” လို့ပြန်ပြောတော့ မြင့်ထူးက “ ဟာကွာ… ငါမင်းကို ပြောပြစရာရှိလို့ပါ… လက်ဖက်ရည်ဆိုင်သာ င့ါကိုခေါ်သွားစမ်းပါကွာ..ငါတောင်းပန်ပါတယ်” လို့ဆိုပြန်တော့ ကျွန်တော်လည်း မတတ်သာသည့်အဆုံး လမ်းထိပ်က လက်ဖက်ရည်ဆိုင်ကိုဝင်ထိုင်လိုက်ကြပါတယ်။ လက်ဖက်ရည်ဆိုင်ရောက်တော့ ခဏနားပြီး မြင့်ထူးက

    “ သူငယ်ချင်း … မင်းမှတ်မိမလားမသိဘူး ၂၀၀၀ ခုနှစ်လောက်တုန်းက ငါ နိုင်ငံခြားမှာသွားပြီးအလုပ်လုပ်ဖို့လုပ်တုန်းက ကုမ္ပဏီကိုပေးထားတဲ့ ငွေတွေ ဆုံးသွားတယ်ဆိုတာလေ”

    “ ဟ..မှတ်မိတာပေါ့ကွာ…ငါတောင်အဲ့တုန်းက မင်းကိုပြောသေးတယ်လေ.. အဲဒီကုမ္ပဏီကို ငွေပြန်မပေးရင် ပြဿနာသွားရှာမယ်လို့”

    “ အေး.. အဲဒါပြောပြမလို့ကွာ..ငါကမင်းကို အစုံအလင်မပြောပြပဲ အုပ်ထားခဲ့မိတာ.. .. .. တကယ်က ကုမ္ပဏီက မှားတာမဟုတ်ဘူး.. မှားတာက ငါ… ငါဆေးမအောင်တာလေ”

    “ ဟာ…….. မင်းကဘယ်လိုဆေးမအောင်တာတုန်းဟ”

    မြင့်ထူးတစ်ယောက် ကျွန်တော်ပြန်မေးတဲ့မေးခွန်းကို ပြန်မဖြေခင် ချုံးပွဲချငိုလိုက်ရင်းက တုန်ရီသောအသံနဲ့

    “ ငါ့မှာ HIV POSITIVE  တဲ့ကွာ”

    ကျွန်တော့ ခေါင်းတစ်ခုလုံး မိုးကြိုးပစ်ချလိုက်သလိုခံစားလိုက်ရပါတယ်။

    “ ဟာ ……………….မင်းကွာ.. အဲဒါင့ါကို ဘာဖြစ်လို့ အစောကြီးကမပြောပြတာလဲကွာ.. မင်းတော်တော်မှားတယ်ကွာ.. ဘာပဲဖြစ်ဖြစ် မင်းငါ့ကိုတော့ပြောပြသင့်တာပေ့ါ.. ငါတို့တွေက တစ်ဖက်မှာ နှစ်သိမ့်ပညာပေးအစီအစဉ်တွေကို နယ်တွေအထိတောင်ဆင်းပြီးလုပ်နေကြတာ.. မင်းက ငါတို့နဲ့အနီးဆုံးဖြစ်ပြီး အဲလောက်တောင်ပေ့ါဆရလားကွာ… ”ပြောရင်း ကျွန်တော်လည်း မျက်ရည် မဆည်နိုင်ပါဘူး။ မြင့်ထူးကလည်း ငိုတာမရပ်တော့ဘူး။ ကျွန်တော် အလုပ်သင့်ဆုံးကိစ္စတစ်ခုကို အမြန်ဆုံးအကောင်အထည်ဖော်လိုက်ပါတယ်။ ကျွန်တော်သူ့ကိုပြောလိုက်ပါတယ်။

    “ စိတ်ဓါတ်မကျပါနဲ့ သူငယ်ချင်းရေ.. အေးဆေးပါကွာ။ ဘာမှမဖြစ်ဘူး။ ငါမင်းကိုအဆင်ပြေဆုံးဖြစ်အောင် ကူညီပါ့မယ်။ လတ်တလော မင်းအဲဒီကိစ္စကို ခေါင်းထဲက ထုတ်ထားလိုက်စမ်းပါ၊ တစ်ခုတော့ ရှိတယ် ။ ငါတို့စီစဉ်ပေးတဲ့အတိုင်းတော့ မငြင်းပဲ လိုက်နာပေးဖို့ မေတ္တာရပ်ခံချင်တယ်။”  မြင့်ထူးလည်း မျက်ရည်တွေကြားထဲကနေခေါင်း အသာညိတ်ရှာပါတယ်။

    နောက်တစ်ရက်ကျတော့ ကျွန်တော့သူငယ်ချင်း ဆရာဝန်နဲ့အတူ မြင့်ထူးကိုသွားခေါ်ပြီး ဝေဘာဂီဆေးရုံကြီးကို ခေါ်သွားခဲ့ပါတယ်။ ဆေးရုံကိုရောက်တော့ လိုအပ်တဲ့ Confirmatory Test တွေလုပ်ပြီး စာရင်းသွင်းခဲ့ပါတယ်။ ဟုတ်ပါတယ် မြင့်ထူးဟာ HIV POSITIVE ဖြစ်နေတာအမှန်ပါပဲ။  လက်ရှိခံစားနေရတဲ့ ရောဂါဝေဒနာတွေကို စစ်ဆေးကြည့်တော့ အဆုတ်လည်းပွ နှလုံးလည်း ကြီးနေပါတယ်။ ဒါနဲ့ပဲ ဆေးရုံတစ်ခုမှာတင်ပြီး ဆေးကုသမှုခံယူပါတယ်။ ဆရာဝန်ကြီးက အရင်ဆုံး နှလုံးကြီးတာကို အရင်ကုသပါတယ်။ တော်တော်လေး အခြေအနေတိုးတက်လာတော့မှ မူရင်းရောဂါနဲ့ပတ်သက်တဲ့ဆေးတွေကို စတိုက်ပါတယ်။ သူ့စီဒီဖိုးကောင့်က တစ်ရာအောက်မှာပါ။ ဝမ်းလည်းဆက်တိုက်နီးပါးစသွားနေပါပြီ။ အပြင်လူတွေရဲ့အပြောအရတော့ မြင့်ထူးဟာ မျှော်လင့်ချက်မဲ့နေပါပြီ။ ဒါပေမယ့် ကျွန်တော်တို့ ဇွဲမလျှော့ပါဘူး။ မြင့်ထူး ဆေးရုံတက်နေတဲ့ကာလတလျှောက် ကျွန်တော် မြင့်ထူးကို နေ့တိုင်းသွားတွေ့ပါတယ် ။ လိုအပ်တာတွေ စီစဉ်ပေးပါတယ်။ တော်တော်လေး ထူနိုင်ထောင်နိုင်သွားတဲ့အချိန်ကျတော့ ဆရာဝန်ကြီးက ဆေးရုံဆင်းခွင့်ပြုလိုက်ပါတယ်။ ဒါပေမယ့် မြင့်ထူး လမ်းကောင်းကောင်း မလျှောက်နိုင်တော့ပါဘူး။ အောက်ပိုင်းခြေထောက်တွေ ချိနဲ့သွားတဲ့ သဘောဖြစ်မယ်ထင်ပါတယ်။ စိတ်ဓါတ်လည်း တော်တော်ကျနေတဲ့ပုံပဲဗျ။ ကျွန်တော်စဉ်းစားပါတယ်။ မြင့်ထူးကိုဘာလုပ်ပေးနိုင်မလဲပေ့ါ။ နောက်ဆုံး ကျွန်တော်စာလေး တစ်စောင်ချရေးဖြစ်ပါတယ်။ မြင့်ထူးရယ်မှမဟုတ်ပါဘူး။ သူ့လိုဘဝတူ အားလုံးကို ရည်ရွယ်ထားတဲ့စာလေးတစ်စောင်ပါ။

    P.L သူငယ်ချင်းသို့…………အိတ်ဖွင့်ပေးစာ

    သူငယ်ချင်းရေ…….

    မင်းအနားမှာလာပြီး ထိုင်ပြောနေရင် မင်းနားငြီးမှာစိုးလို့ စာရေးပြီးမင်းကိုပေးထားမယ်လို့ စိတ်ကူးရတာနဲ့ ဒီစာကိုရေးလိုက်တာပါကွာ. .သေချာဖတ်ပါ… အလိမ်အညာတစ်ခုမှမပါဘူး… အပွင့်လင်းဆုံးတွေရေးထားတာ…

    Positive Living  ( P . L  )

    (P.L)ဆိုတာရောဂါပိုးရှိလျှက်နဲ့အသက်ရှင်နေထိုင်ခြင်းကိုဆိုလိုတာ..ရောဂါပိုးရှိတော့ဘာဖြစ်လဲ? ရှိရှိပေါ့ကွာ..ခန္ဓာကိုယ်အတွင်းကဖြစ်လာတဲ့ဟာကိုရှောင်လွှဲလို့မှမရနိုင်တာ… ရင်ဆိုင်လိုက် စမ်းပါကွာ… ဒီရောဂါပိုးရှိလာရင် ဆေးကိုအချိန်မှန်မှန်၏အသက်နဲ့ခန္ဓာမြဲသရွေ့သောက်ရမယ်… ၀မ်းနည်းစရာဘာမှမရှိဘူး။ သွေးတိုး၊ ဆီးချိုသမားတွေလည်း သက်ဆုံးတိုင် ဆေးသောက် ကြရတာပါပဲ၊ ကိုယ့်ကိုယ်ကို သူတို့နဲ့ဘ၀တူပဲလို့ မှတ်ယူထားလိုက်စမ်းပါ၊ အစားကိုကောင်းကောင်းစား၊ အားဖြစ်မယ့် အစားအစာတွေကို အဓိကစား၊ သတိထားရမှာက စိတ်တည်ငြိမ်ဖို့ပဲ၊အားလပ်တဲ့အချိန် တိုင်းမှာ ဘုရားတရားကိုအာရုံပြု၊ ဖြစ်သမျှအကြောင်းကို အကောင်းချည်းပဲလို့မှတ်ထား၊ မိသားစုကို ဘယ်လိုနည်းနဲ့ အကျိုးပြုနိုင်မလဲဆိုတာလေးလေးနက်နက် စဉ်းစား၊ ပျော်တာပါးတာတွေမေ့ထား လိုက်တော့…..“ သောက်မှစားမှ ပျော်စရာမဟုတ်ဘူး” မိသားစုနဲ့ ပျော်ပျော်ရွှင်ရွှင်နေထိုင်ရင်လည်း ပျော်စရာပါ၊ ဒီနေ့လောကကြီးမှာ ဒီလိုနည်းနဲ့အသက်ရှင်နေထိုင်တဲ့လူတွေ(P.L )တွေအများကြီး၊ အရာရာကိုအကောင်းမြင်ပါ..။

