News @ M-Media

Category: ဆောင်းပါး

  • မိတ္ထီလာအား ပြန်လည် ကုစားခြင်း

    မိတ္ထီလာအား ပြန်လည် ကုစားခြင်း

    အသွင်မတူသော လူအုပ်စုနှစ်စု၏ အကြမ်းဖက်မှုများဖြင့် တစ်စစီကြေမွခဲ့ရပြီးနောက် သုံးနှစ်အကြာတွင် မိတ္ထီလာမြို့မှာ ဘာသာပေါင်းစုံအပေါ် နားလည်ရန် အားပေးမြှင့်တင်သော ကြိုးပမ်းမှုများကြောင့် တစ်ဖြည်းဖြည်းခြင်း ပြန်လည် နလန်ထူလာလျက်ရှိသည်။

    Frontier Myanmar 1
    မိတ္ထီလာမြို့ ဗဟိုဈေး အနီးရှိ မွတ်ဆလင်တစ်ဦးပိုင် လက်ဖက်ရည်ဆိုင် တစ်ဆိုင်တွင် ဗုဒ္ဓဘာသာဝင်သုံးဦး ဝင်ရောက် ထိုင်လိုက်ကြပြီးနောက် တိတ်ဆက်ငြိမ်သက်စွာ စကားပြောဆိုလျက်ရှိသည်။ ထိုမြင်ကွင်းမှာ ဖုန်ထူသော ကုန်သွယ်ရေးမြို့တွင် ဘာသာမတူသူ လူအုပ်စုနှစ်စုအကြားရှိ အကြမ်းဖက်မှုများကြောင့် တုန်လှုပ်ခြောက်ခြားစေခဲ့ရသည့် လွန်ခဲ့သောသုံးနှစ် အချိန်ခန့်ကမူ တွေးကြည်၍ပင် မဖြစ်နိုင်သော မြင်ကွင်းမျိုးဖြစ်သည်။
    .
    အနှီလက်ဖက်ရည်ဆိုင်အတွင်းရှိ ယခုကဲ့သို့သောမြင်ကွင်းမှာ သွေးထွက် သံယိုမှုများကြောင့် ဖြစ်ပွားခဲ့ရသည့် မိတ္ထီလာ လူမှုအသိုင်းအဝိုင်း၏ စိတ်ဒဏ်ရာများအား တစ်ဖြည်းဖြည်းခြင်း ကုစားခဲ့ပြီးဖြစ်သည်ဟု ညွှန်းဆိုခဲ့ခြင်းလည်း ဖြစ်ပေသည်။
    .
    မိတ္ထီလာ၌ ၂၀၁၃ ခုနှစ်၊ မတ်လ ၂၀ ရက်နေ့တွင် ဖြစ်ပွားခဲ့သည့် အကြမ်းဖက်မှုမှာ မွတ်ဆလင်တစ်ဦးပိုင် ရွှေဆိုင် တစ်ဆိုင်အတွင်း အချင်းများမှုမှတစ်ဆင့် ပဋိပက္ခတစ်ခုအဖြစ်သို့ ကူးပြောင်းသွားခဲ့ရပြီးနောက် သံဃာတော်တစ်ပါး သတ်ဖြတ်ခံရပြီးနောက်တွင်မှု ထိန်းမနိုင်သိမ်းမရ အခြေအနေသို့ ရောက်ရှိသွားခဲ့ရသည်။ သုံးရက်ကြာဖြစ်ပွားခဲ့သည့် သွေးထွက် သံယိုမှုတွင် မီးရှို့မှုများနှင့် ဝင်ရောက်လုယက်ခြင်းများဖြစ်ပွားခဲ့ပြီး လူပေါင်း ၄၃ ဦး သေဆုံးခဲ့ရသည်။ အများစုမှာ မွတ်ဆလင်များဖြစ်ကြပြီး အိမ်များစွာမှာလည်း ပြာကျသွားခဲ့ကာ လူပေါင်း ၁၂,၀၀၀ အိုးမဲ့အိမ်မဲ့ ဖြစ်ခဲ့ရသည်။
    .Frontier Myanmar 2
    မန္တလေးတိုင်းဒေသကြီးအတွင်းရှိ လူ ၁၀၀,၀၀၀ ခန့်နေထိုင်သော မိတ္ထီလာမြို့မှာ မွတ်ဆလင် အများအပြား နေထိုင်ရာ မြို့တစ်မြို့ဖြစ်သည်။ ရန်ကုန်၊ မန္တလေး၊ မြင်းခြံ၊ ကျောက်ပတောင်းနှင့် တောင်ကြီးမြို့တို့၏ လမ်းလေးဂွဆုံမြို့ ဖြစ်ပြီး မြန်မာနိုင်ငံအလယ်ပိုင်းတွင် အရေးပါသော ကုန်သွယ်ရေးဒေသတစ်ခုလည်း ဖြစ်သည်။
    .
    “ပဋိပက္ခဖြစ်ပွားပြီး တစ်လလောက်ပဲကြာတဲ့အချိန်မှာ ဘာသာပေါင်းစုံ လှုပ်ရှားဆောင်ရွက်မှုတွေကို ကျွန်တော်တို့ စတင်ဆောင်ရွက်ခဲ့ပါတယ်” ဟု မွတ်ဆလင်လူမှုအသိုင်းအဝိုင်း၏ ခေါင်းဆောင်တစ်ဦးဖြစ်သူ ဦးဆန်းဝင်းရှိန်က လက်ဖက်ရည်ဆိုင်တစ်ဆိုင်တွင် Frontier က တွေ့ဆုံမေးမြန်းစဉ် ပြောကြားခဲ့သည်။
    .
    ဗုဒ္ဓဘာသာဝင် ဘုန်းတော်ကြီးများနှင့် မွတ်ဆလင်အမျိုးသားများ ပါဝင်သည့် အဖွဲ့သည် နေအိမ်မီးရှိူ့ခံခဲ့ရသည့် လူမှုအသိုင်းအဝိုင်းနှစ်ခုစလုံးမှ လူပုဂ္ဂိုလ်များနေထိုင်ရာ စခန်းသို့ သွားရောက်လည်ပတ်ခဲ့ကြသည်ဟုလည်း ၎င်းကဆိုသည်။
    .Frontier Myanmar 3
    “ကျွန်တော်တို့က အိုးမဲ့အိမ်မဲ့တွေနဲ့ စကားပြောခဲ့တယ်။ လိုအပ်တာတွေကို လှူဒါန်းခဲ့တယ်။ လူတွေက ကျွန်တော်တို့ကို [အတူတကွ] တွေ့မြင်ရတဲ့ အပေါ်မှာ အံ့သြခဲ့ကြတယ်” ဟုလည်း ၎င်းက ပြောသည်။
    .
    ဦးဆန်းဝင်းရှိန်၏ အဆိုအရ လူအုပ်စုနှစ်စုအကြားတွင် အကြမ်းဖက်မှုဖြစ်ပွားပြီးနောက် နှစ်လ၊ သုံးလကြာသည်အထိ တင်းမာမှုများ မြင့်မားခဲ့သည်။
    .
    “ခြောက်လလောက် ကြာတဲ့ခါမှာတော့ လူအနည်းငယ်ကလွဲပြီး ပုံမှန်အတိုင်း ပြန်ဖြစ်ခဲ့တယ်” ဟုလည်း ၎င်းကဆိုသည်။
    ဦးဆန်းဝင်းရှိန်မှာ မိတ္ထီလာတွင် အခြေစိုက်သည့် ဘာသာပေါင်းစုံ လှုပ်ရှားဆောင်ရွက်မှုများ မြှင့်တင်ရေးအဖွဲ့တစ်ဖွဲ့၏ ဒုဥက္ကဋ္ဌဖြစ်ပြီး အစိုးရက ဖွဲ့စည်းထားသည့် ခရိုင်အဆင့် ဘာသာပေါင်းစုံအဖွဲ့၏ ဒုတိယအတွင်းရေးမှူးလည်း ဖြစ်သည်။
    .
    “လူအုပ်စုနှစ်စုအကြားမှာ ကြောက်လန့်မှုတွေနဲ့ မလုံခြုံမှုတွေ တစ်ဝဲလည်လည် ဖြစ်နေခဲ့ပါတယ်” ဟုလည်း ၎င်းက ဆိုသည်။ “ကျွန်တော့်ရဲ့ အသက် ၈၀ အရွယ်မိခင်ဖြစ်သူကလည်း မိတ္ထီလာ ဇာတိဖွားတစ်ဦးပါ။ သူ့ဘဝမှာ အခုလို အဖြစ်အပျက်မျိုးကို တစ်ခါမျှ မကြုံခဲ့ဖူးပါဘူး” ဟု ၎င်း၏ အရင်းနှီးဆုံးသူငယ်ချင်းဖြစ်သူ၏ သားဖြစ်သူ အထက်တန်းကျောင်းသားတစ်ဦးလည်း သေဆုံးခဲ့ရသည့် အကြမ်းဖက်မှုအတွင်း အသက်ဆုံးရှုံးသွားခဲ့ရသူများ အတွက် ကြေကွဲဝမ်းနည်းလျက်ရှိသူ ဦးဆန်းဝင်းရှိန်က ပြောကြားသည်။
    .
    အဆိုပါအကြမ်းဖက်မှုသည် မိတ္ထီလာမြို့၏ စီးပွားရေးကို အနှောက်အယှက်ပေးခဲ့ပြီး ဗဟိုဈေးရှိ စီးပွားရေးလုပ်ငန်းများမှာလည်း သုံးပုံနှစ်ပုံခန့် ကျဆင်းသွားခဲ့ရသည်ဟု စိတ်ဒဏ်ရာ နှစ်သိမ့်ဆွေးနွေးမှုဆိုင်ရာ သင်တန်းတစ်ခုကို တက်ရောက်နေသည့် မြို့ခံတစ်ဦးဖြစ်သူ ကိုအောင်မျိုးထွဋ်က ဆိုသည်။
    .Frontier Myanmar 4
    အကြမ်းဖက်မှု၏ ရိုက်ခိုက်မှုအား ခံစားရဟန် မရှိသော်လည်း စိတ်ဒဏ်ရာများ ခံစားနေရသူများစွာ ရှိနေသေးဟု ၎င်းကဆိုသည်။
    .
    “သေလုမျောပါး ဒဏ်ရာရရခဲ့တဲ့ ကျွန်တော့်အသိ အမျိုးသားတစ်ဦးက လူကြားထဲမှာဆိုရင် သူအဆင်ပြေပါတယ်လို့ ပြောဆိုလေ့ရှိပေမယ့် သူ့ကို သီးသန့် နှစ်သိမ့်ဆွေးနွေးတဲ့အခါမှာ သူတွေ့ကြုံခဲ့ရတာနဲ့ ပတ်သက်ပြီး ပြင်းပြင်းထန်ထန် စိတ်လှုပ်ရှားပြီး ပြောလေ့ရှိပါတယ်” ဟု ကိုအောင်မျိုးထွဋ်က ပြောကြားခဲ့သည်။
    .
    မိတ္ထီလာမြို့တွင်းရှိ တင်းမာမှု လျော့ကျရေး ကြိုးပမ်းမှုများတွင် ပါဝင်ဆောင်ရွက်ခဲ့ပြီးဖြစ်သည့် ၈၈ မျိုးဆက်မှ တက်ကြွလှုပ်ရှားသူတစ်ဦးဖြစ်သည့် ကိုထိန်လင်းခိုင်က ဗုဒ္ဓဘာသာနှင့် မွတ်ဆလင် အသိုင်းအဝိုင်းကြား ဆက်ဆံရေးများ တိုးတက်လာခဲ့ပြီ ဖြစ်သည်ဟုဆိုသည်။
    .
    ဥပမာအားဖြင့် ပဋိပက္ခအတွင်း ပျံလွန်တော်မူသွားခဲ့သည့် သံဃာတော်အား ပြင်းပြင်းထန်ထန် တိုက်ခိုက်မှုဖြင့် ထောင်ဒဏ် ချမှတ်ခံခဲ့ရသူတစ်ဦးမှာ အထွေထွေ လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာခဲ့ပြီး မိတ္ထီလာသို့ ပြန်လည်ရောက်ရှိလာသည့် အချိန်မှ စတင်ကာ စော်ကားပြောဆိုခံရမှုများ သို့မဟုတ် ဖိနှိပ်ခံရမှုများ ကြုံတွေ့ရခြင်း မရှိခဲ့ဟု ၎င်းက ထောက်ပြခဲ့သည်။
    .
    “ကျွန်တော့်အမြင်အရ ပဋိပက္ခရဲ့ အကြောင်းအရင်းက ဘာလဲဆိုတာကို နှစ်ဖက်စလုံးက နားလည်ခဲ့ပြီဖြစ်လို့ ငြိမ်းငြိမ်းချမ်းချမ်း ပြန်ဖြစ်နေပါပြီ” ဟု မွတ်ဆလင်တစ်ဦး ငှားရမ်းထားသည့် နေအိမ်တစ်အိမ်တွင် အလှပြင်ဆိုင် ဖွင့်ထားသည့် ဗုဒ္ဓဘာသာဝင် မိသားစုတစ်စုမှ ကိုထင်လင်းခိုင်က ဆိုသည်။
    .
    သို့သော် လတ်တလော တိုးတက်မှုတွင် လူမှုအသိုင်းအဝိုင်းအတွင်းရှိ သဟဇာတဖြစ်မှုကို ထိန်းသိမ်းရန်အတွက် သွယ်ဝိုက်သော ညွှန်းဆိုမှုများလည်း ရှိနေဖွယ်ရှိသည်။
    .
    The Voice သတင်းဌာန၏ မိတ္ထီလာအခြေစိုက် သတင်းထောက်တစ်ဦးဖြစ်သူ ကိုကျော်စိုးမိုး၏ အဆိုအရ မဘသ၏ အဖွဲ့ခွဲတစ်ဖွဲ့ဖြစ်သည်ဟု ကျယ်ကျယ်ပြန့်ပြန့်ယုံကြည်ခြင်းခံထားရသည့် အမျိုးသားလုံခြုံရေးနှင့် ကာကွယ်ရေးကော်မတီဟု ၎င်းတို့ကို၎င်း ခေါ်ဆိုနေသောအဖွဲ့အား လွန်ခဲ့သောတစ်လခန့်က ဖွဲ့စည်းခဲ့သည်။ မဘသဆိုသည်မှာ အမျိုးဘာသာ သာသနာ ကာကွယ်စောင့်ရှောက်ရေးအဖွဲ့ဟုဆိုသည့် ဗုဒ္ဓဘာသာ အမျိုးသားရေး အစွန်းရောက် အဖွဲ့အစည်းတစ်ခု ဖြစ်သည်။
