News @ M-Media

Category: ဆောင်းပါး

  • ဘုရင့်နောင် မင်းတရားကြီးနှင့် မဂိုဧကရာဇ် အက္ကဘရ် သံတမန် ဆက်သွယ်မှု

    ဘုရင့်နောင် မင်းတရားကြီးနှင့် မဂိုဧကရာဇ် အက္ကဘရ် သံတမန် ဆက်သွယ်မှု

    Ba Yint Naung and Akaba
    ရတနာပုံမောင်မောင်ခင် ရေးသည်။

    (၁) “သံတမန်အစ ပုဂံခေတ်က”
    ——————————-
    တာတာဧကရာဇ် ကုဗလေ့ခန်မင်းကြီးလက်ထက် ပုဂံပြည်ရှင် တရုတ်ပြေးမင်းထံ သံတမန်များ ရောက်ရှိခဲ့သည်။ မောင်ဂိုစစ်ကြီး ပြီးဆုံးပြီးနောက် ပုဂံပြည်ရှင်က ရှင်ဒီသာပါမောက္ခကို သံအမတ်ကြီးအဖြစ် ခန့်အပ်ပြီး ကုဗလေခန်မင်းကြီးထံ စေလွတ်ခဲ့သည်။

    သံတမန်အပြန်ပြန် အလှန်လှန်စေလွတ်မှုသည် ပုဂံခေတ်အခါသမယကပင် ရှိခဲ့ကြောင်း ထင်ရှားနေပေသည်။ ခရစ်သက္ကရာဇ် (၁၅၃၈)ခု မဂိုလ်ဧကရာဇ်အက္ကဘာရ်၏ ခမည်းတော် တူမားရွန်းသည် (Gaur) ဂေါ်မြို့၌ စိုးစံနေသော (Gori Pathan) ဂိုရီပထန်မင်း
    ဆက်များနှင့် စစ်တိုက်ခိုက်ခဲ့ရာ နောက်ဆုံး ဂိုရီပထန် (Gori Pathan) ဘုရင်များ အရေးနိမ့်ပြီး၊ ဂေါ်မြို့မှ တိမ်းရှောင် ထွက်ပြေးကြ ရလေသည်။ ဂိုရီပထန်စစ်သည်တော်များ (Parsi) ပါရ်စီစစ်သည်တော်များ၊ (Raiput) ရာဂ်ျပွတ်စစ်သည်တော်များသည်

    နောက်ကထပ်ကြပ်မကွာ လိုက်လံတိုက်ခိုက်နေမှုကြောင့် နီးစပ်ရာ အိမ်နီးနားချင်းနိုင်ငံသို့ စစ်ပြေးဒုက္ခသည်များအဖြစ် ခိုလှုံကြရလေသည်။ ဂိုရီပထန်ပါရ်စီခေါ် ပသီစစ်ပြေးများသည် ရခိုင်ဘုရင်ထံ၌လည်းကောင်း၊ ဟံသာဝတီ တပင်ရွှေထီးဘုရင်ထံ၌ လည်းကောင်း၊
    ဘုရင့်နောင်ကျော်ထင်မင်းတရားကြီးထံတော်ပါး သို့လည်းကောင်း၊ ထိုင်းနိုင်ငံ၊ မလေးရှားနိုင်ငံ၊ အင်ဒိုနီးရှား နိုင်ငံများသို့လည်းကောင်း တစ်သုတ်ပြီးတစ်သုတ်တိမ်းရှောင် ခဲ့ကြလေသည်။ ထိုင်းနိုင်ငံတွင် ဂိုရီပထန်စစ် ပြေးများ နေထိုင်ရာ၊ ပထန်နီနယ် သို့မဟုတ် ပတာနီနယ်ကြီး ယခုတိုင်တည်ရှိ နေပေသေးသည်။ မဂိုလ် အက္ကဘာရ်ဘုရင်သည် ပထန်မင်းဆက်များကို အပြီး အပြတ်အောင်နိုင်တော်မူပြီး ဒေလီမြို့တော်၌ အိန္ဒိယ နိုင်ငံတစ်ခုလုံး၏ ဧကရာဇ်အဖြစ် နန်းတက်ခဲ့လေသည်။

    အက္ကဘာရ်ဘုရင်လက်ထက်တော်၌ နောက်ဆုံး ဂိုရီပထန်မင်းဆက်သစ္စာခံတော်များသည် ဘုရင့်နောင် မင်းတရားကြီးထံတော်ပါးသို့ ခိုလှုံဝင်ရောက်ခဲ့ပေသည်။ ခရစ်သက္ကရာဇ် (၁၅၄၅) ခုနှစ် တပင်ရွှေထီး ရခိုင်သို့ ချီတက်စဉ် မဂိုလ်မင်းများ အကြောင်းကို ကြားသိသောကြောင့် ဆက်သွယ် ခဲ့သည်။

    (၂)”ဘုရင့်နောင်ထံခိုလှုံပြန်”
    ——————————-
    ဟံသာဝတီပြည့်ရှင် တပင်ရွှေထီးလက်ထက်တော် အခါသမယကပင် ပသီတပ်မတော်နှင့် ပေါ်တူဂီဘုရင်ဂျီတပ်မတော်များရှိခဲ့သည်။ ခရစ်သက္ကရာဇ်(၁၅၄၃) ခု မြန်မာသက္ကရာဇ် ၉၀၅ ခု တပင်ရွှေထီး၊ ပြည်မြို့သို့စစ်ချီတက်တော်မူစဉ် ပသီကုလား ပန်းသေး တပ်မတော်သားများ ပါဝင်ခဲ့ပေသည်။ ကုလားပန်းသေးတို့ကိုလည်း အထူးထူးသော ဦးရစ်ဘောင်းဘီတို့ဖြင့် တန်ဆာဆင်ယင် ၀တ်စားစေ၍ စိန်ပြောင်းမြတပူစွဲစေ၍ လိုက်ရသည်။

    ဦးကုလားမဟာရာဇ၀င်ကြီး၊ ဒုတိယတွဲ စာမျက်နှာ ၂၀၃

    ဦးကုလားနှင့် မှန်နန်းရာဇ၀င်ကြီးများ၌ ပေါ်တူဂီဘုရင်ဂျီနှင့် ပသီပန်းသေးကုလားများကို ခွဲခြားပြီးရေးလေ့ရှိသောကြောင့် မှားယွင်းရန်မရှိပေ။

    ဘုရင့်နောင်သည် ဒုတိယမြန်မာနိုင်ငံတော်ကြီး တည်ဆောက်ရန်အတွက် စစ်သည်ရဲမက်အင်အား လိုအပ်နေပေရာ ဘုရင့်နောင်မင်းတရားကြီးသည် ရဲမက်စစ်သည်တို့ကို စုဆောင်းလျက်ရှိပေသည်။ အိန္ဒိယနိုင်ငံဂေါမြို့တော်ကို ဟူမာယွန်းဘုရင်နှင့် အက္ကဘာရ်ဘုရင်တို့၏ တိုက်ခိုက်မှုကြောင့် စစ်ရှုံးဂိုရီပထန်များ၊ ပါစီခေါ် ပသီလူမျိုးများ ပဲခူးသို့ ခိုဝင်လာမှုကို လက်ခံခဲ့ပေသည်။ ဘုရင့်နောင်သည် မိမိ၏ကိုယ်ရံတော် တပ်မဟာကြီးတွင် ပစီ သို့မဟုတ် ပသီစစ်သား လေးထောင်တို့ကို မိမိ၏ကိုယ်ရံတော်အဖြစ် ခန့်အပ်တော်မူခဲ့သည်။ ယင်းလူမျိုးများထံမှ အက္ကဘာရ်ဘုရင်၏ သတင်းများကို ကြားသိခဲ့ရလေသည်။

    ဘုရင့်နောင်မင်းတရားကြီးသည် မိမိကဲ့သို့ ဘုန်းတန်ခိုးကြီးမားသော အက္ကဘာရ် ဧကရာဇ်ထံ သံတမန်များဆက်သွယ်ရန် ရည်ရွယ်ချက် ထားတော်မူသည်။ ဒုတိယမြန်မာနိုင်ငံတော်ကို တည်ထောင်ပြီးနောက်ဖာရီစီစကား၊ ဟင်ဒီစကားတတ်ကျွမ်းသောပသီများကို ဆင့်ခေါ်တော်မူပြီး သံကြီး၊ တမန်ကြီးများအဖြစ်ခန့်အပ်တော်မူသည်။ ရေလမ်းဖြင့် ပင်လယ်ကိုဖြတ်ကျော်ပြီး ဘင်္ဂလားပြည်သို့ သွားခဲ့သည်။ ဂင်္ဂါမြစ်များအတိုင်း လှော်တက်ပြီး ဒေလီမြို့တော်သို့ရောက်ရှိပြီး အက္ကဘာရ်ဘုရင်နှင့် ဆက်သွယ်ခဲ့ပေသည်။ စစ်ရဲမက်
    အင်အား ပြည့်စုံသောအခါ ဟံသာဝတီ ပဲခူးနေပြည်နေပြည်တော်တွင် စိုးစံနေသော ဘုရင့်နောင်မင်းတရားကြီးသည်လည်း မဏိပူရပြည်၊ ထိုင်းနိုင်ငံ၊ ဇင်းမယ်ပြည်၊ ကမ္ဘောဒီးယားပြည်၊ အင်ဒိုချိုင်းနားပြည်၊ လောပြည်၊ တနင်္သာရီနယ်တို့ကို တိုက်ခိုက် သိမ်းယူတော်မူပြီး ဧကရာဇ်ဘွဲ့ကို ခံယူတော်မူသည်။

    (၃) ပသီအစပါစီက
    ——————-
    ဘုရင်နောင်လက်ထက်မှစ၍ မြန်မာမင်းတို့သည် အမြောက်ပြောင်းချ သေနတ်များကို အသုံးပြုကြသည်။ အမြောက်ကိုင် စစ်သား၊ သေနတ်ကိုင် စစ်သားတို့သည် အများအားဖြင့် သုံပန်းများဖြစကြသော ပေါ်တူဂီ ပသီ သို့မဟုတ် ယင်းတို့မှ ဆင်းသက်လာသူများ  ဖြစ်ကြသည်။

    ဇမ္ဗူဒ်ီပဥဆောင်းကျမ်းနိဒါန်း

    ခရစ်သက္ကရာဇ် (၁၅၆၈) ခု၊ မြန်မာသက္ကရာဇ် (၉၃၀) ခု ဘုရင်နောင်မင်းတရားကြီး ထိုင်းနိုင်ငံသို့ ချီတက်ရာတွင် ပသီကိုယ်ရံတော် အသေခံတပ်မတော်သားပေါင်း လေးထောင်ခြံရံတော်မူလျက် ချီတက်တိုက်ခိုက်တော်မူခဲ့လေသည်။ ကုလားဘရင်ဂျီလေးရာ တို့ကိုလည်း  ရွှေဦးထုပ်၊ ဘောင်းဘီဝတ်စေလျက် လက်ဝဲ၊လက်ယာ၊ ရှေ့နောက် တစ်ရာစီ စိန်ပြောင်းစွဲစေလျက် လိုက်ရသည်။ ကုလားပသီလေးထောင်တို့ကိုလည်း သံပေါက် ဘောင်းဘီဝတ်စေပြီးလျှင် သေနတ်စွဲစေ၍ ရှေ့နောက်၊ လက်ဝဲလကျာ်တစ်ထောင်စီ လိုက်ရသည်။

    အပိုဒ် ၃၃၅၊ ဦးကုလား မဟာရာဇ၀င်ကြီး ဒုတိယတွဲ၊ စာမျက်နှာ ၄၀၁

    ပုဂံခေတ်အခါသမယက ယင်းအရိယန်လူမျိုး အစ္စလာမ်ဘာသာဝင်များသည် ကံရာဇာကြီး၊ ကံရာဇာငယ် အာသံမှမြန်မာနိုင်ငံသို့ ၀င်ရောက်လာသော ပိုးလမ်းမကြီးအတိုင်း ၀င်ရောက်လာကြပြီး အနော်ရထာမင်းထံတော်တွင် အလုပ်အကျွေး ကုလားခြေလျင်ရှစ်ကျိပ် အဖြစ် အမှုထမ်းခဲ့ကြသည်။ တရုတ်ပြေးမင်းလက်ထက် ကုဗလေခန်မင်းကြီး၏ စစ်သူကြီး နဇရွဒ်ဒင်နှင့်အတူ ပါစီများ၊ တူရကီများ၊ ပန်းသေးများ၊ မဂိုလ်များပုဂံနေပြည်တော်သို့ ၀င်ရောက်ခဲ့ကြသည်။

    ပုဂံခေတ်ကစပြီး မြန်မာနိုင်ငံအတွင်း နေထိုင်ခဲ့သော ပသီပေါင်းမြောက်မြားစွာရှိသည့်အနက် စစ်ကျွမ်းကျင်သော ပသီ လေးထောင်ကျော်ကိုရွေးထုတ်တော်မူပြီး အသေခံပသီ လေးထောင် ကိုယ်ရံတော်တပ်မဟာကို ဖွဲ့စည်းခဲ့လေသည်။ ပသီဟူသည်ကား ဖာရစီစကား၊ ပါစီစကားမှဆင်းသက်လာပြီး ပါစီမှပသီအဖြစ်သို့ ပြောင်းလဲခဲ့ပေသည်။ ပါရ်စီ အဓိပ္ပာယ်ကား မြင်းစီးသူရဲကောင်းဟူ၍ အဓိပ္ပာယ်ရရှိသည်။ ထို့ကြောင့်ပသီ၏ အဓိပ္ပာယ်သည် မြင်းစီးသူရဲကောင်းဟူ၍ အနက်ထွက်သည်။ ပါစီစကားပြော အမျိုးအနွယ်စုဝင်များကား ပထန်၊ တူရီဂီ၊ ဘိုခါရာလူ၊ တာတာ၊ မဂိုလ်၊ စီကိုင်းပန်း သေးများ၊ ရုရှားနိုင်ငံရှိ မွတ်စလင်လူမျိုးစုဝင်များဖြစ်ကြ၏။ ယင်းလူမျိုးများသည် စစ်တိုက်ဝါသနာ ထုံသူများဖြစ်ကြသောကြောင့် ရောက်လေ ရာနိုင်ငံများတွင် စစ်မှုထမ်းကြကုန်လျက် အခြေချနေထိုင်ကြလေ သည်။ ပါစီစကားပြော လူမျိုးအားလုံးသည် မူရင်းပါစီလူမျိုးများက ဆင်းသက်သူများ ဖြစ်ကြ၏။ ပါရှားနိုင်ငံသည် မူလစွန္နီဘာသာဝင်များဖြစ်ကြသည်။ ပါစီတို့ သာသနာပြုမှုကြောင့် လည်းကောင်း၊ သွေးသားနှီးနှောမှုကြောင့်လည်းကောင်း၊ ပထန်များ၊ ပန်းသေးများ၊ မဂိုလ်များ၊ တာတာများ၊ တူရဂီများ အစ္စလာမ်ဖြစ်လာရပေသည်။ နတ်ရှင်နောင် စပ်ဆိုသောရတုများတွင် ပိုလို(Polo) ကစားခြင်းအကြောင်းများ ပါရှိနေပေသည်။ ပိုလိုကစားမည့် သူများသည် အုပ်စုနှစ်စုခွဲပြီး၊ မြင်းများစီးရလေသည်။ သုံးပေကျော်ခန့် တုပ်တန်းထိပ်တွင်တူ(သို့မဟုတ်) တင်းပုတ်ပုံသဏ္ဍန်ရှိ အသားစလေးဆွတ်ပြီး မြင်းများပေါ်မှ ဂေါ်လီလုံးကို တုတ်တန်းနှင့်ရိုက်ပြီး ဂိုးသွင်းကစားနည်းဖြစ်သည်။ ယင်းကစားနည်းကို ပါစီ၊ မဂိုလ်၊ တာတာတူရကီ လူမျိုးများက ကမ္ဘာပေါ်တွင်စတင်တီထွင်ပြီး ကစားခဲ့လေသည်။ ဘုရင့်နောင်လက်ထက်တွင် ယင်းလူမျိုးများရှိနေ ကြောင်း ထင်ရှားနေပေသည်။ ပသီ အားလုံးတို့၏ ဘေးဘိုးများဖြစ်ပေသည်။ ပသီကိုယ်ရံတော် တပ်မတော်သားများသည် စစ်ရေးလေ့ကျင့်ရင်း ပိုလိုကစားနည်းကို ကစားကြသည်။ မြင်းစီး ကစားရသောကြောင့် ထိုခေတ်က မင်းဆွေမင်းမျိုးများ နှစ်သက်သောကစားနည်း ဖြစ်လာခဲ့ပေသည်။ စာဆိုတော်နတ်ရှင်နောင် ကိုယ်တိုင်ပိုလို ကစားခဲ့လေသည်။ ပါစီများသည် ကုဗလေခန်မင်းကြီး၏ မြင်း တပ်မတော်တွင် အမှုထမ်းခဲ့ကြသည်။ မြင်းစီးရင်း မြားပစ်လှံထိုး၊ ဓားခုတ်၊ ဂေါက်သီးရိုက် ကစားနည်းအားလုံးသည် တာတာများ၊ တူရကီများ၊ မဂိုလ်များ၊ ပါစီလူမျိုးတို့မွေးရာပါ ကစားနည်းများဖြစ်ကြကုန်၏။