    ဆိုးဆိုးဝါးဝါးဖြစ်ပျက်သွားတဲ့အဖြစ်အပျက်တစ်ခု–ဥပမာ- လူ(၅၀)ကျော်သေဆုံးသွားတဲ့ ပေါက်ကွဲမှုတစ်ခုကိုကြည့်ပြီး အဆိုးမြင်ဝါဒီသမားက ဘာပြောလဲဆိုတော့ “ဒီ့ထက်ဆိုးတာမရှိနိုင်တော့ဘူး”လို့ ပြောတယ်။ အဲ—— အကောင်းမြင်ဝါဒီသမားကတော့ ဒီလိုမဟုတ်ဘူး၊ “ ဒီ့ထက်ဆိုးတာရှိနိုင်သေးတယ်”လို့ပြောတယ်။ အဲဒီနှစ်ယောက် ဘယ်သူမှန်မယ်ထင်လဲ၊ ငါတော့အကောင်းမြင်တဲ့လူကို ထောက်ခံတယ်။ ဘာဖြစ်လို့လဲဆိုတော့ လက်ရှိဖြစ်ပျက်သွားတဲ့ကိစ္စကို မင်းလက်မခံလို့မှမရတာ။ အဆိုးထဲကအကောင်းကို မြင်အောင်ကြည့်ရမှာပေါ့။ မဟုတ်ဘူးလား….ဆိုးတာကိုဆိုးတယ်လို့ပြောပြီး ငုတ်တုတ်ထိုင်နေရင် ဆုံးရှုံးရုံကလွဲပြီး ဘာမှဖြစ်မလာ နိုင်တော့ဘူး။

    လောကမှာကိုယ်ဖြစ်စေချင်နေတာတွေထက် သူ့ဟာသူဖြစ်လာနေတာကို ပြေလည်အောင်ဖြေရှင်းနိုင်ဖို့ ပိုအရေးကြီးတယ်ကွာ။

    ( P.L )တစ်ယောက်အနေနဲ့ မင်းအရင်ဆုံး အနှောင့်အယှက်ဖြစ်လာနိုင်တာက မင်းရဲ့ပတ်ဝန်းကျင်( အပေါင်းအသင်း)တွေပဲ။

    သူငယ်ချင်းရေ…..

    မင်းရဲ့ အပေါင်းအသင်းတွေထဲမှာ ငါ့လိုစကားများတဲ့လူတွေပါနိုင်သလို၊ မင်းကိုမလိုလားတဲ့စကားတွေနဲ့ သွားပုပ်လေလွင့်ပြောပြီး ရှေ့ မှာတစ်မျိုး၊ ကွယ်ရာမှာတစ်ဖုံ ဆက်ဆံကြမယ့် သူငယ်ချင်းအတုအယောင်တွေလည်းရှိနိုင်တယ်။ ဂရုမစိုက်ပါနဲ့…ဒီဟာကလည်း အပြစ်လို့မဆိုသာဘူး။ ငါတို့မွေးဖွားကြီးပြင်းရတဲ့ ဒေသကိုက ဒီကိစ္စနဲ့ပက်သက်ရင် ကျန်းမာရေး ဗဟုသုတ နည်းပါးနေကြလို့ပါ၊ ပြောနေကြတဲ့လူတွေကိုယ်တိုင်ဆေးစစ်မခံရဲဘူး။ ဒေါသမဖြစ်ပါနဲ့။ သူတို့ကိုမေ့ထားလိုက်ပါ။ သူ့ဟာသူအချိန်တန်ရင် ရပ်သွားလိမ့်မယ်။ နောက်ပြီးတော့ အရေးကြီးဆုံးက မိသားစုကိုအသိပေးပါ။ ဆေးသောက်ဖို့ကိစ္စ တစ်ယောက်တည်းနဲ့ ရေရှည်မဖြစ်နိုင်ဘူး။ ရှက်စရာကိစ္စမဟုတ်ဘူး။ သူများပြောမှသိရတာထက် ကိုယ်ပြောလို့သိသွားတာကောင်းတယ်၊ မင်းလည်းလိပ်ပြာပိုသန့်မယ်။

    “ သေခြင်းတရား ”

    ဒီကိစ္စက မင်းနဲ့လည်းမဆိုင်ဘူး။ ငါနဲ့လည်းမဆိုင်ဘူး။ ဒီကိစ္စကိုလောကမှာဘုရားမှလွဲပြီး ဘယ်သူမှ မစိုးပိုင်ဘူး။ ဒီတော့ဘုရားသခင်ကိုကျော်ပြီးမတွေးပါနဲ့။ သူ့အလုပ်သူလုပ်လိမ့်မယ်။ ကိုယ့်အလုပ်က ကျန်းမားအောင်နေထိုင်ဖို့၊ ဘုရားကြိုက်အောင်နေဖို့။ငါတို့အယူဝါဒမှာ ရှိတာ ငါပြောပြမယ်။ “ရောဂါဘယဆိုတာဟာတဲ့ ဘုရားသခင်ကမင်းကိုချစ်လို့ပေးတာတဲ့၊ ဘာဖြစ်လို့လဲဆိုတော့ လူဆိုတာအမှားမကင်းဘူး၊ အပြစ်ဆိုတာရှိနိုင်တယ်။ အဲဒီအပြစ်တွေကို ဆေးကြောပေးတာပဲ”တဲ့။ ဒီတော့လောကမှာ နေထိုင်ခွင့်ရတုန်း အပြစ်တွေဆေးကြောခွင့်ရတယ် လို့မှတ်ယူထားလိုက်ပေါ့ကွာ။လောကကြီးမှာ “ ကြည့်တတ်ရင် ဘာဝနာ၊ မကြည့်တတ်ရင်တဏှာတဲ့” တရားဘာဝနာစီးဖြန်းဖို့ အားထုတ်ပါ။

    လောကမှာအသက်ရှင်နေထိုင်ဖို့ “ ကံ၊ စိတ်၊ ဥတု၊ အာဟာရ ” ညီမျှရမယ်လို့ ဗုဒ္ဓမြတ်စွာဘုရားကမိန့်တယ်။ ကံဆိုတာ အလုပ်၊ စိတ် ဆိုတာက မင်းရဲ့စိတ်နှလုံးသန့်ရှင်းကြည်လင်ဖို့၊ ဥတုဆိုတာက ရာသီဥတု၊ အာဟာရဆိုတာက မင်းနေ့စဉ် မှီဝဲစားသောက်ရမယ့် အစားအစာ ဆေးကိုဆိုလိုတာ…အသက်ကိုဥာဏ်စောင့်ပါတယ်ကွာ….။

    သူငယ်ချင်းရေ……

    ဒီနေ့ကမ္ဘာကြီးဟာ လျှင်မြန်တဲ့အဟုန်နဲ့ ပြောင်းလဲတိုးတက်နေတာကွ… ဘယ်နယ်ပယ်မှာမဆိုပေါ့ကွာ….အခုပဲကြည့်လေ.. “ကုရာနတ္ထိ ဆေးမရှိ”ဆိုတဲ့ဆောင်ပုဒ် ဘယ်ရောက်သွားမှန်းတောင်မသိဘူး။ အခုနောက်ဆုံးငါသိထားရသလောက်ပြောရရင် အမြစ်ပြတ် မကုနိုင်သေးပေမယ့် ရောဂါကိုတားထားနိုင်တဲ့ဆေးတွေပေါ်လာပြီလေ။ မဝေးတော့တဲ့အနာဂတ်မှာ ဒီရောဂါဆိုးကြီးကို အမြစ်ပြတ်ချေ မှုန်းနိုင်တဲ့ ဆေးစွမ်းကောင်းတွေ ပေါ်မလာဘူးလို့ ဘယ်သူဆိုဝံ့သလဲ……. လူဆိုတာမျှော်လင့်ချက်နဲ့ အသက်ရှင်နေရတာပါကွာ…

    ဒီတော့ “သူငယ်ချင်း”…..

    ရခဲတဲ့လူ့ဘ၀မှာ အသက်ရှည်စွာနေထိုင်နိုင်ဖို့ ကြံ့ကြံ့ခံစမ်းပါသူငယ်ချင်းရာ။ “ ငါဘာမှမဖြစ်ဘူး၊ငါကျန်းမာလာပြီ”လို့ စိတ်ထဲမှာခံယူထားပါ။ စိတ်ရှုပ်စရာတွေ မတွေးပါနဲ့… အိမ်ထဲမှာနေ နေရလို့ မွန်းကျပ်လာရင် ငါတို့နဲ့လာနေပါ၊ပျော်ရွှင်စွာနေပါ။

    မင်းနေကောင်းသွားပြီလို့ ငါယုံကြည်တယ်ကွာ…. တစ်ခုခုစိတ်ထဲမှာ ခံစားရရင် ဒီစာလေးကို ထုတ်ဖတ်ပါသူငယ်ချင်း။ မင်းအတွက်ဆေးတစ်ခွက်ဖြစ်ရင် ငါကျေနပ်ပါတယ်ကွာ…… သူငယ်ချင်း ကိုယ်စိတ်နှစ်ပါးရွှင်လန်းချမ်းမြေ့ပါစေ။