    .
    ဝါဒမှိုင်းတိုက်သော စကားများဖြန့်ဖြူးနေသည့် အခမ်းအနားများအား မိတ္ထီလာမြို့၌ တစ်လလျင် တစ်ကြိမ် သို့မဟုတ် နှစ်ကြိမ်ခန့် ကျင်းပခဲ့သည်ဟုလည်းမိတ္ထီလာဒေသခံများကဆိုသည်။
    .
    ထိုအခမ်းအနားများမှာ ဘာသာမတူသူ လူအုပ်စုအကြားတွင် အမုန်းတရားများ ဖြစ်ပေါ်စေခဲ့သည်ဟု ဦးဆန်းဝင်းရှိန်က ပြောဆိုခဲ့သော် လည်း ကိုထိန်လင်းခိုင်၏ အဆိုအရ ထိုအခမ်းအနားများကို စိတ်ဝင်စားသူ အရေအတွက်မှာ လျော့ကျသွားခဲ့ပြီးဖြစ်သည်။
    .
    မိတ္ထီလာမှာ ပြီးခဲ့သည့်နှစ် နိုဝင်ဘာရွေးကောက်ပွဲ၌ အမျိုးသားဒီမိုကရေစီအဖွဲ့ချုပ်က ပြည်ထောင်စုကြံ့ခိုင်ရေးနှင့် ဖွံ့ဖြိုးတိုးတက်ရေးပါတီကို ရှုံးနိမ့်ခဲ့ရသည့် ရှားရှားပါးပါး မဲဆန္ဒနယ်တစ်နယ်ဖြစ်ပြီး ၂၀၁၃ ခုနှစ်၊ မတ်လက ဖြစ်ရပ်မှာ ထိုရလဒ်ကို ဖြစ်ပေါ်စေသော အကြောင်းအရင်းတစ်ရပ်ဖြစ်သည်။
    .
    ၂၀၁၂ ခုနှစ်၊ ကြားဖြတ်ရွေးကောက်ပွဲတွင် လွှတ်တော်အမတ်နေရာ တစ်နေရာကို အနိုင်ရရှိခဲ့သည့် အမျိုးသားဒီမိုကရေစီအဖွဲ့ချုပ်၏ ထင်ရှားသော အဖွဲ့ဝင်တစ်ဦးဖြစ်သူ ဦးဝင်းထိန်ကမူ မိမိအနိုင်ရရှိပြီးနောက် တစ်နှစ်အကြာတွင် ဖြစ်ပွားခဲသည့် သွေးထွက်သံယိုမှုက ၎င်းအား “မိတ္ထီလာမြို့ခံတစ်ဦး ဖြစ်ရခြင်းအတွက် အရှက်ရစေခဲ့ရပြီး” နိုဝင်ဘာရွေးကောက်ပွဲ တွင် ထပ်မံယှဉ်ပြိုင်ခြင်း မပြုခဲ့ဟု ပြောကြားသည်။
    .Frontier Myanmar 5
    မိတ္ထီလာမြို့တွင် ရှုံးနိမ့်ခဲ့ရသည့် အခြားသူတစ်ဦးမှာ အမျိုးသားဒီမိုကရေစီ အင်အားစုပါတီဝင် ဒေါ်ခင်ဝိုင်းကြည်ပင် ဖြစ်သည်။ ၎င်းမှာ ယခင်က ရန်ကုန်တိုင်းဒေသကြီး အမျိုးသားလွှတ်တော်မဲဆန္ဒနယ် အမှတ် (၁) အား ကိုယ်စားပြုခဲ့ပြီး ဘာသာကူးပြောင်းခြင်းဆိုင်ရာဥပဒေအား လွှတ်တော်တွင် အဆိုပြုခဲ့သူဖြစ်သည်။
    .
    မိတ္ထီလာမြို့တွင် အမျိုးသားဒီမိုကရေစီအဖွဲ့ချုပ် ရှုံးနိမ့်ခဲ့ရခြင်းအတွက် အကြောင်းရင်းအမျိုးမျိုး ပေါ်ထွက်ခဲ့သည်။
    .
    ကိုကျော်စိုးမိုးကမူ အမျိုးသားဒီမိုကရေစီအဖွဲ့ချုပ်သည် မိတ္ထီလာရှိ မဲရုံများတွင် အနိုင်ရရှိခဲ့သော်လည်း ကျေးရွာများတွင် မဲအပြတ်အသတ်ဖြင့် ရှုံးနိမ့်သွားခဲ့ရသည်ဟု ဆိုသည်။
    .
    အမျိုးသားဒီမိုကရေစီအဖွဲ့ချုပ် အနိုင်ရရှိခဲ့ပါက တိုင်းပြည်အား မွတ်ဆလင်များ လွှမ်းမိုးသွားလိမ့်မည်ဆိုသော အန်(န်)အယ်လ်ဒီ ဆန့်ကျင်ရေးလှုပ်ရှားမှု၏ လွှမ်းမိုးမှုကို ကျေးလက်ဒေသများရှိ မဲဆန္ဒရှင်များ ခံခဲ့ရသည်ဟု ၎င်းက ယုံကြည်ထားသည်။
    .
    ကိုထိန်လင်းခိုင်ကမူ အမျိုးသားဒီမိုကရေစီ အဖွဲ့ချုပ်၏ အောင်နိုင်ရေး လှုပ်ရှားမှုမှာ ထိရောက်မှုမရှိသောကြောင့် ရှုံးနိမ့်ခဲ့ရခြင်းဖြစ်သည်ဟု ဆိုသည်။
    .
    ၂၀၁၃ ခုနှစ်တွင်ဖြစ်ပွားခဲ့သည့် အကြမ်းဖက်နှင့်ပတ်သက်၍ မိတ္ထီလာမြို့တွင် ပြုလုပ်ခဲ့သည့် အင်တာဗျူးအား ဖြေကြားခဲ့သူများအားလုံးက ထိုအကြမ်းဖက်မှုအား ရည်ရွယ်ချက်ရှိရှိ စီစဉ်ခဲ့ခြင်းဖြစ်သည်ဟု ယုံကြည်ခဲ့ကြသည်။
    .
    “ဒီပဋိပက္ခနောက်ကွယ်ကနေ ကြိုးကိုင်ခြယ်လှယ်နေတဲ့ ပဉ္စလက် လက်တစ်ချောင်းရှိပါတယ်” ဟု အကြမ်းဖက်မှု ဖြစ်ပွားနေစဉ် မိမိ၏ ကျောင်းပရဝုဏ်အတွင်း၌ မွတ်ဆလင် ၈၀၀ ခန့်အပါအ၀င် လူပေါင်း ၁,၀၀၀ ကျော် ခိုလှုံနိုင်ရန် နေရာထိုင်ခင်းများ စီစဉ်ပေးခဲ့သည့်အတွက် ကျယ်ကျယ်ပြန့်ပြန့် ချီးမွှမ်းခံခဲ့ရသည့် ဆရာတော် ဦးဝိသုဒ္ဓက မိန့်ကြားခဲ့သည်။
    .
    အကြမ်းဖက်မှုများမဖြစ်ပွားမီအချိန်က မိတ္ထီလာရှိ ဗုဒ္ဓဘာသာနှင့် မွတ်ဆလင်အသိုင်းအဝိုင်းအကြား မိသားစုဝင်များကဲ့သို့ အတူကွနေထိုင်ခဲ့ကြသည်ဟု ဆရာတော်က မိန့်ကြားသည်။
    .
    “သူတို့က [မွတ်ဆလင်များ] ဒီနေရာမှာ ရာစုနှစ်များစွာ နေထိုင်ခဲ့ကြတာပါ” ဟုလည်း ဆရာတော်က မိန့်ကြားခဲ့သည်။
    .
    “ပုံမှန်အခြေအနေ တစ်ရပ်မှာဆိုရင် ပဋိပက္ခဖြစ်လာစရာ အကြောင်းမရှိပါဘူး။ ဖြစ်ရတဲ့ အကြောင်းအရင်းကလည်း ရည်ရွက်ချက်ရှိရှိ လုပ်ခဲ့လို့ပါ” ဟု ဆရာတော်က မှတ်ချက်ပြုခဲ့သည်။
    .
    နှစ်ဖက်စလုံးမှ လူပုဂ္ဂိုလ်များအတွက် မိမိကျောင်းဝင်းထဲတွင် နေရာထိုင်ခင်းစီစဉ်ပေးပြီးနောက် နာရီပိုင်းမျှအကြာတွင် အတူတကွ စကားပြောဆိုခြင်းများနှင့် စားနပ်ရိက္ခာများ ဝေမျှ စားသောက်ခဲ့ရသည်ဟုလည်း ဆရာတော်က မိန့်ကြားခဲ့သည်။
    .
    ပညာရေးမှာ နားလည်မှုတည်ဆောက်ခြင်းနှင့် ပဋိပက္ခရှောင်ရှားခြင်းအတွက် အကောင်းဆုံး နည်းလမ်းဖြစ်သည်ဟုလည်း ဆရာတော်က မှတ်ချက်ပြုခဲ့သည်။ ဆရာတော်မှာ မိတ္ထီလာမြို့ရှိ ဗုဒ္ဓဘာသာ၊ မွတ်ဆလင်၊ ခရစ်ယာန်နှင့် ဟိန္ဒိူအသိုင်းအဝိုင်းမှ ကလေး ၁၅ ဦးစီအား အတူတကွ ပညာသင်ပေးခြင်းကိုလည်း အခြားဘာသာရေး ခေါင်းဆောင်များနှင့်အတူ ဆောင်ရွက်လျက်ရှိသည်။
    .
    တင်းမာမှုများ လျော့ကျသွားပြီဖြစ်သော်လည်း အကြမ်းဖက်မှုဖြစ်စဉ်အတွင်း လူများစွာကြုံတွေ့ခဲ့ရသည့် စိတ်ဒဏ်ရာများမှ ပြသနေသည်မှာ ၎င်းတို့အနေဖြင့် ပုံမှန်ဘဝများသို့ ပြန်လည်ရောက်ရှိနိုင်ဖွယ် နည်းပါးသည်ဟူ၍ပင် ဖြစ်သည်။
    .
    လူမှုအသိုင်းအဝိုင်းအတွင်း အပြန်အလှန် နားလည်မှုကို အားပေးမြှင့်တင်ရန်ပြုလုပ်သည့် ဘာသာပေါင်းစုံ လှုပ်ရှားမှု အကြောင်းအား လက်ဖက်ရည်ဆိုင်တွင် ဦးဆန်းဝင်းရှိန်က Frontier ကို ပြောကြားနေသည့် စကားဝိုင်းသို့ အခြားမိတ္ထီလာ မြို့ခံတစ်ဦးဖြစ်သည့် ကိုမင်းအောင်လည်း ဝင်ရောက်လာသည်။
    .
    “တစ်ဖက်နဲ့ တစ်ဖက်အကြားမှာ ရန်ငြိုးအချို့ ရှိနေတုန်းပါပဲ” ဟု မငြိမ်မသက်မှုအတွင်း တိုက်ခိုက်ခံခဲ့ရသည့်အတွက် ဦးခေါင်းတွင် ဒဏ်ရာရရှိကာ ဆေးရုံတွင် ကုသမှု ခံခဲ့ရသည့် ကိုမင်းအောင်က ဆိုသည်။ ဆေးရုံတွင် ၎င်းရှိနေခြင်း၏ အကျိုးဆက်များကို ဝန်ထမ်းများက ကြောက်လန့်နေသည့်အတွက် ကုသမှုခံယူပြီးနောက်တွင် ဆေးရုံမှ ထွက်သွားပေးရန် ပြောကြားခြင်း ခံခဲ့ရသည်ဟုလည်း ၎င်းကဖြည့်စွက် ပြောကြားခဲ့သည်။
    .
    မြို့နေလူထုသည် မငြိမ်မသက်မှုများ ပေါ်ပေါက်စေမည့် အခြားမတော်တဆဖြစ်ရပ်တစ်ခု ပေါ်ပေါက်လာနိုင်ဖွယ် ရှိသည့်အပေါ်တွင်လည်း စိုးရိမ်ပူပန်လျက်ရှိသည်ဟု ကိုမင်းအောင်က ဆိုသည်။
    .
    “တရားဥပဒေစိုးမိုးမှုနဲ့ တရားမျှတမှုမရှိဘူးဆိုရင် ပဋိပက္ခတွေထပ်ဖြစ်ပြီး တစ်နိုင်ငံလုံးကို ပျံ့နှံ့သွားမယ့်အပေါ်မှာ ကျွန်တော်စိုးရိမ်ပါတယ်” ဟုလည်း ၎င်းကပြောသည်။
    .
    ကျော်ဖုန်းကျော် ရေးသားသည်။
    အောင်မင်း ဘာသာပြန်သည်။
    ဓာတ်ပုံများ – ယုယုမြင့်သန်း / အသွင်ကူးပြောင်းမှုအား ပုံဖော်ကြည့်ခြင်း
    .
    Frontier Myanmar မှ ကူးယူဖော်ပြပါသည်။
    .
    http://frontiermyanmar.net/mm/news/1620
    ——————————
    စာရေးသူ ကျော်ဖုန်းကျော်သည် လွန်ခဲ့သည့် ငါးနှစ်က သတင်းသမားဘဝကို ယူနတီ သတင်းဂျာနယ်မှ စတင်ခဲ့သည်။ ရေဒီယိုအစီအစဉ် ထုတ်လုပ်တင်ဆက်သူ၊ အလွတ်တန်း သတင်းသမားအဖြစ်လည်း လုပ်ခဲ့သေးသလို ရုပ်သံသတင်းထောက်လည်း လုပ်ဖူးသည်။ မဇ္ဈိမတွင် တာဝန်ခံစာတည်းအဖြစ် လုပ်ခဲ့ပြီး မြန်မာတိုင်းမ်သို့ ပြောင်းရွှေ့ခဲ့သည်။ ယခု Frontier သတင်းမဂ္ဂဇင်း၌ အကြီးတန်းသတင်းထောက်အဖြစ် တာဝန်ထမ်းဆောင်နေသည်။