    (၄) “ဘုရင့်နောင်လက်အောက် ကသည်းရောက်”
    ————————————————-
    “ဘုရင့်နောင် အိန္ဒိယနိုင်ငံနယ်စပ်ကသည်းပြည်သို့ ချီတက်သိမ်းပိုက်စေခြင်းအကြောင်း”

    ခရစ်သက္ကရာဇ် (၁၅၅၉) ခု၊ မြန်မာသက္ကရာဇ် (၉၂၁) ခု ရတနာပူရအ၀ ကျေးလက်မြောက်ဘက် မင်းခင်းအောက်ကျေးရွာများကို ကသည်းစော်ဘွားက ထိပါးကျူးကျော်လာရာ စစ်သည်ငါးသောင်းနှင့် ဘုရင့်နောင်ကသည်းပြည်သို့ ချီတက်သိမ်းပိုက်စေခဲ့သည်။

    အင်းဝညောင်ရမ်းမင်းဆက်များထိ မြန်မာမင်းများ၏ လက်အောက်ခံနိုင်ငံ ဖြစ်ခဲ့ရသည်။ အိန္ဒိယနိုင်ငံအစွန်း ကသည်းပြည်သည် မြန်မာနိုင်ငံပိုင် ပြည်နယ်ဖြစ်လာခဲ့ရာ မဂိုလ်ဧကရာဇ် အက္ကသရ်ဘုရင်ပိုင်နိုင်ငံနှင့် နယ်နိမိတ်ချင်း ထိစပ်လာခဲ့သည်။ ထိုအချက်သည်လည်း သံတမန်ဆက်သွယ်ရသော အကြောင်းရင်းများတွင် ပါသည်။ ကသည်းပြည်ရှိ ကသည်းပုဏ္ဏားများနှင့် ကသည်းပသီများသည် ဘုရင့်နောင်လက်ထက်ကစပြီး ဟံသာဝတီသို့ ရောက်ရှိခဲ့လေသည်။

    ဦးကုလား မဟာရာဇ၀င်ကြီး၊ ဒုတိယတွဲ အပိုဒ်(၂၈၃)၊ စာမျက်နှာ(၃၂၇)။

    (၅) ပသီစစ်ကူ ပို့ပြီးကူ
    ————————–
    သီဟိုဠ်ကျွန်းသို့ စစ်ကူပို့သော သူရဲကောင်းများတွင် ပသီများပါရှိခြင်းအကြောင်း။

    ခရစ်သက္ကရာဇ် (၁၅၇၆) ခု မြန်မာသက္ကရာဇ် (၉၃၈) ခုနှစ်၌ သီဟိုဠ်ကျွန်းတွင် အုပ်စိုးသော ဓမ္မပါလမင်းက ဘုရင့်နောင် မင်းတရားကြီးအား စစ်ကူတောင်းရာ သင်္ဘောငါးစင်းတွင် စစ်သည်ရဲမက်နှစ်ထောင့်ငါးရာတင်ပြီး သီဟိုဠ်ကျွန်းသို့ စစ်ကူပို့ခဲ့သည်။

    ဟင်ဒူဘာသာဝင်တို့နှင့် ဗုဒ္ဓဘာသာဝင်တို့သည် ကျွဲ၊ နွား၊ ဆိတ်၊ ကြက်တို့ကို အရှင်လတ်လတ်သတ်ဖြတ်ပြီး စားသောက်လေ့မရှိပေ။ သီဟိုဠ်ကျွန်းသို့ ပို့လိုက်သောသူရဲကောင်းများသည် သီဟိုဠ်ကျွန်းသို့ရောက်သောအခါ ကျွဲ၊ နွား၊ ဆိတ်၊ ကြက်တို့ကို အရှင်လတ်လတ် သတ် ဖြတ်ချက်ပြုတ်စားကြကြောင်းကို သီဟိုဠ်သားတို့မြင်လျှင် ဤသူတို့သည်ကား လူသားမဟုတ်၊ ဘီလူးများ ပင်တည်းဟု ဆိုကြလျက် ထိတ်လန့်ကြကုန်၏။ ကျွဲနွားတို့ကိုသတ်၍ အစ်ိမ်းစားသောက်သည်ကိုမြင်လျှင် ဤသည်ကား လူမဟုတ်၊  ဘီလူးပင်ဖြစ်သည်။

    ဦးကုလား မဟာရာဇ၀င်ကြီး၊ တတိယတွဲ၊ စာမျက်နှာ (၄၀)။

    သို့ရှိရာ ဘုရင့်နောင် သီဟိုဠ်ကျွန်းသို့ ပို့လိုက်သောစစ်သည်နှစ်ထောင်ငါးရာတွင် ကျွဲနွားတို့ကိုစားသောက် သော ပသီလူမျိုးများ ပါဝင်လျက်ရှိကြောင်း သိရပေသည်။ သီဟိုဠ်ရောက် ပသီစစ်သည်တော်များထံမှ အက္ကဘာရ်ဘုရင်၏ သတင်းကိုကြားသိရပြီးနောက် ဟံသာဝတီသို့ပြန်ကြသော အခါ ဘုရင့်နောင်မင်းတရား ကြီးအား ပသီစစ်သည်တော်များ လျှောက်ထားမှုကြောင့် သံတမန် ဆက်သွယ်ခြင်း ဖြစ်နိုင်ပေသည်။

    (၆) ဘုရင့်နောင်သံမှူး အက္ကဘာရ်ချီးကျူး
    ———————————————
    ဟံသာဝတီပြည့်ရှင် ဘုရင့်နောင်မင်းတရားကြီးက ပသီအမျိုးသား ဖာရစီစကားတက်သူ စွန္ဒရာသီ ငါးဆယ် ရွာစားနှင့် ခွေးလင်း ရွာစားနှစ်ဦးတို့ကို သံကြီး တမန်ကြီး ခန့်အပ်တော်မူပြီး ဒေလီမြို့တော်ရှိ အက္ကဘာရ် ဘုရင်ထံ စေလွှတ်တော်မူခဲ့သည်။ ဒေလီဘုရင် အက္ကဘာရ် မင်းကြီးသည် ဘုရင့်နောင်၏သံတမန်များကို ထွက်တော်မူပြီး ကြိုယူတော်မူသည်။ ပသီသံမှူးများ အထူးအဆန်းဖြစ်သော ဆင်ယင်ထုံးဖွဲ့မှုတို့ဖြင့် ၀တ်စားဆင်ယင်ပြီးသော် မင်းကြီးနားသို့ ချဉ်းကပ်ပြီး ဘုရင့်နောင်မင်းတရားကြီး၏ လက်ဆောင်တော်များကို ဆက်သလေသည်။ အထူးအဆန်း ဆံမြိတ်နှင့် ၀တ်ဆင်ထားမှုကို အက္ကဘာရ်ဘုရင်ကမေးတော်မူသည်။

    ဘုရင့်နောင်အကြောင်းကို အက္ကဘာရ်ဘုရင်က မေးတော်မူရာ ပသီသံတော်ကြီးများကတစ်ဆင့် ဆင်ဖြူရှင် ဘုရင့်နောင် ထွက်တော်မူလျှင် ရွှေဘုန်းတော်ကြောင့် ရေနေသတ္တ၀ါဖြစ်ကြကုန်သော မိကျောင်း၊ လိပ် ဂဏန်း၊ လပိုင်တို့ ကခုန်မြူး တူးကြကြောင်းပါ လျှောက်ထားခဲ့သည်။ အက္ကဘာရ်ဘုရင်ကြီးလည်း ကုလား သံတော်ကြီးများ ခန့်တော်မူပြီး ဘုရင့်နောင်ထံစေ လွှတ်တော်မူမည်ဟု မိန့်တော်မူသည်။ အက္ကဘာရ်ဧက္ကရာဇ်က မြန်မာ သံအမတ်တို့အား ဧည့်ခံကျွေးမွေးရာ ငါးတစ်ကောင်ကို တစ်ခြမ်းကအကြော်၊ တစ်ခြမ်းကအကင် ပြုလုပ်ကျွေးမွေးခဲ့သည်။ မြန်မာနိုင်ငံ ဟံသာဝတီမြို့သို့ရောက်သောအခါ ဘုရင့်နောင်မင်းတရားကြီး အား လျှောက်ထားရာ ကြားတော်မူပြီး အက္ကဘာရ်ဘုရင်ကြီး၏သံတမန်တော်များ ဟံသာဝတီနေပြည်တော်သို့ ရောက်ရှိလာပါက ပြသနိုင်ရန် ထမင်းဟင်းချက်တက်သော ကုလားပသီတို့ကိုခေါ်တော်မူပြီး ကြိုတင်စီမံတော်မူသည်။ အက္ကဘာရ်ဘုရင်ကြီး၏သံကြီး တမန်ကြီးများ ဟံသာဝတီနေပြည်တော်သို့ ရောက်ရှိလာသောအခါ စီမံသည်ကား “ကြက်ဖို၊ ကြက်မတို့ကို သန့်စင်အောင်ဆေးကြော၍ ငရုတ်၊ ကြက်သွန်၊ ချင်းစိမ်းအမွှေးမျိုးစုံသွတ်ပြီးမှ ကျောကိုခွဲပြန်၍ ၀မ်းဘဲဥနှစ်လုံးစီသွတ်ပြီးမှ ကုလားတို့ကိုခေါ်၍ ထောပတ်ဆီဥ နွားနို့ လူးပြီးမှကြော်ရ၏”

    သုသောဓိက မဟာရာဇ၀င်ကြီး၊ တတိယတွဲ၊ စာမျက်နှာ ၄၃။

    “စည်တော်သံ၊ တံပိုးခရာသံ၊ ဗုံသံ၊ မောင်းသံနှင့် ဒီရေကိုလိုက်၍ သားတက်ခိုက်ဖြစ်သောကြောင့်  မိကျောင်း၊ လပိုင်၊ မကန်း၊ လိပ်၊ ငမန်းတို့သည် စည်သံ၊ ဗုံသံ၊ မောင်းသံ၊ တပိုးသံ ကြားလျှင်ထိတ်လန့်၍ မြစ်ရေပြည့်မျှ ခုန်လွှားကုန်၏”

    သုသောဓိက မဟာ ရာဇ၀င်ကြီး၊ တတိယတွဲ၊ စာမျက်နှာ ၄၅။

    ဟံသာဝတီရောက် အက္ကဘာရ်မင်း သံတမန်တို့သည်လည်း မမြင်စဖူး ထူးကဲသောကြောင့် အံ့ဩချီးမွမ်းကြကုန်၏။ ဘုရင့်နောင်မင်းတရားကြီးစေလွှတ်တော်မူသော ပသီသံကြီး၊ တမန်ကြီးများ ဒေလီမြို့တော် သို့ရောက်စဉ် ကြိုဆိုဧည့်ခံသော အစီအစဉ်နှင့် ဘုရင့်နောင်မင်းတရားကြီးက အက္ကဘာရ်ဘုရင် သံတော်ကြီးများကို ကြိုဆိုဧည့်ခံသော အစီအစဉ်ကား- အက္ကဘာရ်မင်း ကလည်း လက်ဆောင်ပဏ္ဏာရအထူးထူး၊ ပုဆိုးကောင်း၊ သက္ကလပ်ကောင်း၊ စော်တရက်ရမထီး၊ မူရီခါသာပင်ကာသာလူ၊ ပတ္တူနီစိန်မြပုလဲတို့ကို များစွာစီရင်၍ သင်္ဘောသားတို့တွင် သာယာချေငံ သောစကားဖြင့် လျှောက်ဆက်လာ၏။ အက္ကဘာရ်သို့ ဗညားကျန်တော တူစွန္ဒရာသီနှင့်ငါးဆယ်စားခွေး လင်းတို့ကို ဆင်ဖြူရှင်မင်းတရားကြီးက သံဆက်တော်မူလိုက်၏။ သံတော်ပါသည်ဟုကြားလျှင် အက္ကဘာရ်သည် အမှူးအမတ်အပေါင်းနှင့် သင်္ဘောကတ္တူလွန်းကြင်အများနှင့် ကြိုရ၏။ မြို့သို့ရောက်လျှင် တဲကြီးကနားဆောက်၍ ပေး၏။ လက်ဆောင်ပဏ္ဏာများလည်း ဆက်သလေ၏။ များမကြာလျှင် အက္ကဘာရ်မင်းထွက်၍ မင်းသံတော်တို့ကိုခေါ်ရ၏။ မင်းသံတော်လည်း အဆန်းတကြယ်သော အ၀တ်တန်ဆာတို့ကိုဝတ်၍ စန္ဒရာသီလည်း ဦးခေါင်းမအုပ်ဘဲ ရမန်ဆံဆီစက်စက်နှင့် ထူးဆန်းလှသောနားတောင်းကိုဝတ်၍ ခွေးလင်းစားလည်း ကောင်းမွန်စွာ အ၀တ်တန်ဆာဝတ်၍ ပုတီးခေါင်းထုပ်နှင့် ပန်းမန်ထူးစွာပန်၍ အမွှေးအထုံလိမ်း၍တက်၏။ ခရီးတွင်များစွာသော ပြည်သူပြည်သားတို့သည် မမြင်စဖူးဖြစ်သောကြောင့် အံ့ဩသရဲဟူ၍ စွန္ဒရာသီအစားဦးဆံအသွားအလာ ဟန်ပန်ကိုလည်းကောင်း၊ ခွေးလင်းစားအထုံးအမြိတ် မင်းသေ့ခါးကိုလည်းကောင်း အံ့ဩကြကုန်၏။ အက္ကဘာရ်မင်းထွက်တော်မူသောအခါ နီးစွာချည်းနေရ၏။ ဆံမြိတ်အကြောင်း၊ မင်းသေ့ခါးအကြောင်းကို မေးတော်မူ၏။ ဆင်ဖြူများသခင် ကျန်းမာတော်မူစဟုမေးတော်မူ၏။ ဘုန်းတော် အလွန်ကြီးမြတ်တော်မူစဟူ၍လည်း မေးတော်မူ၏။

