News @ M-Media

Category: ဆောင်းပါး

  • တိုင်းပြည်ကို ပြုပြင် ပြောင်းလဲရန် မြန်မာ ပြည်သူတွေ မညံ့ကြဖို့လိုသည်

    တိုင်းပြည်ကို ပြုပြင် ပြောင်းလဲရန် မြန်မာ ပြည်သူတွေ မညံ့ကြဖို့လိုသည်

    နိုဝင်ဘာ ၂၀၊ ၂၀၁၂
    M-Media
    ဒေါက်တာအောင်မော်

    နိုဝင်ဘာလ ၁၉ ရက်နေ့က ရန်ကုန်တက္ကသိုလ် ဘွဲ့နှင်းသဘင် ခန်းမတွင် သမ္မတ အိုဘားမားက တရားမျှတမှု (Justice) ရှိမှသာ တိုင်းပြည်တစ်ခု ဖွံ့ဖြိုး တိုးတက်နိုင်သည်ဟု ပြောသွားပါသည်။ ထို့ကြောင့် မမျှတမှု၊ မတရားမှုများ ရှိနေသရွေ့ မြန်မာနိုင်ငံကြီး အကောင်းဖက်သို့ ပြောင်းလဲနေပါသည်ဟု မပြောနိုင်ပါ။ မြန်မာနိုင်ငံသည် မဆလ၊ နဝတ၊ နအဖ ခေတ်များကအတိုင်းပင် မပြောင်းမလဲ ရှိနေသေးကြောင်း သက်သေပြပါမည်။

    ၁။ ဥပဒေပုဒ်မ ၄၀၁ (၁) ချင်း တူပေမဲ့ လက်မှတ်မထိုးသူ သာသည်။

            သမ္မတအိုဘားမား၏ မြန်မာပြည်သို့ Working Visit မလာမီ ၃ ရက်ကြိုတင်၍ အကျဉ်းထောင် အသီးသီးမှ ထိုက်သင့်စွာ အပြစ်ဒဏ်ကျခံပြီးသည့် အကျဉ်းသား ၅၁၈ ဦးကို ဥပဒေ ပုဒ်မ ၄၀၁ (၁) အရ ပြစ်ဒဏ်မှ လွန်ငြိမ်းသက်သာခွင့် ပြုခဲ့ပါသည်။ သို့သော် ကြွေးကျန်ထောင်ဒဏ်များ တင်ရှိနေပါသည်။

    အကျဉ်းထောင်မှ မလွှတ်မီ ပုဒ်မ ၄၀၁ အရ လွတ်ငြိမ်းခွင့်ပြုသည်ကို သိရှိကြောင်းလက်မှတ် ထိုိးရန်ငြင်းဆိုသူ အကျဉ်းသားအချို့ကိုလည်း လွှတ်ပေးလိုက်ပါသည်။

    လက်မှတ်မထိုးရန် ငြင်းရဲသူများ အဖို့ ဆပ်ရန် ထောင်ဒဏ်ကြွေးကျန်မရှိပါ။ သိရှိကြောင်း လက်မှတ်ထိုးသူ များသည် နောင်တစ်ချိန် ပြစ်မှုကျူးလွန်ပါက ကျန်ရှိနေသော ထောင်ဒဏ်အကြွေးများကိုပါ ဖြည့်စွက်ကျခံရမည် ဖြစ်၍ တရားမျှတမှုမရှိပါ။

    ၂။ သုံးခေါက်ချိုးကဒ် ပြန်မအပ်သူ သာသည်။

            ခြိမ်းခြောက်မှု အချို့ကို နားယောင်၍ မှတ်ပုံတင် သုံးခေါက်ချိုး ပြန်အပ်ပြီး သံသယကဒ် ကိုင်သူများအနေဖြင့် ရွေးကောက်တင်မြှောက်ခံပိုင်ခွင့်ကို အသာထားလို့ အစိုးရ အလုပ် လုပ်ပိုင်ခွင့်နှင့် လွတ်လပ်စွာ ခရီးသွားလာခွင့် မရကြ၍ နစ်နာသည်။ (နိုင်) ကဒ်ကို ပြန်လျှောက်၍ ရရန်လည်း မလွယ်ပါ။

    မှတ်ချက်။     ။သမ္မတ အိုဘားမားကိုယ်တိုင် အမေရိကားတွင် မဲပေးခွင့်မရှိသော မိသားစုမှ ဆင်းသက်လာသည်ဟု ၎င်းမိန့်ခွန်းတွင် ထည့်သွင်းပြောကြားသွား၏။

            လဝက ဝန်ကြီးဦးခင်ရီက ယ္ခင်သုံးခေါက်ချိုးကဒ် ကိုင်ဆောင်သူများသည် နိုင်ငံသားများဖြစ်သည်ဟု များမကြာမီက ကြေငြာခဲ့ပါသည်။ သံသယ တဆင့်နိမ့်ကဒ် ကိုင်ရန် ငြင်းဆန်ပြီး ယနေ့အထိ သုံးခေါက်ချိုး ကိုင်သူ အချို့မှာ (နိုင်) ကဒ်လျှောက်ရန် လွယ်သည့်အပြင် လွှတ်တော်ကိုယ်စားလှယ်အဖြစ် လွှတ်တော် အတွင်းသို့ပါ ဝင်ခွင့်ရသောကြောင့် အခွင့်အရေး ပိုသာသည်။

    မှတ်ချက်။        ။ (နိုင်) ကဒ်တွင် သုံးခေါက်ချိုးကဒ် နံပါတ်အဟောင်းကို မဖြစ်မနေ ရေးသွင်းရန် လိုပါသည်။

    ၃။ ညွှန်ပြသူ ထောင်ကျ၊ လိုက်နာသူ အမြတ်ရ။

    မတရားတဲ့ အမိန့်အာဏာတွေကို ဖီဆန်ရမယ်လို့ အမေစု ပြောဘူးသည်။ တာဝန်အရဆိုသော ကြိယာ ဝိသေသနကို ဦးဝင်းတင်က ဖြည့်စွက်သည်။ အပြည့်အစုံပြောရရင် မတရားတဲ့ အမိန့်အာဏာတွေကို တာဝန်အရ ဖီဆန်ကြ ဟု တိုက်တွန်းဆော်သြသူ အမေစုနှင့် ဦးဝင်းတင် နှစ်ဦးစလုံး ထောင်ကျသည်။

    မတရားသော အမိန့်အာဏာများကို ဆန့်ကျင်ကာ ကိုယ့်အခွင့်အရေး ကိုယ်တိုင် ကာကွယ်သူများ အမြတ်ရကြ၏။

    အထက်ပါအကြောင်းများကြောင့် ယနေ့ခေတ် အခါသမယသည် မသိသူကျော်သွား သိသူ (ရဲသူ)  ဖေါ်စားခေတ် သို့မဟုတ် ကိုယ်ညံ့ကိုယ်ခံ ခေတ်ဖြစ်လို့ ပြည်သူများ မညံ့ကြရန်နှင့် ပြည်သူများ မညံ့မှသာ တိုင်းပြည်ကို ပြုပြင်ပြောင်းလဲနိုင်မည်ဟု မှတ်ချက်ပြုရင်း နိဂုံး ချုပ်လိုက်ပါသည်။

     

    ဆောင်းပါးရှင်၏ အာဘော်သာဖြစ်ပါသည်။

  • ဇင်းမယ်မှ မြန်မာ့မွတ်စလင်များ ဘ၀မြင်ကွင်း

    ဇင်းမယ်မှ မြန်မာ့မွတ်စလင်များ ဘ၀မြင်ကွင်း

    နိုဝင်ဘာ ၂၀ ၊ ၂၀၁၂

    M-Media

    မောင်လူငယ်

    မြန်မာမွတ်စလင်များသည် ပုဂံခေတ်မှ ဗျက်ဝိ၊ဗျတ္တမှ စတင်ကာ ခေတ်အဆက်ဆက် နှစ်ပေါင်းရာချီပြီး မြန်မာပြည်တွင် တမြေတည်းဖွား တအူတုံးဆင် ညီရင်းအကိုကဲ့သို ချစ်ကြည်ရင်းနှီးစွာ နေထိုင်လာခဲ့သည်။ အုပ်ချုပ်သူ မြန်မာ သျှင်ဘုရင်မင်းဧကရာဇ် အသီးသီးအပေါ် သစ္စာစောင့်သိရိုသေကြသူများပင်ဖြစ်ကြသလို ဘယ်တုန်းကမှ နိုင်ငံအပေါ်သစ္စာမဖောက်ခဲ့ကြသည်မှာ မြန်မာမွတ်စလင်များ၏ ဂုဏ်တခု ဖြစ်သလို အစဉ်အလာလည်း ဖြစ်ကြသည်။ ဗြိတိသျှ ကိုလိုနီဗမာပြည် ခေတ်ကာလ အတွင်း အမျိုးသားရေး လှုပ်ရှားမှုသမိုင်း၊ လွတ်လပ်ရေးကြိုးပမ်းမှု သမိုင်းနဲ့ လွတ်လပ်ပြီးခေတ် ပြည်တွင်း ရောင်စုံသူပုန်တို့ကြောင့် ရန်ကုန်အစိုးရဟု ခေါ်ခံရသောခေတ်ကာလ တိုင်းပြည်အတွက် ဗမာတပ်မတော်မှ လိုအပ်နေသော လက်နက်ခဲယမ်းများကို ရယူကြံဆောင် ပေးခဲ့ကြသည်မှာ ထင်ရှားသည်သက်သေပင်ဖြစ်သည်။

    မြန်မာမွတ်စလင်မ် ခေါက်ဆွဲဆိုင် (ဓါတ်ပုံ-မောင်လူငယ်)

    ဗိုလ်နေ၀င်း၏ ၂၆ နှစ်တာ အုပ်ချုပ်မှုနှင့် န၀တ၊ နအဖ စစ်အစိုးရအဖွဲ့၏ ၂၂ နှစ်ကြာ အာဏာ ဆုပ်ကိုင်ထားမှုတို့ကြောင့် မြန်မာနိုင်ငံသည် အဆင်းရဲဆုံးနိုင်ငံ၊ မဖွံ့ဖြိုးမတိုးတက်သောနိုင်ငံဘ၀သို့ သက်ဆင်းခဲ့ရလေသည်။ ထို့အချိန်ကာလအတွင်း တိုင်းရင်းသားများရဲ့ လိုအပ်ချက်ကဏ္ဍအသီးသီးတွင် လျစ်လှူရှုကာ ကြံရာမရသည်အဆုံး နိုင်ငံအရေးတွင် လူမျိုးရေး၊ ဘာသာရေးပေါ်လစီ ကျင့်သုံးကာ သွေးခွဲမှု၊ အဓိကရုဏ်းများဖြင့် အုပ်ချုပ်သူအစိုးရအဆက်ဆက်တိုင်း ကျင့်သုံးကြသည်မှာ အစဉ်အလာလို့ ဖြစ်ခဲ့ပေသည်။

    နိုင်ငံ၏ကဏ္ဍအသီးသီးတွင် မြန်မာမွတ်စလင်များကို တဖြည်းဖြည်းနှင့် နေရာမပေးတော့ဘဲ ပစ်ပယ်ထားခြင်း၊ ကန့်သတ်ချုပ်ချယ်ခြင်းများဖြင့်လည်းကောင်း၊ တိုင်းချစ်ပြည်ချစ် ရှိသော မွတ်စလင်များကိုလည်း ရာထူးနှိမ့်ခြင်း၊ တပ်မတော်အတွင်း ၀င်ခွင့်လုံးဝမပြုတော့ခြင်းကို ၀မ်းနည်းဖွယ်ရာတွေ့မြင့်ရလေသည်။ အမျိုးသားမှတ်ပုံတင်တွင်လည်း အရင်က မကြားဖူးခဲ့သော အသုံးအနှုန်းများကို ထည့်သွင်းရေးသား ဖော်ပြထားသည်ကို တွေ့ရသည် အပြင် မြန်မာလူအဖွဲ့အစည်းတွင် သုံးစွဲနေသော စကားလုံးတချို့သည် နှိမ့်ခေါ်သော၊ မတူမတန်သလို ခွဲခြားခေါ်သော အသုံးအနှုန်းများပင်ဖြစ်သည်။ ဥပမာ – လူမျိုးခြား၊ ဘာသာခြား အစ ……. တို့ဖြစ်သည်။ ကျနော်မောင်လူငယ်ရဲ့ ဖခင်က ဗမာ ဗုဒ္ဓဘာသာ၊ မိခင်က ဗမာ အစ္စလာမ့်ဘာသာဝင်တွေပါ။ ကျနော်ရဲ့ မိခင်ဘက်က ဘိုးစဉ်ဘောင်ဆက်က ကုန်းဘောင်မင်းဆက်ဘုရင် အလောင်းဘုရား ဦးအောင်ဇေယျရဲ့ ရွှေဘို မြေဒူးဆက် မြန်မာမွတ်စလင်တွေပါ။ န၀တ၊ နအဖခေတ်မှာ အကြောက်တရား လွှမ်းမိုးနေတော့ ကျနော်ရဲ့ အမျိုးသားမှတ်ပုံတင်မှာတော့ လ၀ကအရာရှိက ဖြေထားတာက လူမျိုးမှာ ဗမာ + ဗမာစွန်နီ၊ ကိုးကွယ်သည်ဘာသာမှာ တော့ ဗုဒ္ဓဘာသာလို့ သူသဘောနဲ့သူထည့်ရေးပါတယ်။ အကြောင်းပြချက်ကတော့ အဖေဘက်ပဲ လိုက်ရမယ်တဲ့။ ကိုယ်ယုံကြည်ရာ နှစ်သက်ရာ ဘာသာတရားကို ရွေးချယ်ပိုင်ခွင့်ပင်မရှိချေ။ အဖေက အဲဒီအချိန်တုန်းက နိုင်ငံဝန်ထမ်းဆိုတော့ အလုပ်ပြုတ်မှာ ကြောက်သလို၊ ကြောက်အောင် စိတ်ဓာတ်စစ်ဆင်ရေး လုပ်ထားတဲ့အတွက် လ၀ကအရာရှိက ရီပို့စ် အရှည်ကြီးရေးပြီး ဖတ်ခွင့်မရဘဲ လက်မှတ်ရေးထိုးခိုင်းတဲ့အတွက် ကျနော် ဘာမှမပြောဘဲ လက်မှတ်ရေးထိုးပြီး သည်းခံခဲ့ပါတယ်။ ကျနော်ကဲ့သို့ အမျိုးသား မှတ်ပုံတင်တွင် အတင်းအကျပ်ပြုလုပ်ခံရ မြန်မာမွတ်စလင်များနဲ့ မှတ်ပုံတင်မရှိဘဲ နိုင်ငံမဲ့များ၊ နိုင်ငံသား ဖြစ်ခွင့်မရသူများ ဒုနဲ့ဒေးပင် ရှိသည်သိရသလို ဇင်းမယ်တွင် မြန်မာမွတ်စလင်များ၏ ဖြစ်ရပ်နှင့် ရင်တွင်းခံစားချက်များကို မျက်မြင်ကိုယ်တွေ့ တွေ့ကြုံခဲ့ရပါသည်။

    ခေါက်ဆွဲလာဝယ်နေသော ယိုးဒယား စားသုံးသူများ (ဓါတ်ပုံ-မောင်လူငယ်)

    တချိန်က အာရှရဲ့ ဆန်အိုးကြီးဟု နာမည်ကျော်ခဲ့သော မြန်မာနိုင်ငံသည် အခုအခါ အာဆီယံဟုခေါ်သော အရှေ့တောင်အာရှနိုင်ငံများ၏ နောက်တွင် နောက်ကောက်ကျန်ခဲ့ပြီးဖြစ်သည်မှာ လက်တွေ့အဖြစ်အပျက်ပင်ဖြစ်သည်။ မြန်မာတို့က ယိုးဒယားနိုင်ငံဟု ခေါ်ခဲ့သော ထိုင်းနိုင်ငံသည် မြန်မာတို့ထက် များစွာ ကျော်တက်ကာ တိုးတက်ဖွံဖြိ်ုးသောနိုင်ငံဘ၀သို့ ရောက်ရှိခဲ့ပြီး ၀င်ငွေကောင်းသဖြင့်  မြန်မာ၊ လာအိုနဲ့ ကမ္ဘောဒီးယားနိုင်ငံမှာ အလုပ်သမားများ ထိုင်းလူမျိုးတို့ မလုပ်သော အောက်ခြေသိမ်းအလုပ်များတွင် ၀င်ရောက်လုပ်ကိုင်ကြသည်။ မြန်မာနှင့်ထိုင်းနိုင်ငံမှာ နယ်နမိတ် ထိစပ်မှုရှည်လျားပြီး ရှမ်း၊မွန်၊ကချင်၊ကရင်၊ ကယားပြည်နယ်၊ ပဲခူး၊ မြန်မာပြည်အလယ်ပိုင်းဒေသနဲ့ တနင်္သာရီတိုင်းဒေသမှာ မြန်မာတိုင်းရင်းသားများသည် နယ်စပ်ဝင်ပေါက်မှာတဆင့် တရားဝင်ရော၊ တရားမ၀င်ရော နေ့စဉ်နဲ့အမျှ ၀င်ရောက်နေသည်မှာ မြန်မာပြည်၏ ထင်ရှားသော အမှတ်အသားပင်ဖြစ်သည်။

    ဇင်းမယ်တွင် မြန်မာပြည်မှာ လာသော မွတ်စလင်များကို ကြုံရာကျပန်း အလုပ်များဖြင့် တွေ့မြင်ရပါသည်။ တွေ့ခဲ့ရသူများမှာ မြန်မာပြည်သား ကရင်၊မွန်၊ရခိုင်၊ရှမ်း၊ကချင်၊ဗမာ၊ ရိုဟင်ဂျာနဲ့  တရုတ်လူမျိုး အစ္စလာမ့်ဘာသာ ကိုးကွယ်သူများပင်ဖြစ်သည်။ မြန်မာမွတ်စလင်အမျိုးသားများမှ ပလာတာ ထိုင်းအခေါ် ရိုတီ၊ လက်ဘက်ရည်၊ ထမင်းနှင့် ဟင်းမျိုးစုံ၊ အကင်မျိုးစုံနဲ့ ခေါက်ဆွဲကြော်၊ကြာဇံကြော် လက်တွန်းလှည်းဆိုင်ကယ်များဖြင့် လည်းကောင်း၊ ဈေးထဲတွင် ကြက်သားနဲ့ အမဲသားရောင်းသော ဆိုင်တွင် လည်းကောင်း အမျိုးသမီးများသည် အိမ်ဖော်အလုပ်၊ သန့်ရှင်းရေး၊ စာပွဲထိုး၊ အမဲသားသုတ်နဲ့ ထမင်း၊ ကောက်ညှင်းထမင်း လက်တွန်းလှည်းဆိုင်အပြင် ကွမ်းယာရောင်းခြင်းတို့တွင် မိမိတို့ ဘ၀စားဝတ်နေရေးအတွက် လုပ်ကိုင်ကြသည်ကို တွေ့မြင်ရပါသည်။

    ဘတ် ၂၀ တန် ခေါက်ဆွဲကြော် (ဓါတ်ပုံ-မောင်လူငယ်)

    ကျနော်သည် ဇင်းမယ်တွင် ဂျမုအတ် သောကြာနေ့တွင် ဗလီဝတ်ပြုသွားရာတွင် မြန်မာမွတ်စလင်များနှင့် အမြဲဆုံကြပြီး ကြာလတ်သော အပြန်အလှန် မိတ်ဆက်ပေးကြရာမှာ ရင်းနှီးပြီး သူတို့ရဲ့ ဘ၀အကြောင်းကို စာနာစွာ သိရှိရပါသည်။ ထို့သူများ၏ နာမည်ကို ကျနော်သည် ထုတ်ဖော်မပြောဆိုဘဲ နာမည်ပြောင်းထားလိုက်သည်ကို စာဖတ်သူ ချစ်မိတ်ဆွေများက နားလည်ပေးပါရန်။

    အကင်မျိုးစုံ လက်တွန်းလှည်းလေးနဲ့ ဈေးရောင်းနေတဲ့ မြန်မာမွတ်စလင် တဦးဖြစ်တဲ့ ဦးစောရဲသူ ပြောပြချက်ကတော့ “ကျနော်ကို ကရင်ပြည်နယ် ကြာအင်း ဆိပ်ကြီးမြို့မှာ မွေးတဲ့ ကရင်လူမျိုး အစ္စလာမ့်ဘာသာဝင်ပါ။ အခု ကျနော်အသက်က ၄၂ ရှိပါပြီး။ ကျောင်းဆိုတာ ကျနော်တောင် မမျှော်မှန်းရဲဘူး။ မိဘတွေက ဆင်းရဲလို့ ကျနော်ကျောင်းမနေခဲ့ရပါဘူး။ မြန်မာလို့ရော ထိုင်းလို့ရော  ပြောတတ်ပါတယ်။ စာတော့မဖတ်တတ် မရေးတတ်ပါဘူး။ ကျနော်နေတဲ့ ဒေသမှာ အလုပ်အကိုင်ရှားပါးပါတယ်။ စားဖို့ သောက်ဖို့ အဆင်တော့မပြေဘူး။ နောက်ပြီး မွတ်စလင်တယောက်ဖြစ်တော့ ဘာသာကိုအကြောင်းပြုပြီး မှတ်ပုံတင်လုပ်ဖို့လည်း အခက်အခဲရှိတယ်။  ပိုက်ဆံလည်းမရှိဘူး။ ဒီလိုဖိနှိပ်မှုတွေရှိတော့ ၁၈ နှစ်သားကတည်း ထိုင်းကို ထွက်လာပြီး ချင်းမိုင်မှာ အလုပ်လုပ်ပြီးနေလာတာ အနှစ် ၂၀ တောင် ကျော်ခဲ့ပြီး ကျနော်မှာ အိမ်ထောင်နဲ့ အတည်တကျဖြစ်ပြီး ကလေး ၂ ယောက်ရှိပါတယ်။ အမျိုးသမီးက မွန်လူမျိုး မွတ်စလင်ပါ။ အိမ်ဖော်လုပ်နေတာပေါ့။ မိသားစုအတွက် ကျနော်တို့ လင်မယား ၂ ယောက် ကြိုးစားရတယ်။ ကျနော်ကလေး ၂ယောက်ကို ထိုင်းမှာ မွေးပြီး ထိုင်းမှာ ကျောင်းထားပေးထားပေးမဲ့ ထိုင်းနိုင်ငံသားတွေ မဟုတ်သလို မြန်မာနိုင်ငံသားလည်း မဟုတ်ပါဘူး။ မြန်မာလူမျိုး ဖြစ်ခွင့်မရတာ ကျနော် ၀မ်းနည်းလို့မဆုံပါဘူး။ အလ္လာဟ်အသျှင် အလိုတော်အတိုင်း တနေနေ့ ကိုယ်မွေးရပ်မြေကို ပြန်နိုင်မှာပါ။” လို့ ပြောသွားပါတယ်။

    နောက်တယောက်ဖြစ်တဲ့ ထမင်းဆိုင်မှာ အလုပ်လုပ်နေတဲ့ ကချင်တိုင်းရင်းသား မွတ်စလင်တယောက်ဖြစ်တဲ့ ဦးLနော်ဆိုင်းကတော့ “ကျနော်အသက်ကတော့ ၃၅ ပါ။ ကချင်ပြည်နယ် မိုးညှင်းဇာတိပါ။ မိသားစု ၈ ယောက်ရှိပါတယ်။ ကျနော်က အငယ်ဆုံးပါ။ အဖေက ကချင်လွတ်လပ်ရေးတပ်မတော်မှာ ပါဝင်လှုပ်ရှားခဲ့ဖူးပါတယ်။ အခုတော့ ကွယ်လွန်သွားပါပြီး။ တချို့အကိုနဲ့ အမတွေက မိုးညှင်းမှာရှိသလို အိမ်ထောင်ကျသွားတဲ့သူတွေက တရုတ်ပြည် ရွှေလီ၊ ကူမင်းမှာ နေပါတယ်။ ပညာရေးအနေနဲ့တော့ ၁၀ တန်းထိ နေခဲ့ပါတယ်။ ကျနော်က ချင်းမိုင်မှာ နေလာတာ ၁၀ နှစ်ကျော်ပါပြီး၊ ဒီမှာက နေလို့ကောင်းတယ်။ လူမျိုး၊ဘာသာမခွဲခြားဘူး။ မြန်မာပြည်နဲ့ အတော်ကွာတယ်။ ပြောရမယ်ဆိုရင် ဆီနဲ့ ရေလိုဘဲ။ ကချင်မှာလည်း ကချင်လူမျိုး နတ်ကိုးကွယ်သူ၊ ခရစ်ယာန်တွေနဲ့ အစ္စလာမ့်ဘာသာဝင်တွေ ရှိပါတယ်။ ဒါကို မြန်မာအစိုးရက ကချင် မွတ်စလင်ဆိုတာ မရှိပါဘူးလို့ -င်ပိတ်ငြင်းနေတာရှိတယ်။ ကျုပ်တို့ကတော့ ဒီလူတွေနဲ့ ပြိုင်မငြင်းဘူး။ ကချင်လူမျိုးဆိုတာ လူကြောက်မဟုတ်ဘူးဆိုတာ သူတို့ မသိချင်ယောင်ဆောင်နေကြတာ။ ကျုပ်တို့ဆီက ကျောက်စိမ်းတွေကိုကျတော့ ယူတယ်။ ကျုပ်တို့ဒေသ ဖွံ့ဖြိုးတိုးတက်အောင် ဘာတခုမှမလုပ်ပေးတဲ့ ကြောင်သူတော် ကြွက်သူခိုးတွေလေ။” ဟု နာကျဉ်းစိတ်ကို ဒေါသသံနဲ့ ပြောသွားတယ်။

