News @ M-Media

Category: ဆောင်းပါး

  • ကမ္ဘာ့သန်းကြွယ်သူဋ္ဌေးများဆီ စီးဝင်နေတဲ့ မြန်မာ့ချွေးစက်များ

    ကမ္ဘာ့သန်းကြွယ်သူဋ္ဌေးများဆီ စီးဝင်နေတဲ့ မြန်မာ့ချွေးစက်များ

    မတ် ၉၊ ၂၀၁၆

    M-Media
    ၂၀၁၂ စက်တင်ဘာ ၇ ရက် ရန်ကုန် မရမ်းကုန်းမြို့နယ် အလုပ်သမားရေးရာရုံးရှေ့တွင် လစာတိုးရေးအတွက် ဆန္ဒပြနေကြသော Myue & Soe အထည်စက်ရုံလုပ်သားများ (ဓာတ်ပုံ – စိုးဇေယျာထွန်း၊ ရိုက်တာ)

    – အကြမ်းထည်သစ်သားဆောင်တစ်ခုရဲ့ သန့်ရှင်းထည်ဝါမှုမဲ့အခန်းငယ်လေးထဲ အထည်စက်ရုံ အလုပ်သမငယ်လေးတွေ ရှိနေကြတယ်။ ရွာမှာကျန်ရစ်တဲ့သူတို့မိဘများရဲ့ဓာတ်ပုံတွေရဲ့တစ်ဖက်တစ်ချက်မှာ မြန်မာပေါ့ပ်အဆိုတော်တွေရဲ့ပုံတွေကို အခန်းငယ်နံရံမှာ ချိတ်ဆွဲထားတယ်။ ဒါပေမယ့် အပြင်ဖက်က မြောင်းပုပ်ရေအနံ့ကတော့ အခန်းထဲအထိ ၀င်ရောက်နေရဲ့။ အဲ့ဒီက သွေးချင်းသုံးဦးနဲ့ သူတို့ရဲ့ဝမ်းကွဲညီအစ်မတွေအားလုံးဟာ နိုင်ငံတကာနာမည်ကြီး အထည်ကုမ္ပဏီရဲ့ စက်ရုံများမှာ အလုပ်လုပ်နေကြသူတွေပါ။ အဲ့ဒီအထည်စက်ရုံများက GAP, Primark, H&M, Tesco စတဲ့ အမှတ်တံဆိပ်တွေအတွက် ဗြိတိန်၊ အမေရိကန်နဲ့ အခြားနိုင်ငံတွေဆီ ပြည်ပပို့ကုန်အဖြစ် ချုပ်လုပ်နေကြတာပါ။ သူတို့ဟာ Oxfan နဲ့လက်တွဲထားတဲ့ အလုပ်သမားအခွင့်အရေးအုပ်စုဝင်ဖြစ်ပြီး အလုပ်သမားများကောင်းစားရေးအတွက် တိုက်ပွဲဝင်နေကြသူတွေဖြစ်ပါတယ်။ သူတို့ရဲ့အသံတွေကိုနားထောင်ဖို့ ကျွန်တော်တို့ စက်ရုံတွေအထိ သွားရောက်ကွင်းဆင်းခဲ့ကြတယ်။ မြန်မာ့အထည်အလိပ်လုပ်ငန်းကဏ္ဍဟာ အလျင်အမြန် ကြီးထွားကျယ်ပြန့်လျက်ရှိပါတယ်။ လက်ရှိမှာ အထည်စက်ရုံလုပ်သားတွေ သုံးသိန်းဝန်းကျင်ရှိကြပြီး ၉၀ ရာခိုင်နှုန်းက အမျိုးသမီးတွေ၊ များသောအားဖြင့် အသက် ၂၅ နှစ်အောက်အရွယ်တွေဖြစ်ကြတယ်။

    သူတို့ရဲ့ နေ့တွက်လုပ်အားခ (အမေရိကန်) ၂.၈ ဒေါ်လာက ဘ၀တစ်ခုအတွက် ရပ်တည်ရှင်သန်ဖို့ မလုံလောက်ပါဘူး။ အထည်စက်ရုံလုပ်သားအားလုံးရဲ့ ထက်ဝက်နီးပါးဟာ အကြွေးနွံထဲ နစ်မွန်းနေပြီး အစားအစာ၊ ဆေးဝါး၊ သယ်ယူပို့ဆောင်ရေး စတဲ့ အခြေခံလိုအပ်ချက်များအတွက် ချေးငှားသုံးစွဲနေရတယ်လို့ Oxfan ရဲ့ မကြာသေးမီ ကွင်းဆင်းလေ့လာချက်တစ်ရပ်မှာ တွေ့လိုက်ရပါတယ်။ သူတို့တစ်တွေဟာ တစ်ပတ်မှာ ၆ ရက်၊ တစ်ရက်ကို ၁၁ နာရီထိ အလုပ်ဆင်းရတယ်။ ဒါ့အပြင် ဥပဒေကြောင်းအရရှိနေတဲ့ ဖျားနာခံစားခွင့် ဆိုတာ မရရှိသလောက်ပါပဲ။ ဖြစ်နိုင်ချေမရှိတဲ့ ထုတ်ကုန်လျာထားချက်ပြည့်မီဖို့ ညဖက်အထိ အလုပ်ဆင်းနေကြရတယ်လို့ လူအများအပြားက ဆိုကြတယ်။ ဖြစ်ရပ်တစ်ခုမှာဆိုရင် ရက်သတ္တပတ်လုံးလုံး နေ့စဉ် နံနက် ၆း၃၀ နာရီအထိ ချုပ်လုပ်ကြရပြီး ၇း၃၀ နာရီမှာ လုပ်ငန်းခွင် ပြန်ဝင်ကြရတာကို တွေ့ရတယ်။ လုပ်ငန်းခွင်အန္တရာယ်ကင်းရှင်းရေးက အလွန်အရေးကြီးလှပါတယ်။ လူသုံးဦးမှာတစ်ဦး လုပ်ငန်းခွင် အနာတရ ဖြစ်ကြတယ်လို့ ဆိုကြတယ်။ ဒါ့အပြင် ၀င်ပေါက်ထွက်ပေါက်များလည်း ပိတ်ထားတဲ့အတွက် စက်ရုံမီးလောင်မှုအပေါ် လူအများအပြားက စိုးရွံ့ထိတ်လန့်နေကြရပါတယ်။

    ကျွန်တော်တို့ မြန်မာနိုင်ငံကို ရောက်ရှိနေစဉ် Oxfan ရဲ့အစီရင်ခံစာ ထွက်လာပါတယ်။ ဆွစ်ဇာလန်နိုင်ငံ ဒါဗိုစ်မှာကျင်းပတဲ့ ကမ္ဘာ့စီးပွားရေးဖိုရမ်မှာ ၁ ရာခိုင်နှုန်းသော လူတန်းစားက ကမ္ဘာ့စီးပွားရေးကို မွှေနှောက်ချုပ်ကိုင်နေကြကြောင်း၊ ဘီလျံနာပေါင်း ၆၂ ဦးဟာ အခုဆိုရင် ကမ္ဘာ့အဆင်းရဲဆုံးနိုင်ငံများရဲ့ ထက်ဝက်လောက်ကို တန်းတူ ပိုင်ဆိုင်မှု ရှိနေကြောင်း၊ အဲ့ဒီ ထိပ်တန်း ၁ ရာခိုင်နှုန်းလူတွေအကြိုက် ကမ္ဘာ့စီးပွားရေးက ယိမ်းကနေရကြောင်း၊ လွန်ခဲ့တဲ့ ၁၅ နှစ်ကတည်းက ကမ္ဘာ့စီးပွားရေးတိုးတက်မှုစုစုပေါင်းရဲ့ ထက်ဝက်လောက်က သူတို့အတွက် ဖြစ်နေပြီး ကျန်တဲ့ အောက်ခြေ ၅၀ ရာခိုင်နှုန်းကလည်း သူတို့နဲ့ မကင်းနိုင်ကြောင်း ဖွင့်ချဖော်ပြထားပါတယ်။

    အလွန်စိတ်ဝင်စားစရာကောင်းတဲ့အချက်တစ်ခုကတော့ ကမ္ဘာ့အချမ်းသာဆုံး ဘီလျံနာ ၆၄ ဦးအနက် လေးဦးဟာ အထည်အရောင်းဆိုင်လုပ်ငန်းပိုင်ရှင်တွေ ဖြစ်နေတာပါပဲ။ ဒေါ်လာ ၆၄ ဘီလီယံပိုင်ဆိုင်တဲ့ စပိန်က Amancio Ortega ဟာ Zara ရဲ့ ပိုင်ရှင်ဖြစ်ပြီး Inditex ဧရာမအထည်လုပ်ငန်းကို ဦးဆောင်နေပါတယ်။ ဒေါ်လာ ၂၄ ဘီလီယံ ကြွယ်ဝတဲ့ Swede Stefan Persson ဟာ H&M ရဲ့ ဥက္ကဋ္ဌဖြစ်ပြီး လုပ်ငန်းရဲ့အစုရှယ်ယာ ၂၈ ရာခိုင်နှုန်းကို ပိုင်ဆိုင်ပါတယ်။ ဂျပန်က Uniqlo ပိုင်ရှင် Tadashi Yanai ဟာ ဒေါ်လာ ၂၀ ဘီလီယံ ချမ်းသာတယ်။ နောက်ဆုံးတစ်ဦးကတော့ Nike ရဲ့ ဥက္ကဋ္ဌအဖြစ် ၂၀၁၅ ခုနှစ်အထိ ၅၁ နှစ်ကြာအုပ်ချုပ်ခဲ့တဲ့ Phil Knight ဖြစ်ပြီး ဒေါ်လာ၂၁ ဘီလီယံ ချမ်းသာကြွယ်ဝသူဖြစ်ပါတယ်။

    မြန်မာနိုင်ငံက စက်ရုံတွေကို H&M က ၀ယ်ယူနေသလို Uniqlo ကလည်း အလားတူအတိုင်း ပြုလုပ်ဖို့ ရှိနေပါတယ်။
    Inditex က တင်သွင်းမှုကွင်းဆက်နဲ့ အချိန်လျှော့ချရေးပုံဟန်ကို စတင်လမ်းဖောက်ခဲ့ပြီး အခုအချိန်မှာ သူ့စံနှုန်းကဖက်ရှင်အ၀တ်တွေ အလျင်အမြန်ရရှိဖို့ ဖြစ်နေပါတယ်။ ဒီစီးပွားရေးလုပ်ထုံးက တင်သွင်းသူနဲ့ သူတို့ရဲ့လုပ်သားတွေအပေါ် ဖိအား အလွန်ကြီးမားစေပါတယ်။ အတင်းအဓမ္မ အချိန်ပိုအလုပ်ဆင်းခိုင်းခြင်း၊ လုပ်အားခကို နည်းနိုင်သမျှ နည်းပါးအောင် ခေါင်းပုံဖြတ်လာစေခြင်းတို့ကြောင့် ဖြစ်ပါတယ်။

    H&M ကလည်း သူတို့အ၀တ်အထည်တွေကို ထုတ်လုပ်ပေးတဲ့ မြန်မာပြည်ကစက်ရုံတွေမှာ ဒီလိုအနေအထားနဲ့ ရသလောက်ညှစ်ထုတ်နေကြပါတယ်။ နာမည်ကြီးတံဆိပ်အများအပြားကတော့ ဒီလိုမျိုးအဖြစ်မရှိပါဘူးလို့ ငြင်းဆိုတတ်ကြတယ်။ “နာမည်ကြီးတံဆိပ်အရောင်းဆိုင်တွေက သူတို့ရဲ့အ၀တ်အထည်တွေကို ဘယ်မှာထုတ်လုပ်ကြတယ်ဆိုတာ ဘာကြောင့် ဖုံးကွယ်ထားလိုတဲ့အကြောင်းရင်းတစ်ခုလောက် မင်း စဉ်းစားမိသလား” လို့ ကျွန်တော့် လုပ်ဖော်ကိုင်ဖက်တစ်ဦးက ဆိုလာပါတယ်။ H&M နဲ့ Indetex နှစ်ခုစလုံးက သူခိုးဈေးလုပ်သားခ အရေးကို ကိုင်တွယ်ဖို့ တက်လှမ်းခဲ့ကြတယ်။ ပမာအားဖြင့် လုပ်သားခ/ဈေးနှုန်း ညှိနှိုင်းမြှင့်တင်ရေးဆိုင်ရာ ကမ္ဘာ့အလုပ်ရုံများသမဂ္ဂနဲ့ ပဋိညာဉ်လက်မှတ်ရေးထိုးထားကြတယ်။ သို့ပေမယ့်လည်း ၂၀၀၁ မှ ၂၀၁၁ ခုနှစ်အတွင်း ပြည်ပကို အ၀တ်အထည်တင်ပို့တဲ့ ထိပ်တန်း ၁၅ နိုင်ငံက အထည်အလိပ်လုပ်သားများအတွက် လုပ်အားခတွေမှာတော့ သဘောတူညီချက်အမှန်အတိုင်း ဆောင်ရွက်ပေးမှု ပျက်ကွက်နေခဲ့ပါတယ်။