    ဘုန်းတော်အလွန်ကြီးမြတ်တော်မူလှသော မင်းတရား ကြီးဘုရားသည် ရတနာသုံးပါး၊ ဂုဏ်တော်ကြောင့်ကျန်းခံ့သာ၏ ဟူ၍လျှောက်ပေ၏။ ဆင်ဖြူရှင်ရွှေနန်းနှင့် ငါ့နန်းနှင့်တူ၏လော မေး၏။ အက္ကဘာရ်မင်းနေသော နန်းကအုဌ်ရွှေနန်းတွင် ရွှေဇန်ခံကပ်၍ ရတနာအတိနှင့် ပြီး၏။ မင်းသံတော်တို့လည်း ကျွန်ုပ်တို့ သခင်အရှင် ဘ၀ရှင်ဆင်ဖြူများသခင် မင်းတရားကြီး ရွှေနန်း တော်သည်၊ သည်နန်းတော်ကဲ့သို့ မဟုတ်၊ များလှစွာသော ရွှေပြာသာဒ် ငါးဆင့်ရှိသောပြာသာဒ်၊ ကိုးဆင့်ရှိသောပြာသာဒ်၊ ခုနစ်ဆင့်ရှိသော ရွှေပြာသာဒ်တို့၌ မြေကြီးကသည်အထက်ဖျားတိုင်အောင် ရတနာကွန်ရက်တွင် ရတနာပုလဲ ဆိုင်း၊ ရတနာပတ္တမြားဆိုင်းတို့ကို ဆွဲလျက် ရတနာမှန်ကင်း၊ ရတနာ တံခွန်ဆောက်လျက် ရောင်ခြည် တစ်ထောင်ဆောင်သော နေမင်း ကဲ့သို့ပြိုးပြိုးပြက်ပြက် ရှိ၏။ ထိုသို့သော ရွှေနန်းပြာသာဒ် တို့သည် နေရည်သောက်ခြင်း၊ မိုးရည် ထိခြင်း၊ လေပြင်းခပ်ခြင်းကြောင့် ရွှေတို့သည် လွင့်လေကုန်သော်တစ်ရာ့တစ်ပါးသောမင်းတို့သည် တစ်နှစ်ကိုတစ်ကြိမ်လျှင် ရွှေကို ပါးလှအောင်ခပ်ပြီးမှ ထိုရွှေနန်းပြာသာဒ်တို့ကို အသစ်ဖြစ်လျှင်းအောင် မွမ်းမံရသည်ဟုလျှောက်၏။

    အက္ကဘာရ်မင်းလည်း ဆင်ဖြူရှင်မှာ ငါ့ထက်ရွှေ များပလေဟုဆို၏။ တစ်ရာ့တစ်ပါးသောမင်းတို့ကား၊ ပဇာမင်းတို့နည်းမေးပြန်၏။ မင်းသံတို့ကလည်း ယိုးဒယား(ထိုင်း) မင်း၊ ဇင်းမယ်မင်း၊ တောင်ငူမင်း၊ အင်းဝမင်း၊ ပြည်မင်း၊ ကုန်းဘောင်မင်း၊ သီပေါမင်း၊ မိုးကောင်းရပ်၊ ညောင်ရွှေ၊ မိုးညှင်း၊ မိုးမိတ်၊ ဗန်းမော်၊ မိုးနဲ၊ သိန္နီ၊ ခုံ၊ မုတ္တမ၊ မော်လမြိုင်၊ သန်လျင်၊ ဒဂုန်၊ တနင်္သာရီ၊ ထားဝယ်စသော နိုင်ငံတော် အလုံးအစုံကို လျှောက်၏။ အက္ကဘာရ်မင်းလည်း မင်းတကာတို့၏ အရှင်ဖြစ်ကြောင်းကိုသော်ကား ငါသိရပြီ၊ဘုန်းအလွန်ကြီးတော်မူ၏ ဟူ၍ မင်းသံတော်တို့လည်း ငါ့ကိုလျှောက်သည်၊ အဘယ်သို့ ဘုန်းကြီးမြတ်သနည်းဟူ၍ မေးမြန်း၏။ မင်းသံတော်တို့လည်း ဘုန်းတော် အလွန်ကြီးမြတ်တော်မူလှသော ဆင်ဖြူများသခင် ဘ၀ရှင်မင်းတရားကြီး  ထွက်တော်မူသည်ကို ခပ်သိမ်းသော မင်းအပေါင်းတို့ကိုထား၍ ရေနေ သတ္တ၀ါဖြစ်သော မိကျောင်း၊ လပိုင်၊ ငါးဆင်၊ ငါးမန်း၊ လိပ် ငါးတို့သော်လည်း ထွက်တော်မူသော အခါ စည်တော်သံကိုကြားလျှင် ရေထက်မြူးတူးခုန်တင်လျက် မြစ်လုံးပြည့်မျှ ကျွန်ုပ်တို့သခင်အရှင် ဘ၀ရှင်မင်းတရားကြီး ဘုရားကိုခစားကြကုန်၏။ ယင်းသို့ဖြစ်သောကြောင့် ဘုန်းတော်အလွန်ကြီးမြတ်တော်မူ၏ဟု ကျွန်ုပ်တို့လျှောက်ဝံ့သည်ဟူ၍ဆို၏။ အက္ကဘာရ်မင်းလည်း သည်အတိုင်းမှန်ပေမူကား အံ့ဖွယ်သရဲဟုဆို၏။ ယင်းသို့မှ မင်းသံတော်တဲသို့ပြန်ရ၏။ များမကြာလျှင်သေနာပတိကခေါ်၍ အက္ကဘာရ်မင်း နန်းဦးတွင် မရေတွက်နိုင်သော အမှူးအမတ်တို့၏ အလယ်၌ရွှေလင်ပန်းနှင့် ထမင်းအဖြိုးအပြည့်ထည့်ပြီးလျှင်မှ အထူးထူးသော အမြိန်အရသာ၊ စားဖွယ်သောက်ဖွယ်အထပ်ထပ်ဖြင့် ထမင်းကျွေး၏။ မင်းသံတော်နှစ်ယောက်လည်း အပေါင်းအကျစ်၊ အကြော်အကင်စသည်တို့ကို နည်းတံများလျှောက် အနှံ့စားပြီးမှ ပြောဟော၍နေ၏။ ထမင်းပွဲကိုယူ၍ကြည့်သော် အလုံးအစုံကိုမြင်ပြီးမှ အက္ကဘာရ်မင်း သေနာပတိလည်း အဘယ်ကြောင့်မင်းဧကရာဇ်သံတမန်ဖြစ်လျက် ခပ်သိမ်းသောအရသာတို့ကို အနှံ့စားတော် မူသနည်းဟု ပွဲအလယ်၌မေး၏။ မင်းသံတော်တို့လည်း အက္ကဘာရ်မင်း၏သားကင်တို့သည်ခပ်သိမ်းသောအရသာတို့ကို အချက်အပြုတ်ကောင်းမွန်စွာ တတ်သလော၊ မတတ်သလောဟု စုံစမ်းလိုသောကြောင့် နှံ့အောင်စားသည်ဟူ၍ဆို၏။ သေနာပတိလည်း ငါတို့ အက္ကဘာရ်ပြည်ကြီး၌ သည်သားကင်သည်ကဲ့သို့ တတ်သောသူ မရှိပြီ၊ ဆင်ဖြူရှင်မင်းတရားကြီး သားကင်သည်တို့သည် ငါတို့အရပ်ဝယ် သားကင်သည်ကဲ့သို့ တတ်သလော၊ မတတ်လောမေးပြန်၏။ မင်းသံတော်တို့လည်း ဆင်ဖြူများသခင်ဘ၀ရှင် မင်းတရားကြီး ဘုရား သားကင်သည်တို့သည် အံ့ဖွယ် သရဲတတ်လေသည်။ တစ်ခြမ်းကအကြော်၊ တစ်ခြမ်းကားအကင်၊ တစ်ခြမ်းကား အပေါင်း၊ ငါးတစ်ကောင်လျှင် တစ်ပိုင်းကား အကင်၊ တစ်ပိုင်းကားအဖုတ်၊ တစ်ခြမ်းကားအကျစ်၊ တစ်ခြမ်းကားအကြော် ဤသို့အထူးထူးတတ်သည်ဟူ၍ဆို၏။ အက္ကဘာရ်မင်းကလည်းသည် အတိုင်းမှန်ပေမူကား အံ့ဖွယ်သရဲ ငါကလည်းသံဆက်လိုက်မည် ဟုဆို၏။ များမကြာလျှင် ဆုလာဘ် များစွာပေးပြီးမှ ဘ၀ရှင်မင်းတရားကြီး သံတော်တို့ကိုလွှတ်လိုက်၏။

    သုသောဓိက မဟာရာဇ၀င်ကြီး၊ တတိယတွဲ၊ စာမျက်နှာ ၄၀-၄၂ ။

    (၇)”အက္ကဘာရ်ဘုရင်သံ ရောက်ပြန်”
    ———————————–
    “အက္ကဘာရ်ဘုရင်ဧကရာဇ် သံတမန်တော်ကြီးများ ဟံသာဝတီ ဘုရင့်နောင်ထံရောက်ရှိခြင်း”

    ဘုရင့်နောင်မင်းတရားကြီး၏သံမှူးကြီးများ ဒေလီမြို့တော်မှမြန်မာနိုင်ငံ ဟံသာဝတီ ပဲခူးမြို့တော်သို့ ပြန်ရန် စီစဉ်ကြကုန်၏။ မြန်မာ သံတမန်ကြီးများနှင့်အတူ အက္ကဘာရ်ဘုရင်မင်းကြီးကလည်း မဂိုလ်သံတမန်ကြီးများကို ခန့်အပ်တော်မူပြီး ထည့်တော်မူလိုက်၏ မဂိုလ်သံတမန်ကြီးများနှင့်အတူ လက်ဆောင်တော်များကို သံတမန်တော်များနှင့် ဆက်သလိုက်ပေသည်။ မြန်မာနိုင်ငံသို့ မဂိုလ်သံအမတ်ကြီးများ ပဲခူးနေပြည်တော်သို့ ကြွရောက်လာသောအခါ ပသီစားတော်ကဲများကိုခေါ်ယူပြီး ဧည့်ခံကျွေးမွေးရန် အထူးအံ့ဩဖွယ်ရာ စီမံသည်ကား သံလည်းဆက်လိုက်၏။ များစွာသော လက်ဆောင် ပဏ္ဏာနှင့်ဆက်သွယ် ကပ်ဖွယ်ပါ၏။ ရွှေဖ၀ါးတော်အောက်သို့ ရောက်လျှင်လည်း တဲကြီးကနားကြီးပေး၍နေရ၏။ မင်းသံတော်တို့ လွန်ကျူးမိလေသောအကြောင်းမျိုးကို ဗညားဒလသေနာပတိသံတော်ဦးတင်၍ ဆင်ဖြူမင်းတရားကြီးလည်း လွန်သောစကားနှင့် ညီအောင်ကို ဗညားဒလစီရင်မှ ကောင်းမည်ဟူ၍ မိန့်တော်မူ၏။ သံတော်ဦးတင်ပါပြီ ဘုရားဆိုသည်ထက် လွန်အောင်ကို ကျွန်ုပ်စီရင်မည်ဟူ၍ တင်လျှောက်၏။သံတော်ဦးတင်ပြန်၏။ ဘုန်းကြီးသော ဘ၀ရှင်ထွက် တော်မူလျှင်သော်လည်း ရွှေနန်းတော်ဝယ် မထွက်ဘဲ၊ သံတို့ကိုခေါ်၍ နန်းတော်မှထွက်တော်မူမှသင့်မည် ဟူ၍ သံတော်ဦးတင်၏။

    များမကြာလျှင်ဗညားဒလအိမ်သို့ တတ်လှစွာသော သားကင်သည်တို့ကိုခေါ်၍ အထူးထူးသော အမဲပေါင်း၊ အမဲကျစ်၊ အမဲကြော်၊ အကင်အဖုတ် စသည်တို့ကို တစ်ပိုင်းကားအပေါင်း၊ တစ်ပိုင်းကားအကျစ်၊ တစ်ပိုင်း ကားအကြော်၊ တစ်ဖက်ကားအကင်၊ တစ်ဖက်ကားအဖုတ်၊ ငါးစသည်တို့ကိုလည်း ဤဆိုသည်အတိုင်း စီရင်ပြီးမှ၊ ကြက်ဖိုကြက်မကို သန့်စင်အောင်ဆေးကြော၍ ငရုတ်၊ ကြက်သွန် ချင်းစိမ်း၊ အမွေးမျိုးသွတ်ပြီးမှကျောကိုခွဲပြန်၍ ၀မ်းဘဲဥနှစ်လုံးစီသွတ်ပြီးမှ ကုလားကိုခေါ် ၍ ထောပတ်ဆီဦး နွားနို့လူးပြီးမှကြော်ရ၏။

    ကြက်ပြီးလျှင် ၀မ်းဘဲဥ အရာဝယ် စာသငယ်နှစ်ခုကို အရှင်သွတ်ပြီးလျှင် ချည်ကိုမမြင်ရအောင်ချုပ်၍ နွား နို့ထောပတ် လှူပြီးမှ ရွှေလင်ပန်း၊ ရွှေသံတေးဖလား အစရှိတို့၌ ကောင်းမွန်စွာပြင်ပြီးမှ အက္ကဘာရ်သံကို ခေါ်၍ ရွှေလွတ်တော်တွင် မှူးစုံမတ်ပေါင်းတို့အလယ်၌ ထမင်းကျွေး၏။ အမဲသား အကျစ်အကြော်အလုံးစုံကိုမြင်လျှင်အလွန်အံ့ဩ၏။ သားကင်သည် ထိုကြက်ကိုကျောကချုပ်ရာ အသားကိုယူရာဝယ် စာသူငယ် များထွက်၍ပျံသည်ကိုမြင်လျှင် ရင်ကိုသပ်၍ လူ့ပြည်ဝယ်မမြင်ဖူးတကား အဘယ်သို့လျှင် သားကင်သည်တို့သည် စီရင်လေသနည်းဟု အံ့ဩကြကုန်၏။