    မင်းရဲ့အချစ်ဆုံးသူငယ်ချင်း

    ရဲကြီး

    နောက်ရက် မြင့်ထူးဆီသွားတော့ သူက ကျွန်တော့်စာလေးအတွက် ကျေးဇူးတင်တဲ့အကြောင်း သူ့စိတ်ခွန်အားတွေ ပြန်ပြည့်လာသလိုခံစားရကြောင်း။ ဘယ်သူ့ကိုမှ အသိမပေးခဲ့မိတဲ့ သူ့အမှားတွေအတွက်လည်း နောင်တရမိကြောင်း၊ ခုဆိုရင် တော်တော်လေး နေသာထိုင်သာရှိသွားပြီး ဆေးလည်းအချိန်နဲ့တိတိကျကျသောက်နေတဲ့အကြောင်း မိသားစုနဲ့ ပျော်ပျော်ရွှင်ရွှင်နေထိုင်နေပြီး ဘုရားတရားလည်း ပိုလုပ်ဖြစ်ကြောင်း။တကယ့်လူ့ဘဝကို အခုမှ တန်ဖိုးထားမိကြောင်းတွေ ရွှန်းရွှန်းဝေအောင်ပြောနေပါတော့တယ်။ ကျွန်တော်ကလည်း ရောဂါဘယတစ်ခုဖြစ်လာရင် စိတ်ဓါတ်အရေးကြီးကြောင်း စိတ်ထောင်းလို့ကိုယ်ကြေတယ်လို့ အဆိုရှိကြောင်း ၊ ကုသမှုခံယူရင်း လူကောင်းနဲ့မခြား လောကအကျိုးပြုလုပ်ငန်းတွေ လုပ်နိုင်ကြောင်း ပြောပြပါတယ်။ အောက်ပိုင်း ချိနေတာကိုလည်း တဖြေးဖြေး လေ့ကျင့်ခန်းလုပ်ရင်း တော်တော်ပြန်ကောင်းလာတာကိုလည်း တွေ့ရပါတယ်။ ကျွန်တော့ရင်ထဲက ပီတိအဟုန်ကိုလည်းပြောမပြတတ်အောင် ခံစားမိခဲ့ပါတယ်။

    ဘယ်လောက်ကြာအောင် အတွေးနယ်ချဲ့နေမိသည်လည်းမသိ။  “ဟေ့ကောင်..ရဲကြီး..ဘာတွေစဉ်းစားနေတာလဲကွ၊ မင်းကိုခေါ်နေတာကြာလှပြီ” ဆိုတဲ့ မြင့်ထူးရဲ့အသံကြားမှ ကျွန်တော်  လက်ဖက်ရည်ဝိုင်းထဲကို ပြန်အာရုံဝင်လာပါတယ်။

    “ဘာရယ်မဟုတ်ပါဘူးကွာ.. တောင်တောင်အီအီလျှောက်စဉ်းစားနေတာ..ဟဲဟဲ” မြင့်ထူးက“ အေးပါ.. မင်းကသာ လျှောက်စဉ်းစားနေတာ…ကြည့်လည်းလုပ်ဦး ခေါင်းတွေဖြူကုန်ဦးမယ်..  ငါဆို တစ်ခါတစ်လေ မင်းတို့နဲ့တွေ့ရင် ကိုယ့်ကိုယ်တောင်မေ့နေတာ.. ဒါနဲ့ ဒီတစ်ပတ်မင်းတို့ နှစ်သိမ့်ပညာပေး ခရီးသွားရင် ငါ့ကိုခေါ်ဦးနော်.. ငါဆေးတွေသေချာဆောင်ပြီးလိုက်ခဲ့မယ်… င့ါဘဝရဲ့ အဖြစ်သနစ်တွေကိုပြပြီး ငါနဲ့ဘဝတူတွေကို စိတ်ဓါတ်မြှင့်တင်ပေးဖို့ငါအရမ်းကိုအာသီသ ရှိနေတယ်ကွာ…  ငါ့ကိုခေါ်သွားဖို့တော့မမေ့ပါနဲ့ကွာ…။” ကျွန်တော်သူ့ကိုကြည့်ရင်း ကြည်နူးပီတိ ဂွမ်းဆီထိသို့ ဖြစ်ရပါလေတော့သတည်း။

    (သူငယ်ချင်း မြင့်ထူး ကျန်းမာရွှင်လန်းစွာဖြင့် လူ့လောကကို အကျိုးပြုရင်း သက်တမ်းစေ့နေထိုင်နိုင်သွားပါစေလို့ ဆန္ဒပြုရင်း 2012 DECEMBER 1 ရက်နေ့မှာ ကျရောက်မယ့် WORLD AIDS DAY ကို ဤဖြစ်ရပ်မှန်ဆောင်းပါးဖြင့် ဂုဏ်ပြု ရေးဖွဲ့ပါသည်။)

    Ye Man Aung (29-11-2012)

     

  • ကမ္ဘာ့ အေအိုင်ဒီအက်စ်နေ့

    ကမ္ဘာ့ အေအိုင်ဒီအက်စ်နေ့

    M-Media
    သန်းမင်းထိုက်

    ဒီနေ့(ဒီဇင်ဘာ ၁ ရက်)နေ့ဟာ World AIDS Day ကမ္ဘာ့ အေအိုင်ဒီအက်စ်နေ့ပါ။ ကမ္ဘာသူ ကမ္ဘာသား သန်းလေးဆယ်လောက်ဟာ HIV(ခုခံအားကျဆင်းစေတဲ့ဗိုင်းရပ်စ်ပိုး) ကူးစက်ခံနေရပါတယ်။ UN AIDS နဲ့ WHO တို့ရဲ့ ၂၀၀၆ ခုနှစ်အစီရင်ခံစာအရ ၂၀၁၀မှာ AIDS(ခုခံအားကျရောဂါ)ကြောင့် မိဘမဲ့ကလေး ၂၅သန်းလောက်အထိ ရှိလာနိုင်တယ်လို့ ဆိုပါတယ်။ ဒီလိုအဖြစ်ဆိုးတွေကို ကာကွယ်ဖို့ World AIDS Day ကို သတ်မှတ်ပြုလုပ်ခဲ့ကြတာဟာပါ။

    AIDS ရောဂါဟာ ဒီနေ့အထိ ကုသပျောက်ကင်းနိုင်တဲ့ ဆေးမတွေ့သေးတဲ့ရောဂါပါ။ ဒါပေမဲ့ ကာကွယ်နိုင်တဲ့ ရောဂါပါ။ အကောင်းဆုံးကာကွယ်ရေးဒိုင်းလွှားဟာ ကိုယ်ကျင့်တရားလို့ပဲ ဆိုရပါလိမ့်မယ်။ လိင်တူ၊ လိင်ကွဲ ဆက်ဆံခြင်း၊ ဆေးထိုးအပ် သုံးခြင်းတို့က တစ်ဆင့် ရောဂါကူးပါတယ်။ သွေးကနေတစ်ဆင့် ကူးတဲ့ရောဂါမို့ တခြား တခြားသော သွေးချင်းကူးလူး ထိစပ်ခြင်းကြောင့်လည်း ကူးစက်နိုင်ပါတယ်။ ဒါကြောင့် ဒီရောဂါဖြစ်တိုင်း ကိုယ်ကျင့် တရားဖောက်ပြန်သူလို့ သမုတ်ဖို့တော့ အလွန်ခက်ပါတယ်။

    တစ်ချိန်က မွတ်စလင်နိုင်ငံ တော်တော်များများဟာ AIDSရောဂါနဲ့ ပတ်သက်တဲ့ ပညာပေးလုပ်ငန်းတွေကို မဆိုင်သလိုနေခဲ့ကြတာ ရှိပါတယ်။ အကြောင်းပြချက်ကတော့ မူးယစ်ဆေးဝါးသုံးစွဲတာ၊ လိင်တူဆက်ဆံတာ၊ လက်မထပ်မီ အတူနေတာတွေကို အစ္စလာမ်က တားမြစ်ထားပြီးဖြစ်တဲ့အတွက် အစ္စလာမ့် တရားတော်အရ သတ်မှတ်ထားတဲ့ စည်းကမ်းတွေကို လိုက်နာရင် ဒီရောဂါဟာ မွတ်စလင် တွေနဲ့ ဘယ်လိုမှ မပတ်သက်နိုင်ဘူးလို့ ယူဆနေလို့ပဲဖြစ်ပါတယ်။ အခုတော့ တခြားအကြောင်းတွေ ရှိနေသေးတယ်ဆိုတာကို သိလာတဲ့အခါမှာ AIDS ရောဂါပညာပေးလုပ်ငန်းတွေကို မွတ်စလင် အဖွဲ့အစည်းတော်တော်များများ ပါဝင်လုပ်လာကြပါတယ်။

    အထူးသဖြင့် မိန်းကလေးတွေဆိုရင် အပြစ်မဲ့ရောဂါရကြရတာများပါတယ်။ ထုံးတမ်းဓလေ့ အစဉ်အလာတွေအရ လူကြီးမိဘတွေစီစဉ်နေရာချပေးတာကို အသာတကြည် ခေါင်းညိတ်လက်ခံပြီး လက်ထပ်ပေါင်းသင်းခဲ့ကြပေမယ့် ကိုယ်နဲ့လက်ထပ်တဲ့သူရဲ့ နောက်ကြောင်းရာဇ၀င်၊ ကိုယ်ကျင့်တရား အခြေအနေကို မသိတော့ နေရင်းထိုင်ရင်း ရောဂါကံစမ်း မဲပေါက်သွားကြရတာမျိုးတွေဟာ ရင်နာဖို့ ကောင်းပါတယ်။ နောက်တော့ လောကကို မယောင်မလည်ရောက်လာဦးမယ့် အပြစ်မဲ့ကလေးပါ ကံဆိုးသူစာရင်း ၀င်ရပါတော့တယ်။ ဒါကြောင့် နိကဟ်ထိမ်းမြား လက်ထပ်မှုလုပ်မယ်ဆိုရင် နှစ်ဦးစလုံး သွေးစစ်သင့်ပါတယ်။