    ကမ္ဘာ့ဆင်းရဲမွဲတေမှုလျှော့ချရေးကို အထောက်အကူပြုနေတဲ့ စီးပွားရေးစနစ်မှာ ရိုက်ခတ်မှုဖြစ်လို့ Oxfan ဟာ အရင်းရှင်ဝါဒဆန့်ကျင်တဲ့အဖွဲ့အဖြစ် ဝေဖန်သူအချို့က စွပ်စွဲကြတယ်။ လုပ်ဆောင်မှုဖြစ်စဉ်အရ အဲ့ဒါအမှန်ပဲလို့ ဆိုရပါမယ်။ ယခု ကျွန်တော်တို့ ဆုံတွေ့ခဲ့ရတဲ့ မိန်းမရွယ်လေးတွေဟာ လုပ်အားခ တစ်နေ့ ၁.၉ ဒေါ်လာသာ ရနေကြပြီး တရားဝင် အနိမ့်ဆုံးဆင်းရဲမှုသတ်မှတ်ချက်ထက်ပင် ပိုလွန်နေပါတယ်။ ဒါနဲ့တင် လုံလောက်ပြီလို့ ထင်နေကြပါသလား ?

    လူထုဘ၀ အသွင်ကူးပြောင်းရေးအတွက် အရင်းရှင်ဝါဒရဲ့သြဇာအင်အားကို Oxfan က အသိအမှတ်ပြုပါတယ်။ ဒါပေမယ့် အင်္ဂလန်ဘဏ်ဦးစီးမှူး ကြွေးကြော်ထားနေတဲ့ လက်ရှိ ဈေးကွက်တင်းကြပ်ရေးစံနှုန်းက ကျွန်တော်တို့ကို အကြွင်းမဲ့ စိတ်ပျက်သွားစေပါတယ်။ ကွန်ဆာဗေးတစ် အမတ်ဟောင်း Matthew Oarus က The Times သတင်းစာမှာ ကျွန်တော်တို့ရဲ့ ဒါဗို့စ်အစီရင်ခံစာနဲ့ပတ်သက်ပြီး ဒီလိုရေးသားထားပါတယ်။ လက်ရှိခေတ် အရင်းရှင်စံနစ်ကို ခုခံကာကွယ်ဖို့ ကြိုးစားနေသူများကိုကြည့်ပြီး USSR ကိုကာကွယ်ဖို့ကြိုးစားခဲ့တဲ့ ကွန်မြူနစ်တွေကို သတိရသွားစေပါတယ်တဲ့။ “ရာစုသစ်မှာ ဈေးကွက်လွတ်လပ်မှုကို ခုခံကာကွယ်မယ်ဆိုရင်တော့ မမျှတမှုဆိုတဲ့ ဧရာမဆုံးရှုံးမှုတွေ ဖြစ်ပေါ်လာနိုင်ပါတယ်”။

    သမိုင်းတစ်လျှောက်ကို လေ့လာကြည့်လိုက်ရင် ကလေးသူငယ်များကို အလုပ်မခိုင်းစေရေး၊ တစ်နေ့အလုပ်ချိန် ၁၀ နာရီဖြစ်ရေး၊ လစာရအလုပ်နားရက်၊ ဖျားနာခံစားခွင့်၊ သာမန်လူတန်းစားများ ဘ၀ပြေလည်နိုင်မယ့် လုပ်အားခ ရရှိရေးတွေအပေါ် တိုက်ပွဲဝင်ခဲ့သူများဟာ အရင်းရှင်ဝါဒဆန့်ကျင်ရေးသမားတွေ မဟုတ်ခဲ့ကြပါဘူး။ ကျွန်တော်တို့က အကောင်းဆုံးလုပ်ဆောင်ပေးနိုင်မယ်လို့ သူတို့ ယုံကြည်ထားခဲ့ကြခြင်းသာ ဖြစ်ပါတယ်။ အတိတ်ကာလ လှုပ်ရှားတက်ကြွသူများဟာ ငထုံငထိုင်းတွေ၊ ဆူပူအောင်လှုံ့ဆော်သူတွေအဖြစ် သတ်မှတ်ခံခဲ့ကြရတယ်။ ဒါပေမယ့် တိုးတက်ယဉ်ကျေးတဲ့လူ့အဖွဲ့အစည်းရဲ့ဂုဏ်အင်္ဂါတစ်ရပ်အတွက် သူတို့ တိုက်ပွဲဝင်ခဲ့ကြတာလို့ ခုချိန်မှာ ကျွန်တော်တို့သိမြင်သွားကြပါပြီ။

    ဒီခေတ်မှာလည်း ဒီလိုတိုက်ပွဲမျိုးကို ကျွန်တော်တို့ ဆက်လက်ဆင်နွှဲသွားရပါလိမ့်မယ်။ ထိပ်တန်းစာရင်းဝင် ၁ ရာခိုင်နှုန်းထက် လူများစုအတွက် ပိုမိုအကျိုးဖြစ်ထွန်းစေမယ့် အရင်းရှင်စနစ်ကို ကျွန်တော်တို့ ဖန်တီးဖို့ လိုအပ်ပါမယ်။ ဖန်တီးလို့လည်း ရသလို အလုပ်လည်း ဖြစ်ပါတယ်။ ဥပမာအားဖြင့် အဓိကကျတဲ့ ကုမ္ပဏီအများစုက အလုပ်သမားစည်းမျဉ်းဥပဒေနဲ့တစ်ကွ တိုင်းနိုင်ငံများရဲ့ အရင်းအမြစ်သယံဇာတတွေကို အလေးထားလို့ မိမိတို့ရဲ့ စီးပွားရေးလုပ်ထုံအတိုင်းဆောင်ရွက်နိုင်မယ်ဆိုရင် စက်ရုံတွေကလည်း ဘ၀ရပ်တည်နိုင်တဲ့ လုပ်အားခကို ပေးနိုင်လာပါလိမ့်မယ်။ ပြီးတော့ လုပ်သားတွေအဖို့ စီမံရေးကဏ္ဍမှာ လွတ်လပ်စွာ စေ့စပ်ညှိနှိုင်းမှုတွေ ရရှိလာစေမှာဖြစ်ပါတယ်။

    ပိုမိုကောင်းမွန်တဲ့ လူသားအခြေပြုစီးပွားရေးတစ်ခုတည်ဆောက်ဖို့ ကျွန်တော်တို့ဆီမှာ စွမ်းရည်၊ နည်းပညာနဲ့ စိတ်ကူးစိတ်သန်းတွေ ပိုင်ဆိုင်ကြပါတယ်။ ဒီနေရာမှာ အနိမ့်ဆုံးလုပ်အားခ မဟုတ်ဘဲ အမြင့်ဆုံးလုပ်အားခ ဖြစ်စေရပါမယ်။ ဒါမှ လက်တစ်ဆုပ်စာအခွင့်ထူးခံတစ်စုအတွက်မျှသာ အကျိုးဖြစ်ထွန်းစေတဲ့ မတန်တဆ ကြွယ်ဝချမ်းသာမှုကို အဆုံးသတ်နိုင်မှာဖြစ်ပါတယ်။

    မြန်မာနိုင်ငံက မိန်းမရွယ်လေးတွေကို သူတို့ရဲ့အခွင့်အရေးနဲ့ပတ်သက်ပြီး တွေ့ဆုံလေ့လာခဲ့ချိန် – ထိုင်းနဲ့ ကမ္ဘောဒီးယားက အထည်စက်ရုံလုပ်သားတွေရဲ့ ရုန်းထအောင်မြင်မှုကို တွေ့မြင်ခဲ့ချိန်မှာ ကျွန်တော့်အဖို့ အနာဂတ်မျှော်လင့်ချက်တွေ ပြည့်လွှမ်းသွားပါတယ်။ အကောင်းဆုံး၊ အမျှတဆုံးအနာဂတ်တစ်ခုအတွက် သူတို့ တိုက်ပွဲဝင်ကြပါဦးမယ်၊ ကျွန်တော်လည်း ကိုယ်စွမ်းဥာဏ်စွမ်းရှိသမျှ သူတို့ကို ကူညီနိုင်ဖို့ ပြုလုပ်ဆောင်ရွက်သွားတော့မှာ ဖြစ်ပါတယ်။

    Ref : The Irrawaddy – Max Lawson’s “From Myanmar Sweatshops to Billionaires in Switzerland”
    မြင့်မိုရ်မောင်မောင် မှ ဆီလျော်အောင်ပြန်ဆိုသည်။

  • ဘယ်သူ သမ္မတ ဖြစ်မလဲ ?

    ဘယ်သူ သမ္မတ ဖြစ်မလဲ ?

    007
     သမ္မတ အသစ်ရွေးချယ်တင်မြှောက်မည့် ပြည်ထောင်စုလွှတ်တော်

    မတ်လ ၄  ၊ ၂၀၁၆
    မာန်ထက်သျှံ ရေးသည်။

    ယခုသီတင်းပတ်အတွက် လူအများ စိတ်ဝင်စားသောသတင်းကတော့ မြန်မာပြည်မှာ ဘယ်သူသမ္မတဖြစ်လာမယ် ဆိုတာပါပဲ။ ပြည်ထောင်စုလွှတ်တော်က မကြာမီ ရက်ပိုင်းက သမ္မတရွေးချယ်ရေးကို မတ်လ ၁၇ ရက်နေ့ အစား မတ်လ ၁၀ရက်နေ့တွင် ပြောင်းလဲလုပ်မည်ဟု ကြေညာအပြီး စာနယ်ဇင်း မီဒီယာတွေမှာရော၊ အွန်လိုင်း လူမှုကွန်ရက်များမှာပါ ပိုမို ပွက်လောရိုက်ခဲ့ပါတယ်။

    ဒီမိုကရေစီ အသွင်ကူးပြောင်းရေးကာလမှာ မြန်မာ့နိုင်ငံရေး အခင်းအကျင်းဟာ ထိလွယ်ရှလွယ်ပြီး အလွန်ဖြေးညှင်းစွာ ကိုင်တွယ်နိုင်ဖို့ အရေးကြီးပါတယ်။ သမ္မတရာထူး လက်ခံပြီး သမ္မတတာဝန် ထမ်းဆောင်ခွင့်ရသူဟာ လက်ရှိကြုံတွေ့နေရတဲ့ အခက်အခဲတွေ အတားအဆီးတွေကို တွန်းကန်ဖယ်ရှားရမှာပါ။

    တကယ်တော့ နိုင်ငံတော် သမ္မတရာထူးကိုရယူ၍ တိုင်းပြည်ကို ဦးဆောင်ချင်သူများ ရှိပါတယ်။ စစ်တပ်အကြီးအကဲဟောင်း သူရဦးရွှေမန်းဟာ ၎င်းရဲ့ ပထမအကြိမ် လွှတ်တော် သက်တမ်း ပြည်သူ့လွှတ်တော်ဥက္ကဌ လုပ်စဉ် အမေရိကန် ခရီးစဉ်မှာ မိမိသမ္မတ လုပ်ချင်ကြောင်း ထုတ်ဖော် ပြောဆိုခဲ့ပါတယ်။ အလားတူ အမျိုးသာဒီမိုကရေစီအဖွဲ့ချုပ် ဥက္ကဌလူထုခေါင်းဆောင် ဒေါ်အောင်ဆန်းစုကြည်မှလည်း သမ္မတရာထူးအတွက် မျှော်မှန်းကြောင်း အများပြည်သူကို ထုတ်ပြောဖူးပါတယ်။ လက်ရှိသမ္မတ ဦးသိန်းစိန်မှလည်း အစောပိုင်းကာလများမှာ ပြည်သူက ဆက်တောင်းဆိုလျှင် သမ္မတရာထူး ဆက်ထမ်းဆောင်ပါမယ်လို့ ဆိုခဲ့ပါတယ်။