    စားသောက်ပြီးလျှင် ပြောဟော၍နေပြီးမှမင်းသံတော်တို့သည် တဲသို့ပြန်ရ၏။ အကြောင်းခပ်သိမ်းစုံကို ဘ၀ရှင်တရာကြီးအား ဗညားဒလသံတော်ဦးတင်၏။ များမကြာလျှင် သံကိုရွှေနန်းသဘင်ဝယ် ခပ်သိမ်းသော ထီးဆောင်မင်းအပေါင်း၊ အမှူးကြီး အမတ်ကြီးဒေါဗညားအပေါင်းနှင့် ခင်းကျင်း သပ္ပာယ်လျက် ဒီရေ အပြည့်တက်မည်ကို ငံ့လင့်တော်မူ၏။ မြစ်ကလည်းသင်္ဘောကတ္တူ လွန်းကြင်သံလှေလှော်ကား ကိုးနရားစာမရိ၊ မိကျောင်းရဲလောင်းအပြည့် ခင်းကျင်းစံပယ်လျှက် ကချေသဘင်၊ စည်ပတ်နရည်း ခရာနှဲ ပြွေ ဗုံမောင်း ကြေးစည် တံပိုး အရာတို့ကို တီးမှုတ်စေလျက် သဘင်ကြီးစွာစီရင်တော်မူ၏။ အက္ကဘာရ်မင်းသံတော်တို့လည်းကြည့်ရ၏။ ဒီရေပြည့်လျှင် အရှင်ဘ၀ရှင်မင်းတရားကြီး ထွက်တော်မူ၏။ စည်တော်သံ တံပိုး ခရာသံ၊ ဗုံသံမောင်းသံနှင့် ဒီရေကိုလိုက်၍ ငါးသား တက်ခိုက်ဖြစ်သောကြောင့် မိကျောင်း၊ လပိုင်၊မကန်း၊ လိပ်၊ ငါးမန်း၊ ငါးတို့သည် စည်သံ၊ ဗုံသံ၊ မောင်းသံ၊ တံပိုး ခရာသံကြားလျှင် ထိတ်လန့်၍ မြစ်လုံးပြည့်မျှ ခုန်လွှားကုန်၏။ အက္ကဘာရ်မင်းသံတော်တို့လည်း ဤကဲ့သို့ ဘုန်းတော်ကို ဇမ္ဗူဒီပါမြေအပြင်၌ မြင်ဖူးမည်ထား၍ ကြားဖူးမည်လောဟူ၍ အံ့ဩမူးတူး မှိုင်းထိုင်းရှိလျက် အက္ကဘာရ်မင်းကဆက်လိုက်သော လက်ဆောင်ပဏ္ဏာတို့ကိုဆက်၏။ အရှင်ဘ၀ရှင်မင်းတရားကြီးဝင်တော်မူလျှင်၊ မင်းသံတို့လည်းပြန်လေကုန်၏။ များမကြာလျှင် အက္ကဘာရ်မင်းသံတို့ကို ဆုလာဘ်များစွာ ပေးပြီးမှ သင်္ဘောကူး၍ လွှတ်တော်မူ၏။ အက္ကဘာရ်မြို့သို့ရောက်လျှင် ဘုန်းအာဏာ စက်ကြီးကြောင်း သားကင်သည် တက်ခဲ့ကြောင်း၊ပြည်ထဲရေးလေး မျက်နှာသာယာဝပြောကြောင်း၊ ထွက်တော်မူလျှင် ရေနေသတ္တ၀ါ အပေါင်းတို့သည် ခုန်လွှားမြူးတူးလျက်ခစားကြောင်း၊ အခြင်းအရာအလုံးစုံကို လျှောက်လေ၏။ ကြားလျှင် အက္ကဘာရ်မင်းသည်လည်း အဆက်ဆက်ဝယ်သည်ကဲ့သို့ ဘုန်းအာဏာစက်ကြီးသောမင်းသည် ရှိဘူးလိမ့်မည်လော။ စင်စစ်လျင် ဘုရားအလောင်းတော် ဟုတ်၏။ ၀မ်းမြောက်ဝမ်းသာ ရှိတော်မူ၏။ ငါသွား၍ ဆင်ဖြူများသခင်ဘ၀ရှင် မင်းတရားကြီး ဘုရားကိုခြေတော် ဦးတင်မည်ဟူ၍ အထူးထူးသော အဆန်းတကြယ်သော လက်ဆောင်ပဏ္ဏာတို့ကို များစွာစုရုံး၍ ကြီးလှစွာသောသင်္ဘောကို အက္ကဘာရ်မင်းစီးစရာ သင်္ဘောကတ္တူ လွန်းကြင်စီရင်၍ မင်းဧကရာဇ်နှင့် ထိုက်တန်အောင်စီရင်၍ ခြေဖ၀ါးတော်အောက်သို့ ခြေတော်ဦး တင်ရောက်အံ့သောငှာသင်္ဘောနှင့် ကူးတော့အံ့ဆဲဆဲတွင် ဆင်ဖြူဆင်နီတို့၏သခင်အရှင် ဘ၀ရှင်မင်းတရားကြီးသည် လူပြည်ငြီး၍ နတ်ပြည်စံတော်မူသောကြောင့် အက္ကဘာရ်မင်းသည် ရွှေဖ၀ါးတော်အောက်မရောက်ခင် ပြန်ရလေ၏။

    သုသောဓိက မဟာရာဇ၀င်ကြီး၊ တတိယတွဲ၊ စာမျက်နှာ ၄၂-၄၄။

    ဤသို့ အစ္စလာမ်ဘာသာဝင်ပြည်ရှင်မင်းသားနှင့် ဘုရင့်နောင်မင်းတရားကြီး သံတမန်ဆက်ဆံမှုရှိကြောင်း ကို ထောက်ရှုခြင်းအားဖြင့် အစ္စလာမ်ဘာသာဝင်ကုန်သည်သင်္ဘောများ အစ္စလာမ်ဘာသာဝင်များ ပဲခူးနေပြည်တော်တွင် ၀င်ထွက် အခြေစိုက်ဖောက်ကားရောင်းဝယ်မှု ရှိနေကြောင်း ထင်ရှားနေပေတော့သတည်း။

    (ရတနာပုံ) မောင်မောင်ခင်
    ဘီအက်စီ၊ ဒစ်အီးဒီ

    ၁၉၉၄ ထုတ် လပြည့်ဝန်း စာစောင် စာမျက်နှာ-၁၁၂-၁၁၇ မှ ကူးယူဖော်ပြသည်။

    *စာစောင် Hard copy ကို ဦးခင်မောင်ချို ထံမှ ရရှိပါသည်။

     

  • ဘာသာခြား သုံးယောက် အုပ်ချုပ်တဲ့ နိုင်ငံ

    ဘာသာခြား သုံးယောက် အုပ်ချုပ်တဲ့ နိုင်ငံ

    Phyo Ko Ko Naing ရေးသည်။

    Manmohan Singh , abdul kalam and sonia gandhi
    မွတ်ဆလင်သမ္မတ အဒူကာလမ်(၀ဲ) ဆစ်(ခ်)ဝန်ကြီးချုပ် မန်မိုဟန်ဆင်း(အလယ်) နှင့် ကွန်ဂရက်ပါတီ ဥက္ကဌ ဆိုနီယာ ဂန္ဒီ (ညာ)

    (၂၀၀၂ – ၂၀၀၇) ကာလမှာ အိန္ဒိယရဲ့ သမ္မတက သိပံ္ပပညာရှင် အဒူကလာမ်။ သူ့ ကို အိန္ဒိယ လူထုက သိပ်ချစ်ကြတယ်။ သူက ပါကစ္စတန်ရဲ့ အဏုမြူ ခြိမ်းခြောက်မှု အန္တရာယ်ကို မျှခြေလုပ်ဖို့ (Pokhran – II nuclear tests) ကို အောင်မြင်စွာ စမ်းသပ်ခဲ့တယ်။ ဒုံးကျည် လူသားလို့ တင်စားတယ်။ အိန္ဒိယ (Vision 2020) စီမံကိန်းကို ဖန်တီးခဲ့တဲ့ အဓိကလူ လည်း ဖြစ်တယ်။ သမ္မတ ဖြစ်တော့ အိမ်တော်ကို စာအုပ်သေတ္တာ နှစ်လုံးနဲ့ တက်လာပြီး တာဝန်က နားတော့ ဒီသေတ္တာ နှစ်လုံးပဲ ပြန်ယူဆင်းသွားတယ်။

    ဘဝရဲ့  နောက်ဆုံးနေ့ မှာ စာသင်ရင်း ရုတ်တရပ် နှလုံးခုန် ရပ်ပြီး ကမ္ဘာကြီးကနေ နှုတ်ဆက် သွားတယ်။ သူက အစ္စလာမ် ဘာသာဝင်။ ဒါပေမယ့် ဟိန္ဒူဘာသာ အဓိက ကိုးကွယ်တဲ့ မိခင်တိုင်းပြည် အတွက် နောက်ဆုံးနေ့ အထိ ပေးဆပ်ခဲ့တယ်။ သူနဲ့ ဘာသာတူ အစ္စလာမ်မစ် နိုင်ငံ ပါကစ္စတန်ရဲ့  အဏုမြူ ပါဝါ ကို သူ အတတ်ပညာနဲ့ ဟန့်တားပေးခဲ့တယ်။

    သူနဲ့ တာဝန် တွဲယူလိုက်ရတဲ့ ဝန်ကြီးချုပ်က မန်မိုဟန်ဆင်း။ “ဆင်း” က စီးပွားရေး ပညာရှင်။ သူ တာဝန် စယူချိန်မှာ အိန္ဒိယ ဂျီဒီပီက အမေရိကန် ဒေါ်လာ “၇၂၁.၆ ဘီလီယံ”။ သူ ဦးဆောင်မှုနဲ့ ဂျီဒီပီက “ဘီလီယံ ၁၀၀၀” ထိ စံချိန်တင် တက်လာတယ်။ သူ အနားယူတဲ့ အချိန်မှာ ဂျီဒီပီက “ဘီလီယံ ၂၀၆၆.၉” အထိ ဖြစ်သွားပြီ။ မိခင် နိုင်ငံကို စီးပွားပျက်ကပ်ကနေ ဆွဲထုတ်ခဲ့တဲ့ သူကတော့ ဈေးအပေါဆုံး Maruti 800 ပြည်တွင်းဖြစ် ကားလေးကို စီးတယ်။ ဂျဝါဟလာနေရူး နောက်ပိုင်း လူထုရဲ့ အနှစ်သက်ဆုံး ဝန်ကြီးချုပ်လို့  သိရတယ်။ သူကျတော့ ဆစ်(ခ်)ဘာသာဝင်။

    ဆစ်(ခ်) တွေနဲ့  ဟိန္ဒူတွေ ကြားမှာက ဘာသာရေး အမုန်းတရားတွေ ရှိတယ်။ ၁၉၈၄ ကဖြစ်ခဲ့တဲ့ ဆစ်(ခ်)တွေရဲ့ ခွဲထွက်ရေး လှုပ်ရှားမှုကို နှိမ်နင်းဖို့ အိန္ဒိယရဲ့  သမ္မတ အင်ဒီရာဂန္ဒီက အမိန့် ပေးခဲ့တယ်။ ဒါကို မကျေနပ်လို့ အင်ဒီရာကို သူရဲ့  ဆစ်(ခ်) ဘာသာဝင် သက်တော်စောင့် က လုပ်ကြံ သတ်ပစ်ခဲ့တယ်။ ဒီ အကျိုးဆက်ကြောင့် အဓိကရုဏ်းတွေ ဖြစ်ပွားပြီး အပြစ်မရှိတဲ့ ဆစ်(ခ်) ဘာသာဝင်တွေ ထောင်ပေါင်း များစွာ သတ်ခံရတယ်။ သောင်းဂဏန်း အိမ်ခြေယာမဲ့ ဖြစ်ကုန်တယ်။ ဒီနေ့ထိ ဟိန္ဒူနဲ့ ဆစ်(ခ်) တွေကြားမှ မပြေသေးတဲ့ အမုန်းတရား တွေ ရှိသေးတယ်။ ဒါပေမယ့် “ဆင်း” မှာတော့ မရှိဘူး။ ကားစုတ်လေး စီးတဲ့ ဆစ်(ခ်) ဝန်ကြီးချုပ်က ဟိန္ဒူ ဘာသာဝင် ၈၀ ရာခိုင်နှုန်း နေတဲ့ မိခင်နိုင်ငံ စီးပွားရေးကို ၃ ဆလောက် ဆွဲတင်သွားပြီး တာဝန်ကျေခဲ့တယ်။

    အဲချိန်တုန်းက အာဏာရပါတီ ခေါင်းဆောင်က ဆိုနီယာ ဂန္ဒီ။ သူကတော့ အထူးပြောစရာ မလိုပါဘူး။ ကမ္ဘာ သြဇာ အကြီးဆုံးလူ စာရင်းမှာ အမေစုနဲ့ နှစ်တိုင်း အတူပါနေကြ ခေါင်းဆောင်။ အမေစုလိုပဲ သရဖူ မဆောင်းတဲ့ မင်းဧကရာဇ်။ အင်ဒီရာဂန္ဒီရဲ့ ချွေးမ၊ နေရူးမျိုးဆက်နဲ့ အိန္ဒိယ လူထုရဲ့  နှလုံး သည်းပွတ်။ သူကတော့ ခရစ်ယာန် ဘာသာ ကိုးကွယ်တယ်။

    မဲပေးခွင့်ရှိတဲ့ လူရဲ့  ၈၀ ရာခိုင်နှုန်း ဟိန္ဒူ ဘာသာ ဖြစ်တဲ့ အိန္ဒိယကို အစ္စလာမ် သမ္မတ၊ ဆစ်(ခ်) ဝန်ကြီးချုပ်နဲ့ ခရစ်ယာန် ပါတီ ခေါင်းဆောင် တို့ က ပြိုင်တူ အုပ်ချုပ်ဖူးတယ်။ ဘာသာခြား သုံးယောက် ပေါင်းပြီး တိုင်းပြည် အကျိုး ကို စွမ်းစွမ်းတမန် ဆောင်ရွက်သွားတယ်။

    ဒီမိုကရေစီ နိုင်ငံမှာ လူနည်းစု ဘာသာဝင်ကို သမ္မတ တင်တာမရှိဘူး ပြောနေတဲ့ ဥာဏ်တော် စူးရောက်သူ တွေကို သိစေချင် တာက အနားမှာတင် ဘာသာခြား သုံးယောက်ကို ခေါင်းဆောင် ပြိုင်တူ တင်မြှောက်ခဲ့တဲ့ ကမ္ဘာ့ အကြီးဆုံး ဒီမိုကရေစီ နိုင်ငံ အိန္ဒိယက စံပြ ရှိတယ်။

    မြန်မာနိုင်ငံဆိုတာက ဗုဒ္ဓဘာသာ နိုင်ငံ။ ဗုဒ္ဓက ငါ၊ သူတပါး၊ ယောက်ျား၊ မိန်းမ ဆိုတဲ့ အတ္တ အစွဲတွေကို ဖြုတ်ခိုင်းတဲ့ အနတ္တ တရားကို ဖော်ထုတ်သူ။ သူ အဆုံးအမ အောက်မှာ နေမယ် ဆိုတဲ့ သူတွေက ဒုသမ္မတ တစ်ယောက်လောက် ကိုယ်နှင့် ဘာသာ မတူတာ ပါလာတာနဲ့ ကန့် ကွက် မယ် ဆိုတော့ ဗုဒ္ဓရဲ့ အနတ္တ တရား ကို ဆန့် ကျင် ဖျက်ဆီး နေတာလား (သို့ ) ဘာသာရေး အရေခြုံ လူယုတ်မာလား (သို့ ) ဥာဏ် မကောင်းလို့  တရားကို နားမလည် သေးတာလား လို့  မေးလည်း မေးချင်တယ်၊ မေးလည်း မေးရဲတယ်။