    အိပ်ခ်ျအိုင်ဗွီပိုးဟာ အခုအခါမှာ ကိုယ်ကျင့်တရားနဲ့မဆိုင်တဲ့နည်းနဲ့ အကူးစက်ခံရတာတွေ ရှိနေပေမယ့် ကူးစက်ခံရပြီးသူကတော့ ဆက်လက် မပြန့်ပွားစေဖို့ ကိုယ်ကျင့်တရားနဲ့ ထိန်းသိမ်းပေးဖို့ အရေးကြီးပါတယ်။ တချို့က စာနာစိတ်မရှိဘဲ သေဖော်ညှိပြီး ရောဂါဖြန့်ကြသူတွေလည်းရှိပါတယ်။ အဲဒီလိုတစ်ဆင့်ကူးစေမှုပြဿနာကို ကာကွယ်ရအောင် ရောဂါရှိသူရဲ့အရေပြားအတွင်းမှာ ကွန်ပျူတာ ချိ(ပ်)ထည့်ပေးထားပြီး စောင့်ကြည့်အရေးယူဖို့အထိ ကမ္ဘာမှာ စဉ်းစားလာကြပါပြီ။ တကယ်တော့ “ကိုယ်မလို ချင်တာကို သူများကိုမပေးဘူး”ဆိုတဲ့ ကိုယ်ချင်းစာစိတ်လေး ရှိကြရုံနဲ့တင် ဒီပြဿနာဟာ တော်တော်ငြ်ိမ်းအေးသွားမှာပါ။

    မွတ်စလင်အသိုင်းအ၀ိုင်းကြားမှာ အိပ်ခ်ျအိုင်ဗွီပညာပေး လုပ်ငန်းတွေလုပ်ဖို့ အခက်အခဲလေးတွေ ရှိခဲ့ပါတယ်။ အထူးသဖြင့် ယဉ်ကျေးမှုမတူတဲ့ ကာကွယ်နည်း လမ်းညွှန်တွေကြောင့်ပါ။ ကွန်ဒုံသုံးခြင်းဟာ ရာနှုန်းပြည့်သေချာတဲ့ ကာကွယ်နည်းလို့ မဆိုနိုင်သေးပေမယ့် စိတ်အချရဆုံးနည်းတော့ ဖြစ်တယ်။ ဒါပေမဲ့ ဇေနာ (တရားမဝင် ကာမမှု) ကို ကွန်ဒုံသုံးပြီး လုပ်ပါဆိုတာမျိုးဖြစ်နေလေတော့ လက်မခံနိုင်စရာဖြစ်လာရတာပါ။ တကယ်တော့လည်း လူမှုရေးဖောက်ပြန်မှု၊ကိုယ်ကျင့်တရားဖောက်ပြန်မှုကို တားဆီးတာက ဘာသာ ရေးကိစ္စဖြစ်ပြီး ကပ်ဆိုးကြီးတစ်ခုလို ရောဂါဝေဒနာဆိုးကြီး မကူးစက်မပြန့်ပွားရေး ကာကွယ်တာက ကျန်းမာရေးကိစ္စပါ။ ဒီလိုခွဲမြင်ရင် ပြသနာမရှိလောက်ဘူးထင်ပါတယ်။

    နောက်တစ်ခုက ရောဂါရှိသူတွေအတွက် ကိုယ့်အိမ်ထောင်ဘက်ကို မကူးရလေအောင် ကွန်ဒုံက သုံးဖို့လိုပါတယ်။ ဇေနာကို အားပေးသလိုမဖြစ်အောင်ကတော့ အစ္စလာမ့်နည်းကျ ကာကွယ်ရေး လမ်းညွှန်တွေချပေးနိုင်ဖို့၊ ပညာပေးဖြန့်ချိဖို့အတွက် မွတ်စလင် NGO အဖွဲ့အစည်းတွေ များများလိုအပ်ပါတယ်။ လက်ရှိလုပ်နေတဲ့ မွတ်စလင်NGOတချို့ရဲ့ အဆိုအရ မြန်မာမွတ်စလင်တွေထဲမှာ အိပ်ခ်ျအိုင်ဗွီကူးစက်ခံနေရသူတွေ တော်တော်များများကို ရှိနေပြီလို့ သိရပါတယ်။

    ဒီရောဂါရတိုင်း ကိုယ်ကျင့် တရားပျက်ယွင်းသူ မဟုတ်တဲ့အတွက် သူတို့ကို နှစ်သိမ့်ဆွေးနွေး ပညာပေးပြီး ၀ိုင်းဝန်း လက်တွဲဖေးမကြဖိ်ု့လည်း လိုအပ်ပါတယ်။ နှာခေါင်းရှုံ့ကြ၊ အကြည့်ရိုင်းတွေနဲ့ ကြည့်ကြ၊ အသိုင်းအ၀ိုင်းထဲက စွန့်ကြဉ်ပစ်လိုက်ကြမယ်ဆိုရင် လူမဆန်ရာကျပါလိမ့်မယ်။ နောက်ပြီး လုပ်ငန်းအနေနဲ့ ကျယ်ကျယ်ပြန့်ပြန့် လုပ်ဆောင်မယ် ဆိုရင်လည်း မွတ်စလင်အဖွဲ့အစည်းပီပီ အစ္စလာမ်သာသနာရဲ့ဂုဏ်သိက္ခာကိုထိန်းပြီး ရောဂါသည်၊ဒုက္ခသည်တွေရဲ့ အခွင့်အရေးရပိုင်ခွင့်တွေကို အလွဲသုံးစား မလုပ်မိဖို့၊ လုပ်မစားမိစေဖို့ အထူးသတိပြုစေချင်ပါတယ်။

    ဖြူစင်တဲ့ လက်တွေနဲ့ ၀ိုင်းဝန်းဖေးကူကြပါစို့။

    သန်းမင်းထိုက်(မြန်မာစာ)

  • ကုလား ကုလား ကုလား

    ကုလား ကုလား ကုလား

    နိုဝင်ဘာ ၂၉ ၊ ၂၀၁၂
    M-Media
    မောင်လူငယ်


    “ကုလား” ဆိုတဲ့အသုံးအနှုန်းကိုသတင်းအချက်အလက် ဆက်သွယ်ရေးနဲ့ လူမှုကွန်ယက် စာမျက်နှာတွေမှာ တွေ့နေ၊မြင်နေ၊ ပြောနေကြသည်မှာ အတော်ပင် နေရာယူထားသည်မှာ အထင်အရှားပင်ဖြစ်သည်။

    တောင်ကုတ်လူသတ်မှု အဖြစ်အပျက်ပြီးနောက် နိုင်ငံပိုင် သတင်းစာတွင် ဖော်ပြပါ အချက်အလက်များသည် မြန်မာပြည်ဖွား အခြားဘာသာဝင်များကို အတိအလင်း စော်ကားလိုက်သလို ဖြစ်သွားစေခဲ့သည်။ အသုံးအနှုန်းကတော့ “မွတ်ဆလင်ကုလား” တဲ့။ ထို့အသုံးအနှုန်းသည် ၀မ်းနည်းစရာပင်ဖြစ်သည်။ နောက်ပိုင်းတွင် ခရစ်ယာန်ကုလား၊ အစ္စလာမ့်ကုလား၊ ဟိန္ဒူကုလား၊ ဗုဒ္ဓ ကုလားနဲ့ နတ်ကုလား စသည် အသုံးအနှုန်းများ မွေးဖွားလာမည်ကိုလည်း စိုးရိမ်မိပါသည်။

    နောက်ပိုင်း အစိုးရမှာ ထည့်သွင်းဖော်ပြထားသော အကြောင်းအရာ မှားယွင်းကြောင့် ပြင်ဆင် ဖော်ပြထားလေသည်။ ပြင်ဆင်လိုက်တဲ့ အသုံးအနှုန်းကတော့ “ပြည်တွင်းနေ အစ္စလာမ့်ဘာသာဝင်” တဲ့။ ဒါဟာ သဘာထားမမှန်တာဘဲ။ ကြည်လိုက်ရင်တော့ မသိသာပေးမဲ့ နက်နက်ရှိုင်းရှိုင်း တွေးကြည်ဖတ်ကြည့်တော့မှ ပြည်တွင်းမှာ အစ္စလာမ့်ဘာသာကို ကိုးကွယ်ကြတဲ့ မြန်မာတိုင်းရင်းသားတွေကို ဒီနိုင်ငံ၊ ဒီမြေမှာ ပေါက်ဖွားလာတဲ့ နိုင်ငံသားများအဖြစ် အသိအမှတ်ပြုလိုက်တာ မဟုတ်ဘဲ တရားဝင် နိုင်ငံခြားသားများဖြစ်ကြောင့် အတိအလင်း ကြေငြာလိုက်တာဖြစ်သလို့ တချို့ တိုင်းပြည်ခေါင်းဆောင် ၊၀န်ကြီးနဲ့ လူလေးစားရတဲ့ ပုဂိုလ်တွေမှာ အစ္စလာမ် ဆန့်ကျင်ရေး စိတ်ဓာတ်ကိန်းအောင်း နေတယ်ဆိုတာ သူတို့ပါးစပ်က မပြောပေးမဲ့ စိတ်ထဲမှာ ရှိနေမှန်း ၀မ်းနည်းစရာပါဘဲ။

    သို့သော် ကုလား ဟူသော အသုံးအနှုန်းနှင့် ပတ်သက်ပြီး အတိတ်ခေတ်နှင့် ယနေ့ခေတ် အခေါ်အဝေါ် အသုံးအနှုန်း ပြောင်းလဲ ရွေလျားလာသည်ကို ရှင်းပြလို့ပါသည်။

    ဥပမာ – သူငယ်တော်။ မင်းညီမင်းသားများနှင့် ကစားဖော်၊ ကစားဖက်ကို သူငယ်တော်ဟု ခေါ်ဝေါ်ခဲ့ရာမှာ အချိန်ကာလ ကြာမြင့်ပြီး စကားလုံး အသုံးအနှုန်း ခေတ်အလိုက်ပြောင်းလဲလာရာ ကုန်းဘောင်ခေတ်တွင် နန်းတွင်းရှိ အညစ်အကြေးများကို သိမ်းကျူံး ရှင်းလင်းရသူလို့ အဓိပ္ပာယ်ဖြစ်သွားခဲ့ပါသည်။