    မဲဆောက်ဗလီကြီးတွင်တွေ့ရသည် မြန်မာနှင့်ထိုင်း အစ္စလမ်ဘာသာဝင်များ (ဓာတ်ပုံ- ပြည်တော်မြင့်/ဧရာဝတီ)

    အပတ်စဉ် တနင်္ဂနွေ ညနေတိုင်း ကျနော်သည် ချင်းမိုင် Riverside Condo နားရှိ ဈေးထဲတွင် အမြဲပင် သွားရောက်လေ့ရှိသည်အပြင် ညနေစာကိုလည်း ဈေးအတွင်းရှိ လခြမ်းနှင့် ကြယ်တံဆိပ် အမှတ်အသားပါသောဆိုင်များတွင် ၀င်ရောက်စားသုံးလေရှိသည်။

    ထိုင်းနိုင်ငံတွင် အစ္စလာမ့် ဘာသာဝင်များ၏ ဆိုင်များတွင် (၇၈၆) အမှတ်အသားပါသည် ဆိုင်များကို ကျနော်မတွေ့ဖူးပါ။ မြန်မာပြည်တွင် အတွေ့ရအများဆုံးပင်ဖြစ်ကြောင့် မှတ်သားမိသည်။ ကျနော်သည် ခေါက်ဆွဲဆိုင်တွင် အပတ်စဉ်တိုင်း စားနေကျဖြစ်သည်အတိုင်း ခေါက်ဆွဲဆိုင်ပိုင်ရှင်နှင့် ရင်းနှီးလာပြီး သူအကြောင်း ကိုယ်အကြောင်း မိတ်ဆက်ကြတော့မှာ မြန်မာပြည်က လာသူဖြစ်မှန်း သိရတဲ့အပြင် ရန်ကုန်ဇာတိဆိုတော့ သူအကြောင်းကိုလည်း ကျနော်ကို ရင်ဖွင့်ပြောပြခဲ့တာ ကျနော် စိတ်မကောင်းဖြစ်မိတယ်။ ပြောပြတာကတော့ “မာမူက ရန်ကုန်ဇာတိပါ သာကေတ မှာ နေတာပေါ့။ ထိုင်းမှာ နေတာ နှစ်ပေါင်း ၂၀၊ အစိတ်ရှိခဲ့ပြီး မာမူက မြန်မာ့မွတ်စလင်ပါ။ ကျောင်းဆိုလို့ ၈ တန်းထိဘဲ နေခဲ့ရတာ။ မြန်မာပြည်က ထွက်ခဲ့တုန်းက မ.ဆ.လ ခေတ်ပေါ့ သမ္မတ ဦးစန်းယု ကာလပေါ့။ ရန်ကုန်မှာ အလုပ်အကိုင် အဆင်မပြေလို့ပေါ့။ ပစ္စည်းမျိုးစုံ ရှားပါးတဲ့ ခေတ်မှာ မှောင်ခိုရွှေခေတ်ဆိုတော့ မော်လမြိုင်ဘက်ကို ရောက်သွားတယ်။ ထိုင်းကနေ ပစ္စည်းမျိုးစုံကို သယ်ဆောင်လာပြီး ခရီးအဆင့်ဆင့် ဆက်သွားပြီးမှာ မော်လမြိုင်ကို ရောက်တယ်။ မော်လမြိုင်ကနေ သင်္ဘောနဲ့ပေါ့ ရန်ကုန်အရောက် ဒါမှမဟုတ် ပုလိပ် အဖမ်းအဆီးရှိရင် စစ်တောင်း၊ ပဲခူး ရထားကနေ ရန်ကုန်ထိ ပို့ရတာပေါ့။ လဟာပြင်ဈေးတို့၊ စကော့ဈေးတို့ပေါ့။ အဲဒီတုန်းက မော်လမြိုင်ဆိုရင် မျက်နှာပွင့်တယ်။ လက်ဖျားမှာ ငွေတွေသီတယ်။ ပစ္စည်းမျိုးစုံ သယ်ဆောင်ရာမှာလည်း လမ်းခရီးအဆင့်ဆင့်မှာ ကေအန်ယူတို့၊ မွန်ပြည်သစ်ပါတီတို့ကို ဆက်ကြေးပေးရတယ်။ ဓားပြတွေရဲ့ ရန်က လွတ်အောင် ဒီအဖွဲ့တွေရဲ့ အကူအညီလိုအပ်တာပေါ့။ မြန်မာငွေက ထိုင်းဘတ်ထက် တန်ဖိုးမြင့်တယ်။ အဲဒီကာလကပေါ့။ လွမ်းစရာတော့ ဖြစ်ရပြီးလေ။

    ငါတူရယ်။ ငွေလဲလှယ်နှုန်းဘယ်လောက်ရှိလဲသိလား။ ငါတူ မှတ်ထား မြန်မာငွေ ၁ ကျပ်ကို ထိုင်းဘတ် ၃၀ တောင်။ အခုတော့ မော်လမြိုင်မှာ မှောင်ခိုမရှိတော့ နောက်မျိုးဆက်သစ်တွေက ဒီအကြောင်းကို မသိကြတော့ဘူး။ ၈၆ နောက်ပိုင်းမှာ မာမူလည်း ချင်းမိုင်မှာ အလုပ်လုပ်ရင်းနဲ့ ယိုးဒယားသူနဲ့ အိမ်ထောင်ကျပြီး အခြေချနေလာတာ နှစ်ပေါင်း ၂၀ တောင် ကျော်ခဲ့ပြီး၊ မာမူမှာ သား ၂ ယောက်ရှိတယ်။ သားအကြီးက ထိုင်းတပ်မတော်လေတပ် အရာရှိဖြစ်ပြီး ချင်းမိုင်လေဆိပ်လုံခြုံရေးကို တာဝန်ယူရတယ်အဖွဲ့မှာ ပါဝင်ထမ်းဆောင်နေတာပေါ့။ သားအငယ်က မာမူနဲ့ အတူ ဈေးရောင်းနေတယ်။ ထိုင်းမှာ ဘုရင်ကြီးက ကောင်းတယ်။ အားလုံးကို ကျောသားရင်သားမခွဲခြားဘူး။ ထိုင်းလူမျိုး ဘယ်ဘာသာကိုးကွယ် ကိုးကွယ် အားလုံးကို တပြေးညီဘဲဆက်ဆံတယ်။ မာမူသားဆိုရင် ထိုင်းတပ်မတော်မှာ တာဝန်ထမ်းဆောင်နေတယ်။ မြန်မာပြည်မှာ ရမလား။ မရနိုင်ဘူးကွယ်။ သူတို့တွေက မွတ်စလင်ဆို နှိမ့်တာ၊ ဖိနှိပ်တာဘဲ။ နေရာမပေးအောင်လုပ်တာ အဘက်ဘက်ကနေပေါ့။ ဘယ်သူလုပ်တယ်ထင်လဲ။ ငါတူ မသေမရှင် မှတ်ထား ဦးနေ၀င်း ကိုယ်တိုင်လုပ်ခဲ့တာ။ မြန်မာ လူအဖွဲ့အစည်းကို အမြင်ကျဉ်းမြောင်တဲ့ အတွေးအခေါ်တွေကို သံမှိုစွဲနှက်သလိုရိုက်သွင်းခဲ့တာဘဲ။ ခင်ညွန့်ဆိုရင်လည်း ကြည့်ပါလား ဦးနေ၀င်းမွေးထားတဲ့ မျောက်လေ။ သူလည်း အပြင်ပန်းကနေ ဟန်ဆောင်တာဘဲ။ စိတ်ထဲမှာ ဖေဖေကြီးပြောသမျှ မှန်နေတယ်လို့ အစွဲမပျောက်သေးပါဘူး။ ဒီလိုသာ ရှေဆက်သွားနေရင် မာမူတို့ မြန်မာပြည် အနာဂတ်အတွက် ရင်လေးလိုက်တာ။ မာမူလည်း မြန်မာပြည်ကို သံယောဇဉ် ရှိနေတာပေါ့။ ကိုယ်မွေးရပ်မြေလေ။ ဒါပေမဲ့ မိသားစုက ထိုင်းမှာ အခြေတကျဖြစ်နေတော့ မာမူလည်း အိပ်မက်ထဲမှာ မြန်မာပြည် အမြဲရောက်နေတာပေါ့။ ရီစရာပြောရမယ်ဆိုရင် အိပ်မက်ထဲမှာ မာမူလည်း မိသားစုနဲ့ မြန်မာဟင်း၊ ငါးပိနဲ့ တို့စရာတွေနဲ့ အားရပါးရလွေးနေရတာပေါ့။” အထက်ပါ ရင်ဖွင့်ချက်ကို ကျနော်သိရသောအခါ ခံစားမှုအမျိုးမျိုးဖြင့် ဘာပြောရမှန်း မသိအောင် နှုတ်ဆိတ်နေကာ အတန်ကြာ စဉ်းစားမိသည်။

    နိဂုံးချုပ်ဆိုရသော် မြန်မာမွတ်စလင်များသည် ပြည်တွင်းတွင် အမျိုးမျိုးသော ဖိနှိပ်မှုများအကြားတွင် ကြံ့ကြံ့ခံ ရင်ဆိုင်ရင် စားဝတ်နေရေးအတွက် နယ်စပ်မှတဆင့် ထွက်ခွာကာ ကျရာအလုပ်အသီးသီးတွင် ၀င်ရောက် လုပ်ကိုင်ကြသည်အပြင် မြန်မာမွတ်စလင် အများစုတွင် ပညာရေးဘက်တွင် အားနည်းခဲ့ပြီး စာတတ်မြောက်မှုနှုန်း မရှိသလောက်ဖြစ်ခဲ့ရသည်ကို ကျနော် ၀မ်းနည်းစွာ မျက်မြင်တွေ့မြင်ခဲ့ရလေသည်။

    ၀မ်းနည်းမှုများစွာဖြင့်
    မောင်လူငယ်

  • ဝေလည်းကုလား ကြွေလည်းကုလား

    ဝေလည်းကုလား ကြွေလည်းကုလား

    နိုဝင်ဘာ ၁၇ ၊ ၂၀၁၂
    M-Media
    ကိုရွှေကုလား

    ကုလား ကုလား ကုလား

    ဤကုလား၊ ထိုကုလား၊ အနှီကုလား၊ ယင်းကုလားကား……………….. (မှတ်ချက်။ ။ အိန္ဒိယရုပ်ရှင်ကိုပြောခြင်းမဟုတ်။ ဤကားစကားချပ်။) နိုင်ငံတော်ကြီးချောက်ထဲသို့ကျခါနီး လက်တစ်လုံးအလိုတွင် ၀င်ရောက်ကယ်တင်ခဲ့ရသော တပ်မတော်အစိုးရ၏ ဦးဆောင်မှုဖြင့် ရေးဆွဲအ တည်ပြုခဲ့သော နာဂစ်အခြေခံဥပဒေသစ်ကြီးဖြင့် ဒီမိုကရေစီနိုင်ငံတော်ကြီးသို့ကူးပြောင်းပြီးစ ယနေ့ခေတ်ကာလတွင် သူမပါလျှင်မပြီးသကဲ့ သို့ မြန်မာမှုနယ်ပယ်တွင် အထူးရေပန်းစားလျက်ရှိချေသည်။ ၂၁ရာစု၏ ဒုတိယဆယ်စုနှစ်အစပိုင်းအတွင် အထူးသဖြင့် အမေရိကန်နိုင်ငံ သား၊  ဂျူးနွယ်ဖွား ဘာသာမဲ့ကြီး မက်ဇူကာဘတ်၏ လူသတ္တ၀ါများအတွက် ကုသိုလ်ပြုထားသော ဖေ့ဘုတ်အမည်ရှိ ကမ္ဘာကျော်သာလာယံဇ ရပ်ကြီးတွင် မြန်မာဘာသာစကားသုံးစွဲကြသူတိုင်းလိုလို၏ စာမျက်နှာများတွင် ယင်းကုလား (မှတ်ချက်။ ။ ယင်းထနေသောကုလားမဟုတ်။ ဤကားစကားချပ်။) ဟူသောစကားလုံးသည် တစ်နည်းမဟုတ် တစ်နည်းဖြင့် ပါတ်သက်ဆက်နွှယ်နေကြရပေသည်။ နောင်တစ်ခေတ်တွင် တစ်စုံတစ်ယောက်မှ တစ်ကျော့ပြန်မြန်မာ့ ဒီမိုကရေစီခေတ်ဦး၌ ပေါ်ပြူလာအဖြစ်ဆုံး စကားလုံးအဖြစ် သုတေသနပြုတွေ့ရှိပြီး ဂုဏ်ယူဖွယ် မှတ်တမ်းတင်ခံလာရမည်လားဟုလည်း ကြံဖန်တွေးပြီးမျှော်လင့်မိချေသည်။

    အနှီ ကုလား ဟူသော ဝေါဟာရသည် ယခုမှမဟားတရားရေပန်းစားလာသော်လည်း မြန်မာလူမှုနယ်ပယ်တွင်ကား စိမ်းနေသော စကားလုံးမ ဟုတ်ပေ။ ထို ကုလား ဟူသည့် ဝေါဟာရစကားလုံးပါသော မြန်မာအခေါ်အဝေါ်များ၊ စာပေများမှာလည်း ရှေးယခင့် ယခင်ကတည်းကလည်း ရှိပြီး ဖြစ်ချေသည်ကိုလည်း ကျွန်ုပ်အထူးပြောစရာ လိုမည်မထင်ပေ။

    ရာဇ၀င်၌ ဘုရင်ဖြစ်ချင်လွန်း၍ အေးချမ်းမွန်မြတ်လှသောဘုရားရိပ်ထဲတွင်ပင် ဘုရားနှင့် တစ်ဂိုဏ်းတည်း ထားအပ်သော မွေးသဖခင်ကျေး ဇူးရှင် အရင်အား ခေါင်းအုံးနှင့်ရက်ရက်စက်စက် ဖိသတ်၊ ထပ်မံ၍အစ်ကိုအရင်းအား အဆိပ်ခတ်သတ်ပြီး ရဟန်းရှင်လူအပေါင်း ရွံရှာစက်ဆုပ် ခဲ့သည့် မြန်မာ့သမိုင်း၏ အရိုင်းစိုင်း အယုတ်မာဆုံးဘုရင်တစ်ပါးဖြစ်ခဲ့လေသော နရသူ ဘုရင်သည် ဝေသာလီပြည်မှဆက်သသော ကုလား မင်းသမီးကို သတ်ပြန်လေသည်။ ဤသည်ကို မကျေနပ်သောကြောင့် ဝေသာလီပြည်မှ ဟူးရားကုလားဆရာ ရှစ်ယောက်လာ၍သတ်ခြင်းကိုခံ ရသောကြောင့်လည်း သမိုင်းတွင် ကုလားကျမင်း ဟု အထင်အရှားရှိနေပြန်ချေသည်မဟုတ်ပါလား။

    ၄င်းအပြင် မြန်မာမဟာရာဇ၀င်ကြီးကို သီကုံးရေးသားခဲ့သော မြန်မာလူမျိုး၊ ဗုဒ္ဓဘာသာ၊ စာပေကျမ်းတတ်ပုဂ္ဂိုလ်ကြီး၏ အမည်မှာလည်း ဦးကုလား ပင်ဖြစ်နေသည်မှာလည်း အများသိပင်။

    ဤကား ရာဇ၀င်အခိုင်အခန့်၊ သမိုင်းအခိုင်အခန့်ရှိသော သမိုင်းဝင်မဟာအသုံးအနှုန်း ကုလားစကားလုံးနှင့်ပတ်သက်သမျှ အမြွက်မျှသာလို ရင်းဖော်ပြပြီးသကာလ ကုလားပါသော စကားလုံးတို့ကို ပြုစုရသည်ရှိသော် စာတစ်စောင်ပေတစ်ဖွဲ့ဖြစ်ပြီး လိုရာမရောက် အကြင်စာရှုသူ လည်း သိပြီးကြောင်းအရာများကြောင့် ငြီးငွေ့မည်ကိုထောက်၍ မထည့်လိုတော့ပြီ။ ကျွန်ုပ်သည် ကျမ်းပြုသူတစ်ဦးမဟုတ်မူ၍ ကုလားစကား၊ ယဉ်ကျေးမှု၊ သမိုင်းတို့မှ မြန်မာမှုပြုထားသည်များကိုလည်း ထည့်သွင်းဖော်ပြခြင်း မပြုတော့ပေ။

    ယင်းကဲ့သို့ ခေတ်အဆက်ဆက်ကို ဂုဏ်မြောက်စွာဖြင့်ဖြတ်သန်း၍ မျက်မှောက် နှစ်ဆယ့်တစ်ရာစုတိုင်အောင် အနှီ ကုလား ဟူသောဝေါဟာ ရသည် ၂၁ရာစု၏ သာလာယံဖေ့ဘွတ် ဇရပ်ကြီး၌ မျိုးချစ်ဟူသောစကား၏ အတိမ်အနက်ကို တိုင်းတာရာ ဂုဏ်ယူဖွယ်သောမှတ်ကျောက်ကြီး လည်း ဖြစ်နေပေသည်။

    အထက်ပါအတိုင်းကုလားကို ကုလားဟု ခေါ်ဝေါ်ခြင်းအား အကြင်ကုလားများမှလည်း မနှစ်မြို့နိုင်ဟုဆိုလာသဖြင့် မဟာပညာရှိများမှ ကုလား ၏အနက်ကို သန်ရာသန်ရာအမြင်အသီးသီးဖြင့် ဖွင့်ဆိုပေး၍ ကုလားဟုကျေနပ်စွာအခေါ်ခံစေခြင်းငှာ ဖျောင်းဖြကြ၏။ ကုလားဟု မြိန်ယှက် စွာခေါ်ဝေနေသူအချို့ကလည်း ဤသည်မှာ ခေတ်အဆက်ဆက် အခိုင်အခန့်တည်ရှိခဲ့သော မဟာစကားလုံးကို ငြင်းပယ်ခြင်းကြောင့် ဘိုးစဉ် ဘောင်ဆက်မိမိတို့၏ကုလားဘိုးဘွားများကို ယခုကုလားများက ပြန်လည်၍စော်ကားခြင်းဖြစ်သည်၊ ဤသို့မပြုအပ်ပေ။ ကုလား ဟုသ မုတ်ခြင်းအား ကြည်ဖြူစွာ လက်ခံသင့်သည်ဟု ဖွင့်ဆိုတိုက်တွန်းကြပြန်လေသည်။

    ထိုမှတဖန် ခေတ်အဆက်ဆက်ကုလားကို ကုလားဟုပင်ခေါ်ဝေါ်ခဲ့သကဲ့သို့ပင် တရုတ်ကိုလည်း တရုတ်ဟု ယခုခေတ်အထိ နိုင်ငံပိုင်သတင်းစာကြီးများမှပင် တရုတ်ပြည်သူ့သမ္မတနိုင်ငံ၊ တရုတ်လူမျိုး၊ တရုတ်(ဟောင်ကောင်)၊ တရုတ်(ထိုင်ဝမ်)ဟု တရားဝင်ခေါ်ဝေါ်သုံးနေသေးရာ တရုတ်ဟုအခေါ်ခံရသူများမှ မည်သို့မှကွန်ပလိန်းမတက်၊ ယင်းကုလားများက ကုလားဟုခေါ်ဝေါ်ခြင်းကို အဘယ်ကြောင့် ကွန်ပလိန်းတက်သနည်းဟု စေ့ငုကြပြန်၏။ ဤသည်မှာလည်း မှန်ကန်သောမေးခွန်းပင်ဖြစ်သော ကြောင့် ကျွန်ုပ်ထောက်ခံပါ၏။

    အချို့ပညာကျော်ပုဂ္ဂိုလ်များကလည်း ကျမ်းဂန်အခိုင်အလုံဖြင့်ပင် ပုဂံဝန်ထောက်မင်း ဦးတင်၏ မြန်မာမင်းအုပ်ချုပ်ပုံ စစ်တမ်းနှင့်အခြား ရှေးဟောင်းကျမ်းများတွင်ပါသော ကမ္ဘာ့လူမျိုး ၁၀၁ ပါးထဲတွင်လည်း ကုလားမျိုး ၆၀ ပါဝင်သည်ဟု ဆိုပြန်လေသည်။

    ၁၀၁ မျိုးတွင် ၆၀ မျိုးဆိုသည်မှာ ထက်ဝက်ပင်ကျော်နေသော အရေအတွက်ပင်ဖြစ်သည်။

    ၁ ။ ဘင်္ဂလား ၂ ။ အောင်လံဘော ၃။ အောင်လံတစ် ၄။ ပြင်သစ် ၅။ ပသျှူး ၆။ ဗောဓိ။ ၇။ အာရမနီ ၈။ ဂေါ်ယာ ၉။ ဂေါယာ ၁၀။ ဂေါ်ရခါး ၁၁။ လင်း ၁၂။ ဒီတာ ၁၃။ မောပါ ၁၄။ သီဟိုဠ် ၁၅။ ဘရင်ဂျီ ၁၆။ ပသီ ၁၇။ ကတဲ ၁၈။ ကျကဲ ၁၉။ ကဲလံ ၂၀။ သုတ်သံ ၂၁။ အင်တွဲ ၂၂။ ဦးဗြဲ ၂၃။ ဟေတာရပတ် ၂၄။ ဥသာဗရား ၂၅။ ပုရတေ ၂၆။ မဒရပ် ၂၇။ ထေရာကဘီ ၂၈။ မင်္ဂလီ ၂၉။ မဂ်ဂတီ ၃၀။ ဇာဂီ ၃၁။ တူရကီ ၃၂။ ပဋိက္ခရား ၃၃။ ကျေးသား ၃၄။ ရုရှား ၃၅။ စန်းဒါး ၃၆။ ပထမ်း ၃၇။ ဟေမာ ၃၈။ ဟောပါ ၃၉။ အင်ချယ် ၄၀။ ကလယ် ၄၁။ သက်ကတံ ၄၂။ ဇင်းကျံ ၄၃။ ယာမံ ၄၄။ ကုဟတ် ၄၅။ ဟော်လံ ၄၆။ အင်ရင်ကျပ်။ ၄၇။ ပွတ်တကစ် ၄၈။ သိန်းခွံ ၄၉။ မရမံ ၅၀။ ဟိန္ဒူ ၅၁။ ဂျာမဏီ ၅၂။ ရေသူ ၅၃။ ကခို ၅၄။ အိပ်မက် ၅၄။ ခြေချုပ် ၅၆။ ပန်းသေး ၅၇။ နတို ၅၈။ ကပ္ပလီ ၅၉။ စူလျား ၆၀။ စူလတန် ဟူ၍လည်းကောင်း