  • မြန်မာ့စီးပွားရေးကို ဒေါ်အောင်ဆန်းစုကြည် ဆွဲတင်နိုင်မလား

    မြန်မာ့စီးပွားရေးကို ဒေါ်အောင်ဆန်းစုကြည် ဆွဲတင်နိုင်မလား

    ဧပြီ ၁၉၊ ၂၀၁၆

    M-Media
    ap
    ရန်ကုန်မြို့စွန်ရှိ လုပ်ငန်းခွင်ဝင်ရန် ထရပ်ကားပေါ် လိုက်ပါသွားနေသော လုပ်သားများကို တွေ့ရစဉ် (ဓာတ်ပုံ – YE AUNG THU/AFP/Getty Images, စက်တင်ဘာ ၂၁၊ ၂၀၁၅)

    – နှစ်ပေါင်း ၅၀ လွန်ပြီးနောက် မြန်မာနိုင်ငံတွင် ပထမဆုံး အရပ်သားဦးဆောင်သော အစိုးရတစ်ရပ်၏ ကောက်ကြောင်း ထင်ရှားလာပြီဖြစ်သည်။ ရက်သတ္တပတ်အနည်းငယ်အတွင်း မကြုံစဖူး ကြေငြာချက်များ တစ်ခုပြီးတစ်ခု ဆက်တိုက် ထွက်လာသည်မှာ လူအများအပြားက စိုးရိမ်မိသည်အထိပင်။ သမ္မတသစ်မှာ ဦးထင်ကျော်ဖြစ်ပြီး ဒေါ်အောင်ဆန်းစုကြည်၏စည်းမျဉ်းခံ ခေါင်းဆောင်တစ်ဦးဖြစ်သည်။ စစ်တပ်ရေးဆွဲထားသည့် ဖွဲ့စည်းပုံအခြေခံဥပဒေအရ ဒေါ်အောင်ဆန်းစုကြည်သည် သမ္မတရာထူးကို ငြင်းပယ်ခံရသော်လည်း နိုင်ငံတော်အတိုင်ပင်ခံဟူသည့် ဥသျှောင်နေရာအား ဖန်တီးလိုက်သည်။ တစ်နည်းအားဖြင့် သူမသည် အစိုးရသစ်အား ဦးဆောင်ကိုင်တွယ်သွားတော့မည့်အဖြစ်မှာ အငြင်းဝင်ဖွယ် မရှိတော့ချေ။

    ဒေါ်အောင်ဆန်းစုကြည်၏ ထိပ်တန်းဦးစားပေးဆောင်ရွက်မည့်အချက်မှာ လွတ်လပ်ရေးရပြီးကတည်းက နိုင်ငံကို ပျက်စီးရေးလမ်းကြောင်းသို့တွန်းပို့ခဲ့သော ပြည်တွင်းပဋိပက္ခများအား အဆုံးသတ်စေရန် ငြိမ်းချမ်းရေးလုပ်ငန်းစဉ် ပြန်လည်ထူထောင်အသက်သွင်းခြင်းဖြစ်သည်ဟု သူမ၏အဆိုအရ သိရသည်။ စစ်တပ်အာဏာသိမ်းစဉ် ၁၉၆၂ ခုနှစ်က မြန်မာနိုင်ငံသည် ဒေသတွင်း စီးပွားရေးအခိုင်မာဆုံးနိုင်ငံအဖြစ် ခေါင်းမော့ရင်ကော့နိုင်ခဲ့သည်။ သို့သော် ယခုအခါ အာရှတိုက်၏ ဒုတိယမြောက်အဆင်းရဲဆုံးနိုင်ငံ ဖြစ်လျက်နေပေပြီ။ သမ္မတဟောင်း ဦးသိန်းစိန်မှ ၂၀၁၁ ခုနှစ်တွင် ချမှတ်လိုက်သော သူ၏ ပြန်လည်ပြုပြင်ရေးအစီအမံကြောင့် ဖြစ်ပေါ်လာရသည့် ဤအရိပ်မည်းကြီးကို ပြန်လှန်ပစ်ရတော့မည်ဖြစ်သည်။ ယမန်နှစ်က နိုင်ငံစီးပွားရေးပျမ်းမျှတိုးတက်မှု ၆.၅ ရာခိုင်နှုန်း ရစေသည့် သူ၏အားထုတ်မှုမှာ အထင်ကြီးစရာအသွင်ရှိသော်လည်း အနိမ့်ဆုံးအဆင့်နှင့်နှိုင်းယှဉ်ထားခြင်းသာ ဖြစ်နေသည်။ မြန်မာနိုင်ငံ၏ GDP မှာ ဒေါ်လာ ၁၂၀၀ ဖြစ်သဖြင့် ဒေါ်လာ ၆၀၀၀ ခန့်ရှိသော အိမ်နီးချင်းထိုင်းနိုင်ငံနှင့် နှိုင်းစာပါက အကြီးအကျယ် ကွာဟလွန်းလှ၏။ နိုင်ငံ့လူဦးရေ လေးပုံတစ်ပုံခန့်မှာ ဆင်းရဲတွင်းနက်နေဆဲ၊ တစ်နိုင်ငံလုံး၏လေးပုံတစ်ပုံမျှသာ လျှပ်စစ်မီးရရှိနေသည်။ ၎င်းအပြင် ကားလမ်း၊ ရထားလမ်းနှင့် သယ်ယူပို့ဆောင်ရေးကွန်ရက်များကလည်း အရှေ့တောင်အာရှ၌ အဆိုးဝါးဆုံးအခြေအနေ ရောက်ရှိနေသည်။

    နိုင်ငံ့လူဦးရေ ၇၀ ရာခိုင်နှုန်းက ကျေးလက်နေပြည်သူများဖြစ်ကြပြီး ဆင်းရဲနွမ်းပါးကာ လုံလောက်သောဝင်ငွေ မရှိကြ။ ထို့ကြောင့် ၎င်းတို့ကို ဦးစားပေးရမည်ဟု စီမံကိန်းနှင့်ဘဏ္ဍာရေးဝန်ကြီးသစ် ဦးကျော်ဝင်းက ဆိုသည်။ ဤသည်မှာ ယခင်အစိုးရဟောင်းတို့၏ ကျေးလက်ဖွံ့ဖြိုးရေးလုပ်ငန်းကို သံယောင်လိုက်နေသယောင် ထင်ရ၏။ သို့သော် ဦးကျော်ဝင်းက မိမိ၏စီးပွားရေးမူဝါဒသည် ၀င်ငွေအချိုးမညီမှုနှင့် အခွန်တိုးမြှင့်ကောက်ခံခြင်း၌လည်း အလေးထားသွားမည်၊ သို့မှသာ မြန်မာနိုင်ငံတွင် ဆိုးဆိုးဝါးဝါး လိုအပ်နေသော စာသင်ကျောင်း၊ လမ်းသစ်များအတွက် အစိုးရမှ သုံးစွဲသွားနိုင်မည်ဟု ပြောကြားသည်။ လက်ရှိ၌ ကူညီကယ်ဆယ်ရေးနှင့် ဖွံ့ဖြိုးရေးအတွက် နိုင်ငံအတွင်းသို့ စီးဝင်နေသော ငွေကြေး အများအပြား ရှိနေကြသည်။ အထူးစီးပွားရေးဇုန်သစ်များတွင် ရင်းနှီးမြှုပ်နှံနေသော ဂျပန်ထံမှလည်း ရရှိနေသည်၊ ဆက်လက်၍လည်း ရရှိနေဦးမည်။ GDP ၏ ၅ ရာခိုင်နှုန်းမျှသာရှိနေသော အခွန်အခများကို တိုးမြှင့်ဖော်ဆောင်နိုင်ခြင်းမရှိလျှင် အောင်မြင်နိုင်သည့်အခွင့်အလမ်း အလွန်နည်းပါးကြောင်း အစိုးရကိုယ်တိုင်ကလည်း သိရှိထားပေသည်။

    လွှတ်တော်ရှိ စီးပွားရေးဆိုင်ရာအစုအဖွဲ့သစ်သည်လည်း အခိုင်အမာယုံကြည်စိတ်ချ၍မရကြောင်း သေချာပြီးဖြစ်သည်။ ဦးကျော်ဝင်းအား ၀န်ကြီးအဖြစ် ခန့်အပ်ကြောင်း ကြေငြာပြီး မရှေးမနှောင်းမှာပင် သူ၏ဒေါက်တာဘွဲ့မှာ အတုအယောင်ဖြစ်ကြောင်း၊ တက္ကသိုလ်အမည်ခံပြီး ဒီပလိုမာလက်မှတ်တုများ ပေးနေသည့် ပါကစ္စတန်အခြေစိုက်အုပ်စုတစ်ခု၏ ၀က်ဆိုဒ်မှ ရရှိထားခြင်းဖြစ်ကြောင်း ပေါ်လွင်သွားခဲ့သည်။ မိမိသည် ယင်းကိစ္စကို အလျဉ်း မသိရှိခဲ့ကြောင်း ဦးကျော်ဝင်းက သတင်းထောက်များကို ၀န်ခံပြောကြားသည်။ သေချာသည်မှာ ဦးကျော်ဝင်းအား ရွေးချယ်ခြင်းသည် သူ၏ကျွမ်းကျင်ကြောင့် မဟုတ်၊ NLD စီးပွားရေးရာကော်မတီ၌ နှစ်ရှည်လများ အဖွဲ့ဝင်တစ်ဦးဖြစ်ပြီး ပါတီအပေါ် သစ္စာရှိခြင်းကြောင့်ဟု ဆိုနိုင်ပေမည်။

    တစ်ချိန်တည်းမှာပင် စီးပွားကူးသန်းဝန်ကြီးအဖြစ် လျာထားခံခဲ့ရသည့် ဦးသန်းမြင့်သည်လည်း New York Times ၏အဆိုအရ တရားဝင်အသိအမှတ်ပြုထားခြင်းမရှိသောကျောင်းတစ်ခုမှ ဘွဲ့ရယူခဲ့ကြောင်း တွေ့ရှိခဲ့ကြသည်။ NLD သည် ကာလရှည်မြန်မာ့အရေးစောင့်ကြည့်လေ့လာသူ သြစတေးလျပညာရှင် Sean Turnell ကဲ့သို့ ပြင်ပကျွမ်းကျင်သူများ၏အကြံဥာဏ်ကို လက်ခံရယူနေကြောင်း ယုံမှားသံသယမရှိ။ သို့သော် စီးပွားရေးရာအစုအဖွဲ့သည် လွှတ်တော်အဆင့် အရည်အသွေးပြည့်မှီရန် ဆောင်ရွက်စရာ အများအပြားရှိနေသေးသည်။