    အတိတ်ခေတ် ကာလတုန်းက ကုလားဆိုတာ လာခြင်းကောင်းသောသူ ကုလအမျိုးလို့ အဓိပ္ပာယ်ပေါ်တယ်။ မြန်မာရာဇ၀င် သမိုင်းမှာလည်း ဟံသာဝတီ ပဲခူး ပါးစပ်ရာဇ၀င်အရ အသားမင်းသားနှင့် ကုလားတို့ အငြင်းအခုံပြုရာမှာ သိကြားမင်း အဆုံးအဖြတ်ပေး။ ပုဂံခေတ်တွင် ဗျက်ဝိ၊ ဗျတ္တ၊ ကုလားကျမင်းမှ အစ ဦးကုလား မဟာရာဇ၀င်၊ ကုလားဝန်၊ မြန်မာတို့ နေ့စဉ်သုံးစွဲနေသော စားဝတ်နေရေးတွင်လည်း ကုလား အသုံးအနှုန်းပါသည်ကို သိရှိသူ နည်းပါးလှသည်။

    ဒူးရင်းသီး (မလေး)၊ အရက်(အာရေဗျ)၊ ရေဒီယို (အင်္ဂလိပ်)၊ လောက၊ဘ၀နဲ့ မေတ္တာ (ပါဠိ) တို့သည်လည်း မြန်မာဘာသာ စကားတွင် တင့်တယ်နေသည်မှာ နှစ်များစွာ ကြာခဲ့ပြီး ဖြစ်လေသည်။ မာလာ၊ သီတာ၊ သူဇာ၊ သီဟ၊ သူရ စသည် မြန်မာတို့မှည့်ခေါ်နေသော နာမည်များသည်လည်း ကုလားနာမည်ပင်ဖြစ်သည်။  မြန်မာဘာသာစကားသည် အိန္ဒိယတောင်ပိုင်း ကုလား အက္ခရာကို အတုယူပြီး မြန်မာတို့ ကိုယ်ပိုင် အက္ခရာကို တီထွင်ဖော်ထုတ်ထားခြင်းဖြစ်သည်။ မြန်မာဘာသာစကား ရာစုနှစ်များစွာအတွင်း မွန်ဘာသာစကား၊ ပျူဘာသာစကား၊ ပါဠိဘာသာစကားနဲ့ အိန္ဒိယတောင်ပိုင်းသုံး ကုလား ဘာသာစကားတို့ ပေါင်းစပ် ရောထွေးသွားရာမှာ ယနေ့တွင် မြန်မာဘာသာ စကားအဖြစ် စကားလုံးကြွယ်ဝပြီး ဂုဏ်ယူဝင့်ကြွားစွာ ရှိနေပေသည်။

    ယနေ့ခေတ်တွင် ကုလားဆိုတဲ့ အသုံးအနှုန်းဟာ နိုင်ငံခြားသားတွေလို့ ခေါ်ဝေါ်နေတယ်လို့ ဒီနိုင်ငံရဲ့ တိုင်းရင်းသားတွေ မဟုတ်ဘူး။ ကိုးကွယ်ရာ ဘာသာတရားကို အကြောင်းပြုပြီး လူမျိုးခြား၊ ဘာသာခြားနဲ့ မျိုးမတူ ဇာတ်ခြားလို့ အပြောခံရ၊ အနှိမ့်ခံရတယ်လို့ ပြည်တွင်းမှာရှိတဲ့ မြန်မာမူဆလင် တယောက်က ကျနော်မောင်လူငယ်ကို ရင်ဖွင့်သွားတယ်။ ကျနော်တွင် စဉ်းစားစရာ ပေါ်လာလေသည်။

    ကျနော်မောင်လူငယ်ရဲ့ အဘိုးကလည်း တပ်မတော်မှာ တာဝန်ထမ်းဆောင်ခဲ့ဖူးသလို၊ စာရေးဆရာနဲ့  နိုင်ငံရေးသမားအဖြစ် ထင်ရှားခဲ့သလို  န၀တ၊ နအဖအစိုးရလက်ထက်  ၁၉၅၀ အရေးပေါ် အက်ဥပဒေ ပုဒ်မ ၅နဲ့ အဖမ်းခံရပြီး သေဆုံး ကွယ်လွန်ပြီးနောက်  အစိုးရအာဘော် သတင်းစာ အပတ်စဉ်ဆောင်းပါးတွင်လည်း ကုလားဒိန်ကြီး မောင်သော်က၊ ကုလားဒိန် တကောင်ကြောင့် တိုင်းပြည် ငါးပါးမှောက်၊ မောင်သော်ကဆိုတဲ့ ကုလားဒိန်ကြီး အင်းစိန်ထောင်ထဲမှာ ချီးပန်းပြီး သေသွားလေရဲ့ ဆိုတဲ့ အသုံးအနှုန်းနဲ့ အစော်ကားခံခဲ့ရပါတယ်။

    အခု ရခိုင်ပြသာနာ အရင်းခံကြောင့် ဘာအပြစ်မှမရှိတဲ့၊ ဘာမှမဆိုင်တဲ့ သူတွေကို နိုင်ငံခြားသားလို့ သတ်မှတ်ပြီး ဆဲနည်းပေါင်းစုံနဲ့ အဘက်ဘက်ကနေ အပြန်အလှန် တိုက်ခိုက်နေတာကို လူမှုကွန်ယက် စာမျက်နှာမှာ နေရာမလပ်အောင် တွေ့လိုက်ရပါတယ်။ တွေ့လိုက်ရတဲ့ ဆဲနည်းတွေက များမှ များလှတာ ဘုရားဟောကျမ်းထက် တောင် ပိုပြီးထူတယ်။ ပိုပြီး ပြည်စုံနေသလိုဘဲ။

    စောက်ကုလား အစ ကိုးကွယ်ရာ ဘာသာရဲ့ ဘုရားတွေကို ထည့်ဆွဲသွင်း ဆဲနေတာက တဖက်နဲ့ တဖက် ရှိသလို ကြားထဲက ချွန်တွန်းလုပ် မီးလောင်အောင် လုပ်ချင်တဲ့ တခြားဘာသာဝင် တွေလည်း ရှိသေးတာ အားလုံး သတိမမူ ဂူမမြင်ပါဘဲ။    ရှင်ကြီ ဂေါတမ မြတ်စွာဘုရားလည်း  သံသရာ မှ လွတ်မြောက်အောင် ငြိမ်းချမ်းစွာ တရားကျင့်ဖို့ လမ်းညွှန်ခဲ့တာဘဲ၊ တမန်တော် မိုဟမ္မဒ်သခင်လည်း အလ္လာဟ်အသျှင်ကို ယုံကြည်ပြီး အမိန့်နာခံဖို့ မိန့်မှာခဲ့တာဘဲ။  ဘာမဆိုင် ညာမဆိုင် ဆွဲထည့်နေတာက မဟုတ်တော့ဘူး။ ထားပါတော့ အတွေးအခေါ်နဲ့ အမြင်မကျယ်သေးတဲ့ အများစုကို ကျွန်ုပ်သည် ဘာများပြောနိုင်မည်နည်း။

    ကုလားဆိုတဲ့ အသုံးအနှုန်းကို ညစ်ညမ်းတဲ့စကားလုံးနဲ့ တွဲထည့်နေခြင်းကို ကျနော် တော်တော် အမြင်ကတ်လာသည်။ ဥပမာအနေဖြင့် လူကြီးတယောက်က “ဟဲ ကုလားလေး မင်းယာတဲ့ ကွမ်းယာက ကောင်းမှကောင်း။ ငါတောင် ငယ်မူပြန်သွားသလိုဘဲ”၊ ငယ်သူငယ်ချင်း နှစ်ယောက်ဆုံတွေ့တဲ့အခါ “ဟယ်တော့ မကုလားမရေ ဘယ်များပျောက်နေတာတုန်း၊ မတွေ့တာကြာပါ။ ၀လို့ လှလို့ ချောလို့ပါလား။ နင်နဲ့ ငါ စကားတောင်ကောင်းကောင်း မပြောရသေးဘူး။ ဟိုဘက်က မဘုတ်ကို ခေါ်ပြီး ငါအိမ်မှာ အေးအေးဆေးဆေးပြောကြရအောင်။” ဒီလိုသာ ပြောကြဆိုကြဆိုရင် ကုလားဆိုတဲ့ အသုံးအနှုန်းဟာ မရိုင်းဘူး။ ပြောသူက စိတ်သဘောထား ရိုးရိုးနဲ့ ခင်မင် လေးစားသမူဖြင့် ပြောဆိုသုံးစွဲတာဘဲ။ ဒါက အပြစ်မဟုတ်ဘူး။ အခုတော့ အပြစ်ဖြစ်ခဲ့ရပြီး အရှက်ခွဲ အိုးမည်းသုတ်လိုက်တယ်ဆိုတာ နည်းနည်းလေးမှ မစဉ်းစားမိဘူးလားလူကြီးမင်းတို့။

    ကုလားဆိုတဲ့ အဓိပ္ပာယ် အသုံးအနှုန်းဟာ အလွန်ကျယ်ပြန့်ပြီး သြဇာအာဏာလည်း ကြီးမားလှတယ်တဲ့အပြင် ကျေးဇူးပြုတာတွေက များမှ များတယ်ဆိုတာ ကျနော်မောင်လူငယ် ပြောပြလိုပါတယ်။

    မြန်မာအများစု ယုံကြည်သက်ဝင်စွာ ကိုးကွယ်နေတဲ့ ရှင်တော်ဂေါတမ မြတ်စွာဘုရားကလည်း အိန္ဒိယပြည်က မင်းမျိုးမင်းနွယ်ကုလားဘဲလေ။

    ဟိန္ဒူဘာသာဝင်တို့ရဲ့ ဘုရား ရာမ၊ ကရစ်သျှနား တို့ကလည်း မင်းမျိုးမင်းနွယ်ကုလားဘဲ။

    ခရစ်ယာန်ဘာသာဝင်တို့ ချစ်ကြတဲ့ ယေရှုကလည်း ဂျူးကုလားဘဲလေ။

    အစ္စလာမ်ဘာသာဝင်တို့ရဲ့ နောက်ဆုံးတမန်တော် မိုဟမ္မဒ် သခင်ကလည်း အာရပ်ကုလားဘဲ။

    မြန်မာပြည်သမိုင်းမှာ ဝေသာလီ၊ သရေခေတရာ၊ ဗီသာနိုး အစရှိတဲ့ မြို့တွေနာမည်က ကုလားနာမည်ဘဲ။ ရှင်တော်ဂေါတမမြတ်စွာ ဘုရားကလည်း ကုလားစကားနဲ့ တရားဟောခဲ့ပြီး ပါဠိ ဘာသာကလည်း ကုလားဘာသာစကားဘဲ။ ကောင်းတာလုပ်လုပ်၊ မကောင်းတာလုပ်လုပ် သွားရမယ်ခရီးမှာလည်း ဘုံနာမည်တွေက ကုလားနာမည် ရှိ/မရှိ  ရှာကြည်ပေါ့။