    တိုင်းပြည်ကို ကမ္ဘာအဆင်းရဲဆုံး ချောက်ထဲ ခုန်ဆင်းခဲ့အောင် ၁၉၆၂ ကနေ ဒီနေ့ထိ ဦးဆောင်သွားတာ တံဆိပ်ကပ် ဟန်ပြ ဗုဒ္ဓဘာသာတွေ ကြီးပဲ။ တိုင်းပြည်ရဲ့  အသွေး အသားတွေကို လှီးဖြတ်၊ အရိုးအဆစ် တွေကို ရိုက်ချိုး ချွတ် ရောင်းပြီး ကိုယ်ကျိုး ရှာခဲ့တာလည်း ဒီလို အမည်ခံကောင် တွေပဲ။ ဗုဒ္ဓရဲ့ ငါ မရှိတဲ့ အနတ္တ သာသနာ မှေးမှိန် သွားအောင် လုပ်ခဲ့တာ၊ နောင်ဘဝ ကောင်းစားရေး မျှော်လင့်ပြီး အပေးအယူနဲ့ ကုသိုလ်ပြုတဲ့ သင်္ချာ ဘာသာရေး ခေတ်စားအောင် လုပ်ခဲ့တာလည်း ဒီ ဗုဒ္ဓဘာသာ အရေခြုံ ဘာသာရေး ခေါင်းဆောင်တွေပါပဲ။

    စာရိတ္တကောင်းတဲ့ ဘာသာခြား ဒုသမ္မတ ဖြစ်လို့ တိုင်းပြည် မနစ်နာဘူး။ ဗုဒ္ဓဘာသာ ဖြစ်ပေမယ့် စာရိတ္တ မကောင်းတဲ့ သူခိုး ဒုသမ္မတ ဖြစ်ရင်သာ တိုင်းပြည် နစ်နာတယ်။

    မြင့်မြတ်သူတွေက ဘာသာတရားကို မေတ္တာတရား ပြန့်ပွားဖို့ သုံးတယ်။ အောက်တန်းကျတဲ့ ဘာသာရေး အရေခြုံတွေက အမုန်းတရား ဖြန့်ဖြူးဖို့ သုံးတယ်။ ကိုယ် ဖြစ်ချင်တဲ့ ဘဝ ကိုယ် ရွေးချယ်လို့ ရတယ်။

    Facebook လူမှုကွန်ယက်စာမျက်နှာမှာ လူကြိုက်များနေတဲ့ ဆောင်းပါး တပုဒ်ကို အမ်မီဒီယာ စာဖတ်ပရိတ်သတ် ဖတ်ရှု့နိုင်ဖို့ ထပ်ဆင့်မျှဝေဖော်ပြခြင်းဖြစ်ပါတယ်။

    မူရင်းလင့်ခ် Link

     

  • စစ်တွေ – နှစ်ခြမ်းခွဲထားတဲ့ မြို့

    စစ်တွေ – နှစ်ခြမ်းခွဲထားတဲ့ မြို့

    Sittwe-A-City-Divided-FEATURE-PHOTO
    ရခိုင်ပြည်နယ်တွင် ဖြစ်ပွားခဲ့သော ဘာသာရေး ပဋိပက္ခများကြောင့် လူပေါင်း ၁ သိန်း ၄ သောင်းခန့် အိုးမဲ့အိမ်မဲ့ ဖြစ်ခဲ့ရသည်မှာ ၃ နှစ်ကျော်ခဲ့ပါပြီ။ ယင်းပဋိပက္ခကြောင့် ရခိုင်လူမျိုး ဗုဒ္ဓဘာသာဝင်များနှင့် အစ္စလမ် ဘာသာဝင်များ ထိခိုက်ခဲ့ကြသည်။ နိုင်ငံတကာ မီဒီယာများက ရိုဟင်ဂျာ ဟု ခေါ်လေ့ရှိသည့် မွတ်စလင်များကို မြန်မာအစိုးရက နိုင်ငံသားပြုခွင့် ငြင်းပယ်ထားပြီး ၎င်းတို့အား ဘင်္ဂလားဒေ့ရ်ှမှ ခိုးဝင်လာသူ ဘင်္ဂါလီများအဖြစ် သတ်မှတ်ထားသည်။
    .
    ၂၀၁၂ ခုနှစ် အဓိကရုဏ်း၏ နောက်ဆက်တွဲဖြစ်ရပ်မှာ ရခိုင်ပြည်နယ်၏ မြို့တော် စစ်တွေတွင် နေထိုင်ကြသူများသည် စိုးရိမ် သံသယမကင်းသည့်စိတ် ဖြစ်ပေါ်နေခြင်းပင် ဖြစ်သည်။ မကြာသေးမီက ဧရာဝတီ သတင်းဌာနအနေဖြင့် စစ်တွေမြို့သို့ သွားရောက် လေ့လာခဲ့ရာတွင် မြို့အနှံ့ လုံခြုံရေးဝန်ထမ်းများ ချထားပြီး မွတ်စလင်များ နေထိုင်သော ရပ်ကွက် အ၀င်လမ်းများတွင် စစ်ဆေးရေးဂိတ်များ၌  ရဲဝန်ထမ်းများကို တွေ့ခဲ့ရသည်။ ယင်းရပ်ကွက်အတွင်း လူသူနေထိုင်ခြင်း မရှိသည့် အိမ်များတွင် လုံခြုံရေး ရဲဝန်ထမ်းများ၏ စခန်းအဖြစ် အသွင်ပြောင်းထားသည်ကို တွေ့ရှိခဲ့ရသည်။
    .
    ဒေသခံများသည် လုံခြုံရေးများ၏ စောင့်ကြည့်မှုအောက်တွင် တိုးတိုးတိတ်တိတ် ပြောဆိုနေထိုင်ကြရပြီး ၎င်းတို့နေထိုင်ရသည့် အနေအထားကို နေအိမ်အကျယ်ချုပ် ကျခံနေရသည် အခြေအနေနှင့် နှိုင်းယှဉ်ခဲ့ပြီး စစ်တွေမြို့ကို လုံခြုံရေး လျှော့ချပေး ရန် မျှော်လင့်ကြောင်း ပြောကြသည်။
    .
    အခွင့်မရှိ မ၀င်ရ
    —————-
    ဧရာဝတီ သတင်းဌာနသည် စစ်တွေသို့ သွားရောက်ခဲ့ပြီး ဘာသာရေး ခေါင်းဆောင်များနှင့် တွေ့ဆုံမေးမြန်းရန် မျှော်လင့်ခဲ့ပါသည်။ သို့သော် တာဝန်ရှိသူများက မွတ်စလင် ရပ်ကွက်ဖြစ်သော အောင်မင်္ဂလာ (ဒေသခံများက အမ်ပါလာ ရပ်ကွက်ဟု သိကြသည်) ရပ်ကွက်သို့ ရခိုင်လူမျိုးများအား ၀င်ရောက်ခွင့် မပြုသကဲ့သို့ မွတ်စလင်များကိုလည်း ဗုဒ္ဓဘာသာ ရခိုင်လူမျိုးများ နေထိုင်သည့် ရပ်ကွက်များသို့ ၀င်ထွက်သွားလာခွင့် တားမြစ်ထားပါသည်။ ထို့သို့ ကန့်သတ်ထား ရခြင်းမှာ မမျှော်လင့်သော ဥပဒေချိုးဖောက်မှုများကို ကာကွယ်ရန်ဖြစ်ကြောင်း ၎င်းတို့က ပြောသည်။
    .
    မွတ်စလင်ရပ်ကွက်သို့ သွားရောက် လည်ပတ်မည်ဆိုပါက တရားဝင် ခွင့်ပြုချက် လိုအပ်ပသည်။ ဧရာဝတီ သတင်းဌာန သွားရောက်လေ့လာခဲ့ချိန်တွင် လက်နက်ကိုင်ထားသော လုံခြုံရေး ၀န်ထမ်းတဦးသည် အောင်မင်္ဂလာ ဗလီရှေ့တွင် စောင့်ကြပ်နေသည်ကို တွေ့ခဲ့ရသည်။ ဒေသခံအနည်းငယ်နှင့် စကားပြောနေခိုက် ယူနီဖောင်း ၀တ်ဆင်ထားသော ရဲဝန်ထမ်းတယောက် ရောက်ရှိလာပြီး  လာရောက် လည်ပတ်သည့် ဧည့်သည်များအား မေးခွန်းတချို့ မေးမြန်းပါသည်။
    .
    “ဒီမှာ ကျနော်တို့က သူတို့လုံခြုံရေးအတွက် တာဝန်ယူနေတာပါ။ သူစိမ်းတွေကို အထဲသွားခွင့် မပြုပါဘူး။ ဒီရပ်ကွက်ထဲကို ၀င်ဖို့အတွက် ခင်ဗျားတို့ တရားဝင် ခွင့်ပြုချက်လိုပါတယ်” ဟု ၎င်းက ပြောသည်။
    .
    စစ်တွေတွင် အသေးစား စီးပွားရေးလုပ်ငန်း လုပ်ကိုင်နေသော ရန်ကုန်မှ ရောက်ရှိနေသည့် မွတ်စလင်တဦးဖြစ်သူ ကိုဇော်ဇော်အတွက် ဒေသခံ အာဏာပိုင်များထံမှ ယင်းသို့ လည်ပတ်ခွင့်ပြုမိန့် တောင်းခံရခြင်းမှာ အသစ်အဆန်း မဟုတ်ပေ။
    .
    “တကယ်လို့ ဒီရပ်ကွက်ထဲကို ၀င်ချင်ရင် ရခိုင်ပြည်နယ် အစိုးရရဲ့ တရားဝင် ခွင့်ပြုချက်လိုပါတယ်” ဟု ကြားဝင်ရှင်းပြပြီး.မည်သည့် အင်တာဗျူးမဆို တာဝန်ကျ လုံခြုံရေးဝန်ထမ်းများ၏ စိစစ်အတည်ပြုချက် ရယူပြီးမှသာ မေးမြန်းဆောင်ရွက်
    ရကြောင်း ကိုဇော်ဇော်က ပြောသည်။ ကိုဇော်ဇော်က မွတ်စလင် ရပ်ကွက်များတွင် ရဲတပ်ဖွဲ့များ စခန်းချထားခြင်းမှာ နိုင်ငံရေး ရည်ရွယ်ချက်တခု ဖြစ်နိုင်သည်ဟု ယူဆထားသည်။
    .
    “ဆိုးရွားတဲ့ ရလဒ်တွေ မဖြစ်အောင် ကျနော်တို့ ရှောင်ရှားရမယ်။ ပြီးတော့ ဖြစ်လာမယ့် နောက်ဆက်တွဲတွေကိုလည်း သေသေချာချာ စဉ်းစားဖို့လိုပါတယ်။ ရခိုင်ပြည်နယ် ဖွံ့ဖြိုးတိုးတက်ဖို့နဲ့ တည်ငြိမ်အေးချမ်းဖို့ ကျနော်တို့ အာရုံစိုက်ရမှာပါ” ဟု ကိုဇော်ဇော်က ပြောသည်။
    .
    နေအိမ်အကျယ်ချုပ်
    ———————
    တချိန်က စစ်တွေမြို့ ၊ စည်ပင်ဈေးတွင် အောင်မင်္ဂလာ ရပ်ကွက်နေ မွတ်စလင်များပိုင်ဆိုင်သော ဆိုင်ခန်းပေါင်း ၁၅၀ ကျော်ရှိခဲ့သည်။ ယနေ့အချိန်တွင် မွတ်စလင်များကို ဗုဒ္ဓဘာသာဝင် ရခိုင်လူမျိုးများနေထိုင်သော ရပ်ကွက်သို့ ၀င်ရောက်ခွင့် မပေးသည့်အတွက် စီးပွားရေးဆောင်ရွက်သော နေရာဖြစ်သည့် ထိုဆိုင်ခန်းများ အားလုံးမှာ ယနေ့အချိန်တွင် ပိတ်ထားရပါသည်။
    .
    စစ်တွေမြို့နယ် ဘုမေကျေးရွာတွင် နေထိုင်သူ အာမတ်အိုစန်က ၎င်းတို့ရွာသားများသည် ဈေးဝယ်ခွင့်နှင့် မြို့ထဲတွင် အလုပ်လုပ်ရန် တားမြစ်ခံထားရသည့်အတွက် သဲချောင်းရွာမှ လူသုံးကုန် ပစ္စည်းများကို ၀ယ်ယူကြကြောင်း ဧရာဝတီ သတင်းဌာနသို့ ပြောပါသည်။ သဲချောင်းရွာဆိုသည်မှာ တချိန်က ကျေးရွာဖြစ်သော်လည်း ယခုအခါတွင် ပြည်တွင်း မွတ်စလင်များကို ပြန်လည် နေရာချထားသော ဒုက္ခသည်စခန်းတခု ဖြစ်ပါသည်။
    .
    အာမတ်အိုစန်သည် လမ်းဘေး ဆိုင်ခန်းတခန်း ပိုင်ဆိုင်ပြီး တနေ့လျှင် အများဆုံး မြန်မာငွေ ၃၀၀၀ ကျပ် ၀င်ငွေရှိပါသည်။ သို့သော် ထိုပမာဏမှာ ၎င်းမိသားစုဝင် ၈ ယောက်အား ကျွေးမွေးရန် မလုံလောက်ပါ။ ၎င်း၏ နေအိမ်မှာ ပကတိအတိုင်း
    ကျန်ရှိခဲ့သော်လည်း ဘုမေရွာရှိ အိမ်ခြေ ၄၀ ကျော်သည် ပဋိပက္ခကာလအတွင်း မီးရှို့ဖျက်ဆီး ခံခဲ့ရသောကြောင့် ဒုက္ခသည်စခန်းတွင် နေထိုင်ကြသည်။
    .
    ဒေသခံ အာဏာပိုင်များက တချို့ ရခိုင်လူမျိုးများကို ဒုက္ခသည်စခန်းတွင် ကုန်ပစ္စည်းရောင်းရန် ခွင့်ပြုခဲ့သော်လည်း မွတ်စလင်များကို တူညီသော အခွင့်အရေးမပေးပါ။ စခန်းမှ မည်သည့် နေရာသို့မျှ ထွက်ခွာခွင့်မပြုပါ။
    .
    ဒုက္ခသည်များစခန်းသို့ ရွေ့ပြောင်းသူများသည် အကူအညီပေးသည့် အဖွဲ့များထံမှ အစားအစာနှင့် အ၀တ်အထည်များ စသည့် အထောက်အပံ့များ ရရှိကြသော်လည်း ရွာတွင် ကျန်ခဲ့သည့် လူများမှာ မည်သည့် အကူအညီမျှ မရရှိကြောင်း အာမတ်အိုစန်က ပြောသည်။
    “ဒုက္ခသည်စခန်းမှာ နေရတာထက်စာရင် ကိုယ့်အိမ်မှာ ကိုယ်နေရတာက ပိုကောင်းပါတယ်” ဟု အာမတ်အိုစန်က ပြောသည်။
    .
    လက်ရှိအချိန်တွင် တခြားသူများက ချုပ်နှောင်ခံထားရသူများနှယ် ခံစားနေရသော်လည်း ဘုမေရွာသား အာမတ်အိုစန် အဖို့.ယင်းသို့ တစိုးတစဉ်းမျှ မရှိ။
    .
    အောင်မင်္ဂလာ ရပ်ကွက်အတွင်း နေထိုင်သော မွတ်စလင် အုပ်ချုပ်ရေးမှူး မာမတ်ဟူစိန်ကမူ “ကျနော်တို့ နေအိမ် အကျယ်ချုပ် ကျနေသလို ခံစားရပါတယ်” ဟု ၎င်းတို့ နေထိုင်ရသည့်ပုံစံကို ပြောသည်။
    .
    ပြောင်းလဲသွားတဲ့ ဆက်ဆံရေး
    ——————————–
    ကိုဇော်ဇော်က ၎င်းနှင့် ရင်းနှီးသည့် ဗုဒ္ဓဘာသာ ရခိုင်လူမျိုးသူငယ်ချင်း၊ မိတ်ဆွေများနှင့် ဆက်ဆံရေးမှာ ပဋိပက္ခဖြစ်ပြီး.နောက်ပိုင်း ပျက်ယွင်းခဲ့ကြောင်း ပြောသည်။
    .
    “ပဋိပက္ခတွေ ဖြစ်ပြီးနောက်မှာ ကျနော်တို့ ဆက်ဆံရေးတွေ ပြောင်းလဲသွားခဲ့တယ်။ အခုတော့ နှစ်ဦးနှစ်ဖက် ဆက်ဆံရေးကို ကျနော်တို့ ပြန်တည်ဆောက်နေကြပါပြီ။ လမ်းမှာတွေ့တဲ့ အခါကျရင် ကျနော်တို့က နှုတ်ဆက်တယ်။ တခါတလေ စီးပွားရေးအကြောင်း ပြောဖြစ်ကြတယ်။ ဒါပေမယ့် အရင်လို အခြေအနေကို ပြန်ရောက်ဖို့က ခက်ခဲနေပါသေးတယ်” ဟု ကိုဇော်ဇော်က ပြောသည်။
    .
    စစ်တွေမြို့ ၊ ဘောက်သီးစုရပ်ကွက်၊ သာသနာ့ရံသီ ဘုန်းကြီးကျောင်းရှိ သြဇာတိက္ကမ ကြီးမားသော ကျောင်းထိုင် ဆရာတော် ဘဒ္ဒန္တ ဓမ္မိကသည် ၂၀၁၂ ခုနှစ် ပဋိပက္ခများ ဖြစ်ပွားစဉ်ကာလတွင်း မွတ်စလင်နှင့် ဗုဒ္ဓဘာသာ လူမှုအဖွဲ့အစည်းများ အကြား ပြေလည်မှုရစေရန် ကြားဝင် ဖျန်ဖြေခဲ့သူဖြစ်သည်။ လက်ရှိဖြစ်ရပ်များမှာ  မြန်မာအစိုးရက နှစ်ဖက်စလုံးကို အသုံးချ၍ လိုသလို ကစားနေသည်ဟု ဆရာတော်က ရှုမြင်သည်။ ထိုသို့ဆိုလျှင် နှစ်ဖက်စလုံး ထိခိုက်မည်ဖြစ်ပြီး၊ အားနည်းချက်ကို အခွင့်အရေးသမားများက အမြတ်ထုတ်သွားမည် ဖြစ်ကြောင်း ဆရာတော်က ရှင်းပြသည်။
    .
    ဆရာတော် ဘဒ္ဒန္တ ဓမ္မိက မွတ်စလင် ဘာသာဝင်များ နေထိုင်ရာ ရပ်ကွက်တွင် လုံခြုံရေးဝန်ထမ်းများ ချထားခြင်းဖြင့် တာဝန်ရှိသူများက မတူညီသော ဘာသာနှစ်ခုကြား မယုံကြည်မှု၊ တင်းမာမှုများကို အသုံးချကြောင်း ဧရာဝတီ သတင်းဌာနသို့ ပြောသည်။
    .
    “မွတ်စလင်ရပ်ကွက်တွေကို ရေရှည် စောင့်ကြပ်ဖို့ဆိုတာ ခိုင်လုံတဲ့ အကြောင်းပြချက် မဟုတ်ဘူး။ ဒါဟာ ပြဿနာကို ဖြေရှင်းတဲ့ နည်းလမ်း မဟုတ်ဘူး။ အဓိက ပဋိပက္ခဖြစ်ရတဲ့ အခြေခံအကြောင်းအရင်းကို ရှာရရမှာ” ဟု ဆရာတော်က ပြောသည်။
    .
    ထိုရပ်ကွက်များ၌ စောင့်ကြပ်နေသော ရဲဝန်ထမ်းအရေအတွက်ကို တာဝန်ရှိသူများက ဖြည်းဖြည်းချင်း လျှော့ချပေးသွားလိမ့်မည်ဟု ဆရာတော်က မျှော်လင့်သည်။
    .
    “တချို့နေရာတွေက လုံခြုံရေးအင်အား (လျှော့ချတာမျိုး) စမ်းသပ်သင့်တယ်။ တကယ်လို့ အဲဒီတနေရာမှာ အောင်မြင်ခဲ့ရင် တခြားနေရာတွေမှာလည်း အဲဒီလိုမျိုး စမ်းပြီးတော့ လုပ်လို့ ရတာပေါ့” ဟု ဆရာတော်က ပြောသည်။
    .
    ကိုဇော်ဇော်ကလည်း ဆရာတော် ဘဒ္ဒန္တ ဓမ္မိက၏ အကြံပြုချက်ကဲ့သို့ အပြောင်းအလဲများကို အသေးအမွှားမှ စတင်ကာ.ဆောင်ရွက်သင့်ကြောင်း ယူဆသည်။ ဗုဒ္ဓဘာသာဝင် ရခိုင်လူမျိုးများနှင့် မွတ်စလင်တို့ အတူအကွ စုပေါင်း နေထိုင်ကြခဲ့ကြသော စစ်တွေမြို့ကို ယခင် အနေအထားသို့ ပြန်လည် ရောက်ရှိရန် ဒေသခံတို့ အတွက် စိတ်ကူးယဉ်ဖို့တောင် ခက်ခဲနေပါသေးသည်။
    .
    နှစ်ဖက်အသိုင်းအ၀ိုင်း ပြန်လည် သင့်မြတ်လာစေရေးအတွက် စစ်တွေမြို့တွင် အစိုးရ၏ မဖြစ်စလောက်သော အစပျိုးမှုသာ ရှိခဲ့သည်။ များမကြာမီ အာဏာလွှဲပြောင်းပေးရတော့မည့် သမ္မတ ဦးသိန်းစိန်၏ အကြံပေးတဦးဖြစ်သော ဒေါက်တာ ကျော်ရင်လှိုင် ဦးဆောင်၍ ၂၀၁၄ ခုနှစ်တွင် ရခိုင်ပြည်နယ်၌ ငြိမ်းချမ်းရေး တည်ဆောက်ရန် အဖွဲ့တဖွဲ့ တည်ထောင်ခဲ့ပါသည်။
    .
    ပဏာမ ရည်မှန်းချက်တခုမှာ ဘာသာရေး အဖွဲ့အစည်းနှစ်ခုကြား တင်းမာမှုများ လျော့ကျရန် ဖြစ်သည်။ နှစ်ဖက်အသိုင်း အ၀ိုင်းတွေ့ဆုံကာ ဆွေးနွေးအဖြေရှာမည့် စကားဝိုင်းတခု စီစဉ်ပေးရန် ယင်းအဖွဲ့အား တောင်းဆိုခဲ့ကြသော်လည်း လက်ရှိ အချိန်ထိ ယင်းအစီအစဉ်မှာ အထမမြောက်သေးပေ။
    .
    အသေးစိတ် ထပ်မံ သိရှိနိုင်ရန် ဧရာဝတီ သတင်းဌာနက ဒေါက်တာ ကျော်ရင်လှိုင်၏ ဖုန်းအား ဆက်သွယ်ခဲ့သော်လည်း အဆက်အသွယ် မရခဲ့ပေ။
    .
    အားကိုးရာမဲ့နေသော မတူညီသည့် လူ့အဖွဲ့စည်း နှစ်ခုက နောက်တက်လာမည့် အမျိုးသားဒီမိုကရေစီအဖွဲ့ချုပ် (NLD) ပါတီ ဦးဆောင်သော အစိုးရအနေဖြင့် ရခိုင်ပြည်နယ် စစ်တွေမြို့တွင် အထင်အရှား ရှိနေသေးသည့်  ပဋိပက္ခများ၏ နောက်ဆက် တွဲကိစ္စရပ်များကို ဖြေရှင်းရန် မျှော်လင့်လျက်ရှိသည်။
    .
    ဧရာဝတီ အင်္ဂလိပ်ပိုင်းတွင် ဖော်ပြထားသော မိုးမြင့်၏ Sittwe: A City Divided ကို ဆုမွန်ဖြိုး ဘာသာပြန်ဆိုသည်။