    ထပ်မံရှေဆက်ရပါလျှင် အစိုးရသစ်၏ စီးပွားရေးရာဦးစားပေးမှုများမှာ ကနဦးပိုင်းတွင် စစ်တပ်နှင့်ထိပ်တိုက်တွေ့ဖွယ်ရှိပြီး၊ ဒေါ်အောင်ဆန်းစုကြည်ဦးဆောင်သော အရပ်ဖက်အုပ်ချုပ်ရေးအဖွဲ့သစ်နှင့် ဗိုလ်ချုပ်များ၏ဘက်တော်သားအုပ်စုဟောင်းအကြား အားပြိုင်မှုလည်း ဖြစ်သည်။ စီမံကိန်းနှင့်ဘဏ္ဍာရေးဝန်ကြီးဋ္ဌာနနှင့်ပတ်သက်၍ သယံဇာတနှင့်ပတ်ဝန်းကျင်ထိန်းသိမ်းရေးဝန်ကြီးဋ္ဌာနနှင့် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဋ္ဌာနအဖြစ် ၀န်ကြီးဋ္ဌာနသစ်နှစ်ခု ထပ်မံခွဲခြမ်းလိုက်ခြင်းကလည်း ပဋိပက္ခဖြစ်လာနိုင်စရာရှိနေသည်။ ဤနယ်ပယ်နှစ်ရပ်စလုံးတွင် စစ်တပ်နှင့် ၎င်းတို့၏ခရိုနီလုပ်ငန်းရှင်များက အခိုင်အမာကြီးစိုးထားသည်ဖြစ်၍ အစိုးရ၏ စီးပွားရေးလုပ်ငန်းစဉ်တစ်ခုလုံး ရေရှည်တိုးတက်လာအောင် NLD သည် မည်မျှအထိ ထိုးဖောက်ဆောင်ရွက်ရမည်ဖြစ်ကြောင်း သိနိုင်ပေသည်။ အလားတူစွာပင် လွှတ်တော်ကိုယ်စားလှယ်နေရာ လေးပုံတစ်ပုံအထိ အပိုင်စီးထားသော စစ်တပ်က နိုင်ငံ့အကျိုးအမြတ်အများဆုံးရရှိသည့် ကုမ္ပဏီကြီးနှစ်ခုကိုလည်း ထိန်းသိမ်းထားဆဲဖြစ်နေသည်။

    မြန်မာနိုင်ငံလူဦးရေ ၇၀ ရာခိုင်နှုန်းခန့်မှာ မဖွံ့ဖြိုးသေးသော ဒေသများတွင် နေထိုင်လျက်ရှိကြပြီး၊ ၅၄ ရာခိုင်နှုန်းဝန်းကျင်မှာ အများအားဖြင့် ပြည်တွင်းတစ်နိုင်တစ်ပိုင်လုပ်ငန်းများတွင် လုပ်ကိုင်နေကြသည်ဟု ၀န်ကြီးသစ်က ဆိုထားသည်။ သို့သော် ဤကဏ္ဍမှာ GDP ၏ ၄၀ ရာခိုင်နှုန်းမျှသာ ရှိသဖြင့် အခြေအနေမကောင်း။ အဓိကထုတ်ကုန်ဖြစ်သော ဆန်စပါးသည်လည်း လောက်လောက်လားလား ဖူလုံမှုမရှိယုံသာမက အိမ်နီးချင်း ဘင်္ဂလားဒေ့ရှ်( ၆၀ ရာခိုင်နှုန်း)နှင့် ဗီယက်နမ်(၁၁၄ ရာခိုင်နှုန်း)ထက်ပင် နိမ့်ကျနေပေသည်။

    ထိုသို့ဖြစ်ရသောအကြောင်းရင်းများစွာအနက်တစ်ခုမှာ လယ်သမားများသည် မိမိတို့၏လယ်ယာမြေပိုင်ဆိုင်မှု လုံခြုံစိတ်ချခြင်းမရှိသောကြောင့် ရင်းနှီးမြှုပ်နှံနိုင်ခြင်း မရှိကြ။ လွန်ခဲ့သောနှစ်အနည်းငယ်အတွင်းလည်း စစ်တပ်အရာရှိများ၏ ထင်တိုင်းကြဲ မြေယာသိမ်းဆည်းမှု၊ ပိတ်ပင်မှုများကြောင့် စိုက်ပျိုးမြေ လက်မဲ့ဖြစ်နေရသည်။ ခန်းမှန်းသုံးသပ်ချက်တစ်ခုအရ စိုက်ပျိုးနိုင်သည့်မြေယာများမှာ လေးပုံတစ်ပုံခန့်မျှသာ ကျန်တော့သည်။ ထို့ကြောင့် မြေယာပိုင်ဆိုင်မှုအခွင့်အရေးကိစ္စကို ဦးစားပေးလုပ်ဆောင်သွားရမည်ဟု ဦးကျော်ဝင်းက ဆိုသည်။ အစိုးရဟောင်းသည် ၂၀၁၂ ခုနှစ်တွင် မြေယာပိုင်ဆိုင်မှုအထောက်အထားများ ပြုလုပ်ခွင့်ပေးသော်လည်း အားနည်းပျော့ညံ့သည်သာမက အဓမ္မမြေသိမ်းမှုတို့ကို ဖြေရှင်းရေး၌ အသုံးချရန်သာဖြစ်ခဲ့သည်။ မြေယာဥပဒေများ အခိုင်အမာရှိပါသော်လည်း ပိုင်ရှင်ဖြစ်သူပင်လျှင် လက်ဝယ်ပိုင်ပိုင်မရရှိနိုင်ကြ၊ မြေသိမ်းဆည်းခံရသူတို့ကလည်း နစ်နာကြေးများ တောင်းဆိုကြပေဦးမည်။ ပိုင်ဆိုင်မှုအာမခံချက်မရှိသေးပါက လယ်သမားတို့သည် စိုက်ပျိုးရေးလုပ်ငန်းဆိုင်ရာ မည်သည့်နေရာမှမှ တိုးတက်ဖြစ်ထွန်းအောင် ရင်းနှီးလုပ်ကိုင်ကြမည်မဟုတ်ချေ။ မြန်မာနိုင်ငံကျေးလက်ရေးရာကျွမ်းကျင်သူ Debbie Aung Taylor က ဤသို့ ဆိုထားပါသည်။

    “ဒီကလယ်သမားတွေဟာ စွန့်ဦးတီထွင်စိတ် ရှိကြပါတယ်။ ဒါပေမယ့် အဲ့ဒီအတွက် ဘာအခွင့်အရေးမှ အပေးမခံကြရဘူး”။

    သဘာဝသယံဇာတ တူးဖော်ထုတ်လုပ်ရေးအပိုင်းကဏ္ဍသည်လည်း ပို၍ပင် ထိရှလွယ်လွန်းနေ၏။ စစ်အစိုးရအုပ်စုဟောင်းမှာ ကချင်ပြည်နယ် ကျောက်စိမ်းတူးဖော်ရေးအကျိုးအမြတ်အများစုကို ဒလဟောရယူထားခြင်းကဲ့သို့ နိုင်ငံ့သယံဇာတများအား လုယက်သိမ်းပိုက်ခြင်းဖြင့် ချမ်းသာကြွယ်ဝခဲ့ကြသည်။ ၎င်းတို့သည် နိုင်ငံတော်ဘဏ္ဍာထဲသို့ မဆိုစလောက်မျှသာ ၀င်ရောက်ခဲ့ကြပြီး၊ တူးဖော်ရေးလုပ်ငန်းဆောင်ရွက်သူများ၊ မြေယာသိမ်းပိုက်ခံရသူများအား ပြန်လည်ပေးဆပ်ပင်လျှင် မရှိသလောက် နည်းပါးလှပေသည်။ နိုင်ငံတကာခြစားမှုများကို အထူးပြုလေ့လာသော Global Witness အဖွဲ့က ၂၀၁၄ ခုနှစ်၌ ကျောက်စိမ်းတစ်မျိုးတည်းမှာပင် အမေရိကန်ဒေါ်လာ ၃၁ ဘီလီယံအထိ စာရင်းပျောက်ရောင်းချမှု ရှိခဲ့သည်ဟု ထုတ်ဖော်ထား၏။ မြန်မာနိုင်ငံ၏ တရားဝင် ပြည်ပပို့ကုန်စုစုပေါင်းတန်ဖိုးကား ဒေါ်လာ ၁၁ ဘီလီယံမျှသာ ရှိနေသည်ကို တွေ့ရလေသည်။

    ဤသို့သော အချိုးမညီမျှမှုများကြောင်း အစိုးရသစ်အနေဖြင့် ရှေ့ဆက်လုပ်ကိုင်ရန် ငွေအင်အား လိုအပ်ပေတော့မည်။ သတ္ထုတူးဖော်ရေးကုမ္ပဏီများအတွင်း အခြေခံကျကျ ပြောင်းလဲပြုပြင်ဖို့လည်း လိုအပ်လာပေမည်။ ထိုအခါ အစိုးရသစ်သည် စစ်တပ်၏ခရိုနီများ၊ ၎င်းတို့၏အကျိုးတူပူးပေါင်းဆောင်ရွက်သူများနှင့် ထိပ်တိုက်တွေ့ရတော့မည်ဖြစ်၏။

    ၎င်းတို့အနက် အချို့က ပြောင်းလဲရန်ဆန္ဒရှိကြောင်း၊ NLD နှင့် လက်တွဲလုပ်ဆောင်လိုကြောင်း လက္ခဏာကို ပြသကြသည်။ အမြင်ကျယ်ခြင်းနှင့် ပြိုင်ဆိုင်ခြင်းသဘောတရားကို လက်ခံနိုင်ပေလိမ့်မည်။ သို့သော် ထိုသို့မဟုတ်ကြသူက များသည်။ ဆက်သွယ်ရေးနှင့်မီဒီယာကဲ့သို့သော ကဏ္ဍအနည်းအကျဉ်းလောက်သာ ပွင့်လင်းသည့် ပြိုင်ဆိုင်မှုဖက်သို့ တိုးဝင်လာကြသော်လည်း အများစုမှာ ကန့်သတ်ခံထားရဆဲဖြစ်၏။ ဒေါ်စုကြည်သည် စစ်တပ်၏အကျိုးစီးပွားနှင့်စပ်လျဉ်း၍ မည်သည့်အတိုင်းအတာနှင့် မည်သို့ရင်ဆိုင်မည်ကို ရှင်းလင်းစွာ မသိရသေး။ မည်သို့ဆိုစေ ဆယ်စုနှစ်များစွာ ကမောက်ကမဖြစ်နေမှုမှ နာလန်ပြန်ထူနိုင်ခြင်းရှိမရှိဟူသည် သူမ၏ အဖြေရှာမှု၌ မူတည်နေမည်ဖြစ်ပေသည်။

    ရန်ကုန်မြို့စွန်ရှိ လုပ်ငန်းခွင်ဝင်ရန် ထရပ်ကားပေါ် လိုက်ပါသွားနေသော လုပ်သားများကို တွေ့ရစဉ် (ဓာတ်ပုံ – YE AUNG THU/AFP/Getty Images, စက်တင်ဘာ ၂၁၊ ၂၀၁၅)

    (Foreign Policy မှ Richard Cockett ရေးသားသော “Can Aung San Suu Kyi Save Burma’s Economy?” ဆောင်းပါးကိုမှီး၍ မြင့်မိုရ်မောင်မောင် မှ ပြန်ဆိုရေးသားသည်။)

  • မန္တလေးတက္ကသိုလ်ကို ပစ်မထားကြပါနှင့်

    မန္တလေးတက္ကသိုလ်ကို ပစ်မထားကြပါနှင့်

    Mandalay University

    ဆူးငှက်

    တကယ်တော့ မန္တလေးတက္ကသိုလ်ဟာ မြန်မာလူမျိုး များရဲ့ ဝံသာနုစိတ်နဲ့ ဇာတိမာန်သက်သက်ကတစ်ဆင့် အမြော်အမြင်ကြီးစွာ ပေါ်ပေါက် ခဲ့ရတဲ့ မြန်မာတွေ မျိုးစေ့ချ၊ ပျိုးထောင်၊ ပေါင်းသင်၊ ရှင်သန်၊ ကြီးထွား၊ ပွင့်လန်းခဲ့တဲ့ မြန်မာအမျိုးသားတက္ကသိုလ်ကြီး ဖြစ်ပါ တယ်။ အင်္ဂလိပ် အစိုးရရဲ့ တက္ကသိုလ်အက်ဥပဒေကို မကျေနပ်လို့ ရန်ကုန်တက္က သိုလ်ကျောင်းသားတွေ စတင် ခဲ့တဲ့ သပိတ်တိုက်ပွဲရဲ့ အသီးအပွင့် လည်းဖြစ်ပါတယ်။ ဒီအသီးအပွင့်ကြောင့် ၁၉၂၅ ခုနှစ်မှာ မန္တလေး မြို့မိမြို့ဖများ အားထုတ်မှုနဲ့ မန္တလေးဥပစာကောလိပ် ဖွင့်လှစ်ခွင့်ရခဲ့တယ်။