    နိုင်ငံရေး အစရှိတဲ့ တီတွင်မှု အကုန်လုံးက ကုလားတွေရဲ့ တီတွင်မှုရလဒ်ဘဲ။ အခုတောင် အင်တာနက်သုံးနေတာ ကုလားကျေးဇူးကြောင့် သုံးနေတာနော်။ နိုင်ငံတကာမှာ ကုလားစကား (အင်္ဂလိပ်) မသုံးရင် မရတော့တာ အထင်အရှားသက်သေဘဲ။

    အနောက်ပြည်က ကုလားပညာရေး အားကျလို့ သွားသင်နေတာ မသိဘူး မှတ်နေလား။ ကုလားတက္ကသိုလ်က ပေးတဲ့ဘွဲ့က နိုင်ငံတကာမှာ လူတွင်ကျယ် လုပ်လိုရတယ်ဆိုတာ ဇွတ်တရွတ်တော့ မငြင်းပါနဲ့။

    နောက်ဆုံးပိတ် ပြောရရင် မြန်မာပြည်မှာ ကုလားတွေ ကျေးဇူးပြုခဲ့တာ အများကြီးထဲက တခုလောက် ပြောပြလိုက်ချင်တယ်။ ပြည်တွင်းရောင်စုံ သူပုန်ထမှုကြောင့် ရန်ကုန်အစိုးရလို့ ခေါ်တဲ့ခေတ်ကာလမှာ အစိုးရအဖွဲ့ဝင်တွေ တယောက်ပြီး တယောက် ပြေးနေကြတာ တိုင်းပြည်အတွက် မြန်မာတပ်မတော်အတွက် လိုအပ်တဲ့ လက်နက်ခဲယမ်း မီးကျောက်တွေကို အိန္ဒိယနိုင်ငံကို သွားပြီး ၀န်ကြီးချုပ် ဂျဝါဟာလာ နေရူးကို အာပေါက်အောင် ပြောပြီး ခက်ခက်ခဲခဲရအောင်၊ ရောင်းရင်းရဲဘော် ကိုကြီးနုကို စိတ်မပျက်အောင် ယူဆောင်လာပေးခဲ့တာ ကုလားရာရှစ်လေ။ သူဘာသာ အေးအေးနေလို့ ရရဲ့သားနဲ့ ဒီလိုမလုပ်ဘဲ ကိုယ်ချစ်တဲ့ မြတ်နိုးတဲ့ တိုင်းပြည်အတွက် ကြိုးစားဆောင်ရွက်ပေးတာနော် ကျေးဇူးလေး ဘာလေး မတင်တော့ဘူးလား။ သူကြောင့် မြန်မာနိုင်ငံ ကမ္ဘာ့မြေပုံပေါ်ကနေ မပျောက်ကွယ်သွားတာ အသိတရားလေး ရှိကြစမ်းပါဦး။

    ကုန်ကုန်ပြောရမယ်ဆိုရင် ကုလား (ဖြူ၊နီ၊၀ါ၊မဲ၊ညို)တွေ ကမ္ဘာ့ကြီးကို အကျိုးပြုနေတာ အများကြီးဘဲဆိုတာ ထင်ရှားတဲ့အထောက်အထားဖြစ်သလို ကျေးဇူးလေး ဘာလေးတင်လိုက်ပါဦး။

    အခုတောင် ဒီမိုကရေစီ လမ်းလျှောက်နေတာ ကုလားဆီက အထောက်အပံ့၊ အကူအညီနဲ့ နည်းပညာတွေ တောင်းနေတာ မျက်ဝါးထင်ထင်မြင်နေရတာ ပြောကို မပြောချင်တော့ဘူး။

    ပြောမဆုံးပေါင်း တော ၃ ထောင်…… ကုလား ကုလား ကုလား    အိုး………… ကျွတ်…………..ကျွတ်

    ကျန်းမာရွှင်လန်းကြပါစေ။
    မောင်လူငယ်

  • အစ္စလာမ် ဆန့်ကျင်ရေး လှုံဆော်မှု့သည် အခြေခံဥပဒေနှင့် ဆန်ကျင်သော်လည်း အရေးယူခြင်းမရှိ

    အစ္စလာမ် ဆန့်ကျင်ရေး လှုံဆော်မှု့သည် အခြေခံဥပဒေနှင့် ဆန်ကျင်သော်လည်း အရေးယူခြင်းမရှိ

    နိုဝင်ဘာ ၂၈ ၊ ၂၀၁၂
    M-Media
    မောင်လျောက်(မြယာမြေ)

    အစ္စလာမ်ဘာသာအပေါ် စော်ကားပုတ်ခတ်စာများရေးသားဖြန့်ဝေခြင်း၊ သမိုင်းအမှားများရေးသားခြင်းသည် အခြေခံဥပဒေနှင့် ဆန့်ကျင်၊ အစိုးရပိုင်းမှ အရေးယူခြင်းမရှိ

    ယခု လတ်တလောတွင် အစ္စလာမ်ဘာသာနှင့် ပတ်သက်ပြီး မလိုမုန်းတီးသူများက ပုတ်ခတ်စော်ကားစာများကို ဒေသ အချို့တွင် ဖြန့်ဝေနေကြောင်းသိရှိရပါသည်။ ကရင်ပြည်နယ်ဘားအံမြို့၊ မွန်ပြည်နယ်မော်လမြိုင်မြို့များတွင်လည်းကောင်း၊ မန္တလေးတိုင်းဒေသကြီးတွင် စာမျက်နှာ(၂၀)ပါ စာအုပ်ပုံ သဏ္ဍာန်ဖြင့် အစ္စလာမ်ဘာသာအပေါ် ပုတ်ခတ်စော်ကားစာများကို ပုံစံအမျိုးမျိုးဖြင့် ဖြန့်ဝေလျက်ရှိပါသည်။

    ထို့အပြင်ရန်ကုန်တိုင်းဒေသကြီးအတွင်းရှိ အချို့မြို့နယ်များတွင်လည်း လျှို့ဝှက်အဖွဲ့အစည်းအမည် အမျိုးမျိုးတပ်ကာ အစ္စလာမ်ဘာသာဝင်များကို ပုတ်ခတ်စော်ကားသော လှုံ့ဆော်စာများဖြန့်ဝေနေကြောင်း သိရသည်။

    ပြီးခဲ့သည့်ရက်ပိုင်းက ထုတ်ဝေခဲ့တဲ့ News Watch (စောင့်ကြည့်သတင်းဂျာနယ်)အတွဲ-ရ၊ အမှတ်(၇၂)တွင် သရ၀ဏ်(ပြည်) အမည်ဖြင့် “အာဖဂန်နစ္စတန်တွင် ဗုဒ္ဓဘာသာပျောက်ကွယ်သွားခြင်းအကြောင်း”  ဆောင်းပါးကို ရေးသားရာတွင် သမိုင်းမှားများ၊ လုပ်ကြံ ဖန်တီးမှုများကို တမင်ပုံဖော်ရေးသား ကာ အစ္စလာမ်ဘာသာအပေါ် လွဲမှားသော အတွေးအမြင်များဖြင့် ထိုးနှက်ထားသည်ကို တွေ့ရသည်။

    အထက်ဖော်ပြပါလှုံ့ဆော်စာများနှင့် သမိုင်းမှားများရေးသားမှုနှင့် ပတ်သက်ပြီး နိုဝင်ဘာ(၂၃)ရက်က ကျင်းပသော အမျိုးသားလွှတ်တော်ပဉ္စမပုံမှန်အစည်းအဝေး (၁၅)ရက်မြောက်နေ့တွင် မွန်ပြည်နယ် မဲဆန္ဒနယ်အမှတ်(၇)မှ ဒေါက်တာ ဗညားအောင်မိုး၏ မေးမြန်းချက်နှင့် ပတ်သက်၍ ပြည်ထဲရေး ၀န်ကြီးဌာနမှ ဒုတိယ၀န်ကြီး ရဲချုပ်ကျော်ကျော်ထွန်း၏ ဖြေကြားမှုကို ဖော်ပြလိုက်ပါသည်။

    မပြည့်စုံသောသမိုင်း သုတေသနဖြင့် နိုင်ငံရေး၊ လူမျိုးရေးအမြင့်ဖြင့် လိုရာဆွဲပြီး ကောက်ချက်ချပြောဆို ရေးသားခြင်း ကြောင့် ဖွဲ့စည်းပုံအခြေခံဥပဒေပုဒ်မ(၃၆၅)နှင့်ငြိစွန်းခြင်း၊ ယုံကြည်ကိုးကွယ်မှုကို ထိပါးခြင်း၊ တိုင်းရင်းသား စည်းလုံးညီညွတ်မှု မပြိုကွဲရေးကို ထိပါးခြင်းအား မည်ကဲ့သို့တားဆီး ကာကွယ်ရမည်နည်း မေးခွန်းနှင့်ပတ်သက်၍ သက်ဆိုင်ရာ ၀န်ကြီးဌာနများနှင့် ပြည်ထောင်စု ရှေ့နေချုပ်ရုံးတို့မှ ပိုင်းခြားသုံးသပ် ဆန်းစစ်ခဲ့ရာတွင် ယုံကြည် ကိုးကွယ်မှုကို ထိပါးခြင်း၊ တိုင်းရင်းသားစည်းလုံး ညီညွတ်မှုမပြိုကွဲရေးကို ထိပါးခြင်းတို့မှ တားဆီး ကာကွယ်နိုင်ရန်အတွက် ဖွဲ့စည်းပုံအခြေခံ ဥပဒေပုဒ်မ (၃၆၅) တတိယအပိုဒ်တွင် ပါသည့်အခြား တိုင်းရင်းသားလူမျိုး တစ်မျိုးကို ဖြစ်စေ၊ လူမျိုးများကိုဖြစ်စေ၊ ထိခိုက် နစ်နာစေနိုင်ပါက သက်ဆိုင်သူများ အချင်းချင်း ညှိနှိုင်းပြီး ပြေလည်မှုရရှိရန် ဆောင်ရွက်ခြင်းနှင့် စာတမ်းတွင် လူမျိုး၊ ဘာသာသာသနာနှင့် ယဉ်ကျေးမှုဓလေ့ ထုံးတမ်းတို့ကို ထိခိုက်စေနိုင်သည့် အချက်များပါဝင်ခြင်းရှိ၊မရှိ ယဉ်ကျေးမှု ၀န်ကြီးဌာနက ကြိုတင်စိစစ်ပြီး လိုအပ်သလို ဆောင်ရွက်ခြင်းဖြင့် တားဆီး ကာကွယ်နိုင်မည် ဖြစ်ပါကြောင်းဖြင့် ဖြေကြားပါသည်။