    တဖန်

    ဇမ္ဗူတံဆိပ်ကျမ်းပါ ကမ္ဘာ့လူမျိုး ၁၀၁ ပါးထဲတွင်ပါသော ကုလားမျိုး ၆၀ မှာလည်း

    ၁။ သူတယ် ၂။ ပူရန္တေ ၃။ အာသံ ၄။ ရေသူ ၅။ ပန်းသေး ၆။ ပဋိက္ခယား ၇။ နောင်လာ ၈။ ကုလားဖြူ ၉။ ဘုရင်ဂျီ ၁၀။ ဘာလီ ၁၁။ လ၀ီ ၁၂။ သီဟိုဠ် ၁၃။ သိန်း ၁၄။ စန္ဒာ ၁၅။ မောပါ ၁၆။ ဒေးကိုး ၁၇။ နာထိုး ၁၈။ စောရာ ၁၉။ ပစ္ဆိဟ ၂၀။ ဘောဓ ၂၁။ သုတ္တံ ၂၂။ မင်းကျံ ၂၃။ ဥမြဲ ၂၄။ ဇိနပတ္တ ၂၅။ ပုရံ ၂၆။ သင်းတွဲ ၂၇။ စေတုတ္တရာ ၂၈။ သက္ကတံ ၂၉။ ဝိန်ရိုး ၃၀။ မက္ကတိ ၃၁။ သူလီ ၃၂။ မန္တရာဇ် ၃၃။ အော်လံတေ ၃၄။ အော်လံတစ် ၃၅။ ယစ်ပလစ် ၃၆။ ဟော်ရတော် ၃၇။ ဇဝီ ၃၈။ ပသီ ၃၉။ ဟိန္ဒူ ၄၀။ ကလယ် ၄၁။ အင်္ဂလိပ် ၄၂။ ပြင်သစ် ၄၃။ ရုရှား ၄၄။ ကျေးကုလား ၄၅။ ဒုံးကုလား ၄၆။ ဇော်ဂီ ၄၇။ မာလီ ၄၈။ ဘောရီ ၄၉။ သောယုတ် ၅၀။ လဟုတ် ၅၁။ ဒေါရော ၅၂။ ခန္တီ ၅၃။ ပသျှူး ၅၄။ ပတသီ ၅၅။ ဟာရီ ၅၆။ လာကာ ၅၇။ ဝိစ္ဆဒေါလာ ၅၈။ ဒေါရဏ ၅၉။ ဘင်္ဂလီ ၆၀။ ဗာရာဏသီ

    ဟူ၍ ခိုင်လုံသော ရှေးထုံးကျမ်းဂန်တို့ဖြင့် ထပ်မံညွှန်းဆိုကိုးကားကြပြန်လေသည်။

    ဤမျှခိုင်ခန့်သော ကုလား ဟူသောအမည်မှာ မြန်မာတို့က ယခုမှ လုပ်ကြံခေါ်ဝေါ်ခြင်းမဟုတ်ပေ။ ခေတ်အဆက်ဆက် သမိုင်း အဆက်ဆက်ကပင် ခေါ်ဝါလာခြင်းဖြစ်ကြောင်း ငြင်းပယ်၍ မရနိုင်ပေ။ ထိုမှတဖန် ယင်းကဲ့သို့ စိတ်ကောင်းစေတနာ ကောင်းစွာဖြင့် ကုလားဟူသောဝေါဟာရကို ခေတ်အဆက်ဆက် တမြတ်တနိုးသယ်ဆောင်လာ၍ ဖွင့်ဆိုချက်အဖုံဖုံ၊ သာဓကအစုံစုံတို့ဖြင့်တင်ပြ၍ ထိုကုလားအမည်ကို လိုလားနှစ်ခြိုက်စွာခံယူပါရန် သဘောမျိုးဖြင့် လည်းကောင်း တိုက်တွန်းနေသော ၄င်းပုဂ္ဂိုလ်ကျော်များကိုလည်း စိတ်ထဲမှနေ၍ အထူးလေးစားကြည်ညိုမိလေသည်။ စေတနာကြီးမားလွန်း၍ စိတ်ဓာတ်ဖြူစင်ဖြောင့်မတ်သော ပုဂ္ဂိုလ်ကြီးများပင် ဖြစ်ချေသည်တကား။

    ဤသို့သောခေတ်တွင်လူလာဖြစ်ရသော အကျွန်ုပ်သည် ယင်းကုလားဆိုသူများအား များစွာ အံ့သြမိလေသည်။ အချို့သူတို့သည်ပင် ဤမျှ နှစ်ပေါင်းထောင်ချီ မတည်တံ့နိုင်သော စကားလုံး၊ သမိုင်းများ ရှိချင်ရှာလွန်းသောကြောင့် ပုံတိုပတ်စများ၊ ဟုတ်လိမ့်နိုးနိုးသော ပါးစပ်စကားများကို ချဲ့ကားတန်ဆာဆင်လျက် သမိုင်းဟု သတ်မှတ်ပြောဆိုနေကြရရှာသည် မဟုတ်ပါလား။ ယခုမူကား ယင်းသို့မဟုတ် ဤမျှသမိုင်းအဓွန့်ရှည်လာသော အခေါ်အဝေါ်ကို မနှစ်သက်နိုင်၊ မိမိတို့သည်ကုလားများမဟုတ်၊ ကုလားဟုမခေါ်ပါနှင့် ဟူသည်ကား အကျွန်ုပ်အတွက် အလွန်အမင်း ထူးဆန်းအံ့သြဖွယ်ရာပင်ဖြစ်နေတော့သည်။ ထို့ကြောင့် ကျွန်ုပ်၏ဖြုတ်ဦးနှောက် အတွင်းမှ မှုံမွှားသောအသိဥာဏ်ဖြင့် စိတ်ဝင်စားစွာ စူးစမ်းမိလေသည်။ ပေးသူကားပေး၏။ ယူသူကားမယူ။ အဘယ့်ကြောင့်နည်း။ ခေါ်နေသောသူများနှင့် မခေါ်ရန်ပြောနေသူများအကြားတွင် ၄င်းတို့ကိုယ်တိုင် သာသိနိုင်သော မြှုပ်ထားသောအနက် အဓိပ္ပါယ်များ၊ ခံစားချက်များ ရှိလေသလားဟုလည်း စေ့ငုမိလေသည်။

    ထို့အပြင် မကြာသေးမီကဖြစ်ခဲ့သောရခိုင်ပြသနာမီးပွားများ၏အစဦးပိုင်းကာလတွင် နိုင်ငံပိုင်သတင်းစာကြီးများမှ “သံတွဲမှ ရန်ကုန်သို့ မောင်းနှင်လာသော ရိုးမသစ္စာ ခရီးသည်တင် မှန်လုံယာဉ်ပေါ်မှ မူဆလင်ကုလား ၁၀ ဦး အသတ်ခံရ” ဟူ၍ တရားဝင်ကမ္ဘာသိ ထင်ထင်ရှားရှားဖော်ပြခဲ့ပြီးနောက်

    “သတင်းစာများပါ ရခိုင်ပြည်နယ်သတင်းများရဲ့ အရေးအသားအချို့နဲ့ ပတ်သက်ပြီး သတင်းနဲ့ စာနယ်ဇင်းလုပ်ငန်းက မနက်ဖြန်ထုတ် သတင်းစာများမှာ ပြင်ဆင်ဖော်ပြပေးဖို့ စီစဉ်နေကြောင်း အသိပေးအပ်ပါတယ်။ ဘယ်သူကိုမှ ထိခိုက်နစ်နာစေလိုတဲ့ စိတ်ဆန္ဒမရှိဘဲ အရေးအသား မှားယွင်းမှု သက်သက်သာဖြစ်တဲ့အတွက် ကျွန်တော့်ရဲ့ လုပ်ဖော်ကိုင်ဘက်များကို ခွင့်လွှတ်နားလည်ပေးဖို့ သူတို့ကိုယ်စား တောင်းပန်ပါတယ်” ဟုပြန်ကြားရေး ညွှန်ကြားရေးမှူးချုပ် ဦးရဲထွဋ်က (ယခု ပြန်ဆက် ဒုဝန်ကြီး)  ပြန်လည်တောင်းပန်သကဲ့သို့ စာနယ်ဇင်းသမားများမှလည်း ယင်းသို့သုံးစွဲခြင်းအပေါ် ဝေဖန်ပြောဆိုသည်များကိုလည်း အောက်ပါအတိုင်း ရှုစားနိုင်ကြပါသည်။

    http://moemaka.blogspot.com/2012/06/tu-maung-nyo-insulting-usage-from.html

    ဇွန်လ ၃ ရက်နေ့က သံတွဲ – တောင်ကုတ် ကားလမ်းဆုံတွင် ရိုးမသစ္စာခရီးသည်တင်မှန်လုံယာဉ်ပေါ်မှာ လူ ၁၀ ဦး သတ်ဖြတ်ခံရ အထူးသဖြင့် မြန်မာဘာသာနဲ့ ထုမှုဟာလည်း အလွန်ဆိုးပါတယ်။

    ဇွန် ၅ ရက်နေ့၊ အစိုးရပိုင် နေ့စဉ်ထုတ် သတင်းစာများ ( ကြေးမုံ၊မြန်မာ့အလင်း၊ NLM) တို့တွင်ဖေါ်ပြခဲ့သော စကားလုံး သုံးစွဲမှုက  ပိုပြီးတော့ဆိုးလွန်းပါတယ်။ ပြဿနာကို ပိုမိုကြီးထွားလာအောင် မီးလောင်ရာ လေပင့်ပေးတဲ့သဘော၊ “ဆွ”ပေးတဲ့ သဘှောဖြစ်ပါ တယ်။ ဒီစကားလုံးအတိုင်းပဲ ရေဒီယိုနဲ့ ရုပ်သံမီဒီယာတွေကနေလည်းလွှင့်ထုတ်ခဲ့ကြပါတယ်။ အစိုးရက ထုတ်ဝေတဲ့ သတင်းစာ ( ကြေးမုံ၊ မြန်မာ့အလင်း) မှာ သတင်းခေါင်းစဉ်တပ်ပုံ၊ သတင်းရေးသား ဖေါ်ပြပုံ (စကားလုံးအသုံးအနှုန်းနဲ့ အရေးအသား) က အစ ပြဿနာကို ပိုမိုကြီးထွားစေလိုတဲ့ ရည်ရွယ်ချက်ကို အထင်အရှားတွေ့နိုင် ပါတယ်။“မွတ်ဆလင်ကုလား” ဆိုတဲ့ စကားလုံးကတော့ဖြင့် ချိုးနှိမ်တဲ့၊ ခွဲခြားတဲ့၊ စော်ကားတဲ့ အသုံးအနှုန်းဖြစ်ပါတယ်။ ဒါ့အပြင် ဆင်ခြင်တုံတရား ကင်းမဲ့တဲ့ပြုမူ လုပ်ဆောင်ချက်လည်းဖြစ်ပါတယ်။

    အောက်ပါလင့်တွင် http://www.mizzimaburmese.com/news/inside-burma/9445-2012-06-05-13-26-12.html

    ပြည်သူ့ခေတ် ဂျာနယ် အတိုင်ပင်ခံ အယ်ဒီတာ မောင်ဝံသက ပြောသည်။

    “အရင်ကတော့ အဲလိုသုံးနှုန်းတာ မတွေ့ဘူးဘူး။ ဒီနေ့မှာ ထူးထူးခြားခြား သုံးထားပါတယ်။ အခုလို ရခိုင်ပြည်နယ်မှာ အခြေအနေတင်းမာချိန်မှာ သူများ မကျေနပ်တဲ့ စကားလုံးကို မသုံးသင့်ပါဘူး။ အခုလို ထူးထူးခြားခြား သုံးထားလို့ ကျနော်ကိုယ်တိုင် နားမလည် ဖြစ်ရပါတယ်။ အရင် စာပေစီစစ်ရေး လက်ထက်တုန်းက ‘ကုလား’ဆိုတဲ့ နေရာမှာ ‘အိန္ဒိယ’လို့ ပြင်သုံးခိုင်းတာ တွေ့ဖူးပါတယ်” ဟု မဇ္ဈိမကို ပြောသည်။

    ထို့အပြင်

    အစ္စလာမ်ဘာသာ ကိုးကွယ်သူတိုင်းကို ကုလားဟု ပြောလို့မရသလို ဗမာပြည်တွင် နေထိုင်ပြီး အစ္စလာမ်ဘာသာ ကိုးကွယ်သူဆိုပါက မြန်မာမူဆလင် ဖြစ်ကြောင်း လူဝင်မှုကြီးကြပ်ရေး ဌာနပင် ခွဲခြားနိုင်ခြင်း မရှိပုံကို ရွှေအမြုတေ မဂ္ဂဇင်း အယ်ဒီတာချုပ် ဦးဝင်းငြိမ်းက ရှင်းပြသည်။

    “မန္တလေးဘက်က ကျနော်တို့ ညီအကို ဝမ်းကွဲတွေရဲ့ မှတ်ပုံတင်မှာ မြန်မာ/မူဆလင် လို့ ရေးထားတယ်။ ကျနော်တို့ ရန်ကုန်မှာ ရှိတဲ့ ကျနော့်ကိုကျတော့ မြန်မာ-အိန္ဒိယ လို့ ရေးထားတယ်။ အဲလို အစိုးရဌာနဖြစ်တဲ့ လူဝင်မှု ကြီးကြပ်ရေး ကတောင်မှ လူမျိုးနဲ့ ဘာသာကို မခွဲခြားနိုင်တဲ့အတွက် ဒီလို နိုင်ငံပိုင် မီဒီယာရဲ့ ဒီလိုရေးသားမှုဟာ သိပ်မဆန်းဘူးလို့ ထင်တယ်။ ဒါပေမယ့် ဒီလိုရေးသားမှုဟာ မဖြစ်သင့် မဖြစ်ထိုက်တဲ့ကိစ္စ။ ဒီလိုရေးသားမှုကြောင့် ဒေါသတွေပဲ ပေါက် ကွဲလာတာ ရှိ်လာလိမ့်မယ်လို့ ကျနော် မြင်ပါတယ်” ဟု ဦးဝင်းငြိမ်း က ပြောသည်။

    ရှေးအထက်စာပိုဒ်များတွင် ကျွန်ုပ်ဖော်ပြခဲ့သော ဖေ့ဘုတ်သာလာယံဇရပ်မှမဟာပညာကျော်များ မိန့်ကြားသကဲ့သို့ ရှေးအတီအတာကပင် ရည်ညွှန်းခေါ်ဝေါ်သုံးစွဲလာသော စကားလုံးများကိုနိုင်ငံပိုင်သတင်းစာမှ သုံးနှုန်းဖော်ပြလိုက်ခြင်းအား ယခုကဲ့သို့ ဂုဏ်သရေရှိ၍ ဥာဏ်ပညာကြီးမားသော နိုင်ငံကျော် လူကြီးလူကောင်းများမှ အဘယ့်ကြောင့် မှားယွင်းသုံးနှုန်းမှုဟု ပြောလေသနည်း။ အဘယ်ကြောင့် ယခင့်ယခင်များက အိန္ဒိယဟုပြောင်းသုံးခိုင်းခဲ့၍ မတွေ့ဖူးခဲ့ရလေသနည်း။ အဘယ့်ကြောင့် ဗမာလူမျိုးမိဘမှ  ပေါက်ဖွားဆင်းသက်လာရာတူညီသော တစ်မိတည်းဖွား သွေးသား ရင်းချာများပင်ဖြစ်ပါလျက် ဗုဒ္ဓဘာသာကိုးကွယ်သောအခါ ဗမာ/ဗုဒ္ဓဟု ရေးပြီး အစ္စလာမ်ဘာသာကိုးကွယ်သောအခါ ဗမာ+အိန္ဒိယ /အစ္စလာမ် သို့မဟုတ် ဗမာ နှင့်ကြိုက်ရာ ကုလားတစ်မျိုးမျိုး ဇွတ် တွဲရေးလေသည်။ အဘယ့်ကြောင့် ထိုသို့စံနှစ်မျိုး ဖြစ်ရလေသနည်း။ ဘာသာကို စံထားလျက် လူမျိုးခွဲခြားပင် မဟုတ်ပါလား? (ရည်ညွှန်း ဆောင်းပါး ၁  ဆောင်းပါး ၂)

    ထို့နောက် သတင်းစာမှ ပြည်တွင်းနေအစ္စလာမ်ဘာသာဝင် ဟူသော မည်သို့နားလည်ရမည်မှန်းမသိသည့် စကားစုဖြင့် အစားထိုး တရားဝင်ဖြေရှင်းတောင်းပန်ပြီးနောက် သာလာယံဇရပ်ကြီးတွင်ကား ကုလားသိုက်ကျားဝင်ကိုက်သကဲ့သို့ ကြွက်ကြွက်ညံ့သွားလေတော့သည်။ ကုလားကို ကုလားလို့ခေါ်တာ ဘာဖြစ်လို့လဲ၊ ကုလားကို ကုလားလို့မခေါ်ရင် ဘယ်လိုခေါ်ရမှာလဲ၊ တရုတ်ကိုလည်း တရုတ်လို့ခေါ်နေတာပဲ၊ ကုလားက ကုလားလို့မခေါ်စေချင်ဘူးတဲ့လား စသဖြင့် အလွန်လက်တွေ့ကျ၍ ဖြေရှင်းရခက်လှသော သမိုင်းဝင်စကားလုံးကြီး၏ ပေါ်ပြူလာဖြစ်မှုကား အထွဋ်အထိပ်ကာလသို့ပင် ရောက်နေပြီဟု ဆိုနိုင်လေသည်။ ထိုသို့ မေးခွန်းထုတ်သောပုဂ္ဂိုလ်များအားလုံး မှန်သည်ဟု ကျွန်ုပ်ထင်မိပါသည်။ သို့သော် ကျွန်ုပ်နားမလည်နိုင်သည်ကား မဟာပညာကျော်ကြီးများ ကိုးကားဖွင့်ဆိုပြဆိုသကဲ့သို့လည်းကောင်း ကုလားဟူသည် ရှေးဟောင်းခေတ်အမီဆုံး စကားလုံးကြီးကို နိုင်ငံတော်၏တရားဝင် သတင်းစာကြီးမှ အဘယ်ကြောင့် အမှားပြင်ဆင်ချက်အဖြစ် တောင်းပန်လေသနည်း။ ဤကား ကျွန်ုပ် ရှင်းရှင်းလင်းလင်း သဘောမပေါက်နိုင်သေးပေ။

    ကိုမြတ်သိန်းထွန်းဆိုသော လေးစားလောက်ဖွယ်ကောင်းသည် ပုဂ္ဂိုလ်မှရေးသေားသော ကုလားဟူသည် ဤသို့တည် ဟူသောဆောင်းပါးတွင်

    ကုလားဟူသည့် အခေါ်အဝေါ်နှင့် စပ်လျဉ်း၍ အထောက်အထားမရှိသည့် အယူအဆတစ်ရပ်အနေဖြင့် ကုလားဟူသောစကားသည် ကုလဟူသော ပါဠိစကားမှ ဆင်းသက်လာကြောင်း သိရပြီး မြင့်မြတ်သော အမျိုးအနွယ်ဟု အဓိပ္ပါယ်ရသည်။(ကုလပုတ္တ-မြင့်မြတ်သောအမျိုးအနွယ်မှ ဆင်းသက်လာသော သား) အဆိုပါအခေါ်အဝေါ်အား မြန်မာနိုင်ငံမှ ရှေးဦး ဗုဒ္ဓဘာသာဝင် မွန်၊ဗမာ၊ရခိုင်၊ရှမ်း၊ကရင် စသည့်မျိုးနွယ်စုများမှ အိန္ဒိယတိုက်ငယ်မှ မျိုးနွယ်စုများအား ခေါ်ဝေါ်ကြသည်။ အဘယ်ကြောင့်ဆိုသော် ဗုဒ္ဓကိုယ်တော်တိုင် အိန္ဒိယတိုင်းသားတစ်ဦးဖြစ်သောကြောင့် ဖြစ်သည်။

    ဟူ၍လည်းကောင်း

    တဖန် ၄င်းဆောင်းပါးတွင်ပင်

    ရှေးခေတ်အခါက ရခိုင်၊ဗမာ၊မွန် ဘုရင်များသည် ၎င်းတို့ကိုယ်၎င်းတို့ ဗုဒ္ဓ၏မျိုးနွယ်ဖြစ်သည့် သကျသာကီဝင်မျိုးရိုးမှ ဆင်းသက်လာသည်ဟု ထုံးတမ်းစဉ်လာအရ ယုံကြည်ခဲ့ကြသည်။အထက်ပါအချက်အရ ထိုဘုရင်များသည် ၎င်းတို့ကိုယ်၎င်းတို့ အိန္ဒိယတိုင်းသားမျိုးဆက်များအဖြစ် ယုံကြည်ခဲ့ကြောင်း သိရှိနိုင်သည်။ အဆိုပါအချင်းအရာများကို ကြည့်ခြင်းဖြင့်  အိန္ဒိယတိုက်ငယ်မှ မျိုးနွယ်စုများနှင့်ပတ်သက်၍ နှိမ့်ချဆက်ဆံခြင်း(သို့) လူမျိုးရေးခွဲခြားခြင်းစသည့် အချက်များနှင့်ပတ်သက်သော ဖြစ်နိုင်ခြေရှိသည့် အကြောင်းပြချက် တစ်စုံတစ်ရာရှိပါသလားဟု မေးလိုပါသည်။

    ဟူ၍တနည်း ၄င်း၏ကြွယ်ဝသောပညာဥာဏ်ဖြင့် အထောက်အထားအကိုးအကားခိုင်လုံစွာ ဘာသာပြန်ဆို တင်ပြသွားပေသည်။ (အလွန်ဗဟုသုတများသော ဆောင်းပါးကောင်း တစ်ပုဒ်ဖြစ်သောကြောင့် သွားရောက်ဖတ်ရှုကြပါရန် မေတ္တာရှေ့ထားလျက် တိုက်တွန်းပါသည်။)

    ပညာကျော်ဦးမြတ်သိန်းထွန်း၏ဆောင်းပါးအရ ဗုဒ္ဓကိုယ်တော်တိုင် အိန္ဒိယတိုင်းသား (မြန်မာတို့နားလည်သော ကုလား)ဖြစ်နေခြင်း၊ မြန်မာဘုရင်၊ ရခိုင်ဘုရင်၊ မွန်ဘုရင်များ ကိုယ်တိုင် သာကီနွယ်(ကုလားနွယ်) ဟု ယုံကြည်ခဲ့ကြခြင်းများ ရှိပါလျက် ယနေ့ အထူးသဖြင့် ဗုဒ္ဓဘာသာဝင်အချို့မှ အစ္စလာမ်ဘာသာဝင် (မြန်မာ၊ အိန္ဒိယ၊ ကပြား) များကို ကုလားဟု ခေါ်ဝေါ်ခြင်းခံရသူများမှ ဗုဒ္ဓဘုရားသည်လည်း အိန္ဒိယတိုက်သား ကုလားနွယ်ဖွားပင်ဖြစ်သည် ပြန်ဆိုသောအခါ အဘယ်ကြောင့် မကျေမနပ်ဖြစ်နေပါနည်း။

    နိုင်ငံတော်သတင်းစာကြီးမှ အဘယ်ကြောင့် တရားဝင် တောင်းပန်ရလေသနည်း။

    အလွန်ထူးဆန်း အံ့သြဖွယ်ရာပင် ဖြစ်နေပါသည်။ မိမိတို့ အသက်ထက်မက ယုံကြည်ကိုးစားသော ပုဂ္ဂိုလ်နှင့်အနွယ်တူဟု မိမိတို့ကိုယ်တိုင်(နှုတ်စကားအရပင်ဖြစ် စာပေများတွင် ရေးဖွဲ့) ၀န်ခံထားသကဲ့သို့ ထိုပုဂ္ဂိုလ်နှင့်အနွယ်တူ သာကီနွယ်(ကုလားနွယ်) ဟု ပြန်ခေါ်ခြင်းကို အဘယ်အတွက်ကြောင့် ဆတ်ဆတ်ခါ နာကျည်းဖွယ်အဖြစ် ယူဆလျက်ဗုဒ္ဓသည်ကုလားမဟုတ် ဟူသောစာများ ရေးသားလျက် ပြန်လည်ချေပကြကုန်သနည်း။

    ထို့အတူ ကုလားဟု ရည်ညွှန်းခံရသော အစ္စလာမ်ဘာသာဝင်များနှင့်ဟိန္ဒူဘာသာဝင်များသည်လည်း အဘယ်ကြောင့် မနှစ်မြို့ဖြစ်ရသနည်း။

    ရှေးမြန်မာမင်းများလက်ထက်ကပင် ကုလားဝန်၊ ကုလားပျိုတပ် ဟူ၍ တရားဝင်သတ်မှတ်ခေါ်ဆိုခဲ့သည်။ အမျိးသားခေါင်းဆောင်ကြီး ဗိုလ်ချုပ်အောင်ဆန်း၏မိန့်ခွန်းတွင်လည်း ကုလားပြည် ဟူ၍တရားဝင် ပေါ်ပေါ်တင်တင် သုံးနှုန်းခဲ့သည်ကို ဦးမြတ်သိန်းထွန်းဆောင်းပါးတွင်ပင် အလွယ်တကူတွေ့နိုင်လေသည်။ ၄င်းစာတမ်းပါအတိုင်း ကိုလိုနီခေတ် သတင်းစာများတွင်ပင် တရားဝင်သုံးနှုန်းခဲ့ပြီးနောက် လွတ်လပ်ရေးရပြီးနောက်ပိုင်းခေတ် စာပေစီစစ်ရေးရှိလာသောခေတ်တွင် မှအဘယ်ကြောင့် အိန္ဒိယဟု အသုံးအနှုန်းပြောင်းစေခဲ့ပါသနည်း။

