Category: ဆောင်းပါး

 

– ဤတိုက်ခိုက်မှုများမှာ မြို့အသီးသိးရှိ အပြစ်မဲ့ပြည်သူများကို ပစ်မှတ်ထားအကြမ်းဖက်သတ်ဖြတ်သောလုပ်ရပ်တို့နှင့် ထပ်တူထပ်မျှဖြစ်နေသည်။

အပြစ်မဲ့ပြည်သူများကို ပစ်မှတ်ထားအကြမ်းဖက်မှု၏ထုံးစံအတိုင်း လတ်တစ်လော ဘရပ်ဆဲလ်တိုက်ခိုက်မှုများ၌ သေကြေဒဏ်ရာရသူ အများအပြား ရှိခဲ့သည်။

“ဘယ်လ်ဂျီယံမြို့တော် ဘရပ်ဆဲလ်လေဆိပ်နဲ့ မြေအောက်ဓာတ်ရထားလမ်းကြောင်းထဲ တစ်ချိန်တည်း ဗုံးခွဲတိုက်ခိုက်မှုတွေကြောင့် အနောက်တိုင်းဥရောပတစ်ခွင်မှာ အပြင်းအထန် လုံခြုံရေးသတိပေးခဲ့ကြတယ်။ လူသုံးဆယ်အထက် သေဆုံးပြီး ဒဏ်ရာရသူရာဂဏန်းရှိတယ်။ အရေးပေါ်ကုသနေရသူတွေလည်း အများအပြားပါပဲ” ဟု အလ်ဂျဇီးရားမှ သတင်းထုတ်ပြန်ခဲ့သည်။

နာရီအနည်းငယ်အကြာတွင် ISIL အုပ်စု၏လက်ချက်ဖြစ်ကြောင်း အီရတ်ရှိ ISIL ထောက်ခံသူများဟု ယူဆရသူများ၏ တွစ်တာအကောင့်တစ်ခုမှ “သားသတ်ကွင်းလုပ်ဖို့ ငါတို့ လာပြီ” ဟူသော အသားယူရေးသားချက်အရ သိရသည်။

“ဘယ်လ်ဂျီယံက IS ကို ဗုံးကြဲချင်ခဲ့တယ် မဟုတ်လား။ ခုတော့ မင်းတို့ရဲ့လက်တွေက ဒဏ်ရာကို မြည်းကြည့်ဦး” ဟူ၍လည်း ယုတ်ညံ့စွာရေးသားထားကြကြောင်း တွေ့နိုင်ပေမည်။

အလားတူစွာပင် အစ္စလာမ်ကိုရှုတ်ချရေး၊ မွတ်စ်လင်မ်များအား အပုပ်ချရေး၊ နိုင်ငံခြားသားမုန်းတီးရေး စသော ငွေကြေးတောင့်တင်းသည့် လက်ျာစွန်းရောက် မှိုင်းတိုက်အုပ်စုများကလည်း အပြန်အလှန် ရေးသားနေကြ၏။ လက်ရှိတွင် ထိုအရေးတို့ကို စံပြလုပ်ဆောင်နေသူများမှာ ရီပတ်ပလီကန်အမတ်လောင်းများဖြစ်သော ဒေါ်နယ်ထရမ့်နှင့် တက်ဒ် ခရုဇ် ကဲ့သို့လူစားများ ဖြစ်သည်။

စနစ်တကျကြံစည်ထားသော အကြမ်းဖက်မှု

သို့ဖြစ်ရာ ယင်းသံသရာဆိုးက ရှေ့ဆက် သက်ဆိုးရှည်ဦးပေမည်။ လူသတ်ရာဇ၀တ်ကောင်များသည် အပြစ်မဲ့ပြည်သူများကိုပစ်မှတ်ထား၍ စံနစ်တကျကြံစည်ထားသောအကြမ်းဖက်မှုလုပ်ရပ်များကို ကျူးလွန်လေ့ရှိကြသည်။ အစ္စလာမ်အပေါ်တစ်ဖက်သတ်ရွံကြောက်နေကြသည့် နာဇီလက်သစ်များအနက် စိတ်တူကိုယ်တူများသည်လည်း ၎င်းတို့၏ဘက်တော်သားများ အကြမ်းဖက်မှုသံသရာမှ ရှောင်ကွင်းလိုက်သည့်နေရာတွင် အစားထိုးဝင်ရောက်လာကြပြန်သည်။