    သို့သော် သူရဦးရွှေမန်းဟာ ၂၀၁၅ နိုဝင်ဘာ ရွေးကောက်ပွဲမှာ ရှုံးနိမ့်ခဲ့ပြီး လက်ရှိမှာ ပြည်ထောင်စုလွှတ်တော်ရဲ့ ဥပဒေလေ့လာဆန်းစစ်သုံးသပ်ရေး ကော်မရှင်မှာ ဥက္ကဌရာထူးနဲ့ဦးဆောင်နေပါတယ်။ လက်ရှိ သမ္မတ ဦးသိန်းစိန်အနေနဲ့လည်း သူ့ရဲ့ ပြည်ထောင်စုကြံခိုင်ရေးနှင့် ဖွံ့ဖြိုးရေးပါတီကို ဆက်လက် ဦးဆောင်မယ်လို့ ပြောပါတယ်။ ဒေါ်အောင်ဆန်းစုကြည် သမ္မတဖြစ်ရေးဟာလည်း အခြေခံဥပဒေ ပုဒ်မ ၅၉(စ)နဲ့ငြိ နေတဲ့အတွက် နှောင့်နှေးနေရပါတယ်။

    ဤသို့ဆိုလျှင် ဘယ်သူသမ္မတ ဖြစ်လာမယ်ဆိုတာက ပိုမို စိတ်ဝင်စားဖွယ် ကောင်းလာပါတယ်။

    သမ္မတ ရွေးချယ်တဲ့နေရာမှာ ရွေးကောက်ခံ ပြည်သူ့လွှတ်တော် ကိုယ်စားလှယ်များ အစုအဖွဲ့မှ ဒု-သမ္မတလောင်းတစ်ဦး၊ ရွေးကောက်ခံ အမျိုးသားလွှတ်တော် ကိုယ်စားလှယ်များ အစုအဖွဲ့မှ ဒု-သမ္မတလောင်း တစ်ဦး၊ ပြည်သူ့လွှတ်တော်နဲ့ အမျိုးသား လွှတ်တော် နှစ်ရပ်ပေါင်းမှ တပ်မတော်သားကိုယ်စားလှယ်များ အစုအဖွဲ့မှ ဒု-သမ္မတလောင်းတစ်ဦးရဲ့ အမည်စာရင်းကို အသီးသီး တင်သွင်းရမှာပါ။ ထို ဒု-သမ္မတလောင်း သုံးဦးကို ပြည်ထောင်စုလွှတ်တော်မှာ မဲပေးရွေးချယ်စေပြီး မဲအများဆုံးရသူက သမ္မတ၊ ဒုတိယ မဲအများဆုံး ရသူက ဒု-သမ္မတ (၁)နဲ့ နောက်ဆုံး တစ်ယောက်ကတော့ ဒု-သမ္မတ(၂) ဖြစ်မှာပါ။ မတ်လ ၁၀ရက်နေ့မှာ သက်ဆိုင်ရာ အစုအဖွဲ့အလိုက် ဒု-သမ္မတလောင်း အမည်စာရင်းများ တင်သွင်းဖွယ်ရှိနေပြီး အမည်စာရင်းတစ်ဦးထက် ပိုနေပါက ထိုအစုအဖွဲ့ထဲမှာ ပဏာမ စိစစ်ရွေးချယ်ရဦးမှာပါ။

    လက်ရှိကာလမှာ မဲဆန္ဒရှင်ပြည်သူများက ဒေါ်အောင်ဆန်းစုကြည်ကို သမ္မတအဖြစ် မြင်ချင်ကြပေမယ့် ဒေါ်စု သမ္မတ ဖြစ်ရေးအတွက် အခြေခံဥပဒေ ပုဒ်မ ၅၉(စ)ဟာ အဟန့်အတားဖြစ်နေပါတယ်။ ထိုပုဒ်မကို ယာယီဆိုင်းငံ့ဖို့ ဥပဒေထုတ်ပြန်ဖို့ ပညာရှင်တချို့ သုံးသပ်တင်ပြချက်တွေရှိသလို ထိုပုဒ်မကို မပြင်ဖို့ အမျိုးသားရေးဗန်းပြ ဟစ်အော်သူများလည်း တွေ့ရပါတယ်။ လွှတ်တော်ထဲမှာ အနိုင်ရပါတီဟာ NLD ပါတီဖြစ်လို့ ဒု-သမ္မတလောင်း ၂ဦးကတော့NLD ပါတီမှပဲ ဖြစ်လာမယ်လို့ တပ်အပ်ပြောလို့ရပါတယ်။ တပ်ဖက်က ရွေးချယ်ပေးလိုက်တဲ့ ဒု-သမ္မတလောင်းကတော့ တပ်မှ ယူနီဖောင်း ချွတ်မည့်သူ ဒါမှမဟုတ် ယခင် ပြည်ခိုင်းဖြိုးပါတီမှ တစ်ဦးဦး ဖြစ်နိုင်ပါတယ်။ ထို၃ဦးအနက် ထပ်မံရွေးချယ်ရင်လည်း NLD အမတ်အများစု လွှမ်းမိုးထားသော လွှတ်တော်မှ တင်မြှောက်သော ဒု-သမ္မတလောင်းဟာ သမ္မတ ဖြစ်လာမှာတော့ ဧကန်မလွဲပင်။

    မကြာသေးမီ ရက်ပိုင်းက NLD ပါတီရဲ့ ရင်းမြစ်သတင်းများအရ ဦးထင်ကျော်နဲ့ ဦးမျိုးအောင်တို့ကို ဒု-သမ္မတလောင်းများအဖြစ် အမည်စာရင်း တင်သွင်းရန် လျာထားကြောင်း သတင်းများ ထွက်ပေါ်လာပါတယ်။ အတိအကျကိုတော့ မသိရသေးပါ။ NLD ပါတီမှ ထိုကဲ့သို့ တင်မြှောက်လိုက်ပါက ဒေါ်အောင်ဆန်းစုကြည်အနေနဲ့ မည့်သို့ဖြစ်လာမည် ဆိုတာကလည်း စိတ်ဝင်စားစရာ ဖြစ်ပါတယ်။ သူမဟာ လတ်တလောအချိန် လွှတ်တော်လုပ်ငန်းအတွင်းမှာ အချိန်ကုန်ဆုံးနေပြီး ကျန်ဗဟိုအလုပ်အမှုဆောင် များက ပါတီရေးရာ ကိစ္စရပ်များကို ဆောင်ရွက်နေရပါတယ်။

    NLD ပါတီမှ ဦးဝင်းထိန်ကတော့ ဒေါ်အောင်ဆန်းစုကြည် သမ္မတဖြစ်ရေးသည် အနှေးနဲ့ အမြန်သာကြာပြီး သမ္မတဖြစ်ရန်ကိစ္စသည် ဖြစ်ကို ဖြစ်ရမယ်လို့သတင်းမီဒီယာတွေကို ပြောကြားထားပါတယ်။ ထိုနည်းတူ ပြီးခဲ့တဲ့ ဖေဖော်ဝါရီလတုန်းကလည်း ပြည်ထောင်စုနေ့ အခမ်းအနားမှာ ဒေါ်အောင်ဆန်းစုကြည် သမ္မတဖြစ်မှာကို ပိတ်ကားပေါ်မှာ ကြည့်ပါလို့ NLD ပါတီ နာယက သူရဦးတင်ဦးက ပြောခဲ့ပါတယ်။

    ဒီလိုဆိုလျှင် ၅၉(စ)နဲ့ ဟန့်တားခံထားရတဲ့ ဒေါ်စု သမ္မတ ဖြစ်ရေးဟာ နီးမလိုနဲ့ဝေး၊ ဝေးမလိုနဲ့ နီးသလို ဖြစ်နေပါတယ်။ NLD အမတ်အများစုရှိရာ လွှတ်တော်ထဲက ကိုယ်စားလှယ်တွေ အနေနဲ့ရော ကျန်ပါတီငယ်များမှ လွှတ်တော်ကိုယ်စားလှယ်များ၊ တပ်မတော်သားကိုယ်စားလှယ် များကို မည်သို့မည်ပုံ စည်းရုံးပြီး ၅၉(စ) ပြင်ဆင်ရေးကိစ္စတွေ ကျန်ကိစ္စတွေမှာပါ မည်သို့မည်ပုံဆက်ဆံဆောင်ရွက်မလဲဆိုတာလည်း စောင့်ကြည့်ရမှာပါ။

    မြန်မာ့အရေးလေ့လာသူ လယ်ရီဂျေဂင်ကတော့ NLD သတင်း ရင်းမြစ်များကို ကိုးကားပြီး ဒေါ်အောင်ဆန်းစုကြည့် ဟာ နိုင်ငံခြားရေးဝန်ကြီး ဖြစ်လာဖွယ်ရှိတယ်လို့ သုံးသပ်ထားပါတယ်။ သူမ နိုင်ငံခြားရေးဝန်ကြီး ဖြစ်လာလျှင် သြဇာခံသမ္မတ ဖြစ်လာပြီး နိုင်ငံတကာ ခရီးစဉ်များ သမ္မတသွားသည့်အခါ နိုင်ငံခြားရေးဝန်ကြီး လိုက်ပါ ထိန်းကျောင်း နိုင်မှာ ဖြစ်ပါတယ်။ ဒါ့အပြင် နိုင်ငံတော်ရဲ့ အရေးကြီးသော ကိစ္စရပ်များ၊လုံခြုံရေးနဲ့ ကာကွယ်ရေးဆိုင်ရာ အမြင့်ဆုံး အဖွဲ့အစည်းဖြစ်တဲ့ အမျိုးသားကာကွယ်ရေးနှင့် လုံခြုံရေးကောင်စီ(ကာ/လုံ) မှာလည်း ပါဝင်နိုင်မယ့် တစ်ခုတည်းသော အရပ်သား ဝန်ကြီး ရာထူးဖြစ်ပါတယ်။ ဒေါ်စုအနေနဲ့ သူမ လက်ရှိသမ္မတ မဖြစ်နိုင်သေးလျှင် သူမတင်မြှောက်သော သမ္မတရဲ့ အထက်မှာ ရှိနေမှာဖြစ်ပါတယ်။ သက်တမ်းတစ်ခုရောက်ရင်တော့ သမ္မတရာထူးကို လက်ခံဖို့ဖြစ်ပါတယ်။ သို့ဆိုလျှင် သူမဟာ သမ္မတ မဖြစ်သေးဘဲ လက်ရှိမှာ နိုင်ငံခြားရေးဝန်ကြီး ရာထူးကို လက်ခံမှာလားဆိုတာလည်း ပုစ္ဆာတစ်ပုဒ် ဖြစ်လာပါတယ်။

    ပြန်ကြားရေးဝန်ကြီး ဦးရဲထွဋ်ကတော့ ၅၉(စ)ကို ပြင်ဆင်စရာမလိုပဲ ဒေါ်အောင်ဆန်းစုကြည် သမ္မတဖြစ်ရေးဟာ သူမ သားသမီးများ မြန်မာနိုင်ငံသားများ အဖြစ် လျှောက်ထားရင် ဖြစ်နိုင်ပါတယ်လို့ ထောက်ပြပါတယ်။ အကယ်၍ သူမ သားသမီးများ မြန်မာနိုင်ငံသားအဖြစ် လျှောက်ရင်ရော လက်ခံမှာလားဆိုတာကတော့ ဘာမှ မပြောထားပါဘူး။

    လက်ရှိ နိုင်ငံရေး အနေအထားများနဲ့ ဆက်စပ်တွေးကြည့်ရင် ဘယ်သူဟာ သမ္မတဖြစ်သင့်တယ် ဆိုတာကတော့ သိသာပေါ်လွင်နေပါတယ်။မတ်လ ၁၀ရက်နေ့မှစပြီး သမ္မတရွေးချယ်ခြင်း၊ အစိုးရအဖွဲ့ဖွဲ့စည်းခြင်း၊ ဝန်ကြီးဌာနများ ပြင်ဆင် ဖွဲ့စည်းခြင်း၊ ပြည်ထောင်စုဝန်ကြီးများ အမည်စာရင်း တင်သွင်း အတည်ပြုမှုများ၊ တိုင်းဒေသကြီး/ပြည်နယ် ဝန်ကြီးချုပ် များ ရွေးချယ် ခန့်အပ်ခြင်းတွေကို ဆက်လက် ဆောင်ရွက်ရမှာ ဖြစ်ပါတယ်။ မတ်လ ၃၀ရက်နေ့မှာတော့ နိုင်ငံတော် သမ္မတတာဝန် လွှဲပြောင်းရေး အခမ်းအနားကို ကျင်းပမယ်လို့ NLD နဲ့ လက်ရှိ အစိုးရတို့ ပူးပေါင်းထားတဲ့ အသွင်ကူးပြောင်းရေးကော်မတီမှ သိရပါတယ်။