    ၁၉၂ဝ ပြည့်နှစ် ပထမကျောင်းသားသပိတ်ကြီး စတင် ပေါ်ပေါက် လာခဲ့ပြီးနောက် အမျိုးသားကျောင်း၊ အမျိုး သားကောလိပ်နဲ့ အမျိုးသားပညာရေး တောင်းဆိုမှုတွေနဲ့ အတူ အထက်ဗမာပြည် မန္တလေးမြို့မှာလည်း ဥပစာ ကောလိပ်တစ်ခုဖွင့်လှစ်ပေးဖို့ မန္တလေးမှာရှိကြတဲ့ ဗဟို စည်ဦးဘဦး၊ ကျောက်စာဝန်တော်စိန်ခိုနှင့် ရသေ့ကြီး ဦးခန္တီတို့ ဦးဆောင်ပြီး မန္တလေးမြို့လူထုက တောင်းဆိုကြ ပါတယ်။ အကယ်၍ အင်္ဂလိပ်အစိုးရက မလိုက်လျောရင် မန္တလေးမြို့ လူထုအနေနဲ့ ကိုယ့်အလှူငွေနဲ့ကို၊ ကိုယ့်မြို့မှာ ကိုယ့်ကောလိပ် ကိုယ်ကိုယ်တိုင် ဖွင့်ကြ မယ်လို့တင်ပြလာကြတယ်။ နိုင်ငံရေးမျက်နှာစာ မှာလည်း ဂျီစီဘီအေ ဦးချစ်လှိုင်က ဦးဆောင်ပြီး တောင်းဆိုကြ တယ်။ တစ်ဆက်တည်း ဝံသာနုခေါင်းဆောင် ဦးဘဘေ က ဥပဒေပြုကောင်စီမှာ ၁၉၂ဝ ပြည့်နှစ် တက္ကသိုလ် အက်ဥပဒေကို ပြင်ဆင်ဖို့ ဥပဒေအကြမ်း တင်ခဲ့တယ်။ ပထမအဆင့်အနေနဲ့ ၁၉၂၄ ခုနှစ် ဧပြီလမှာ အစိုးရက ဥပဒေကို ပြင်ဆင်ဖို့ အတည်ပြုပေးခဲ့ရတယ်။ ဒါ့အပြင် ၁၉၂၄ ခုနှစ် ပြင်ဆင်ချက် ဥပဒေအရ အထက်ဗမာပြည်မှာ ဥပစာကောလိပ်ကို စတင် ဖွင့်လှစ်ဖို့ ကော်မတီဖွဲ့စည်း နိုင်ခဲ့တယ်။ ဒါကြောင့် အထက်ဗမာပြည် အတွက် ဥပစာ ကောလိပ်ကို မန္တလေးမြို့တောင်ပြင် ဗောဓိကုန်းရပ်ကွက် မှာရှိတဲ့ သိပ္ပံကျောင်းဝင်းထဲက တစ်ထပ်အုတ်တိုက်နီ ကလေးမှာ ၁၉၂၅ ခုနှစ် ဇူလိုင် ၄ ရက်မှာ စတင် ဖွင့်လှစ်ခဲ့ပါတယ်။

    အခုမန္တလေးတက္ကသိုလ်ဝင်းထဲ အဝင်မုခ်ဦး အကျော်လမ်းအရှေ့ဘက်က အုတ်တိုက်နီလေးပါ။ တက္ကသိုလ်သက်တမ်းတစ်လျှောက်လုံး အင်ဂျင်နီယာ ရုံး အဖြစ် ဖွင့်လှစ်ခဲ့တဲ့နေရာလေးပါပဲ။ အခုလက်ရှိမြင်နေရ တဲ့ မန္တလေး တက္ကသိုလ် ပင်မအဆောက်အအုံကြီးကတော့ ၁၉၂၁ ခုနှစ်မှာ အုတ်မြစ်ချပြီး ၁၉၂၄ ခုနှစ်မှာ စိုက်ပျိုး ရေး သိပ္ပံရုံးအဖြစ် ဖွင့်လှစ်ခဲ့တာပါ။

    မန္တလေးဥပစာကောလိပ် စပြီးဖွင့်လှစ်တော့ ကောလိပ်အုပ်ချုပ်ရေးအဖွဲ့မှာ ကပ္ပတိန်ကျော်ညွန့်က သဘာပတိအဖြစ်ဆောင်ရွက်တယ်။ မစ္စတာ ထင်ဝီ (M.A)က ကျောင်းအုပ်ကြီးနဲ့ အင်္ဂလိပ်ဘာသာကထိက၊ ဦးဖိုးသာ (M.Sc)က ရူပဗေဒနဲ့ ဓာတုဗေဒကထိက၊ ဦးလှပေါ်ဦး (M.A) က သင်္ချာကထိက၊ ဦးဘကျား(B.A)က ပါဠိမြန်မာစာ၊ မစ္စတာအက်စ်ဒါမိုဒါရမ်က သိပ္ပံ ပညာ နည်းပြတို့ ဖြစ်ကြတယ်။ မန္တလေးဥပစာကောလိပ် စဖွင့်တော့ ကျောင်း သူနှစ်ယောက်အပါအဝင် ကျောင်းသား ၃၁ ယောက်ရှိတယ်။ ဖွင့်လို့ တစ်နှစ်အကြာ ၁၉၂၆ ခုနှစ် သြဂုတ်လရောက်တော့ ဥပဒေပြုကောင် စီမှာ ရွှေတောင် ကြားပါတီက မန္တလေးဥပစာကောလိပ်က ကျောင်းသား နည်းလို့ ပိတ်ပါဆိုပြီး အဆိုတင်တယ်။ ဒါပေမယ့် မအောင်မြင်ခဲ့ဘူး။ မန္တလေးဥပစာ ပိတ်ပင်ရေးအစီအစဉ် ကတော့ ဒေသစွဲ၊ ပုဂ္ဂိုလ်စွဲအနေနဲ့ နောက်မဆုတ်ဘူး။ ၁၉၃ဝ ပြည့်နှစ်ရောက်တော့ မန္တလေးဥပစာကောလိပ်ပိတ် ရေး အစီအစဉ်နဲ့ ပတ်သက်ပြီး မန္တလေးမြို့ မြို့မိမြို့ဖတွေ ကလည်း ကန့်ကွက်ကြတယ်။ အိမ်တော်ရာ ၁၄ ခန်း ဇရပ်မှာလည်း ကျောင်းသားတွေက ရဟန်းပျိုသမဂ္ဂ၊ ဈေးချိုတော်၊ မန္တလေးမြို့ခံတွေနဲ့အတူ ကန့်ကွက်သပိတ် မှောက်ကြတယ်။ ဒါကြောင့် မန္တလေးဥပစာကောလိပ် ပိတ်ရေးကိစ္စဟာ အောင်မြင်မသွားခဲ့ပါဘူး။ အင်္ဂလိပ်အစိုးရ အနေနဲ့ ကမ္ဘာ့နိုင်ငံရေးချိန်ခွင်လျှာ အပြောင်းအလဲကြောင့် အကျပ်အတည်း ကျရောက်နေတာကြောင့်လည်းဖြစ်ပါတယ်။ ဒီလိုနဲ့စစ်ကြီးဖြစ်ပွားတော့ ဖွင့်လှစ်ဆဲမန္တလေး ဥပစာကောလိပ်ကို ဥပစာကောလိပ်ရဲ့ ကျောင်းသား ဟောင်းတစ်ယောက်ဖြစ်ခဲ့ပြီး လက်ရှိဥပစာကောလိပ် ဓာတုဗေဒဆရာဖြစ်သူ ဦးကိုလေး (ဇေယျာမောင်)က စောင့်ရှောက်ရတယ်။ မန္တလေးကိုလည်း စစ်ရောက်ရော ဥပစာကောလိပ်လည်း ပိတ်လိုက်ရတယ်။

    စစ်ကြီးပြီးတော့ မန္တလေးဥပစာကောလိပ်ပြန်ဖွင့်လှစ် နိုင်ရေးကို ဆရာကြီးဦးရာဇတ်နဲ့ ဆရာဦးကိုလေး (ဇေယျာမောင်)တို့ပဲ ပြန်လည် ဦးဆောင် ဆောင်ရွက်ကြ တယ်။ အင်္ဂလိပ်အစိုးရအနေနဲ့ကတော့ မသိလိုက်မသိ ဘာသာပါပဲ။ စစ်ကြီးအပြီး ဗိုလ်ချုပ်အောင်ဆန်းဦးဆောင်တဲ့ ဖဆပလအစိုးရ ဖွဲ့တော့ ဦးရာဇတ် ဝန်ကြီးတာဝန်အယူ ရန်ကုန်ရောက်စဉ် မန္တလေးဥပစာကောလိပ်ဖွင့်လှစ်နိုင်ရေးကို ဆရာဦးကိုလေးနဲ့ ထပ်မံကြိုးစား ကြပြန်တယ်။ ဒါကြောင့် ၁၉၄၇ ခုနှစ် မေ ၂၉ ရက်မှာပဲ ဆရာဦးကိုလေး (ဇေယျာမောင်)ကို ကျောင်းအုပ်ကြီးအဖြစ်ခန့်အပ်ပြီး မန္တလေး ဥပစာကောလိပ် ပြန်လည်ဖွင့်လှစ်ဖို့ တာဝန်ပေး လိုက်ပါတယ်။

    စစ်ကြီးကြောင့် ပျက်စီးသွားတဲ့ ပရိဘောဂတွေ၊ ကျောင်းဆောင်တွေ ပြန် လည် ရရှိဖို့ အခက်အခဲအမျိုးမျိုးကို ဆရာဦးကိုလေး(ဇေယျာမောင်)ဟာ ကြိုးစားကျော်ဖြတ်ပြီး ၁၉၄၈ ခုနှစ် ဇွန်လရောက်မှ မန္တလေးယူနီဗာ စီတီကောလိပ် အဖြစ် ပြန်လည်ဖွင့်လှစ်နိုင်ခဲ့တာပါ။ စိုက်ပျိုးရေးသိပ္ပံရုံး အဖြစ် အသုံးပြုဆဲဖြစ်တဲ့ ပင်မအဆောင်ကြီးကိုလည်း မန္တလေးယူနီဗာ စီတီကောလိပ် ပင်မစာသင်ဆောင်ကြီး အဖြစ် ခမ်းနားစွာ ဖွင့်လှစ်နိုင်ခဲ့ ပါတယ်။ မန္တလေးယူနီဗာ စီတီကောလိပ်ဖွင့်ပွဲကို မန္တလေးမြို့ လူထုကလည်း ဝမ်းပန်းတသာ ပါဝင်ဆင်နွှဲကြတယ်။

    မန္တလေးယူနီဗာစီတီကောလိပ်ဖွင့်လှစ်နိုင်ရေးကို အစွမ်းကုန်ကြိုးစားခဲ့တဲ့ ဆရာကြီး ဦးရာဇတ်ကတော့ ဖွင့်ပွဲမတိုင်ခင် ၁၉၄၇ ခုနှစ် ဇူလိုင် ၁၉ ရက်ကပဲ မသမာသူတို့ လုပ်ကြံမှုကြောင့် ကွယ်လွန်ခဲ့ရှာပြီပေါ့။

    ဒီဥပစာကောလိပ်ကလည်း အတိုက်အခံ အခက် အခဲအမျိုးမျိုးကြားက ရုန်းကန်ပြီး ဆရာကြီးဦးရာဇတ်နဲ့ ဆရာဦးကိုလေး (ဇေယျာမောင်) တို့ ကျေးဇူးကြောင့် ၁၉၄၈ ခုနှစ် ဇွန်လမှာ မန္တလေးယူနီဗာစီတီကောလိပ် အဖြစ် အဆင့်မြှင့်တင် ဖွင့်လှစ်နိုင်ခဲ့ပြီးတဲ့နောက် မြို့မိမြို့ဖတွေ ဆက်လက် အားထုတ်ကြိုးပမ်းခဲ့ကြလို့လည်း ၁၉၅၈ ခုနှစ် ဇွန် ၁ ရက်မှာ မန္တလေး တက္ကသိုလ်အဖြစ် သီးခြား ရပ်တည်ခဲ့တယ်။ ပြောင်းလဲလာတဲ့ ပညာရေး စနစ် တွေကြောင့် ၁၉၆၄ ခုနှစ်မှာ မန္တလေးဝိဇ္ဇာနှင့် သိပ္ပံ တက္ကသိုလ် အသွင်ပြောင်းခဲ့ရတယ်။ ၁၉၈ဝ ပြည့်နှစ်မှာ တော့ မန္တလေးတက္ကသိုလ်ဆိုတဲ့ မူလအမည်နဲ့ တည်ရှိခဲ့ တာပါ။

    မန္တလေးဥပစာကောလိပ်မှသည် မန္တလေးတက္ကသိုလ် ဆိုတဲ့ ဖြတ်သန်းမှု သမိုင်းရှည်ကြီးအတွင်း ဒီတက္ကသိုလ် ကြီးက ဂုဏ်ရောင်ပြောင်တဲ့ နိုင်ငံရေး သမားတွေ၊ ကဗျာဆရာ၊ စာရေးဆရာ၊ သတင်းစာဆရာကြီးတွေ၊ အရပ် ဘက်၊ စစ်ဘက်ဆိုင်ရာ အမှုထမ်းတွေ၊ ဌာနဆိုင် ရာ ပညာရှင်ကြီးတွေ၊ ပါမောက္ခကြီးတွေ မွေးထုတ်ပေးခဲ့ ရုံမက အနုပညာရှင်ပေါင်းများစွာ၊ အားကစားသမား ပေါင်းများစွာလည်း မွေးထုတ်ပေးခဲ့ပါတယ်။

    အခု… ခေတ်ပြောင်း စနစ်ပြောင်းချိန် ရန်ကုန် တက္ကသိုလ်ကြီးရဲ့ ပြန် လည်မွေးဖွားခြင်း အတိတ်ကောင်း နိမိတ်ကောင်းတွေနဲ့အတူ သမိုင်းအစဉ်အလာကြီးမားတဲ့ မန္တလေးတက္ကသိုလ်ကြီးကလည်း ဒီအချိန်အခါကောင်းမှာ လမ်းကြောင်းမှန်ပေါ် ပြန်လည်နိုးထ ရှင်သန်ဖို့ ကောင်းပါ တယ်။