ဘရပ်ဆဲလ်မှ ဘေရွတ်၊ ပဲရစ်မှ အစ္စတန်ဘူလ်၊ ဘဂ္ဂဒက်မှ ဆန်ဘာနာဒီနိုအထိ ကမ္ဘာတစ်ဝှန်း အပြစ်မဲ့လူထုများမှာ ဤသံသရာဆိုးထဲ ဆွဲသွင်းခံနေကြရ၏။

ဤသံသရာဆိုးအား အမျိုးအစားအလိုက် ချိုးဖျက်ရန်၊ အယူအဆရေးရာ ထွက်ပေါက်ပေးရန် လိုအပ်နေပေသည်။ ဘရပ်ဆဲလ်၌ အပြစ်မဲ့ပြည်သူတို့အပေါ်သက်ရောက်သည့် သတ်ဖြတ်ပွဲမှာ အစ္စလာမ်လောက၌ အပြစ်မဲ့ပြည်သူတို့အပေါ် သက်ရောက်သည့် သတ်ဖြတ်ပွဲ၏ ထိုးထွက်လာမှုဖြစ်သည်၊ တုန့်ပြန်မှု (တစ်နည်း) ကလဲ့စား မဟုတ်ချေ။

ISIL အလံ၏၀န်းကျင်၌ ရာဇ၀တ်ကောင်များ စုရုံးရောက်ရှိလာရာဝယ် ကမ္ဘာအနှံ့ ယုတ်မာရက်စက်မှုများ ကျူးလွန်ပြုလုပ်လာကြသည်။ အနောက်တိုင်း၏ စော်ကားချက်များအပေါ် လက်စားချေလုပ်ရပ်များအဖြစ် ၎င်းတို့က ဖော်ပြကြသည်။ ထိုအရာတို့သည် လက်စားချေသော၊ တုန့်ပြန်သောလုပ်ဆောင်ချက်များ မဟုတ်ကြ။ စင်စစ်၌ နေရာဒေသအသီးသီးရှိ အပြစ်မဲ့လူထုများအပေါ် ပစ်မှတ်ထား၍ အကြမ်းဖက်သတ်ဖြတ်သည့်လုပ်ရပ်များနှင့် အတူတူပင်ဖြစ်၏။

မိမိကိုယ်ကို ISIL ဟု ခေါ်ဆိုနေကြသည့် လူသတ်အုပ်စုသည် ကလိန်ဥာဏ်သမားများ၊ မိစ္ဆာ၏အဆက်အနွယ်များဖြစ်ပြီး “တိုက်ပွဲဝင်နေကြသူများ” ဟုဆိုကာ အရေခြုံထားကြ၏။

ISIL နှင့် အစ္စလာမ်မုန်းတီးသူများ

မိမိတို့မှာ အပြစ်ကင်းသူများဖြစ်သည်၊ အဆိုပါအကြမ်းဖက်လုပ်ရပ်များနှင့် ပတ်သက်မှုမရှိပါ ဟူသည့် စကားထောင်ချောက်အတွင်းသို့ မွတ်စ်လင်မ်များ မသက်ဆင်းအပ်။ စင်စစ် အပြစ်မကင်းကြပေ။ ကမ္ဘာကြီးပူနွေးလာသည့်ပြဿနာမှာ မိမိတို့နှင့်မသက်ဆိုင်ဟု ပြောဆိုခြင်းကဲ့သို့ဖြစ်နေ၏။