    “ကဲ… ဘယ်သူ သမ္မတ ဖြစ်မလဲ?” ဆိုတာကတော့ လက်ရှိမှာ မြန်မာပြည်သူများ ရင်သပ်ရှုမောဖွယ် စောင့်ဆိုင်းနေရသော လျှိုဝှက်သဲဖို မေးခွန်း တစ်ခုပင်။      ။

  • မြန်မာပြည်က ဆိုက်ဘာတိုက်ခိုက်မှုတွေ နောက်ကွယ်မှာ ဘယ်သူရှိနေလဲ။

    မြန်မာပြည်က ဆိုက်ဘာတိုက်ခိုက်မှုတွေ နောက်ကွယ်မှာ ဘယ်သူရှိနေလဲ။

    ဖေဖော်ဝါရီ ၂၈၊ ၂၀၁၆

    M-Media

    cyber– လွန်ခဲ့တဲ့နှစ် သမိုင်းဝင်ရွေးကောက်ပွဲကာလ၀န်းကျင်မှာ ဒီမိုကရေစီထောက်ခံမီဒီယာတွေအပေါ် စဉ်ဆက်မပြတ် ဆိုက်ဘာတိုက်ခိုက်မှုနဲ့ပတ်သက်ပြီး မြန်မာစစ်တပ်မှာ တာဝန်ရှိကြောင်း၊ ဒါ့အပြင် ထိုင်းအစိုးရပိုင် ၀က်ဘ်ဆိုက်တွေကို ပစ်မှတ်ထားနေတဲ့ ဟက်ကာတွေနဲ့လည်း အနီးကပ်ဆက်ဆံမှုရှိကြောင်း အစီခံစာအသစ်တစ်ရပ်ဆီက ကျယ်ကျယ်လောင်လောင် အသံထွက်ရှိလာပါတယ်။

    ၂၀၁၂ ခုနှစ်ကစလို့ မီဒီယာမျက်နှာစာ ရုပ်ပျက်ဆင်းပျက်ဖြစ်စေခြင်းလမ်းကြောင်းမှာ မြန်မာစစ်တပ်က အဓိကဇာတ်ကောင်ဖြစ်တယ်လို့ ဒီဗီဘီ၊ ဧရာဝတီ အပါအ၀င် အလွတ်တန်းသတင်းဋ္ဌာနတွေကို ကာကွယ်ရေးလုပ်ငန်းဆောင်ရွက်ပေးနေတဲ့ ဆွီဒင်အခြေစိုက် ဆိုင်ဘာလုံခြုံရေးအဖွဲ့ Unleash Research Labs ရဲ့ သုံးနှစ်တာစုံစမ်းစစ်ဆေးချက်တစ်ရပ်က ဖွင့်ချဖော်ထုတ်လိုက်ပြီဖြစ်ပါတယ်။

    နိုဝင်ဘာရွေးကောက်ပွဲကာလတစ်ဝိုက်က “Union of Hacktivists” လို့အမည်ရတဲ့ အုပ်စုတစ်ခုရဲ့လက်ချက်လို့ ယူဆဖွယ်ရာ တိုက်ခိုက်မှုများ ရှိခဲ့ပါတယ်။ ဒီတိုက်ခိုက်မှုများရဲ့ အရင်းအမြစ်တွေကို ခြေရာခံကြည့်တဲ့အခါ Firewall proxy နှစ်ခုနောက်ကွယ်မှာ တိတ်တဆိတ်လှုပ်ရှားနေတဲ့ စစ်တပ်လျှို့ဝှက်ကွန်ယက်တစ်ခုကို သွားတွေ့ပါတယ်။

    အစီရင်ခံစာအရ ဒီကွန်ယက်ကို ကာကွယ်ရေးလက်အောက်က ကွန်ပျူတာဋ္ဌာနမှ ကိုင်တွယ်လည်ပတ်စေကြောင်း၊ မြန်မာစစ်အစိုးရနဲ့စီးပွားရေးလုပ်ကိုင်နေတယ်လို့ နာမည်ဆိုးနဲ့ကျော်ကြားတဲ့ အမေရိကန်အဖွဲ့အစည်းက ဖော်ဆောင်ပေးထားသော အငြင်းပွားဖွယ်ရာလုံခြုံရေးစံနစ် Blue Coat နည်းပညာကို အသုံးပြုနေကြောင်း သိရတယ်။

    “ဒီတိုက်ခိုက်မှုများက စစ်တပ်ကွန်ရက်ကနေ မြစ်ဖျားခံလာတယ်ဆိုတာ ကျွန်တော်တို့ အခိုင်အမာ ပြောကြားနိုင်ပါတယ်။ အဲ့ဒီကွန်ရက်ဟာ အခြားမည်သည့်အဖွဲ့အစည်းအမျိုးအစားနဲ့မှ မပတ်သက်ဘဲ သူ့ချည်း သီးသန့် စနစ်တကျ တည်ဆောက်ထားတာပါ။ ဒါ့အပြင် ပုံမှန်ရုံးချိန်အတွင်း ပြုလုပ်နေခဲ့ပြီး၊ ညပိုင်းကာလအတွင်း သို့မဟုတ် ကျောင်းဆောင်ထဲကနေ ထွက်လာတာ မဟုတ်ကြောင်းကိုလည်း ကျွန်တော်တို့ အတည်ပြုနိုင်ပါတယ်” လို့ Unleash Research Labs ရဲ့ နည်ပညာပိုင်းဒါရိုက်တာ Tord Lundstrom က ဆိုပါတယ်။

    ၂၀၁၁ ခုနှစ် စစ်အာဏာရှင်အဆုံးသတ်ချိန်ကာလ အင်တာနက်အသုံးပြုလာနိုင်ခြင်းနဲ့အတူ ခေါင်းထောင်ထလာတဲ့ မြန်မာဟက်ကာအုပ်စုထဲမှာ စစ်တပ်နဲ့အနီးကပ်ဆက်ဆံရေး ရှိနေသူတိုင်းက အဓိကတို့မီးရှို့မီးလုပ်သူများအဖြစ် တအုံတကျင်း ပါဝင်ခဲ့ကြတယ်လို့ အစီရင်ခံစာက ဖော်ပြထားပါတယ်။ ဒီဟက်ကာအုပ်စုကွန်ရက်ထဲမှာ အထင်ရှားဆုံးအဖွဲ့ကတော့ Blink Hacker Group (BHG) ဖြစ်ပါတယ်။ မြန်မာနိုင်ငံအနောက်ပိုင်းက အနှိပ်စက်ခံ ရိုဟင်ဂျာလူနည်းစုတွေအကြောင်း ဖော်ပြခြင်းအပေါ် ဒီဗီဘီကို DDoS နဲ့ တိုက်ခိုက်မှုများအတွက် အဲ့ဒီအဖွဲ့မှာ တာဝန်ရှိပါတယ်လို့ ဆိုပါတယ်။

    ဒါတင်မက ဒီအုပ်စုဟာ ကမ္ဘာ့နာမည်ကြီးဟက်ကာအုပ်စု Anonymous ရဲ့အသွင်ကို အယောင်ဆောင်ပြီး ၂၀၁၆ ခုနှစ် ဇန်န၀ါရီလအတွင်း ထိုင်းရဲတပ်ဖွဲ့ပိုင် ၀က်ဆိုက်တွေကို အပြင်းအထန် စီမံတိုက်ခိုက်ခဲ့ကြတယ်။ ထိုင်းနိုင်ငံတောင်ပိုင်း ဗြိတိသျှကမ္ဘာလှည့်ခရီးသွားနှစ်ဦးကို သတ်ဖြတ်မှုအတွက် မြန်မာလူငယ်နှစ်ယောက်ကို တရားရုံးက သေဒဏ်ချမှတ်လိုက်မှုအပေါ် မြန်မာနိုင်ငံတစ်ဝှန်း အမျိုးသားရေးဒေါသကိုနှိုးဆွပြီး လက်တုန့်ပြန်ခြင်းတစ်ရပ်ဖြစ်တယ်။ အဲ့ဒီအချိန်မှာပဲ မြန်မာစစ်ဦးစီးချုပ်မင်းအောင်လှိုင်က တရားခံတွေကို ထင်ထင်ရှားရှားကူညီတဲ့အနေနဲ့ အထောက်အထားများအပေါ် ပြန်လည်သုံးသပ်ဖို့ ထိုင်းနိုင်ငံကို တိုက်တွန်းခဲ့တယ်။

    ဖေ့စ်ဘွတ်နဲ့ အုပ်စုဖွဲ့တိုက်ခိုက်ရေးအစီအစဉ်ဆွေးနွေးကြတဲ့ ဟက်ကာဖိုရမ်တွေကို နှစ်ရှည်လများ လေ့လာစောင့်ကြည့်လာခဲ့သူ Lundstrom က “မြန်မာပြည်ကဟက်ကာအုပ်စုတွေက အသံတိတ်နေသူများ၊ စစ်တပ်ကနေ တဖွဲဖွဲ ထွက်လာတဲ့ဇာတ်ကောင်များနဲ့အတူ လည်ပတ်လှုပ်ရှားခဲ့ကြတာဖြစ်တယ်။ မြန်မာနိုင်ငံအတွက် အင်တာနက်ပေါ်မှာ သဘောထားကြီးခြင်း၊ ပွင့်လင်းခြင်းတွေကို ဖွင့်ချဖော်ပြဖို့ အချိန်တန်နေပါပြီ။ ခိုးကြောင်ခိုးဝှက်အစီအမံတွေက လူငယ်လူရွယ်တွေကို ဒစ်ဂျစ်တယ်အဆောက်အဦကို ဖျက်ဆီးဖို့ မောင်းနှင်တွန်းပို့နေခြင်းက လက်ခံနိုင်စရာ မရှိပါဘူး” ဆိုပြီး ဖြည့်စွက်ပြောကြားပါတယ်။

    အစိုးရရဲ့ပြောရေးဆိုခွင့်ရှိသူတစ်ဦးက ဒီတိုက်ခိုက်မှုတွေမှာ အလျဉ်းပါဝင်သက်မှု မရှိဘူးလို့ ငြင်းဆိုခဲ့ပြီး အခြေအမြစ်မဲ့စွပ်စွဲချက်တွေ မလုပ်ဖို့ မီဒီယာအုပ်စုများကို သတိပေးလိုက်ပါတယ်။

    “တိုက်ခိုက်သိမ်းယူခံရတယ်လို့ ပြောကြားနေတဲ့ မီဒီယာအုပ်စုတွေအနေနဲ့ ဒီစွပ်စွဲမှုမှန်တယ်ဆိုရင် ရှေ့တိုးပြီး တရားစွဲဆိုလိုက်ပါ။ တကယ်လို့ သူတို့ရဲ့စွပ်စွဲချက်က အခြေအမြစ်မရှိခဲ့ယင် ဒီအကျိုးဆက်ကို ရင်ဆိုင်ရလိမ့်မယ်။ ပရမ်းပတာဆန်တဲ့ အင်တာနက်ဆိုက်တစ်ခုက ဖန်တီးလိုက်တဲ့ ဒီလှုပ်ရှားတက်ကြွမှုပုံစံစွပ်စွဲချက်တွေကို ကျွန်တော်တို့ အရေးစိုက်မနေနိုင်ပါဘူး။ တကယ်လို့ ဒီဗီဘီ ၀က်ဆိုက်ကို ကျွန်တော် တိုက်ခိုက်မယ်ဆိုရင် ခြေရာခံနိုင်တဲ့ သမ္မတရုံးထဲက ကွန်ပျူတာတစ်လုံးနဲ့ အသုံးပြုနေမှာ မဟုတ်ဘူး” ဆိုပြီး ဦးသိန်းစိန်ရဲ့သမ္မတရုံးဒါရိုက်တာ ဦးဇော်ဋ္ဌေးက ဆိုပါတယ်။ မြန်မာနိုင်ငံဥပဒေအရ အသရေဖျက်ခြင်းဟာ ၂ နှစ်အထက် ထောင်ဒဏ်ချမှတ်နိုင်တဲ့ ရာဇ၀တ်မှု ဖြစ်တယ်။