    တကယ်တော့ ၁၉၂၅ ခုနှစ်မှာ ဖွင့်လှစ်ခဲ့တဲ့ မန္တလေး ဥပစာကောလိပ်ဟာ ၂ဝ၁၆ ခုနှစ်မှာ ၉၁ နှစ်တင်းတင်း ပြည့်ပါပြီ။ ဒါဟာ မန္တလေးအတွက် သာမက တစ်မျိုးသား လုံးအတွက် ကောင်းမွေပါပဲ။

    ပညာရေးကို အထူးဦးစားပေးပြီး ပြုပြင် ပြောင်းလဲကြမယ့် ခေတ်ပြောင်း စနစ်ပြောင်းမှာ သက်တော်ရှည် မန္တလေး တက္ကသိုလ်ကိုလည်း ပစ်မထား ကြပါနှင့်…။ ။

    ၁၉၊၄၊ ၂၀၁၆ ကြေးမုံ သတင်းစာမှ ကူးယူဖော်ပြသည်။

  • ၁၉၇၃ ရွှေတိဂုံစေတီတော်ကြီး မွမ်းမံပြင်ဆင်ခဲ့စဉ်က (ပါဝင်ပြုပြင်ခဲ့သည့် မွတ်လင်မ် ဘူမိ အင်ဂျင်နီယာ ကိုယ်တိုင်ရေး ဆောင်းပါး)

    ၁၉၇၃ ရွှေတိဂုံစေတီတော်ကြီး မွမ်းမံပြင်ဆင်ခဲ့စဉ်က (ပါဝင်ပြုပြင်ခဲ့သည့် မွတ်လင်မ် ဘူမိ အင်ဂျင်နီယာ ကိုယ်တိုင်ရေး ဆောင်းပါး)