ရာဇ၀တ်မှု နှင့် အပြစ်မရှိကြောင်းကြေငြာခြင်းတို့အကြားတွင် ယုတ္တိတန်သောအဆက်အစပ် မရှိပါ။ ဤသည်မှာ အစ္စလာမ် မဟုတ် – အစ္စလာမ်သည် ငြိမ်းချမ်းသောသာသနာဖြစ်၏ – မွတ်စ်လင်မ်အများစုမှာ ငြိမ်းချမ်းစွာနေထိုင်သူများဖြစ်၏ ဟူ၍ ကြေငြာနေခြင်းသည်ပင်လျှင် လူ့အဖွဲ့အစည်းတစ်ရပ်လုံးအား အပြစ်တင်ရန် လမ်းဖွင့်ပေးရာရောက်နေပါသည်။

ဥရောပနှင့် အမေရိကရှိ ဝေဖန်ရေးသမားများသည်လည်း မွတ်စ်လင်မ်တို့အား ယင်းသို့သော စွပ်စွဲချက်အပေါ် ချေပနေခြင်းကို ရပ်တန့်ရပေမည်။ အမှန်တကယ်မရှိသောအရာအား ဟန်ပြတာဝန်ယူပြနေသကဲ့သို့ဖြစ်နေ၏။

မွတ်စ်လင်မ်တို့သည် မိမိကိုယ်ကို ကာကွယ်ချေပလေ၊ အမေရိကနှင့်ဥရောပနိုင်ငံများရှိ စေတနာလွန်သူတို့မှ မွတ်စ်လင်မ်တို့အား အပြစ်တင်မှုသက်သာအောင် ပြုလုပ်လေလေ၊ ဤသံသရာဆိုးကြီး အဓွန့်ရှည်လေလေ ဖြစ်နေပေသည်။

ဤသည်မှာ ပုံစံတူစစ်မက်ပွဲစားနှစ်ဖွဲ့ဖြစ်ကြသော ISIL နှင့် အစ္စလာမ်မုန်းတီးသူများကို ပေါင်းစည်းပေးလိုက်သည့် ထောင်ချောက်တစ်ခု၊ အယူအဆရေးရာ ပရိယာယ်တစ်ရပ်၊ ကောလဟလတစ်မျိုး၊ ယုတ္တိဗေဒကျကျ အထင်လွဲမှားစေခြင်းတစ်မျိုး ဖြစ်သည်။ ထိုနှစ်အုပ်စုစလုံးမှာ တကယ်မရှိသည့်အရာကို အသွင်ယူထားခြင်းတည်း။

ISIL သည် အမေရိကန်နှင့်ဥရောပသမဂ္ဂ၏ စစ်သွေးကြွဝါဒကို ပုံပြောင်း၍ အသွင်ဆောင်ထားခြင်းဖြစ်၏။ ယင်းစစ်သွေးကြွဝါဒ၏ တုန့်ပြန်ထွက်လာချက်မဟုတ်ပေ။ သတ်ဖြတ်ဖျက်ဆီးရေးယန္တရား၏ အကြမ်းကိုယ်ထည်ပစ္စည်းအတွင်းမှ ထိန်းချုပ်လည်ပတ်စေသည့်အပျော့ထည်ပရိုဂရမ် software တစ်ခုသာ ဖြစ်ပေသည်။

ISIL ကို စီအိုင်အေ သို့မဟုတ် အလားတူ အဖွဲ့မျိုးမှ တီထွင်ထားခြင်း ဟုတ်မဟုတ်ဆိုသည်မှာ မရေရာသော်လည်း – အမေရိကန်၏ ပူးပေါင်းပါဝင်တီထွင်ထားချက် မဟုတ်သော်လည်း ယုတ္တိဗေဒအရ ဆန်းစစ်သော် အမေရိကန်စစ်သွေးကြွဝါဒမှ ဆင့်ပွားထွက်ရှိလာခြင်း ဖြစ်သည်။

အမေရိကန်နှင့် ဥရောပသမဂ္ဂတို့၏ ၀င်ရောက်ကျူးကျော်ခြင်း၊ သိမိးပိုက်ခြင်း၊ ဗုံးကြဲခြင်း၊ မောင်းသူမဲ့လေယာဉ် drone ဖြင့် တိုက်ခိုက်ခြင်း၊ ပြင်းထန်သောပိတ်ဆို့ခြင်းကို ခံစားကြရသည့် သားကောင်များကိုကြည့်လျှင် အီရတ်၊ ဆီးရီးယား၊ တူရကီမှသည် ပြင်သစ်၊ အမေရိကန်၊ မာလီအထိရှိကြသော ISIL ၏တိုက်ခိုက်ခံရမှုသားကောင်များနှင့် ထပ်တူထပ်မျှ ဖြစ်နေသည်ကို တွေ့ကြရပေမည်။