    မြန်မာဟက်ကာအဖွဲ့ဟာ လူမျိုးရေးပဋိပက္ခတွေ၊ ကချင်ပြည်နယ်အကြောင်းတွေကို ဖော်ပြနေတဲ့ မီဒီယာများအပေါ် အငြိုးတကြီး ဦးတည်လာတာကို တွေ့ရတယ်။ ၂၀၁၂ ခုနှစ် ရခိုင်ပြည်နယ်အတွင်း ရိုဟင်ဂျာမွတ်စ်လင်မ်နဲ့ ဗုဒ္ဓဘာသာဝင်များအကြား ပြဿနာမီးတောက်လောင်တဲ့အခါ ဟက်ကာအုပ်စုများကို အထူးနိုင်ငံရေးအစီအမံများအရ အချိန်နဲ့တစ်ပြေးညီ မောင်းနှင်ကိုင်တွယ်ခဲ့တယ်လို့ အစီရင်ခံစာက ဆိုပါတယ်။

    စစ်တပ်ဟာ မိမိရဲ့နိုင်ငံရေးရည်မှန်းချက် ပေါက်မြောက်စေဖို့အတွက် ဆိုက်ဘာတိုက်ခိုက်မှုအတုအယောင်များကိုလည်း ညွှန်ကြားလုပ်ဆောင်စေခဲ့ကြောင်း အစီရင်ခံစာက စွပ်စွဲထားပါတယ်။ ဥပမာအားဖြင့် ၂၀၁၂ ခုနှစ် ဒီဇင်ဘာလက Kachin Cyber Army ဆိုတဲ့အမည်ကိုသုံးပြီး ၀က်ဆိုက်တွေ ဆက်တိုက် တိုက်ခိုက်ခံခဲ့ရပြီး မြန်မာမီဒီယာတွေကို ခြောက်လှန့်ခဲ့ကြတယ်။ ဒါပေမယ့် အဲ့ဒါတွေဟာ ပဋိပက္ခ အဆင့်ဆင့်အရှိန်တက်လာရေးအတွက် အစိုးရဖက်က တည်ဆောက်ထားတဲ့ နိုင်ငံရေးအစီအမံသာဖြစ်တယ်လို့ Lundstrom ရဲ့ သုတေသနပြုချက်အရ သိရပါတယ်။

    BHG အပါအ၀င် ဟက်ကာအုပ်စုအသီးသီးရဲ့ ပဲ့ထိန်းသူဟာ သက်ဝေဖြိုး ဖြစ်ပြီး ဂတုံး ဆိုတဲ့ နာမည်တုကို အသုံးပြုနေတယ်လို့ ဖော်ထုတ်တင်ပြထားပါတယ်။ ဖေ့စ်ဘွတ်ပေါ်မှာ ရုရှားမှာနေထိုင်ပြီး ပညာသင်နေတဲ့ စစ်သားလို့ ဖော်ပြထားသလို Myanmar Times ရဲ့အဆိုအရ ပြင်ဦးလွင်စစ်တက္ကသိုလ်မှာ လေ့ကျင့်သင်တန်းပေးခံရသူလို့ သိရပါတယ်။ ဒေါ်စုကြည်ရဲ့ နိုင်ငံရေးလက်ထောက်တစ်ဦးဟာ ဗြိတိသျှသူလျှိုတစ်ဦးဖြစ်နေပါတယ်ဆိုပြီး လူသိရှင်ကြား သတင်းလွှင့်ခဲ့သူလည်းဖြစ်ပါတယ်။

    သူဟာ မြန်မာမီဒီယာတွေကို ပစ်မှတ်ထားတဲ့ ဟက်ကာအများအပြားစီမံပေးရေးမှာ ပါဝင်ပတ်သက်နေကြောင်း၊ Myanmar Anonymous စာမျက်နှာကိုလည်း ကိုင်တွယ်စီမံသူနေသူဖြစ်ကြောင်း အစီရင်ခံစာက ဆိုပါတယ်။ ဗုဒ္ဓဘာသာကာကွယ်ရေးအတွက် ဟက်ကာအဖွဲ့ဖွဲ့ဖို့ ပထမဆုံး လှုံ့ဆော်သူဖြစ်ရုံမက မွတ်စ်လင်မ်ဆန့်ကျင်ရေး တို့မီးရှို့မီးဘုန်းကြီး ၀ီရသူကို ကျယ်ကျယ်လောင်လောင် ဖော်ထုတ်ထောက်ခံထားသူလည်း ဖြစ်နေပါတယ်။

    “နည်းပညာပိုင်းမှာ အရူးအမူးဖြစ်တဲ့ မြန်မာလူမျိုးတိုင်း ထေရ၀ါဒဗုဒ္ဓဘာသာကို ကာကွယ်ဖို့ တာဝန်ရှိတယ်။ ဒါကို ပင်မစည်းမျဉ်းအဖြစ်သတ်မှတ်ဖို့ Myanmar Hacker Forum မှာ တောင်းဆိုချင်ပါတယ်” ဆိုပြီး ၂၀၁၂ ခုနှစ် မေလအတွင်း ဖိုရမ်တစ်ခုမှာ ရေးသားခဲ့ကြောင်း အစီရင်ခံစာမှာ ဖော်ပြထားပါတယ်။ မှတ်ချက်တစ်ခုတစ်လေ ရေးသားဖို့ပင်လျှင် မတုန့်ပြန်ခဲ့ပါဘူး။

    အွန်လိုင်းဟက်ကာအုပ်စုနဲ့ ဆက်နွှယ်နေသူနောက်ထပ်နှစ်ဦးကတော့ လင်းမြတ်အောင်နဲ့ မြတ်သူ တို့ဖြစ်တယ်။ DSA ရဲ့အဆက်အနွယ်များဖြစ်တယ်လို့ ဆိုပါတယ်။ BHG ရဲ့ ဖေ့စ်ဘွတ်စာမျက်နှာမှာ အဖွဲ့ဝင်တွေကို စစ်တက္ကသိုလ် တက်ရောက်ကြဖို့ လင်းမြတ်အောင်က ပွင့်ပွင့်လင်းလင်းပဲ ပို့စ်ရေးတင်တိုက်တွန်းခဲ့တယ်။ မြန်မာစစ်တပ်က တိုက်လေယာဉ်မောင်း အောင်မင်းခန့်က ဖေ့စ်ဘွတ်မှာ Hacking ပြုလုပ်နည်းလမ်းရေးတင်ပြီး ဇန်န၀ါရီလ ထိုင်းရဲတပ်ဖွဲ့ဝက်ဆိုက်တိုက်ခိုက်မှုများမှာ အဓိက ဦးဆောင်ခဲ့သူဖြစ်တယ်။ နောက်ပိုင်းမှာ မြတ်သူက BHG ကိုယ်စား ထိုင်းနိုင်ငံကို လက်တုန့်ပြန်နိုင်ခဲ့ကြောင်း၊ ခိုးယူရရှိတဲ့အချက်အလက် ၁ GB အထိ မျှဝေခဲ့ကြောင်း အစီရင်ခံစာမှာ ဖော်ပြထားပါတယ်။

    လင်းမြတ်အောင်ကို ဆက်သွယ်မေးမြန်းတဲ့အခါ BHG အဖွဲ့ဝင်တစ်ဦးကိုမှမသိဘူးလို့ ငြင်းဆိုခဲ့တယ်။

    “ဖေ့စ်ဘွတ်ပေါ်က ဟက်ကာလို့ အမည်ခံသူတွေကြားထဲ လိုက်ပြီးနောက်ပြောင်နေတာပါ။ BHG အဖွဲ့သားတွေကို လုံးဝ မသိပါဘူး။ စစ်တက္ကသိုလ်ကို အားကျပေမယ့် လုံးဝ မတက်ရောက်ဖူးပါဘူး” လို့ဆိုပါတယ်။ မြတ်သူရော အောင်မင်းခန့်ပါ မှတ်ချက်ပေးဖို့တောင်းဆိုမှုတွေအပေါ် မတုန့်ပြန်ခဲ့ကြပါဘူး။

    ပြည်ပအခြေစိုက် မြန်မာမီဒီယာတွေအနေနဲ့ ဆိုက်ဘာတိုက်ခိုက်မှုနဲ့ မစိမ်းကြပါဘူး။ ၂၀၀၇ ဒီမိုကရေစီအုံကြွမှု၊ ၂၀၁၀ နိုဝင်ဘာ အထွေထွေရွေးကောက်ပွဲ အပါအ၀င် အဓိကကျတဲ့ မြန်မာ့နိုင်ငံရေးဖြစ်စဉ်ကာလအတွင်း ဒီဗီဘီနဲ့ ဧရာဝတီသတင်းဋ္ဌာနများကို ဦးတည်စော်ကားခဲ့ကြတယ်။ အဲ့ဒိအချိန်တုန်းက မြန်မာအင်တာနက်က အကန့်အသတ်နဲ့ဖြစ်ပြီး ဈေးနှုန်းကြီးမြင့်တယ်၊ အနည်းငယ်မျှသော ISP လိုင်းတွေကိုလည်း နိုင်ငံတော်က ထိန်းချုပ်ကိုင်တွယ်ထားတယ်။ မြန်မာ့နိုင်ငံရေးမှာ အဆက်မပြတ် အထင်အရှား သြဇာလွှမ်းမိုးနေတဲ့ စစ်တပ်က တာဝန်မရှိကြောင်း အမြဲတစေ ငြင်းဆိုခဲ့ပါတယ်။

    “ဒါဟာ ဒီဗီဘီနဲ့ အချို့မီဒီယာတွေအပေါ် တိုက်ခိုက်မှုတစ်ရပ်သက်သက်လို့ ကျွန်တော်တို့ မထင်ဘူး။ သတင်းစာလွတ်လပ်ခွင့်ကို တိုက်နေတာလို့ပဲ မြင်ပါတယ်။ အစိုးရသစ်က ပိုပြီး ပွင့်လင်းမြင်သာမှုရှိလာမယ်၊ ဒီလိုအနေအထားမျိုးမှာ လွတ်လပ်သောမီဒီယာဖြစ်ရေးဖက်က ရပ်တည်မယ်လို့ ကျွန်တော်တို့ မျှော်လင့်မိပါတယ်” လို့ ဒီဗီဘီ အမှုဆောင်ဒါရိုက်တာနဲ့ အယ်ဒီတာချုပ် အေးချမ်းနိုင်က ဆိုပါတယ်။

    Ref : The Diplomat

    (၂၀၁၁ ခုနှစ်ကတည်းက မြန်မာနဲ့အရှေ့တောင်အာရှရေးရာအထူးပြုရေးသားနေသူ အလွတ်တန်း အမျိုးသမီး ဂျာနယ်လစ် Hanna Hindstrom ရဲ့ Is Myanmar’s Military Behind Shadowy Cyber Attacks? ဆောင်းပါးကို မြင့်မိုရ်မောင်မောင်က ဆီလျော်အောင် ပြန်ဆိုရေးသားခြင်းဖြစ်ပါတယ်။)

  • ပြည်မြန်မာသံဃာအရေး ရတက်မအေး

    ပြည်မြန်မာသံဃာအရေး ရတက်မအေး

    ဖေဖော်ဝါရီ ၂၆၊ ၂၀၁၆
    M-Media

    sanga 1
    မြန်မာဗုဒ္ဓဘာသာဝင်အမျိုးသားရေးဝါဒီအုပ်စု မဘသအဖွဲ့မှ ထောင်နှင့်ချီသော သံဃာများ၏စုစည်းမှုကို ၂၀၁၅ အောက်တိုဘာ ၄ ရက် ရန်ကုန်မြို့ သုဝဏ္ဏအားကစားရုံးတွင်း၌ တွေ့ရစဉ် (ဓာတ်ပုံ – ဖြိုးမောင်မောင်၊ AFP)