    ထိုသို့ရည်ညွှန်းခံရခြင်းသည် ဘာများနစ်နာသွားစရာရှိ၍ မနှစ်သက်ကြလေသနည်း။ အမှန်တကယ်ဆိုလျှင် ကောင်းမြတ်သောအနက်အဓိပ္ပါယ်များနှင့် ထုံမွှန်းနေသော၊ ထိခိုက်နစ်နာစေခြင်းမရှိသော ထိုအခေါ်အဝေါ်အတွက် ဗုဒ္ဓဘာသာကိုးကွယ်သည့် သာကီနွယ်များဟု ညွှန်းဆိုသူများသည်လည်းကောင်း၊ အစ္စလာမ်ဘာသာကိုးကွယ်သည့်အိန္ဒိယနွယ်ဖွားများ၊ မြန်မာများ၊ ကပြားများ သည် သူမှကုလားစစ်တယ်၊ ငါမှကုလားစစ်တယ်ဟူ၍ပင် ငြင်းခုံနေသင့်သည် မဟုတ်ပါလား။

    မြှုပ်ထားသောအနက်အဓိပ္ပာယ်များ

    ရှေးယခင်က ရည်ညွှန်းခဲ့သော ကုလားဟူသောဝေါဟာရသည် ခေါ်သူနှင့်အခေါ်ခံရသူများအကြားတွင် အထူးမြှုပ်ထားသောအနက်အဓိပ္ပာယ်မျိုးမရှိနိုင်ဘဲ အားလုံးကြည်ဖြူကျေနပ်ခဲ့သည်ဟု ထင်ပါသည်။ သို့သော် မြန်မာနိုင်ငံသို့ အင်္ဂလိပ်များဝင်ရောက်သိမ်းပိုက်၍ တစ်မျိုးသားလုံး ကျွန်ဇာတ်သွင်းခြင်းကို ခံခဲ့ရသည့် နောက်ပိုင်းခေတ်များတွင် မျိုးချစ်ပုဂ္ဂိုလ်ကြီးများ၊ စာပေများတွင် ကုလားဟူသည် အင်္ဂလိပ်မျက်နှာဖြူများနှင့် ၄င်းတို့နှင့်အတူ အိန္ဒိယမှခေါ်ယူလာသော စစ်ဗာရီများကို အဓိက ရည်ညွှန်းသုံးစွဲကြလေသည်။ ထို့အပြင် အိန္ဒိယ = ကုလားပြည်၊ အိန္ဒိယနိုင်ငံသား = ကုလား ဟူ၍ တရားဝင် သတင်းစားများတွင်လည်း သုံးနှုန်းကြောင်း ဦးမြတ်သိန်းထွန်းဆောင်းပါး ဒုတိယပိုင်းတွင်ပင် အလွယ်တကူတွေ့နိုင်ပါသည်။ အင်္ဂလိပ်ကို ကုလားဖြူ အသုံးအနှုန်း၊ အညွှန်းခံပုဂ္ဂိုလ် အားလုံးမှန်ကန်ပါသည်။ မည်သူမျှလည်း အထူးတလည် ကန့်ကွက်မည် မထင်ပါ။

    ဤသည်မှာလည်းမဆန်းပါ။ အထက်တွင် ကျွန်ုပ်တင်ပြခဲ့သော ရှေးယခင်ကတည်းက မြန်မာတို့၏အယူအဆ၌

    တစ်ရာ့တစ်ပါးသောကမ္ဘာ့လူမျိုးများတွင် အိန္ဒိယတိုက်သားများအပါအ၀င်

    ၅၁။ ဂျာမဏီ

    ၈။ ကုလားဖြူ

    ၄၁။ အင်္ဂလိပ်

    ၄၂။ ပြင်သစ်

    ၄၃။ ရုရှား

    ဟူ၍ ပါပြီး ဖြစ်သည်မဟုတ်ပါလား။

    ထို့အပြင် ဆရာကြီးသခင်ကိုယ်တောင်မှိုင်းကလည်း

    ‘မြန်နယ်မှာ နံမယ်မှ မထွားခင်က၊ သူ့ရန်ခုခံတဲ့ အမှားတွေကြောင့်

    (အမယ်မင်း) တရားပျက်ကွယ်သမို့၊ ပြုတ်ဖို့ ဓမ္မတာကိန်းပေတင့်

    သိကြားလက်နက်ကဲ့သို့ အဟုတ်ကိုအာကာ အဟိန်းတွေနှင့်၊

    (၀န်မင်းရယ် ) ကုလားတတ်လို့

    ကျုပ်တို့အညာကိုသိမ်း’

     

    ကုလားတက်သိမ်း (အင်္ဂလိပ်တပ်များရဲ့သိမ်းပိုက်မှု) ကို ရည်ညွှန်းပြီး ရေးဖွဲ့ခဲ့ပြန်တယ်။ အင်္ဂလိပ်ကို ရည်ညွှန်းခြင်းမဟုတ် အိန္ဒိယတိုက်သားစစ်ဗာရီများသက်သက်ကို ရည်ညွှန်းခြင်းဖြစ်တယ်လို့ ဖွင့်ဆိုချင်သေးရင်ဖြင့်

    ဓမ္မာစရိ-ဦးထွန်းရွှေသို့
    သခင်ကိုယ်တော်မှိုင်း၏ သ၀ဏ်လွှာ ပေးစာမှာ ကြည့်နိုင်ပါသေးတယ်
    အို … နန္ဒမာလိနီခေါ် ကဗျာစွယ်စုံကျမ်းပြုဆရာ ဓမ္မာစရိ ဦးထွန်းရွှေ …
    အတီတေကာလ ရှေးမဆွအခါ “မြန်မာအစ-တကောင်းက” ဟူသည်နှင့်အညီ ဤမည် ထိုမည်သော သကျသာကီဝင် ဘုရင်မင်းမျိုး သတိုးဓမ္မ သတ္တိဓရတို့ မဆွတည်ဟောင်း တကောင်းပြည်ကြီးမှ စကာ
    (၁) သရေခေတ္တရာပြည်၌ မင်းပေါင်း ၂၅-ဆက်၊
    (၂) အရိမဒ္ဒန မည်သော ပုဂံပြည်တွင် မင်းပေါင်း ၅၅-ဆက်၊
    (၃) ၀ိဇယပူရ မည်သော ပင်းယပြည်တွင် မင်းပေါင်း ၆-ဆက်၊
    (၄) ဇေယာပူရ မည်သော စကိုင်းပြည်၌ မင်းပေါင်း ၇-ဆက်၊
    (၅) ရတနာပူရ မည်သော အင်းဝပြည် အတွင်းဝယ် မင်းပေါင်း ၃-ကျိပ်၊
    (၆) ရတနာသိင်္ဃ ပြည်မျာ့တန်ဆောင် ရန်ကြီးအောင်ခဲ့သော ကုန်းဘောင်မင်း ၁၁-ဆက်တို့အတွင်း “အင်း-အာ-ရိုက်-အော်-ဘကြီးတော်” တည်းဟူသော သကရာဇ် ၁၁၈၁-ခုနှစ်အတွင်း မင်းအဖြစ်သို့ ရောက်တော်မူခဲ့သည့် ဘကြီးတော်မင်းတရား လက်ထက် အင်္ဂလိပ်နယ်ချဲ့သမားတို့ စော်ကားရန်စ၍ ပဌမအကြိမ် စစ်မက်ဖြစ်ပွား ခဲ့ရာ မြန်မာတို့က အရေးရှုံးနိမ့်သဖြင့် မဏိပူရပြည် အာသံပြည် ရခိုင်ပြည် တနင်္သာရီပြည်များကို ကုလားမျိုး ၆၀-အ၀င် အကြင်သို့သော အင်္ဂလိပ်တို့ လက်တွင်းသို့ အပ်နှင်းခဲ့ရလေသည်။

    ဟူ၍ အင်္ဂလိပ်=ကုလား တိတိကျကျ ရေးဖွဲ့ထားသေးသည် မဟုတ်ပါလား။

    မန္တလေးမြို့၊ အချုပ်တန်းဆရာဖေ ရေး “နေပြည်တော် အလွမ်းဖွဲ့ စာထောင့်လေးချိုးကြီး”မှာလည်း

    [ဘုံတပြည်စံ မှောက်လှန်မည်ပ၊ မိုးထက်ကြယ်များ၊ ကုန်အညီပြန် တောက်လျှံချီပ အမတ်တွေ မြင်းထက်ဖျင်း၊ ငကင်းခေါင်ဖျာ့ သိုက်မြညှာအပ် မဘွေရှစ်ရက်တွင်း …၊ အတင်းဆောင်သွား၍ လိုက်ရရှာ၊ ဆက်ဆက်ယူမတဲ့ ဆိုတ’ကာ၊ ကြွက်ကြွက်ဆူသနဲ့ ငိုကြရှာ၊ ရက်စက်သူမကွဲ့ ချိုလှစွာ၊ ထိုခါ-ငိုရှာ ဗိုလ်ပါ လူတလွှားငယ်တို့၊ ရိုင်းလေ-မှိုင်းဝေ-တိုင်းပြေ ပစ်ခွါသွားရှာရတယ်၊ (အမယ်မင်း) အ၀ါးမ၀ငြား၊ တရားဓမ္မ မမှားရှာဘု၊ (သခင့်ကိုကွယ်) သိကြားကလဲ မ၊ မယားလှရယ်ကြောင့်၊ ကုလားက သဘောင်္နှင့် တင်ယူပါပြီ တကား။]

    မှတ်ချက်။ ။ [ … ] ဤကွင်း အတွင်း စာသားမှာ လေးချိုးကဗျာမဟုတ်၊ အဓိပ္ပါယ်စုံလင်ရန် သံဆန်းဆက်ထားခြင်း ဖြစ်သည်။

    ဆိုပြီး ပါပြန်သေးသည်မဟုတ်ပါလား။ ဤသည်မှာ အမှန်တရား၏ အမှန်တရားများသာဖြစ်၍ ကုလားရှိခြင်း၊ မြန်မာနိုင်ငံသားမွတ်စလင်ကိုသာမက ကုလားနွယ်ဝင် ၆၀ထဲမှ ကုလားများကိုပါ ရည်ရွယ်ခေါ်ဝေါ်ခြင်းဖြစ်ကြောင်း သက်သေပြချက်များပင် မဟုတ်ပါလား

    ဗမာပြည်အတွင်းရှိ လူမျိုးတိုင်း၊ ဘာသာတိုင်းကိုင် ကိုယ်စားပြု၍တည်ထောင်ခဲ့သော တို့ဗမာအစည်းအရုံးကြီးမှ အစ္စလာမ်ဘာသာဝင် သခင်ဘသောင်း၏ စိတ်ကူးအကြံအစည်ပေါင်းစပ်ပံ့ပိုးမှုမှထွက်လာခဲ့သည့် တို့ဗမာသီချင်းတွင်

    တကောင်းအဘိရာဇာ၊ တို့ဗမာသာကီမျိုးဟာမို့၊ မညှိုးဂုဏ်တေဇာ၊

    ယိုးဒယားနဲ့ကုလားကိုပါ တိုက်ထုတ်ခါ…..အောင်ခဲ့တာ တို့ဗမာ

    သခင်ဘသောင်း၏ ပြောပြချက်အရ “တို့ဗမာ” သီချင်း၏ တီးလုံး တီးကွက်ကို သခင်တင်က ဘာဂျာဖြင့် အသံရှာ၍ တီထွင်ပေးခဲ့သည်။ သီချင်းထဲတွင် ပါသော အမျိုးသား ချစ်ခင်ရေးသဘော၊ နိုင်ငံရေးသဘော၊ တစ်မျိုးသားလုံး ကျင့်ကြံရေးသဘော စသော အယူအဆများကို သခင်ဘသောင်းက ကြံစည် စိတ်ကူးပေးခဲ့သည်။ သီချင်းရေးစပ်ပြီးသော် သခင်လှဘော်နှင့် သခင်သိန်းမောင်တို့ပါ စုပေါင်းဝေဖန်၍ ပိုမိုကောင်းမွန်အောင် ပြုပြင်ပေးခဲ့ကြသည်။ သီချင်းကို သခင်တင်၏ သီချင်းရေးနေကျမူအတိုင်း ရေးသူ၏ အမည်ကို မထည့်ပဲထားခဲ့ရာ “တို့ဗမာ” သီချင်းကို ပုံနှိပ်ထုတ်ဝေသောအခါတွင်မှ “တို့ဗမာ အစည်းအရုံး၏ အစီအရင်ကိုခံ၍ ၀ိုင်အမ်ဘီ သခင်တင် စပ်ဆိုသည်” ဟု ခေါင်းစဉ် တပ်ပေးခဲ့ရသည်။ ဟု ဆိုထားပါသည်။ မြန်မာနိုင်ငံအတွင်း ရှေးအစဉ်အဆက်ကနေထိုင်လာကြသော မိဘအဆက်နွယ်မှပေါက်ဖွားလာသော အစ္စလာမ်ဘာသာဝင် သခင်ဘသောင်းသည် ကုလားမျိုး၆၀စာရင်းဝင် ကုလားများကို မြန်မာနိုင်ငံသားမျိုးချစ်တစ်ဦးအနေဖြင့် ရည်ညွှန်း၍ဖွဲ့ဆိုခဲ့ခြင်းမှာ ထင်ရှားနေသော အမှန်တရားတစ်ခုဟု နားလည်မိပေသည်။ ဤသည်လည်း ကုလားများကို ကုလားဟု ခေါ်ဝေါ်ခြင်းပင်ဖြစ်သည်မဟုတ်ပါလော။

    သို့ဆိုလျင် အမောင်ကုလားတို့က ဘာကိုပြောချင်ပါသနည်း။ ဘာကို မကျေလည်ပါသနည်း။

    အင်္ဂလိပ်တို့မြန်မာနိုင်ငံကို အုပ်စိုးချိန်မှစပြီး လွတ်လပ်ရေးရပြီးယခုအချိန်ထိ ကုလားဟူသောဝေါဟာရသည် ရှေးရှေးမင်းများလက်ထက်တွင် သုံးလာသောအဓိပ္ပာယ်ကဲ့သို့ ဖြူစင်သော၊ ရင်းနှီးပွင့်လင်းသော၊ သစ္စာရှိသော သဘောများကိုဆောင်ခြင်းထက် နယ်ချဲ့၊ မိစ္ဆာ၊ ဒိဌိ၊ ဖိနှိပ်၊ ဂုတ်သွေးစုပ်၊ ချစ်တီးကုလား၊ ခေါ်တောကုလား၊ တိုင်းတပါးသား၊ နိုင်ငံခြားသား၊ ရန်သူ၊ အမျိုးဖျက်၊ သာသနာဖျက်၊ ကုလားဗမာအဓိကရုဏ်း စသည်တို့ကိုသာရည်ညွှန်း၍ အထူးပြုသလို မြန်မာတို့စိတ်ထဲတွင် စွဲမြဲနေခဲ့ပြီမဟုတ်ပါလား။

    ထိုအထဲတွင် မြန်မာပြည်၌ အစဉ်အဆက်နေထိုင်ခဲ့သော မြန်မာမွတ်စလင်၊ ကပြားမွတ်စလင်၊ အိန္ဒိယနွယ်ဖွား မြန်မာနိုင်ငံသားမွတ်စလင်တို့သည်လည်း ရောနှော၍ ပါသွားလေသည်။ ထို့ကြောင့် ကုလားဟူသောဝေါဟာရကို သုံးလိုက်သည်နှင့် ခေါ်ဝေါ်သုံးစွဲသူ၏လေသံ၊ ဟန်ပန်အနေအထား၊ အဓိပ္ပာယ်ဆိုလိုရင်းများပေါ် မူတည်၍ ထုတ်ဖော်မပြောရဘဲနှင့် အထက်ပါ ခံစားချက်များဖြစ်ပေါ်လာစေသည် မဟုတ်ပါလား။ ဤအမှန်တရားကိုလည်း အင်္ဂလိပ်ကုလားဖြူများနှင့် အိန္ဒိယကုလားများထွက်ခွါသွားပြီးနောက် မြန်မာနိုင်ငံအတွင်း ဆက်လက်နေထိုင်ကြသော မြန်မာဆန်သော၊ မြန်မာတပိုင်းဖြစ်သော၊ မြန်မာများဖြစ်သော၊ မြန်မာရည်ဝနေသော အစ္စလာမ်ဘာသာဝင်များကလည်း နားလည်ကြလေသည်။ ရွယ်တူငယ်ပေါင်းကြီးဖော် သူငယ်ချင်းပင်လျင် စိတ်ကြည်နေသောအချိန်ခေါ်လိုက်သော ကုလားဟူသည့် အခေါ်အဝေါ်နှင့် နားလည်သဘောပေါက်မှု၊ တစ်ယောက်နှင့်တစ်ယောက် အချင်းများခိုက်ရန်ဖြစ်သော အချိန်ခေါ်သည် ကုလားဟူသည့်အခေါ်အဝေါ်နှင့် နားလည်သဘောပေါက်မှု၊ ထုတ်ပြောစရာမလိုသည့် မိစ္ဆာ၊ ဒိဌိ၊ ဘာသာခြား၊ လူမျိုးခြား ဟူသော အဓိပ္ပါယ်သက်ရောက်မှုများကို ကာယကံရှင်များနှင့် မြန်မာစကားပြောနေသူများ အားလုံးအလိုလိုသိကြလေသည်။

    ထို့ကြောင့်လည်း နိုင်ငံပိုင်သတင်းစာများတွင် သုံးစွဲခြင်းကို မတွေ့ခဲ့ရဖူး ဟူ၍လည်းကောင်း၊ မှားယွင်း ရေးသားချက်ဖြစ်သောကြောင့် ပြန်လည်ပြင်ဆင် တောင်းပန်ချက်ဟူ၍လည်းကောင်း၊ ဂေါတမဗုဒ္ဓသည် ကုလားမဟုတ်ဟူ၍လည်းကောင်း၊ သာကီနွယ်သည် ကုလားနွယ် မဟုတ်ဟူ၍လည်းကောင်း ဆတ်ဆတ်ထိမခံသော ဖွင့်ဆိုချက်များအဖြစ်သို့ ရောက်ခဲ့ရပြီ မဟုတ်ပါလား။

    ထို့ကြောင့် ယနေ့ခေတ်မြန်မာနိုင်ငံအတွင်းတွင်နေထိုင်ကြသော မြန်မာနိုင်ငံသားအစ္စလာမ်ဘာသာဝင်(မြန်မာအစ္စလာမ်၊ ကပြားအစ္စလာမ်၊ အိန္ဒိယနွယ်ဖွားအစ္စလာမ်) များသည် ကုလားဟုခေါ်ဝေါ်ခံရခြင်းကို မနှစ်သက်ခြင်းမှာ ကုလားမျိုး၆၀ = မြန်မာနိုင်ငံသားအစ္စလာမ် ဟူ၍ မပြောရုံတမည် ကျန်နေသောဘ၀သို့ ရောက်ရှိနေသည်ဟု ခံစားရခြင်းကြောင့် မသုံးကြစေလိုခြင်းဖြစ်သည်။ ကုလားဟုခေါ်လိုက်သည်နှင့် မြန်မာနိုင်ငံကို ကျွန်ဇာတ်သွင်းခဲ့သောအင်္ဂလိပ်ကုလားဖြူကို မမြင်ပါ၊ အင်္ဂလိပ်စစ်တပ်နှင့်အတူပါလာသော အိန္ဒိယစစ်သားများကို မမြင်ပါ၊ အင်္ဂလိပ်တင်သွင်းခေါ်ယူလာသော အမြတ်ကြီးစားအတိုးယူသည့် အိန္ဒိယနိုင်ငံသားချစ်တီးများကို မမြင်ပါ။ အနီးစပ်ဆုံးရှိသည့်မြန်မာမွတ်စလင် ကိုသာ ကုလားအဖြစ်မြင်ကြလေသည်။ မြင်အောင်လည်း ပုံဖော်ကြသည်။ ငါးတကာယိုသမျှ ပုဇွန့်ခေါင်း ဆိုသကဲ့သို့ ကုလားသုံးသမျှ မြန်မာ မွတ်စလင်များသာ ခေါင်းခံရသောဘ၀သို့ ရောက်အောင် ပုံဖော်ကြလေသည်။

    အသလိုပြောရင်ဖြင့် ဟာ မင့်ဟာ လွန်သွားပြီလို့ စာရှုသူ ထင်သွားနိုင်ပါသည်။ မကြာသေးခင်ကဖြစ်ခဲ့သော ပြသနာတစ်ခုကို အနီးစပ်ဆုံး တင်ပြချင်ပါသည်။ အင်တာနက်သုံးနေသူများ မှတ်မိကြပါလိမ့်ဦးမည်။ ဘုန်းကြီးတစ်ပါး စိတ်ဓာတ်မြှင့်တင်ရေးသင်တန်းခေါင်းဆောင်၊ သာဓုမခေါ်ခိုင်းဘဲ လက်ခုပ်တီးရန်၊ တရားပွဲတွေမှာ ကခိုင်းတယ်ဆိုတဲ့ ဘုန်းကြီးကို မှတ်မိကြပါလိမ့်ဦးမယ်။ ထိုဘုန်းကြီး၏သတင်းကို တက်လာသည်က ဗုဒ္ဓဘာသာကိုဖျက်ဆီးမဲ့ကုလားဘုန်းကြီး ဟူသော သတင်းခေါင်းစဉ်ဖြင့် အွန်လိုင်းမြန်မာ အသိုင်းဝိုင်းမှာ အလွန်ပျံ့နှံ့သွားခဲ့ပါသည်။

    ထေရ၀ါဒအယူအဆအရ ကခိုင်းတာ၊ လက်ခုပ်တီးခိုင်းတာတွေဟာ တရားတော်နဲ့မကိုက်ညီလို့ ထေရ၀ါဒ ဗုဒ္ဓဘာသာဝင်အဖြစ်မသတ်မှတ်နိုင်ကြတာကို ကျွန်ုပ် အပြစ်မတင်လိုပါ။ သို့သော် ကုလား ဟူသော အသုံးအနှုန်းက အဘယ်အတွက်ကြောင့် သုံးရလေသနည်း။ အစ္စလာမ်ဘာသာမှ ကူးပြောင်းလာသောကြောင့် ဖြစ်သည်ဟု ဆိုလေသည်။

    ထိုသို့သုံးလိုက်သောအခါ ကုလားဟူသည် မြန်မာပြည်တွင်ရှိသော မွတ်စလင်ဟူသည့် ကျဉ်းမြောင်းသည့် အတွေးအခေါ်ဖြင့် တံဆိပ်ကပ်ခြင်းခံထားရသော မွတ်စလင်ဟူ၍ပင် တထစ်ချမှတ်ယူကြ၍ အစ္စလာမ်ဘာသာနှင့် မွတ်စလင်များကို မျိုးစုံအောင် ဆဲဆိုခြင်း ခံရလေသည်။ မွတ်စလင်ဘုန်းကြီး၊ ကုလားဘုန်းကြီး မည်သို့ဖြစ်နိုင်မည်လဲဟု ပြန်လည်မေးခွန်းများထုတ်ကြသောအခါ စိတ်ထဲတွင်လာသော ဇာတ်လမ်းများ၊ ဇာတ်ထုပ်များကို အထောက်အထားကင်းမဲ့စွာ၊ အရှက်သိက္ခာ ကင်းမဲ့စွာဖြင့် ထင်တိုင်းဖြီးဖြန်းလိမ်ညာပြောဆို၍ အထင်အမြင်လွဲမှားအောင် လုပ်ပြန်လေသည်။ ကျွန်ုပ်၏အမြင်တွင် ၄င်းဘာသာပြောင်းလာသည့်ဘုန်းကြီးဟူသောပုဂ္ဂိုလ်နှင့် ထေရ၀ါဗုဒ္ဓဘာသာ၏ အယူအဆကွဲလွဲမှု ပြသနာသာ ဖြစ်လေသည်။ ဤသည်မှာ အစ္စလာမ်ဘာသာကို ကိုယ်စားမပြုသကဲ့သို့ ထေရ၀ါဒကို ကိုယ်စားပြုခြင်းလည်း မဟုတ်ပေ။ လူတစ်ယောက် ၄င်း၏အယူအဆအတွေးအခေါ်သည် မူလကပင် စံနှုန်းများနှင့်သတ်မှားထားရှိပြီးသော ဘာသာနှင့် အံမ၀င်သော အပြုအမူသာဖြစ်သည်။ ထိုအပြုအမူအတွက် ၄င်းကိုယ်တိုင်နှင့်ပင် ဆိုင်ပါသည်။ ထို့ကြောင့် ၄င်းသည် ထေရ၀ါဒ အယူအဆမှ ကွဲလွဲနေသော၊ လက်မခံသောပြင်ပပုံသဏ္ဍာန်ဖြစ်ကြောင်းပြော၍ ဥပဒေကြောင်းအရ အရေးယူနိုင်လျှင် အရေးယူရုံသာရှိပါသည်။ အဘယ်အတွက်ကြောင့် ကိုယ့်ပြသနာကိုယ် မဖြေရှင်းဘဲ တရားမဲ့စွာ၊ အောက်လမ်းနည်းကျစွာသော ကလိန်ကကျစ်နည်းဖြင့် ဤကဲ့သို့ မဟုတ်ကို အဟုတ်လုပ်၍ နာမည်ဆိုးတပ်ရန် ကုလားတံဆိပ်= အစ္စလာမ်ဘာသာ ကပ်ထားလေသနည်း။