    အလားတူပြည်ထောင်စု ရှေ့နေချုပ်ရုံး၊ ဒုတိယရှေ့နေချုပ် ဦးထွန်းထွန်းဦးက ပြန်လည်ဖြေကြားရာတွင် “ဖွဲ့စည်းပုံအခြေခံ ဥပဒေပုဒ်မ(၃၆၄)နှင့်ဆန့်ကျင်လျှင် မည်သို့ပြစ်ဒဏ်ပေးနိုင်သည်ကို သိလိုကြောင်းမေးခွန်းနှင့် စပ်လျဉ်း၍ ဖွဲ့စည်းပုံအခြေခံဥပဒေ ပုဒ်မ(၃၆၄)အရ ယင်းပုဒ်မပါပြဌာန်းချက်များကို ဆန့်ကျင်သည့် အပြုအမူအတွက် ပြစ်ဒဏ်ပေးနိုင်သည့် ဥပဒေပြဌာန်းရခြင်း မရှိသေးသော်လည်း စာတမ်းဖတ်ပွဲ၌  စာတမ်းရှင်ဖတ်ကြားသည့် စာတမ်းသည် တိုင်းရင်းသားစည်းလုံး ညီညွတ်မှုကို ထိခိုက်စေသော အရေးအသား၊ အမျိုး၊ ဘာသာ၊ သာသနာကို စိတ်ဝမ်းကွဲစေသော အချက်များ ပါဝင်နေမည်ဆိုပါက စာတမ်းနှင့် သက်ဆိုင်သူတို့သည် ပြစ်မှုဆိုင်ရာ ဥပဒေနှင့်ငြိစွန်းဖွယ်ရှိကြောင်းဖြင့် တင်ပြရှင်းလင်းသွားပါသည်။ ဒုတိယရှေ့နေချုပ်၏ ပြောကြားချက်၌ စာတမ်းဟုဆိုရာတွင် ကိုးကွယ်ရာ ဘာသာသာသနာကို ထိခိုက်စေသည့်စာတမ်း၊ ဆောင်းပါးများ ပါဝင်ပေသည်။

    ဖွဲ့စည်းပုံအခြေခံဥပဒေ ပုဒ်မ(၃၆၂)နှင့် (၃၆၃)တို့တွင် နိုင်ငံတော်က ခရစ်ယာန်ဘာ သာသာသနာ၊ အစ္စလာမ်ဘာသာ သာသနာ၊ ဟိန္နူဘာသာ သာသနာနှင့် နတ်ကိုးကွယ်သော ဘာသာတို့ကို နိုင်ငံတော်တွင် ရှိနေကြသော ကိုးကွယ်ရာ ဘာသာများ ဟူ၍ အသိအမှတ်ပြုသည်ဟု လည်းကောင်း၊ နိုင်ငံတော်သည် အသိအမှတ်ပြုထားသော ဘာသာ သာသနာများကို တတ်နိုင်သမျှ ကူညီစောင့်ရှောက်မည်ဟု လည်းကောင်း အသီးသီးပြဌာန်းထားပါသည်။

    လူမျိုးရေးကြောင့်သော် လည်းကောင်း၊ ဘာသာရေးကြောင့်သော် လည်းကောင်း တစ်ဖက်နှင့်တစ်ဖက်၊ တစ်ဂိုဏ်းနှင့် တစ်ဂိုဏ်းမုန်းတီးခြင်း၊ ရန်မူခြင်း၊ စိတ်ဝမ်းကွဲခြင်း တစ်မျိုးမျိုးပေါ် ပေါက်လာစေရန် ရည်ရွယ်သော (သို့မဟုတ်) ပေါ်ပေါက်လာရန် အကြောင်းရှိသော အပြုအမူသည် ဤဖွဲ့စည်းပုံအခြေခံ ဥပဒေတွင် ပြဌာန်းထားမှုများ ရှိသော်လည်း ယခုအခါ ကရင်ပြည်နယ်၊ ဘားအံမြို့၊ မွန်ပြည်နယ် ၊မော်လမြိုင်မြို့၊ မန္တလေးမြို့နှင့် အချို့ဒေသများတွင် အစိုးရ မဟုတ်သော အသင်းအဖွဲ့အချို့က အစ္စလာမ်ဘာသာနှင့် အစ္စလာမ် ဘာသာဝင်များအပေါ် ဥပဒေပါအခွင့်အရေး၊ လူ့အခွင့်အရေးများကို ချိုးဖောက်ကာ ဆန့်ကျင်ရေးသား၊ ခြိမ်းခြောက်မှုများ၊ လှုံ့ဆော်ပြောဆို၊ ဖြန့်ဝေနေခြင်းတို့ကို လက်ငင်းကြုံတွေ့နေကြရပါသည်။

    အထက်ပါအချက်များနှင့် ပတ်သက်၍ မြန်မာနိုင်ငံလုံးဆိုင်ရာ အစ္စလာမ်ဘာသာရေး အဖွဲ့ကြီးမှ နိုင်ငံတော်အစိုးရသို့ အကြိမ်ကြိမ် မေတ္တာရပ်ခံတင်ပြခဲ့သော်လည်း ယခုတိုင် တစ်စုံတစ်ရာ ပြန်ကြားချက် မရရှိခဲ့ကြောင်း ၂၀၁၂-ခုနှစ်၊ အောက်တိုဘာလ (၂၃)ရက်နေ့တွင် မြန်မာနိုင်ငံလုံးဆိုင်ရာ အစ္စလာမ် ဘာသာရေးအဖွဲ့ကြီးမှ ထုတ်ပြန်သည့်ကြေငြာချက်တွင် ဖော်ပြထားသည်။

    လတ်တလော အခြေအနေတွင် နိုင်ငံတော်အပိုင်းမှ တစ်စုံတစ်ရာ ဆောင်ရွက်ပေးခြင်း မရှိသော်လည်း မြန်မာနိုင်ငံသား အစ္စလာမ် ဘာသာဝင်များက မီဒီယာများတွင် သတင်းများ၊ ဆောင်းပါးများ၊ သမိုင်းရေးရာများ ဖော်ပြသည့်အခါ စာနယ်ဇင်း ကျင့်ဝတ်၊ သတင်းမီဒီယာ ကျင့်ဝတ်များနှင့်အ ညီ မှန်မှန်ကန်ကန် ဖော်ပြရန် လိုလားလျက်ရှိကြပါသည်။

    ထို့အပြင်အစ္စလာမ်ဘာသာအပေါ် ဥပဒေပါ အခွင့်အရေးနှင့် လူ့အခွင့်အရေးတို့ကို ဆန့်ကျင်လျက် လှုံ့ဆော်စာများ ဖြန့်ဝေနေမှုကို နိုင်ငံတော်အစိုးရပိုင်းမှ ၀င်ရောက်ဖြန်ဖြေပြီး အရေးယူဆောင်ရွက်ရန် လိုအပ်ကြောင်း အသိပေးလိုက်ရပါသည်။

     

    ကိုးကား          – ၂၀၀၈ ဖွဲ့စည်းပုံအခြေခံဥပဒေ

    –       ၂၄-၁၂-၂၀၁၂ထုတ် မြန်မာ့အလင်းသတင်းစာ

    –       ၂၃-၁၀-၂၀၁၂ထုတ် မြန်မာနိုင်ငံလုံးဆိုင်ရာ အစ္စလာမ်ဘာသာရေးအဖွဲ့ကြီး၏ ကြေငြာချက်

  • ပြေးလမ်းချော်လေရော့သလား  အမေစုရယ်?

    ပြေးလမ်းချော်လေရော့သလား အမေစုရယ်?

    နိုဝင်ဘာ ၂၇၊၂၀၁၂
    M-Media
    ဂျူလိုင်ရဲရင့်

     

    ၂၀၁၂ ခုနှစ်၊ နိုဝင်ဘာလ ၁၆ ရက်နေ့တွင် မြန်မာ့ဒီမိုကရေစီ ခေါင်းဆောင် ဒေါ်အောင်ဆန်း စုကြည်သည် အိန္ဒိယနိုင်ငံရောက် မြန်မာမိသားစုဝင်များနှင့် တွေ့ဆုံကာ နယူးဒေလီမြို့၌ ဤသို့ မိန့်ခွန်း ပြောကြားခဲ့ပါသည်။

    ”  ကျွန်မတို့ ဒီနောက်ဆုံးအပိုင်းကို အောင်အောင်မြင်မြင်နဲ့ကျော်လွှားနိုင်မယ်ဆိုယင် နောင်လာမယ့် ကျွန်မတို့ မျိုးဆက်သစ်တွေအတွက် ကျွန်မတို့နိုင်ငံဟာ တကယ့်ကိုတန်ဖိုးရှိတဲ့၊ တကယ့်ကို လုံခြုံတဲ့၊ တကယ့်ကို လွတ်လပ်တဲ့ ၊ တကယ့်ကို တိုးတက်တဲ့ ပြည်ထောင်စုကြီး ဖြစ်လာပါလိမ့်မယ်လို့ ကျွန်မ ယုံကြည်ပါတယ်  ”