    – နှုတ်သရမ်းသည်ဟု ကျော်ကြားနေသော အမျိုးသားရေးဝါဒီဘုန်းကြီးက NLD အစိုးရအဖွဲ့အား ၎င်းတို့၏ အခရာအကျဆုံးပြန်လည်ပြုပြင်ရေးကိစ္စတစ်ရပ်နှင့်ပတ်သက်၍ ပုတ်ခတ်သတိပေးချက်တစ်ရပ်ကို ထုတ်ပြန်ခဲ့သည်။

    ပြည်ထောင်စုလွှတ်တော်သစ် မကျင်းပမီ ရက်အနည်းငယ်အလိုတွင် အစွန်းရောက်အမျိုးသားရေးဝါဒီ ဘုန်းတော်ကြီးဖြစ်သော ဦးဝီရသူက မကြာမီတက်ရောက်လာတော့မည့် အမျိုးသားဒီမိုကရေစီအဖွဲ့ချုပ်၏ အစိုးရသစ်သို့ တင်းမာသောလေသံဖြင့် သတိပေးချက်တစ်ရပ် ထုတ်ပြန်လိုက်သည်။

    ၂၀၁၂ ခုနှစ် ရခိုင်ပြည်နယ်တွင် ဗုဒ္ဓဘာသာဝင်အမျိုးသမီးတစ်ဦးကို မွတ်စ်လင်မ်အမျိုးသားတို့မှ မုဒိန်းကျင့်သတ်ဖြတ်သည့်အကြောင်း ရိုက်ကူးထားသော ဗီဒီယိုအား သူ၏ ဖေ့စ်ဘွတ်စာမျက်နှာပေါ် တင်ခဲ့သည်။ ယင်းဖြစ်ရပ်သည် ရခိုင်ပြည်နယ်တစ်ခွင် လူမျိုးရေးသွေးချောင်းစီးမှု ပဋိပက္ခကို မောင်းဖြုတ်ပေးခဲ့သည်။ ၎င်းနောက် အလားတူဖြစ်စဉ်များက မိတ္ထီလာ၊ မန္တလေးနှင့် လာရှိုးမြို့များ၌ ဆင့်ကဲပေါ်ပေါက်ခဲ့သည်။

    “အမှောင်ဖုံးလွှမ်းသော နေ့ရက်” အမည်ရှိ ယင်းဗီဒီယိုအပိုင်းမှာ ကာလရှည်အချိန်ယူရိုက်ကူးထားသောဗီဒီယို၏ အမြည်းသဘောမျှသာဖြစ်ပြီး၊ NLD အစိုးရ တာဝန်ယူမည့် ဧပြီလ ၁ ရက်နောက်ပိုင်းမှ ထုတ်ဝေဖြန့်ချိမည်၊ အမျိုးဘာသာသနာကာကွယ်ရေးသာ ထိပ်တန်းဦးစားပေးအဆင့်ဖြစ်ကြောင်း NLD အစိုးရအား ပြသရန် ထုတ်လုပ်ခြင်းဖြစ်သည်၊ သူ၏ဗီဒီယိုကလစ်မှာ ဖေ့စ်ဘွတ်ပေါ်တွင် ခေတ္တမျှသာ တင်ခွင့်ရလိုက်သော်လည်း ဗီဒီယိုအပြည့်အစုံဖြန့်ချိရေးကြိုးပမ်းမှုကို လက်လျှော့လိမ့်မည် မဟုတ်ဟု ဦးဝီရသူက သူ၏ဖေ့စ်ဘွတ်စာမျက်နှာမှ ဆိုသည်။

    ဖေဖော်ဝါရီ ၁ ရက်နှောင်းပိုင်းက အဆိုပါဗီဒီယိုကလစ်သည် လူ့အသိုင်းအ၀ိုင်းစံနှုန်းများကို ချိုးဖောက်နေခြင်းကြောင့် ဖေ့စ်ဘွတ်က ဖယ်ရှားခဲ့သည်။ ယင်းကဲ့သို့ စနစ်တကျ အချိန်ကိုက်ထုတ်လွှင့်မှုမှာ NLD အစိုးရမှ ရင်ဆိုင်ရမည့် စိန်ခေါ်မှုများအနက် ထိလွယ်ရှလွယ်အဖြစ်ဆုံးအရာအား မီးမောင်းထိုးပြလိုက်ခြင်းပင်။ ၎င်းကား ဘာသာရေးဆိုင်ရာ စီမံကွပ်ကဲမှုကိစ္စပင်တည်း။

    ဘာသာရေးဆိုင်ရာ ခွဲခြားချိုးနှိမ်မှုနှင့် အငြိုးထားမှုများအပေါ် ပိုမိုတွန်းအားပေးရှုတ်ချပြောဆိုခြင်း မရှိသည်ကို ဝေဖန်ရမည့်အစား ဗုဒ္ဓဘာသာဝင် အမျိုးသားရေးဝါဒီတို့က NLD မှ မျိုးစောင့်ဥပဒေလေးရပ်အား ဆန့်ကျင်သည့်အတွက် ဒေါ်အောင်ဆန်းစုကြည်ကို အမနာပ ပြောဆိုသမုတ်လျက်ရှိသည်။ ယင်းဥပဒေများကို နေရာဖယ်ရတော့မည့် အစိုးရဟောင်းက အတည်ပြုပြဋ္ဌာန်းခဲ့ခြင်းဖြစ်သည်။

    NLD အစိုးရမှ ဤအရေးကို ကိုင်တွယ်မည်ဆိုပါက သာသနာရေးဝန်ကြီးလက်အောက်ရှိ မြန်မာနိုင်ငံ သံဃာလောကကို ကိုယ်စားပြုနေသည့် နိုင်ငံတော် မဟာသံဃာ့နာယက၏အခန်းကဏ္ဍကိုပါ ထည့်တွက်ရပေမည်။

    ယင်းကော်မတီ၌ အဖွဲ့ဝင် ၄၇ ဦးရှိပြီး၊ မြန်မာနိုင်ငံရှိ ဗုဒ္ဓဘာသာဂိုဏ်း ၉ ခုမှ ကိုယ်စားလှယ်များ ပါဝင်နေသည်။ မြန်မာနိုင်ငံသံဃာလောကအား အခိုင်အမာထိန်းချုပ်နိုင်ရန်အတွက် ထိုအဖွဲ့ကို ၁၉၈၀ ခုနှစ်တွင် စစ်အစိုးရက တည်ထောင်ဖွဲ့စည်းပေးခဲ့သည်။

    ၂၀၀၃-၂၀၀၄ ခုနှစ်တိုင်အောင် ၎င်းကော်မတီသည် အထိုက်အလျောက် သြဇာကြီးမားခဲ့သော်လည်း ဒေါ်အောင်ဆန်းစုကြည်အား ထောက်ခံရေး၊ မထောက်ခံရေးနှင့်ပတ်သက်၍ အငြင်းပွား အုပ်စုကွဲလာတော့သည်။ နိုင်ငံရေးနားလည်သည့် သံဃာများ တိုးပွားလာသည်နှင့်အမျှ ယင်းကော်မတီအား ၀န်ကြီးဋ္ဌာန၏စွက်ဖက်ထိန်းချုပ်မှု ပိုမိုကြီးမားလာခဲ့သည်။ ယင်းအဖွဲ့၏သြဇာအာဏာလည်း ကျဆင်းသွားရသည်။

    ဦးဆောင်သူအဖြစ် ဦးဝီရသူ ပါဝင်နေသော မွစ်လင်မ်ဆန့်ကျင်ရေး ၉၆၉ လှုပ်ရှားမှုများအပေါ် ကော်မတီ၏ နှုတ်ဆိတ်နေခြင်းနှင့်ပတ်သက်၍ ထင်ရှားသော သံဃာတော်အချို့မှ စိတ်ပျက်လက်ပျက် ဖြစ်နေခဲ့ကြကုန်၏။

    “၉၆၉ အဖွဲ့လှုပ်ရှားမှုတွေကြောင့် ဖြစ်ရတဲ့ ပဋိပက္ခတွေထဲ မဟာသံဃာ့နာယကကော်မတီက ကြားဝင်ဖျန်ဖြေဖို့ မည်သည့်ကြိုးပမ်းမှုကိုမျှ မပြုလုပ်ခဲ့ကြဘူး။ လူ့အဖွဲ့အစည်းတွေအကြား မတည်မငြိမ်ဖြစ်အောင် ဆွပေးတဲ့ လက်သည်တရားခံကို သူတို့ သိထားပြီးဖြစ်လို့ ဘာဆိုဘာမှ မလုပ်ဆောင်ခဲ့ကြခြင်းဖြစ်တယ်။ ၉၆၉ လှုပ်ရှားမှုတွေထဲ ပါဝင်ပတ်သက်နေတဲ့ သံဃာတွေက အခုဆိုရင် တစ်ကျော့ပြန် ခေါင်းထောင်လာပြန်ပြီ။ နောက်အစိုးရသစ်က ဒါကို ကိုင်တွယ်နိုင်လိမ့်မယ်လို့ မျှော်လင့်ပါတယ်” ဟူ၍ ဘ၀အလင်းဆရာတော်ဟု ကျော်ကြားသော ဦးသောဘိတက မိန့်ကြားသည်။

    sanga 2
    ၂၀၁၅ စက်တင်ဘာ ၁၄ ရက် ရန်ကုန်မြို့ ဘုန်းကြီးကျောင်းတစ်ခု၏ မဘသအခမ်းအနား၌ ခင်းကျင်းပြသထားသော ကမ္ဘာတစ်ဝှန်းမွတ်စ်လင်မ်တို့၏အကြမ်းဖက်ရုပ်ပုံကားချပ်များကို မယ်သီလရင်များမှ စိတ်ဝင်တစား ကြည့်ရှုနေကြစဉ် (ဓာတ်ပုံ – ဖြိုးမောင်မောင်၊ AFP)

    အစိုးရသစ်တက်လာပြီးနောက် လူမျိုးရေးဘာသာရေးမတည်ငြိမ်မှုများ ထပ်မံဖြစ်လာမည်ကို စိုးရိမ်နေသည့် ဦးသောဘိတက ကော်မတီအား ဆုံးဖြတ်ဆောင်ရွက်ခွင့်အာဏာ ပိုမိုပေးသင့်ကြောင်း အကြံပြုထား၏။ စစ်တပ်အရာရှိဟောင်းများအနေနှင့် ဘာသာသာသနာရေးရာအား ၀င်ရောက်ထိန်းချုပ်ကိုင်တွယ်ရန် မအပ်စပ်သည့်အပေါ် “သာသနာရေးဝန်ကြီးဋ္ဌာနတစ်ခုလုံးကိုလည်း ပြုပြင်ပြောင်းလဲမှု ပြုလုပ်ဖို့ လိုအပ်ပါတယ်” ဟု မိန့်ဆိုပါသည်။

    ၎င်းဆရာတော်အတိုင်း သောကဖြစ်နေသည့် နောက်ထပ်ရဟန်းတစ်ပါးဖြစ်သူ စာရေးဆရာဆောင်းပါးရှင် အရှင်မိုးသု (ဦးခေမာနန္ဒ)က ဥပဒေချိုးဖောက်သော သံဃာများကိုလည်း ဥပဒေနှင့်အညီ အရေးယူသင့်ကြောင်း Frontier သို့ မိန့်ကြားသည်။

    “လွန်ခဲ့တဲ့ ၂ နှစ် ၃ နှစ်ကတည်းက အဲ့ဒီသံဃာတွေကို ပါတီကြီးတစ်ခုနဲ့ သြဇာရှင်တစ်ချို့က အကာအကွယ်ပြု ကျားကန်ပေးခဲ့ကြတယ်။ တရားဥပဒေစိုးမိုးမှုဟာလည်း သူတို့အောက်မှာ ပြားပြားဝပ်ခဲ့ရတယ်”။

    အစိုးရသစ်လက်ထက်တွင် လူမျိုးရေးဘာသာရေးဆိုင်ရာ မငြိမ်သက်မှု ထပ်မံဖြစ်ပွားလာနိုင်ချေရှိကြောင်း သတိပေးလိုသောအားဖြင့် ရန်ကုန်မြို့ ကမ္ဘာအေးဘုရား၌ တည်ရှိနေသည့် ကော်မတီ၏ ဖွဲ့စည်းပုံကို ပြောင်းလဲပြင်ဆင်သင့်သည်ဟူ၍ အရှင်မိုးသုက သွယ်ဝိုက်ညွှန်းဆိုလိုက်ပါသည်။