    အကယ်၍ ၄င်းဘုန်းကြီးသည် အမှန်တကယ်ပင် အစ္စလာမ်ဘာသာမှ ဗုဒ္ဓဘာသာသို့ကူးပြောင်းလာသော ဘုန်းကြီးဖြစ်သည်ဟု ဆိုသည့်တိုင် ဤသည်မှာ အစ္စလာမ်ဘာသာနှင့်သော်လည်းကောင်း၊ မြန်မာပြည်တွင်းရှိ မွတ်စလင်များနှင့်သော်လည်းကောင်း မည်သို့မျှ သက်ဆိုင်ခြင်းမရှိတော့ပေ။ ၄င်း၏အယူအဆ၊ အတွေးအခေါ်နှင့် လုပ်ရပ်အတွက် ထိုဘုန်းကြီးကိုယ်တိုင်ပင်တာဝန်ခံ၍ သူနှင့်ရှင်းရန်သာရှိပေသည်။ ဤအတိုင်းလည်း ဖြစ်သင့်ပေသည်။ သို့မဟုတ်ဘဲ အစ္စလာမ်ဘာသာမှ ပြောင်းလဲလာသည်ဟု တံဆိပ်ကပ်၍ အစ္စလာမ်ဘာသာကြောင့်ဟု စွပ်စွဲချင်သောပုဂ္ဂိုလ်များ၊ စွပ်စွဲခဲ့သောပုဂ္ဂိုလ်များ၊ စွပ်စွဲဦးမည့်ပုဂ္ဂိုလ်များအတွက် တစ်ခုမေးချင်ပါသည်။

    မကောင်းပြောခြင်းမဟုတ်သလို ကာယကံရှင်ကိုယ်တိုင် ပြန်လည်ဖြေရှင်းရန်မလိုအပ်သော မေးခွန်းမျိုးမို့ အလွန်အားနာစွာဖြင့်ပင် ကွယ်လွန်သူနှင့် ဥပမာပြု၍ ရှင်နေသောသူများကို မေးလိုပေသည်။

    အထက်ပါဘုန်းကြီးသည် အစ္စလာမ်ဘာသာမှ ကူးပြောင်းလာသောဘုန်းကြီးဖြစ်ခြင်းကြောင့် ကုလားဘုန်းကြီးဟု ခေါင်းစဉ်တပ်ယိုးစွပ်ချင်သူများအတွက် ချင့်ချိန်စဉ်းစားရန်မှာ ရတနာသုံးပါးကို ယုံကြည်ကိုးကွယ်သွားသူ တစ်ယောက်ဖြစ်သော ဦးစန်းလွင်(ခ) ရှင်အာဒိစ္စရံသီ သည် ဗုဒ္ဓဘာသာအား အတော်များများ အကျိုးပြုခဲ့လေသည်။ ထိုပုဂ္ဂိုလ်၏ရေးသားခဲ့သော စာပေများကို ကြည့်ခြင်းအားဖြင့် သူစေတနာ၊ ယုံကြည်ချက်ကို သိနိုင်ပါသည်။ သို့ဆိုလျှင် သင်တို့ညီမျှခြင်းချသကဲ့သို့ ပြန်ချရသည်ရှိသော် ဦးစန်းလွင်(ခ) ရှင်အာဒိစ္စရံသီ တော်ခြင်း၊ တတ်ခြင်း၊ ကောင်းကျိုးပြုခြင်းများသည် အစ္စလာမ်ဘာသာကြောင့်၊ အစ္စလာမ်ဘာသာမှ ကူးပြောင်းလာခြင်းကြောင့် ဖြစ်သည်ဟု ဆိုလျှင် သင်တို့ လက်ခံနိုင်မည်လား၊ ငြင်းမည်လား။ ကုလားဘုန်းကြီးဟု ခေါ်ဝေါ်ကြပါသလား။

    ထို့အတူ ကျွန်ုပ်နှစ်သက်သော၊ စိတ်ကိုငြိမ်းအေးသွားသော စာပေများကို ရေးသား၍ လူတစ်ဖက်သားကိုငြိမ့်ငြိမ့်လေးနှင့် ဆွဲဆောင်သွားတတ်သော ဆရာတော်ဦးဇောတိက သည် အစ္စလာမ်ဘာသာမှ ပြောင်းလာခြင်းဖြစ်သောကြောင့် ဤကဲ့သို့ ပြုမူနိုင်ခြင်းဖြစ်သည်၊ တွေးခေါ်နိုင်ခြင်းဖြစ်သည်၊ ရေးသားနိုင်ခြင်းဖြစ်သည်ဟု ဆိုလျှင်ကော လက်ခံပါမည်လား။

    ၄င်းကိုယ်တော်နှစ်ပါးအား ကုလားဘုန်းကြီးဟူ၍ တံဆိပ်ကပ်ပါသလား။ ၄င်းသည် ဘာသာပြောင်းသွားသည့်တိုင်၊ အစ္စလာမ် = ကုလား(နိုင်ငံခြားသား) ဟူ၍ သတ်မှတ်ထားသော မြန်မာအသိုင်းအ၀ိုင်း၏ အယူအဆအရ အစ္စလာမ်မိဘများမှ ပေါက်ဖွားလာသောကြောင့် လူမျိုးမှာ ပြောင်းလဲ၍မရနိုင်ပါ။ မြန်မာများသမုတ်သည့် ကုလားဟူသောအခေါ်အဝေါ်နှင့်သက်ဆိုင်သူများထဲတွင် အကြုံးဝင်နေပါသေးသည်။ မည်သည့်အဓိပ္ပါယ်ဆိုးမျှ မဆောင်သော ကုလားဟူသည် မွန်မြတ်သည့် အဓိပ္ပါယ်နှင့် ထိုက်တန်သော ဘုန်းကြီးစစ်စစ်ကြီးများ ဖြစ်ပါသည်။ မည်သူများ ထိုကဲ့သို့ ခေါ်ဆိုပါနည်း။

    မည်သူမျှ လက်ခံမည်မဟုတ်ပေ။ သို့ဆိုလျှင် အထောက်ထားမဲ့စွာ၊ အကျိုးကြောင်းကင်းမဲ့စွာဖြင့် ဥာဏ်နုံနဲ့ခြင်းကို ပြသော ကုလား = နယ်ချဲ့၊ ဘာသာခြား၊ မိစ္ဆာ၊ မျိုးမစစ် ဟူသော အမြင်ကို မြန်မာပြည်တွင်ရှိနေသော မွတ်စလင်များအပေါ်တွင် သိသိသာသာဖြင့်လည်းကောင်း၊ မသိမသာဖြင့်လည်းကောင်း တံဆိပ်ကပ်ရန်ကြိုးစားနေခြင်းသာဖြစ်သည်ဟုဆိုလျှင် လွန်အံ့မထင်။

    ရှေးအစဉ်အဆက် မည်သည့်နစ်နာစေသောအဓိပ္ပါယ်ကိုမျှ မဆောင်ခဲ့သော ယင်းစကားလုံးသည် ယခုခေတ်တွင် ကုလား(အင်္ဂလိပ်)၊ ကုလား(ပြင်သစ်)၊ ကုလား(အိန္ဒိယ) တို့အား ကုလားဟု တရားဝင် ရည်ညွှန်းခြင်းမရှိသလောက် နည်းပါးသွား၍ မွတ်စ်စလင် = ကုလား ဟူ၍ တံဆိပ်ကပ်ဖို့ ကြိုးစားနေသောကြောင့်ဖြစ်ပါသည်။ ထိုသို့ နစ်နာစေခြင်းမရှိသော၊ ရှေ့နောက်ညီညွှတ်သော အခေါ်အဝေါ် ကြောင့်လည်း အင်္ဂလိပ်အား ကုလားဖြူ၊ အိန္ဒိယနိုင်ငံသားများအား ကုလားမဲ၊ ကုလားအဖြစ် သတင်းစာများမှ ပြောင်ပြောင်တင်းတင်း ခေါ်ဆိုရဲကြသည် မဟုတ်လော။

    ထိုကဲ့သို့ မဟုတ်သည်များကို အဟုတ်လုပ်၍ အဆိုးမြင်အောင် လုပ်ထားသည်သာမက အဟုတ်များကိုလည်း မဟုတ်သလိုလုပ်၍ မသိချင်ယောင်ဆောင်ထားသော ကိစ္စများလည်း ရှိနေသေးသည်။ မြန်မာစစ်မစစ် ဗုဒ္ဓဘာသာဖြင့် တိုင်းတာတတ်သော၊ အစ္စလာမ်မဟုတ်ခြင်းဖြင့် တိုင်းတာတတ်သော ယနေ့ခေတ် ကုလားတံဆိပ်ကပ်ရန် အစ္စလာမ်ဘာသာဖြင့် သတ်မှတ်တတ်သော အတွေးအခေါ်ဝင်နေသည့် ၀မ်းနည်းဖွယ်ရာ အခြေအနေဆိုးတွင် မျိုးမစစ်ကုလား ဟူသော ဆဲနည်းမျိုးဖြင့် ဆဲဆိုနေတတ်သော ထိုပုဂ္ဂိုလ်များ အလွန်ဂုဏ်ယူသည့် ဗုဒ်ဓဘာသာဝင် ကုလသမဂ္ဂအထွေထွေ အတွင်းရေးမှူး ဦးသန့် သည်လည်း ကုလားမျိုးနွယ်၊ အစ္စလာမ်ဘာသာဝင်ဘိုးဘွားများမှ ဆင်းသက်လာခြင်းဖြစ်ပေသည်။ (ဦးသန့်၏မိသားစုဝင်များကို နစ်နာစေလိုသော မည်သည့်စော်ကားလိုစိတ်မျှ မရှိပါ။ စိတ်မရှိကြပါရန်လည်း ဤနေရာမှ တောင်းပန်ပါ၏)။

    ဤကဲ့သို့ မထင်မရှားမြှုပ်ထားသော အချက်များကြောင့် အထက်ပါပုဂ္ဂိုလ်များ၏ ဘာသာတရားဖြင့်ခြားနားထား၍ မျိုးစစ်မစစ်တိုင်းတာသော ဆဲနည်းများအရ ဤပုဂ္ဂိုလ်ကြီးများသည်လည်း အဆဲခံရပေပြီကို ၀မ်းနည်းစွာ၊ စိတ်မကောင်းစွာဖြင့် တွေးမိပြန်ပါသည်။ ထို့ကြောင့် ဦးသန့်သည် အစ္စလာမ်ဘာသာမှ ပြောင်းလာသော ကုလားမျိုးနွယ်ဖြစ်သောကြောင့်သာ တော်နေ၏၊ တတ်နေ၏ ဟု မျက်စိမှိတ်၍ လိုရာဇွတ်ဆွဲပြောလျှင်ရော ကုလားဘုန်းကြီး ဟု ခေါင်းစဉ်တပ် စွပ်စွဲသူများ လက်ခံနိုင်ကြပါမည်လော။ ဦးသန့်နည်းတူ အခြား မြန်မာလူမျိုး၊ မြန်မာကပြား အစ္စလာမ်ဘာသာဝင်များစွာ ကျန်ရှိပါသေးသည်။ ထိုနည်းတူ မြန်မာအိန္ဒိယ နွယ်ဖွား ဗုဒ္ဓဘာသာများလည်း ရှိနေပါသည်။

    ထို့အတူ တို့ဗမာအစည်းအရုံးကြီးကို စတင်တည်ထောင်သူများတွင် ပါဝင်သော သခင်ဘသောင်း သည်လည်း အစ္စလာမ်ဘာသာဝင်မွတ်စလင် ဖြစ်သည်ဟု သိရသော်လည်း ထင်ထင်ရှားရှား ဖော်ပြထားခြင်းမျိုး ကျွန်ုပ်မတွေ့ဖူးပါ။ ယနေ့ခေတ်လူငယ်များဆိုလျှင် သာ၍ဆိုးပေမည်။ သူ မည်သို့ကွယ်လွန်သွားသည်၊ မည်သည့်ဘာသာဝင်အဖြစ် ကွယ်လွန်သွားသည်ကိုလည်း မသိရပါ။ ဤသို့သော သမိုင်းဝင်ပုဂ္ဂိုလ်ကြီး၏ မိဘ၊ ကိုးကွယ်ရာဘာသာ မသိ၊ မှတ်တမ်းမရှိ၊ မထင်မရှား ဆိုသည်မှာ ဖြစ်သင့်ပါသလား၊ ဖြစ်နိုင်ပါသလား။ အဘယ်အတွက်ကြောင့် မှန်မှန်ကန်ကန်မဖော်ပြရဲပါသနည်း။

    ကုလားဟူသော အမည်သက်သက်ကိုသာ ကိုယ်စားပြုရန်အတွက် ထိုခေါင်းစဉ်အောက်ကို မြန်မာအစ္စလာမ်များ အားလုံးကို သွတ်သွင်းပြီး ထိုကုလားဆိုသည်မှာ ကုလားမျိုးခြောက်ဆယ်ကို ကိုယ်စားပြုသော၊ အင်္ဂလိပ်၊ ဂျာမန်၊ ပြင်သစ်၊ ရုရှား  စသောကုလားဖြူများကို ကိုယ်စားပြုသော၊ မိစ္ဆာဒိဌိအယူရှိသော၊ နိုင်ငံခြားသားဖြစ်သော၊ မတရား ၀င်ရောက်လာသူများဖြစ်သော စသည် အမည်ဆိုး အမျိုးမျိုးကပ်ပေးရန်နှင့် ထိုသို့မြင်လာစေရန်ကြိုးပမ်းခြင်းသာ ဖြစ်သည်ဟု ကျွန်ုပ် ခံစားရပါသည်။ မြန်မာအိန္ဒိယနွယ်ဖွား ကပြားတစ်ယောက် ဗုဒ္ဓဘာသာကိုးကွယ်လျှင် မြန်မာလူမျိုးစစ်စစ်ဟု တံဆိပ်ကပ်ကြသော်လည်း မြန်မာအိန္ဒိယနွယ်ဖွားကပြားတစ်ယောက် အစ္စလာမ်ဘာသာ ကိုးကွယ်လျှင်မူ ကုလားမျိုးထဲသို့ တွန်းပို့၍ ကိုလိုနီခေတ်မှစ၍ မြန်မာတို့ စိတ်နာခဲ့ရသော ကုလားဖြူ၊ ကုလားမဲသရုပ်ကို ပုံဖော်ဖို့ ထိုကုလားများက ခေါင်းခံရလေသည်။

    ဤအကြောင်းများကိုပြောနေ၊ ရေးနေရခြင်းမှာ ၄င်းပုဂ္ဂိုလ်များကို စော်ကားလို၍ လုံးဝမဟုတ်ပါ။ ထိုပုဂ္ဂိုလ်များသည် ယခင်အတိုင်းပင် လေးစားမြဲ၊ နှစ်သက်မြဲပင် ဖြစ်နေပါသည်။ သို့သော် ဗုဒ္ဓဘာသာဝင်ဟူသည် မြန်မာ၊ မြန်မာဟူသည် ဗုဒ္ဓဘာသာဝင်၊ ကုလားသည် အစ္စလာမ်၊ အစ္စလာမ်သည် ကုလား ဟူ၍ လူမျိုးဘာသာကို ရောမွှေ တံဆိပ်ကပ်ရန်ကြိုးစားသော မဟာပညာကျော်များ သိစေရန်အတွက်သာ ရည်ရွယ်ပြီး ဋီကာချဲ့မိခြင်းဖြစ်ပါသည်။ ဗုဒ္ဓဘာသာဝင်ယောကျာ်းနှင့် အိမ်ထောင်ကျပြီးနောက် သျှောင်နောက်ဆံထုံးပါသွားသော ကျွန်ုပ်အဒေါ်၏သားသမီးများ ကျွန်ုပ်ညီအစ်ကိုဝမ်းကွဲများ၏ မှတ်ပုံတင်တွင် မြန်မာလူမျိုး၊ ဗုဒ္ဓဘာသာဟု ရေးသားထားပြီး ကပြားချင်းအတူတူ အစ္စလာမ်ဘာသာကိုးကွယ်၍ တစ်ဝမ်းသာကွဲသော ကျွန်ုပ်မှာ အဘယ်အတွက်ကြောင့် ကုလားဖြစ်ရလေသနည်း။ ထိုနည်းတူစွာပင် အခြားအခြားသော ဗုဒ္ဓဘာသာဝင်များ အားလုံးသည် မြန်မာစစ်စစ်များသည်ဖြစ်သည်၊ အခြားသွေးနှောခြင်းမရှိ ဟု တရားသေပြောရဲပါသလော။ တရားမျှတစွာ ဆင်ခြင်စဉ်းစားကြပါကုန်။

    မြန်မာနိုင်ငံသား…ကမ္ဘာ့ဝိပဿနာတရားပြဆရာကြီး..ဦးဂိုအင်ကာ…

    ဟူသောခေါင်းစဉ်အောက်တွင်

    – သူသည်အိန္ဒိယအမျိုးသား တစ်ဦးဖြစ်သော်လည်း မြန်မာပြည်သူတို့ကမြန်မာပြည်ဖွားကမ္ဘာ့ဝိပဿနာတရားပြဆရာကြီးအဖြစ်သူ့အတွက်ဂုဏ်ယူကြသလို သူကလည်းမြန်မာပြည်တွင်ဖွားသောကြောင့်ဓမ္မ၏သား ကောင်းရတနာတစ်ဦးဖြစ်လာရသည့်အတွက် ဂုဏ်ယူလေ့ရှိပါသည်။

    မစ္စတာရှရီဆကျနာရယဏာဂျီ ဂိုအင်ကာ ကို(၁၉၂၄)ခုနှစ်တွင်မန္တလေးမြို့၌“ဦးဂိုပိရမ်ဂိုအင်ကာ”

    (Mr.GOPIRAM GOENKA )“ဒေါ်ကမလာဒေ၀ီဂိုအင်ကာ”(Mrs.KAMALA DEVIGOENKA) တို့မှမွေးဖွားခဲ့သည်။

    – (၁၉၄၂)ခုနှစ်“ရှရီမတီဣလာ ယကျီဒေ၀ီ”နှင့်လက်ထပ်ခဲ့သည်။

    – “ဒီဝိပဿနာပွားများနည်းနိဿရည်းမှာနှစ်ပေါင်း၂၃၀၀ကျော်ကအိန္ဒိယနိုင်ငံမှဆောင်

    ကြဉ်းလာခဲ့တဲ့နည်းနိဿရည်းဖြစ်ပြီးအခုအချိန်အထိမြန်မာနိုင်ငံမှာရှေးမူမပျက်ထိန်းသိမ်းထားခဲ့တယ်၊ဒါပေမယ့်ကံမကောင်းအကြောင်းမသင့်တဲ့အတွက် အိန္ဒိယနိုင်ငံ၏အလွန်တရာမြင့်မြတ်တဲ့အဲဒီ နည်းပညာဟာအိန္ဒိယမှာ အစအနတောင်မကျန်ခဲ့တော့ဘူး၊ယခု အိန္ဒိယနိုင်ငံ၏ကြွေးမြီကိုပြန်ဆပ်ဖို့ အချိန်ရောက်လာပြီ”

    – (၁၉၆၆)ခုနှစ်တွင်ဆရာကြီးဦးဘခင်ကဦးဂိုအင်ကာအားအစဉ်အလာအရဆင်းသက်လာသော

    တရားဝင်ကမ္မဋ္ဌာနာစရိယတရားပြဆရာအဆင့်တိုးမြှင့်ခန့်အပ်ပြီးလျှင်မြန်မာနိုင်ငံမှအဖိုးအန ဂ္ဃထိုက်တန်သည့်

    ၀ိပဿနာဝါသနာကိုအိန္ဒိယနိုင်ငံပြန်ယူသွားပြီးအိန္ဒိယနိုင်ငံအပေါ်တင်ရှိသောကြွေးမြီကိုပြန်ဆပ်ရန် မဟာတာဝန်ကြီးလွဲအပ်ခဲ့သည်။

    – (၁၉၆၉)ခုနှစ်တွင်ဦးဂိုအင်ကာသည်မိခင်ကြီဲးပြင်းစွာနာမကျန်းဖြစ်နေကြောင်းကြေးနန်းရသဖြင့်အိန္ဒိယ

    ပြည်၊မွန်ဘိုင်း(ဘုံဘေ)မြို့သို့ရုတ်တရက်ထွက်ခွာသွားရသည်။

    နောက်ထပ်တစ်ဖန် ကမ္ဘာကျော် ကမ္မဋ္ဌာန်းဆရာကြီး ဦးဂိုအင်ကာ 

    ယနေ့ကမ္ဘာတွင် ၀ိပဿနာတရားကို အထူးပြန့်ပွားအောင် ဆောင်ရွက်နေနိုင်သူမှာ ကမ္မဋ္ဌာန်း ဆရာကြီး ဦးဂိုအင်ကာ ဖြစ်သည်။ ဦးဂိုအင်ကာသည် အိန္ဒိယအမျိုးသား၊ မာရာဝါရီလူမျိုးဖြစ်သည်။ မြန်မာနိုင်ငံဖွား၊ မန္တလေးသား ဖြစ်သည်။ အမည်အပြည့်အစုံမှာ ဆတျနာရာယန်း ဂိုအင်ကာ ဖြစ်သည်။ သူ၏ ဘိုးဘွားများသည် မင်းတုန်းမင်းနှင့် သီပေါမင်း လက်ထက်ကပင် အိန္ဒိယပြည်မှ မန္တလေးမြို့ သို့ ပြောင်းရွေှ့နေထိုင်ကြပြီး ကုန်သည်လုပ်ငန်းကို လုပ်ကိုင်ကြသူများ ဖြစ်သည်။

    (ဤသည်မှာ ဆရာကြီးဦးဂိုအင်ကာကို စော်ကားခြင်း၊ နစ်နာစေလိုခြင်းမဟုတ်ကြောင်း အနူးညွှတ်တောင်းပန်အပ်ပါသည်။)

    မင်းတုန်းမင်းနှင့်သီပေါမင်းလက်ထက်မှစတင်ဝင်ရောက်လာသော ဦးဂိုအင်ကာ အမိအဖ အိန္ဒိယသွေးစစ်စစ် ဤပုဂ္ဂိုလ်ကြီးသည် ၄င်းထက်အရင်စော၍ နည်းလမ်းအမျိုးမျိုးဖြင့်ရောက်ရှိလာသော မွတ်စလင်များ၊ အခြားကုလားဟု ညွှန်းဆိုခေါ်ဝေါ်ခံရသော လူမျိုးများထက်ပို၍ ကုလား ဟုခေါ်ဝေါ်ရန် မထိုက်သလော။ ကုလားမျိုး ၆၀တွင် ၄င်း၏မျိုးရိုးနာမည်မပါသောကြောင့်ဟု အကြောင်းပြချင်သည်တိုင် အိန္ဒိယတိုက်ငယ်မှလာသေသူ အားလုံးကို ရည်ညွှန်းခေါ်ဝေါ်သော ထို ကုလားဟူသော အမည်နှင့် ထိုက်တန်ပေသည်။ ထို့ကြောင့် ၄င်းပေါက်ဖွားရာနိုင်ငံ၊ အဆက်အနွယ်၊ အရပ်ဒေသကြောင့် ဤမွန်မြတ်လှသော၊ ကောင်းခြင်းတို့ဖြင့် ပြည့်စုံလှသော ကုလားဟူသောဝေါဟာရကို အဘယ့်ကြောင့် ချန်ထားကြလေသနည်း။ ၄င်း အပြင် အန္ဒိယဟူသော တိုင်းနိုင်ငံနေရာတွင် အဘယ်ကြောင့် ကုလားပြည်ဟု ဖလှယ်၍ခေါ်ဆိုခြင်းဖြင့် မချီးမြှောက်ကြလေသနည်း။ ကုလားဟု ခေါ်ဆိုရန် ထို့ထက်ထိုက်တန်သောပုဂ္ဂိုလ် ယခုခေတ်တွင် ကျွန်ုပ်မမြင်မိသေးပေ။ အဘယ်အတွက်ကြောင့် မခေါ်ကြပါသနည်း။ ကျွန်ုပ်တွင်ပင် ထိုပုဂ္ဂိုလ်ထက် ဗမာသွေး များလွန်းနေသေးသည်။