    ဧရာဝတီမှ ကူးယူဖော်ပြပါသည်။
    http://mobile.irrawaddy.com/article/2016/03/15/109970.html

  • တိုင်းပြည်ကို မောင်းနှင်သူများရဲ့ လက်တစ်ကမ်းမှ ဦးသျှောင်

    တိုင်းပြည်ကို မောင်းနှင်သူများရဲ့ လက်တစ်ကမ်းမှ ဦးသျှောင်

    DASSK
    ၂၀၁၆ မတ်လ ၈ ရက်၊ ရန်ကုန်မြို့ NLD ဋ္ဌာနချုပ် ရံပုံငွေရောင်းချပွဲတွင်တွေ့ ရသော ဒေါ်အောင်ဆန်းစုကြည်၏ ပုံတူပန်းချီကားများနှင့် NLD ပါတီအမှတ်တံဆိပ်ပုံများ။

    မတ် ၁၅ ၊ ၂၀၁၆
    M-Media

    ဒေါ်အောင်ဆန်းစုကြည်က သမ္မတ ဖြစ်မလာနိုင်တော့ပေမယ့် ရှေ့ဆက်ဇာတ်လမ်းမှာ သူမကို တားဆီးနိုင်မှာ မဟုတ်ပါဘူး။

    မြန်မာနိုင်ငံရဲ့ နောက်တက်မယ့် သမ္မတသစ် ဦးထင်ကျော်ရဲ့ ကိုယ်ရေးအချက်အလက်တွေကို နောက်ဆုံးအချိန်မှာ သိကြရပါပြီ။ ယခင်က သူနဲ့ပတ်သက်ပြီး မကြားဖူးကြပေမယ့် သိပ်မဆန်းကြယ်လှပါဘူး။ ဒါဟာ တစ်စိတ်တစ်ဒေသသော အစီအမံဖြစ်နေလို့ပါပဲ။

    ယခုသီတင်းပတ်အစောပိုင်းမှာ အတိုက်အခံ NLD ပါတီခေါင်းဆောင် ဒေါ်အောင်ဆန်းစုကြည်က ဦးထင်ကျော်ကို ပါတီရဲ့ဦးဆောင်ကိုယ်စားလှယ်လေင်းအဖြစ် အမည်တင်သွင်းခဲ့တယ်။ သမိုင်းဝင်နိုဝင်ဘာရွေးကောက်ပွဲကို သောင်ပြိုကမ်းပြို အနိုင်ရပြီးတဲ့နောက် NLD အနေနဲ့ သမ္မတအမည်တင်သွင်းခွင့် ရရှိသွားတယ်။ သို့တိုင်အောင် ဒေါ်အောင်ဆန်းစုကြည် ကိုယ်တိုင်ကတော့ သမ္မတ ဖြစ်ခွင့် ရှိမနေပါဘူး။ စစ်တပ်အာဏာရှင်တွေ စီမံရေးဆွဲထားခဲ့တဲ့ လက်ရှိဖွဲ့စည်းအုပ်ချုပ်ပုံအခြေခံဥပဒေက အဲ့ဒီထိပ်တန်းနေရာအတွက် သူမကို ပိတ်ဆို့တားဆီးထားလို့ဖြစ်ပါတယ်။ နိုင်ငံခြားသားဇနီးခင်ပွန်းနဲ့သားသမီးရှိသူ မည်သူပင်ဖြစ်စေ ပ,ထုတ်လိုက်ဖို့ စစ်ဗိုလ်ချုပ်တွေက ကြိုတင်ပြင်ဆင်စီမံထားခဲ့တာပါ။ အထူးသဖြင့် ဗြိတိသျှအမျိုးသားနဲ့လက်ထပ်ထိမ်းမြားခဲ့ပြီး ဗြိတိန်နိုင်ငံသား သားနှစ်ဦးရဲ့မိခင် ဒေါ်အောင်ဆန်းစုကြည်ကို ရည်ရွယ်တယ်ဆိုတာ အလွန်ထင်ရှားပါတယ်။

    ဒါပေမယ့်လည်း မြန်မာမဲဆန္ဒရှင်အများစုက ဒါကိုအရေးမစိုက်ဘဲ မိမိတို့ဟာ သူမကိုသာ နိုင်ငံ့ဦးဆောင်သူအဖြစ် အလိုရှိကြောင်း သောင်းသောင်းဖျဖျ ပြသခဲ့ကြတယ်။ ဒေါ်အောင်ဆန်းစုကြည်ကလည်း ဒါကို ကောင်းကောင်း သိရှိထားပြီးသားပါ။ ရွေးကောက်ပွဲမတိုင်မီကလည်း ပါတီက အနိုင်ရရှိခဲ့ရင် အုပ်ချုပ်ရေးကဏ္ဍတိုင်းမှာ ကိုင်တွယ်စီမံဖို့ ရည်ရွယ်ထားပြီးဖြစ်တယ်လို့ အများသိအောင် ပြောကြားခဲ့ပြီးဖြစ်တယ်။ သူမဟာ “သမ္မတရဲ့အထက်မှာ ရှိနေမယ်၊ ဆုံးဖြတ်ချက်အားလုံးကို ချမှတ်မယ်” ဆိုပြီး လူသိရှင်ကြား ကြေငြာခဲ့ပါတယ်။ သမ္မတဆီမှာ အာဏာမရှိဘူးလို့ မပြောယုံတမယ်ပါပဲ။ အမှန်တကယ်မှာလည်း သူမကသာ ကိုင်တွယ်စီမံသွားမှာကြောင့်ဖြစ်တယ်။ ဦးထင်ကျော်(၆၉ နှစ်)ကို သူမ ရွေးချယ်လိုက်တာဟာ သူမရဲ့ကြွေးကြော်မှု အတိုင်း လျှောက်လှမ်းခြင်းကို ပြသလိုက်ခြင်းလို့ ဆိုရပါမယ်။