    အမေစု ရည်ညွှန်းနေသော နောက်ဆုံးအပိုင်း ဟူသည်ကို  ကျွန်တော်တို့အားလုံး ရှင်းရှင်းလင်းလင်း သိချင်နေပါသည်။ ရခိုင်ပြည်နယ်တွင်းရှိ အစ္စလာမ်ဘာသာဝင် လူမျိုးနွယ်စုများအား မျိုးဖြုတ် သုတ်သင်ရေး – Genocide စီမံကိန်းကြီးလော၊ သို့တည်းမဟုတ်  မြန်မာနိုင်ငံကို မဟာဗုဒ္ဓဘာသာ နိုင်ငံတော်အဖြစ်ကြေငြာ နိုင်ရန် သန်းခေါင် စာရင်းသစ်ပြန်လည် ကောက်ယူခြင်းဟူသည့် အခွံကိုစွပ်၍ ဗုဒ္ဓဘာသာအဖြစ် အမည်ခံလျှင် မည်သည့်မွတ်စလင်ကို မဆို နိုင်ငံသားဟု အသိအမှတ်ပြုလျက် မှတ်ပုံတင်ထုတ်ပေးမည့် လှုပ်ရှားမှုလော၊ သို့တည်းမဟုတ်  အိန္ဒိယ အနွယ်များမှန်သမျှကို နိုင်ငံသားအဖြစ်မှ ပယ်ထုတ်ခြင်းလော ၊ သို့တည်းမဟုတ် အမေစု၏ NLD ပါတီဝင် အောက်ခြေအဆင့်အုပ်စုအချို့မှ RNDP  နှင့်ပူးပေါင်းကာ အကြမ်းဖက်ဝါဒ ဆောင်ရွက် နေခြင်းအပေါ် ရှင်းလင်း သန့်စင်ရေးလော၊ သို့တည်းမဟုတ် အမှန်တကယ် တရားဥပဒေ စိုးမိုးနိုင်ရေးလော ?  ကျွန်မတို့မျိုးဆက်သစ်ဟုဆိုရာ၌ အစ္စလာမ်ဘာသာ၊ ခရစ်ယာန်ဘာသာ၊ ဆစ်ခ် စသည့် ဗုဒ္ဓဘာသာဝင် မဟုတ်သူများ ပါဝင်ခြင်း ရှိမရှိ ?

    အမေစုအနေဖြင့် နိုင်ငံရေးအရ စကားလုံးလှလှ အသုံးပြုသွားသော်လည်း ၄င်းစကား၏ နောက်ကွယ်၌ မြုပ်ကွက်လေးရှိ နေသလိုလို ခံစားလိုက်ရပါသည်။ အဘယ်ကြောင့်ဆိုသော် မကြာသေးမီက   ”  ရခိုင်ပဋိပက္ခဟာ ဘာသာရေးနဲ့ မသက်ဆိုင်တဲ့ လူမျိုးရေးအဓိကရုဏ်း  “  ဟု အမေစုမှ အတိအကျ ထုတ်ဖော် ပြောကြားသွားခြင်းကြောင့်ဖြစ်သည်။ မီဒီယာပေါင်းစုံမှ တစ်ဖက်စောင်းနင်း သတင်းဖော်ပြချက်တွင် ပါဝင်နေသော ဘင်္ဂါလီ၊ ရိုဟင်ဂျာ ကိစ္စ၏ ဘောင် အပြင်ဖက်သို့ မိုင်ပေါင်းများစွာ ခရီးကျွံလာပြီး အစ္စလာမ် ဘာသာ နှင့် အစ္စလာမ်ဘာသာဝင်(မုစ်လင်မ်)များအပေါ် ပေါက်လွှတ်ပဲစား အမြင်ထားရှိနေမှုများ/ ဆက်ဆံနေမှုများမှာ လက်တွေ့အခြေအနေအရ ငြင်း မရအောင် တွေ့နေရပြီဖြစ်ပါသည်။

    ကြားနေ၀ါဒကို ကျွန်တော်တို့ လက်ခံပါသည်။ ငြိမ်းချမ်းရေးနှင့် ဆက်နွယ်နေသောကြောင့်ဖြစ်ပါသည်။ သို့သော် ဘက်မလိုက်ဝါဒကိုမူ မည်သည့် ဘာသာတရားမှ လက်ခံခြင်း မရှိပါ။ လူမှန်သမျှ ဘက်တစ်ခုခုသို့ လိုက်သည်ချည်း ဖြစ်ပါသည်။ တရားမျှတမှု တည်းဟူသော သစ္စာတရား ဘက်တော်သားလား၊ မတရားမှုတည်း ဟူသော မိစ္ဆာတရား ဘက်တော်သားလား – တစ်ခုခုသာ ဖြစ်ရပေမည်။ ကျွန်တော်တို့ချစ်ရသော အမေစု အတွက် ကျွန်တော်တို့အားလုံး စိုးရိမ်နေပါသည်။  ဖုံးကွယ် မရနိုင်အောင် ဖြစ်ပွားလာသော ရခိုင်ပြည်နယ်မှ အစွန်းရောက် အကြမ်းဖက်သမားတို့၏ Genocide ကိစ္စကြီးအပေါ်  အမေစုမှ ဘက်မလိုက်ဝါဒဖြင့် ရှောင်ထွက် သွားခြင်းက ယင်းအမှုအား အဆိပ်ပင် ရေလောင်းရာ ရောက်သွားမည်စိုး၍ ဖြစ်ပါသည်။ ယင်းနေရာ ဒေသများထံ အမေစုအနေဖြင့် ကိုယ်တိုင်ကိုယ်ကျ တစ်ကြိမ်တစ်ခါ သွားရောက်လေ့လာစေလိုပါသည်။ ကမ္ဘာတစ်လွှား ခရီးဆန့်သလို နိုင်ငံတွင်းရှိ ဒုက္ခသည်များထံသို့လည်း တစ်ချက်မျှတော့ သွားရောက် အားပေးစေလိုပါသည်။ တဖန် မြန်မာနိုင်ငံတွင်းရှိ အစ္စလာမ်ဘာသာဝင်များအပေါ် တစ်စစ ဖိအားပေး နှိပ်ကွပ်လာခြင်းက ပိုပြီး ထင်ရှားလာပါသည်။  အမေစု၏  ချစ်ဖခင်ကြီး ဗုဒ္ဓဘာသာဝင် ဗမာအမျိုးသား ဗိုလ်ချုပ်အောင်ဆန်း၏ သွေး (နှင့်) အစ္စလာမ်ဘာသာဝင် အိန္ဒိယနွယ် ဆရာကြီး ဦးရာဇာတ်၏ သွေးတို့သည် အမိမြန်မာနိုင်ငံတော် အတွက် ကြမ်းတစ်ပြင်တည်း၌ ခွဲမရအောင် ရောယှက်သွားခဲ့ပြီး ဖြစ်ပါသည်။  ဤပစ္စုပ္ပန် အကွက်ချ ပုံဖော်ချက်များဖြင့် အတိတ်ကသွေးပေါင်းစုကို ခွဲခြားလိုက်ပါလျှင် အနာဂတ်ဝယ် သွေး၏ တစ္ဆေ ခြောက်လှန့်ခြင်း ခံရတော့မည်ဟု မြန်မာပြည်ကိုချစ်သော ကျွန်တော်တို့မြန်မာပြည်သား အစ္စလာမ် ဘာသာဝင်များမှ စိုးရိမ်နေပါသည်။ သမိုင်းက ပေးသော သင်ခန်းစာများက သက်သေပြုနေပါသည်။

    အမေစုကို ကျွန်တော်တို့မှ သူရဲကောင်းတစ်ဦးအဖြစ် ထာဝရ မြင်သွားချင်ပါသည်။ အမေစုအတွက် အမြဲဂုဏ်ယူချင်နေပါသည်။ အမေစု၏ပြေးလမ်းမှာ ဒီမိုကရေစီ ဖြစ်ပါသည်။ စစ်မှန်သော ဒီမိုကရေစီစံနစ်သည် တရားမျှတမှု နှင့် လူ့အခွင့်အရေးတန်ဖိုးထားမှု အပေါ်၌ အခြေတည်နေပါသည်။ အမေစုသည် ဝေဖန်မှုများကို ခံနိုင်ရည်ရှိပြီးဖြစ်သည်ဟု ဆိုပါသော်လည်း  လက်ရှိအချိန်တွင် ကြားညှပ်နေပြီ၊ ခေါင်းခဲနေပြီဖြစ်ကြောင်း ပြည်သူပြည်သားအများစုက ရိပ်စားမိပါသည်။ ကိုယ်ချင်းစာပါသည်။ ထို့နည်းတူ မတရားခံနေရသောသူတို့၏ အသက်၊ သွေး၊ ဘ၀၊ မျက်ရည်၊ ငိုရှိုက်ညည်းငြူချက်များအပေါ် အမေစုထံမှ စာနာမှုစကားလုံးလေးများကိုလည်း ကျွန်တော်တို့အပါအ၀င် ကမ္ဘာတစ်ခွင်က ငံ့လင့်နေကြကြောင်း အမေစု သတိမပြုမိလေရော့သလား  ?   အမေစု၏ စာနာမှုစကား တစ်ခွန်းသည် ရက်စက်မှုခြေလှမ်းများစွာကို ရပ်တန့်သွားစေနိုင်ကြောင်း အမေစုကိုယ်တိုင် မသိလေရော့သလား ?  ပန်းတိုင်မရောက်သေးသောအမေစု  –  လမ်းကြောင်းချော်ထွက်လေရော့သလား  ?

    အမေစုရယ် ………………..  !   အများစုဖက် မျက်စေ့မှိတ် ရပ်တည်လိုက်သည့်သူထက် အမှန်တရားပေါ် ရဲရဲတောက်ရပ်တည်သော ၂၁ ရာစုခေါင်းဆောင်ကြီး တစ်ဦးအဖြစ် ကျွန်တော်တို့ မြင်ရပါဦးမလား ၊ မြင်နိုင်ပါဦးမလား၊ မြင်ခွင့်ရှိလေဦးမလား  ဟူ၍  မေးခွန်းပေါင်းများစွာဖြင့် ………………… ။

     

    ဆောင်းပါးရှင်ရဲ့ အာဘော်သာဖြစ်ပါသည်။