    “ကမ္ဘာအေးဘုရားပရ၀ုဏ်ထဲကနေ မကောင်းတဲ့သူအချို့ကို အစိုးရသစ်အနေနဲ့ ဖယ်ထုတ်ပစ်ဖို့ လိုအပ်ပါမယ်”။

    သဟဇာတလူ့အဖွဲ့အစည်းများဖြစ်စေရေးကြိုးပမ်းမှု တစ်စိတ်တစ်ဒေသအရ နိုင်ငံတော်မဟာသံဃာ့နာယက ကော်မတီအား ပြောင်းလဲပြင်ဆင်မှုပြုလုပ်မည်ဆိုလျှင် NLD အဖို့ သာသနာရေးဝန်ကြီး ရွေးချယ်ရေး၌ အတန်ပင် သတိထားရပေမည်။

    ပါတီအတွင်းပိုင်းသတင်းအရ ထိုနေရာတွင် သာသနာရေးဒုဝန်ကြီး သူရဦးအောင်ကိုအား ခန့်အပ်ဖွယ်ရှိကြောင်း သိရသည်။ ဒေါ်အောင်ဆန်းစုကြည်အား ထောက်ခံအားပေးသူအဖြစ် လူသိများသော သူရဦးအောင်ကိုသည် မကြာသေးမီက ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ နှုတ်ထွက်ခဲ့ပြီး ဖြစ်သည်။

    “သူရဦးအောင်ကို ၀န်ကြီး ဖြစ်လာရင် အင်မတန်ကောင်းမွန်ပါလိမ့်မယ်။ ဘာကြောင့်လဲဆိုတော့ သူဟာ လေးစားကြည်ညိုဖွယ်ရာ အရည်အချင်းရှိတဲ့ ဒုဝန်ကြီးတစ်ဦးဖြစ်နေလို့ပါ” ဟု ဦးသောဘိတက ဆိုသည်။

    သာသနာရေးဝန်ကြီးဋ္ဌာနလက်အောက်တွင် ဋ္ဌာနခွဲ ၂ ခုရှိ၏။ သာသနာရေးရာစီမံဋ္ဌာနနှင့် သာသနာစည်ပင်ပြန့်ပွားရေးဋ္ဌာနတို့ဖြစ်သည်။ သို့သော်လည်း ထိုဋ္ဌာနနှစ်ခုစလုံးမှာ ဗုဒ္ဓဘာသာအတွက်သာ သီးသန့် အကျိုးဆောင်လျက်ရှိသည်။

    “သာသနာရေးဝန်ကြီးဋ္ဌာနဟာ ဗုဒ္ဓဘာသာတစ်ခုတည်းအတွက် မဖြစ်သင့်ပါဘူး။ ဘာသာတရားအားလုံးအတွက် ထည့်သွင်းအကျိုးဆောင်သင့်ပါတယ်။ အဲ့ဒီဝန်ကြီးဋ္ဌာနကို ဖျက်သိမ်းလိုက်တာက အကောင်းဆုံးဖြစ်မယ်လို့ ထင်ပါတယ်။ ဒါပေမယ့် တကယ်လို့ ဆက်လက်ထားရှိမယ်ဆိုရင် ဘာသာတရားအသီးသီးအတွက် ဆိုင်ရာဋ္ဌာနခွဲတွေ ထားရှိပြီး အသိပညာပြည့်ဝတဲ့သူတွေကို ခန့်အပ်ထားရှိသင့်တယ်။ ဒီဋ္ဌာနရဲ့ဝန်ထမ်း အားလုံးနီးပါးက စစ်တပ်က လာတဲ့သူတွေချည်းဖြစ်နေတယ်။ ဘာသာရေးဆိုင်ရာကိစ္စတွေကို များများစားစား သိနားလည်သူတွေ မဟုတ်ကြပါဘူး” ဟု ရန်ကုန်မြို့ အစ္စလာမ်ဓမ္မဗိမာန်၏ ဦးဆောင်ဆော်သြရေးမှူး အလ်ဟဂ်ျ ဦးအေးလွင်က ဆိုသည်။

    NLD ပါတီ၏ ဥပဒေအကြံပေး ဦးကိုနီကလည်း ဒေါ်အောင်ဆန်းစုကြည်သည် နောက်ထပ်ဖြစ်လာနိုင်ချေရှိသော စိုးရိမ်ဖွယ် လူမျိုးရေးဘာသာရေးဆိုင်ရာ မတည်ငြိမ်မှုများအပေါ် သတိမပြတ်ကြောင်း ပြောကြားသည်။

    “သူမကတော့ စွမ်းသလောက် ပြုလုပ်ဆောင်ရွက်သွားမှာပါ”။

    လူထုနှင့် သံဃာများနှင့်ပတ်သက်သော ဒီမိုကရေစီတန်ဖိုးများနှင့်စပ်လျဉ်းပြီး ဦးသောဘိတက ဤသို့ မိန့်မှတ်ခဲ့ပေသည်။

    “လူထုကတော့ ဒီမိုကရေစီရသွားပါပြီ။ သံဃာတွေကတော့ မရသေးဘူး”။
    Ref : Frontier Myanmar
    Mratt Kyaw Thu’s “The State of the Sangha”
    Translated by Myintmoh Maung Maung

  • အစ္စလာမ်ဟာ တကယ်ပဲ အကြမ်းဖက်ဝါဒကို အားပေးသလား။

    အစ္စလာမ်ဟာ တကယ်ပဲ အကြမ်းဖက်ဝါဒကို အားပေးသလား။

    ဖေဖော်ဝါရီ ၂၄၊ ၂၀၁၆
    M-Media

    – IS နဲ့ ဘိုကိုဟရမ်တို့လို အစွန်းရောက်အဖွဲ့တွေ ပေါ်ထွက်လာမှုနဲ့အတူ ‘အစ္စလာမ်’ ‘မွတ်စလင်’ စတဲ့ အကြောင်းအရာတွေနဲ့ပတ်သက်ပြီး ကမ္ဘာကြီးမှာ သိသိသာသာ ကွဲလွဲမှုတွေ ရှိလာပါတယ်။ အစ္စလာမ်ကြောက်ရောဂါကလည်း မြင့်တက်လာခဲ့ပြီး ဒေါ်နယ်ထရမ့်ရဲ့ သမ္မတလောင်းအဖြစ် ယှဉ်ပြိုင်မှုမှာ တွေ့မြင်ရသလို အဲဒီကြောက်စိတ်က လမ်းပေါ်မှာ မွတ်စလင်တွေကို တိုက်ခိုက်တာတွေအထိ ဖြစ်လာခဲ့ပါတယ်။

    ဂျာမနီနဲ့ ယူကေမှာ PEGIDA၊ သြစတေးလျမှာ UPF လို အဖွဲ့တွေက မွတ်စလင်ဒုက္ခသည်တွေအပေါ် ဆန့်ကျင်ဆန္ဒပြတာတွေလို အအခြားနေရာတွေမှာလည်း ဒီလိုတင်းမာမှုတွေ မြင့်တက်လာခဲ့ပါတယ်။ မွတ်စလင် လူ့အဖွဲ့အစည်းအတွင်းမှာ အစွန်းရောက်ဝါဒ ရှိနေတယ်ဆိုတာကို ငြင်းလို့မရသလို၊ အခြားတစ်ဖက်မှာလည်း အဲဒီ အစွန်းရောက်ဝါဒဒဏ် အခံရဆုံး သားကောင်တွေကလည်း မွတ်စလင်တွေပဲ ဖြစ်နေတယ်ဆိုတာကိုလည်း ကွင်းကွက်ကွင်းကွင်း မြင်နေရပါတယ်။

    အကြမ်းဖက်သမားအားလုံးက မွတ်စလင်တွေလား။

    “မွတ်စလင်အားလုံးဟာ အကြမ်းဖက်သမားတွေ မဟုတ်ပေမယ့်၊ အကြမ်းဖက်သမား အားလုံးကတော့ မွတ်စလင်တွေပါပဲ” ဆိုတဲ့ ပြောစကားဟာ ဒီနေ့ခေတ်အခါမှာ မကြားချင်ဆုံးသော စကားရပ် ဖြစ်နေပါတယ်။ ဒီစကားဟာ ဘယ်လောက် မှန်ပါသလဲ။

    – အကြမ်းဖက်ဝါဒနဲ့ပတ်သက်ပြီး FBI ရဲ့ လေ့လာမှုအရ ၁၉၈၀ ခုနှစ်ကနေ ၂၀၀၅ ခုနှစ်အတွင်း ဖြစ်ပွားခဲ့တဲ့ အကြမ်းဖက်တိုက်ခိုက်မှုတွေထဲမှာ ၆ ရာခိုင်နှုန်းသာ အစ္စလာမ့်မစ်အဖွဲ့အစည်းတွေ ကျူးလွန်ခဲ့တယ်ဆိုတာ တွေ့ခဲ့ရပါတယ်။ လာတီနိုတွေက အကြမ်းဖက်မှုအားလုံးရဲ့ ၄၂ ရာခိုင်နှုန်း၊ လယ်ဝဲစွန်းရောက်အဖွဲ့တွေက ၂၄ ရာခိုင်နှုန်း၊ ဂျူးအစွန်းရောက်အဖွဲ့တွေက ၇ ရာခိုင်နှုန်း ကျူးလွန်ခဲ့တယ်လို့ FBI ရဲ့ လေ့လာမှုက ဖော်ပြနေပါတယ်။

    – အကြမ်းဖက်ဝါဒ လေ့လာမှုနဲ့ အကြမ်းဖက်မှုတုံ့ပြန်ရေး နိုင်ငံတော်အဆင့်အဖွဲ့အစည်း START ကတော့ ၁၉၇၀ နဲ့ ၂၀၁၂ ခုနှစ်အတွင်း အမေရိကန်မြေပေါ်မှာ ဖြစ်ပွားခဲ့တဲ့ အကြမ်းဖက်တိုက်ခိုက်မှုတွေရဲ့ ၂.၅ ရာခိုင်နှုန်းနီးပါးသာ မွတ်စလင်တွေကျူးလွန်လွန်ခဲ့တာလို့ ထုတ်ပြန်ခဲ့ပါတယ်။

    – ၉/၁၁ ဖြစ်ရပ်နောက်ပိုင်း ဖြစ်ပွားခဲ့ပြီး အမေရိကန် ၃၀၀ ကျော်လောက် သေဆုံးခဲ့တဲ့ နိုင်ငံရေးအကြမ်းဖက်မှုနဲ့ အစုလိုက်အပြုံလိုက် သတ်ဖြတ်မှုမှာ အမေရိကန်မွတ်စလင်တွေ ပြုလုပ်ခဲ့တဲ့ တိုက်ခိုက်မှုကြောင့် သေဆုံးမှုဟာ ၃၃ ဦးသာ ရှိခဲ့တယ်လို့ အကြမ်းဖက်ဝါဒနဲ့ ပြည်တွင်းလုံခြုံရေးတြိဂံစင်တာ ( Triangle Center on Terrorism and Homeland Security) က ထုတ်ပြန်တဲ့ စာရင်းအရ သိရပါတယ်။ Wired အဖွဲ့ကလည်း ၉/၁၁ နောက်ပိုင်းမှာ မွတ်စလင်တွေ ကျူးလွန်တဲ့ အကြမ်းဖက်တိုက်ခိုက်မှုကြောင့် သေဆုံးသူဟာ ၃၃ ဦးသာရှိပြီး အကြမ်းဖက်မှုနဲ့ မသက်ဆိုင်တဲ့ အဖြစ်အပျက်တွေကြောင့် သေဆုံးသူ အမေရိကန်အရေအတွက်ဟာ ၁၈၀၀၀၀၀ လောက်ရှိတယ်လို့ ဆိုပါတယ်။

    – ၂၀၀၉ ခုနှစ်ကနေ ၂၀၁၃ ခုနှစ်အတွင်း ဥရောပမှာဖြစ်ပွားတဲ့ အကြမ်းဖက်တိုက်ခိုက်မှုတွေရဲ့ ၂ ရာခိုင်နှုန်းအောက်ကသာ ဘာသာရေးနွယ်တဲ့ တိုက်ခိုက်မှုတွေ ဖြစ်ပါတယ်။