    ပုံနှိပ်စာအုပ်များတွင်လည်း ၄င်းအတိုင်းပင် မြန်မာနိုင်ငံသားဦးဂိုအင်ကာဟု ရေးသားထားပေလိမ့်မည်။ မြန်မာနိုင်ငံအတွင်းရှိ အစ္စလာမ်ဘာသာဝင်များတွင် မြန်မာ စစ်စစ်များ(ဗုဒ္ဓဘာသာမှ အစ္စလာမ်ဘာသာသို့ ကူးပြောင်းလာသူ)၊ ရှေးယခင်ကတည်းက ကိုးကွယ်ရာမှလွဲ၍ မြန်မာယဉ်ကျေးမှုအတိုင်းမြန်မာဟုခံယူ၍ နေထိုင်လာခဲ့သည့် အစ္စလာမ်ဘာသာဝင်များ၊ မြန်မာနှင့်စပ်သော ကပြားများ၊ အိန္ဒိယနှင့်စပ်သောကပြားများ၊ အခြားနိုင်ငံသားလူမျိုးများနှင့် စပ်သောကပြား အစ္စလာမ်ဘာသာဝင် မြန်မာနိုင်ငံသားစစ်စစ်များ ရှိလေသည်။ တောင်ကုတ်ကားပေါ်တွင် တရားမဲ့စွာ ရက်ရက်စက်စက်အသက်ခံလိုက်ရသော ပုဂ္ဂိုလ်ဆယ်ဦးသည်လည်း အထက်ပါနည်းလမ်းတစ်ခုခုမှ ပေါက်ဖွားလာသော မြန်မာနိုင်ငံသားစစ်စစ်များပင် ဖြစ်ပေလိမ့်မည်။ သို့သော် ၄င်းတို့အကြောင်း သတင်းစာအသုံးအနှုန်း မှားယွင်းဖော်ပြခဲ့သည်ဟုဆိုပြီး ပြန်လည်ပြင်ဆင်ဖော်ပြလိုက်သည့် အသုံးအနှုန်းက ပြည်တွင်းနေ အစ္စလာမ်ဘာသာဝင်များ ဟူ၍သာဖြစ်သည်။

     မြန်မာနိုင်ငံသားအစ္စလာမ်ဘာသာဝင်များဟု သုံးနှုန်းခြင်းမှ ဂရုတစိုက်ရှောင်ရှားသွားခြင်းမှာ အလွန်ထင်ရှားပေသည်။ ၄င်းတို့နှင့် ဦးဂိုအင်ကာ ဘာများ ကွာခြားပါသနည်း။ ထိုထဲတွင် ဦးဂိုအင်ကာကဲ့သို့ အိန္ဒိယသွေးစစ်စစ်မပါနိုင်တော့သော ကပြားမြန်မာများလည်း ပါဝင်နိုင်ပေသည်။ အိန္ဒိယသွေးစစ်စစ်ပါသော ဦးဂိုအင်ကာအား မြန်မာနိုင်ငံသားဟု ရက်ရက်ရောရာသုံးနှုန်းနိုင်ပြီး အစ္စလာမ်ဘာသာကိုးကွယ်သော ၄င်းပုဂ္ဂိုလ်များသည် မည်သည့်အနွယ်မှ ဆင်းသက်လာသည်ပင်ဖြစ်စေ မြန်မာနိုင်ငံသားများ ဖြစ်သောကြောင့် မြန်မာနိုင်ငံသား အစ္စလာမ်ဟူ၍ မသုံးနှုန်းထိုက်သလော။ ထို့ကြောင့် အစိုးရသတင်းစာကိုယ်တိုင်ကပင် မရိုးသားသောသဘော၊ ခွဲခြားသဘောများဆောင်နေကြောင်း ပေါ်လွင်ထင်ရှားပေသည်။

    အစိုးရထဲတွင် ထိုကဲ့သို့ခွဲခြားလွန်းသည့်ပုဂ္ဂိုလ်များ သိသိသာသာတစ်နည်း၊ မသိမသာတစ်နည်း ပါဝင်နေခြင်းကြောင် အကယ်၍ ၄င်းတို့သည် ဗိုလ်ချုပ်အောင်ဆန်းနှင့် ခေတ်ပြိုင်မွေးဖွားသူများဖြစ်ကာ ဗိုလ်ချုပ်နှင့် နိုင်ငံရေးယှဉ်တွဲ လုပ်နေသူများဖြစ်ကြလျင် ၁၉၄၇၊ မေလ မြန်မာနိုင်ငံ၏ ဖွဲ့စည်းအုပ်ချုပ်ပုံ အခြေခံဥပဒေရေးဆွဲအတွက် ဖဆပလပဏာမညီလာခံတွင် ဒီးဒုတ်ဦးဘချို၏ ဗုဒ္ဓဘာသာကို နိုင်ငံတော်ဘာသာအဖြစ် ပြဋ္ဌာန်းရန် အဆိုကိုချေပပြောဆိုခဲ့သည့်

    သည်မှာ ဆရာ ၊ ကျွန်တော်တို့က လူကြိုက်အောင် လုပ်နေတာမဟုတ်ဘူး။ သည်လို မဟုတ်မဟတ်ကိုယ်ထင်ရာတွေ လျှောက်လုပ်နေကြမည်ဆိုလျှင် ကျွန်တော်တို့တိုင်းပြည်ဟာ မကြာမီ ပျက်စီးပြိုကွဲပြီး ကျွန်သားပေါက်ဖြစ်သွားမှာဘဲ။ ကျွန်တော်တို့တိုင်းပြည်မှာ အလောင်းဘုရား လက်ထက်ကတည်းက မူဆလင်တွေရှိတယ်။ ဘရင်ဂျီတွေရှိတယ်။ အစတုန်းက ရှိလာကြတဲ့ နတ်ကိုးကွယ်တဲ့ တောင်းတန်းသားတွေရှိတယ်။ အဲသည်တောင်တန်းသားတွေဟာ အင်္ဂလိပ်လက်အောက်တုန်းက တချို့ ခရစ်ယာန်တွေဖြစ်ပြီး အရိုးစွဲနေကြတာရှိတယ်။ သူတို့တစ်တွေဟာ အားလုံးနိုင်ငံသားတွေပဲ၊ တိုင်းပြည်ကို ကျွန်တွင်းက လွတ်အောင် တိုက်ထုတ်ကြတုန်းက ကျွန်တော်တို့ချည်းမဟုတ်ဘူး။ သူတို့တတွေ ပါကြတယ်။ ယခု ကျွန်တွင်းက လွတ်မည်မကြံသေးဘူး သူတို့တွေအပေါ်မှာ အနိုင်ကျင့်ပြီး ငါတို့လူများစုရဲ့ဘာသာကို နိုင်ငံတော်ဘာသာဖြစ်ရမည်လို့လုပ်လိုက်လျှင် ကျွန်တော်တို့ဟာ ခွေးလောက်တောင် သောက်သုံးမကျတဲ့ အကောင်တွေ ဖြစ်သွားကြမှာပေါ့ဆရာ။ တိုင်းပြည်ကို တိုင်းပြည်ရေးလို တွေးစမ်းပါ။ ဘာသာရေးတွေ ဘာတွေညာတွေ လုပ်မနေစမ်းပါနှင့်။ ကျွန်တော်တို့ဟာ တိုင်းပြည်တစ်ခုလုံး စည်းလုံးကြဖို့လိုတယ်၊ … ယခုအချိန်မှာလိုချင်တာက ပြည်ထောင်စုထဲမှာရှိနေကြတဲ့ လူမျိုးအားလုံး ဘာသာအားလုံး ဘယ်တော့မှ မပြိုကွဲဘဲ ခွဲထွက်သွားမည့်လူတွေ ပေါ်မလာစေဘဲ နိုင်ငံရေးစိတ်ဓာတ် တစ်ခုတည်းရှိအောင်သွင်းပြီး စည်းလုံးဖို့လိုတယ်။ နိုင်ငံတော်ဘာသာကို ဗုဒ္ဓဘာသာလုပ်ချင်ရင် ဗုဒ္ဓဘာသာနိုင်ငံတော်လို့ ဆရာဘာသာ ဆရာကြေညာ၊ ကျွန်တော် မပါဘူး။”

    ( ပြည်ထောင်စုမြန်မာနိုင်ငံတော် (ပါလီမန်)တတိယပြည်သူလွှတ်တော်ညီလာခံမှတ်တမ်း၊ စာတွဲ ၅၊ အစည်းအဝေးအမှတ်-၃၊ ရန်ကုန်၊ အစိုးရပုံနှိပ်တိုက်၊၁၉၆၂၊ စာ ၃၇၀- ၃၇၁ ။)

    ဟူသည့်စကားရပ်အတွက်ဗိုလ်ချုပ်အောင်ဆန်းသည် ဘာသာရေးကိုခုတုံးလုပ်၍ ပြင်းပြင်းထန်ထန် ဝေဖန်အပုပ်ချခြင်းခံရနိုင်ပါသည်။ ဗုဒ္ဓဘာသာကိုခုတုံးလုပ်၍ ဂဠုန်ဦးစောထက်ပင် ဆိုးရွားသည့်နည်းလမ်းများ၊ ယုတ်မာပက်စက်သည့်နည်းများဖြင့် တုန့်ပြန်ကြမည်ဟု ထင်ပါသည်။ သို့သော် ဗိုလ်ချုပ်၏နိုင်ငံရေးပြိုင်ဘက်များသည်ပင် အမှန်တရားကို လက်ခံ၍ ဤသည်ကို အစကောက်၊ အကျယ်ချဲ့၍ နိုင်ငံရေးသတ်ကွက်အဖြစ် အောက်လမ်းနည်းကို အသုံးမပြုခဲ့ပေ။ ယနေ့ခေတ်တွင် မြန်မာ့နိုင်ငံရေးခေါင်းဆောင်တစ်ယောက် ဤကဲ့သို့ပြောမည်ဆိုပါက အမျိုးဖျက်၊ သာသနာဖျက်၊ မိစ္ဆာဒိဋ္ဌိအားပေး၊ ကုလားနွယ်ဖွားဟူ၍ အောက်တန်းကျစွာ ပြောဆိုတိုက်ခိုက်ကြမည်မှာ ယခုအလွယ်တကူတွေ့နိုင်သော မြန်မာဖေ့ဘွတ်လောကကိုကြည့်၍ပင် သုံးသပ်နိုင်ပါသည်။

    ဗိုလ်ချုပ်အောင်ဆန်းကဲ့သို့ ပြတ်ပြတ်သားသားပြင်းပြင်းထန်ထန်ပြောခြင်းမျိုးမဟုတ်ဘဲ ယခုဒေါ်အောင်ဆန်းစုကြည်မှ ပြောသောကုလားဟုဘယ်တော့မှမခေါ်ဆိုသည်မှာ အထက်တွင် ကျွန်ုပ်တင်ပြခဲ့သည်များကို ကျွန်ုပ်ထက်မက အဆပေါင်းများစွာ နားလည်နိုင်သောအမှန်တရားပေါ်တွင် အခြေခံလျက် စာနာသော၊ အမြော်အမြင်ရှိသောစိတ်ဖြင့်ပြောခြင်းအား အချိန်ကိုက်နီးပါးထွက်ပေါ်လာသည့် စေတနာကြီးစွာဖြင့် ဘာသာပြန်ပေးရှာသော ဦးမြတ်သိန်းထွန်း၏ဆောင်းပါးကို ကိုးကားကြလျှက် ကုလားဆိုတာ မရှိဘူးဆိုတဲ့ဒေါ်စု သမိုင်းပြန်သင်ဦး၊ ကုလားဘက်ကကာကွယ်တာ ဘာညာ အစရှိသဖြင့် အမှန်တရားများကို လစ်လျူရှုမျက်ကွယ်ပြုပြီး လိုရာဆွဲ ချဲ့ကားလျက် အမျိုးမျိုးပုတ်ခတ်ပြောဆိုနေကြသည်မှာ အများအမြင်ပင်ဖြစ်ပါသည်။

    အကယ်၍ မြန်မာပြည်၏ပထမဦးဆုံးဝန်ကြီးချုပ်ဦးနုကဲ့သို့ ကုလားဗမာအဓိကရုဏ်းခေတ်ကို ကိုယ်တိုင်ဖြတ်ခဲ့ရသူပင်လျင် တခါသူ့မျက်စိရှေ့၌ ကုလားတစ်ယောက်ကို ဗမာနှစ်ယောက်မှ ၀ိုင်းဝန်းထိုးကြိတ်နေသည်ကို ရှေ့ကြောင်းနောက်ကြောင်းများကိုမသိ၊ ယခုတွေ့မြင်နေသည်ကို မတရားဟုထင်မိပြီး ကုလားဘက်မှနေ၍ ဗမာများကို ပြန်လည်ထိုးကြိတ်လွှတ်သည်ဟု ရဲရဲဝံ့ဝံ့ရေးမိလိုက်လျင် ထိုနိုင်ငံရေးသမားသည် ၄င်း၏နိုင်ငံရေးဘ၀၊ သာမန်အရပ်သားဘ၀သာမကဘဲ သားစဉ်မြေးဆက်အထိပါ လူတောမတိုးနိုင်သည်အထိ တိုက်ခိုင်ခြင်းခံရနိုင်ပေသည်ဟု ကျွန်ုပ်ကပြောမည်ဆိုလျှင် သင်စာရှုသူများ လွန်သည်ဟု ထင်မိပါမည်လား။

    ဘ၀၊ အသက်ကိုစတေးပြီး လွတ်လပ်ရေးကိုပင် ရယူပေးခဲ့သည့် ဗိုလ်ချုပ်အောင်ဆန်းအပါအ၀င် ဗိုလ်ချုပ်၏ဘေးတွင်ဝန်းရံနေကြသောပုဂ္ဂိုလ်များ၊ ဆန့်ကျင်ဘက် အတိုက်အခံပုဂ္ဂိုလ်များသည် ထိုသို့ လူနည်းစုများအပေါ်တွင် ခိုင်ခိုင်မာမာရပ်တည်၍ ပြင်းပြင်းထန်ထန်ကန့်ကွက်ကာပေးခဲ့သော ဗိုလ်ချုပ်အောင်ဆန်း၏အယူအဆ၊ အတွေးအခေါ်အား မရှုံ့ချကြသည်မှာ အဘယ်ကြောင့်ပါနည်း။ သာမန်မြန်နိုင်ငံသား၊ အစ္စလာမ်ဘာသာဝင်ဟုပင် မခေါ်နိုင်လောက်အောင်၊ မသုံးနိုင်လောက်အောင်အထိ အစွန်းရောက်နေသောသူများသည် အထက်ပါပုဂ္ဂိုလ်ကြီးများထက် မျိုးချစ်စိတ်၊ နိုင်ငံချစ်စိတ်၊ အမြော်အမြင်၊ အသိဥာဏ်များ ပြည့်စုံကျော်လွန်နေကြပါပြီလား။

    ကုလားဟူသည် မည်သည့် ယုတ်ညံ့သည့် အဓိပ္ပါယ်ဖွင့်ဆိုချက်မျှ မဆောင်သော၊ ကောင်းသောအနက်ဖြစ်သောကြောင့် ကျွန်ုပ်တို့အနေဖြင့် အခေါ်တစ်မျိုး အရေးတစ်မျိုး မဖြစ်သင့်ပေ။ ရှေးစာပေကျမ်းဂန်အထောက်အထားများအရ ယခင်က တိုင်းသိပြည်သိတရားဝင်သုံးစွဲသကဲ့သို့ တရားဝင်သုံးစွဲလိုလျင်လည်း သုံးစွဲနိုင်ပါသည်။ သို့သော် ကန့်၍၊ ကွက်၍ မသုံးစွဲပဲ အောက်ပါအတိုင်းပြည့်ပြည်စုံစုံသုံးစွဲ၍ မြန်မာ့ယဉ်ကျေးမှုစစ်စစ်၊ မြန်မာ့အခေါ်အဝေါ် စစ်စစ်ကို ထိန်းသိမ်းသင့်ပါသည်။

    သတင်းများတွင်လည်း

    သမ္မတကြီး ကုလားပြည်(အိန္ဒိယ)သို့သွားသည်။

    ဒေါ်အောင်ဆန်းစုကြည် ကုလားပြည်သို့သွားသည်။

    ကုလားပြည်(အိန္ဒိယ)မှ လာရောက်ရင်းနှီးမြှုပ်နှံမည်

    စသည်ဖြင့် ခေါ်ဝေါ် သုံးနှုန်းသင့်ပေသည်။

    ထို့အတူ ကုလားမျိုး၆၀ စာရင်းဝင် ကုလားမျိုးများဖြစ်ကြသော အခြားကုလားများအားလည်း

    သမ္မတကြီး ကုလား(အင်္ဂလန်)၀န်ကြီးချုပ်နှင့်သဘောတူလက်မှတ်ရေးထိုး

    မြန်မာနိုင်ငံ၌ ကုလားဖြူစာ(အင်္ဂလိပ်စာ)သင်တန်းများတိုးချဲ့ဖွင့်လှစ်

    တပ်မတော်သားများအား ကုလား(ရုရှား)နိုင်ငံတွင် ခေတ်မီပညာရပ်များသင်ကြားရန်စေလွှတ်

    ကမ္ဘာ့သြဇာအရှိဆုံး အမျိုးသမီးစာရင်းတွင် ကုလားပြည်(ဂျာမန်)၀န်ကြီးချုပ်ကုလားမပါဝင်။

    ဂေါတမမြတ်စွာဘုရား၏ အဘိုးဖြစ်သော မင်းကြီးအဘိရာဇာ သည် ကုလားပြည်(အိန္ဒိယ)မှ မြန်မာနိုင်ငံသို့ ၀င်ရောက်လာကာ တကောင်းမြို့ကြီးကို တည်ထောင်စိုးစံခဲ့သည် ဟူ၍လည်း စာပေများတွင် သုံးနှုန်းရေးသားသင့်ပါသည်။

    အထက်ပါအသုံးအနှုန်းများအပြင်

    ရှေးက ကုလားဝန် ဟု နိုင်ငံခြားသားများနှင့်ဆက်ဆံရန် ၀န် ခန့်ခဲ့သောကြောင့် ယခုခေတ်တွင် နိုင်ငံခြားရေးဝန်ကြီးဌာန၊ နိုင်ငံခြားရေးဝန်ကြီးများနှင့်တန်းတူမည်ဟု ထင်ပါသည်။ ထို့ကြောင့် နိုင်ငံခြားရေးဝန်ကြီးဌာနအား ရှေးယခင်က မြန်မာတို့ခေါ်ဝေါ်ခဲ့သည့်အတိုင်းတူညီစေရန် ကုလားရေးဝန်ကြီးဌာန၊ ကုလားရေးဝန်ကြီး အဖြစ် ရှေးအစဉ်အလာစာဆိုများနှင့်လည်းအညီ မြန်မာဆန်စွာ ပြောင်းလဲခေါ်ဝေါ်သင့်ပါသည်။

    ယခုဆောင်းပါးကိုရေးစဉ်ကတော့ ၀ိရောဓိများဖြစ်နေစဉ် အခြားဘာသာဝင်များအတွက် စိတ်နှလုံးထိခိုက်စရာများအား ရှောင်ရှား၍ ကုလားမခေါ်စေချင်သောအဓိက အကြောင်းအရာနှင့် စိတ်ခံစားချက်များကိုသာ ရေးမည်ဟု စိတ်ကူးထားသော်လည်း ဦးမြတ်သိန်းထွန်း၏ ကုလားဟူသည်ဤသို့တည် ဘာသာပြန်ဆောင်းပါးကို ဖတ်မိပြီးနောက် ကုလားဟူသော အသုံးအနှုန်းသည် မည်သည့်နစ်နာထိခိုက်စေသော အဓိပ္ပါယ်မျှမပါဝင်၊  ဗုဒ္ဓကိုယ်တော်တိုင်ဟာလည်း အိန္ဒိယတိုက်သား(ကုလား)ပင်ဖြစ်သောကြောင့် ဟုနားလည်လိုက်သည့်အတွက် ဘာသာရေးနဲ့တိုက်ရိုက်သက်ဆိုင်တာလေးပါ ထည့်လိုက်ပါရစေ။

    သုံးလူ့ထွဋ်ထားမြတ်ဘုရား(ကုလား)အနွယ်တော်ဖွား ကုလားတော်အနွယ်ဖွားဟု သုံးလျှင်ပိုသင့်လျော်မည်လားမသိ)

    ကုလားပြည်ရှိဗုဒ္ဓဂါယာသို့ဘုရားဖူးသွားခြင်း

    ကုလားပြည်ရှိမဟာဗောဓိညောင်ပင်

    ဟူသော ခေါင်းစဉ်မျိုးဖြင့် တရားဝင်သုံးနှုန်းမည်ဆိုလျှင်ဖြင့် မြန်မာနိုင်ငံအတွင်းမှာ အစဉ်အဆက်နေထိုင်လာခဲ့ကြသော အစ္စလာမ်ဘာသာဝင်များ အနေနဲ့လည်း ရှေးယခင်က သတ်မှတ်ခေါ်ဆိုခဲ့သော ကုလားမျိုးများသည် မြန်မာနိုင်ငံအတွင်း မှီတင်းနေထိုင်ကြသော အစ္စလာမ်ဘာသာဝင်တစ်ခုတည်းကို နှိမ်ချ၍၊ ခွဲခြား၍၊ ဖိနှိပ်လို၍ ရည်ညွှန်းခေါ်ဝေါ်သည်ဟု မပြောနိုင်တော့ပေ။ ရှေးကဲ့သို့ပင် ကျောင်းစာအုပ်များ၊ သတင်းစာများတွင်လည်း တညီတညွှတ်တည်း တရားဝင်ပြန်လည် သုံးနှုန်းခြင်းဖြင့် မြန်မာ့ဟန်၊ မြန်မာ့စာပေ ယဉ်ကျေးမှုကို ပြန်လည်ဖော်ထုတ်ရာပင်ရောက်သည် မဟုတ်ပါလား။

    တရုတ်ပြည်သူ့သမ္မတနိုင်ငံ၊ တရုတ်လူမျိုးဟု ခေါ်ဝေါ်လိုက်သကဲ့သို့ပင်၊ ကုလားနိုင်ငံ၊ ကုလားပြည်၊ ကုလားလူမျိုး ဟု ခေါ်ဝေါ်လိုက်ခြင်းဖြင့်လည်း တူညီသွားမည်ဖြစ်၍ ကုလားများမှ ကွန်ပလိန်းတက်ခြင်း ကင်းဝေးမည် မဟုတ်ပါလော။ ထိုင်ဝမ်တရုတ်၊ ဟောင်ကောင်တရုတ်၊ စင်္ကာပူတရုတ်၊ မလေးတရုတ်၊ အမေရိကန်တရုတ် ဟူ၍ ပြည်မကြီးတရုတ်နှင့်ခွဲခြား၍ တရားဝင် ခေါ်ဆိုရေးသားသည့်အတိုင်းပင် ကုလားမျိုး၆၀တွင် ပါဝင်သောအင်္ဂလိပ်၊ ပြင်သစ်၊ ဂျာမန်၊ ရုရှား စသည့်နိုင်ငံကြီးများသည်လည်း ၄င်းတို့အား ရှေးယခင်ကတည်းက သတ်မှတ်ခေါ်ဆိုခဲ့သည့် စာပေကျမ်းဂန်လာ ကုလား(ဖြူ) ဟုလည်းကောင်း ကုလား(အင်္ဂလိပ်)၊ ကုလား(ပြင်သစ်)၊ ကုလား(ဂျာမန်)၊ ကုလား(ရုရှား) ၊ ကုလား(အိန္ဒိယ) ဟုတရားဝင်ခေါ်ဆိုသင့်ပါသည်။ ဤသို့ အမှန်အတိုင်း ကျောသားရင်သား ခွဲခြားခြင်းမရှိဘဲ ခေါ်ဆိုခြင်း၊ ကုလားဟူသည် မြင့်မြတ်သော၊ ကောင်းမွန်သောအဓိပ္ပါယ်များကို ဆောင်ခြင်း၊ မကောင်းသည့်အနက်အဓိပ္ပာယ်တစုံတရာမရှိခြင်း ဟူသော တရားဝင်ဖွင့်ဆိုချက်ကိုပါ ထပ်မံပေးလိုက်လျင် မြန်မာနိုင်ငံတွင် သူမှ ကုလားစစ်သည်၊ ငါမှ ကုလားစစ်သည်ဟူ၍ပင် ကုလားဂုဏ်ပုဒ်၊ ကုလားမျိုးနွယ်အဖြစ်ကို လုယူစရာအကြောင်းများပင် ဖြစ်လာနိုင်သောကြောင့် မည်သူများသည် ကုလားမျိုးကုလားနွယ်ဖြစ်သည်ကို ကြိုတင်၍ ဂရုတစိုက် မှတ်တမ်းတင်ထားသင့်ပေသည်။