    ဦးထင်ကျော်ရဲ့ အရည်အသွေးပြည့်မီမှုက သံသယထားစရာ မလိုအပ်သော်လည်း ကိုယ်ပိုင်နိုင်ငံရေးသြဇာတက္ကိမ မကြီးမားလှပါဘူး။ သူဟာ ဒေါ်အောင်ဆန်းစုကြည်နဲ့ အထက်တန်းကျောင်းနေဖက်ဖြစ်ခဲ့ပြီး ၁၉၆၈ ခုနှစ်မှာ ရန်ကုန်တက္ကသိုလ်က စီးပွားရေးဘွဲ့ကို ဆွတ်ခူးခဲ့တယ်။ အစိုးရအလုပ်ကို ၀င်ရောက်ခဲ့ပေမယ့် တဖြည်းဖြည်းနဲ့ ဒီမိုကရေစီထောက်ခံသူအတိုက်အခံဖက်နဲ့ ပိုမိုနီးစပ်လာခဲ့တယ်။ ၁၉၉၂ ခုနှစ်မှာ အစိုးရအလုပ်က နှုတ်ထွက်လိုက်ပြီး ဒေါ်စုကြည်ဖက်ကနေ လုပ်ငန်းဆောင်ရွက်ခဲ့တယ်။ ဒေါ်စုကြည်ကို ကိုယ်တိုင်ကိုယ်ကျ ကားမောင်းပို့ဆောင်ပေးတဲ့အထိ သူဟာ သူမရဲ့ အနီးကပ်လက်ရုံးတစ်ဆူ ဖြစ်လာခဲ့ပါတယ်။ (ယခုရက်သတ္တပတ်အတွင်း နိုင်ငံခြားသတင်းဋ္ဌာနများကနေ သူ့အတိတ်အရည်အချင်းကို ခေါင်းစည်း တပ်မိလို့ မြန်မာဆိုရှယ် မီဒီယာတွေမှာ တော်တော့်ကို ပွက်လော ရိုက်သွားကြတယ်)။ ဒေါ်ခင်ကြည်ဖောင်ဒေးရှင်းရဲ့ အခရာစီမံခန့်ခွဲသူ ဦးထင်ကျော်ဟာ ရိုးသားပြီး နှိမ့်နှိမ့်ချချရှိသူ၊ သိမ်မွေ့ယဉ်ကျေးသူအဖြစ် အကြီးအကျယ် လေးစားခံရသူဖြစ်တယ်။ စစ်တပ်နဲ့နီးစပ်ရာ အရင်းအမြစ်တွေကဆီကပင်လျှင် သူ့ကို လူကောင်းသူမွန်တစ်ဦးအဖြစ် အသိအမှတ်ပြုထားကြောင်း ပြောဆိုကြပါတယ်။

    အကယ်၍ NLD ကို မျိုးရိုးကြီးမြင့်သူတို့ရဲ့အုပ်စိုးမှုခံရတဲ့ပါတီလို့ ဆိုခဲ့မယ်ဆိုရင်လည်း ဦးထင်ကျော်ဟာ တင်းပြည့်ကျပ်ပြည့် အဖွဲ့ဝင်တစ်ဦးပါလို့ ဆိုရပါမယ်။ သူရဲ့ကွယ်လွန်သူဖခင် စာဆိုကျော်ကြီး မင်းသုဝဏ်က ၁၉၉၀ ခုနှစ်မှာ လွှတ်တော်ကိုယ်စားလှယ်အဖြစ် အရွေးချယ်ခံခဲ့ရသူပါ။ (သို့ပေမယ့်လည်း စစ်အစိုးရရဲ့ ပယ်ဖျက်မှုကြောင့် အမတ်နေရာ မရောက်ခဲ့ရပါဘူး)။ ဦးထင်ကျော်ရဲ့ ယောက္ခထီး ဦးလွင်(ကွယ်လွန်)ကလည်း NLD တည်ထောင်ခဲ့သူများအနက် အပါအ၀င်တစ်ဦးဖြစ်ခဲ့တယ်။ သူ့ဇနီး ဒေါ်စုစုလွင် ကလည်း ဒေါ်အောင်ဆန်းစုကြည်ရဲ့ အယုံကြည်ရဆုံး အတွင်းစည်းနိုင်ငံရေးသမား တစ်ဦးဖြစ်နေတဲ့အပြင် အောက်လွှတ်တော် အမတ်နဲ့ နိုင်ငံတကာဆက်ဆံရေးကော်မတီဥက္ကဋ္ဌအဖြစ် တာဝန်ထမ်းဆောင်နေပါတယ်။

    ဦးထင်ကျော်ကို ဘာကြောင့်ရွေးချယ်ဖို့ဆုံးဖြတ်သလဲဆိုတာ ဒေါ်စုကြည်က ပါတီဝင်အမတ်များအစည်းအဝေးတစ်ရပ်မှာ အခုလို ပြတ်သားစွာ ပြောကြားခဲ့ပါတယ်။ “ဒီပုဂ္ဂိုလ်က ပါတီအပေါ် သစ္စာစောင့်သိသူဖြစ်ရပါမယ်။ သစ္စာစောင့်သိသူကိုသာ ကျွန်မတို့ ဦးစားပေး(ရွေးချယ်)တယ်”။ ဒီစကားအသွားအလာအရ ဦးထင်ကျော်သည်သာ NLD ခေါင်းဆောင်ရဲ့အမိန့်ကို ဦးလည်မသုန် နာခံဆောင်ရွက်သွားမယ့် “လမ်းကြောင်းခင်းကျင်းပေးမယ့် သမ္မတ” – Puppet president လို့ သတ်မှတ်ထားပုံရပါတယ်။

    သစ္စာစောင့်သိခြင်းအပေါ် ဒေါ်အောင်ဆန်းစုကြည်က အလေးထားဖော်ပြခြင်းဟာ တိုင်းပြည်သမိုင်းကို သိထားကြသူအတွက် တမင်ရွဲ့တယ်လို့ ခံစားကြရတယ်။ စစ်တပ်အာဏာသိမ်းပြီး ၁၉၇၀ နှစ်များအစောပိုင်းမှာ အာဏာရှင် ဗိုလ်ချုပ်နေ၀င်းက လူထုအကျိုးဆောင်ရွက်ဖို့အတွက် သစ္စာစောင့်သိခြင်းဟာ အရေးအကြီးဆုံးအဖြစ် ဦးထိပ်တင်ညွှန်းပြခဲ့တယ်။ သူ့ရဲ့ ရုပ်ပျက်ဆင်းပျက်ဆောင်ပုဒ်က “လူကောင်း လူတော်” (ကောင်းခြင်းသည် ပထမ၊ တော်ခြင်းသည် ဒုတိယ) ဖြစ်ပါတယ်။ (ရိုးရာဆိုရိုးစကားဖြစ်တဲ့ လူတော်လူကောင်းကို ပြောင်းပြန်လှန်ထားတာပါ)။ ဗိုလ်ချုပ်နေ၀င်းအဖို့ လူကောင်း ဆိုတာ သစ္စာစောင့်သိခြင်းကို ရည်ညွှန်းခဲ့ပြီး သူ့အပေါ် သစ္စာစောင့်သိသူမှန်သမျှ အစိုးရရဲ့အဓိကနေရာများမှာ ဖြည့်သွင်းခန့်အပ်ခဲ့တယ်။ အာဏာရှင်ကြီးရဲ့အလိုအရ စွမ်းရည်၊ အရည်အချင်းတွေဆိုတာ သစ္စာစောင့်သိမှုရဲ့လက်အောက်ခံသာဖြစ်ပါတယ်။ ဒါကြောင့်လည်း အကျင့်ပျက်ခြစားမှုတွေ၊ အာဏာအလွဲသုံးစားပြုမှုတွေက ဒီရေအလား တိုးပွားလာခဲ့ရတယ်။

    အလားတူ သစ္စာစောင့်သိခြင်း စစ်ဆေးချက်ကို ဒေါ်စုကြည်က သူမရဲ့ ဒုတိယခြေလှမ်းသော့ချက်အဖြစ် အသုံးချလိုက်ပါပြီ။ ဖွဲ့ခြေဥမှာပါဝင်တဲ့ သပွတ်အူ နည်းစဉ်များအရ အထက်လွှတ်တော်အမတ်နေရာအများစု ရရှိခဲ့တဲ့ NLD ဟာ ဒုတိယသမ္မတနှစ်ဦးအနက် တစ်ဦးရဲ့အမည်ကိုလည်း တင်သွင်းခွင့်ရရှိခဲ့တယ်။ အဲ့ဒီနေရာအတွက် ဒေါ်အောင်ဆန်းစုကြည်က ဦးဟင်နရီ ဗန်ထီးယူ (၅၇ နှစ်)ကို ရွေးချယ်ခဲ့တယ်။ ဒီရွေးချယ်မှုကလည်း အံ့အားသင့်စရာ ဖြစ်လာရပါတယ်။ ချင်းအမျိုးသားကိုယ်စားလှယ်ဖြစ်သူ ဦးဟင်နရီဟာ စစ်တပ်အရာရှိ အဖြစ် နှစ်ရှည်လများ အမှုထမ်းခဲ့ပြီး NLD ထဲ ရောက်လာတာ တစ်နှစ်မျှသာ ရှိပါသေးတယ်။ ဒီမိုကရေစီအရေး တက်ကြွလှုပ်ရှားမှုမှာ ဘာမှတ်တမ်းမှ မရှိထားပါဘူး။ ဒါ့အပြင် လူနည်းစုတိုင်းရင်းသားပါတီများမှာလည်းကောင်း၊ လက်နက်ကိုင်အဖွဲ့အစည်းများမှာ လည်းကောင်း မည်သည့်ထင်ရှားတဲ့အခန်းကဏ္ဍမှာ မပါဝင်ခဲ့ပါဘူး။ (စိတ်ဝင်စားစရာကောင်းတာကတော့ ဗုဒ္ဓဘာသာဝင် အများစုကြီးစိုးတဲ့နိုင်ငံမှာ ဘာသာခြား ခရစ်ယာန်တစ်ဦးဖြစ်တဲ့သူက နိုင်ငံ့အမြင့်ဆုံး အဆင့်ကို ရှားရှားပါးပါး ရောက်ရှိသွားခြင်းပဲဖြစ်ပါတယ်)။

    သူ့ကို ဘာကြောင့် ရွေးချယ်ရပါသလဲ ?  အဖြေကတော့ လူနည်းစုတိုင်းရင်းသားအုပ်စုဝင်တစ်ဦးဦးကို လိုအပ်ချက်အရ ခန့်အပ်ဖို့ ဆန္ဒရှိနေတယ်ဆိုတာ ထင်ရှားပါတယ်။ ဒါပေမယ့် သူဟာ မည်သည့်အခိုင်အမာတိုင်းရင်းသားပါတီရဲ့ သစ္စာခံ မဟုတ်ပါဘူး။ ဒေါ်စုကြည်ကိုသာ အကြွင်းမဲ့ သစ္စာစောင့်သိသွားဖို့သာ ရှိနေပါတယ်။

    ဒုသမ္မတနေရာမှာ ဦးဟင်နရီကို အဆိုတင်သွင်းတဲ့အတွက် ဒေါ်အောင်ဆန်းစုကြည်အဖို့ အရဲစွန့်ကြည့်လိုက်တယ်လို့ ဆိုရမှာပါပဲ။ ဒုသမ္မတနှစ်ဦးဟာ အမှန်တကယ်သြဇာရှိတဲ့ ပြယုဂ်ဖြစ်ဖို့ လိုအပ်ပါတယ်။ နောက်တစ်ဦးက စစ်တပ်ကြီးစိုးထားတဲ့ အမျိုးသားကာကွယ်ရေးနဲ့ လုံခြုံရေးကောင်စီကနေ ပေါ်ထွက်လာပါမယ်။ ဒုသမ္မတနှစ်ဦးစလုံးကလည်း အဲ့ဒီကောင်စီရဲ့အဖွဲ့ဝင်များ အဖြစ်ပါဝင်နေမှာပါ။ ဖွဲ့စည်းပုံဥပဒေက ဒီအစုအဖွဲ့ကို အတော်အတန်ကြီးမားတဲ့ အာဏာ အပ်နှင်းပေးထားပေမယ့်လည်း တိုင်းပြည်ကို ဗိုလ်ချုပ်တွေကပဲ ကြီးစိုးထားတဲ့အတွက် စစ်တပ်ကတော့ ဒီအဖွဲ့အပေါ် အမြတ်ထုတ်ဖို့ ခုထက်ထိ တစ်ပန်းသာနေဆဲပါ။ ခုဆိုရင် NLD ကအစိုးရအဖွဲ့ကို (အနိမ့်ဆုံးအားဖြင့် အမည်ခံအရ) တာဝန်ယူကိုင်တွယ်တော့မှာဖြစ်တယ်။ စစ်တပ်ကလည်း ဒီကောင်စီကို အသုံးချဖို့ အကြီးအကျယ် ခြေလှမ်းစလာဖွယ်ရှိနေပါတယ်။

    စစ်ဗိုလ်ချုပ်များက သစ္စာစောင့်သိခြင်းကို ဦးထိပ်ထားကြသူများပီပီ သူတို့ရဲ့ဒုသမ္မတကို သူတို့လို အခွင့်ထူးခံ လူတန်းစားထဲကပဲ ရွေးချယ်မှာဖြစ်တယ်။ စစ်ဗိုလ်ချုပ်ဟောင်း တစ်ဦးဖြစ်ပြီး လက်ရှိရန်ကုန်မြို့တော်ဝန်နေရာကို ယူထားတဲ့ ဦးမြင့်ဆွေကို သူတို့ ရွေးထုတ်ထားကြတယ်။ သူဟာ အာဏာရှင်ဟောင်း ဗိုလ်ချုပ်မှူးကြီးသန်းရွှေရဲ့ လူယုံတော်တစ်ဦးအဖြစ် ကျော်ကြားတယ်။ ဒါကိုကြည့်ခြင်းဖြင့် ဦးသန်းရွှေဟာ ကန့်လန့်ကာနောက်ကွယ်က နိုင်ငံရေးအခင်းအကျင်းကို ကစားနေတုန်းပဲ ဆိုတာကို ဖော်ပြနေပါတယ်။

    ဦးမြင့်ဆွေကို အဆိုတင်သွင်းခြင်းဟာ မရိုးသားမှုအဖြစ် ဒီမိုကရေစီအရေးလှုပ်ရှားတက်ကြွသူများဖက်က အမြင်ရှိနေကြတယ်။ ဗုဒ္ဓဘာသာဝင်ဘုန်းတော်ကြီးများဦးဆောင်တဲ့ ၂၀၀၇ ရွှေဝါရောင်အရေးအခင်းကို ဖြိုခွဲမှုမှာ သူက အဓိကအခန်းကဏ္ဍထဲ ပါဝင်ခဲ့သူဖြစ်တယ်။ လက်ရှိမှာလည်း အကျင့်ပျက်ခြစားသူအစုအဖွဲ့ဝင်အဖြစ် စောင့်ကြည့်ခံနေရသူလည်းဖြစ်တယ်။ ဦးသန်းရွှေအနေနဲ့ ဒါတွေကို ကရုစိုက်ပုံမရပါဘူး။ သူ့ရဲ့ခြွေရံသင်းပင်းဝင်များထဲက ဒုသမ္မတနေရာ ထည့်သွင်းဖို့သာ အဓိကသောကထားနေပုံပါပဲ။ သို့မှသာ သူ့မိသားစုဝင်တွေ၊ သူတို့ရဲ့ကိုယ်ကျိုးစီးပွားတွေရဲ့ အနာဂတ်လုံခြုံရေးအတွက် အာမခံချက်ရှိမယ် မဟုတ်လား။