    အကြမ်းဖက်ဝါဒကို အစ္စလာမ်က တစ်ကယ်ပဲ အားပေးနေသလား။

    အစ္စလာမ်ရဲ့ တကယ့်စည်းမျဉ်းစည်းကမ်းတွေနဲ့ အစ္စလာမ်အမည်ခံထားတဲ့ အကြမ်းဖက်အဖွဲ့အစည်းတွေရဲ့ ဆောင်ရွက်မှုတွေအကြား ကွဲလွဲမှုတွေ အများကြီး ရှိနေပါတယ်။ ဘာသာရေးဝေဖန်သူတွေက ခင်ဗျားတို့ကို ယုံကြည်အောင်လုပ်ထားသလို၊ မွတ်စလင်လူများစုကြီးကတော့ အကြမ်းဖက်အယူအဆတွေကို လက်ခံခြင်း မရှိကြပါဘူး။

    လေ့လာဆန်းစစ်သူအများစုက ၀ါဟာဘီဝါဒ ပေါ်ပေါက်လာခြင်းဟာ မွတ်စလင်လူ့အဖွဲ့အစည်းမှာ ဘာသာရေးအစွန်းရောက်ဝါဒကို မြင့်တက်လာစေတယ်လို့ ထောက်ပြကြပါတယ်။ ဒါပေမယ့် အဲဒီဝါဒကို မွတ်စလင်တွေက စိတ်ဝင်စားမှုမရှိဘဲ လက်တောင် မခံကြပါဘူး။

    နောက်အချက်တစ်ခုက အကြမ်းဖက်သမား အများစုဟာ အစ္စလာမ်သာသနာကို လက်တွေ့ကျင့်သုံးခြင်းမရှိတဲ့၊ အစ္စလာမ့်အကြောင်း မသိသလောက်ဖြစ်တဲ့ မွတ်စလင်တွေ ဖြစ်နေတာပါပဲ။ (ဥပမာအားဖြင့် ပဲရစ်တိုက်ခိုက်မှုကို စီစဉ်တဲ့ အဘ်ဒဲလ်ဟာမစ် အာဘာအွဒ် လို လူမျိုးပါ။) အကြမ်းဖက်အုပ်စုတွေက လူသစ်စုဆောင်းတဲ့ အနောက်တိုင်းသားတွေကတော့ အစ္စလာမ်နဲ့ ပတ်သက်ပြီး အင်တာနက်ကနေတစ်ဆင့်သာ သိတာမို့ အစွန်းရောက် အယူအဆတွေ ၀င်ရောက်ဖို့ လွယ်ကူသူတွေ ဖြစ်ပါတယ်။

    မိသားစု၊ တိုင်းပြည်နဲ့ ဘာသာရေး ဂုဏ်သိက္ခဆိုတဲ့ ခေါင်းစဉ်နဲ့ အကြမ်းဖက်တွေရဲ့ သိမ်းသွင်းခံရတဲ့ အာရပ်တွေလည်း ဒုနဲ့ဒေးပါပဲ။ တစ်ချို့ကျတော့ အမေရိကန်ရဲ့ ဒရုန်းလေယာဉ်နဲ့ တိုက်ခိုက်မှုကြောင့် သေဆုံးသွားခဲ့ရတဲ့ မိသားစုဝင်တွေအတွက် လက်စားချေချင်တာကြောင့် အစွန်းရောက်အဖွဲ့အစည်းတွေထဲကို ၀င်ရောက်တာတွေလည်း ရှိနေပါတယ်။

    Guardian သတင်းစာမှာ Le Monde ဆိုတဲ့ ခေါင်းစဉ်နဲ့ ပါဝင်ခဲ့ဖူးတဲ့ ဆောင်းပါးမှာတော့ ဆီးရီးယားက ပြင်သစ် ဂျီဟတ်ပါဒီတွေရဲ့ နောက်ခံအသိုင်းအ၀ိုင်းဟာ မွတ်စလင်အသိုင်းအ၀ိုင်း မဟုတ်ဘူးဆိုတာကို ဖော်ပြထားပါတယ်။ အစွန်းရောက်အဖွဲ့တွေနဲ့ လူငယ်တွေ သွားပေါင်းရခြင်းနဲ့ပတ်သက်လို့ နောက်ထပ် လူမသိတဲ့ အချက်တစ်ခုကတော့ အစ္စလာမ်ကြောက်ရောဂါ မြင့်တက်လာမှုနဲ့ ဘာသာရေး၊ လူမျိုးရေး အခြေခံ ခွဲခြားမှုတွေကြောင့်ပဲ ဖြစ်ပါတယ်။

    အကြမ်းဖက်ဝါဒနောက်ကွယ်မှ အခြားအကြောင်းအရင်းများ

    အခုတစ်လော ဆီးရီးယား၊ အီရတ်၊ လစ်ဗျားနဲ့ အခြားနိုင်ငံတွေမှာ IS အဖွဲ့ကြောင့် အကြမ်းဖက်တိုက်ခိုက်မှုတွေ မြင့်တက်လာတာကို ကမ္ဘာကြီးက တွေ့မြင်နေကြရပါတယ်။ IS က သိမ်းပိုက်ထားတဲ့ ဒေသတွေမှာ မတည်ငြိမ်မှုကတော့ ၂၀၀၂ ခုနှစ် အမေရိကန်က အီရတ်ကို ကျူးကျော်တိုက်ခိုက်စဉ်ကတည်းက စတင်လာတာပါ။ ကမ္ဘာတစ်ဝှမ်းက သန်းပေါင်းများစွာသောပြည်သူတွေဟာ အီရတ်စစ်ပွဲကို ဆန့်ကျင်ဆန္ဒပြခဲ့ကြပါတယ်။ ဒါပေမယ့် အမေရိကန်ရဲ့ ကျူးကျော်မှုကိုတော့ တားဆီးနိုင်ခြင်းမရှိခဲ့ဘဲ၊ အာဏာရှင်စနစ်ကို ဖြုတ်ချမယ်ဆိုတဲ့ အမေရိကန်ရဲ့ ကျွေးကြော်မှုနဲ့လည်း ပြဒါးတစ်လမ်း သံတစ်လမ်း ဖြစ်နေပါတယ်။ ဒီစစ်ပွဲရဲ့ အကြောင်းအရင်းကတော့ ရေနံဖြစ်ပါတယ်။ စီအိုင်အေဟာ အဲဒီအချိန်တုန်းက အလ်ကိုင်းဒါးတို့လို အကြမ်းဖက်အဖွဲ့တွေကိုတောင် ထောက်ပံ့ပေးခဲ့တယ်လို့ သတင်းတွေလည်း ထွက်ခဲ့
    ပါတယ်။

    ရုရှားက RT သတင်းဌာနနဲ့ အင်တာဗျူးမှာ ၀ီကီလီခ် အယ်ဒီတာချုပ် ဂျူလီယန် အာဆန်ဂီက ဆီးရီးယားမှာ ၂၀၀၆ ခုနှစ်ကတည်း စခဲ့တဲ့ မတည်ငြိမ်မှုကို အမေရိကန်က စီစဉ်ဖန်တီးခဲ့တာဖြစ်ပြီး အီရန်ရဲ့ သြဇာလွှမ်းမိုးမှု မြင့်တက်လာတာတို တိုက်ဖျက်ဖို့အတွက် အာဆတ်အစိုးရ ပြုတ်ကျရေး ရည်ရွယ်ခဲ့တာလို့ ပြောကြားခဲ့ပါတယ်။

    နောက်ပြီး ဒီအစီအစဉ်ရဲ့ အဓိက အရေးအကြီးဆုံးအစိတ်အပိုင်းဟာ ရှီယိုက်နဲ့ စွန်နီတို့အကြား တင်းမာမှုတွေကို ဖြစ်စေဖို့ဖြစ်တယ်လို့ အာဆန်ဂီက ထည့်သွင်းပြောကြားခဲ့ပြီး အစ္စရေးအပါအ၀င် ဒေသတွင်းက အမေရိကန်ရဲ့ မဟာမိတ်တစ်နိုင်ငံချင်းစီကလည်း ဒီကိစ္စမှာ သူတို့ရဲ့ တစ်ကိုယ်ရည် ရည်ရွယ်ချက်အတွက် လက်ထည့်ခဲ့ကြတယ်လို့ ဆိုပါတယ်။

    “ဆီးရီးယားပြဿနာရဲ့ အစိတ်အပိုင်းက အမေရိကန်ရဲ့ မဟာမိတ်တွေ ပတ်လည်ဝိုင်းနေတာ၊ အထူးသဖြင့် ဆော်ဒီနဲ့ ကာတာတို့က လက်နက်တွေထောက်ပံ့နေတာပဲ ဖြစ်ပါတယ်။ တူရကီကလည်း သိပ်အရေးပါတဲ့ကဏ္ဍက ပါဝင်နေတယ်။ သူတို့အားလုံးဟာ ဒေသတွင်းမှာ သူတို့ရဲ့ တစ်ကိုယ်ကောင်းရည်ရွယ်ချက်တွေ ရှိနေပါတယ်။ အစ္စရေးကတော့ ပြောစရာကိုမလိုပါဘူး။ (ဆီးရီးယားပိုင်) ဂိုလန်တောင်ကုန်းကို ထာဝရ သိမ်းပိုက်ဖို့ အခွင့်ရေးရလာတယ်။ ပြီးတော့ နယ်မြေထပ်ချဲ့ဖို့ပါက ဂျကာ ရလာပါတယ်။ ဒါကြောင့် ဆီးရီးယားပတ်ဝန်းကျင်မှာ ရသလောင်ဝင်ဆွဲဖို့ စောင့်နေတဲ့သူတွေ များကြီး ရှိနေပါတယ်”

    ဒါဟာ ဆီးရီးယားပြဿနာနဲ့ပတ်သက်ပြီး အာဆန်ဂီရဲ့ မှတ်ချက်ဖြစ်ပါတယ်။

    Independent သတင်းစာရဲ့ နိုင်ငံရေး လေ့လာဆန်းစစ်သူဖြစ်တဲ့ ဒန် ဂလေ့ဇ်ဘရွက်ကတော့ အမေရိကန် ဒါမှမဟုတ် ယူကေလို အမေရိကန်ရဲ့ မဟာမိတ်တွေဟာ အစွန်းရောက်ဝါဒကို တိုက်ဖျက်ရေး ဘယ်တော့မှ ကိုယ်ဖိရင်ဖိ လုပ်မှမဟုတ်ဘူးလို့ အခိုင်အမာ ပြောကြားခဲ့ပါတယ်။ အကြောင်းကတော့ အဲဒီနိုင်ငံတွေကိုယ်တိုက်က သူပုန်အဖွဲ့တွေကို ထောက်ပံ့ပေးနေလို့ဖြစ်တယ်လို့ ဆိုပါတယ်။

    နိဂုံးချုပ်

    အကြမ်းဖက်ဝါဒဟာ ပုံစံမျိုးစုံနဲ့ ပေါ်ထွက်လာတဲ့ ဒီလိုအချိန်မျိုးမှာ ဘာသာရေးအစွန်းရောက်မှုကို တန်ပြန်တိုက်ဖျက်ဖို့ ထိရောက်တဲ့ မဟာဗျူဟာတွေကို အတူတကွချမှတ်ရင်း အဲဒီအစွန်းရောက်မှု ဖြစ်စေတဲ့ အခြေခံအကြောင်းအရင်းကို တိုက်ဖျက်ဖို့ လိုအပ်လာပါတယ်။ ကမ္ဘာတစ်ဝှမ်းက ပြည်သူတွေဟာ အစ္စလာမ်ကြောက် ၀ါဒဖြန့်မှုတွေရဲ့ အကွက်ထဲကို ၀င်မသွားဖို့အတွက် မျက်လုံးတွေဖွင့်ထားဖို့ လိုပါတယ်။ မွတ်စလင်လူ့အဖွဲ့အစည်းကလည်း မိမိကိုယ်တိုင်နဲ့ မိမိတို့ သားသမီးတွေရဲ နှလုံးသားထဲမှာ အစ္စလာမ်ရဲ့ စစ်မှန်တဲ့ သွန်သင်မှုတွေကို အမှန်တကယ် နှလုံးပိုက် ကျင့်သုံးနိုင်ဖို့ လိုအပ်လျက်ရှိကြောင်းပါ။

    Ref: Huffingtonpost

    (Huffingtonpost မှ Is Islam Really The Religion Of Violence? Here Are The Facts ဆောင်းပါးကို လေးေ
    မာင်က ဆီလျော်အောင် ဘာသာပြန်ဆိုသည်။)