    shwe bo tu taw sin kyee 4 par 1

    လှကြည်

    ဗုဒ္ဓံ ပူဇေမိ
    ဓမ္မံ ပူဇေမိ
    သံဃံ ပူဇေမိ
    .
    ၁၉၇၃ မှာ ရာသီဥတုဒဏ်ကြောင့် ပျက်စီးသွားတဲ့ ရွှေတိဂုံဘုရားကြီးရဲ့အစိတ်အပိုင်းတစ်ခုကို လှကြည်တို့တက်ပြီး ပြုပြင်မွမ်းမံတဲ့ အချိန်မှာ ရွှေတိဂုံဘုရားကြီးကို အရိုအသေပြုတဲ့အနေနဲ့ ရွတ်ဆိုခဲ့တာဖြစ်ပါတယ်။
    .
    လှကြည်ဆိုတဲ့ကောင်မလွယ်ဘူး။ သူနဲ့မဆိုင်တာတွေ လျှောက်လျှောက်ရွတ်နေတယ်လို့ အကြောင်းသိတွေက ပြောကြဦးမယ်။ တကယ်တော့ ရာသီဥတုဒဏ်ကြောင့် ရွှေတိဂုံစေတီတော်ကြီး ကိုယ်လုံးတော်မှာ ပျက်စီးချို့ယွင်းနေတာတွေကို စေတီတော်ပေါ်တက်ပြီး ဘူမိဗေဒအင်ဂျင်နီယာပညာနဲ့ (Grouting)တွေလုပ်၊ ပြုပြင်မွမ်းခံခွင့်ရခဲ့တာဖြစ်ပါတယ်။ အဲဒီအတွက် လှကြည် တော်တော်ပဲ ကုသိုလ်ရခဲ့ပါတယ်။ရွှေတိဂုံဘုရားကြီး တန်ခိုးကြီးလှပါပေတယ်။၁၉၇၃-နှစ်ဦးပိုင်းလောက်မှာ လေးဆူဓါတ်ပုံရွှေတိဂုံစေတီတော်ကြီးကို ထုံးစံအတိုင်း နှစ်နှစ်တစ်ကြိမ် ရွှေသင်္ကန်းကပ်နိုင်ဖို့ သန့်ရှင်းရေးလုပ်ခြင်း၊ ရေညှိများခွာခြင်းကိစ္စတွေကို ပန်းရန်ဆရာကြီးများအဖွဲ့က လုပ်ကိုင်ခဲ့ကြတယ်။ ပန်းရန်သမားတစ်ယောက်က စေတီတော်ကြီးရဲ့ ရှစ်မြှောင့်တစ်နေရာမှာ အဲဒီလိုရေညှိခွာရင်း သန်လျက်နဲ့ခေါက်ကြည့်လိုက်တော့ အတွင်းက လှိုဏ်သံကြားလိုက်ရတယ်။ အဲဒါနဲ့ ပိုပြီးသေချာအောင် ထပ်ပြီးပြင်းပြင်းလေးခေါက် လိုက်တော့ အဲဒီနေရာကအုတ်တွေက ဆွေးမြည့်နေလို့ သံလျက်က အတွင်းကို ကျွံဝင်နေပြီး အပေါက်ကြီးဖြစ်သွားတယ်။ အဲဒီအုတ်တွေကို ကိုင်ကြည့်လိုက်တဲ့အခါမှာ ပေါင်ဒါလိုအမှုန့်ဖြစ်သွားတယ်။ဒါနဲ့ ပန်းရန်သမားလေးလည်း သူ့ဆရာကိုခေါ်ပြီး စေတီတော်ကြီးရဲ့ ဂေါပကအဖွဲ့ဝင်များကို အကျိုးအကြောင်းသွားပြီး ပြောပြကြတယ်။ အဲဒီအပေါက်ကြီးက လူကြီးတစ်ယောက် ကောင်းကောင်းဝင်လို့ရအောင်ကျယ်နေတယ်။ အဲဒီအပေါက်ကြီးကနေ အားကောင်းတဲ့ လက်နှိပ်ဓါတ်မီးနဲ့ထိုးကြည့်တဲ့အခါ အောက်အနက် ဘယ်လောက်ရှိတယ်ဆိုတာ မမြင်နိုင်ဘူးဖြစ်နေတယ်။ ဒါနဲ့ ငြမ်းလုပ်ဖို့ထားတဲ့ ၁၂-ပေခန့်ရှည်တဲ့ ၀ါးလုံးနှစ်လုံးကိုဆက်ပြီး ထောက်ကြည့်ကြတယ်။ ဒါလည်းပဲ အောက်ကို လုံးဝ မထိမိဘူး။ စေတီတော်ကြီးအတွင်းက လှိုဏ်ခေါင်းက တော်တော်နက်ပြီးကျယ်နေတာကို သွားတွေ့ရတယ်။စေတီတော်ကြီးကို မိုးမကျမီမှာ ရွှေသင်္ကန်းအပြီးကပ်ရမှာမို့ ဂေါပကအဖွဲ့နဲ့ ပန်းရန်ဆရာများအဖွဲ့က ကြိုးစားပြီးမြန်မြန်ဆန်ဆန် လုပ်ကြရမှာဖြစ်တယ်။ ပန်းရန်ဆရာများအဖွဲ့က ဒီလှိုဏ်ခေါင်းကြီးကတော့ သူတို့အနေနဲ့ ဘယ်လိုမှ မလုပ်တတ်ကြောင်းကို ဂေါပကအဖွဲ့ကိုပြောတယ်။ ဂေါပကအဖွဲ့ဝင်များဖြစ်ကြတဲ့ ဦးလှမြင့်(BelAir)၊ ဦးသော်ဇင်(Handicap9)၊ ဦးထွန်းလွင်၊ ဦးအောင်သိန်းတို့က အဲဒီတုန်းက ဆောက်လုပ်ရေးဝန်ကြီးကိုတင်ပြတော့ အင်ဂျင်နီယာအကျော်အမော်တွေခေါ်ပြီး တိုင်ပင်ဆွေးနွေးကြတယ်။ ဘယ်သူမှ မလုပ်တတ်ကြဘူး။ မလုပ်ရဲကြဘူး။ အစိုးရအဖွဲ့အကြီးအကဲ ဗိုလ်ချုပ်ကြီးနေ၀င်းသိသွားတော့ “ဒီတန်ခိုးကြီးဘုရားကြီးကို ဂရုစိုက်ပြီးပြုပြင်ကြပါ။ ရှေးဟောင်းဘုရားကြီးလည်းဖြစ်တယ်။ ဒီလိုဘုရားကြီမျိုး တို့လည်းမတည်နိုင်ဘူး။ ငွေကုန်ချင်သလောက်ကုန်ပါစေ၊ ကောင်းအောင်လုပ်ကြပါ”ဆိုပြီး အမှာပါးလိုက်ပါတယ်။
    .
    ဂေါပကအဖွဲ့က ဒီအင်ဂျင်နီယာအကျော်အမော်တွေ မလုပ်တတ်ဘူးဆိုရင် အင်ဂျင်နီယာတွေ မွေးထုတ်ပေးနေတဲ့ စက်မှုတက္ကသိုလ်က ဆရာကြီး ပါမောက္ခချုပ် ဒေါက်တာအောင်ကြီးကို မေးမှပဲဆိုပြီး သူ့ကိုခေါ်ပြီးပြပါတယ်။
    .
    ဒေါက်တာအောင်ကြီးဟာ ကမ္ဘာကျော် မက်ဆာချူးဆက် စက်မှုတက္ကသိုလ်က ဒေါက်တာဘွဲ့(Ph.D) ရထားသူဖြစ်ပါတယ်။ ဒေါက်တာကြီးလည်း ဒီဧရာမလှိုဏ်ခေါင်းကြီးကိုကြည့်ပြီး ဘာမှမပြောနိုင်ပါ။
    .
    ဒေါက်တာအောင်ကြီးက “ဒီကိစ္စနဲ့ပတ်သက်ပြီး ကျွန်တော်တို့ အင်ဂျင်နီယာများကတော့ မတတ်ကျွမ်းပါဘူး။ တစ်ခုတော့ရှိပါတယ်။ Engineering Geologist များကတော့ တတ်ကျွမ်းပါတယ်။ ဒီနည်းကတော့ ဘိလပ်မြေမှုတ်သွင်းခြင်းပညာဖြစ်ပါတယ်။ သတ္ထုတွင်းဝန်ကြီးဌာန ဘူမိဗေဒနှင့် ဓါတ်သတ္ထုရှာဖွေရေးဦးစီးဌာနက Engineering Geologist များဟာ ဆည်မြောင်းဌာနမှ ဆည်များ(Dams)များ အက်ကွဲတဲ့အခါ၊ ရေများယိုစိမ့်ထွက်တဲ့အခါများမှာ သွားရောက်ပြီး Grouting လုပ်ပေးကြပါတယ်။ ဒီနည်းနဲ့သာလျှင် လုပ်လို့ရပါမယ်”လို့ အကြံပြုခဲ့ပါတယ်။
    .
    စေတီတော်ကြီးရဲ့ ဂေါပကအဖွဲ့ဝင်တွေဟာ အတော်ကြီးပေါက်ရောက်ပါတယ်။ ဒီကိစ္စကို သတ္ထုတွင်းဝန်ကြီးဌာနက ဒုတိယ၀န်ကြီး ဗိုလ်မှူးကြီး သူရအောင်ဖေကို ပြောပြလိုက်တယ်။ ချက်ချင်းပါပဲ။ ဘူမိဗေဒနှင့် ဓါတ်သတ္ထုရှာဖွေရေးဦးစီးဌာနက ညွှန်ချုပ်ဒေါက်တာတင်အေးကို တာဝန်ပေးလိုက်ပါတယ်။  ဒေါက်တာတင်အေးကလည်း Engeering Geology Section Head ဦးသိန်းလွင်ကို ချက်ချင်းအလုပ်စဖို့ အမိန့်ချလိုက်ပါတယ်။ အဲဒီအချိန် အဲဒီဌာနမှာက ဦးသိန်းလွင်နဲ့ ဦးလှကြည် နှစ်ဦးပဲရှိနေတဲ့အချိန်ဖြစ်ပါတယ်။ ဌာနက တစ်ခြားဝန်ထမ်းတွေဖြစ်တဲ့ ကိုမျိုးမြတ်၊ ကိုဥာဏ်စိုး၊ ကိုအောင်မြင့်စိုး၊ ကိုယောရှုတို့က အသက၊ အသက၊ နယ်အသီးသီးတာဝန်ကျရာဒေသတွေကိုသွားပြီး တာဝန်ထမ်းဆောင်နေကြရတယ်။ ဒီကိစ္စကို ၀န်ကြီးရုံးက အရေးကြီးလုပ်ငန်းအမှတ်စဉ်(၁)၊ ဦးစားပေးအဆင့်(၁) ချက်ချင်းဆောင်ရွက်ရန်လို့ သတ်မှတ်လိုက်တယ်။
    .
    ညွှန်ချုပ်က ဦးသိန်းလွင်ကိုခေါ်ပြီး ‘ဘာလိုလဲ၊ လိုတာပြောပါ’လို့ပြောတယ်။ ဦးသိန်းလွင်က မုံရွာ ကြေးနီစီမံကိန်းမှာရှိတဲ့ Grouting Machine ကို ရန်ကုန်သို့ အမြန်သယ်ဆောင်ပေးဖို့၊ အရည်အချင်းရှိတဲ့ လွန်တူးသမား(Driller) နှစ်ယောက်ပေးဖို့ တောင်းဆို လိုက်ပါတယ်။ (Driller မပါပဲ ဒီကိစ္စ လုံးဝလုပ်လို့ မရပါ။ ယခင့် ယခင်တုန်းကများ ဒီလိုတောင်းဆိုလိုက်ရင် ၃-၄ လနဲ့ ရောက်မလာဘူး။ ခုတော့လည်း မြန်လိုက်တာ။ ဒါတောင် နှစ်လတော့ ကြာသေးတယ်။
    .01
    Driller တွေ ရောက်လာရုံတင်မကဘူး Drilling Section Head ဦးစောထွန်း(Drilling CE)တောင် ပါလိုက်သေးတယ်။ ဦးစောထွန်းက အလွန်ဝပြီး ပေါင် ၂၂၀ ကျော်ပါတယ်။ အလွန် အသားမည်းပေမယ့် သူ့လုပ်ငန်းကို သူအလွန်ကျွမ်းကျင်ပြီး လူနဲ့မလိုက်အောင် လွန်စွာသွက်လက်ပေါ့ပါးတယ်။ Grouting Machine ကို Servicing လုပ်၊ သန့်စင်ဆေးကြောပြီး လုပ်ငန်းစလို့အချိန်ရောက်တော့ လုပ်ငန်းညှိနှိုင်းအစည်းအဝေးလုပ်ပါတယ်။
    .
    ရွှေတိဂုံစေတီတော်ဂေါပကအဖွဲ့ရုံးမှာပြုလုပ်တဲ့ အဲဒီအစည်းအဝေးမှာ ၁။ ရွှေတိဂုံစေတီတော်ဂေါပကအဖွဲ့၊ ၂။ ဆိပ်ကမ်းကော်ပိုရေးရှင်းမှ ဦးဥာဏ ခေါင်းဆောင်သောအဖွဲ့၊ ၃။ ဘဓရမှ ညွှန်ကြားရေးမှူးချုပ် ဒေါက်တာတင်အေးခေါင်းဆောင်တဲ့ Engineering Geologist အဖွဲ့တစ်ဖွဲ့၊ Drilling အဖွဲ့တစ်ဖွဲ့တို့ ပါဝင်ပါတယ်။
    .
    အဓိကဦးဆောင်ပြီးလုပ်ငန်းလုပ်ကိုင်မှာက ဘဓရ Engineering Geologist အဖွဲ့နဲ့ Drilling အဖွဲ့ပါပဲ။ ဆိပ်ကမ်းကော်ပိုရေးရှင်းကတော့ လိုအပ်တာတွေကို ကူညီပံ့ပိုးဖို့ပါပဲ။ ဂေါပကအဖွဲ့က “ကိုသိန်းလွင်တို့ ကိုလှကြည်တို့ ကောင်းအောင်ကြိုးစားပြီးလုပ်ကြပါ။ ငွေကိုတော့ အကန့်အသတ်မရှိ ကြိုက်သလောက်သုံးပါ”လို့ ပွင့်ပွင့်လင်းလင်းပြောပါတယ်။
    .
    ဂေါပကအဖွဲ့ကို ဦးသိန်းလွင်က တိုးတိုးတိတ်တိတ်တင်ပြတာ တစ်ခုရှိပါတယ်။
    .
        “ကိုလှကြည်ကို ကျွန်တော်တို့အားလုံး သိပြီးသားပါ။ သူက ဗုဒ္ဓဘာသာဝင်မဟုတ်ဘူး။ အဓိက ဒီလုပ်ငန်းကို သူပဲ အချိန်ပြည့်တာဝန်ယူပြီးလုပ်ရမှာ။ သူက မွတ်ဆလင်မို့ ကန့်ကွက်ချင်ရင် ခုကတည်းကပြောပါ။”
    .
        ဂေါပကအဖွဲ့က “မကန့်ကွက်ပါဘူး၊ လုပ်စရာရှိတာ လုပ်သာလုပ်ပါ”တဲ့။
    .
        ဒါကြောင့် မောင်လှကြည် မွတ်ဆလင်၊ ဘုရားပေါ် ရောက်လာတာပါ။
    .
    ခုနတုန်းက ပန်းရံဆရာတွေ တွေ့ရှိခဲ့တဲ့ ဧရာမလှိုဏ်ခေါင်းကြီးဆိုတာကို ရှစ်မြှောင့်ပစ္စယာ စနေထောင့်မှာ တွေ့ရတာပါ။ စနေထောင့်ဆိုတာ အကြမ်းနားလည်အောင်ပြောရရင် ဦးဝိစာရကျောက်တိုင်ဘက် နည်းနည်းကျပါတယ်။ ဒီလို အက်ကြောင်းကြီးက စနေထောင့်မှာပဲ ဖြစ်ပါတယ်။ အရှေ့၊ အနောက်၊ တောင်၊ မြောက် စတဲ့ဘက်တွေမှာလည်းမဖြစ်ဘူး။ တနင်္ဂနွေ၊ တနင်္လာ၊ အင်္ဂါ၊ ဗုဒ္ဓဟူး၊ ကြာသပတေး၊ သောကြာ ထောင့်တွေမှာလည်းမဖြစ်ဘူး။ ဘာလို့ စနေထောင့်တစ်ခုတည်းမှာပဲဖြစ်ရသလဲဆိုတော့ စနေထောင့်ဟာ မုတ်သုံရာသီ (Moonsoon Weather)ကို တိုက်ရိုက်တည့်တည့်ခံရတဲ့ နေရာဖြစ်တယ်။ နှစ်ပေါင်းတစ်ထောင်ကျော်ကျော်လောက် ရာသီဥတုဒဏ်၊ ရေဒဏ်၊ မိုးဒဏ်နဲ့ ရေတိုက်စားမှုဒဏ်ခံခဲ့ရတယ်။ အဲဒီရေတွေထဲမှာလည်း ငှက်မျိုးစုံရဲ့ အညစ်အကြေးတွေ ပါလာပြီး အက်ဆစ်ပျော်ရည်အပျော့စားဖြစ်ပြီး စားသွားတာလည်းပါမှာပေါ့။ ဒီရာသီဥတုရဲ့ဒဏ်ကို နှစ်ပေါင်းများစွာခံခဲ့ရတဲ့အတွက် လှိုဏ်ခေါင်းဟာ ဖြည်းဖြည်းချင်းဖြစ်လာတာပါ။
    .
    ဒီ ရွှေတိဂုံဘုရားကြီးကို ရွှေချတယ်၊ ရွှေသင်္ကန်းကပ်တယ်ဆိုတာ တကယ့်ရွှေအစစ်ကို ကပ်ရတာ။ အကြိမ်ပေါင်းများစွာ ရွှေချခံရလို့ အချို့နေရာတွေမှာ ရွှေအထူကြီးဖြစ်နေတယ်။ တချို့ အတုံးလိုက်၊ အခဲလေးတွေ၊ အဖတ်ဖတ်ကလေးတွေကို ဒီအတိုင်း ရှစ်မြှောင့်ပစ္စယာနဲ့ အခြားပစ္စယာပေါ်မှာ ကျနေတာတွေ တွေ့ခဲ့ရတယ်။ ဒီပစ္စယာအတွင်းပိုင်းကို လူတိုင်းမ၀င်ရဘူးလေ။ လူတကာဝင်ရင် ဒီရွှေအတုံးလေးတွေ ဘယ်တွေ့ရတော့မတုံး။ အထူးယုံကြည်ရတဲ့လူ တာဝန်ရှိသူနဲ့ ဂေါပကအဖွဲ့တွေသာ ၀င်ရတာကိုး။ မိုးရေတိုက်စားပြီးပါလာတဲ့ ဒီရွှေတွေကို နှစ်စဉ်နှစ်တိုင်း စနစ်တကျစစ်ပြီး ရွှေချောင်းပြန်လုပ်ထားတာ ဂေါပကအဖွဲ့မှာ တွေ့ရတယ်။
    .
    Groating လုပ်တယ်ဆိုတာ Grout ကို စက်နဲ့ ကိုယ်လိုချင်တဲ့နေရာကို မှုတ်သွင်းတာပဲ ဖြစ်ပါတယ်။ Grout ဆိုတာ ရွှံ့၊ သဲ၊ ဘိလပ်မြေနှင့် တခြားအမှုန့် စတာတွေကို လိုသလို အချိုးအစားအမျိုးမျိုး ရေနဲ့ရောစပ်ပြီး စက်ရဲ့မှုတ်အား၊ ဖိအား Pressure နဲ့ ကိုယ်ရောက်စေချင်တဲ့နေရာကို ပိုက်တပ်မှုတ်သွင်းတာပဲဖြစ်ပါတယ်။ Pressure အတက်အကျကို Pressure Gauge နဲ့ ထိန်းထားရပါတယ်။ ဘယ်လိုနေရာ၊ ဘယ်လိုအခြေအနေမှာ Pressure ဘယ်လောက်ပဲ ရှိနေရမယ်ဆိုတာကို Geologist အမြဲပြောပြရမယ်။ ဒါ သူ့တာဝန်ပဲဖြစ်ပါတယ်။ Pressure များသွားရင် DAM ကွဲထွက်သွားနိုင်တယ်။ ကြောက်စရာကောင်းတယ်။
    .
    ၁၁-၁-၁၉၇၃ မှာ ရှစ်မြှောင့်ပစ္စယာ စနေထောင့်ကစပြီး Grouting လုပ်ပါတယ်။ လှကြည်ဆိုတဲ့ကောင်ကတော့ နံနက်အစောကြီး ၅-နာရီလောက်ကတည်းက ဘုရားပေါ်တက်၊ လူရှင်းတဲ့ ဇရပ်တစ်ခုကနေပြီး ဦးသုံးကြိမ်ချကာ ဘုရားရှိခိုးတော့တာပဲ။ ဒီကောင်က မြို့မကျောင်းသားဆိုတော့ ဗုဒ္ဓဘာသာ ဘုရားရှိခိုးနည်း ကောင်းကောင်းနားလည်တယ်။ သူပြောတာက “ဘာသာရေးဘေးဖယ်ထားပြီး သူ့အရပ်၊ သူ့ဒေသ၊ သူ့အရိပ် အာဝါသကို မှီခိုရတော့မယ်ဆိုရင် သူ့ကို အရိုအသေပေးရမယ်။ သူ့စည်းကမ်းအတိုင်း သူ့ကို ရိုသေလေးစားစွာ ရှိခိုးဦးချရမယ်”တဲ့။ သူ နေ့တိုင်းနေ့တိုင်း ဒီလိုလုပ်ပြီးမှ စိတ်အေးလက်အေးနဲ့ ဘုရားပေါ်တက် အလုပ်လုပ်တယ်။
    .
    ဒီမှာတော့ Grout ကို ဘိလပ်မြေပဲသုံးပြီး ရေ ၂၂-ဂါလန်ကို ဘိလပ်မြေ ၄-အိပ် အချိုးနဲ့ ရောစပ်ပါတယ်။ Pressure ကို Zero P.S.I သုည၊ တစ်ခါတစ်ရံ One P.S.I လောက်ပဲ သုံးတယ်။ တစ်နေ့တာ အလုပ်ကို မနက်က စလိုက်တာ ည ၉-နာရီ ၁၀-နာရီလောက်မှာမှ လက်စသတ်ပါတယ်။ Grouting စလုပ်တဲ့ ပထမနေ့တွေမှာတော့ ဒေါက်တာအောင်ကြီးတို့ ဒေါက်တာတင်အေးတို့ လာကြတာပေါ့။ နောက် ရက်တွေကြာလာတော့လည်း ထပ်ပြီးမလာကြတော့ပါဘူး။ ဆရာဦးသိန်းလွင်ကတော့ သူ့တာဝန်မပြတ်သေးတဲ့ တခြားအရပ်ဒေသတွေ သွားလိုက်၊ ပြီးတော့ ပြန်လာလိုက်ပါပဲ။ လှကြည်ဆိုတဲ့ကောင်ကတော့ နေ့တိုင်းရှိပါတယ်။
    .
    လုပ်ရကိုင်ရတာ အစပိုင်းမှာတော့ ရင်တုန်ရတယ်။ ကြောက်စရာကောင်းတယ်။ လုပ်ရတဲ့လုပ်ငန်းက စွန့်စားရတဲ့လုပ်ငန်းတစ်ခုပါပဲ။ စောစောကပြောသလို လိုအပ်တဲ့ Pressure ကို မထိန်းနိုင်ရင်၊ ထိန်းနေတဲ့ကြားထဲက တစ်ခုခုချွတ်ချော်သွားခဲ့ရင်၊ လုပ်ရင်းကိုင်ရင်း Pressure အလိုလို တက်သွားရင် ကိစ္စချောပြီ။ ပြီးပြီ။ ရွှေတိဂုံစေတီတော်ကြီး ပြိုကျသွားမှာပေါ့။ စေတီတော်ကြီးပြိုကျသွားရင် ‘ငလှကြည် နင်လည်းသေလိုက်တော့’။ ဒီဘုရားကြီးဟာ မြန်မာပြည်သာမဟုတ်၊ ဗုဒ္ဓဘာသာတစ်ခုတည်းသာမဟုတ်၊ တစ်ကမ္ဘာလုံးမှာရှိတဲ့ လူသားတွေရဲ့ မေတ္တာစုဝေးရာဖြစ်တယ်။ တစ်စုံတစ်ခုသာ လွဲမှားသွားလို့ကတော့ အဲဒီ မေတ္တာစူးတာနဲ့ သေသွားနိုင်တယ်။ ဘုရားကြီးရဲ့သက်တမ်းကလည်းကြည့်ဦး နှစ်ပေါင်း ၂၅၀၀ ကျော်ပြီ။
    .
    အဲဒီလို စွန့်စားလုပ်ကိုင်ရတာကလွဲရင် ကျန်တာ လုပ်ရကိုင်ရတာ စိတ်ချမ်းသာစရာကောင်းပါတယ်။ Driller တွေကလည်း ဦးရွှေ၊ ဦးဇော်ဝင်းအပြင် Drilling CE ဦးစောထွန်းကြီးကိုယ်တိုင် ပါဝင်လေတော့ အစစအရာရာ အဆင်ပြေပါတယ်။ ဂေါပကအဖွဲ့က နံနက်စာ၊ နေ့လည်စာ၊ ညစာ ကောင်းကောင်းမွန်မွန်ကျွေးတဲ့အပြင် ပြန်ရင်လည်း ဒံပေါက်တစ်ထုတ်စီ ပေးလိုက်သေးတယ်။ ကောင်းလေစွ၊ ကောင်းလေစွ။
    .
    လှကြည်ဆိုတဲ့ကောင်က ဦးသိန်းလွင်ရဲ့နောက်လိုက်သာဖြစ်ပေမယ့် ဒီကိစ္စကို သိပ်ကျေနပ်ပြီး ဂုဏ်ယူလို့မဆုံးဖြစ်နေတယ်။ Grouting စလုပ်တဲ့နေ့ နောက်တစ်ရက်နံနက် ကြေးမုံသတင်းစာထဲမှာ ရွှေတိဂုံဘုရားပေါ်မှာ လှကြည် အလုပ်လုပ်နေတဲ့ပုံကြီး မျက်နှာစာမှာ ပါလာပါလေရော။ တယ်လီဖုန်းလာပြီ အစ္စလာမ်သာသနာရေးရာကောင်စီ ဥက္ကဌကြီး မိုဟာမက် ဂါဇီဟာရှင်ထံမှ “မောင်လှကြည် အလွန်ကောင်းတဲ့ကိစ္စကို ဆောင်ရွက်တဲ့အတွက် တို့က ဂုဏ်ယူပါတယ်။ အေး တို့ဗလီတွေပျက်တဲ့အခါလည်း လာလုပ်ပေးပါဦး”တဲ့။
    .
    ဟောက်ကဲ့ – ဟောက်ကဲ့ – ဟောက်ကဲ့ (ဆလမ္မာလေကွန်း)
    .
    (၁၉၇၃၊ ရွှေတိဂုံစေတီတော်ကြီး Grouting ပြုလုပ် ပြင်ဆင်မွမ်းမံခြင်း အစီရင်ခံစာ၊ ရနံ့သစ်မဂ္ဂဇင်းပါ ရွှေတိဂုံစေတီတော်ပြုပြင်ခြင်း ဆောင်းပါး ကို တည်းဖြတ်ဖော်ပြထားခြင်းဖြစ်ပါသည်။)
    .=======================================
    ကို ညီလင်းဆက် Scan ဖတ်ပေးပြီး FB တွင်  မျှဝေထားသည်ကို Type ၇ိုက်ပြီးပြန်လည်ဖော်ပြခြင်းဖြစ်ပါသည်။