    ဦးထင်ကျော်ကို ဒုသမ္မတနေရာအတွက် အောက်လွှတ်တော်က မတ်လ ၁၁ ရက်မှာ အတည်ပြုခဲ့တယ်။ မတ်လ ၁၅ ရက်မှာ လွှတ်တော်နှစ်ရပ်စလုံးက ဒုသမ္မတသုံးဦးအနက်တစ်ဦးကို သမ္မတအဖြစ် ရွေးချယ်မှာဖြစ်ပါတယ်။ ဘာဆက်ဖြစ်လာနိုင်တယ်ဆိုတာ ကျွန်တော်တို့ သိထားကြပြီးဖြစ်တဲ့အတွက် နောက်ထပ်အံ့အားသင့်စရာမရှိတော့ပါဘူး။ လမ်းကြောင်းခင်းကျင်းပေး သူများရဲ့ဦးသျှောင် ဒေါ်အောင်ဆန်းစုကြည် စတင်ကြိုးဆွဲမောင်းနှင်တော့မယ့် ဒီလုပ်ငန်းစဉ်ရဲ့ နောက်ထပ် တစ်ဆင့်ကိုသာ စောင့်ကြည့်သွားရတော့မှာဖြစ်ပါတယ်။

     

    Foreign Policy တွင် ဖော်ပြခဲ့သော Min Zin ၏ ဆောင်းပါးကို မြင့်မိုရ်မောင်မောင် ဆီလျော်အောင်ဘာသာပြန်ဆိုသည်။

  • ဒေါ်အောင်ဆန်းစုကြည် မဟုတ်တဲ့ အရပ်သား သမ္မတ

    ဒေါ်အောင်ဆန်းစုကြည် မဟုတ်တဲ့ အရပ်သား သမ္မတ

    12795539_1340358919314634_7839940133976402721_n
    ဆွေဝင်း၊ အိချယ်ရီ/ Myanmar Now

    နေပြည်တော် (Myanmar Now) – လွှတ်တော်မှာ သမ္မတလောင်း ၄ ဦး အမည်ကို ကြာသပတေးနေ့မှာ တင်သွင်းလိုက်လိုက်ပါပြီ။ ဒါပေမယ့် ဒီလေးဦးထဲမှာ ဒေါ်အောင်ဆန်းစုကြည် မပါဝင်ပါဘူး။ ရွေးကောက်ပွဲအနိုင်ရ အမျိုးသားဒီမိုကရေစီအဖွဲ့ချုပ် (NLD) ခေါင်းဆောင် ဒေါ်အောင်ဆန်းစုကြည်က ခင်ပွန်း/ဇနီး သို့မဟုတ် သားသမီးတွေဟာ နိုင်ငံခြားသား ဖြစ်နေရင် သမ္မတ တာဝန် ယူခွင့်မရှိဘူးဆိုပြီး ဖွဲ့စည်းပုံအခြေခံဥပဒေမှာ ပြဋ္ဌာန်းထားချက်အရ သူ့အနေနဲ့ သမ္မတ မဖြစ်နိုင်သေးပါဘူး။ ဒေါ်အောင်ဆန်းစုကြည်ကတော့ သူဟာ သမ္မတရဲ့ အထက်မှာ ရှိနေမယ်လို့ ပြောထားပြီးပါပြီ။

    ဒေါ်အောင်ဆန်းစုကြည် ဒီသမ္မတလောင်းစာရင်းထဲမှာ မပါပေမယ့် အခု သမ္မတ ရွေးချယ်မှုဟာ မြန်မာနိုင်ငံအတွက် သမိုင်းဝင် ဖြစ်ရပ်တစ်ခုပါ။ သူဦးဆောင်မယ့် အစိုးရဟာ အရပ်သား အစိုးရ စစ်စစ်ဖြစ်လာပြီး ၁၉၆၂ မှာ ပါလီမန်ဒီမိုကရေစီအစိုးရဆီကနေ စစ်တပ်အာဏာသိမ်းပြီးတဲ့နောက်ပိုင်း ဒီမိုကရေစီနည်းလမ်းအရ ပေါ်လာမယ့် ပထမဆုံး အရပ်သားအစိုးရ ဖြစ်လာမှာပါ။

    ဒေါ်အောင်ဆန်းစုကြည်ဟာ လာမယ့်အစိုးရအဖွဲ့ရဲ့ နိုင်ငံခြားရေးဝန်ကြီးနေရာမှာ နေသွားမယ်လို့လည်း NLD အကြီးတန်း ခေါင်းဆောင်တစ်ဦးထံက သိရပါတယ်။ ဒီရာထူးကြောင့် ဒေါ်အောင်ဆန်းစုကြည်ဟာ နိုင်ငံအတွက် အဓိကကျတဲ့ လုံခြုံရေးဆိုင်ရာ ဆုံးဖြတ်ချက်တွေကို ပြုလုပ်ရမယ့် အဖွဲ့ဝင် ၁၁ ဦးပါ အမျိုးသား ကာကွယ်ရေးနှင့် လုံခြုံရေး ကောင်စီမှာ ပါဝင်ခွင့်ရပါမယ်။ ဝန်ကြီးအဖွဲ့ဝင်တစ်ဦး ဖြစ်သွားရင် လွှတ်တော်ကိုယ်စားလှယ်တာဝန် ယူခွင့် မရှိတော့တဲ့အတွက် သူ့ရဲ့ မဲဆန္ဒနယ်နေရာအတွက် ကြားဖြတ်ရွေးကောက်ပွဲကို ကျင်းပပေးရမှာပါ။

    ပြည်သူ့လွှတ်တော်မှာ NLD က ဦးထင်ကျော်၊ ပြည်ထောင်စု ကြံ့ခိုင်ရေးနှင့်ဖွံ့ဖြိုးရေးပါတီက ဒေါက်တာစိုင်းမောက်ခမ်း တို့ကို ဒုသမ္မတလောင်းအဖြစ် အမည်စာရင်း တင်သွင်းပါတယ်။ အမျိုးသားလွှတ်တော်မှာတော့ NLD က ချင်းတိုင်းရင်းသား ဦးဟင်နရီဗန်ထီးယူ၊ ပြည်ခိုင်ဖြိုးပါတီက ဦးခင်အောင်မြင့်တို့ကို အမည်စာရင်း တင်သွင်းပါတယ်။

    နေပြည်တော် လွှတ်တော်နှစ်ရပ်မှာ နေရာ ၂၅ ရာခိုင်နှုန်း အသင့်ယူထားပြီးဖြစ်တဲ့ တပ်မတော်သားကိုယ်စားလှယ်တွေကတော့ ဒုသမ္မတတစ်ဦး အမည်စာရင်း တင်သွင်းဖို့ သီးခြားနေရာတစ်ခုမှာ စုဝေးကြမှာဖြစ်တဲ့အတွက် ဒီကနေ့ လွှတ်တော်ထဲမှာ ရှိမနေကြပါဘူး။ လွှတ်တေ်ာမှာ NLD ကိုယ်စားလှယ်တွေက နေရာအများစုရထားတာကြောင့် သမ္မတနေရာအတွက် ရွေးချယ် တင်မြှောက်နိုင်မှာပါ။ ဒေါ်အောင်ဆန်းစုကြည်ရဲ့ အနီးကပ် အားကိုးရသူတွေထဲက တစ်ဦးဖြစ်တဲ့ ဦးထင်ကျော်ကတော့ သမ္မတဖြစ်လာလိမ့်မယ်လို့ ရေပန်းစားနေပြီး သူဟာ ဒေါ်အောင်ဆန်းစုကြည်ကိုယ်စား သမ္မတနေရာအတွက် ရွေးချယ်ခံရမှာပါ။

    ကိုယ်စားပြုသမ္မတ
    ——————–
    အောက်စ်ဖို့ဒ်တက္ကသိုလ်ကနေ ဘွဲ့ရခဲ့တဲ့ ဦးထင်ကျော်ဟာ နောက်ခံမျိုးရိုးကောင်းမွန်သူ တစ်ဦးဖြစ်ပါတယ်။ မြန်မာစာပေလောကမှာ ထင်ရှားခဲ့တဲ့ ကွယ်လွန်သူကဗျာဆရာကြီး မင်းသုဝဏ်ရဲ့ သားတစ်ဦးဖြစ်ပါတယ်။ ဦးထင်ကျော်ဟာ လွှတ်တော်ကိုယ်စားလှယ်တစ်ဦး မဟုတ်ပါဘူး။ သူ့ရဲ့ဇနီးဖြစ်သူကတော့ NLD ကို ထူထောင်ရာမှာ ပါဝင်တဲ့ ကွယ်လွန်သူ ဦးလွင်ရဲ့ သမီး၊ NLD ကနေ ရွေးကောက်ပွဲ နှစ်ကြိမ်ဆက်တိုက် ရွေးချယ်ခံခဲ့ရတဲ့ ပြည်သူ့လွှတ်တော် ကိုယ်စားလှယ် ဒေါ်စုစုလွင် ဖြစ်ပါတယ်။

    NLD လွှတ်တော်ကိုယ်စားလှယ်တွေကတော့ ဒေါ်အောင်ဆန်းစုကြည် သမ္မတ မဖြစ်နိုင်တာနဲ့ ပတ်သက်လို့ တုန်လှုပ်မှု မရှိကြပါဘူး။

    အမျိုးသားလွှတ်တော် ကချင်ပြည်နယ် မဲဆန္ဒနယ် အမှတ် ၇ က NLD ကိုယ်စားလှယ် ဦးဝင်းဇော်ကလည်း ဒေါ်အောင်ဆန်းစုကြည်နဲ့ ဗိုလ်ချုပ်မှူးကြီး မင်းအောင်လှိုင်တို့အကြား ဆွေးနွေးမှု မအောင်မြင်တဲ့နောက်မှာ အခြားရွေးချယ်စရာနည်းလမ်း မရှိတဲ့အတွက် ကိုယ်စားပြုသမ္မတတစ်ဦး ရွေးချယ်ခြင်းဟာ မှန်ကန်တဲ့အစီအစဉ်တစ်ခုဖြစ်တယ်လို့ ပြောပါတယ်။

    “အကုန်လုံးက သိတယ် သူသမ္မတဖြစ်သင့်တယ်ဆိုတာကို သူကလည်း ဖြစ်ချင်ပါတယ်။ ဒါပေမဲ့လည်း အားလုံးက လိုက်ပါပြီးပြောင်းလဲဖို့ ဆိုတာကတော့ ဖြစ်နိုင်မှာ မဟုတ်ဘူး။ ၂ဝဝ၈ ဖွဲ့ စည်းပုံကို ကိုင်ထားမှာပဲ။ ၅ နှစ်လုံးလုံး ကိုင်မလားဆိုတာကတော့ ပြောလို့ မရဘူး” လို့ ဦးဝင်းဇော်က ပြောပါတယ်။

    အမျိုးသားလွှတ်တော် ကချင်ပြည်နယ် မဲဆန္ဒနယ် အမှတ် ၁၁ က NLD ကိုယ်စားလှယ် ဒေါက်တာခွန်ဝင်းသောင်းကတော့ ခန့်မှန်းရ ခက်နေတဲ့ နိုင်ငံရေးအခြေအနေဟာ အင်မတန် သိမ်မွေ့နက်နဲတယ်လို့ သုံးသပ်ပါတယ်။

    “တစ်သက်လုံး မမျှော်လင့်ခဲ့တဲ့ အခြေအနေကိုရောက်နေပြီ။ ဘယ်လိုအသုံးချမလဲဆိုတာ အရေးကြီးပါတယ်။ ပြည်သူရော၊ အစိုးရအသစ်ရော၊ တာဝန်ထမ်းဆောင်နေတဲ့ ဝန်ထမ်းတွေရော ဟန်ချက်ညီမှ ရမှာပါ” လို့ ပြောပါတယ်။

    အပြောင်းအလဲများ
    —————–
    စိတ်လှုပ်ရှားဖွယ်ရာ အကြောင်းအရာတွေနဲ့အတူ အစိုးရသစ်အတွက် စိန်ခေါ်မှုတွေကလည်း ရှိနေပါတယ်။ NLD အစိုးရ ဖြေရှင်းရမယ့် ပြဿနာတွေထဲမှာ တိုင်းရင်းသား လက်နက်ကိုင်တိုက်ပွဲတွေအပြင် အဓိကကျတဲ့ဝန်ကြီးဌာနသုံးခုဖြစ်တဲ့ ကာကွယ်ရေး၊ ပြည်ထဲရေး၊ နယ်စပ်ရေးရာတွေကို ထိန်းချုပ်ထားတဲ့ စစ်တပ်နဲ့ ယုံကြည်မှုတည်ဆောက်ဖို့ကလည်း လိုနေပါတယ်။

    “ကျွန်တော်တို့ရဲ့ တာဝန်က ယိုယွင်းပျက်စီးနေတဲ့ ဒီနိုင်ငံကြီးကို ပြန်လည်တည်ဆောက်ဖို့ ဖြစ်ပါတယ်။ ဒေါ်အောင်ဆန်းစုကြည်ရဲ့ ဦးဆောင်မှုအောက်မှာ ကျွန်တေ်ာတို့ ဒီတာဝန်ကို အောင်အောင်မြင်မြင် လုပ်နိုင်လိမ့်မယ်လို့ ယုံကြည်ပါတယ်” လို့ အမျိုးသားလွှတ်တော် ကချင်ပြည်နယ် မဲဆန္ဒနယ် အမှတ် ၉ က NLD ကိုယ်စားလှယ် ဦးခင်မောင်မြင့်က ပြောပါတယ်။

    “အဓိက အရေးကြီးဆုံးက ငြိမ်းချမ်းရေးရဖို့ပါ။ ငြိမ်းချမ်းရေးမရဘဲနဲ့ ဒီမိုကရေစီစနစ်ကို အကောင်အထည်ဖော်လို့ မရပါဘူး” လို့ သူက ဆက်ပြောပါတယ်။

    လာမယ့် ရက်တွေထဲမှာတော့ လွှတ်တော်ကော်မတီက အမည်စာရင်းတင်ထားတဲ့ ဒုသမ္မတလောင်းတွေကို ယခင်စစ်အစိုးရစိတ်ကြိုက် ရေးဆွဲထားတဲ့ အခြေခံဥပဒေပါ ပြဋ္ဌာန်းချက်များနဲ့ ကိုက်ညီမှုရှိ၊ မရှိ စိစစ်သွားမှာဖြစ်ပါတယ်။ သမ္မတလောင်းတစ်ဦးဟာ စစ်ရေးအမြင်ရှိပြီး ပြည်ပအစိုးရတစ်ခုခုရဲ့ သြဇာခံမထားသူဖြစ်ရမယ်လို့ အခြေခံဥပဒေမှာ ဆိုထားပါတယ်။

    စီစဉ်ထားတဲ့အတိုင်းဆိုရင် သမ္မတရွေးချယ်တင်မြှောက်မှုကို မဲခွဲဆုံးဖြတ်ပြီးနောက်မှာ တရားဝင် တာဝန်လွှဲပြောင်းမှုကို မတ်လ ၃ဝ ရက်နေ့ ပြည်ထောင်စုလွှတ်တော်မှာ ကျင်းပမှာပါ။ လက်ရှိသမ္မတ ဦးသိန်းစိန်ကတော့ သမ္မတသစ် ကျမ်းသစ္စာကျိန်ဆိုပွဲကို မတက်ဖူးလို့ ဆိုထားပြီး သမ္မတအိမ်တော်မှာ ပြုလုပ်မယ့် ညစာစားပွဲကိုတော့ တက်ရောက်မယ်လို့ NLD ပါတီ တာဝန်ရှိသူတွေက ပြောထားပါတယ်။ ။

    http://www.myanmar-now.org/my/news/i/?id=9896adc9-1f01-4205-8c95-426c72b8cba6