ကမ္ဘာ့ ရှေ့နောက်တောင်မြောက် အရပ်တစ်ခွင်ရှိ အပြစ်မဲ့ပြည်သူကျွန်ုပ်တို့မှာ သဘောတရားဆန့်ကျင်ဖက် အုပ်စုနှစ်ရပ်အပေါ် ဆန့်ကျင်ရင်ဆိုင်နေရသည်မဟုတ်ပါလေ။

ပြင်သစ် သို့မဟုတ် အာရဗ်ဖြစ်စေ၊ ခရစ်ယာန် သို့မဟုတ် မွတ်စ်လင်မ်ဖြစ်စေ၊ ဘယ်လ်ဂျီယံ သို့မဟုတ် တူရကီဖြစ်စေ ကျွန်ုပ်တို့အားလုံးသည် တစ်ခုတည်းသော စစ်သွေးကြွဝါဒ၏ သားကောင်ဘ၀သို့ ထပ်တူထပ်မျှ ကျရောက်နေပေသည်။

ဘရပ်ဆဲလ် သို့မဟုတ် ဘေရွတ်မှဖြစ်စေ၊ ပဲရစ် သို့မဟုတ် အဲလစ်ပိုမှဖြစ်စေ၊ ဆန်ဘာနာဒီနို သို့မဟုတ် အစ္စတန်ဘူလ်မှဖြစ်စေ၊ အကြမ်းဖက်လုပ်ကြံမှု၏ သားကောင်တိုင်းအား ကျွန်ုပ်တို့မှ ပူဆွေးဝမ်းနည်းမှု ဖော်ပြကြသည့်အတိုင်း – “အကြမ်းဖက်ခြင်း နှင့် အကြမ်းဖက်မှုအပေါ်စစ်ဆင်ခြင်း”တို့အကြား အကြမ်းဖက်သံသရာဆိုး ဆက်လက်လည်ပတ်သွားအောင် ဥာဏ်ဆင်ထားသည့် ထောင်ချောက်ထဲသို့ သားကောင်အဖြစ် မကျရောက်စေရန် ကျွန်ုပ်တို့မှ ကြံ့ကြံ့ခံသွားကြရပါမည်။

“အကြမ်းဖက်ခြင်း နှင့် အကြမ်းဖက်မှုအပေါ်စစ်ဆင်ခြင်း” တို့သည် မှန်တစ်ချပ်၏ အတွင်းအပြင်ပုံရိပ်များပင်။

ကျွန်ုပ်တို့သည် ၎င်းသဘောတရားဆိုးနှစ်ရပ်စလုံးနှင့် ပတ်သက်သည်မဟုတ်ကြ။ မွတ်စ်လင်မ်၊ ခရစ်ယာန်၊ ဂျူး၊ အခြားဘာသာဝင်များ၊ ဥရောပသား၊ အာရဗ်များ၊ အမေရိကန်နိုင်ငံသား၊ အာရှသား – မည်သူပင်ဖြစ်စေကာမူ ကျွန်ုပ်တို့အားလုံးသည် ၎င်း၏သားကောင်များသာ ဖြစ်နေကြရပေသည်။

Ref : Al Jazeera

(နျူးယော့ခ်၊ ကိုလံဘီယာတက္ကသိုလ်၊ အီရန်နိုင်ငံရေးရာနှင့် စာပေအနုပညာနှိုင်းယှဉ်လေ့လာရေးဋ္ဌာန၊ ပါမောက္ခ Hamid Dabashi ၏ The slaughter of the innocent in Brussels ဆောင်းပါးကို မြင့်မိုရ်မောင်မောင် မှ ဆီလျော်အောင် ပြန်ဆိုသည်။)