    မူရင်းထဲကအတိုင်း စာလုံးပေါင်း မပြင်ထားပါ။

    ၂၀၁၂ ခုနှစ် ဇူလိုင်လ ၂ ရက်နေ့ M-Media တွင် ဖော်ပြခဲ့သည့် ဆောင်းပါးကို ပြန်လည်ဖော်ပြအပ်ပါသည်။

  • ကျည်ဆံနှင့် ဗုံးဆံများအကြား ဆီးရီးယားပြည်သူများ၏ သောကကို ဖြေသိမ့်ပေးကြသူများ

    ကျည်ဆံနှင့် ဗုံးဆံများအကြား ဆီးရီးယားပြည်သူများ၏ သောကကို ဖြေသိမ့်ပေးကြသူများ

    ဧပြီ ၁၆၊ ၂၀၁၆
    M-Media

    syria 2

    – ပဋိပက္ခအတွင်း ခြေလက် ဆုံးရှုံးခဲ့ရသူများ လမ်းပြန်လျှောက်နိုင်ရေး၊ ကလေးသဘာဝ ကစားခုန်စားနိုင်ရေးတို့အတွက် ဆီးရီးယားရှိ လူငယ်ကျောင်းသားနှစ်ဦးက ရွေ့လျားဆေးခန်းငယ်လေးဖြင့် တစ်မြို့ဝင်တစ်မြို့ထွက် ကူညီပေးနေသည်။

    လွန်ခဲ့သည့် ၄ နှစ်အတွင်း အဆိုပါ လူငယ်နှစ်ဦးမှာ ခြေလက်အင်္ဂါ ချို့တဲ့နေသော လူပေါင်း ၂၅၀၀၀ ခန့်ကို ခြေလက်တု ၅၀၀၀ ခန့် တပ်ဆင်ပေးခဲ့ပြီဖြစ်သည်။ သာမန်ထရပ်ကားအဖြူဖြင့် ၎င်းတို့၏ ရွေ့လျားဆေးခန်းလေးကို စတင်ခဲ့သည်မှာ ၆ လပင် မပြည့်တတ်သေး။ သို့သော်လည်း အောင်မြင်မှုလမ်းကြောင်းပေါ်သို့ ရောက်ရှိနေပြီဖြစ်သည်။

    သမ္မတ ဘာရှာ အလ်-အာဆတ် အစိုးရတပ်များနှင့် သူပုန်များအကြား ဖြစ်ပွားခဲ့သည့် ၅ နှစ်ကြာစစ်ပွဲအတွင်း ဆီးရီးယားပြည်သူ အနည်းဆုံး ၂ သိန်းခွဲခန့် အသက်ဆုံးရှုံးခဲ့ရပြီးဖြစ်သည်။ ဒဏ်ရရသူများကတော့ ရေတွက်၍ပင်မရ။

    ဒဏ်ရာရသူများစုမှာ အသက် ၁၅ နှစ်မှ ၄၅ နှစ်အရွယ်ကြား ဖြစ်ကြသော်လည်း အဆိုပါ လူငယ်နှစ်ဦး၏ ရွေ့လျားဆေးခန်းက ကလေးငယ်များနှင့် သက်ကြီးရွယ်အိုများကိုပင် ခြေတုလက်တုများ အစားထိုးပေးနေလေသည်။

    “လူနာတစ်ဦး အထူးသဖြင့် ကလေးငယ်လေးတွေကို ခြေတုလက်တု တပ်ပေးတဲ့အချိန် ဖြစ်လာတဲ့ခံစားမှုက ဖော်ပြလို့ကို မရပါဘူး။ သူတို့က လမ်းလျှောက်ချင်တယ်။ ကစားချင်ကြတယ်။ ဒါကြောင့် သူတို့လေးတွေ လမ်းပြန်လျှောက်လို့ရအောင် ကူညီပေးနိုင်တာဟာ တစ်မူထူးခြားတဲ့ ခံစားမှုပါပဲ” ဟု အမ်ဂျဒ် ဟဂ်ျ ခါမစ်က ပြောကြားခဲ့သည်။

    အသက် ၂၄ နှစ်အရွယ်ရှိ ခါမစ်မှာ ဟုမ်စ်တက္ကသိုလ်တွင် ပြင်သစ်စာပေကို သင်ကြားနေသူဖြစ်ပြီး ၎င်း၏ လုပ်ဖော်ကိုင်ဖက်ဖြစ်သူ အသက် ၂၅ နှစ်အရွယ် အဘ်ဒဲလ်ရာဟင် ခွလ်ဖ်မှာ ကျောင်းဆရာတစ်ယောက်ဖြစ်ရန် သင်တန်းတက်နေသူဖြစ်သည်။ သို့သော်လည်း ကျောင်းတက်ပြီး ၄ လအကြာတွင်ပင် မြို့တွင်း အခြေအနေ ဆိုးလာသောကြောင့် ၎င်းတို့၏ အိပ်မက်အား စွန့်လွှတ်ခဲ့ရသေလည်။

    ထို့နောက် ၎င်းတို့နှစ်ဦးစလုံးမှာ ဆေးရုံတစ်ရုံတွင် အလုပ်ဝင်ခဲ့ပြီး ခြေတုလက်တုများ ပြုလုပ်တပ်ဆင်နည်းကို သင်ကြားခဲ့ရသည်။ ထို့ပြင် တူရကီနယ်စပ်မြို့ ရီဟာနီယာ၊ ပါကစ္စတန်၊ ဗြိတိန်နှင့် ဂျာမနီတို့အထိပင် သွားရောက်သင်ယူခဲ့ရသည်။

    ၎င်းတို့ကုသပေးသော လူနာများတွင် နိုင်ငံအနောက်မြောက်ပိုင်းရှိ အတိုက်အခံတပ်များ ထိန်းချုပ်ထားရာ အ စ်ဒလစ်ဘ်ပြည်နယ်၊ ဒမတ်စကတ်ရှိ ဒူးမားရပ်ကွက်နှင့် နိုင်ငံမြောက်ပိုင်း အဲလစ်ပိုမြို့မှ လာကြသူများပင် ပါဝင်သည်။ အဲလစ်ပိုမှာ ပဋိပက္ခမဖြစ်ပွားခင် ဆီးရီးယား၌ အကြီးဆုံးမြို့တစ်မြို့ ဖြစ်ခဲ့သည်။

    ခြေလက်အင်္ဂါချို့တဲ့သူများ၏ အရေအတွက်က ၎င်းတို့၏ ရွေ့လျားဆေးကုခန်းမှ ကူညီပေးနိုင်သည့် ပမာဏထက် ပိုများလေသည်။ ရွေ့လျားဆေးခန်း ရောက်ရှိရာနေရာတိုင်းတွင် လူနာများအား ဗုံးဒဏ်မခံရအောင် ကာကွယ်ပေးရခြင်းမှာ အမြဲတမ်းလိုလို ရင်ဆိုင်နေရသည့် ပြဿနာဖြစ်သည်ဟု ခါမစ်က ပြောကြားခဲ့သည်။ ကုလကတော့ ဆီးရီးယားတွင် အကူအညီမရသည့် ပြည်သူအရေအတွက်မှာ ၄.၆ သန်းရှိသည်ဟု ခန့်မှန်းတွက်ချက်ထားသည်။

    ခါမစ်တို့၏ ရွေ့လျားဆေးကုခန်းမှ အကျိုးခံစားရသူများထဲတွင် အဘိုး၏နေအိမ်သို့အသွား မြေမြှုပ်မိုင်း နင်းမိသောကြောင့် ခြေတစ်ဖက်ဆုံးရှုံးခဲ့ရသည့် အသက် ၉နှစ်အရွယ် သမီးငယ်လေး ဆလ်မာလည်း ပါဝင်လေသည်။

    “ဆေးရုံမှာ သတိရလာတော့ သမီးရဲ့ ခြေထောက်တစ်ဖက် မရှိတော့ပါဘူး။ အစကတော့ သမီး အားငယ်သွားတယ်။ ဒါပေမယ့် အဖေက ခြေတောက်အတုရမယ်ဆိုပြီး ပြောလိုက်တော့ တော်တော်ပျော်သွားပါတယ်” ဟု ဆလ်မာက ပြောကြားခဲ့သည်။

    အသက် ၁၄ နှစ်အရွယ် လူငယ်လေး ကူဆေးမှာ ၂၀၁၅ ခုနှစ် ဖေဖော်ဝါရီတွင် ၎င်း၏ အမြွှာညီအကို အဒီနှင့်အတူ သိုးကျောင်းသွားစဉ် မြေမြှုပ်မိုင်းနင်းမိမှုကြောင့် ခြေထောက်တက်ဖက်နှင့် ညာဘက်လက်တစ်ဖက် ဆုံးရှုံးခဲ့ရသည်။ မိုင်းကို တိုက်ရိုက်နင်းမိခဲ့သည့် အဒီက နေရာတွင် ပွဲချင်းပြီး သေဆုံးခဲ့သည်။ ကူဆေးက အမြှောက်ဆံများမှာ ယခုထိ ၎င်း၏ ဦးနှောက်အနီး ရှိနေသည်ဟု ပြောကြားခဲ့သည်။

    အစ်ဒလစ်ဘ်ပြည်နယ် အဘူမာလစ်မြို့မှ ကူဆေးတစ်ယောက် ခြေတုလက်တို့ကြောင့် ၎င်း၏ နဂိုမူလ လွတ်လပ်သော သဘာဝအနည်းငယ်ကို ပြန်လည်ရရှိခဲ့လေသည်။

    “ကျွန်တော်က အမြဲတမ်း ထွက်ကစားတယ်။ ဒါမှမဟုတ် သိုးကျောင်းပါတယ်။ အိမ်မှာထိုင်နေရတာကို ကျွန်တော် မကြိုက်ဘူးဗျ” ဟု ကူဆေးက ပြောကြားခဲ့သည်။

    Ref: Reuters