    ကောင်းမွန်မြင့်မြတ်သည့် အဓိပ္ပါယ်ရှိသော၊ မည်သည့်ဆိုးရွားသောအဓိပ္ပါယ်မှ မသက်ရောက်သောကြောင့် ၄င်းတို့လည်း နှစ်ခြိုက်ကျေနပ်ကြမည့် အပြင် ရှေးနှစ်ပေါင်းထောင်ချီတည်တံ့ခဲ့သော မြန်မာအသုံးအနှုန်းစစ်စစ်ဖြင့်ဖလှယ်၍ ပြန်လည်ဖော်ထုတ်နိုင်ခြင်းကြောင့် ၄င်းတို့၏ တိမ်မြုပ်နေနိုင်သော သမိုင်းများနှင့် ဆက်စပ်နေသည်များပင် သွယ်ဝိုက်၍ ပြန်ပေါ်လာနိုင်သဖြင့် အထူးကျေးဇူးတင်နေကြပေလိမ့်မည်ဟု မြန်မာနိုင်ငံကြီး၏အကျိုးကိုမျှော်ကိုး၍ ဤနေရာမှ နှိုးဆော်လိုက်ရပါသည်။

    အကယ်၍ ၄င်းကုလား၆၀မျိုးပါ အင်္ဂလိပ်၊ ပြင်သစ်၊ ဂျာမဏီ၊ ရုရှား နှင့် အိန္ဒိယပြည်တို့အား ကုလားပြည်ဟု တရားဝင်ပြောင်းဖို့ရန်မသင့်လျှင်၊ မြတ်စွာဘုရားအား အိန္ဒိယတိုက်သားကုလားနွယ်ဖွား၊ ကုလားဟု ခေါ်ဆိုရန်မသင့်လျှင်၊ ဗုဒ္ဓဂါယာအား ကုလားပြည်အတွင်း၌ရှိသည်ဟု တရားဝင်သုံးနှုန်းပြောဆိုရန် မတင့်တယ်ပါလျှင် မြန်မာနိုင်ငံအတွင်း ခေတ်အဆက်ဆက်ကနေထိုင်ခဲပြီး သွေးနှောနေသော၊ သွေးရောနေသော၊ အချို့ သွေးစစ်စစ်(မြန်မာ၊ အိန္ဒိယ) များကို တရားဝင် ကုလားဟု ခေါ်ဆိုလိုက်ခြင်းမှာ မည်သည့်အကြောင်းကြောင့် တင့်တယ်နေရပါသနည်း။ ခင်မင်ခြင်းအားဖြင့်၊ သာမန်ခေါ်ဆိုခြင်းများကို လုံးဝမဆိုလိုပါ။ အစိုးရပိုင်သတင်းစာများကဲ့သို့၊ တိုင်းပြည်၏ စတုတ္ထမဏ္ဍိုင်များဟု တင်စားခေါ်ဝေါ်နေသော မီဒီယာအမျိုးမျိုးမှ တရားဝင်သတ်မှတ်ခေါ်ဆိုနေကြခြင်း၊ ကုလားဟူသည် မြန်မာမွတ်စလင်များကိုသာ ရည်ညွှန်းခေါ်ဝေါ်သလိုဖြစ်စေ၍ မြန်မာနိုင်ငံသားအစ္စလာမ်ဘာသာကိုးကွယ်သူများအားလုံးကို နိုင်ငံခြားသားများဟု အထင်ရောက်စေရန် တမင်သက်သက် နှိမ်ချ(ခွဲခြား) လို၍ ခေါ်ဝေါ်နေခြင်း အားလုံးကိုသာ လုံးဝ ဆိုလိုပါသည်။

    ယခုခေတ်တွင် ပြောနေသူများကိုယ်တိုင် မွန်မြတ်သယောင်၊ မည်သည့်ဆိုးရွားသောအဓိပ္ပါယ်မျှ မရှိသယောင် ညာသံပေး၍ ဖွင့်ဆိုနေကြသော်လည်း တကယ့်အနှစ်သာရမှာမူ မည်သူမျှ မနှစ်သက်ကြတော့ပေ။ ဤကဲ့သို့သောအခြေအနေများကို မြင်သော၊ နားလည်သော၊ စာနာသော ဒေါ်အောင်ဆန်းစုကြည်က လူသားဆန်စွာ နားလည်မှုအပြည့်ဖြင့် အမြှော်အမြင်ကြီးစွာ ပြောဆိုခြင်းကို ဟားတိုက်ရယ်မောချင်သော၊ ယခင်အသုံးအနှုန်းယခုအဓိပ္ပါယ်ကို လက်ခံကြသည်ဆိုလျှင် ကျွန်ုပ်ပြောဆိုခဲ့သည်များကိုလည်း တရားဝင်လက်ခံသုံးစွဲပေးနိုင်ဖို့ တိုက်တွန်းလိုပါသည်။

    ထို့သို့ တရားနည်းကျ ကုလား မဟုတ်ပါဘဲနှင့် ကုလားအပေါ် သံယောဇဉ် လွန်းတင်သည့်ကြိုးနဲ့ အချစ်ရယ်ခိုင်မြဲအောင်ကွယ် ရစ်တွယ်ကာထားမိပါရဲ့ ဆိုကာ ရာဇ၀င်ထဲမှာ ကုလားကို မထားခဲ့နိုင်ပဲ ကုလားမလို့ပဲဆက်၍ခေါ်မည်အမီနာ ဟုဆိုလျှင်တော့ ကုလားမျိုး ၆၀တွင် ကံကွက်ကျား၍ မြန်မာပြည်သား မွတ်စလင်ကုလားချည်း မဖြစ်စေပဲ ဝေလည်းကုလား ကြွေလည်းကုလား ဖြစ်နေမှသာ တင့်တယ်နေမည် မဟုတ်ပါလား ချစ်စွာသော စာရှုသောသူ…

    (ဆောင်းပါးရှင်၏ အမြင်နှင့် အာဘော်ဖြစ်ပါသည်။)

  • အိုဘားမား၊ အမေစု၊ ၂၀၁၅ ရွေးကောက်ပွဲ၊ ကချင် ရခိုင်အရေးနှင့် ကျနော့်အတွေး

    အိုဘားမား၊ အမေစု၊ ၂၀၁၅ ရွေးကောက်ပွဲ၊ ကချင် ရခိုင်အရေးနှင့် ကျနော့်အတွေး

    နိုဝင်ဘာ၊၁၅ ၊ ၂၀၁၂
    M-Media
    ဆောင်းပါးရှင်- ဒေါက်တာအောင်မော်

    ၁။ နိုင်ငံတကာအလယ်မှာ နိုင်ငံရေးပုံရိပ်ကောင်းပြီးရင်း၊ ကောင်းရန် လိုသော National Figure အမေစု

    အာဏာရှင်နိုင်ငံများတွင် ပြည်သူတို့၏ထောက်ခံမှုကို သေနတ်ပြ ချိန်းချောက်၍လည်းကောင်း၊ နည်းမျိုးစုံသော မဲလိမ်၊ မဲခိုးနည်းများကို အသုံးပြု၍လည်ကောင်း ရယူလေ့ရှိသည်ကို မြန်မာများ ကောင်းကောင်း သိပါသည်။
    ပြည်သူများ၏ ထောက်ခံမှု၊ ဆန့်ကျင်မှုတို့ကို လုံးဝ ဂရုစိုက်လေ့မရှိသော အာဏာရှင်တို့သည် နိုင်ငံတကာ၏ ဖိအားကိုတော့ ကြောက်လေ့ရှိကြပါသည်။ ထို့ကြောင့် နိုင်ငံရေးသမား သက်သက်မဟုတ်သော လူထုခေါင်းဆောင် (National Figure) ဖြစ်သည့် အမေစုအနေဖြင့် နိုင်ငံတကာတွင် နိုင်ငံရေး ပုံရိပ် (Image) ဆက်လက် ကောင်းနေပါမှ ကမ္ဘာ့ခေါင်းဆောင်များ၏  ထောက်ခံ၊ စောင်မ၊ စောင့်ရှောက်မှုကို အပြည့်အဝ ရရှိနိုင်ပါမည်။
    တိုင်းပြည်အင်အားသည် ပြည်တွင်းမှာသာရှိသည်လို့ အမေစု ခဏခဏပြောဘူးပေမဲ့ ၈ လေးလုံး လူထုအုံကြွမှုနဲ့တောင် မပြောင်းလဲခဲ့တဲ့ မြန်မာနိုင်ငံဟာ International Figure ဖြစ်တဲ့ အမေစုကို အရင်းခံတဲ့ ကမ္ဘာကြီးရဲ့ ပြိုင်တူဖိအား ကြောင့်သာ မယုံနိုင်ဘွယ်ရာ အပြောင်းအလဲတွေ ဖြစ်လာတာလို့ ကျနော် ယုံကြည်တယ်။

    ၂။ တပ်မတော်ကပေးသည့် အတိုင်းအတာနှင့် အချိန်အထိသာ ဒီမိုကရေစီရနိုင်သောကြောင့် (Diplomacy) အရေးကြီးသည်။

    ၂၀၀၈ ဖွဲ့စည်းပုံအရဖြစ်စေ၊ လွှတ်တော်တွင်း အခြေအနေအရဖြစ်စေ တပ်မတော်က ခွင့်ပြုသော အတိုင်းအတာနှင့်အချိန်အထိသာ ဒီမိုကရေစီအခွင့်အရေးရနိုင်ပါသည်ဟု အမေစုပြောဘူးပါသည်။
    ယနေ့တိုင် မငြိမ်သက်သေးသော ရခိုင်နှင့် ကချင် ပြည်နယ် ပြဿနာများသည် တပ်မတော်က အချိန်မရွေး နိုင်ငံတော်အာဏာကို ပြန်လည်ရယူနိုင်သည့် အခြေအနေမျိုးဖြစ်သည်ဟု နိုင်ငံရေး လေ့လာ သူများက တွက်ဆထားကြပါသည်။
    ၂၀၁၅ အထွေထွေရွေးကောက်ပွဲသည် အာဏာရပါတီက စိတ်ကြိုက်ရွေးချယ်ဖွဲ့စည်းထားသော၊ ကြိုတင်မဲဖြင့် နာမည်ကြီးခဲ့သည့် ရွေးကောက်ပွဲ ကော်မရှင်က ဦးစီးကျင်းပမည်ကိုလည်းမမေ့သင့်ပါ။
    ထို့ကြောင့် ၂၀၁၅ ရွေးကောက်ပွဲတွင် အနိုင်ရရန် ပြည်တွင်းထောက်ခံမှုကို အသားပေး၊ မျှော်လင့် လွန်းခြင်း ထက်စာလျှင်၊ နိုင်ငံရေး တိုးတက်မှုများ နောက်ကြောင်းပြန်မလှည့်စေရန်နှင့် အာဏာရ ပါတီနှင့် ရွေးကောက်ပွဲ ကော်မရှင်ကို ထိန်းကြောင်းတည့်မတ်ရန် ကုလသမဂ္ဂနှင့် နိုင်ငံတကာ၏ ထောက်ခံမှု၊ စောင့်ကြည့်မှု၊ အားပေး မှုနှင့် ဖိအားတို့လျှော့မသွားအောင် (International Diplomacy) အထူး လိုအပ်သည်ဟု ဆင်ခြင်မိပါသည်။

    ၃။ ကမ္ဘာကြီးကို အမေစုရဲ့ သြဇာညောင်း အောင်လုပ်ရန်လိုသည်။

    ၂၀၁၅ ရွေးကောက်ပွဲ အနိုင်ရရှိရေးအတွက် အမေစုအဖို့ပြည်တွင်းမှ တခဲနက် ထောက်ခံမှု လျှော့နည်း မသွားစေရအောင် တစ်ချို့သော အမှန်၊ အမှား ဖြေရှင်းရခက်သော နိုင်ငံရေးပြဿနာများ (Political Dilemma) နှင့်ပတ်သက်လာလျှင် မည့်သည့်ဖက်မှ ဘက်မလိုက်ဘဲ လိမ်မာပါးနပ်စွာ ရှောင်တိမ်းနေတာ မှန်သည်ဟု မြန်မာနိုင်ငံသား တစ်ချို့က ထင်မြင်ကြပါသည်။

    Dilemma ဖြစ်နေသော ကိစ္စုများတွင်

    (က) တစ်စုံတရာမှတ်ချက်မပြုဘဲ၊ မဖြေရှင်းဘဲ အချိန်ဖြင့် ကုစားရန်အတွက်ဖြစ်စေ၊
    (ခ) အချက်အလက်ခိုင်လုံအောင် အချိန်ယူစောင့်ကြည့်ခြင်းကိုဖြစ်စေ၊

    နိုင်ငံတကာခေါင်းဆောင်များ လက်ခံနိုင်ပေမဲ့ အဖြူနှင့် အမဲ၊ အမှန်နှင့် အမှား သဲကွဲလွန်းသော ကိစ္စများကို ခေါင်းရှောင်နေလျှင် National Figure ဖြစ်သော အမေစုကို အစဉ်အမြဲ ထောက်ခံ၊ ကူညီ နေသော နိုင်ငံတကာခေါင်းဆောင်များနှင့် လွှတ်တော်များအလယ်တွင် အမေစု၏ နိုင်ငံရေး သိက္ခာကျဆင်း သွားနိုင်ပါသည်။
    အမေစုသာ အမှန်နှင့်အမှာအကြား၊ ကြား (ဂျား) နေပါက နိုင်ငံတကာ ခေါင်းဆောင်များအလယ်တွင် ကျနော်တို့နိုင်ငံ၏ (National Figure) ဖြစ်သော အမေစု၏ နိုင်ငံရေး ပုံရိပ် (Image) မှာဆက်လက် မကောင်း နိုင်ပါသဖြင့် နိုင်ငံတကာ ထောက်ခံမှုနှင့် နိုင်ငံတကာဖိအားများ လျှော့နည်းသွားမည်ဆိုလျှင် နိုင်ငံနှင့် ပြည်သူ အားလုံးတို့၏ ဆုံးရှုံးမှုပင် အမှန်ဖြစ်ပါသည်။ အမေစု ကိုယ်ကို အမေစုမပိုင်တော့ပါ။ လူထုခေါင်းဆောင်ကို ကျနော်တို့ နိုင်ငံနှင့် ပြည်သူများက ပိုင်သွားပါသည်။
    ကျွန်တော့အမြင်ကတော့ အမေစုအနေဖြင့် ရရှိပြီးဖြစ်သော ပြည်သူလူထု အများစု၏ တစ်ခဲနက် ထောက်ခံမှုကို ၂၀၁၅ ရွေးကောက်ပွဲမှာလည်း ဆက်လက်ရရှိနေပါလိမ့်မည်။ တရားမျှတသော ရွေးကောက်ပွဲ ဖြစ်ရေးနှင့် ရွေးကောက်ပွဲရလဒ်ကို အာဏာရပါတီမှ လက်ခံအောင်၊ တစ်နည်းအားဖြင့် ၁၉၉၀ ရွေးကောက်ပွဲ ရလဒ်ကဲ့သို့ ငြင်းပယ်ခြင်း မခံရအောင် ကုလသမဂ္ဂနှင့် နိုင်ငံတကာ စောင့်ကြည့်မှု နှင့် ဖိအားများက ပို၍ အရေးကြီးသည်ဟု မြင်ပါသည်။
    ထို့ကြောင့် နိုင်ငံတကာ ခေါင်းဆောင်များအကြားတွင် အမေစု အနေဖြင့် Role Model ဖြစ်ရန် အတွက် နိုင်ငံရေးသိက္ခာကို ထိန်းသိမ်းထားနိုင်ပါမှ ကမ္ဘာကြီးအပေါ် သြဇာညောင်းပါလိမ့်မည်။
    မြန်မာနိုင်ငံခရီးစဉ် အတွင်း အိုဘားမားအနေဖြင့် နေပြည်တော်သို့ မသွားဘဲ ရန်ကုန်မှာသာနေပြီး အမေစုကို တွေ့ဆုံနှုတ်ဆက်ရန် ဆုံးဖြတ်ခြင်းသည် ကမ္ဘာကြီးအပေါ် အမေစု၏ သြဇာညောင်းမှုကို ပြဆိုသည့် သက်သေတစ်ခုပင်ဖြစ်ပါသည်။
    အဲဒီသြဇာညောင်းမှုကသာ အမေစုနှင့် ပြည်သူတို့၏ တကယ့်အောင်ပွဲကို မလွဲမသွေ ဆောင်ကြဉ်း ပေးနိုင်ပါလိမ့်မည်ဟု ယုံကြည်ပါသည်။

    ၄။ အိမ်ကြက်တွေ အချင်းချင်းခွတ်ရန် အိုးမဲ သုတ်ခြင်း။

    ဗိုလ်ချုပ်ကြီး နေဝင်းက ၁၉၈၂ နိုင်ငံသားဥပဒေ ကိုပြဌာန်းကာ စတင်၍ အိုးမဲသုတ်ခဲ့ပါသည်။ တိုင်းရင်းသားစာရင်းမှ ရိုဟင်ဂျာကို ဖယ်ထုတ်ခဲ့သည်။ သုံးခေါက်ချိုး နိုင်ငံသား မှတ်ပုံတင်ကိုင်သော ရိုဟင်ဂျာ တိုင်းရင်းသားများကို ပုံစံ ၄ ဖြည့်သွင်းပြီးမှ ခရီးသွားခွင့်ပြုခဲ့သည်။ ထို့အပြင် သုံးခေါက်ချိုးကဒ်ကို နိုင်ငံသားစိစစ်ရေးကဒ်နှင့်လဲမပေးဘဲ၊ တဆင့်နှိမ့်ပြီး သံသယကဒ်ကိုသာ ထုတ်ပေးခဲ့၍ ရိုဟင်ဂျာ တစ်ချို့က လဲရန်ငြင်းဆိုခဲ့ကြပါသည်။ တကယ်တန်းပြောရလျှင် မြန်မာနိုင်ငံသား မွတ်ဆလင်များကို ရည်ရွယ်၍ တမင် သက်သက်နှိမ်ပြီး ရေးဆွဲထားသော ၁၉၈၂ နိုင်ငံသားဥပဒေပါ အခွင့်အရေးများကိုပင် အပြည့်အဝ မခံစား ရအောင် လျှို့ဝှက်ညွှန်ကြားချက်များ ပေးပို့ကာ နှိပ်ကွပ်စေပါသည်။
    လွတ်လပ်စွာခရီးသွားခွင့်၊ ပညာသင်ခွင့်၊ အရွယ်ရောက်သူများ အိမ်ထောင်ပြုခွင့်၊ အိမ်ခြံမြေ အသစ်ဝယ်ခွင့်၊ အိမ်ထောင်စုဇယား (သန်းခေါင်စာရင်း) ခွဲထွက်ခွင့်နှင့် အိမ်အသစ် ဆောက်ခွင့်၊ စသည်တို့ကို တင်းကြပ်စွာ ပိတ်ပင် တားမြစ် ထားပါသည်။
    (မှတ်ချက်။ ။ အထက်ပါကြောင်းများကြောင့် ရိုဟင်ဂျာအိမ်တစ်အိမ်တွင် လူဦးရေ လေး၊ ငါးဆယ် စုပေါင်းနေခြင်းဖြစ်ပါသည်။)
    ဤနည်းများအားဖြင့် အိုးမဲသုတ်ကာ ရုပ်ဖျက်ပြစ်လိုက်သည်။

    ၅။ အိုးမဲသုတ်တာ အားမရလို့ မျက်နှာဖုံး ပါတပ်ကာ ရုပ်ဖျက်ပေးလိုက်၍ တအိမ်တည်းနေ ညီအစ်ကိုများ ခွပ်လို့ မဆုံးအောင်ဖြစ်စေသည်။

    ၈ လေးလုံးကျောင်းသားခေါင်းဆောင် ကိုကိုကြီးက ခိုးဝင်လာသော ဘင်္ဂါံလီ ရိုဟင်ဂျာများကို တပ်မတော်နှင့် ပူးပေါင်းကာ တိုက်ထုတ်ခြင်းဖြင့် အမျိုးသားရေးတာဝန်တရပ် ကိုထမ်းဆောင်ရမည်ဟု မီဒီယာများမှတဆင့် အသံကျယ်ကျယ်ပြောလိုက်ခြင်းက အိမ်ကြက်အချင်းချင်း မမှတ်မိအောင် မျက်နှာဖုံးတပ်ပေးလိုက်ခြင်းဖြစ်၏။ ယနေ့မြန်မာနိုင်ငံတွင် အမျိုးသားရေးဟု ပြောလိုက်လျှင် လူ့အခွင့်အရေးနှင့် ဥပဒေအားလုံး ချိုးဖေါက်ခွင့် ရှိသည်ဟု မှတ်ယူကြကုန်၏။
    တဖန် သမ္မတကြီး ဦးသိန်းစိန်က ရိုဟင်ဂျာများသည် ခိုးဝင်သူများဖြစ်၍ ( Refugee Camp) သွင်းပြီး တတိယ နိုင်ငံသို့ ပို့မည်ဟု UN ကိုယ်စားလှယ်ကို ပြောလိုက်သောအခါ ထိမ်းမရသိမ်းမရ ပိုဆိုး သွားစေ ပါတော့သည်။ နိုင်ငံအနှံ့ သမ္မတကြီး မိန့်ခွန်းထောက်ခံပွဲဟု အကြောင်းပြပြီး ဖွဲ့စည်းပုံအခြေခံဥပဒေ ပုဒ်မ ၃၆၄ နှင့်ဆန့်ကျင်ကာ လူမျိုးရေး၊ ဘာသာရေး အထိကရုံး များဖြစ်စေရန် ပြောင်ပြောင် တင်းတင်း စည်းရုံးရေးများ လုပ်ခြင်းဖြင့် တစ်နိုင်ငံလုံးရှိ အစ္စလာမ်ဘာသာဝင်များကို ရန်ရှာလာကြပါ တော့သည်။
    တောင်ကုတ်၌ ခရီးသွား ၁၀ ဦး အကြမ်းဖက် အသတ်ခံရမှု၏ တရားခံများကို ရှာဖွေဖေါ်ထုတ် အရေးယူမယ်လို့ မပြောတဲ့အပြင် နိုင်ငံပိုင်သတင်းစာများတွင် သေဆုံးသူများကို (မွတ်ဆလင်ကုလား)၊ (ပြည်တွင်းနေအစ္စလာမ်ဘာသာဝင်) စသည်ဖြင့် အသစ်တည်ထွင်ထားသော စကားလုံးများသုံးကာ ကျန်နိုင်ငံသားများနှင့် တန်းတူအခွင့် အရေးမရှိသူ နိုင်ငံမဲ့များ အဖြစ်ပုံပေါ်စေ၍ မင်းမဲ့စရိုက်ကို အသက်သွင်း ပေးခဲ့ပါသည်။
    ဂျာနယ်များကလည်း ဥပဒေ သာမက၊ မီဒီယာကျင့်ဝတ်များကို ချိုးဖေါက်ကာ လူမျိုးရေး၊ ဘာသာရေး အထိကရုံး လှုံ့ဆော် စာများကို ခေါင်းစဉ်အမဲဖြင့်ဖေါ်ပြသည်အထိ မီဒီယာလွတ်လပ်ခွင့်ကို တလွဲအသုံးချ ခြင်းဖြင့် ညီအစ်ကိုအချင်းချင်း မမှတ်မိအောင် မျက်နှာဖုံး တပ်ပေးလိုက်ကြ ပါတော့သည်။

    ၆။ တစ်ချက်ခုတ် နှစ်ချက်ပြတ် (သို့မဟုတ်) ယာလည်းညှက်စေ ကြက်လည်း ပန်းစေ။

    တချိန်က (Federal) သို့မဟုတ်(တိုင်းရင်းသားအဖြစ် အသိအမှတ်ပြုရန်) တောင်းဆိုသည်ကို ဝန်ကြီးချုပ် ဦးနုက အသိအမှတ်ပြုခဲ့၍ အစ္စလာမ်ဘာသာဝင် ရိုဟင်ဂျာများကို ဦးနေဝင်းနှင့် အစဉ်အဆက် စစ်ခေါင်းဆောင်များက မုန်းသည်ဟု ဆိုကြ၏။
    ရခိုင်အစွန်းရောက် မျိုးချစ်များ၏ လွတ်လပ်သောရခိုင်နိုင်ငံတော်ကြီးတည်ဆောက်အံ့ဟူသော စိန်ကောင်းကျောက်ကောင်း ရောင်းဝယ် နေသည့်ကြား ဆေးရိုးသည် ရိုဟင်ဂျာများမှာ ကန့်လန့်ဖြစ်နေသည်။
    ရွှေ ရေနံသိုက်နှင့် တရုတ်သို့ သွယ်တန်းထားသော Natural gas ပိုက်လိုင်း အကျိုးအမြတ်များကို ရခိုင်တိုင်းရင်းသားတို့က အချိုးကျ တောင်းဆိုနေကြခြင်းသည် အစိုးရကို ခေါင်းကိုက်စေ၏။ မြစ်ဆုံနှင့် လက်ပန်းတောင်းတောင် သတ္တုတွင်းကိစ္စကလည်း မပြီးပြတ်သေး၍ လှည့်ပတ်ကာ အာရုံလွှဲ ရပါဦးမည်။
    တရုတ်စကားပုံ တစ်ခုတွင် ဖရဲခင်းအတွင်း ဖိနပ်ကို ကုန်းပြီးပြင်လျှင် ဖရဲသီးခိုးသည်ဟု ကြိမ်းသေ စွပ်စွဲခံရပါလိမ့်မည် ဟုဆို၏။  ဒေါ်အောင်ဆန်းစုကြည် အကျယ်ချုပ်မှ လွတ်မြောက်ပြီးနောက် ပထမဆုံးထွက်ခွာမည့် နိုင်ငံခြားခရီးစဉ် စတင်ကာနီး အချိန်တွင် လူမျိုးရေး အဓိကရုံဏ်းများ တိုက်ဆိုင်စွာပင် ဖြစ်ပေါ်လာသည်။
    လူမျိုးရေး ပဋိပက္ခ ဖန်တီးသူများ၏ ရည်ရွယ်ချက်များအနက် တစ်ချို့ အောင်မြင်သည်ဟု ပြောနိုင်ပါသည်။ အဘယ်ကြောင့်ဆိုသော် International Figure ဖြစ်သော အမေစုကို ရခိုင်ပဋိပက္ခနှင့် ပတ်သက်၍ အသံ တိတ်လွန်းသည်ဟု ကမ္ဘာက စတင်ဝေဖန်လာကြပြီ ဖြစ်သည်။

    ၇။ ကျင့်ဝတ်မညီသည့် ဘက်လိုက်သော မီဒီယာများ

    လူ့အခွင့်အရေးနှင့်ပတ်သက်၍ ပညာပေးမှုအားနည်းလွန်းသော မီဒီယာများသည် အမျိုးသားရေး အမည်တပ်ကာ ဥပဒေချိုးဖေါက်မှုများကို ပိုမိုပြုလုပ်သင့်ကြောင်း တိုက်တွန်း အားပေးနေသယောင် ဖေါ်ပြနေကြ၏။

    ၈။ သုတ်မိသော အိုးမဲများ စတင်ဖျက်နေကြပြီ။

    (က) လဝက ဝန်ကြီး ဦးခင်ရီက ခိုးဝင်သူများ မရှိသလောက် ဖြစ်သည်ဟုဆို၏။ ကုလသမဂ္ဂမှ ကြားမဝင်စေချင်၍ ရခိုင်နှင့်ရိုဟင်ဂျာများသည် တစ်အိမ်တည်းနေ ညီအစ်ကိုများဖြစ်သည်ဟုလည်းသုံးနှုံး၏။
    (ခ) သမ္မတရုံးဝန်ကြီး ဦးစိုးသိမ်းက ရိုဟင်ဂျာများသည် လွတ်လပ်ရေးမတိုင်မှီ အခြေချနေထိုင်သူများ ဖြစ်၍ တတိယနိုင်ငံသို့ ပို့ရန်မဖြစ်နိုင်ကြောင်း၊ အတူတကွ ယှဉ်တွဲနေထိုင်ဖို့ကိုသာ စဉ်းစားသင့်ကြောင်း၊ ရိုဟင်ဂျာဟူသော နာမည်ကိုတော့လက်မခံကြောင်း အမေရိကန်ခရီးစဉ်အတွင်း တက္ကသိုလ်တစ်ခုတွင် ရခိုင် အမျိုးသား တစ်ဦး၏ အမေးကိုဖြေကြားခဲ့ပါသည်။ (နေပြည်တော်တွင်ပြုလုပ်သော အလုပ်ရုံဆွေးနွေးပွဲတစ်ခု၌ ထိုသူများကို ဘင်္ဂါံလီဟုပြောဆိုသုံးနှုံးခြင်းကို ဘင်္ဂံလားဒစ်ရှစ် သံအမတ်ကြီးက ကန့်ကွက်ခဲ့ပါသည်။)
    (ဂ) သမ္မတကြီး ဦးသိန်းစိန်က မတည့်သည့်အုပ်စုနှစ်ခု အတူယှဉ်တွဲနေနိုင်သည့် နည်းလမ်းများ ရှာဖွေရန် လိုကြောင်း ပြောကြားပါသည်။

    ၉။ မြန်မာအစိုးရကို လှုပ်နှိုးရန် အိုဘားမားနှင့် အမေစုတို့၏ ပူးတွဲကြေငြာချက်ထုတ်ပြန်ရန်လို၏။

    များမကြာမှီရက်များအတွင်း အမေရိကန်သမ္မတ အိုဘားမား မြန်မာနိုင်ငံသို့ အလည်အပတ် ရောက်လာ ပါတော့မည်။ မြန်မာနိုင်ငံ ပြုပြင်ပြောင်းလဲရေးများနှင့်ပတ်သက်၍ ဆက်လက်ထောက်ခံသင့် မခံသင့် စမ်းစစ် ပါလိမ့်မည်။ မြန်မာနိုင်ငံ ဒီမိုကရေစီ ပြုပြင် ပြောင်းလဲရေး အတွက် နိုင်ငံတကာထောက်ခံမှု လိုအပ်နေပါသည်။
    အိုဘားမား၏ မြန်မာနိုင်ငံခရီးစဉ်သည် စောလွန်းသည်ဟု ဝေဖန်သူများ ငုတ်တုတ်မေ့အောင် အိုဘားမားအနေဖြင့် လုပ်ပြရပါလိမ့်မည်။
    ရခိုင် ရိုဟင်ဂျာ ပဋိပက္ခကို အမြန်ဆုံးထိန်းသိမ်းရန်နှင့် နောက်ကွယ်မှ တရားခံကိုဖေါ်ထုတ်ပေးရန် အိုဘားမားက တောင်းဆိုမည်ဟု အိမ်ဖြူတော်မှ ကြေငြာ၏။ ဤသို့ဆိုလျှင် သမ္မတ ဦးသိန်းစိန်၊ အမေစု၊ ရှစ်လေးလုံး ကျောင်းသားများသာမက တောင်ကုတ်၊ ရခိုင်ကိစ္စ စုံစမ်းရေး ကော်မရှင်နှစ်ရပ်စလုံးနှင့် တွေ့ဆုံခွင့်ရရန် အိုဘားမား အနေဖြင့်တောင်းဆိုသင့်၊ အချိန်ပေးသင့်ပါသည်။
    ရန်ကုန်တက္ကသိုလ် ဘွဲ့နှင်းသဘင်ခမ်းမတွင် ရန်ကုန်မြို့လူထုကို အိုဘားမား မိန့်ခွန်းပြောမည်ဟု အိမ်ဖြူတော်က ကြေငြာ၏။ ဒီမိုကရေစီ ဘက်တော်သားများ၊ အမှန်တကယ် ပြုပြင်ပြောင်းလဲရေး လိုလားသူများ၊ မြန်မာမွတ်ဆလင်နှင့် ရိုဟင်ဂျာများ အနေဖြင့် ထိုပွဲကို မဖြစ်မနေ တက်ရောက်သင့်သည့်အပြင် အိုဘားမားကို ၎င်းမိန့်ခွန်းပြောအပြီး မေးရန် မေးခွန်းကောင်းကောင်းလေးများကို စဉ်းစားပြီး အင်္ဂံလိပ် မြန်မာ နှစ်ဘာသာဖြင့် စာစီကာ အကြိမ်ကြိမ် လေ့ကျင့်နေသင့်ပါသည်။
    အိုဘားမားအနေဖြင့် ကာကွယ်ရေးဦးစီးချုပ် ဒုတိယဗိုလ်ချုပ်မှူးကြီး မင်းအောင်လှိုင်နှင့် ရွေးကောက်ပွဲ ကော်မရှင် ဥက္ကဌ ဦးတင်အေးတို့နှင့် အချိန် လုံလုံလောက်လောက်ပေး တွေ့ဆုံ စကားပြောကာ မြန်မာနိုင်ငံသည် နောက်ကြောင်း ပြန်မည် မဟုတ်ကြောင်း ကတိကို တောင်းခံပြီးမှ မြန်မာပြည်၏ ပြုပြင်ပြောင်းလဲရေးကို ယုံသင့်၊ထောက်ခံသင့်သည်။
    (မှတ်ချက်။ ။မြန်မာနိုင်ငံတွင် အမေရိကန်သမ္မတကြီးအနေဖြင့် နာရီပိုင်းမျှသာ နေမည်ဟု သတင်းကြား၍ အထူးစိတ်မကောင်း ဖြစ်မိပါသည်။)
    အမေစုအနေဖြင့်လည်း အိုဘားမားနှင့်တွေ့ဆုံရမည့် အခွင့်ကောင်းကို အသုံးချကာ ကချင်နှင့် ရခိုင်အရေး ပူးတွဲကြေငြာချက်ထုတ်ပြန်၍ ဒီမိုကရေစီအရေး၊ ဘာသာရေးဖိနှိပ်မှု၊ လူ့အခွင့်အရေးနှင့် ငြိမ်းချမ်းရေးတို့အတွက် အစဉ်အမြဲ အသံမတိတ်ကြောင်း သက်သေပြခြင်းဖြင့် ကမ္ဘာကြီး၏ အမေစုအပေါ် ထောက်ခံမှုကို ဆက်လက် ထိန်းသိမ်းထားသင့်ပါကြောင်း တင်ပြ အကြံပေးအပ်ပါသည်ခင်ဗျား။

    ဒေါက်တာ အောင်မော်

     

    ဆေင်းပါးရှင်၏ အမြင်နှင့် အာဘော်သာဖြစ်ပါသည်။

  • ဝေဖန်မှုကြောင့် မူဆလင်မ် အဖွဲဝင်နှစ်ဦးအား ကော်မရှင်မှ ထုတ်ပယ်

    ဝေဖန်မှုကြောင့် မူဆလင်မ် အဖွဲဝင်နှစ်ဦးအား ကော်မရှင်မှ ထုတ်ပယ်

    နိုဝင်ဘာ ၁၂၊ ၂၀၁၂
    M-Media


    ယခုတစ်ပတ်အတွင်း ကြားသိရသော သတင်းများအရ ရခိုင်ဒေသပဋိပက္ခကိစ္စ စုံစမ်းစစ်ဆေးရေကော်မရှင်မှ မွတ်စလင်မ်အဖွဲ့ဝင်နှစ်ဦးအား ထုတ်ပယ်ခံရသည် ဟုဆိုသည်။ ယင်းသို့ ထုတ်ပယ်ခြင်းမှာ အစ္စလာမ်သာသနာရေးရာကောင်စီမှ ဦးတင်မောင်သန်းမှ ရခိုင်ပြည်နယ်အစိုးရ ကို လက်ရှိဖြစ်ပွါးနေသော အကြမ်းဖက်တိုက်ခိုက်မှုဖြစ်စဉ်များအား ထိန်းသိမ်းရန် မဆောင်ရွက်နိုင်မှုမှာ အကြမ်းဖက်ကွန်ရက်အောက် ရောက်ရှိနေသည်ဟု ဝေဖန်လိုက်မှုကြောင့်ဖြစ်နိုင်သည်။

    DVB သတင်းဌာနမှ ဖော်ပြရာတွင် ကော်မရှင်နှင့်နီးစပ်သူများမှ DVB အားပြောကြားရာတွင် အစ္စလာမ်သာသနာရေးရာကောင်စီမှ ဦးတင် မောင်သန်းနှင့် ဦးညွန့်မောင်သျှိန် တို့ကို ကော်မရှင်၏မူဝါဒများကို ဖောက်ဖျက်၍ ပြည်နယ်အစိုးရကို ပြင်ပတွင် ဝေဖန်ခဲ့မှုကြောင့် သမ္မတ၏အ မိန့်အရ ထုတ်ပယ်ခဲ့ခြင်းပင်ဖြစ်သည်ဟု ဆိုသည်။

    ၎င်းမတိုင်မီ ဦးတင်မောင်သန်း၏ မြန်မာပို့စ်ဂလိုဘယ်လ်နယူးစ်ဂျာနယ်လ်ပါ အင်တာဗျူးတွင်တွင် ပြည်နယ်အစိုးရနှုတ်ထွက်ရန် ပြောဆိုထား ပြီး ထိုပြည်နယ်အစိုးရသည် အကြမ်းဖက်ကွန်ရက်အောက် ရောက်ရှိနေသည်ဟု စွပ်စွဲထားသည်။ “အောက်ခြေမှတာဝန်ခံပြီး (လုံခြုံရေးကို) အကောင်အထည်ဖေါ်နေတဲ့လူတွေက မှန်မှန်ကန်ကန်နဲ့ တရားဥပဒေစိုးမိုးရေးကို ရိုးရိုးသားသား ဖြောင့်ဖြောင့်မတ်မတ် ကျင့်ဝတ်သိက္ခာနဲ့ မလုပ်ကြဘူး။ ဝန်ကြီးချုပ် ဦးလှမောင်တင်နှင့် လုံခြုံရေးဝန်ကြီး ဗိုလ်မှူးကြီး ထိန်လင်းအပါဝင် ပြည်နယ်အစိုးရ အဖွဲ့ကပါ အကြမ်းဖက် လူတစ်စုကို မလွန်ဆန်နိုင်တဲ့ သဘော အကြမ်းဖက် ကွန်ရက်အောက်သို့ ရောက်ရှိနေတဲ့သဘောရှိတယ်။” ဟု ရေးသားထားသည်ကို တွေ့ရသည်။

    DVB သတင်းဌာနတွင် ရေးသားထားရာမှာ ကော်မရှင်အဖွဲ့ဝင် တစ်ဦးဖြစ်သူ ဇာဂနာအား DVB မှ မေးမြန်းရာတွင် ထိုသို့ထုတ်ပယ်ခံရခြင်းမှာ ၎င်းစာသည် အင်တာနက်တွင် ပျံ့နှံ့သွားခြင်းကြောင့်ဟုဆိုသည်။ “ဒီစာမျိုးကို လျှို့ဝှက်ပဲဖြစ်ဖြစ် ပွင့်ပွင့်လင်းလင်းပဲဖြစ်ဖြစ် ဖြန့်ဝေတယ်ဆိုတာ ကော်မရှင်ရဲ့ မူဝါဒကို ချိုးဖောက်ရာရောက်တယ်။ သူ့မှာ ဒီလိုလုပ်ပိုင်ခွင့်မရှိဘူး။” ဇာဂနာက ဆက်လက်၍ ဦးတင်မောင်သန်းသည် သာမန် အားဖြင့် အလုပ်သဘော စည်းစနစ်ကျသူဖြစ်သည်ဟုဆိုသည်။ “သူက တကယ့်လူကောင်း တစ်ယောက်ပါပဲ အင်မတန်မှ လည်းတော်ပါ တယ်။ တစ်ခါတစ်ရံမှာတော့ စိတ်ခံစားချက်ပြင်းထန်သွားပြီး ဒီလိုမျိုးပြောလိုက်တာဖြစ်မယ်”ဟု ဖြေကြားခဲ့သည်။

    သို့သော် အခြားအမည်မဖော်လိုသူ ကော်မရှင်နီးစပ်သူတစ်ဦး၏အဆိုရ ၎င်းစာသည် ထုတ်ပယ်ခံရခြင်း၏ အခြားအချက်များစွာထဲမှ တစ်ချက် သာဖြစ်သည် ဟုဆိုသည်။ ၎င်းက ရိုဟင်ဂျာများအား ဘက်လိုက်သည်ဟု အခြားကော်မရှင်အဖွဲ့ဝင်များမှ စွပ်စွဲနေကြခြင်းများ လည်း ရှိသေး သည်ဟုဆိုသည်။ “အဓိကအချက်က အခြားကော်မရှင်အဖွဲ့ဝင်တွေဖြစ်တဲ့ ရခိုင်ခေါင်းဆောင်တွေကို ‘လူမျိုးရေး ခွဲခြားဆက်ဆံသူ’ဟု ဦး တင်မောင်သန်းက စွပ်စွဲခဲ့မှုဖြစ်တယ်”ဟု ဆိုသည်။ ထိုရခိုင်ခေါင်းဆောင်ဆိုသည်မှာ RNDP ဥက္ကဌ ဒေါက်တာအေးမောင်ဖြစ်ဖွယ်ရာရှိပြီး ၎င်းသည် လူဦးရေ ၈သိန်းခန့်ရှိသော ရိုဟင်ဂျာများ မောင်းထုတ်ရေးကို ဆော်သြပြောကြားခဲ့သူဖြစ် သည်။ သို့သော် ယခုကဲ့သို့ ဖြေကြားမှုမျိုး မှာ ဒေါက်တာအေးမောင်နှင့် ၈၈ကျောင်းသားခေါင်းဆောင်တစ်ဦးဖြစ်သူ ကို ကိုကြီးကဲ့သို့သော ပုဂ္ဂိုလ်များမှ ၎င်းတို့၏ ပြည်တွင်းဂျာနယ်လ် များနှင့် အင်တာဗျူးများတွင် ပြောဆိုခဲ့ဖူးသည်။ RNDP ဥက္ကဌဖြစ်သူ ဒေါက်တာအေးမောင်ဆိုလျှင် ရိုဟင်ဂျာများအား ဒုတိယကမ္ဘာစစ်ကာ လအတွင်းက ဂျူးများကို နာဇီဝါဒီများမှ အစစ်အဆေးအမေးအမြန်းမရှိ ဖမ်းဆီးခြံခတ်ထားသကဲ့သို့ ပြုလုပ်ထားသင့်ကြောင်း ၎င်း၏အင်တာ ဗျူးတစ်ခုတွင် လူသိ ထင်ရှားထုတ်ဖော်ပြောကြားဖူးသူဖြစ်သည်။

    ၂၇-ဦးပါဝင်သော ကော်မရှင်တွင် ရိုဟင်ဂျာကိုယ်စားလှယ်တစ်ဦးမှ ပါဝင်ခြင်းမရှိပဲ ဒေါက်တာအေးမောင်နှင့် ကျောင်းသားခေါင်းဆောင် ကိုကိုကြီးကဲ့သို့ အမျိုးသားရေးဝါဒီများသာ ပါဝင်နေခြင်းကြောင့် ဤကော်မရှင်သည် ရခိုင်လူမျိုးများဘက်မှ ဘက်လိုက်သည်ဟု စွပ်စွဲမှုများဖြစ်ပေါ်လာသည်။

    ယခုဆိုလျှင် ကော်မရှင်တွင် မွတ်စလင်မ်အဖွဲ့ဝင် ၄-ဦးသာ ကျန်ရှိသည်။ ကော်မရှင်အဖွဲ့ဝင်တစ်ဦးတစ်ယောက်ကမှ ဦးတင်မောင်သန်း ထုတ် ပယ်ခံရခြင်းအပေါ် တရားဝင် ဖြေရှင်းချက်မပေးနိုင်ပေ။ သမ္မတ ဦးသိန်းစိန်က တနင်္ဂလာနေ့တွင် သတင်းထုတ်ပြန်မည်ဟုသာ ဆိုသည်။ အစ္စလာမ်သာသနာရေးရာကောင်စီတွင် အတွင်းရေးမှူးတာဝန်ထမ်းဆောင်နေသူ ဦးတင်မောင်သန်းနှင့်အတူ ထုတ်ပယ် ခံရသူ အစ္စလာမ်သာ သနာရေးရာကောင်စီဥက္ကဌ ဦးညွန့်မောင်သျှိန်အား မည်သည့် အကြောင်းပြချက်ဖြင့် ထုတ်ပယ် သည် ကိုမူ အခြားအဖွဲ့ဝင်များအဖို့ အဖြေရှာမ ရပေ။ ဤသို့ ပြည်တွင်းတရားဝင် အစ္စလာမ်ဘာသာရေးအဖွဲ့အစည်းမှ တာဝန်ရှိ သူနှစ်ဦးအား နိုင်ငံတော်သမ္မတအမိန့်ဖြင့် ဖွဲ့စည်းထားသည့် တရားဝင်စုံစမ်းစစ်ဆေးရေးကော်မရှင်မှ ထုတ်ပယ်မှုကို ယနေ့တိုင်အမိန့်ထုတ်ပြန် ထုတ်ပယ်ခြင်းမပြုခြင်းမှာမူ လူထုခြားတွင် များစွာသော အမြင်ရှုပ်ထွေးမှုကို ဖြစ်ပေါ်စေသည်။

    ဘာသာပေါင်းစုံပါသော ကော်မရှင်ကို သမ္မတမှ သြဂုတ်လတွင် ဖွဲ့စည်းပေးခဲ့ပြီး၊ ရခိုင်ပြည်နယ် အဓိကရုဏ်းကိစ္စ စုံစမ်းစစ်ဆေးရန် တာ ဝန်ပေးခဲ့သည်။ ဇွန်လနှင့်အောက်တိုဘာလတွင် ဖြစ်ပွားခဲ့သော အဓိကရုဏ်းများတွင် လူ ၁၅၀ ထက်မနည်း သေဆုံးခဲ့ပြီး လူပေါင်း တစ်သိန်း တစ်သောင်းခန့် ရွေ့ပြောင်းထွက်ပြေးခဲ့ရသည်။ အစိုးရ၏ အဓိကရုဏ်းကို ကိုင်တွယ်ဖြေရှင်းမှုအပေါ် နိုင်ငံတကာက ပြင်းပြင်းထန်ထန် ဝေဖန် မှုများရှိနေသည်။ အဆိုပါစုံစမ်းစစ်ဆေးရေးကော်မရှင်၏ လုပ်ပိုင်ခွင့်အာဏာနှင့် တရားစွဲဆိုဆောင်ရွက်နိုင်ခြင်းရှိမရှိ စ သည့်အရေးပါသောအ ချက်များမှာမှု ရှင်းလင်းစွာထုတ်ပြန်ခဲ့ခြင်းမရှိချေ။ အလားတူစုံစမ်းစစ်ဆေးရေးကော်မရှင်တစ်ခု ကို တောင်ကုတ်တွင်အသတ်ခံရသော မြန်မာနိုင်ငံသား အစ္စလာမ်ဘာသာဝင် ၁၀ဦး၏ အမှုအတွက် ဖွဲ့စည်းခဲ့ဖူးပြီး သမ္မတ ထံအစီအရင်ခံစာတင်ပြရာတွင် တိကျသော စုံစမ်း စစ်ဆေးအဖြေထုတ်မှု မပြုလုပ်နိုင်ခဲ့ကြောင်း တွေ့ရှိရသည်။

    ကိုးကား – DVB သတင်းဌာန၏ မူရင်းသတင်းဆောင်းပါး  Muslims removed from Arakan probe for criticizing gov’t (Click here) (ဆောင်းပါးရှင် Hanna Hindstorm)